⛳️ Jizzax shahar 79 ta (batafsil)
⛳️ Arnasoy tumani 319 ta (batafsil)
⛳️ Baxmal tumani 646 ta (batafsil)
⛳️ G‘allaorol tumani 435 ta (batafsil)
⛳️ Sh.Rashidov tumani 59 ta (batafsil)
⛳️ Do‘stlik tumani 163 ta (batafsil)
⛳️ Zomin tumani 992 ta (batafsil)
⛳️ Zarbdor tumani 362 ta (batafsil)
⛳️ Mirzacho‘l tumani 710 ta (batafsil)
⛳️ Zafarobod tumani 523 ta (batafsil)
⛳️ Paxtakor tumani 240 ta (batafsil)
⛳️ Forish tumani 218 ta (batafsil)
⛳️ Yangiobod tumani 466 ta (batafsil)

Respublikamizda axborot texnologiyalar sohasini yanada rivojlantirish, aholi hayot darajasi va farovonligining barqaror o‘sishi uchun zarur shart-sharoitlarni yaratishga alohida e’tibor qaratilmoqda. Mana shunday o‘zgarishlarni amalga oshirish va oldinga qo‘yilgan marralarga erishish uchun soha xodimlarining mehnati va o‘rni beqiyosdir. Jumladan Jizzax viloyatida ham bugungi kunda 1,5 mingdan ziyod xodimlar axborot-kommunikatsiya texnologiyalari sohasida faoliyat yuritib kelmoqda.

O‘zbekiston Respublikasi Prezidentining 2023-yil 24-maydagi “Ma’muriy islohotlar doirasida raqamli texnologiyalar sohasida davlat boshqaruvini samarali tashkil etish chora-tadbirlari to‘g‘risida”gi PF-76-son Farmoni 8-bandiga asosan Raqamli texnologiyalar vazirligi va keng jamoatchilikning 7-may sanasini O‘zbekiston Respublikasi axborot-kommunikatsiya texnologiyalari sohasi xodimlari kuni deb e’lon qilish to‘g‘risidagi taklifi ma’qullangan.

Ushbu sana munosabati bilan joriy yining 6-may sanasida Jizzax shahridagi “Jizzax Cyber arena” majmuasida tantanali bayram tadbiri tashkil etildi.
Tadbirda Raqamli texnologiyalar vazirining birinchi o‘rinbosari Olimjon Umarov, Jizzax viloyati hokimi o‘rinbosari Akmal Savurbayev, viloyatda faoliyat olib borayotgan soha korxonalari rahbarlari va xodimlari hamda sohada uzoq yillar mehnat qilib hozirda nafaqada bo‘lgan faxriylar ishtirok etdi.

Shuningdek tadbir davomida Jizzax viloyatida axborot-kommunikatsiya texnologiyalari sohasining yuksalishi hamda ravnaqi yo‘lida xizmat qilayotgan, sohaning rivojlanishiga o‘zlarining salmoqli hissalarini qo‘shib kelayotgan bir guruh xodimlar hamda sohada uzoq yillar samarali mehnat qilib nafaqada bo‘lgan faxriylar Jizzax viloyati hokimining faxriy yorliqlari hamda esdalik sovg‘alar bilan taqdirlandi.

O‘zbekiston Respublikasi Prezidentining 2025 yil 14 martdagi PQ-103-sonli "Oila va xotin-qizlarni qo‘llab-quvvatlash tizimini yanada takomillashtirish chora-tadbirlari to‘g‘risida"gi qaroriga asosan Savdo-sanoat palatasi Jizzax viloyat boshqarmasi huzurida Tadbirkor ayollar kengashi ekspert guruhlari tashkil etildi. Kuni kecha 6 may kuni mazkur Kengash ekspertlar guruhining birinchi yig‘ilishi bo‘lib o‘tdi.

Jizzax shahrida Xotira va qadrlash kuniga bag‘ishlangan tantanali tadbir bo‘lib o‘tdi.

Ushbu muhim sana munosabati bilan tashkil etilgan marosimda viloyat hokimi vazifasini bajaruvchi Ulug‘bek Mustafoyev hamda keng jamoatchilik vakillari ishtirok etishdi.

