Мир сегодня с "Юрий Подоляка"

Труха⚡️Україна

Ko'rish

Николаевский Ванёк

Ko'rish

Мир сегодня с "Юрий Подоляка"

Ko'rish

Труха⚡️Україна

Ko'rish

Николаевский Ванёк

Ko'rish

Eleven Media Group

https://www.facebook.com/pg/ElevenMediaGroup
https://www.instagram.com/elevenmediagroup
https://www.youtube.com/elevenwebtv11

TGlist reytingi

TuriOmmaviy

Tekshirish

Tekshirilgan

Ishonchnoma

Shubhali

JoylashuvІндія

TilBoshqa

Kanal yaratilgan sanaFeb 06, 2025

TGlist-ga qo'shildi

Aug 22, 2024

Men kanal egasiman

O'zgartirishlar tarixi

Muxrlangan guruh

eleven media group chat 11

148

Telegram kanali Eleven Media Group statistikasi

Batafsil

Obunachilar

45 542

24 soat

28-0.1%Hafta

99-0.2%Oy

3800.8%

Iqtiboslar indeksi

0

Eslatmalar1Kanallardagi repostlar0Kanallardagi eslatmalar1

Bitta postning o'rtacha qamrovi

2 402

12 soat2 211

16.9%24 soat2 402

29%48 soat3 396

33.3%

Ishtirok (ER)

1.33%

Repostlar1Izohlar1Reaksiyalar31

Qamrov bo'yicha ishtirok (ERR)

7.43%

24 soat0%Hafta

0.52%Oy

0.32%

Bitta reklama postining qamrovi

2 422

1 soat1 02342.24%1 – 4 soat85635.34%4 - 24 soat1 03642.77%

Batafsil

Botimizni kanalingizga ulang va ushbu kanal auditoriyasining jinsini bilib oling.

24 soat ichidagi barcha postlar

6

Dinamika

"Eleven Media Group" guruhidagi so'nggi postlar

Barcha postlar

20.04.202510:40

ရုရှားသမ္မတပူတင်က အီစတာပွဲတော်ကာလ ယာယီအပစ်အခတ်ရပ်စဲကြောင်း ကြေညာထားသည့်တိုင် ရုရှားတပ်ဖွဲ့များက လက်နက်ကြီးများဖြင့် ဆက်လက်တိုက်ခိုက်နေဟု ယူကရိန်းသမ္မတ ပြောကြား

ရုရှားသမ္မတ ဗလာဒီမာပူတင်သည် အီစတာပွဲတော်ကာလ ယာယီအပစ်အခတ်ရပ်စဲကြောင်း ကြေညာထားသည့်တိုင် ရုရှားတပ်ဖွဲ့များက လက်နက်ကြီးများဖြင့် ဆက်လက်တိုက်ခိုက်နေဟု ယူကရိန်းသမ္မတ ဗိုလိုဒီမာဇယ်လန်းစကီးက ဧပြီ ၂၀ ရက်တွင် ပြောကြားခဲ့သည်။

ပူတင်၏ နာရီ ၃၀ ကြာ ယာယီအပစ်အခတ်ရပ်စဲကြောင်း ကြေညာမှုသည် သုံးနှစ်ကြာ ဖြစ်ပွားနေသည့် ရုရှား-ယူကရိန်းစစ်ပွဲတွင် သိသာထင်ရှားသည့် အပစ်အခပ်ရပ်စဲမှု ဖြစ်ခဲ့သည်။

သို့သော် အပစ်အခတ်ရပ်စဲသည့် ပူတင်၏အမိန့် အသက်ဝင်ခဲ့ပြီးနောက် နာရီပိုင်းအကြာမှာပင် ယူကရိန်း၏ ကိယက်ဗ်မြို့တော် နှင့် အခြားဒေသများတွင် လေကြောင်းစီးနင်း တိုက်ခိုက်ခံရမှု သတိပေးဥသြသံများ မြည်ခဲ့ ပြီး ရုရှားသည် ၎င်းတို့၏ တိုက်ခိုက်မှုများကို ဆက်လက်ပြုလုပ်နေသည်ဟု ဇယ်လန်းစကီးက စွပ်စွဲခဲ့သည်။

■ Read More - - - >>>https://news-eleven.com/article/302114

20.04.202510:04

ဘန်ကောက်အဆောက်အအုံ ပြိုကျမှုနှင့် ဆက်နွှယ်၍ အမှုဆောင်တစ်ဦးကို ဖမ်းဆီး

လျင်လှုပ်ခတ်မှုကြီးကြောင့် ပြိုကျသွားခဲ့သော ဘန်ကောက်မိုးမျှော် တိုက်တစ်တိုက်ကို တည်ဆောက်ခဲ့သည့် ကုမ္ပဏီတစ်ခုမှ တရုတ်အမှုဆောင်တစ်ဦးကို ဖမ်းဆီးခဲ့သည်ဟု ထိုင်းအာဏာပိုင်များက ပြောကြားခဲ့သည်။

လွန်ခဲ့သည့်လက အိမ်နီးချင်းမြန်မာနိုင်ငံတွင် ရစ်ချ်တာစကေး ၇ ဒသမ ၇ ပြင်းအားရှိ ငလျင်တစ်ခု လှုပ်ခတ်ချိန်တွင် အထပ် ၃၀ အမြင့်ရှိ အဆောက်အအုံသည် ပြိုကျခဲ့ကာ ဆောက်လုပ်ရေး လုပ်ငန်းခွင်ရှိ လူ ၄၇ ဦးသေဆုံးခဲ့ပြီး နောက်ထပ် ၄၇ ဦး ပျောက်ဆုံးလျက် ရှိသည်။

ထိုင်းတရားရုံးတစ်ရုံးက နိုင်ငံခြားစီးပွားရေး အက်ဥပဒေချိုးဖောက်မှုဖြင့် China Railway No.10 ကုမ္ပဏီမှ ထိုင်းနိုင်ငံသားသုံးဦးအပါအဝင် လေးဦးကို ဖမ်းဆီးမိန့်ထုတ်ပြန်ခဲ့ကြောင်း တရားရေးဝန်ကြီး တာဝီဆော့ဆန် က ဧပြီ ၁၉ ရက်တွင် ပြုလုပ်သည့် သတင်းစာရှင်းလင်းပွဲ တစ်ခု၌ ပြောကြားခဲ့သည်။

■ Read More - - - >>>https://news-eleven.com/article/302113

20.04.202505:48

■ မန္တလေးမြို့တွင် ညီကိုချင်း ငွေပေးပြီး လူသတ်ရန် စေခိုင်းသူ နှင့်ကျူးလွန်သူများကို ဖမ်းဆီးရမိ

မန္တလေးမြို့တွင် ညီအစ်ကိုချင်းငွေပေးပြီး လူသတ်ရန် စေခိုင်းသူများနှင့် ကျူးလွန်သူများကို ဖမ်းဆီးရမိထားကြောင်း မန္တလေးတိုင်း ဒေသကြီး ရဲတပ်ဖွဲ့မှူး ရုံးမှ သတင်းရရှိသည်။

