Shuningdek, Sharof Rashidov tumanida yashovchi B.O. boshqaruvidagi “Lasetti” rusumli avtomashinasi toʻxtatib koʻzdan kechirildi.
Natijada, 56 dona (ampula) kuchli taʼsir qiluvchi dori vositalari borligi aniqlandi.
Baxmal tumanida yashovchi I.J. 509 gr narkotik moddalarini Toshkent viloyati Boʻka tumani hududidagi yashirin joydan olib, Jizzax viloyatiga olib kelayotgan vaqtida qoʻlga olindi.
17-aprel kuni respublikamiz boʻylab boʻlib oʻtgan malaka toifasi uchun sinovlarda koʻplab ustozlar yuqori natijalar qayd etishdi.
Ular orasida viloyatimizning Doʻstlik tumanida joylashgan 10-maktabning davlat va huquq asoslari fani oʻqituvchisi Moʻtabar Ismoilova ham bor.
U attestatsiyada 86 ball toʻplab, oliy toifani olishga muvaffaq boʻldi.
Mazkur uchrashuv ikki tomonlama hamkorlikni yanada rivojlantirish va taʼlim sohasida yangi loyihalarni amalga oshirish maqsadida tashkil etildi.
Uchrashuv davomida Kazan federal universiteti rektori Lenar Safin Jizzax shahridagi ushbu nufuzli oliy taʼlim muassasasining filialini yanada rivojlantirish boʻyicha takliflar berdi.
Jumladan, filialda zamonaviy taʼlim dasturlarini joriy etish, ilmiy-tadqiqot faoliyatini kengaytirish, professor-oʻqituvchilar malakasini oshirish va talabalar uchun amaliyot imkoniyatlarini yaratish kabi yoʻnalishlar muhokama qilindi.
Ulugʻbek Mustafoyev tomonidan hududiy ahamiyatga molik bunday tashabbuslarni qoʻllab-quvvatlashga tayyor ekanligi bildirildi.
Shu bilan birga, viloyat hokimligi tomonidan filial faoliyatini qoʻllab-quvvatlash, moddiy-texnik bazasini yaxshilash va yangi loyihalarni amalga oshirish uchun zarur shart-sharoitlar yaratilishida hamkorlikka tayyor ekanligini qayd etib oʻtdi.
Tomonlar oʻrtasidagi muloqot samimiy va konstruktiv ruhda oʻtdi.
Uchrashuv yakunlariga koʻra, yaqin kelajakda qoʻshma loyihalarni amalga oshirish, professor-oʻqituvchilar va talabalar oʻrtasida tajriba almashish, hamkorlikda seminar va konferensiyalar oʻtkazish boʻyicha kelishuvga erishildi.
Mazkur tashrif Jizzax viloyatining xalqaro taʼlim maskanlari bilan aloqalarini kengaytirish, ilm-fan va innovatsiyalar sohasida hamkorlikni rivojlantirish yoʻlidagi muhim qadamlardan biri sifatida eʼtirof etilmoqda.
🫥1850-yil — Angliya va AQSH oʻrtasida Panama kanalini birgalikda qurish toʻgʻrisida shartnoma imzolandi (keyinchalik Qoʻshma Shtatlar kanalni mustaqil qurishga qaror qildi);
🫥1897-yil - birinchi Boston marafoni oʻtkazildi;
🫥1919-yil - Lesli Leroy Irvin birinchi qayd etilgan samolyotdan erkin yiqilish, keyin esa parashyutni ishga tushirdi;
🫥1928-yil - birinchi Oksford inglizcha lugʻati nashr etildi;
🫥1933-yil - Qoʻshma Shtatlarda oltin standartning bekor qilinishi.
🕯BUGUN TAVALLUD TOPGANLAR
✨1933-yilda amerikalik kino aktrisasi (“Bu qiz yordam bera olmaydi”, “Oʻgʻri” filmlari) Jeyn Mansfild tugʻildi. Aktrisa Barbi qoʻgʻirchogʻining prototipiga aylandi, deb ishoniladi;
✨Alan Prays 1942-yilda tugʻilgan - ingliz rok musiqachisi, The Animals guruhining klaviaturachisi;
✨Anna Gerasimova (Umka) 1961-yilda tugʻilgan, rossiyalik qoʻshiqchi va rok musiqachisi. “Umka va Bronevik” guruhining solisti;
✨Jeyms Edvard Franko 1978-yilda tugʻilgan, amerikalik aktyor va rejissyor. Filmlardagi mashhur rollar: “Oʻrgimchak odam”, “Jeyms Din”, “Hrav suti” va boshqalar;
Jizzax viloyat hokimligida 2025-yil 18-aprel kuni “Davlat organlari va tashkilotlarining faoliyati ochiqligini taʼminlash, shuningdek, jamoatchilik nazoratini samarali amalga oshirishga doir qoʻshimcha chora-tadbirlar toʻgʻrisida”gi Farmon yuzasidan matbuot anjumani tashkil etildi.