Tadbir davomida motamsaro Ona haykali poyiga gulchambarlar qo‘yildi. Ishtirokchilar Ikkinchi jahon urushi qatnashchilari va mehnat faxriylarini hurmat bilan yodga olib, ularning mardligi va jasoratini ehtirom bilan tilga olishdi. Shuningdek, huquqni muhofaza qiluvchi organlar xodimlari ham yodgorlik poyiga gullar qo‘yib, vatanparvarlik an’analariga sadoqat namunasini ko‘rsatishdi.

Bu kun — xalqimiz tarixidagi eng mashaqqatli, ammo sharafli sahifalarni eslash, mardlik va fidoyilik timsoli bo‘lgan avlodlar xotirasiga hurmat bajo keltiriladigan muqaddas sanadir.

Tadbir davomida yoshlar va nuroniylar o‘rtasida vatanparvarlik ruhini yuksaltirishga qaratilgan suhbatlar o‘tkazildi.

Shu bilan birga, 2-jahon urushida qatnashgan va ularga tenglashtirilgan vakillar holidan xabar olindi.

Jumladan, Jizzax viloyati hokimi vazifasini bajaruvchi Ulug'bek Mustafoyev Zomin tumani "Duoba" mahallasi Yettikechuv qishlog'ida istiqomat qiluvchi 2-jahon urushi ishtirokchisi Xolbek Ravshanov xonadoniga borib, holidan xabar oldi hamda Davlatimiz rahbari tomonidan yuborilgan pul mukofoti va sovg'alarni tantanali tarzda topshirdi.

Shuningdek, viloyat Ichki ishlar boshqarmasi boshlig'i G'ayrat Qodirov tomonidan Sharof Rashidov tumani "Qo'shko'prik" mahallasida yashovchi Mamasharif Sodiqovga hamda  viloyat prokurori Baxtiyor Ibrohimov tomonidan Jizzax shahar "Zilol" mahallasida yashovchi Vera Tolpeyevalarning ham xolidan xabar olinib,  sovg'alar topshirildi.

Bu sana – xalqimizning mard o‘g‘lonlari tomonidan ko‘rsatilgan fidoyilik, jasorat va sabr-toqatning unutilmas ramzidir. Biz barchamiz bugungi tinch va osoyishta hayot uchun minnatdormiz.

Viloyat sport boshqarmasi, O‘zbekiston boks federatsiyasi Jizzax viloyat bo‘limi, O‘Z.NNTMA Jizzax viloyat hududiy bo‘limi hamda Jizzax shahar “Vatan” sport klubi bilan hamkorlikda o‘tkazilgan ushbu musobaqada mamlakatimiz sportchilaridan tashqari qo‘shni respublikalardan ham tashrif buyurgan yuzdan ziyod charm qo‘lqop ustalari jami 15 ta vazn toifasi bo‘yicha g‘oliblik uchun kurashdi.

Bellashuvlar davomida deyarli barcha vazn toifalarida jizzaxlik yosh bokschilarning qolgan raqiblariga qaraganda ancha kuchli va faol ekanliklari sezilib turdi.

Yakuniy natijalarga ko‘ra, 2009–2010 yillarda tug‘ilgan kichik o‘smirlar o‘rtasida jizzaxlik Ismoil Axmadjonov (46 kg), O‘tkirbek Norqosimov (48 kg), Kamronbek Ravshanov (50 kg), Boburjon Kuzibayev (52 kg), Shamshod Ergashev (63 kg), Javohir Ashirboyev (66 kg), Shoxrux Elbekov (75 kg) hamda Shoxrux Narziqulov (+80 kg) o‘z vazn toifalarida g‘oliblikni qo‘lga kiritdi.

2007–2008 yillarda tug‘ilgan o‘smirlar o‘rtasida esa viloyatimiz sharafini Xudoyqulov Diyorbek (54 kg), Lazizziyo G‘anijonov (57 kg), Og‘abek Umarqulov (60 kg), Abdumalik Suyarqulov (63,3 kg) hamda Mahmudjon Meliyev (92 kg) munosib himoya qilgan holda yakunda chempion bo‘lishdi.