ပုသိမ်ကြီးမြို့နယ် ၊ဂွေ့ကြီးကုန်းကျေးရွာ ၊သိပ္ပံလမ်းသစ်ဘေးရှိ လယ်ကွက်ကြားမြောင်းရိုးအတွင်း၌ အမျိုးသားတစ်ဦးအား ခန္ဓာကိုယ်အနှံ့ ထိုးသွင်းဒဏ်ရာများဖြင့်သေဆုံးနေသည်ကို ဧပြီ ၄ ရက်နေ့တွင် တွေ့ရှိခဲ့ရသဖြင့် တာဝန်ရှိသူများက သေဆုံးသူအား သိရှိနိုင်ရန်စုံစမ်းခြင်းနှင့်ကျူးလွန်သူများကို ဖမ်းဆီးရမိရေး ဆောင်ရွက်ခဲ့ကြောင်း သိရသည်။

Read More - - - >>> https://news-eleven.com/article/302111

20.04.202503:32

အနောက်ဘက်နှင့် အရှေ့ဘက်မှ ရွေ့လျားလာသော လေပွေးလှိုင်းများအရှိန်ကြောင့် အချို့ဒေသများတွင် နေရာကွက်၍ မိုးကြီးနိုင်ကြောင်း မိုးဇလက ထုတ်ပြန်

အချိန်အခါမဟုတ် မိုးရွာနိုင်မည့်သတိပေးချက်အနေဖြင့် အနောက်ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အရှေ့ဘက်မှရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အပူပျံတက်တိမ်များ ဖြစ်ထွန်းမှု အားကောင်းခြင်းကြောင့်လည်းကောင်း ဧပြီ ၁၉ ရက်ညနေပိုင်းမှ ၂၁ ရက်အတွင်း နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး အောက်ပိုင်း၊ ရခိုင်ပြည်နယ်နှင့် ရှမ်းပြည်နယ်(တောင်ပိုင်း)တို့တွင် နေရာကွက်ကျားမှ နေရာကျဲကျဲနှင့် ရန်ကုန်တိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း) တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာကာ အချို့ဒေသများတွင် နေရာကွက်၍ မိုးကြီးနိုင်ကြောင်း သိရသည်ည။

ယင်းအတွက်ကြောင့် ပြည်သူများအနေဖြင့် အချိန်အခါမဟုတ်မိုးရွာခြင်းနှင့်အတူ လေပြင်းများတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်းနှင့် မြေပြိုခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ကြောင်း မိုးဇလက သတိပေးထားသည်။

Read More - - - >>> https://news-eleven.com/article/302104

20.04.202502:11

■ စစ်ကိုင်းမြို့နှင့် မန္တလေးမြို့တို့ရှိ ခရိုင်အဆင့် ဌာနဆိုင်ရာတာဝန်ရှိသူများနှင့် ရပ်မိ ရပ်ဖများအား သီးခြားစီတွေ့ဆုံ၍ ငလျင်ဘေးဒဏ်ထိခိုက်မှုများကြောင့် ပျက်စီးမှုများအပေါ် ပြန်လည်ထူထောင်ရေးနှင့်ပတ်သက်၍ နစက ဥက္ကဋ္ဌ ရှင်းလင်းပြောကြား

■ ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် ရန်ပုံငွေအဖြစ် စစ်ကိုင်းတိုင်းဒေသကြီးအတွက် ကျပ် ဘီလျံ ၅၀ နှင့် မန္တလေးတိုင်းဒေသကြီးအတွက် ကျပ် ဘီလျံ ၆၀ ပေးအပ်

စစ်ကိုင်းမြို့နှင့် မန္တလေးမြို့တို့ရှိ ခရိုင်အဆင့် ဌာနဆိုင်ရာတာဝန်ရှိသူများနှင့် ရပ်မိ ရပ်ဖများအား သီးခြားစီတွေ့ဆုံ၍ ငလျင်ဘေးဒဏ်ထိခိုက်မှုများကြောင့် ပျက်စီးမှုများအပေါ် ပြန်လည်ထူထောင်ရေးနှင့်ပတ်သက်၍ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က ရှင်းလင်းပြောကြားခဲ့ကြောင်း သိရသည်။

စစ်ကိုင်းမြို့ရှိ ခရိုင်အဆင့်တာဝန်ရှိသူများနှင့် ရပ်မိရပ်ဖများကို စစ်ကိုင်းမြို့ရှိ အသင်္ခရာ ဧည့်ရိပ်သာအစည်းအဝေးခန်းမတွင်လည်းကောင်း၊ မန္တလေးမြို့ရှိခရိုင်အဆင့် တာဝန်ရှိသူများနှင့် ရပ်မိရပ်ဖများအား မန္တလေးတိုင်းဒေသကြီး အစိုးရအဖွဲ့ ရုံး၌လည်းကောင်း သီးခြားစီတွေ့ဆုံ၍ ငလျင်ဘေးဒဏ်ထိခိုက်မှုများကြောင့် ပျက်စီးမှုများအပေါ် ပြန်လည်ထူထောင်ရေးနှင့်ပတ်သက်၍နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ရှင်းလင်းပြောကြားခဲ့ကြောင်း သိရသည်။

အဆိုပါတွေ့ဆုံပွဲများသို့ ကောင်စီအဖွဲ့ဝင်များ၊ ပြည်ထောင်စုဝန်ကြီးများ၊ မန္တလေးတိုင်းဒေသကြီး ဝန်ကြီးချုပ်၊ စစ်ကိုင်းတိုင်းဒေသကြီးဝန်ကြီးချုပ်၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ အလယ်ပိုင်းတိုင်းစစ်ဌာနချုပ် တိုင်းမှူးနှင့် အနောက်မြောက်တိုင်းစစ်ဌာနချုပ် တိုင်းမှူး၊ မန္တလေးမြို့နှင့် စစ်ကိုင်းမြို့တို့ရှိ ခရိုင်အဆင့် ဌာနဆိုင်ရာတာဝန်ရှိသူများနှင့် ရပ်မိရပ်ဖများ တက်ရောက်ကြကြောင်း သိရသည်။

ထိုသို့တွေ့ဆုံရာတွင် နစက ဥက္ကဋ္ဌ နိုင်ငံတော်ဝန်ကြီးချုပ်က မြန်မာနိုင်ငံတွင် မန္တလေးငလျင်ကြီး လှုပ်ခတ်ခဲ့မှုကြောင့် စစ်ကိုင်းမြို့နှင့် မန္တလေးတိုင်းဒေသကြီးတို့တွင် ထိခိုက်ပျက်စီဆုံးရှုံးမှုများပြားခဲ့ကြောင်း၊ ငလျင်ဒဏ်ကြောင့် ထိခိုက်ပျက်စီးမှု ဆုံးရှုံးမှုများမှတစ်ဆင့် မိမိတို့အတွက် သင်ခန်းစာများလည်းရရှိခဲ့ကြောင်း၊ အဆိုပါသင်ခန်းစာများကို ဖော်ထုတ်၍ နောင်အချိန်တွင် ယခုကဲ့သို့ ထပ်မံကြုံတွေ့ရချိန်၌ ထိခိုက်ပျက်စီးဆုံးရှုံးမှုများ နည်းပါးအောင် ကြိုတင်ပြင်ဆင်ဆောင်ရွက်သွားရမည်ဖြစ်ကြောင်း၊ သဘာဝဘေးမှာ ရှောင်လွှဲ၍မရသော်လည်း ကာကွယ်ခြင်းနှင့် ကြိုတင်ပြင်ဆင်ခြင်းလုပ်ငန်းများကို ဆောင်ရွက်နိုင်ကြောင်း၊ မိမိတို့နိုင်ငံ၌ သဘာဝဘေးဒဏ်များ ကျရောက်ခဲ့ချိန်များတွင် မိမိတို့အနေဖြင့် အခက်အခဲများကြားမှ အောင်မြင်စွာကျော်ဖြတ်နိုင်ခဲ့ကြောင်း ပြောကြားသည်။

