“ዛሬ ለምን ከፋሽ? ከፍቅረኛሽ ጋር ተጣልተሻል እንዴ?” ብሎ ጠየቃት።
እሷም በንዴት መለሰች፦ “እሺህ ጊዜ ፍቅረኛ እንደሌለኝ ነግሬሃለሁ”
እሱም እሳቀ፦“እና ለማን ነው በስልክሽ እንዲህ ተመስጠሽ የምትጽፊው?”
ልጅቷም ዓይን አይኑን እያየች፦“ለአንድ ደደብ ሰውዬ ነው የምጽፈው?” ብላ መሰለችለት።
ጠያቂው ወንድ በመገረም፦“ምን ማለትሽ ነው?”
ልጅቷ፦“እንደምወደው አያውቅም። ፍንጭ ለመስጠት ብዙ ሞከርኩ ግን ሊገባው አልቻለም። ለዚህ ነው ደደብ እንደሆነ የደመደምኩት!።”
ጠያቂው፦“እንዳንቺ አይነት ሴት እምቢ የሚል ወንድ ጤነኛ አይመስለኝም።”
ልጅቷም ተስፋ በመቁረጥ ውስጥ ሆና፦ “ደደብ ነው ባክህ” ትለዋለች።
ጠያቂው ወንድም የልጅቷን ስልክ ተቀብሎ፦ “በዚህ አጋጣሚ እዚህ ብትሆን ኖሮ ምንኛ ደስ ባለኝ። ምንአልባት ትረዳኝ ነበር።” የሚል ቴክስት ጻፈና “ለተፈቃሪው ሰው ነው” ከተመቸሽ ላኪለት አላት። ልጅቷም ስልኩን ተቀብላ ከአይኑ እይታ እስከምትሰወር እርቃ ሄደች።
ትንሽ ቆይቶ የጠያቂው ወንድ ስልክ ላይ ሚሴጅ ገበና አነበበው፦ “ምን አለ እዚህ ብትኖር..” አልጨረሰውም ይልቅ ለራሱ እንዲህ አለ፦ “ምን አይነት ደደብ ነች መልዕክቱን ለእሱ ልካለሁ ብላ ለእኔ እኮ ነው የላከችው” 😕
አንድ ወታደር ከፍቅረኛው መልእክት ይደርሰዋል። እናም በመልእክቱ ውስጥ የሚከተለው ተጽፎ ይገኛል፦“የኔ ውድ አልቤርቶ ከዚህ በኋላ በዚህ ግንኙነት ውስጥ መቀጠል አልችልም፡፡ በመካከላችን ያለው እርቀት በጣም ሰፊ ነው። እናም ከሄድክ በኋላ ሁለቴ ማግጬብሃለሁ። ማመን አለብኝ ግን አይገባህም ብዬ አስባለሁ። ይቅርታ እባክህ የላኩልህን ፎቶ መልሰ ላክልኝ ሶፊያ ✍”
ይህንን ያነበበው ወታደር የድሮ ፍቅረኞችሁን፣ እህቶቻቸውን፣ የአክስት ልጆች ወዘተ ፎቶ እንዲሰጡት ሁሉንም እስፖርቶቹን ጠየቀ። ከሶፊያ ፎቶ በተጨማሪ ከጓደኞቹ የሰበሰበውን ያንን ሁሉ ፎቶ አንድ ላይ በማድረግ በፖስታ ውስጥ 57 ፎቶዎች ከተተና በፖስታው ላይ እንዲህ ብሎ ጻፈ፦“ወሪት ሶፊያ ይቅርታ አድርግሊኝ ማን እንደሆንሽ ግን ማስታወስ አልቻልኩም። እባክሽ ካላስቸገርኩሽ አሁን ከላኩልሽ ፎቶዎች ውስጥ አንቺ የትኛዋ እንደሆንሽ ለይተሽ አውጠተሽ ላኪልኝ። አመሰግናለሁ” ✍🏽🫡
አዲስ የተጋቡ ጥንዶች የበፊት መኖሪያቸውን ይለቁና ሌላ ሰፈር ተከራይተው መኖር ይጀምራሉ ። አዲሱ ቤታቸው በገቡ ማግስት ጠዋት ላይ ቁጭ ብለው ቁርሳቸውን በመብላት ላይ ሳሉ ፡ ሚስትየው በመስኮቱ መስታወት በኩል ውጪውን ስትመለከት ፡ አንዲት የጎረቤት ሴት ልብስ አጥባ ስታሰጣ አየች ።