Turnir davomida Jaxon kubogi sohibi, xalqaro toifadagi sportchi Lazizbek Zokirov, Jaxon chempionati finalchisi, halqaro toifadagi sportchi Oybek Jo‘rayev hamda xalqaro toifadagi bokschilar aka-singil Jahongir va Aziza Zokirovalar ishtirokida yoshlar bilan davra suxbati va maxorat saboqlari o‘tkazildi.

Musobaqa g‘olib va sovridorlari tashkilotchilar tomonidan medal, diplom va esdalik sovg‘alari bilan taqdirlandi.

Jizzax shahrida Xotira va qadrlash kunini munosib kutib olish, o‘tganlarning xotirasini e’zozlash hamda yosh avlod ongida vatanparvarlik, tarixga hurmat tuyg‘usini mustahkamlash maqsadida shahar hududidagi qabristonlarda keng qamrovli obodonlashtirish ishlari olib borildi.

Tadbirlar doirasida shaharning turli nuqtalarda joylashgan bir necha yirik va mahalliy qabristonlar tartibga keltirildi. Jumladan, qabr-toshlar atrofi tozalandi, eski yozuvlar qayta tiklandi, qabristonlar atrofiga yangi gullar ekilib, hudud bo‘ylab ko‘kalamzorlashtirish ishlari amalga oshirildi. Yo‘laklarga shag‘al yotqizildi, ogohlantiruvchi va yo‘naltiruvchi ko‘rsatkichlar o‘rnatildi.

Bu ishlarga mahalliy hokimiyat idoralari, mahalla faollari, "Nuroniy", "Mahalla", "Yoshlar ittifoqi" kabi jamoat tashkilotlari hamda faol ko‘ngilli fuqarolar jalb etildi.

Mazkur tadbirlar nafaqat hududlarni obod qilish, balki aholida, ayniqsa, yoshlar orasida milliy qadriyatlar, o‘tmishga hurmat, vatanga sadoqat va fidoyilarga minnatdorlik tuyg‘usini mustahkamlashga xizmat qilmoqda.

Jizzaxliklar uchun Xotira va qadrlash kuni yuraklarda muqim joy olgan muqaddas sana hisoblanadi.

Bu kun nafaqat tarixga bo‘lgan hurmat, balki millat xotirasini saqlash, fidokorona xizmat ko‘rsatgan avlodlarga bo‘lgan chuqur ehtirom va minnatdorlikning amaldagi ifodasidir.

Ayni paytda shaharda Xotira va qadrlash kuni munosabati bilan turli madaniy-ma’rifiy tadbirlar, yodgorliklarga gul qo‘yish marosimlari, keksa avlod va urush qatnashchilari bilan uchrashuvlar ham o‘tkazilishi rejalashtirilgan.

Anjumanda AQSH, Kanada va Avstriyadan Pol, Bonni, Ali Fuad va Sara kabi amaliy tilshunoslik sohasida jahonga mashhur olimlar FLTAL ning plenar ma’ruzachilari bo‘lishdi.

Mazkur xalqaro konferensiya xorijiy tillarni o‘qitish metodikasi va amaliy tilshunoslik sohasidagi so‘nggi ilmiy izlanishlar, innovatsion yondashuvlar, tajriba almashinuvi hamda akademik hamkorlikni mustahkamlashga xizmat qiladi.

Har yili mamlakatimizda 9-may kuni "Xotira va qadrlash kuni" sifatida keng nishonlanadi. Bu sana yurtimiz ozodligi, tinchligi va ravnaqi yo‘lida fidokorona xizmat qilgan, urush maydonida va front ortida mashaqqatli mehnat qilgan insonlarga bo‘lgan hurmat va ehtiromni ifodalaydi.

Joriy yilda ham ushbu sana munosabati bilan Zomin tumanida bir qator ezgu tadbirlar tashkil etildi. Xususan, Zomin tumani hokimi Alisher Abdugʻaniyev mas’ullar hamrohligida tumandagi Ikkinchi jahon urushi yillari davrida front ortida mehnat qilgan faxriylar holidan xabar oldi. Ular bilan samimiy suhbatlashib, Oʻzbekiston Respublikasi Prezidentining bayram munosabati bilan yuborgan esdalik sovgʻalarini tantanali tarzda topshirdi.