Read More - - - >>> https://news-eleven.com/article/302103

19.04.202515:41

■ ကွန်ဟိန်းမြို့နယ်၊ ကာလိမြို့မှ ရန်ကုန်သို့ သယ်ဆောင်သည့် ကျပ် ၈ ဘီလျံကျော်တန်ဖိုးရှိ စိတ်ပြောင်းဆေးဝါး ကတ်တမင်း(၁၀၀၀) ကီလို ဖမ်းဆီးရမိ

ရှမ်းပြည်နယ် ကွန်ဟိန်းမြို့နယ်၊ ကာလိမြို့မှ ရန်ကုန်သို့ သယ်ဆောင်သည့် ကျပ် ၈ ဘီလျံကျော်တန်ဖိုးရှိ စိတ်ပြောင်းဆေးဝါး ကတ်တမင်း(၁၀၀၀)ကီလို အား ရှမ်းပြည်နယ်(တောင်ပိုင်း)၊ လွိုင်လင်မြို့တွင် ဖမ်းဆီးရမိခဲ့ကြောင်း သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့ သည် ဧပြီ ၁၃ ရက် ညနေ ၆ နာရီ ခန့်က လွိုင်လင်-တောင်ကြီးသွားကားလမ်း၊ လွိုင်လင်တိုးဂိတ်တွင် ကျော်အာကာသိန်း မောင်းနှင်လာသည့် TOYOTA ALPHARD ယာဉ်နှင့် သက်နိုင် မောင်းနှင်လာသည့် TOYOTA ALPHARD ယာဉ်တို့ကို သတင်းအရ စစ်ဆေးရန် ရပ်တန့်ခိုင်းစဉ် ကျော်အာကာသိန်း မောင်းနှင်သည့်ယာဉ်မှာ တောင်ကြီးဘက်သို့ မောင်းနှင်ထွက်ပြေးသဖြင့် ပိတ်ဆို့ဖမ်းဆီးခဲ့ရာ လွိုင်လင်-တောင်ကြီးသွားလမ်းရှိ ချိုခမ်းကျေးရွာအဝင်တွင် ဖမ်းဆီးရမိခဲ့ပြီး ၎င်းယာဉ်နှစ်စီးပေါ်မှ ဒေသကာလတန်ဖိုးကျပ် ၈ ဒသမ ၅ ဘီလျံတန်ဖိုးရှိ စိတ်ပြောင်းဆေးဝါးကက်တမင်း(၁၀၀၀) ကီလို သိမ်းဆည်းရမိခဲ့ကြောင်း သိရသည်။

Read More - - - >>> https://news-eleven.com/article/302097

19.04.202513:28

ကိုရိုနာ ဗိုင်းရပ်စ်သည် ဓာတ်ခွဲခန်းမှ ယိုစိမ့်လာသည်ဆိုသည့် သီအိုရီ ကို အသားပေး ဖော်ပြထားသည့် ဝက်ဘ်ဆိုက်အား အိမ်ဖြူတော်က ဖော်ပြ

COVID-19 ကပ်ရောဂါကို ဖြစ်စေခဲ့သည့် ကိုရိုနာ ဗိုင်းရပ်စ်သည် တရုတ်၏ ဓာတ်ခွဲခန်းတစ်ခုမှ ယိုစိမ့်လာသည်ဆိုသည့် သီအိုရိကို အသားပေးဖော်ပြထားသည့် ဝက်ဘ်ဆိုက်အား အမေရိကန်သမ္မတ အိမ်ဖြူတော်က ဧပြီ ၁၈ ရက်တွင် ဖော်ပြခဲ့သည်။

အဆိုပါ သီအိုရီသည် ကပ်ရောဂါ၏ စစ်မှန်သည့် အကြောင်းရင်းများထဲမှ တစ်ခုဖြစ်ကြောင်း ပြန်လည်ပြုပြင်မွမ်းမံထားသည့် အမေရိကန်အစိုးရ၏ ကိုဗစ်ဝက်ဘ်ဆိုက်တွင် ဖော်ပြထားသည်။

ယခင်က ကာကွယ်ဆေးနှင့် စမ်းသပ်မှု သတင်းအချက်အလက်များကို အသားပေးဖော်ပြခဲ့သည့် Covid.gov ဝက်ဘ်ဆိုက်သည် ယခုအခါတွင် သမ္မတဒေါ်နယ်ထရန့်၏ ဓာတ်ပုံနှင့်အတူ ယခင်သမ္မတ ဂျိုးဘိုင်ဒန်လက်ထက်က ချမှတ်ကျင့်သုးခဲ့သည့် ကပ်ရောဂါဆိုင်ရာ မူဝါဒများကိုလည်း ဝေဖန်ထားသည်။

ထို့ပြင် ဘိုင်ဒင်၏ ဆေးဘက်ဆိုင်ရာ အတိုင်ပင်ခံပုဂ္ဂိုလ်ဖြစ်သည့် အန်သိုနီ ဖောက်ချီကိုလည်း COVID-19 သည် သဘာဝအလျှောက်ပေါ်ပေါက်လာခဲ့သည်ဟု ပြောဆိုခဲ့မှုအတွက် ဝေဖန်ခဲ့သည်။

အဆိုပါဝက်ဘ်ဆိုက်တွင် ကိုရိုနာဗိုင်းရပ်စ်သည် ဓာတ်ခွဲခန်းမှ ယိုစိမ့်လာသည့် သီအိုရီကို အသားပေးဖော်ပြရန်အတွက် အချက် ငါးချက်ကို တင်ပြထားသည်။

Read More - - - >>> https://news-eleven.com/article/302093

Ref:AFP

19.04.202510:09

19.04.202510:08

■ အင်အားပြင်းငလျင်ကြောင့် ငလျင်ဒဏ်ခံ ဒေသများတွင် မြေလွှာအက်ကွဲမှုများ ဖြစ်ပွား

အင်အားပြင်းငလျင်ကြောင့် ငလျင်ဒဏ်ခံဒေသများတွင် မြေလွှာအက်ကွဲမှုများဖြစ်ပွားခဲ့ကြောင်း သိရသည်။

မတ် ၂၈ ရက်တွင် ဖြစ်ပွားခဲ့သည့် အင်အားအလွန်ပြင်းထန်သည့် ငလျင်ကြီးကြောင့် ပျော်ဘွယ်၊ သာစည်၊ ရမည်းသင်းအစရှိသည့် ဒေသများတွင် ဖြစ်ပွားခဲ့ခြင်းဖြစ်သည်ဟု အဆိုပါနေရာများတွင် မြေပြင်ကွင်းဆင်းကောက်ယူနေသည့် TSBM - The Spirit of Brotherhood Mission အဖွဲ့၏ ထုတ်ပြန်ချက်များအရ သိရသည်။

