I got a bad idea🚬 - टेलीग्राम चैनल पोस्ट

I got a bad idea🚬

से पुनः पोस्ट किया:

Alimoff

21.04.202512:02

Рим Папаси Франциск вафот этди

Бугун, 21 апрель тонгида Ватикан расмийлари томонидан Папа Францискнинг вафоти эълон қилинди. 88 ёшли Папа, яқинда икки томонлама зотилжамдан соғайганига қарамай, эрталаб соат 7:35 да кардинал Кевин Фаррел уни “Парвардигорнинг ҳузурига қайтгани”ни маълум қилди.

2013 йил 13 март куни Папа этиб сайланган аргентиналик Хорхе Марио Бергольо Рим-католик черковининг илк лотинамерикалик раҳбари эди. У ўзининг соддалиги, камбағалларга меҳрибонлиги ва анъанавий улуғворликдан қочиши билан танилганди. Папа саройидаги ҳашаматли хонадонга кўчмасдан, оддий турар жойда яшашни афзал кўрган.

Папа Францискнинг даври черков ичидаги зиддиятлар, болаларга нисбатан зўравонлик можаролари ва ислоҳотларга қарши қаршиликлар билан мураккаб кечди. У кўп танқидларга учраса-да, дунё бўйлаб миллионлаб одамларнинг қалбини забт этган, айниқса, муҳожирлар, камбағаллар ва четга сурилганлар ҳимоячиси сифатида ном қозонган. Унинг сиёсий ва диний очиқлиги уни кўплаб диндошлари орасида кучли шахсга айлантирган эди.

Унинг ўрнига ким келиши ҳали номаълум, Рим-католик дунёси бу тарихий ўзгариш арафасида яна бир муҳим босқич сари йўл оляпти.

“Конклав” киносини кўмаганлар бўлса, хозир айни кўрворадиган ери.

🧠@nurbekalimov

10.04.202513:42

#nimadir

Ba’zan shafqatsiz urushlar ham eng nozik narsalar ustida kechishi mumkin. 1940-yil Gitler armiyasi Parij ko‘chalarida yurarkan, ularning e’tibori janubdagi vino omborlariga tushadi. Burgundiya va Bordo mintaqalari yuz yillik tarixga ega qimmatbaho vinolari bilan mashhur hisoblanganligi bois, Gitler u yerdagi vinolarini o‘zining generallari va yuqori martabali hamtovoqlariga sovg‘a sifatida yuborishni rejalashtiradi. Bratim sharobga ruju qo’ymagan, hatto chekishdan ham yiroq kimsa bo’lsada, nima sovg’a qilishni bilardi.
Boshqacha aytadigan bo’lsak, Gitler uchun vino siyosiy qurol hisoblangan: o‘zi ichmagan, ammo boshqalarni “mast qilgan”.

Fashistlar tomonidan maxsus tayyorlangan “vino ovchilari” Fransiyaning qadimiy vino omborlariga kirib borib, minglab noyob shishalarni ro‘yxatga olib, Germaniyaga jo‘natishga kirishadi. Ammo fransuzlar ham pista chaqib turmaganlar. Burgundiyada joylashgan Maison Joseph Drouhin nomli qadimiy vino uyi egalari fashistlarga qarshi juda oddiy, ammo g‘oyat samarali strategiya o‘ylab topishadi:

Aksar oliy nav vinolarning ustiga arzon yorliqlar yopishtiriladi, natijada shishalarning asl qiymatini hech kim anglamaydi. Qolgan vinolarni esa Rim imperiyasi davridan qolgan maxfiy tunnellardagi yer to’lalarga yashiradilar. Bu yerda sifatsiz vino saqlanadi degan taassurot uyg‘otish uchun ba’zi joylarda ataylab achigan sharoblar tashlab qo‘yiladi. Shu tariqa, fransuzlar jo’ngina hiyla orqali o‘zlarining qadimiy vinolarining ko’p qismini fashistlar qo’lidan asrab qoladi. Keyinchalik bu voqealar asosida bir necha kitoblar yozilib, filmlar ishlandi. Mana senga tarix – Karl.

Bugun o‘sha joylar muzeyga aylangan. Sayyohlar maxfiy hujralardagi vinolarni ko‘rishlari mumkin, qizig’i, bu vinolar ochilmaydi, ichilmaydi, ular qimmatli eksponatga aylangan. Bu orqali tarix ham qadah ichida saqlanadi degan gap bor sizga aytsam !

@vasilbro

02.04.202505:59

Madina fotograf emas, rassom bo’lganda qanday bo’lardi. Tasavvurga berilaylik )

@vasilbro

30.03.202515:15

#AI

LOTR va GOT olamida rol o’ynaganimda qanday bo’lishini GPT realizatsiya qilib berdi.

Kimga dastxat beray😁

@vasilbro

25.03.202515:48

Murojaatlar, takliflar bo'lsa - vasilbro_bot shu manzilga murojat qilaverasizlar. Shisha bino butunlay faoliyatini tugatgan.

Eslatma: biror kitobning elektron variantini topib berolmayman. Shuningdek hech bir filmni ham tashlab bermayman.