Hozirda Zomin tumanida 32 nafar urush yillari front ortida xizmat qilgan faxriylar istiqomat qiladi. Ushbu onaxon va otaxonlarga Prezidentimizning bayram tuhfalari alohida e’tibor va ehtirom bilan yetkazilmoqda. Buning uchun tumandagi sektor rahbarlari, mahalla faollari va yoshlar birlashmalari faol ishtirok etmoqda.

Tashriflar davomida faxriylarning yashash sharoitlari o‘rganilib, ularning ehtiyojlari, sog‘ligi va ijtimoiy holati bo‘yicha zarur choralar belgilanmoqda. Bu orqali yurtimizda inson qadri, ayniqsa, tarix oldida ulkan jasorat ko‘rsatgan avlod vakillariga bo‘lgan munosabat yana bir bor namoyon bo‘lmoqda.

Bu kabi tadbirlar yoshlarda tarixga hurmat, faxriylar hayot yo‘lidan ibrat olish, milliy qadriyatlarimizni asrash va ularni kelajak avlodga yetkazish borasida katta tarbiyaviy ahamiyatga ega.

Zominlik faxriylar ushbu e’tibor va g‘amxo‘rlikdan mamnun ekanliklarini izhor qilib, Prezidentimizga va butun xalqimizga chuqur minnatdorlik bildirdilar.

40 yillik tajribaga ega chorvador Azizbek Yo‘ldoshev ham o‘z tadbirkorligini Sharof Rashidov tumanida rivojlantirib kelmoqda. Hozirgi kunda Ravot tog‘lari bag‘ri va uning etaklaridagi yaylovlarda 10 bosh qoramol va 300 dan ortiq mayda shoxli qo‘y hamda echkilar boqilmoqda. Tashabbuskor tadbirkor mahsuldorligi yuqori zotdor qo‘ylarni ko‘paytirish maqsadida yaqinda qo‘shni Qirg‘iz Respublikasidan 120 bosh Arashan zotli qo‘y olib keldi.

Naslli chorvachilik xo‘jaliklari viloyatda ko‘p. Ulardan biri — tumandagi “Chaqmoq” fermer xo‘jaligidir. Bugungi kunda bu xo‘jalikda 200 boshdan ziyod chorva mavjud bo‘lib, ulardan 60 tasi sut yo‘nalishida parvarish qilinmoqda. Umuman, xo‘jalikdagi golshten, grenford, smental singari chorva mollari o‘zining sut va go‘sht mahsuldorligi bilan ajralib turadi. Har bir sog‘in sigirdan o‘rtacha 18 litr sut olinayotgan bir vaqtda, kunlik umumiy hosil 1 tonnadan oshib, bozorni sifatli mahalliy mahsulot bilan ta’minlamoqda.

Fermadagi barcha jarayonlarga tajribali rahbar — Voxid Yoqubov bosh-qosh. Uning rahbarligida nafaqat chorvachilik, balki dehqonchilik ham rivoj topgan. Paxta va g‘alla yetishtiriladigan hosildor maydonlar, yaylovlarda erkin boqilayotgan mollar — bularning barchasi mukammal tizim natijasidir.

Ayni vaqtda xo‘jalikda 100 nafardan ziyod ishchi band. Ulardan 20 nafari maxsus tashkil etilgan zamonaviy sexda sutni qayta ishlash bilan shug‘ullanadi. Bu yerda 12 turdagi sut mahsulotlari — qaymoq, tvorog, yogurt, quritilgan sut va boshqalar tayyorlanib, mahalliy bozorlar orqali iste’molchilarga yetkazilmoqda. Mahsulotlar nafaqat ta’mi, balki sifat sertifikatlari bilan ham e’tibor qozonmoqda.

