Мир сегодня с "Юрий Подоляка"

Труха⚡️Україна

Ko'rish

Николаевский Ванёк

Ko'rish

Мир сегодня с "Юрий Подоляка"

Ko'rish

Труха⚡️Україна

Ko'rish

Николаевский Ванёк

Ko'rish

Savdo-sanoat palatasi

Oʼzbekiston Savdo-sanoat palatasi rasmiy kanali
facebook.com/uzchamber
instagram.com/uzchamber
youtube.com/uzchamber
https://chamber.uz
Murojaat va takliflar uchun 24/7:
+998 (78) 150-60-06

TGlist reytingi

TuriOmmaviy

Tekshirish

Tekshirilmagan

Ishonchnoma

Shubhali

JoylashuvУзбекістан

TilBoshqa

Kanal yaratilgan sanaСерп 08, 2016

TGlist-ga qo'shildi

Серп 05, 2024

Men kanal egasiman

O'zgartirishlar tarixi

Telegram kanali Savdo-sanoat palatasi statistikasi

Batafsil

Obunachilar

12 695

24 soat

60%Hafta

290.2%Oy

110-0.9%

Iqtiboslar indeksi

0

Eslatmalar1Kanallardagi repostlar0Kanallardagi eslatmalar1

Bitta postning o'rtacha qamrovi

1 418

12 soat1 418

12.1%24 soat1 4180%48 soat2 090

27.1%

Ishtirok (ER)

4.11%

Repostlar16Izohlar0Reaksiyalar7

Qamrov bo'yicha ishtirok (ERR)

18.96%

24 soat

7.79%Hafta

0.88%Oy

1.61%

Bitta reklama postining qamrovi

1 862

1 soat1357.25%1 – 4 soat1 00854.14%4 - 24 soat63434.05%

Batafsil

Botimizni kanalingizga ulang va ushbu kanal auditoriyasining jinsini bilib oling.

24 soat ichidagi barcha postlar

13

Dinamika

"Savdo-sanoat palatasi" guruhidagi so'nggi postlar

Barcha postlar

23.04.202515:06

Ўзбекистон–Эрон ишбилармонлар кенгаши ташкил этилади

🇺🇿🇮🇷 Ўзбекистон Савдо-саноат палатаси раиси Даврон Вахабов Эрон Ислом Республикаси Савдо-саноат, кончилик ва қишлоқ хўжалиги палатаси президенти Самад Ҳасанзода билан учрашув ўтказди.

Учрашув давомида икки давлат ўртасидаги иқтисодий ҳамкорликни янада ривожлантириш, ўзаро савдо алоқаларини кенгайтириш ва янги лойиҳаларни амалга ошириш масалалари бўйича музокаралар олиб борилди.

👍 Томонлар ишбилармонлик алоқаларини мунтазам равишда ривожлантириш ва икки давлат тадбиркорлик субъектлари ўртасида юзага келаётган муаммоларни ҳал этиш мақсадида Ўзбекистон–Эрон ишбилармонлар кенгашини ташкил этиш бўйича келишувга эришишди.

Музокаралар чоғида ўзбекистонлик тадбиркорлар 28 апрель-2 май кунлари Теҳрон шаҳрида бўлиб ўтадиган "IRAN EXPO 2025" кўргазмасида иштирок этишга таклиф қилинди.

🇺🇿 Шунингдек, 10-12 май кунлари Теҳрон шаҳрида ўтказилиши режалаштирилан "Made in Uzbekistan" кўргазмасига тайёргарлик кўриш ва уни юқори савияда ташкил этиш масалаларига аълоҳида эътибор қаратилди.

Учрашув якунлари бўйича томонлар ўзаро манфаатли ҳамкорликни янада кенгайтиришга қатъий ишонч билдиришди.

📞 Эронлик компаниялар билан ўзаро манфаатли бизнес алоқаларни ўрнатиш ҳамда "Made in Uzbekistan" кўргазмасида иштирок этиш истагида бўлсангиз биз билан боғланишингиз мумкин: +998781506006

🕊Telegram 📱Instagram 📱Facebook 📺 Youtube

23.04.202514:19

“Жиззах–2025” форуми доирасида ҳамкорлик ҳужжати имзоланди

23–24 апрель кунлари Зомин туманида "Жиззах–2025" халқаро бизнес-форуми бўлиб ўтмоқда.

👍 Форум доирасида муҳим ҳамкорлик қадами қўйилди. Ўзбекистон Савдо-саноат палатаси Жиззах вилояти ҳудудий бошқармаси ва Туркманистоннинг “Mizemiz Gadam” хусусий корхонаси ўртасида ҳамкорлик тўғрисидаги меморандуми имзоланди.

