ရခိုင်ကိုချန်ခဲ့မှာလား ..........
တရုတ်မြန်မာ စီးပွါးရေးစင်္ကြန်ပွင့်တာနဲ့ အခြေအနေတွေဟာ ပိတ်ဆို့ထားတဲ့ရေပိုက်ခေါင်းကိုဖွင့်ချလိုက်သလို ဝေါကနဲ အဆင်ပြေသွားမှာပါပဲ ။ အဲ့ဒီလိုဖြစ်လောက်ပါရဲ့လို့လည်း ကိုယ်ယုံကြည်ချင်ပါတယ် ။ ဖြစ်ပါစေလို့လည်း ဆုတောင်းပါတယ် ။ ကုန်သွယ်စစ်ကြောင့် တရုတ်အနေနဲ့ CMEC ကိုဖွင့်ဖို့အရေးတကြီးဖြစ်လာလို့ အခုလိုတွေကြိုးပမ်းနေတာလို့ယူဆရပါတယ် ။
တရုတ်မြန်မာကုန်သွယ်လမ်းကြောင်းပွင့်တာနဲ့ မြန်မာပြည်ညာဖက်အခြမ်းတစ်ခြမ်းလုံး ရှမ်းပြည်နယ်အပါအဝင် အဆင်ပြေသွားမှာပါ ။ ကုန်ဈေးနှုန်းတွေကျမယ် ၊ ဆေးဝါး နှင့်အခြားအသုံးအဆောင်ပစ္စည်းတွေ တင်သွင်းခွင့်ရလို့ ဈေးနှုန်းကျပြီးပေါလာမယ် ။ စီးပွါးရေးတွေကောင်းမယ် ။ ညာဖက်တစ်ခြမ်းလုံးမှမဟုတ်ပါဘူး ၊ တစ်နိုင်ငံလုံးအသက်ရှူချောင်ပါလိမ့်မယ် ။
တစ်ခုပဲ ..... အဲ့ဒိအထဲ ရခိုင်ပါမှာလားဆိုတဲ့မေးခွန်း ။ ရခိုင်ကို အစိုးရက ဖြတ်လေးဖြတ်လုပ်ထားပါတယ် ။ အစိုးရအာဏာစက်လည်း ရခိုင်မယ်အရမ်းနည်းပါတယ် ။ AA ရဲ့ဩဇာဟာ ရခိုင်မှာကြီးနေပါတယ် ။ အခုက AA သည်စစ်ကို ဆက်တိုက်နေဆဲဖြစ်သလို ၊ ဆက်ပြီးလည်းတိုက်နေဦးမှာပါပဲ ။
အကိုကြီးဌေးအောင်ပြောတာတစ်ခု သဘောကျတယ် ။ AA ကစစ်ကိုတိုက်နေတာမဟုတ်ဘူး ၊ စစ်က AA ကိုတိုက်ခိုင်းနေတာ ။ AA ကစစ်ကိုမတိုက်ပဲကိုမနေရတော့တဲ့အထိဖြစ်သွားတာ ။ စစ်ကိုရပ်လို့မရတော့ဘူး ။
အခုက ဘင်္ဂလားစစ်တပ်ကနေ CIA အကူအညီနဲ့ AA , CNF တို့ကိုထောက်ပံ့မယ်ဖြစ်နေတယ် ။ AA လည်ပင်းညှစ်ခံရတယ် ၊ ဒီအထောက်အပံ့ကိုမယူလို့လည်းမရဘူး ။ ယူလိုက်လျင်လည်း စစ်ဆက်တိုက်ရမယ် ။
အခုက တရုတ်ကလည်း CMEC စချင်လွန်းလို့သည်းမခံနိုင်ဖြစ်ပြီဆိုတော့ ၊ AA ဘာလုပ်မလည်း ။ အကြီးကြီး ကြားညပ်ခံရပြီ ။ KIA , AA , CNF , PDF တို့ဘာဆက်လုပ်မတုန်းဆိုတော့ စစ်ဆက်တိုက်ဖို့ပဲရှိတယ် ။ မတိုက်လို့လည်းမရဘူး ။
အဓိကက စစ်ဆက်တိုက်လျင် ရခိုင်ပြည်နယ်က နောက်ပိုင်းအေးချမ်းလာတော့မယ့် မြန်မာနိုင်ငံနှင့် အလှမ်းဝေးသည်ထက်ဝေးပြီး ကျန်ခဲ့လိမ့်မယ် ။ စစ်ဆက်တိုက်နေလျင် ဒေသခံတွေ ရခိုင်ပြည်နယ်ထဲမှာနည်းသည်ထက်နည်းလာလိမ့်မယ် ။
တရုတ်သာ CMEC ကိုဖွင့်နိုင်ခဲ့လျင် ထိုင်းမြန်မာကုန်သွယ်ရေး အာရှလမ်းကြီးလည်းပြန်ဖွင့်ရလိမ့်မယ် ။ ဒီနှစ်လမ်းပွင့်သွားလျင်မြန်မာပြည်အသက်ရှူချောင်ပြီ ။ ကျန်တာတွေကအေးဆေးဖြေရှင်းရုံပဲ ။
ဒါပေမယ့် အဲ့ဒီအထဲမှာ ရခိုင်မပါပဲကျန်ခဲ့လိမ့်မယ် ။
စစ်တွေမြို့ရှိတဲ့ ရခိုင်ပြည်နယ်ကို စစ်တွေဖြစ်နေတဲ့ကြားမှာထားခဲ့ရတော့မယ်ထင်တယ် ။
ရခိုင်ပြည်နယ်က တော်တော်နှင့်လည်းငြိမ်းချမ်းဦးမယ့်ပုံမပေါ်ဘူး ။ ပြီးတော့ ပိုပြီးရှုပ်ထွေးလာလိမ့်ဦးမယ် ။ CMEC ရဲ့ အဆုံးသတ်ဖြစ်တဲ့ရခိုင်ဟာ အင်အားကြီးတွေကြားမှာ စိစိညက်ညက်အချေခံရလိမ့်ဦးမယ်ထင်ပါရဲ့ ။
အဲ့ဒါကြောင့်မေးခွန်းမေးကြည့်တာပါ ။
ရခိုင်ကိုထားခဲ့မှာလား လို့ပေါ့ ။
ထားခဲ့တယ်မဟုတ်တောင် မလိုက်နေသေးလျင် ခဏနေဦးပေါ့ ။
နောက်မှ တွဲခေါ်ကြတာပေါ့ ။
ဒီလိုပဲပြောကတော့မှာပေါ့ ။
နော့် ..........
မေတ္တာဖြင့်ယှဉ်လျက်
#XENON