" အက်ကွဲကြောင်းကြီးတွေဟာရှည်လျားပါတယ်။ ကြီးလိုက်သေးလိုက် ထင်ရှားလိုက်ပျောက်သွားလိုက်ပေါ့။ ကွဲနေတဲ့မြေလွှာအက်ကွဲကြောင်းအနက်ဟာ တစ်ပေနှစ်ပေခန့်မှ ပေ ၇၀ ခန့်အထိ(မြင်းခြံချည်စက်ရုံခွဲအနောက်တောင်ဘက် ကတင်ကျေးရွာမြောက်ဘက် လယ်ကွင်းအတွင်း)တွေ့ရပါတယ်။ သတိထားမိတာက ပင်မအက်ကွဲကြောင်းတွေဟာ နံဘေးမှာ အပြိုင်အက်ကွဲကြောင်းငယ်တစ်ခုနှစ်ခုနဲ့အတူ တောင်မြောက်ကွဲအက်နေတာပါ။ ဘေးတိုက်ရွေ့လျားမှု strike slip motion ကြောင့်ဖြစ်ပေါ်တယ်ယူဆရတဲ့ ပင်မအက်ကွဲကြောင်းဟာ တိုက်တာအဆောက်အဦ၊ ရေအောက်ကြမ်းပြင်၊ ထန်းပင်ပါမကျန် ကွဲအက်ထွက်စေပြီးတော့ အပြိုင်ဖြစ်ပေါ်နေတဲ့ အက်ကွဲကြောင်းငယ်အနီး ပေတစ်ရာ၊ နှစ်ရာ တဝိုက်မှာ ဝေ့ဝှိုက်လှုပ်ရှားမှု sheer wave ကြောင့် ဖြစ်ပေါ်တယ်လို့ယူဆရတဲ့ S ပုံစံ ပုံပျက်မြေအနေအထားများတွေ့ရှိရပါတယ်။ တချို့နေရာမှာ super sheer wave ကြောင့် double s shape ပုံပျက်ယွင်းနေမှုများလည်းတွေ့ရပါတယ်" ဟု TSBM - The Spirit of Brotherhood Mission အဖွဲ့တွင် ပါဝင်သူတစ်ဦးက လူမှုကွန်ရက်တွင် ရေးသားထားသည်။

ပျော်ဘွယ်နှင့် သာစည်မြို့များတွင် ဖြတ်သန်းသွားသည့် အက်ကွဲကြောင်းကြီးများ ဆုံသည့်နေရာများတွင် အထိအခိုက်အပျက်အစီး များပြားခဲ့သည်ကို တွေ့ရသည်ဟု သိရသည်။

■ photo - #tsbm_er77info by Htin Kyaw

Website link - - - >>> https://news-eleven.com/article/302092

19.04.202509:48

19.04.202509:47

■ သင်္ကြန် ကာလနောက်ပိုင်း စက်သုံးဆီဈေး ထိုးဆင်း

သင်္ကြန် ကာလနောက်ပိုင်း စက်သုံးဆီဈေး ထိုးဆင်းလာကြောင်း စက်သုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီ၏ ထုတ်ပြန်ချက်အရ သိရသည်။

သင်္ကြန် ကာလ နောက်ပိုင်းစက်သုံးဆီဈေးနှုန်းများမှာ ၉၂ တစ်လီတာ ကျပ် ၂၇၄၀၊ ၉၅ တစ်လီတာကျပ် ၂၈၀၀၊ ရိုးရိုးဒီဇယ်တစ်လီတာ ကျပ် ၂၃၉၀၊ ပရီမီယံဒီဇယ်တစ်လီတာ ကျပ် ၂၉၆၀ ဖြစ်သည်။

သင်္ကြန် မတိုင်မီက စက်သုံးဆီဈေးနှုန်းများမှာ ၉၂ တစ်လီတာ ကျပ် ၃၀၅၀၊ ၉၅ တစ်လီတာ ကျပ် ၃၁၁၀၊ရိုးရိုးဒီဇယ်တစ်လီတာ ကျပ် ၂၅၉၀၊ပရီမီယံဒီဇယ်တစ်လီတာ ကျပ် ၃၂၀၀ ဖြစ်သည်။

ယင်းကြောင့် ၉၂ နှင့် ၉၅ စက်သုံးဆီများမှာ တစ်လီတာကျပ် ၃၁၀၊ ပရီမီယံဒီဇယ်တစ်လီတာကျပ် ၂၄၀၊ရိုးရိုးဒီဇယ်တစ်လီတာ ကျပ် ၂၀၀ အထိ ကျဆင်းလာသည်ကို တွေ့ရသည်။

" ဆီဈေးတွေ ကျလာတယ်။ သိသိသာသာကျတယ် လို့ပြောရမယ်။ အရင်က ဒီလောက်အထိကျတာ မတွေ့ဖူးသေးဘူး။ အရင်က တစ်လီတာကို ၇၀ လောက်ပဲကျတယ်။ ပြီးတာနဲ့ ပြန်တက်တာက ၁၀၀ လောက် ဖြစ်တာ။ အခုလည်း ဆက်ကျမလား ကြည့်ရမယ်။ ဆက်ကျမယ်ဆိုရင်တော့ ကောင်းတယ်" ဟု ရန်ကုန်မြို့တွင်း မော်တော်ယာဉ်မောင်းနှင်သူတစ်ဦးက ပြောကြားသည်။

လက်ရှိရောင်းချလျက်ရှိသည့် စက်သုံးဆီဈေးနှုန်းများမှာ ရက်သတ္တပတ် တစ်ပတ်အတွက် ဈေးနှုန်းများ ဖြစ်ပြီး သောကြာနေ့တွင် ဈေးနှုန်း အပြောင်းအလဲ ရှိသည်ဟု သိရသည်။

19.04.202507:28

Barcha postlar

Reklama qilingan0 sekund

18.04.202514:24View of Sue

17.7K

Reklama qilingan0 sekund

13.04.202508:23View of Sue

17.7K

Reklama qilingan3 sekund

12.04.202515:37Min Chit Oo

56.8K

Reklama qilingan6 soat

10.04.202517:07View of Sue

17.7K

Reklama qilingan0 sekund

08.04.202507:55View of Sue

17.7K

Reklama qilingan49 oy

07.04.202522:02Yan Nyein Aung

479

Batafsil

Rekordlar

08.04.202523:59

45.7KObunachilar

11.03.202506:13

100Iqtiboslar indeksi

07.12.202423:59

6.8KBitta post qamrovi

07.12.202423:59

6.8KReklama posti qamrovi

12.09.202423:59

5.08%ER

07.12.202423:59

15.27%ERR

Rivojlanish

Batafsil

Obunachilar

Iqtibos indeksi

1 ta post qamrovi

Reklama posti qamrovi

ERR

Batafsil

Eleven Media Group mashhur postlari

Barcha postlar

22.03.202503:04

■ Photo News :

မန္တလေးမြို့ ၆၆ လမ်း ၁၂ လမ်းနှင့် ၂၆ လမ်းကြား ကျုံးအရှေ့ဘက်ခြမ်းတွင် သပြေဘူတပန်းအပွင့်များ မြိုင်မြိုင်ဆိုင်ဆိုင် ပွင့်နေသည်ကို မန္တလေးမြို့၏ အထင်ကရဖြစ်သော နန်းမြို့ရိုး ၊ မန္တလေးတောင်နှင့်အတူ ပြီးခဲ့သည့် မတ်လ ၂၀ ရက်နေ့က လှပသော ပန်းချီကားတစ်ချပ်ဖွယ် တွေ့ရစဉ်။