Ушбу келишув икки мамлакат тадбиркорлари ўртасидаги иқтисодий алоқаларни мустаҳкамлаш, қўшма ташаббусларни амалга ошириш ва экспорт-импорт салоҳиятини кенгайтиришга хизмат қилади.

👍 Томонлар қуйидаги йўналишларда яқин ҳамкорликни йўлга қўйишга келишиб олдилар:

▪️савдо-иқтисодий муносабатларни ривожлантириш;
▪️маҳсулотлар экспорти ва импортини енгиллаштириш;
▪️қўшма корхоналар ташкил этиш имкониятларини ўрганиш;
▪️бизнес-форумлар, кўргазмалар ва савдо миссияларида фаол иштирок этиш.

“Mizemiz Gadam”
— Туркманистоннинг Лебап вилоятида жойлашган хусусий корхона бўлиб, 1994 йилдан буён қурилиш ва саноат соҳаларида фаолият юритиб келмоқда. Корхона битум асосидаги сув ўтказмайдиган материаллар, қурилиш аралашмалари, плитка ёпиштирувчи воситалар, қуритилган оҳак ва ғишт каби маҳсулотларни ишлаб чиқаради.

🕊Telegram 📱Instagram 📱Facebook 📺 Youtube

23.04.202512:53

Тадбиркор аёллар кенгаши Сирдарёда бир қатор муҳим келишувларга эришди

👍 Сирдарё вилоятида аёл тадбиркорларни қўллаб-қувватлаш, уларнинг касбий кўникмалари ва даромад топиш имкониятларини кенгайтириш мақсадида Ўзбекистон Савдо-саноат палатаси ҳузуридаги Тадбиркор аёллар кенгаши республика бўйлаб турли ҳудудлардан келган 40 нафар тадбиркор аёл ва сирдарёлик ҳамкасблар ўртасида ўзаро тажриба алмашиш ҳамда бизнес ҳамкорликларини йўлга қўйишга кўмаклашди.

🪙 Хусусан, сирдарёлик ҳунарманд Р.Эшимбетованинг заргарлик устахонасига ташриф буюриб, устахона фаолияти билан танишдилар.

Ҳозирги кунда Р.Эшимбетова Сирдарё вилояти касбий кўникмалар маркази билан ҳамкорликда камбағал оилаларнинг фарзандларини заргарлик касбига ўргатмоқда. Устахонада сотилган буюмлардан тушган даромад шогирдларга хом ашё сотиб олиш учун сарфланади, бу эса ёш мутахассисларнинг мустақил иқтисодий фаолиятини рағбатлантиради.

Тадбиркор аёллар кенгаши республиканинг ҳар бир ҳудудларидан 2 нафар хотин-қизни Раъно Эшимбетованинг мактабига ўқишга юбориш ташаббусини илгари сурди.

👍Ушбу ташаббусни амалга ошириш учун вилоят касбий кўникмалар маркази ушбу аёлларни турар-жой билан таъминлашга, кенгаш аъзолари — Қорақалпоғистонлик тадбиркор Д.Хайитбоева ва Қашқадарёлик тадбиркор Н.Курбанова эса заргарлик касби учун зарур хом ашё билан таъминлашга розилик билдирдилар.

Ўз навбатида Р.Эшимбетова вилоятдаги 5 нафар имконияти чекланган хотин-қизларни “Ҳамкор тадбиркор” дастури асосида ўз кузатувига олди.

🕊Telegram 📱Instagram 📱Facebook 📺 Youtube

23.04.202512:53

23.04.202510:32

Бугун Жиззахда халқаро миқёсдаги йирик тадбир старт олди

🔴 Жиззах вилоятининг инвестицион жозибадорлигини намойиш этиш, халқаро ва маҳаллий тадбиркорлар ўртасида ҳамкорлик алоқаларини мустаҳкамлаш, янги инвестиция лойиҳаларини муҳокама қилиш ва ишбилармонлик муҳитини яхшилаш мақсадида 23–24 апрель кунлари Зомин туманида “Халқаро бизнес форум – Жиззах 2025” бўлиб ўтмоқда.

Ушбу форум — Жиззах вилояти ҳокимлиги, Инвестициялар, саноат ва савдо вазирлиги, Ташқи ишлар вазирлиги, Хорижий инвестицияларни жалб этиш агентлиги, Савдо-саноат палатаси Жиззах вилоят ҳудудий бошқармаси ва бошқа қатор халқаро ташкилотлар ҳамкорлигида ташкил этилмоқда.

Унда жаҳоннинг турли мамлакатларидан келган инвесторлар, ишбилармон доира вакиллари, маҳаллий тадбиркорлар, давлат органлари, ҳамкор ташкилотлар ва ОАВ вакиллари иштирок этишмоқда.