ከዚያም ፊቷን ቅጭም አድርጋ ወደ ባሏ ዞረችና "ውዴ ! ልጅቷ ልብስ ማጠቡን አልቻለችበትም መሠለኝ ምንም ሳይፀዳ እስከ ቆሻሻው ነው ያሰጣችው!" አለችው ። ባሏ ግን ምንም አልመለሰላትም ፤ ፈገግ ብሎ ብቻ በዝምታ አለፈ ።
የጎረቤቷ ልጅ ሁሌ ዘውትር ጠዋት ጠዋት እየተነሳች የቤተሰቦቿን ቤት ታፀዳና ልብስ አጥባ ታሰጣለች ። አዲሶቹ ሙሽሮችም ለቁርስ በተቀመጡበት ቦታ ሆነው በመስኮታቸው መስታወት በኩል ይህን የዘውትር የጎረቤታቸውን ስራን ያያሉ ። ሚስትየውም ሁሌም "ያሰጣችው ልብስ ዛሬም አልፀዳም !" የሚለውን ትችቷን ለባሏ ትነግረዋለች ።
ባልየውም የምፀት ፈገግታ ፈገግ እያለ በዝምታ ያልፋታል ። አዲሱ ቤታቸው በገቡ በወራቸው ጠዋት ላይ እንደተለመደው ቁርሳቸውን ሲበሉ ፡ ሚስትየው በመደነቅና በመደሰት ወደ ባሏ ዞራ "ውዴ ተመልከትማ ! ጎረቤታችን ዛሬ ጎብዛለች ። ልብስ የማጠብ ልምድ አካበተች መሠለኝ ዛሬ ልብሶቹን ፅድት አድርጋ ነው አጥባ ያሰጣችው!" አለችው በደስታ እየተፍለቀለቀች ።
ዛሬ ግን ባልየው ዝም አላለም ። የምፀት ፈገግታውን እያሳያት "ዛሬኮ በለሊት ተነስቼ የቤታችንን መስኮት መስታወቶችን አፀዳሁት !" አላት! ለካ እስከዛሬ ሚስትየው በጎረቤቷ ላይ የምታቀርበው ትችት ልክ አልነበረም ።
በእውነትም ጎረቤቷ የምታሰጣው ልብስ ያልፀዳ ሆኖ ሳይሆን ፡ ሚስትየው አሻግራ የምታይበት የመስኮታቸው መስታወት ያልፀዳ በመሆኑ ነበር ልብሱን ቆሻሻ አስመስሎ ያሳያት ።
እና ምን ለማለት ነው፦ ሌሎች ሰዎችን ስናይ ፡ የምናየው ነገር ፡ በምናይበት መነፅር ንፁህነት ይወሰናል እንደማለት ነው...ስለ ሌሎች ሰዎች የባህሪም ሆነ የተግባር መቆሸሽ ከማውራታችን በፊት ፡ ያንን ነገር ያየንበት የእይታ መነፅራችን ንፁህ መሆኑን እናረጋግጥ!
በጣም ዘግናኝ ነገር ማለት አንድ ቤተሰብ ውስጥ አባት ሲሞት ሐዘኑ ሳያንስ "አባቴ አባቴ" እያለ መቸና የት እንደተወለደ የማይታወቅ ግድንግድ ልጅ ከች ማለቱ....!
ያኔ ሚስቶችን አለማየት ነው..! አስከሬኑንን ሁሉ በጀበና ቢፈነክቱት ደስታቸው) ብዙ ወንዶች ድብቅ ናቸው!
በኋላ ነው ጣጣቸው እየተጎተተ የሚመጣው...!
እና ሰውየው ጨዋ ነበሩኮ....
(ሰባት ዓመት ተጠናንተው ሁሉ የታጋቡ)
በሠፈሩ "ትዳርማ እንደሳቸው" የተባለላቸው...
የሁለት ልጆች አባት! ከሥራ ቤት ከቤት ሥራ
"ምነው ልጅ ጨመር ብታደርጉ ሀብት አላነሳችሁ"
ሲባሉ
"ምንድነው ልጅ ማብዛት ያሉትን በወጉ ማሳደግ ነው ዋናው " የሚሉ!
እና ድንገት ሞቱ ...
ልክ የቀብሩ ቀን ሶስት እግዜር ዲኤንኤ ውጤታቸውን በመልካቸው የፃፈባቸው ፣ ቁርጥ ሟቹን የመሰሉ ጠረንገሎ ጎረምሶች አባቴ አባቴ እያሉ ተግተልትለው አልመጡም...!?
ሚስትም ልጆችም ሐዘኑን እረስተው በድንጋጤ ታዛቢ ሆኑ
"ይሄ ሁሉ ልጅ" እያሉ...