Tadbir viloyat hokimligi Korrupsiyaga qarshi ichki nazorat shoʻbasi rahbari Soyib Melibayev ishtirokida oʻtkazildi.
Anjumanda mazkur Farmonning mazmun-mohiyati, davlat organlari va tashkilotlari faoliyatida ochiqlikni taʼminlash boʻyicha belgilangan yangi talablar hamda ularni amaliyotga tatbiq etish yoʻnalishlari muhokama qilindi.
Matbuot anjumanini viloyat hokimligi Axborot xizmati rahbari – viloyat hokimining matbuot kotibi Akmal Binoqulov ochib berdi.
Shundan so’ng, Viloyat hokimligi Korrupsiyaga qarshi ichki nazorat shoʻbasi rahbari Soyib Melibayev matbuot anjumani bo’yicha so’zga chiqdi.
Soyib Melibayev oʻz chiqishida ochiqlik va shaffoflik tamoyillarini keng joriy etish korrupsiya xavfini kamaytirishda muhim omil ekanini taʼkidladi. U shuningdek, jamoatchilik nazoratini kuchaytirish orqali aholining davlat boshqaruvidagi ishtirokini oshirish boʻyicha olib borilayotgan ishlarga toʻxtalib oʻtdi.
— Bugungi kunda har bir davlat tashkiloti oʻz faoliyati yuzasidan ochiq va tushunarli axborot berishi zarur. Bu nafaqat fuqarolarning ishonchini mustahkamlaydi, balki korrupsion holatlarning oldini olishda ham samarali vosita boʻladi, — dedi S. Melibayev.
Matbuot anjumani davomida jurnalistlar va fuqarolik jamiyati vakillari oʻzlarini qiziqtirgan savollar bilan murojaat qildilar. Savollar, asosan, axborotdan foydalanish imkoniyatlari, ochiq maʼlumotlar portallarining samaradorligi, hamda davlat organlarining hisobdorligi boʻyicha boʻldi.
Tadbir yakunida viloyatda korrupsiyaga qarshi kurashish, ochiqlikni taʼminlash va fuqarolarning davlat boshqaruvidagi ishtirokini kengaytirishga qaratilgan loyihalar yuzasidan ham maʼlumotlar berildi.
Fuqarolik ishlari bo‘yicha sudning “G.A.T.“ mas’uliyati cheklangan jamiyatidan 550 million so‘m kredit qarzdorligini undirish hamda undiruvni garov mulki bo‘lgan ko‘chmas mulkka qaratish to‘g‘risidagi ijro varaqasi asosida Majburiy ijro byurosining Zomin tumani bo‘limi tomonidan ijro ishi yuritilmoqda.
Qarzdor MCHJ bir necha marotaba ogohlantirilishiga qaramay, belgilangan muddatlarda qarzdorlikni to‘lamagan. Natijada Byuro tomonidan qonunchilikka muvofiq garovdagi ko‘chmas mulk auksion savdolariga chiqarilgan.
Mulkining auksion savdosiga chiqarilishi va uni yo‘qotish xavfini tushungan “G.A.T.“ MCHJ rahbari 244 million so‘m miqdoridagi kredit qarzini naqd pulda to‘ladi.
Majburiy ijro byurosining Zomin tumani bo‘limi tomonidan qolgan qarzdorlikni undirish bo‘yicha ijro harakatlari davom ettirilmoqda.
Inson omilisiz boshqaruv tizimini joriy qilish Jizzax shahrida sinov-tajriba tariqasida xizmat muddatini oʻtab boʻlgan gaz taqsimlash punktlari oʻrniga chilangar yoki texnik xizmat koʻrsatuvchi xodim nazoratisiz boshqariladigan zamonaviy gaz taqsimlash punktlari almashtirilishi bilan boshlangan. Hozirda “Hududgaztaʼminot” AJ tomonidan ajratilgan 1050 ta zamonaviy gaz taqsimlash punktining Jizzax viloyatiga berilgan 350 tasi toʻliq oʻrnatib boʻlindi. Viloyat aholisi uchun qoʻshimcha 1000 dona gaz taqsimlash qurilmasi olib kelinadi.