🕊Telegram 📱Instagram 📱Facebook 📺 Youtube

23.04.202509:42

Эрон Товар биржаси раҳбари Али Фурутан билан учрашув ўтказилди

🇮🇷 Айни кунларда Ўзбекистон Савдо-саноат палатаси раиси Даврон Вахабов ишчи ташриф билан Эрон Ислом Республикасида бўлиб турибди.

👍 Ташриф доирасида Эрон Товар биржаси раҳбари Али Фурутан билан учрашув бўлиб ўтди. Учрашув давомида 2024 йилда Эрон хом ашё биржасида умумий айланма 38 млрд долларга тенг бўлгани ва биржа орқали 151 миллион тонна маҳсулот савдоси амалга оширилгани қайд этилди. Шунингдек, биржада 1 миллионга яқин савдо агентлари тижорат фаолияти олиб бораётгани таъкидланди.

Музокаралар давомида икки мамлакат товар биржалари ўртасида ҳамкорликни ривожлантириш масалалари муҳокама қилинди ва келишув лойиҳаси ишлаб чиқилди.

👍 Шу билан бирга, ўзаро савдо ҳажмини ошириш мақсадида биржалар ўртасида тўғридан-тўғри алоқаларни ўрнатиш, Эрон хом ашё биржасида Ўзбекистон маҳсулотларини жойлаштириш ва сотиш имкониятларини ўрганиш бўйича аниқ таклифлар тайёрлашга келишиб олинди.

Учрашувда, шунингдек, юртимизда талаб юқори бўлган хом ашё — мис, металл хом ашёси, ПВХ, алюминий кукуни каби маҳсулотларни импорт қилиш ва Эронга қишлоқ хўжалиги ҳамда тўқимачилик маҳсулотлари (калава ип ва матолар) экспорт салоҳиятини кенгайтириш масалалари кўриб чиқилди.

🕊Telegram 📱Instagram 📱Facebook 📺 Youtube

23.04.202508:27

Самарқандлик тадбиркорлар Андижон саноат ярмаркасига ташриф буюришди

✔️ Савдо-саноат палатаси ташаббуси билан ташкил этилган йирик саноат платформаси — Андижон саноат ярмаркасида Самарқанд вилоятидан 200 нафардан ортиқ тадбиркор фаол иштирок этди.

Ярмарка доирасида 167 та корхонанинг 400 га яқин турдаги маҳсулотлари намойиш этилмоқда. Улар орасида мебел, машинасозлик, тўқимачилик, рақамли технологиялар, қурилиш материаллари ҳамда қишлоқ хўжалиги маҳсулотлари каби йўналишлар бўйича илғор ва инновацион ечимлар ўрин олган.

Самарқандлик тадбиркорлар ярмаркада таклиф этилаётган янги лойиҳалар, ишлаб чиқариш имкониятлари ва замонавий технологиялар билан яқиндан танишиш имконига эга бўлишди.

🗓 Ярмарка апрель ойи охирига қадар давом этади.

🕊Telegram 📱Instagram 📱Facebook 📺Youtube

23.04.202508:18

Яшнобод туманида тадбиркорлар учун сайёр қабул ташкил этилди

Тошкент шаҳри Яшнобод туманида тадбиркорлик субъектлари иштирокида сайёр қабул бўлиб ўтди. Тадбирда тадбиркорлар ўз фаолиятларида учраётган муаммолар, таклиф ва ташаббусларини билдириш имкониятига эга бўлдилар.

Қабул жараёнида Савдо-саноат палатаси, Бизнес-омбудсман девони, Марказий банкнинг тегишли масъул ходимлари ҳамда туманда фаолият юритаётган тадбиркорлар иштирок этдилар.

Мулоқот очиқ ва конструктив руҳда ўтди. Тадбиркорлар ўз фаолияти давомида дуч келаётган турли соҳаларга оид муаммолар, шунингдек, ривожланишга қаратилган талаб ва таклифларини билдирдилар.

🕊Telegram 📱Instagram 📱Facebook 📺Youtube

23.04.202506:41

#тадбиркор

Боходиржон Мамирбеков, "Шоҳона мебель" МЧЖ таъсисчиси
2024 йилда "Фаол тадбиркор" кўкрак нишони билан тақдирланган
📏📏📏📏📏

2017 йилда Олтинкўл туманида 15 сотих майдонда ташкил этилган "Шоҳона мебель" корхонасида бугунги кунда 10 нафар доимий ва 21 нафар ёлланма ишчи фаолият олиб бормоқда. "Устоз-шогирд" анъанаси бўйича ҳам кўплаб ёшларни ҳунарга ўргатиб бормоқда.

Умумий даромадининг 30 фоизи хориж давлатларига қилинадиган экспорт ҳисобига тўғри келади. Бир ой ичида 100-120 та мебель ишлаб чиқарилади. Йиллик савдо айланмаси 8 млрд сўм.

