❓Иш ҳақидан сабабсиз ушлаб қолиниши мумкинми?
@Huquqshunos_xizmati: 182-савол
❓Ассалому алайкум. Мен давлат мактабида бошланғич синф ўқитувчиси бўлиб ишлайман. Менинг иш юкламам ҳафтасига 24 соатни ташкил этади. Ўзбекистон Республикаси Президентининг қарорига кўра, бошланғич синфларда шанба кунлари дарслар ўтказилмайди. Февраль ойидан бошлаб мактаб маъмурияти ходимларни хабардор қилмасдан иш ҳақидан шанба кунлари учун маълум бир суммани ушлаб қолган. Бу қанчалик қонуний? Раҳмат.
🔝 ҲУҚУҚШУНОС ЖАВОБИ:
🔗Меҳнат кодексининг
269-моддаси Иш ҳақидан ушлаб қолишни чеклаш ҳақида.
📃Унга кўра:
➡️Умумий қоидага кўра ходимнинг ёзма розилиги билан, ходимнинг розилиги бўлмаган тақдирда эса ушбу модданинг иккинчи қисмига мувофиқ иш ҳақидан ушлаб қолиниши мумкин.
📑Қуйидаги ҳолларда, ходимнинг ёзма розилигидан қатъи назар, иш ҳақидан ушлаб қолиш амалга оширилади:
➡️солиқлар ва йиғимларни ундириш учун;
➡️«Суд ҳужжатлари ва бошқа органлар ҳужжатларини ижро этиш тўғрисида»ги Ўзбекистон Республикаси Қонунида белгиланган суд қарорларини ва бошқа ижро ҳужжатларини ижро этиш учун, шунингдек ваколатли органларнинг қонуний талабларини бажариш учун;
➡️иш ҳақи ҳисобига берилган бўнакни ушлаб қолиш учун, бошқа жойдаги ишга кўчиб ўтганлиги муносабати билан хўжалик эҳтиёжларига, хизмат сафарларига берилган, сарфланмаган ва ўз вақтида қайтарилмаган бўнакни ушлаб қолиш учун ҳамда ҳисоб-китобдаги хатолар оқибатида ортиқча тўланган суммаларни қайтариб олиш учун. Бундай ҳолларда иш берувчи бўнакни қайтариш, қарздорликни тўлаш учун белгиланган муддат тамом бўлган кундан ёки тўлов нотўғри ҳисоблаб чиқарилган кундан эътиборан бир ойдан кечиктирмай ушлаб қолиш ҳақида буйруқ чиқаришга ҳақли. Агар бу муддат ўтиб кетган бўлса ёки ходим бўнакни тўлаш учун ушлаб қолиш асосларига ёхуд миқдорига эътироз билдираётган бўлса, қарзни тўлаш суд тартибида амалга оширилади;
➡️ходим томонидан иш берувчига етказилган зарарнинг ўрнини қоплаш учун, агар етказилган зарарнинг миқдори ходимнинг ўртача ойлик иш ҳақидан ошмаса;
➡️ушбу Кодекс 312-моддаси биринчи қисмининг 2-бандида назарда тутилган жаримани ундириш учун;
➡️ходим қайси иш йили ҳисобига таътил олиб бўлган бўлса, ўша йил тугагунига қадар меҳнат шартномаси бекор қилинганда таътилнинг ишлаб берилмаган кунлари учун.
👛Ходимга ортиқча тўланган иш ҳақи (шу жумладан меҳнат тўғрисидаги қонунчилик ёки меҳнат ҳақидаги бошқа ҳуқуқий ҳужжатлар нотўғри қўлланилганда) ундан ундирилиши мумкин эмас, бундан қуйидаги ҳоллар мустасно:
➡️ҳисоблашдаги хатолик;
➡️агар якка тартибдаги меҳнат низоларини кўриб чиқувчи орган томонидан ходимнинг меҳнат нормаларини бажармаганликдаги айби эътироф этилган бўлса;
➡️ходимнинг суд томонидан белгиланган ғайриқонуний ҳаракатлари (ҳаракатсизлиги) сабабли ходимга ортиқча иш ҳақи тўланган бўлса.
➡️Ўзбекистон Республикасининг Солиқ кодексига мувофиқ солиқ солинмайдиган тўловлардан ушлаб қолишлар амалга оширилиши мумкин эмас.
📝Меҳнат кодексининг 269-моддасида кўрсатиб ўтилган асосларга кўра, сизни ойлик иш ҳаққиздан ушлаб қолиши мумкин.
✅Сизнинг ҳолатингизда иш берувчи иш ҳақиздан ушлаб қолиши нотўғри ҳисобланади.Агар ушлаб қолаётган бўлса, Адлия бўлимига ёки прокуратурага ариза беришиз керак улар ҳолатни ўрганиб чиқиб сизга амалий ёрдам беради
🔝 Савол юбориш учун:
@Huquqshunos_xizmati_bot
@Huquqshunos_xizmati_bot
🔝 Каналга уланиш учун:
@Huquqshunos_xizmati
@Huquqshunos_xizmati