■ ဓာတ်ပုံ - သက်ထွန်းအောင်

02.04.202508:26

Exhuma သရုပ်ဆောင်ကင်ဂိုအွန်းက ငလျင်ဒဏ်သင့် မြန်မာပြည်သူများအတွက် ဝမ်သန်း ၅၀ လှူဒါန်း
တောင်ကိုရီးယားနိုင်ငံ၏ ထိပ်တန်းမင်းသမီးတစ်လက်ဖြစ်သည့် ကင်ဂိုအွန်းက အင်အားပြင်းငလျင် ဒဏ်ခံစားခဲ့ရသည့် မြန်မာပြည်သူများနှင့် ကလေးများအတွက် ဝမ်သန်း ၅၀ လှူဒါန်းထားကြောင်း ကလေးသူငယ်များအရေး အဓိကဆောင်ရွက်သည့် နိုင်ငံတကာအန်ဂျီအိုအဖွဲ့ Good Neighbors က ဧပြီ ၂ ရက်တွင် ကြေညာလိုက်သည်။
အဆိုပါလှူဒါန်းငွေများကို မြန်မာနိုင်ငံတွင် လက်ရှိဆောင်ရွက်နေသည့် အရေးပေါ်ကူညီထောက်ပံ့ရေး အစီအစဉ်များတွင် ထည့်သုံးစွဲသွားမည်ဖြစ်သည်။Good Neighbors အဖွဲ့က မြန်မာနိုင်ငံအလယ်ပိုင်းနှင့် မြောက်ပိုင်းအပြင် ထိုင်းနိုင်ငံ ၊ ဘန်ကောက်မြို့တွင်လည်း အရေးပေါ်ထောက်ပံ့ပစ္စည်းများ ဖြန့်ဝေပေးလျက်ရှိသည်။
လူပြောများသည့် Exhuma ဇာတ်ကားမှ ခေါင်းဆောင်မင်းသမီး ကင်ဂိုအွန်းက “ မြန်မာပြည်သူတွေ အကြောင်း ကြားရတာ ကျွန်မကြေကွဲရတယ်။ တစ်ခဏတည်းနဲ့ အိမ်တွေပျောက်ခဲ့ရတယ်။ ငလျင်ဒဏ်သင့်ဒေသမှာ နေထိုင်ကြတဲ့သူတွေကို ကျွန်မရင်ထဲက အားပေးနေပါတယ်” ဟု ၎င်း၏ခံစားချက်ကို ထုတ်ဖော်ထားသည်။
Website Link >>>>https://news-eleven.com/article/301668

28.03.202518:08

မြန်မာနိုင်ငံရှိ ငလျင်ဒဏ်သင့်ဒေသများကို အမေရိကန်က ကူညီပေးသွားမည်ဟု သမ္မတ ဒေါ်နယ်ထရန့်ပြောကြား

မြန်မာနိုင်ငံရှိ ငလျင်ဒဏ်သင့်ဒေသများကို အမေရိကန်က ကူညီပေးသွားမည်ဟု သမ္မတ ဒေါ်နယ်ထရန့်က ပြောကြားသည်။

"အမေရိကန်ပြည်ထောင်စုအနေနနဲ့ မြန်မာနိုင်ငံက ငလျင်ဘေးဒဏ်အတွက် ကူညီပေးသွားမှာပါ။ ဒီလို အကူအညီပေးရေးအတွက် သက်ဆိုင်ရာနိုင်ငံကသူတွေနဲ့ ပြောဆိုမှုတွေ စတင်လုပ်နေပါပြီ" ဟု အမေရိကန်သမ္မတ ဒေါ်နယ်ထရန့်က ပြောကြားသည်။

■ Website Link- - - >>>https://news-eleven.com/article/301548

02.04.202507:27

■အိန္ဒိယနိုင်ငံသည် မြန်မာနိုင်ငံ ငလျင်ဘေးအတွက် ဗြဟ္မာစီမံချက်ဖြင့် ကူညီကယ်ဆယ်ရေးပစ္စည်းများ တန်ချိန် ၆၂၅ မက်ထရစ်တန် ပို့ဆောင်ထားပြီးဖြစ်
■မန္တလေးတွင် အိန္ဒိယတပ်မတော်က ခုတင် ၂၀၀ ဆံ့ ယာယီဆေးရုံတည်ဆောက်၍ ဆေးကုသမှုများ ဆောင်ရွက်ပေးနေ
အိန္ဒိယနိုင်ငံသည် မြန်မာနိုင်ငံ ငလျင်ဘေးအတွက် ဗြဟ္မာစီမံချက်ဖြင့် ကူညီကယ်ဆယ်ရေးပစ္စည်းများ တန်ချိန် ၆၂၅ မက်ထရစ်တန် ပို့ဆောင်ပြီးဖြစ်ကြောင်း သိရသည်။
အိန္ဒိယနိုင်ငံသည် ၂၀၂၅ ခုနှစ် မတ် ၂၈ ရက်၌ မြန်မာနိုင်ငံတွင် ပြင်းထန်သော ငလျင် လှုပ်ခတ်ခဲ့ ပြီးနောက် ရှာဖွေကယ်ဆယ်ရေး၊ လူသားချင်းစာနာထောက်ထားမှုအကူအညီ၊ သဘာဝဘေးကယ်ဆယ်ရေးနှင့် ဆေးဝါးအကူ အညီများအပါအဝင် လိုအပ်သောပံ့ပိုးကူညီမှုများပေးရန် အတွက် Operation Brahma (ဗြဟ္မာစီမံချက်)ကို စတင် ဆောင်ရွက်ခဲ့ကြောင်း၊ အိမ်နီးချင်းဒေသ၌ အခက်အခဲဖြစ်ပေါ်သည်အချိန်တွင် ပထမဆုံး တုံ့ပြန်ကူညီသည့်နိုင်ငံအနေဖြင့် ဗြဟ္မာစီမံချက်သည် အိန္ဒိယနိုင်ငံအစိုးရ တစ်ရပ်လုံး၏ ကြိုးပမ်းအားထုတ်မှု စုပေါင်းအားဖြင့် မြန်မာနိုင်ငံ၏ ကြီးမားသော ပျက်စီးမှုများကို တုံ့ပြန်ကူညီဆောင်ရွက်ခြင်းဖြစ်ကြောင်း သိရသည်။
>>>> Website link :....https://news-eleven.com/article/301660

28.03.202512:47

■ Update News

မန္တလေးမြို့တွင် အမြင့် ၁၁ ထပ်ရှိ Sky villa ကွန်ဒို ငလျင်ကြောင့် ကွန်ဒိုအခန်းအချို့ မြေကြီးအောက်ကျွံဝင်ခဲ့ပြီး ခုနစ်ထပ်သာကျန်ရှိတော့

မန္တလေးမြို့တွင် အမြင့် ၁၁ ထပ်ရှိ Sky villa ကွန်ဒို ငလျင်ကြောင့် ကွန်ဒိုအခန်းအချို့ မြေကြီးအောက်ကျွံဝင်ခဲ့ပြီး ခုနစ်ထပ်သာကျန်ရှိတော့ကြောင်း မန္တလေးမြို့ခံများထံမှ သိရသည်။

အင်အားအလွန်ပြင်းထန်သည့် ငလျင်ကြောင့် အဆိုပါ ကွန်ဒိုအဆောက်အအုံမှာ မြေညီထပ်မှစတင်ပြီး မြေကြီးအောက်ကျွံဝင်ခဲ့ခြင်းဖြစ်ကာ လူသေဆုံးမှုများလည်း ဖြစ်ပွားခဲ့သည်။