Маҳсулотларингизга қайси давлатларда талаб юқори?

Ҳозирги кунда Қозоғистонда маҳсулотларимизга талаб катта. Бундан ташқари, Тожикистон ва Қирғизистонда ҳам мижозларимиз сони ошиб бормоқда. Жаҳон бозорига чиқиш бу, албатта, катта масъулият. У ерда ўз ўрнимизни топиш учун эса доимий изланиш ва ҳаракатдамиз — дейди "Тадбиркор" журналининг қаҳрамони Боходиржон Мамирбеков.

🕊Telegram 📱Instagram 📱Facebook 📺 Youtube

23.04.202505:43

🇺🇿 Ўзбекистон Республикаси Президентининг 2025 йил 21 апрелдаги “2025 йил учун хусусийлаштириш дастури тўғрисида”ги ПФ-70-сон фармони

🕊Telegram 📱Instagram 📱Facebook 📺Youtube

23.04.202505:37

Давлат мулкини ижарага бериш тартиби такомиллаштирилади

“2025 йил учун хусусийлаштириш дастури тўғрисида”
ги Президент Фармони (ПФ-70-сон, 21.04.2025 й.) қабул қилинди

📋 Фармонга кўра, давлат мулкини ижарага бериш тартибини такомиллаштириш мақсадида:

▫️ ижара шартномаси тузилган кундан ижарага олувчи томонидан йиллик ижара тўловлари 1 ой давомида тўланган тақдирда, унга йиллик ижара суммасидан мазкур шартнома тузилган санадаги Марказий банкнинг асосий ставкаси миқдорида чегирма берилади;

▫️6 ой давомида электрон онлайн аукцион савдоларида ижарага берилмаган объектларнинг бошланғич нархи 50 фоиз пасайтирилган қийматда белгиланади. Бунда бошланғич нарх пасайтирилганда ҳам ижарага берилмаса, ушбу аукцион унда 1 иштирокчи қатнашган тақдирда ҳам, истисно тариқасида, ўтказилган деб ҳисобланади.

✔️
2025 йил 1 июлдан Савдо-саноат палатасининг ҳудудий бўлинмаларига “Давлат мулки” ахборот тизими орқали давлат ва давлат иштирокидаги корхоналар кўчмас мулк объектларини сотиш учун тўғридан-тўғри электрон онлайн аукцион савдоларига чиқариш бўйича ариза бериш ҳуқуқи берилади.

❌Тадбиркорларни (жумладан, давлат иштирокидаги корхоналарни) тугатиш тўғрисида рўйхатдан ўтказувчи орган хабардор қилинган санадан уларнинг молия-хўжалик фаолияти тўхтатилади ҳамда ер солиғи, мол-мулк солиғи, сув ресурсларидан фойдаланганлик учун солиқ, шунингдек, барча турдаги солиқ ва йиғимлар бўйича пеняларни ҳисоблаб ёзиш, дивидендлар ҳисоблаш тақиқланади.

📝 2025 йил 1 октябрдан эгасиз кўчмас мулк объектларини давлат мулки объекти сифатида давлат рўйхатига олиш бўйича мурожаатлар тегишли судга Давлат активлари агентлиги томонидан киритилади.

🕊Telegram 📱Instagram 📱Facebook 📺Youtube

23.04.202505:05

Тадбиркор аёллар кенгаши томонидан Гулистон шаҳридаги хусусий боғчалар фаолияти ўрганилди

✔️ Ўзбекистон Савдо-саноат палатаси ҳузуридаги Тадбиркор аёллар кенгаши аъзолари Гулистон шаҳрида жойлашган хусусий мактабгача таълим муассасалари фаолиятини ўрганиш мақсадида ташриф буюрдилар.

▫️ Жумладан, “Интелект” МТМ фаолияти ўрганилганда, муассаса ёнида бўш турган ер майдони мавжудлиги ва тадбиркор мазкур ҳудуддан фойдаланиб, боғчани кенгайтириш ниятида эканлиги маълум бўлди. Бу масала юзасидан вилоят кадастр хизматлари вакиллари билан биргаликда ўрганиш ишлари олиб борилиб, тезкор ечимлар юзасидан таклифлар тайёрлашга келишиб олинди.

▫️ “Ширинтой ва кичкинтой Сабина” МЧЖга қарашли “Севинч” НМТТ ҳам ўрганилиб, муассасага тегишли бўш майдонда мактаб қуриш учун 2 млрд. сўм миқдорда кредит олиш учун кўмак сўради. Марказий банк вилоят бошқармаси вакиллари томонидан бу масала тезкор ўрганилиши маълум қилинди.

Барча мурожаатлар Тадбиркор аёллар кенгаши томонидан назоратга олинди.

🕊Telegram 📱Instagram 📱Facebook 📺Youtube

23.04.202504:11

Ҳурматли тадбиркорлар!

