*နစကဥက္ကဌရဲ့မီဒီယာလက်နက်*
နစကဥက္ကဌ နိုင်ငံခြားခရီးစဉ်တွေသွားရောက်တိုင်းမှာ မြန်မာ့နိုင်ငံရေးအခြေအနေ (Current Political Situation) များပြုစုထားတဲ့စာအုပ်အပြာကို အခြားနိုင်ငံ့ခေါင်းဆောင်တွေအမြဲပေးလေ့ရှိတာကိုမြင်တွေ့ရပါတယ်။
-
အဲ့ဒီစာအုပ်ထဲမှာ ၂၀၂၁ နိုင်ငံရေးအပြောင်းအလဲနှင့်ပတ်သက်ပြီး တပ်မတော်ကအာဏာထိန်းရတဲ့အကြောင်းအရင်း၊ အာဏာထိန်းပြီးနောက်ပိုင်းဆူပူဆန္ဒပြမှုတွေတစ်ဆင့် နိုင်ငံရေးရည်မှန်းချက်ကို အကြမ်းဖက်နည်းလမ်းနဲ့ရယူဖို့ကြိုးစားနေကြတဲ့ NUG, CRPH, PDF အမည်ခံအကြမ်းဖက်အဖွဲ့အစည်းတွေရဲ့ ရက်စက်ယုတ်မာမှုတွေ၊ နိုင်ငံတော်တည်ငြိမ်အေးချမ်းရေးအတွက် နစကအစိုးရရဲ့ဘက်ပေါင်းစုံကလုပ်ဆောင်ချက်တွေကို နောက်ဆုံးအခြေအနေအထိ အထောက်အထားများခိုင်မာစွာဖြင့် details ကျကျပြုစုထားတယ်လို့ သိရှိရပါတယ်။
-
ဒီစာအုပ်မှာပြုစုထားတဲ့အချက်အလက်တွေကိုဖတ်ရှူပြီး နိုင်ငံတကာခေါင်းဆောင်တွေအနေနဲ့ နစကအစိုးရရဲ့ Legitimacy ဖြစ်မှုနှင့်နိုင်ငံတော်တည်ငြိမ်ရေးအတွက်ကြိုးပမ်းလုပ်ဆောင်နေမှုများကိုသိရှိနိုင်သလို ဆန့်ကျင်ဘက်အဖွဲ့အစည်းတွေရဲ့ နိုင်ငံမတည်မငြိမ်ဖြစ်အောင် အဖျက်အမှောက်လုပ်ရပ်တွေကိုအတိအလင်းသိရှိသွားမယ်လို့မျှော်လင့်ပါတယ်။
-
အခုအိန္ဒိယဝန်ကြီးချုပ်မိုဒီလက်ထဲမှာလည်း Political Situation စာအုပ်အပြာအပြင် Information Sheet စာစောင်တစ်စောင်ကိုထပ်တွေ့ရပါတယ်။ အဲ့ဒီ Information Sheet စာစောင်မှာ မြန်မာနိုင်ငံတွင်လတ်တလောကြုံတွေ့နေရတဲ့ငလျင်ဘေးဒဏ်နဲ့ပတ်သက်ပြီး နိုင်ငံတော်စီမံအုပ်ချုပ်ရေးကောင်စီရဲ့နေ့စဉ်လုပ်ဆောင်ချက်တွေ၊ သဘာဝဘေးအန္တရာယ်
ကာကွယ်ရေးထုတ်ပြန်ချက်တွေ၊ ငလျင်ဒဏ်အတွင်း သေဆုံး၊ပျောက်ဆုံး၊ထိခိုက်ဒဏ်ရာရသူစာရင်းတွေ၊ စိတ်မကောင်းဝမ်းနည်းဖွယ်ရာ ဘာသာပေါင်းစုံရဲ့ဘုရားကျောင်းကန်လမ်းတံတားတွေ၊ ပြည်သူတွေရဲ့အိုးအိမ်တိုက်တာပျက်စီးဆုံးရှုံးမှုတွေ၊ နိုင်ငံတကာကပေးပို့တဲ့စာနာထောက်ထားမှုသဝဏ်လွှာတွေ၊ အခြားနိုင်ငံ့ခေါင်းဆောင်ကြီးတွေရဲ့အားပေးနှစ်သိမ့်မှုတွေနဲ့နိုင်ငံတကာကူညီကယ်ဆယ်ရေးအဖွဲ့များရောက်ရှိမှုတွေကို အချိန်နှင့်တစ်ပြေးညီ ပြည့်စုံစွာဖော်ပြထားတယ်လို့ကြားသိရပါတယ်။
-
အဲ့ဒီစာစောင်ကို အိန္ဒိယဝန်ကြီးချုပ်မိုဒီကိုပေးအပ်ခဲ့သလို BIMSTEC အစည်းအဝေးတက်ရောက်လာတဲ့နိုင်ငံ့ခေါင်းဆောင်များနှင့်ကိုယ်စားလှယ်အဖွဲ့ဝင်များ၊ BIMSTEC လူငယ်မျိုးဆက်သစ်ဖိုရမ်ကိုတက်ရောက်လာတဲ့အဖွဲ့အစည်းအသီးသီးမှ တာဝန်ရှိသူများကိုလည်းဖြန့်ဝေပေးနိုင်ခဲ့တယ်လို့ သိရပါတယ်။
-
သတင်းတု/သတင်းအမှားတွေနဲ့မြန်မာနိုင်ငံရဲ့ပုံရိပ်ကိုကျဆင်းအောင်ဖျက်စီးခံနေရချိန်မှာ နိုင်ငံအတွင်းဖြစ်ပေါ်တိုးတက်ပြောင်းလဲမှုတွေကို နိုင်ငံတကာထိ ရောက်ရှိအောင် ယခုလိုမျိုးအခွင့်အလမ်းကောင်းကို မိမိရရအသုံးချပြီး စာအုပ်နှင့်စာစောင်ကိုဖြန့်ဝေးပေးလိုက်တဲ့
နစကဥက္ကဌရဲ့မီဒီယာလက်နက် ဟာ ထိရောက်မှုရှိမယ်လို့ ယုံကြည်မျှော်လင့်မိပါတယ်ရှင့်
#ခင်ညိုချော