ወዲያው አስከሬን ሊወጣ ሲል አዲሶቹ ልጆች
"አሁን አይቀበርም አህህህህ" ብለው እያለቀሱ እየተናፈጡ ምናምን ከለከሉ ..!
ለምን ይባላሉ...
"አራት እህቶቻችን ከኋላ እየመጡ ነው እንጠብቃቸው"
ያ ዝናህ አመድ የተለቀለቀ ቀን ግን የገዘፍክበት አለም ይገዝፍብሀል ይሄን አትርሳ የአንተን ስም እና ዝና ሊያጨቀዩ የሚነሱትን ሁሉ ገና ከሩቅ አነፍንፈህ እወቃቸው እናም ቀድመህ ስማቸውን አጠልሸው እንዳይሸጡ እንዳይለወጡ አድርገህ ልቀቃቸው
ሰይጣንም ብትሆን ለክፉ ቀን እንዲጠቅምህ የደግነት የመሀሪነት የአዋቂነት የትህትናን ዝና ተግተህ ገንባ
“ዕድሜሽ ስንት ነዉ አልኳት ?” ያላሰበችዉ ድንገተኛ ጥያቄ ዓይንዋን ሰብራ መሬት መሬት ዓየች።
ለጠቅላላ እዉቀት ነበር አጠያየቄ...
ግንባርዋ ሰላሳዎቹን እንደተሻገረ ያሳብቃል ከሂጃብዋ ሾልከዉ የወጡ አንዳንድ የፀጉር ዘለላዎች በትንሹ ሽበት ጀምሮዋቸዋል።
ዉብ ናት እኮ! ልብዋ አፍላ ወጣት ነዉ ሳትሰስት ታፈቅራለች ለዛ ነዉ ሚጥላት የበዛዉ...
ያን ትልቅ ዓይንዋን ቀና አድርጋዉ ከሀሳብ ከሄደችበት ተመልሳ “ ገምት እስኪ
“ አለቺኝ እኔም ማወቄን ለመደበቅ “እእ…”አልኩኝና “ ሀያዎቹ መጨረሻ አካባቢ አንደደረስኩበት ነገር እጄን እያወዛወዝኩ “
“ ሰላሳ አንድ ዓመቴ ነዉ” አለቺኝ እጆችዋን እያሻሸች ከእድሜዋ በላይ የእጅዋ ዉበት ወስዶኛል መልስ ሳልሰጣት ቆየዉ “
ምነዉ?”
ስትለኝ ከሀሳቤ ነቃሁና “ ዉይ ምን አላት ታድያ ገና እኮ ነሽ አልኳት“
“ ተዉ እንጂ “
“ የምር ስንት ፈጣሪ የፃፈልሽ ግን ያልገለጥሽዉ ኖረሽ ምታልፊዉ የሕይወት ገፅ አለ ብቻ አንቺ ተስፋ ሰንቂ” አልኩኝ።
ነገሩ ፍቅር አነቃቂ አይደለም አስደናቂ ነገሮች ያናግር የለ...
እንደዉም ዕድሜዋንም አፈቀርኩት !
31 ቁጥር ባስ
31 ቁጥር ጫማ
31 ቁጥር ሱሪ በቃ
31 ቁጥር ምንም ሆነ ይበቃኛል...
አለ አይደል ሰዉ ነግሬዉ አለሰማ ሲል “31 ጊዜ ነገርኩህ አይደል !” ሚያስብል ሁሉንም ያስገኘ ሁሉም ያሳጣ ፍቅር ።
ሂትለር የአንደኛ ደረጃ ትምህርት ቤት መምህር ነው። ሰይጣን ሰፈር መጠጥ የማይጠጣና የማይሰክር ሰው በመብራት ፈልጎ ማግኘት ባይቻልም፤ ሂትለር ግን ወደር የማይገኝለት ጠጥቶ ንቅንቅ የማይል ጠጥቶ በቃኝ የማያውቅ ሽንቁር ገንቦ በመሆኑ ነው።
✅ ሚስቱ አንድ ልጁን ቡቾን አስታቅፋው ከሄደች ወዲህ ደግሞ - ብዙ ይጠጣል። እቤት ሲገባ ዋነኛ ተግባሩም ቡቾን ማሰቃየት ነው። በቀበቶ ይተለትለዋል፤
ቁልቁል አንጠልጥሎ በበርበሬ ያጥነዋል፤ እጅና እግሩን አስሮ ያሳድረዋል። ይሄን ሁሉ የሚያደርገው ሚስቱን ለመበቀል ነው።
አንድ በግ 45 ብር? ምን አይነት ክፉ ጊዜ ላይ ነው የደረስነው!🤭"
አያቴ በ1965 ዓ.ም ዲያሪው ላይ ካሰፈረው የተወሰደ