🇮🇷 Сизларни 28 апрель-2 май кунлари Эрон Ислом Республикасининг Теҳрон шаҳрида бўлиб ўтадиган "IRAN EXPO 2025" кўргазмасида иштирок этишга таклиф қиламиз.

Кўргазмада қуйидаги соҳалар ва йўналишлардаги товарлар ва хизматлар намойиш этилади:

▫️Озиқ-овқат саноати, қишлоқ хўжалиги, балиқчилик
▫️Саноат
▫️Қўлда тўқилган гилам, ҳунармандчилик, туризм
▫️Фармацевтика маҳсулотлари, тиббиёт ва лаборатория жиҳозлари, косметика ва гигиена буюмлари
▫️Қурилиш саноати, техник-муҳандислик хизматлари
▫️Нефткимё саноати

Ушбу муҳим иқтисодий тадбирнинг ўтказилиши Ўзбекистон компанияларининг Эрон ишлаб чиқариш ва экспорт ва импорт салоҳияти билан танишишлари, эронлик йирик ишлаб чиқарувчилар билан тўғридан-тўғри алоқалар ўрнатишлари ва улар билан шартномалар имзолашлари учун қулай бир фурсатдир.

Қўшимча маълумот ва рўйхатдан ўтиш учун:
📞 +998935880919

🕊Telegram 📱Instagram 📱Facebook 📺Youtube

22.04.202513:33

Тадбиркор аёллар кенгаши Сирдарё вилоятидаги тадбиркор аёллар билан учрашди

🔴 Жорий йил 22 апрель куни Савдо-саноат палатаси Сирдарё вилояти ҳудудий бошқармасида Тадбиркор аёллар кенгаши, мутассадди вазирлик ва идоралар, тижорат банклари вакиллари иштирокида сайёр қабул бўлиб ўтди. Унда 250 нафар тадбиркор аёл ва тадбиркорлик билан шуғулланиш истагидаги хотин-қизлар иштирок этди.

Мулоқотда Сирдарё вилоятида бизнес муҳитини яхшилаш, тадбиркор аёлларни ҳар томонлама қўллаб-қувватлаш, улар фаолиятида учраётган муаммоларни бартараф этиш масалалари муҳокама қилинди.

❤️ Сайёр қабул доирасида 67 та индивидуал мурожаат тингланди ва ҳар бири бўйича аниқ чора-тадбирлар белгилаб олинди. Хусусан, тадбиркор аёллар томонидан иш фаолиятини кенгайтириш учун жой ажратиш, кредит олиш тартиблари, биноларни хусусийлаштириш, божхона масалалари каби долзарб муаммолар кўтарилди.

Шунингдек, тадбир доирасида тадбиркор аёллар ўртасида ўзаро ҳамкорлик алоқалари ўрнатилди. Жумладан, Кенгашнинг Қорақалпоғистон Республикасидаги аъзоси, "KAMRON GOLD MEDIYA" МЧЖ раҳбари Д.Хайитбоева 6 нафар сирдарёлик тадбиркор аёлга ўз тажрибаларини ўргатиш таклифини билдирди.

🕊Telegram 📱Instagram 📱Facebook 📺 Youtube

22.04.202512:23

Сертификатлар — муваффақиятли экспорт гарови!

📃
Халқаро бозорларда маҳсулотларингизни эркин сотиш, экспорт ҳажмини ошириш ва мижозлар ишончини қозониш учун халқаро стандартларга жавоб бериш — муҳим омиллардан бири ҳисобланади. Кўплаб мамлакатлар маҳаллий бозорларига фақат белгиланган халқаро сертификатларга эга маҳсулотларни киритишга рухсат беради.

✔️ Шу муносабат билан, Ўзбекистон Савдо-саноат палатаси барча тадбиркорлар ва экспорт билан шуғулланувчи корхоналарни халқаро бозорга мослашишда қўллаб-қувватлаш мақсадида бепул маслаҳат ва тавсиялар олишга таклиф этади.

Палата мутахассислари томонидан қуйидаги халқаро сертификатлар юзасидан комплекс маслаҳатлар тақдим этилади:

🔵 Менежмент тизимлари:
ISO 9001, ISO 14001, ISO 22000, ISO 45001, ISO 27001, ISO 50001, ISO 37001, ISO 37301, IATF 16949

🔵 Қишлоқ хўжалиги ва озиқ-овқат маҳсулотлари:
Органик сертификатлар, GlobalG.A.P, HACCP, BRC / FSSC 22000, GMP

🔵 Ҳалол маҳсулотлар учун:
MS 1500, GSO 2055, SMIIC, Halal Control, IFANCA ва бошқалар