"ကျွန်တော့်အမေနဲ့ သမီးလေးနှစ်ယောက်ရဲ့အလောင်းတွေ သယ်ထုတ်ကူပေးကြပါအုံး " ဟု လူမှုကွန်ရက်သုံးစွဲသူတစ်ဦးက ရေးသားထားသည်။

ထို့ပြင် လူပျောက်ဆုံးမှုများလည်း ဖြစ်ပေါ်နေပြီးလက်ရှိအချိန်အထိ အဆက်အသွယ်မရသေးသူများလည်း ရှိနေကြောင်း သိရသည်။

အဆိုပါကွန်ဒိုမှာ အောင်မြေသာဇံမြို့နယ် လမ်း ၆၀၊ ၂၂ လမ်းနှင့် ၂၃ လမ်းအကြားတွင် တည်ရှိသည်။
ယင်းကွန်ဒို ပျက်စီးမှုများနှင့်ပတ်သက်ပြီး ဆက်လက်သိရှိရသည်များကို ထပ်မံဖော်ပြသွားပါမည်။

31.03.202504:41

မန္တလေး Sky Villa ကွန်ဒိုရှာဖွေကယ်ဆယ်ရေးလုပ်ငန်းများ ရပ်ဆိုင်း

မန္တလေး Sky Villa ကွန်ဒိုရှာဖွေကယ်ဆယ်ရေးလုပ်ငန်းများကို မတ် ၃၁ ရက် နံနက်မှစတင်ပြီး ရပ်ဆိုင်းလိုက်ကြောင်း သိရသည်။

အောင်မြေသာစံမြို့နယ် လမ်း ၆၀၊ ၂၁ လမ်းနှင့် ၂၂ လမ်းကြားရှိ Sky Villa ၁၁ ထပ်ကွန်ဒို အဆောက်အအုံသည် ငလျင်ဒဏ်ကြောင့် ပြိုကျမှုဖြစ်ပွားခဲ့ရာ လူရာပေါင်းများပိတ်မိနေခြင်းဖြစ်ပြီး ကယ်ဆယ်ရေးလုပ်ငန်းများဆောင်ရွက်နေခြင်းဖြစ်ပြီး လက်ရှိတွင် ကယ်ဆယ်မှုရပ်နားလိုက်ခြင်းဖြစ်ကြောင်း သိရသည်။

“ဟုတ်ပါတယ်။ ဒီမနက်မှာပဲ စတင်ရပ်နားလိုက်ပြီ။ ပြည်ပကလာတဲ့အကူညီအဖွဲ့တွေမှာ detector လို ကိရိယာတွေပါလာတာကြောင့် အသက်ရှင်ကျန်သူမရှိတော့ဘူးလို့ သုံးသပ်ပြီး ရပ်နားလိုက်လို့ သိရတယ်” ဟု ရှာဖွေကယ်ဆယ်ရေးအခြေနေနှင့်ပတ်သက်ပြီး ဌာနဆိုင်ရာတာဝန်ရှိသူတစ်ဦးက အတည်ပြုပြောကြားခဲ့သည်။

30.03.202513:51

■ ရန်ကုန် ဆွိတီးဟုမ်း စက်ရုံမှ သိန်း၂၀၀၀ ခန့်တန်ဖိုးရှိ ကိုင်းခြင်ထောင်နှင့် ခေါင်းအုံးများအား ငလျင်ဒဏ်ခံစားရသည့် မိသားစုများထံ လှူဒါန်းရန် ပို့ဆောင်

ရန်ကုန် ဆွိတီးဟုမ်းစက်ရုံမှ သိန်း၂၀၀၀ ခန့်တန်ဖိုးရှိ ကိုင်းခြင်ထောင်နှင့် ခေါင်းအုံးများအား ငလျင်ဒဏ်ခံစားရသည့် မိသားစုများထံ လှူဒါန်းရန် စတင်ပို့ဆောင် နေပြီဖြစ်ကြောင်း ဆွိတီးဟုမ်းက အသိပေးကြေညာထားကြောင်း သိရသည်။

မန္တလေးမြို့ရှိ ဆွိတီးဟုမ်း ကုမ္ပဏီပိုင် စက်ရုံနှင့် ဂိုဒေါင်များသည်ပျက်စီးမှု့ရှိပြီး လက်ရှိအနေအထားအရ ဝင်ရောက်ရန်အခက်အခဲများရှိနေပါသောကြောင့် မန္တလေးမြို့ပေါ်ရှိ ငလျင်ဒဏ်ကြောင့် ဆုံးရှုံးမှုရှိခဲ့သော မိသားစုများထံသို့ လတ်တလော လိုအပ်နိုင်မည့် ကိုင်းခြင်ထောင် ၊ခေါင်းအုံးတို့အား အချိန်မှီရောက်ရှိ လှူဒါန်းနိုင်ရန်အတွက် ကာလတန်ဖိုး သိန်း၂၀၀၀ ဝန်းကျင်ရှိ ကိုင်းခြင်ထောင်နှင့် ခေါင်းအုံးများအား ရန်ကုန် ဆွိတီးဟုမ်းစက်ရုံမှ မန္တလေးမြို့နှင့်လမ်းတလျှောက်သို့ ယခုစတင်ပို့ဆောင်ပြီး လှူဒါန်းနိုင်ရန် သွားရောက်နေပြီဖြစ်ပါကြောင်း အသိပေးအကြောင်းကြားအပ်ပါသည်ဟု ဆွိတီးဟုမ်းမှ သိရသည်။

#earthquake #Myanmar_Earthquake_2025

29.03.202504:23

ငလျင်ကြောင့် မန္တလေးမြို့တွင်နေထိုင်သည့် သုခဒိုင်းမွန်းစိန်တိုက်ပိုင်ရှင်နှင့် သားသမီးများ၊ မြေးဖြစ်သူတို့ ကွယ်လွန်

ငလျင်ကြောင့် မန္တလေးမြို့တွင်နေထိုင်သည့် သုခဒိုင်းမွန်းစိန်တိုက်ပိုင်ရှင်နှင့် သားသမီးများ၊ မြေးဖြစ်သူတို့ ကွယ်လွန်ခဲ့သည်ဟု သုခဒိုင်းမွန်းစိန်တိုက်က သတင်းထုတ်ပြန်သည်။

" သုခဒိုင်းမွန်းစိန်တိုက်၏ ပိုင်ရှင် သီရိသုဓမ္မသိင်္ဂီ ဒေါ်မိုးသီတာရွှေနှင့် သားသမီးများမြေးလေးတို့မှာ 28.3.2025 တွင် သဘာဝဘေးအန္တရာယ်ကြောင့် ကွယ်လွန်အနိစ္စရောက်သွားပါပြီရှင်။ သုခဒိုင်းမွန်းဆိုင်ခွဲများအားလုံး ခေတ္တခဏပိတ်ထားပါကြောင်း ကြေငြာလိုက်ပါတယ်ရှင့်" ဟု သုခဒိုင်းမွန်းစိန်တိုက်က ထုတ်ပြန်သည်။