Jizzax viloyatida bu kabi namunaviy xo‘jaliklar soni ortib bormoqda. Bu — nafaqat iqtisodiy o‘sishning, balki yangi ish o‘rinlarining, sog‘lom raqobatning va eksport imkoniyatlarining ochilishi demakdir. Chorvachilik — endi shunchaki mol boqish emas, u iqtisodiy kuch, strategik tarmoq va xalq farovonligining garovidir.

1895-yil — Xitoy Tayvanni Yaponiyaga berdi;

1903-yil — birinchi haqiqiy dirijabl “Lebodi” 37 km masofani bosib o‘tdi;

1970-yil — The Beatles’ning afsonaviy “Let it Be” qo‘shig‘i ommaga taqdim etildi;

2020-yil — Rossiyaning Vityaz-D avtonom suvosti kemasi Mariana xandaqining 10 028 metr chuqurligidagi tubiga yetdi.

🎂 Bugun tavallud topgan mashhur zotlar:

Edvard Gibbon (1737–1794) — ingliz tarixchisi, "Rim imperiyasining qulash tarixi" muallifi;

Nikolay Novikov (1744–1818) — rus yozuvchisi va maʼrifatchisi;

Migel Hidalgo (1753–1811) — Meksika mustaqillik harakatining asoschilaridan;

Garri Trumen (1884–1972) — AQSHning 33-prezidenti;

Roberto Rossellini (1906–1977) — italyan kinorejissyori, neorealizmning yirik namoyandasi;

Enrike Iglesias (1975) — ispan qo‘shiqchisi, millionlab yuraklarni zabt etgan sanʼatkor.

💬 Bugun siz ham o‘zingizni tarixi, orzulari va maqsadlari bor buyuk bir inson sifatida eslang. Yashang, ilhomlaning, fidokorlik ila harakat qiling! Chunki bugun — sizning kuningiz!

🇺🇿 Jizzax — yangilanish, uyg‘onish va orzu sari dadil qadam tashlovchi yuraklarning yurti!

Har yili mamlakatimizda 9-may — “Xotira va qadrlash kuni” umumxalq bayrami sifatida keng nishonlanadi. Ushbu sana yurtimiz ozodligi, tinchligi va ravnaqi yo‘lida jonbozlik ko‘rsatgan, Ikkinchi jahon urushi yillarida urush maydonida hamda front ortida mashaqqatli mehnat qilgan insonlarga bo‘lgan chuqur hurmat va ehtirom ifodasidir.

Joriy yilda ham ushbu muhim sana munosabati bilan Zomin tumanida bir qator ezgu tashabbuslar va ma’naviy-ma'rifiy tadbirlar amalga oshirildi. Xususan, Zomin tumani hokimining o‘rinbosari Nigora Omonova mas’ul tashkilotlar vakillari hamrohligida tumanda istiqomat qilayotgan, Ikkinchi jahon urushi yillarida front ortida mehnat qilgan faxriylar holidan xabar oldi.

Tashrif chog‘ida faxriylar bilan samimiy suhbatlar o‘tkazildi, ularning ibratli hayot yo‘li, mehnat faoliyati va yurt oldidagi xizmatlari yodga olindi. Shuningdek, faxriylar e’tiboriga O‘zbekiston Respublikasi Prezidentining bayram munosabati bilan yuborgan esdalik sovg‘alari tantanali tarzda topshirildi.

Hozirda Zomin tumanida 32 nafar urush yillari davomida front ortida fidokorona mehnat qilgan faxriylar istiqomat qiladi. Ularga davlatimiz rahbarining sovg‘alari alohida e’tibor va hurmat bilan yetkazilmoqda. Bu jarayonda mahalla faollari, yoshlar ittifoqi vakillari ham faol ishtirok etmoqda.

“Xotira va qadrlash kuni” munosabati bilan tashkil etilgan bunday tadbirlar jamiyatda ezgulik, minnatdorchilik va tarixiy xotiraga sadoqat tuyg‘ularini kuchaytiradi. Faxriylarimizga ko‘rsatilayotgan bunday ehtirom yurtimizda inson qadri ulug‘lanayotganining yana bir yorqin dalilidir.

🎼 1824-yil — Buyuk bastakor Lyudvig van Betxovenning to‘qqizinchi simfoniyasi ilk bor Venada ijro etildi.