🔵 Техник ва бозорга чиқиш сертификатлари:
CE, EAC, FDA, RoHS, REACH, EN/IEC

🔵 Экологик ва барқарор ривожланиш сертификатлари:
ISO 14064, FSC, FairTrade, EcoLabel

Батафсил маълумот ва амалий кўмак учун биз билан боғланинг:
📞 + 998781506006

🕊Telegram 📱Instagram 📱Facebook 📺Youtube

Barcha postlar

Reklama qilingan25 oy

15.04.202511:34O'zbekiston Respublikasi Davlat bojxona qo'mitasining rasmiy axborot kanali

22.1K

Reklama qilingan0 sekund

15.04.202510:01QASHQADARYO.UZ | RASMIY - Қашқадарё вилояти ҳокимлиги - Qashqadaryo viloyati hokimligi - Murotjon, Murodjon Azimov - Qarshi

8.8K

Reklama qilingan11 soat

14.04.202512:38GENERALISSIMUS

88.2K

Reklama qilingan18 sekund

09.04.202507:53Dunyo🌐TV

602K

Video va kinolar

Reklama qilingan11 sekund

08.04.202514:23🌱Uncha-Muncha

347.6K

Yangiliklar va OAV

Reklama qilingan3 sekund

08.04.202514:13Telegram_Yulduzlari| Расмий канал

871.4K

Yangiliklar va OAV

Reklama qilingan15 oy

08.04.202513:48🇺🇿Toshkentliklar_24 |Расмий канал

703.7K

Yangiliklar va OAV

Reklama qilingan2 sekund

08.04.202512:49PATRUL UZ | РАСМИЙ КАНАЛ

824.2K

Yangiliklar va OAV

Reklama qilingan9 oy

08.04.202512:43Kanallani Dodasi | Расмий канал

1.1M

Reklama qilingan2 oy

08.04.202512:36MILITSIYA UZB | Расмий канал

306.4K

Siyosat

Reklama qilingan0 sekund

08.04.202512:18davletovuz

82.4K

Reklama qilingan1 sekund

08.04.202512:17Qoraxabar - Tezkor xabarlar | Rasmiy kanal

1.1M

Yangiliklar va OAV

Reklama qilingan1 soat

08.04.202512:17bakiroo

63.6K

Reklama qilingan12 oy

08.04.202511:57Shov - Shuv UZ

411.6K

Yangiliklar va OAV

Reklama qilingan10 sekund

08.04.202511:44Shopirlar 🚗🚘

865.9K

Yangiliklar va OAV

Batafsil

Rekordlar

13.08.202423:59

14.4KObunachilar

09.08.202423:59

200Iqtiboslar indeksi

17.08.202423:59

48.3KBitta post qamrovi

17.04.202508:54

4KReklama posti qamrovi

11.09.202423:59

125.00%ER

17.08.202423:59

336.01%ERR

Rivojlanish

Batafsil

Obunachilar

Iqtibos indeksi

1 ta post qamrovi

Reklama posti qamrovi

ERR

Batafsil

Savdo-sanoat palatasi mashhur postlari

Barcha postlar

25.03.202508:46

20.04.202505:26

🇺🇿 Ўзбекистон Республикаси Президентининг 2025 йил 18 апрелдаги “Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлари тўғрисида”ги ПФ-67-сон фармони

🕊Telegram 📱Instagram 📱Facebook 📺 Youtube

AgAD324AAvGVIEg

6.18 MB

31.03.202507:09

Тожикистонда “Суғдметалл” корхонаси ишга туширилди

🇺🇿🇹🇯 Тожикистон Республикаси Президенти Эмомали Раҳмон Бобожон Ғафуров туманида “Суғдметалл” МЧЖ томонидан металл қувурлар ва профиллар ишлаб чиқариш корхонасини расман фойдаланишга топширди.

Мазкур корхона
ўзбек ва тожик тадбиркорлари ҳамкорлигида барпо этилди. “Суғдметалл” металлургия корхонасининг ташкил этилиши Ўзбекистон ва Тожикистон ўртасидаги савдо-иқтисодий ҳамкорликнинг мустаҳкамланишининг ёрқин самараси бўлиб, икки давлат раҳбарларининг иродаси асосида ҳукуматлараро келишувлар доирасида кенгайиб бормоқда.

Ишлаб чиқариш объектлари ва соҳавий инфратузилмалар 6,5 гектар майдонда барпо этилган. Европанинг замонавий стандартларига жавоб берадиган ускуна ва жиҳозлар олиб келиниб, ўрнатилган.

⚙️ Ишлаб чиқариш жараёни метални кесиш, қайта ишлаш, қувур ва профиллар ишлаб чиқариш ҳамда маҳсулотларни қадоқлаш босқичларини ўз ичига олади. Бунда Европа мамлакатларининг таниқли “Фаспар”, “Отто Мелс”, “Филтра”, “МТС” ва “Термоту” компаниялари томонидан ишлаб чиқарилган ускуналар қўлланилмоқда.