ဆိုင်များပြန်လည်ဖွင့်လှစ်မည့်ရက်ကို ထပ်မံကြေညာပေးမည်ဖြစ်ကြောင်း သိရသည်။

04.04.202505:27

နစကဥက္ကဋ္ဌက အိန္ဒိယဝန်ကြီးချုပ်နှင့်တွေ့ဆုံ

BIMSTEC အစည်းအဝေးကို တက်ရောက်ရန် ထိုင်းနိုင်ငံ ဘန်ကောက်မြို့တော်သို့ ရောက်ရှိနေသည့် နစက္ကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်သည် အိန္ဒိယဝန်ကြီးချုပ် နာရန်ဒရာမိုဒီနှင့် သီးသန့်တွေ့ဆုံခဲ့ကြောင်း သိရသည်။

မကြာသေးမီက မြန်မာနိုင်ငံတွင် အင်အားပြင်းငလျင်လှုပ်ခတ်မှုကြောင့် ဆုံးရှုံးနစ်နာမှုများနှင့်ပတ်သက်ပြီး မိုဒီက ဝမ်းနည်းစကားပြောကြားခဲ့ကာ ယခုကဲ့သို့ အလွန်အရေးကြီးသည့် အချိန်မျိုးတွင် မြန်မာနိုင်ငံမှ ညီအစ်ကိုမောင်နှမများအတွက် အိန္ဒိယက အကူအညီပေးမည်ဖြစ်ကြောင်း ထပ်လောင်းပြောကြားခဲ့သည်။

ထို့ပြင် ခေါင်းဆောင်နှစ်ဦးသည် အိန္ဒိယနှင့် မြန်မာအကြား အပြန်အလှန်ဆက်ဆံရေးများ၊ အထူးသဖြင့် ဆက်သွယ်ဆောင်ရွက်မှု၊ စွမ်းဆောင်ရည်တည်ဆောက်မှု၊ အခြေခံအဆောက်အအုံဖွံ့ဖြိုးတိုးတက်ရေးနှင့် အခြားကဏ္ဍများကို ဆွေးနွေးခဲ့ကြသည်။

Read More - - - >>> https://news-eleven.com/article/301744

10.04.202517:38

မြန်မာအစိုးရ၏ တောင်းဆိုချက်အရ တရုတ်နိုင်ငံက အရေးပေါ်လူသားချင်းစာနာထောက်ထားမှုဆိုင်ရာ ကယ်ဆယ်ရေးအကူအညီ ယွမ် တစ်ဘီလျံ ထပ်မံထောက်ပံ့မည်

မြန်မာအစိုးရ၏ တောင်းဆိုချက်အရ တရုတ်နိုင်ငံက အရေးပေါ်လူသားချင်းစာနာထောက်ထားမှုဆိုင်ရာ ကယ်ဆယ်ရေး အကူအညီ ယွမ် တစ်ဘီလျံ ထပ်မံထောက်ပံ့မည်ဖြစ်ကြောင်း ရန်ကုန်မြို့ရှိ တရုတ်သံရုံးက ထုတ်ပြန်သည်။

မြန်မာနိုင်ငံအစိုးရ၏ တောင်းဆိုချက်အရ တရုတ်အစိုးရသည် ယွမ်ငွေ တစ်ဘီလျံ အရေးပေါ်လူသားချင်းစာနာထောက်ထားမှုဆိုင်ရာ ကယ်ဆယ်ရေးအကူအညီကို ထပ်မံပံ့ပိုးပေးမည်ဖြစ်ပြီး၊ အဆိုပါငွေဖြင့် လောင်စာဆီ၊ Plank House၊ ခွဲစိတ်ခန်း၊ ဆေးဝါးနှင့် ကာကွယ်ဆေးများစသည့် အရေးတကြီး လိုအပ်သောပစ္စည်းများပါဝင်ပြီး ကျန်းမာရေးနှင့်ရောဂါ ကာကွယ်ရေးဆိုင်ရာ ကျွမ်းကျင်အဖွဲ့များကို ကုသရေးနှင့် ပိုးသတ်ရေးလုပ်ငန်းများဆောင်ရွက်ရန် စေလွှတ်မည်ဖြစ်ကာ ဘေးအန္တရာယ်
အကဲဖြတ်ရေးအဖွဲ့ စေလွှတ်၍ ငလျင်ဒဏ်ခံစားရဒေသများသို့ ကွင်းဆင်းစစ်ဆေးပြီး မြန်မာနိုင်ငံ ဘေးဒဏ်ပြီးနောက် ပြန်လည်ထူထောင်ရေးနှင့် ဘေးအန္တရာယ် ကာကွယ်လျှော့ချရေး လုပ်ငန်းစဉ်များ ရေးဆွဲရာတွင် ပံ့ပိုးကူညီသွားမည်ဖြစ်သည်ဟု သံရုံးက ထုတ်ပြန်သည်။

30.03.202508:37

ငလျင်ဘေးသင့်သူများအတွက် မြောက်ဦးဆရာတော်ကြီးက ပထမအကြိမ် ကျပ်သိန်း ၁၀၀၀ မတည်လှူဒါန်းမည်

ငလျင်ဘေးသင့်သူများအတွက် မြောက်ဦးဆရာတော်ကြီး အရှင်ဝါယာမိန္ဒ အဂ္ဂမဟာကမ္မဋ္ဌာနာစရိယ၊ အဂ္ဂမဟာသဒ္ဓမ္မဇောတိကဓဇက ပထမအကြိမ် ကျပ်သိန်း ၁၀၀၀ မတည်လှူဒါန်းမည်ဖြစ်ကြောင်း သိရသည်။

"အမိမြန်မာနိုင်ငံတော်ကြီးအတွင်း ငလျင်ဘေးဒဏ်ကြောင့် ဆင်းရဲဒုက္ခရောက်နေကြသော ဒကာ ဒကာမ များအား မြောက်ဦးဆရာတော်မှ ပထမအကြိမ်သိန်း ၁၀၀၀ မတည်၍ ပြည်တွင်း ပြည်ပ ဒကာ ဒကာမများနှင့် စုပေါင်းကာ လှူဒါန်းသွားမည်ဖြစ်ပါကြောင်း အသိပေးအပ်ပါသည်။ အလွန်အရေးကြီးနေလို့ တပည့် ဒကာ ဒကာမများမှလည်း နည်းများမဆို ဝိုင်းဝန်းလှူဒါန်းကြပါစို့။ ကပ်ကြီးသုံးပါးမှလည်း လွတ်ကင်းကြပါစေဟု မေတ္တာပို့သလျက်" ဟု မြောက်ဦးဆရာတော်ကြီးဘွဲ့အမည်ဖြင့် ဖွင့်လှစ်ထားသည့်

ဖေ့ဘွစ်လူမှုကွန်ရက်စာမျက်နှာတွင် ရေးသားထားသည်။

■ Website Link - - - >>>https://news-eleven.com/article/301587

31.03.202509:33

ငလျင်ကြောင့် ရန်ကုန်မြို့ရှိ ထိုင်းသံရုံးက သင်္ကြန်ပွဲတော်ဖျက်သိမ်း

မြန်မာနိုင်ငံအတွင်း ရစ်ချ်တာစကေး ၇ ဒသမ ၇ ရှိ အင်အားပြင်းငလျင်လှုပ်ခတ်မှုကြောင့် ရန်ကုန်မြို့ရှိ ထိုင်းသံရုံးက သင်္ကြန်ပွဲတော်ကို ဖျက်သိမ်းလိုက်ကြောင်း သိရသည်။