🚴 1887-yil — Amerikalik Tomas Stivens velosipedda dunyo bo‘ylab ilk sayohatini yakunladi. U bu safarni 3 yildan ortiq vaqt davomida amalga oshirdi.

🎬 1997-yil — Kann kinofestivalida rejissyor Lyuk Bessonning “Beshinchi element” filmi ilk bor namoyish etildi.

🎉 Bugun tavallud topganlar:

🎥 1901-yil — Gari Kuper, amerikalik mashhur kino aktyori.

🖋 1903-yil — Nikolay Zabolotskiy, shoir, “Igor yurishi haqidagi ertak” asarining mohir tarjimoni.

🌞 Bugun ham o‘zingizga ishonib, mehr bilan yashang. Hayotga ijobiy nigoh bilan qarang va har tongni imkoniyatga aylantiring! 💫

Ayni paytda "O‘zyo‘lko‘prik klasteri" davlat muassasasi korxonasining Jizzax viloyati filiali tomonidan shahar yo‘llarini rekonstruksiya qilish va yangilash borasidagi ishlar bosqichma-bosqich amalga oshirilmoqda. Xususan, Qaliy mahallasi masjidi yonidagi chorraxadan Toshkent ko‘chasi chorraxasigacha bo‘lgan taxminan yarim chaqirimlik yo‘l uchastkasida yangi asfalt qoplamasi yotqizish, piyodalar yo‘laklari qurish hamda yo‘l bo‘ylab yangi lotok (yordamchi suv tarmoqlari) o‘rnatish ishlari jadal sur’atda olib borilmoqda.

Shu bilan birga, Qaliy mahallasida joylashgan Xalqlar do‘stligi shoh ko‘chasida kapital ta’mirlash ishlari amalga oshirilmoqda. Yo‘l tuzilishi to‘liq yangilanib, zamonaviy talablarga javob beradigan holatga keltirilmoqda.

Shahar markazidagi yo‘llar ham alohida e’tiborda. Xususan, Jizzax shahrining asosiy ko‘chalaridan biri sanaladigan “Islom Karimov” ko‘chasida ham yangi asfalt qoplamasi yotqizildi, piyodalar uchun qulay va xavfsiz yo‘laklar barpo etildi. Ko‘cha atrofi keng ko‘lamda obodonlashtirilib, yashil hududlar barpo etildi.

Alisher Navoiy ko‘chasidagi ko‘p qavatli turar joy binolarining tashqi fasad qismlari ham yangilandi. Shuningdek, uylarga tutash hududlarda obodonlashtirish ishlari olib borilib, yoritish tizimi yangilandi, zamonaviy o‘rindiqlar va chiqindilar uchun konteynerlar o‘rnatildi.

Umuman olganda, Jizzax shahridagi mazkur ishlar shahar infratuzilmasini rivojlantirish, aholiga munosib sharoit yaratish va umumiy shahar muhitini yaxshilashga xizmat qilmoqda. Mazkur loyihalar doimiy ravishda amalga oshirilishi rejalashtirilgan bo‘lib, bu orqali Jizzax zamonaviy, yashash uchun qulay va go‘zal shaharga aylanishi shubhasiz.

PISA - 15 yoshli o‘quvchilarning o‘qish, matematika, tabiiy fanlar savodxonligi hamda bilimlarini amaliyotda qo‘llash qobiliyatini baholovchi dastur bo‘lib, har uch yilda bir marotaba o‘tkaziladi.

PISA– 2025 xalqaro tadqiqotida 91 ta davlat ishtirok etadi. Bu yil yangi yo‘nalish - raqamli dunyoda o‘rganish yo‘nalishi ham qo‘shildi.

O‘quvchilar topshiriqlarni onlayn tarzda bajardilar. Test jarayoni 2 soat davom etdi. Har soatda 5-10 daqiqalik tanaffus berildi. Shuningdek, ta’lim muhitini o‘rganish maqsadida o‘quvchilardan so‘rovnoma ham olindi.

Tadqiqod natijalari, sinovlar 91 ta mamlakatda o‘tkazib bo‘lingach, ikki yildan so‘ng e’lon qilinadi.