Корхонада Германиянинг “Отто Мелс” компаниясига тегишли икки технологик линия ўрнатилган бўлиб, улар бир дақиқада 160 метр қувур ва профил ишлаб чиқариш қувватига эга. Корхонанинг йиллик ишлаб чиқариш ҳажми 100 минг тоннани ташкил этади.

Замонавий технологиялар ёрдамида 50 турдаги металл қувурлар ва профиллар ишлаб чиқарилиб, улар ҳажми ва сифати бўйича халқаро стандартларга мос келади.

✅ “Суғдметалл” МЧЖ таъсисчилари ва тадбиркорлари ички бозорни тўлиқ қоплагандан сўнг, маҳсулот ишлаб чиқариш ҳажмини янада ошириш ва ходимлар сонини 300 нафарга етказишни режалаштирган. Шу билан бирга, корхона экспорт бозорига чиқиш имкониятига ҳам эга.

🕊Telegram 📱Instagram 📱Facebook 📺 Youtube

07.04.202506:02

⚡️ Экспортёрлар ва ишлаб чиқарувчилар диққатига!

Айни кунларда
Ўзбекистон Савдо-саноат палатаси раиси Даврон Вахабов бошчилигидаги делегация амалий ташриф билан Афғонистон Ислом Амирлигида бўлиб турибди.

Ташриф доирасида делегация аъзолари маҳаллий бозорни, соҳага доир тартиб-қоидаларни ҳамда Ўзбекистон экспортчилари учун мавжуд имкониятларни ўрганмоқда.

Жорий йил май ойидан бошлаб Афғонистон ҳудудида Ўзбекистон Савдо-саноат палатасининг 4 нафар расмий вакили ўз фаолиятини бошлайди.

Агар сиз ҳам Афғонистон бозорида ҳамкорлик қилишдан манфаатдор бўлсангиз, қўшимча маълумот ва амалий ёрдам олиш учун Ўзбекистон Савдо-саноат палатасига мурожаат қилишингиз мумкин:

📞 +998 78 150 60 06
📞 +998 97 877 00 58 (🔵@NZF1985)

🕊Telegram 📱Instagram 📱Facebook 📺 Youtube

09.04.202504:36

06.04.202516:21

Айни дамда Ўзбекистон Савдо-саноат палатаси раиси Даврон Вахабов ва Экспортчилар уюшмаси раиси Ёрқин Маликов Кобул шаҳри кўчаларида сайр қилиб, фармацевтика соҳасига ихтисослашган мажмуалар фаолияти билан танишмоқдалар.

Делегация вакиллари мавжуд имкониятлар, ишлаб чиқариш салоҳияти ҳамда ҳамкорлик йўналишларини ўрганишмоқда.

🕊Telegram 📱Instagram 📱Facebook 📺 Youtube

Repost qilingan:

UzFood 2025

07.04.202504:23

❗️ERTAGA "Oziq-ovqat mahsulotlari, ingrediyentlar va ishlab chiqarish texnologiyalari - #UzFood 2025" 24-Xalqaro ko'rgazmasida 30 mamlakatdan tashrif buyurgan 400 dan ortiq kompaniya o'z mahsulotlari va uskunalarini namoyish etadi:

📦1-pavilyon, Atrium zali - ko'rgazmaning "Qadoqlash. Uskunalar va materiallar-O'ZuPACK" ixtisoslashtirilgan bo'limi

🥕 2-pavilyon - oziq-ovqat uskunalari va texnologiyalarining keng assortimenti

🧁 4- va 3-pavilyonlar. Atrium 2 zali - tayyor mahsulotlar va ingrediyentlar

🗺O'tkazib yubormang! Faqat 3 kun - 8-apreldan 10-aprelga qadar. "O‘zekspomarkaz" MKK

‼️Onlayn beydjni qo'lga kiriting https://bit.ly/UF_uz_reg
___

❗️УЖЕ ЗАВТРА на 24-й Международной выставке «Продукты питания, ингредиенты и технологии производства – #UzFood 2025» более 400 компаний из 30 стран представят свою продукцию и оборудование:

📦 Павильон № 1, зал Атриум - специализированный раздел выставки «Упаковка. Оборудование и материалы - O’ZuPACK»

🥕Павильон № 2 - широкий спектр пищевого оборудования и технологий

🧁 Павильоны № 4 и 3, зал Атриум 2 - готовая продукция и ингредиенты

🗺Не пропустите! Только 3 дня - с 8 по 10 апреля. НВК "Узэкспоцентр"

‼️Получите онлайн бейдж https://bit.ly/UF_ru_reg

+998-71-205-14-14
+998-93-180-03-11

26.03.202507:22

Тадбиркор аёллар кенгашининг илк йиғилиши бўлиб ўтмоқда

🔴Айни дамда Президент ташаббуси билан Савдо-саноат палатаси ҳузурида ташкил этилган Тадбиркор аёллар кенгашининг биринчи йиғилиши ўтказилмоқда.