သင်္ကြန်ပွဲတော်ကို ဧပြီ ၁ ရက်တွင် ကျင်းပရန် စီစဉ်ထားခြင်းဖြစ်ပြီး ငလျင်ကြောင့် ထိခိုက်ဆုံးရှုံးရမှုများရှိသဖြင့် ဖျက်သိမ်းလိုက်ခြင်းဖြစ်သည်ဟု ရန်ကုန်မြို့ရှိ ထိုင်းသံရုံးက သတင်းထုတ်ပြန်သည်။

လက်ရှိတွင်လည်း ငလျင်ဘေးသင့်ခဲ့သည့် မြန်မာနိုင်ငံသားများအတွက် ကယ်ဆယ်ရေးလုပ်ငန်းများနှင့် သဘာဝဘေးအန္တရာယ်ဆိုင်ရာ ကယ်ဆယ်ရေးလုပ်ငန်းများကို ပံ့ပိုးကူညီရန် သံရုံးတာဝန်ရှိသူများက တက်ကြွစွာပူးပေါင်းဆောင်ရွက်လျက်ရှိကြောင်းထိုင်းသံရုံး၏ ထုတ်ပြန်ချက်၌ ဖော်ပြထားသည်။

30.03.202507:30

အီလွန်မာ့စ်၏ Space X ကုမ္ပဏီက ငလျင်ဒဏ်သင့် မြန်မာနှင့် ထိုင်းနိုင်ငံတို့ကို Starlink ပစ္စည်းများထောက်ပံ့ပေးရန် ဆန္ဒရှိကြောင်း ကြေညာ
အီလွန်မာ့စ်၏ Space X ကုမ္ပဏီက မကြာသေးမီက အင်အားပြင်း ငလျင်လှုပ်ခတ်ခဲ့သည့် မြန်မာနှင့် ထိုင်းနိုင်ငံတို့အတွက် Starlink ပစ္စည်းများ ထောက်ပံ့ပေးရန် ဆန္ဒရှိကြောင်း ကြေညာခဲ့သည်။
မြန်မာနှင့်ထိုင်းတွင် ငလျင်လှုပ်ခတ်မှုကြောင့် ဆက်သွယ်ရေးကဏ္ဍတွင် လိုအပ်ချက်များ ရှိနေချိန်တွင် Space X ကုမ္ပဏီက ထိုကဲ့သို့ ကြေညာခဲ့ခြင်း ဖြစ်သည်။
၎င်းတို့၏ အစီအစဉ် အကောင်အထည် ပေါ်ပေါက်လာရေးသည် အစိုးရဆိုင်ရာ ခွင့်ပြုချက်များ ရရှိမှုအပေါ်တွင် မူတည်ကြောင်းလည်း Space X က ထုတ်ပြန်ခဲ့သည်။

Ref:Tech in Asia
■ Website Link - - - >>>https://news-eleven.com/article/301580

01.04.202515:12

တစ်နိုင်ငံလုံး ဝမ်းနည်းကြေကွဲနေရသောကာလဖြစ်သောကြောင့် ယခုနှစ်သင်္ကြန်ကို အပျော်အပါး သီဆိုကခုန်မှုများ မပါဝင်ဘဲ ရိုးရာယဉ်ကျေးမှုနှင့်အညီ အေးချမ်းသာယာသောသင်္ကြန်အဖြစ် ကျင်းပသွားမည်ဟု ထုတ်ပြန်

တစ်နိုင်ငံလုံး ဝမ်းနည်းကြေကွဲနေရသောကာလဖြစ်သောကြောင့် ယခုနှစ်သင်္ကြန်ကို အပျော်အပါး သီဆိုကခုန်မှုများ မပါဝင်ဘဲ ရိုးရာယဉ်ကျေးမှုနှင့်အညီ အေးချမ်းသာယာသောသင်္ကြန်အဖြစ် ကျင်းပသွားမည်ဖြစ်ကြောင်း ယနေ့(ဧပြီ ၁ ရက်)တွင် နစက သတင်းထုတ်ပြန်ရေးအဖွဲ့က ထုတ်ပြန်သည်။

လက်ရှိကြုံ တွေ့နေရသော ပြင်းထန်သည့်ငလျင်ဘေးအန္တရာယ်ကြောင့် နေပြည်တော်ကောင်စီနယ်မြေ၊ စစ်ကိုင်း၊ ပဲခူး၊ မကွေး၊ မန္တလေးတိုင်းဒေသကြီးနှင့် ရှမ်းပြည်နယ်တို့အတွင်း၌ ပြည်သူအချို့ သေဆုံးဒဏ်ရာရထိခိုက်နစ်နာဆုံးရှုံးမှုများ ကြုံတွေ့နေရကြောင်း နစကမှ ထုတ်ပြန်သည်။

ထိုကြောင့် တစ်နိုင်ငံလုံး ဝမ်းနည်းကြေကွဲနေရသောကာလဖြစ်ပါသဖြင့် ယခုနှစ် မြန်မာ့ရိုးရာသင်္ကြန်ကို အပျော်အပါး သီဆိုကခုန်မှုများ မပါဝင်ဘဲ ရိုးရာယဉ်ကျေးမှုနှင့်အညီ အေးချမ်းသာယာသောသင်္ကြန်အဖြစ် ကျင်းပသွားမည်ဖြစ်ကြောင်း သိရသည်။

28.03.202511:42

■ Update News
အင်အားပြင်းငလျင်ကြောင့် ထိခိုက်ခံစားခဲ့ရသည့် မြန်မာနိုင်ငံသားများနှင့်အတူရှိကြောင်း မန်ချက်စတာယူနိုက်တက် ထုတ်ပြန်
မြန်မာ့ငလျင်နှင့်ပတ်သက်ပြီး ကမ္ဘာကျော် ဘောလုံးအသင်းဖြစ်သည့် မန်ချက်စတာယူနိုက်တက်က ကြေညာချက် ထုတ်ပြန်လိုက်သည်။
" မန်ချက်စတာယူနိုက်တက်အသင်းရှိ လူတိုင်း၏ နှလုံးသားသည် မြန်မာနိုင်ငံတွင် ဖြစ်ပွားသည့် ငလျင်ကြောင့် သက်သာခြင်းမရှိသော အခြေအနေတွင်ရှိကြသူများနှင့်အတူရှိပါသည်။အားလုံးကို ချစ်ခြင်းမေတ္တာနှင့် ခွန်အားပေးလွှတ်လိုက်ပါတယ်" ဟု မန်ချက်စတာယူနိုက်တက်က ထုတ်ပြန်သည်။
မြန်မာဘောလုံးပရိတ်သတ် အခိုင်အမာရရှိထားသည့် မန်ချက်စတာယူနိုက်တက်မှာ မြန်မာ့ငလျင်နှင့် ပတ်သက်ပြီး ပထမဆုံးထုတ်ပြန်သည့် ဘောလုံးကလပ်အသင်းလည်း ဖြစ်သည်။
မတ် ၂၈ ရက်တွင် အင်အားအလွန်ပြင်းထန်သည့် ငလျင်လှုပ်ခတ်မှုကြောင့် မန္တလေး၊ စစ်ကိုင်း၊ နေပြည်တော် အစရှိသည့်ဒေသများတွင် အဆောက်အအုံများ ပြိုကျခဲ့ပြီး လူသေဆုံးမှုများလည်း ရှိနေသည်။
■ Website Link - - - >>>https://news-eleven.com/article/301530

Ko'proq funksiyalarni ochish uchun tizimga kiring.