-Hozirda Jizzax shahridagi “Hamid Olimjon” MFY hududida ish jarayonlari ketmoqda, – deydi “Hududgaz Jizzax” gaz taʼminoti filiali boʻlim boshligʻi Muzaffar Salimov. – Mahallaga kiruvchi tarmoqlarga elektron gaz hisoblash uskunasini oʻrnatish orqali mahalla balansi yuzaga keladi. Bu oʻz navbatida isteʼmol qilinayotgan gazni aniq hisob-kitob qilish, quvurdan xonadongacha yetkazib berishdagi tabiiy gaz yoʻqotishlarining oldini oladi. Zamonaviy gaz taqsimlash punktidan bosim rostlanib, ikki bosqichli tizim orqali xonadonga barqaror tabiiy gaz yetkazib beriladi. Gaz taqsimlash punktlarini oʻrnatish orqali tabiiy gaz bosimini markaziy server orqali nazorat qilish imkoni yaratilmoqda.
-Shu vaqtga qadar foydalanishda boʻlgan eski turdagi gaz taqsimlash punktlari koʻp qavatli xonadonlar uchun ikkitadan oʻrnatilgan. Endi bunga xojat yoʻq. Chunki eski turdagi gaz taqsimlash qurilmalaridagi mavjud boʻlmagan imkoniyatlar yangisida mujassam. GRP joʻmraklari va rezbali birikmalari kam, bu esa qurilmaning toʻliq xavfsizligini taʼminlaydi, – deydi “Jizzaxshahargaz” gaz taʼminoti boʻlimi chilangari Sobir Zayniddinov.
Mirzo Ulugʻbek MFYda ham maʼnan eskirgan qurilma oʻrnida avtomatlashtirilgan texnologiyalar orqali masofadan boshqariladigan gaz taqsimlash punkti ishga tushirildi. Ushbu zamonaviy GTP texnologik yoʻqotishlarni sezilarli darajada kamaytirishga va mahalladagi 20 ta koʻp qavatli uylarning gaz taʼminotini yaxshilashga yordam berishi kutilmoqda.
Viloyatimiz hududida “Avtomatlashtirilgan isteʼmol nazorat – hisob balansi”ni joriy etish tabiiy boylik boʻlgan gaz resurslarini iqtisod qilish va aholiga gaz yetkazishda barqaror va xavfsizlikni taʼminlashda muhim ahamiyatga ega.
Davlatimiz rahbarining tegishli qarorida belgilangan vazifalar ijrosi doirasida Jizzax shahrida aholiga sifatli jamoat transporti xizmati ko‘rsatishni yo‘lga qo‘yish maqsadida zamonaviy avtobuslar olib kelinishi davom etmoqda.
Xususan, "Jizzax Avtotrans Servis" MCHJ tomonidan 8 dona ANKAI rusumli avtobuslar olib kelindi. Ushbu avtobuslar Jizzax shahar ichki yo‘nalishlariga brutto-shartnoma asosida biriktiriladi.
Eslatib o‘tamiz, joriy yilning mart oyida "Jizzax orient trans" XK tomonidan 30 dona Zhong tong rusumli avtobuslari olib kelingan edi.
Xususan, umumtaʼlim maktablari hududida ota-onalar ishtirokida “Ota-onalar bogʻi” tashkil etish ishlari yoʻlga qoʻyildi.
Ushbu ezgu tashabbus doirasida Jizzax shahridagi maktablar atrofida mevali va manzarali daraxt koʻchatlari ekilib, hudud yanada obod va fayzli maskanga aylantirilmoqda.
Mazkur bogʻlar nafaqat maktab muhitiga goʻzallik baxsh etadi, balki oʻquvchilarda ekologik madaniyatni shakllantirish, tabiatga mehr tuygʻusini oshirishda muhim ahamiyat kasb etadi.
Shu bilan birga, ota-onalarning maktab hayotida faol ishtirok etishiga turtki berib, taʼlim muassasalari bilan mahallalar oʻrtasidagi hamkorlikni mustahkamlashga xizmat qilmoqda.
Bugungi kunda bu kabi xayrli ishlar Jizzax shahridagi barcha maktablarda izchil va tizimli ravishda amalga oshirilmoqda.
Masalan, 29-umumtaʼlim maktabida ota-onalar tashabbusi bilan 510 tup mevali daraxt koʻchatlari ekilib, ular doimiy parvarishlanmoqda.
Shuningdek, shahar boʻylab 31 ta umumtaʼlim maktabida mingdan ziyod mevali daraxt hamda 300 dan ortiq manzarali daraxt mavjud.
Yaqinda tashkil etilgan “Ota-onalar bogʻi”ga 780 tup mevali daraxt ekilib, ularga tajribali mutaxassislar biriktirilgan.
Maʼlumotlarga koʻra, Jizzax shahridagi barcha 31 ta maktab va 28 ta maktabgacha taʼlim tashkilotlarida bunday bogʻlar tashkil etilgan.
“Yashil makon – yashil kelajak!” shiori ostida davom etayotgan ushbu tashabbuslar mamlakatimizda ekologik barqarorlikni taʼminlash, yangi avlodda tabiatga ehtirom tuygʻusini shakllantirish yoʻlida muhim qadam hisoblanadi.