Йиғилишни Президент Администрацияси масъул ходими, Тадбиркор аёллар кенгаши раиси Нозимахон Давлетова олиб бормоқда.

Мазкур Кенгаш
Ўзбекистон Республикаси Президентининг 2025 йил 14 мартдаги “Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида”ги ПҚ-103-сонли қарорига мувофиқ ташкил этилди.

Кенгашнинг асосий вазифалари:

❤️мунтазам равишда ҳудудларга чиқиб, тадбиркор хотин-қизларнинг муаммоларини ўрганиш ва уларни бартараф этиш бўйича таклифлар ишлаб чиқиш;

❤️тадбиркор аёлларнинг илғор тажрибаларини бошқа ҳудудларда оммалаштиришга кўмаклашиш;

❤️аввал тадбиркорлик лойиҳаларини амалга оширган хотин-қизлар билан манзилли ишлаб, уларнинг муаммоларини ҳал қилиш ва бизнес ғояларини амалга оширишга кўмаклашиш;

❤️тизимли муаммоларни ҳал қилиш юзасидан Ҳукумат ва Олий Мажлис Қонунчилик палатасига таклифлар киритиб бориш.

🕊Telegram 📱Instagram 📱Facebook 📺 Youtube

12.04.202510:29

Ташқи савдода эришилган ютуқлар учун тадбиркорлар илк бор божхона органлари мукофотларига сазовор бўлишди

Очиқ мулоқот доирасида 2024 йил якуни бўйича товарлар ташқи савдосини амалга ошириш йўналишида юқори кўрсаткичларга эришган бир гуруҳ тадбиркорлар тақдирланди. Улар божхона органларида илк бор таъсис этилган “Энг яхши экспортёр”, “Энг яхши божхона тўловлари тўловчиси”, “Энг интизомли ташқи иқтисодий фаолият иштирокчиси” каби номинацияларда мукофотларга лойиқ деб топилди.

🕊Telegram 📱Instagram 📱Facebook 📺Youtube

01.04.202504:07

Ҳурматли халқ амалий санъати ихлосмандлари!

Сизни ҳунармандчилик оламининг энг муҳим ва кутилган воқеаси – “Моҳир ҳунармандлар” кўргазма-савдоси кутмоқда!

🗓 5–6 апрель (дам олиш кунлари)
📍“Magic City” истироҳат боғи

Нега бу тадбирни ўтказиб юбормаслик керак?

✅ Юртимизнинг энг маҳоратли ҳунармандлар бир майдонда
✅ Миллий ҳунармандчилик асарларини бевосита усталардан харид қилиш имконияти
✅ Ҳунармандчилик сирига ошно бўлиш ва ўз қўлингиз билан маҳсулот яратиш тажрибаси

😉 Кириш – бепул!

Кўргазма-савдони ўтказиб юборманг!

🕊Telegram 📱Instagram 📱Facebook 📺 Youtube

23.04.202504:11

08.04.202511:17

Афғонистон бозори — Ўзбекистонлик тадбиркорлар учун янги имкониятлар майдони

Ҳозирги кунда Афғонистон бозорига кириб борган ўзбекистонлик тадбиркорларимиз фаолиятидан ниҳоятда мамнун. Улар бу ерда ўз маҳсулот ва хизматларига бўлган талабнинг юқорилигини, бозорнинг очиқлиги ва имкониятларнинг кенглигини алоҳида таъкидламоқда.

Уларнинг фикрича, Афғонистон бозори ҳозир айнан кириб бориш, ривожланиш ва узоқ муддатли ҳамкорликлар ўрнатиш учун қулай паллада турибди.

Агар сиз ҳам Афғонистон бозорида ҳамкорлик қилишдан манфаатдор бўлсангиз, қўшимча маълумот ва амалий ёрдам олиш учун Ўзбекистон Савдо-саноат палатасига мурожаат қилишингиз мумкин:

📞 +998 78 150 60 06
📞 +998 97 877 00 58 (🔵@NZF1985)

🕊Telegram 📱Instagram 📱Facebook 📺 Youtube

22.04.202512:23

23.04.202505:43

25.03.202513:09

🇺🇿 Ўзбекистон Республикаси Президентининг 2025 йил 19 мартдаги “Кичик ва ўрта бизнеснинг иқтисодиётдаги ўрнини ошириш чора-тадбирлари тўғрисида”ги ПФ-50-сон фармони

🕊Telegram 📱Instagram 📱Facebook 📺Youtube

Ko'proq funksiyalarni ochish uchun tizimga kiring.