P.s: javob kechikib borishi yoki umuman bormasligi ham mumkin )

15.03.202516:22

Har quizda Karllar )

18.04.202510:20

Ushbu rasmni eng yaxshi deb topdim

Tabiat bilan ajoyib qorishma, yorug'lik ham ayni tobida - yoqimli. Qon va yashillik ramziy ma'no kasb etgan. Bir-biriga zid ranglarning uyg'unligi jarayonni yanada boyitib, butun e'tiborni kitobga qaratib turibdi. Hammasi tabiiy, ortiqcha bo'yoqlarsiz )

Muallif: Shahi

Tabriklayman

08.04.202509:48

Choranning shunday gaplari bor - rost aytgan. Boshlasang, qayta olmaysan, ichkariga kirasan-u, qanday qilib tashqariga chiqishni bilmaysan.

Louri yaratgan olam mushohadaga undaydi, axir biz ham shunaqa dunyoni xohlaganmiz-ku ! Ming yillardan beri urushsiz, jinoyatsiz, adolatsizliksiz, hamda barcha teng bo’lgan hayotni orzu qilamiz. Asarda tilga olingan jamiyat xuddi shunaqa. Lekin bu dunyo biz o‘ylagandek ideal emas, har holda menga shunday tuyuldi. Chunki unda “odam” yo‘q. Odam bo‘lish - azob bilan yashash, nimadandir xafa bo‘lish, nimanidir sog‘inish, nimadir haqida qayg‘urish, xato qilish, afsuslanish, orzu qilish degani...

Fikrlash – yolg’zlikning boshlanishi. Tafakkur esa – inson o’zi uchun o’ylab topgan oliy jazo. Ayni shu nuqtai nazardan qarasangiz, kitobning yuki yanada ortajak. Xullas, bir qultumlik yaxshi asar.

Bu ham Niyat brodan sovg’a. Lekin texnik tomondan yana ishlash kerak, zotan, yaxshi asarlar, bundan ortig'iga loyiq.

@vasilbro

31.03.202509:17

The Garden of Desires - Istaklar bog'i (1987)

Oqshomda ko'rmoqchiman. Keyinroq fikrlar bilan o'rtoqlashaman.

Rejissyor o'zimizning Ali Hamroyev

@vasilbro

29.03.202511:37

Yolg’izlikda yozilgan…

Soat tungi uchlar chamasi Murakamining Spagetti yili hikoyasini yana tingladim. Atmosfera, kayfiyat menga juda yaqin. To’g’rida, kun bo’yi Grinkoni tinglab yuraman, ora-orada Begonasimon kitoblarni varaqlayman, shu mavzudagi o’nlab filmlarni ko’raman.

Mendaylar nechta ? Yuz, ming, millionlab – ayni didlari o’xshash shaxslar. Bizni umumiy bog’lab turadigan narsa – yolg’izlik. Murakami ham topib aytgan: Tasavvur qilyapsizmi, agar italyaliklar falon yilda eksport qilayotgan narsalari aslida yolg‘izlik ekanligini bilganlarida, qanchalik hayron qolishardi ?

O’ylab qarasang, yolg‘izlikning global bozori shakllangan davrda yashayotganingni payqaysan. Biz jin urgur odamchalar yolg‘izlikni estetikaga aylantirdik, uni san’at vositasida idealizatsiya qildik, ohiri unga ehtiyoj sezadigan darajaga yetdik. Hozir yolg’izlikni shunchaki his qilishning o‘zi kamlik qilyapti – uni iste’mol qilyapmiz.

25.03.202512:31

Zahira reja

15.03.202513:26

Spoyler

GOTni ohirigacha ko’rmagan bo’lsangiz: o’qimang va videoni ko’rmang.

Bu teoriya mantiqli bo’lib tuyulaveradi. Ayniqsa Branning insoniylikdan holi ongga ega bo’lgan holida aytgan so’zlari:

Tirion: Yetti qirollikni boshqarishga rozilik bildirasizmi ?

Bran: Shuncha yo‘lni nega bosib keldim, deb o‘ylaysan ?

Bu haqida yozarman balki )

@vasilbro

17.04.202512:34

Detallar

Oramizda Kameronning Titanikini ko’rmaganlar deyarli yo’q bo’lsa kerak. O’z davrining kult filmi. Bir kichik, ammo muhim detalga ko’zim tushib qoldi. Yuqorida filmning eng ta’sirli epizodlaridan birini ko’rishingiz mumkin: kema cho’kayotgan paytda ilojsiz ona o’z farzandlarini bag’riga bosib, ertak yordamida xotirjamlikka chaqirmoqda. Ammo, qanday qilib, o’lim eshik qoqib turgan paytda, qandaydir jin urgur ertak bolalarni tinchlantirishi mumkin ?

Orginal tilida ushbu so’zlar yangraydi:

And so they lived, happily together for three-hundred years. In the land of Tír na nÓg, of eternal youth and beauty.

O’zbekcha dublyajda Tír na nÓg so’zi ishlatilinmagan, vaholanki bu muhim detal. Tír na nÓg - kelt mifologiyasidagi afsonaviy orol. U yerda na og‘riq, na ochlik, na o‘lim bor, faqat tinchlik, sokinlik va baxt hukmron. Orolga o'limdan so'ng suv orqali boriladi. Ayol va farzandlari irlandiyadan, bolalar shu yoshga yetguncha Tír na nÓg haqidagi ertak-u, afsonalarni eshtib katta bo’lishgan. Shu tarzda ona o‘z farzandlariga o‘limni tushuntiradi va ular ham buni tabiiy, biror qo’rquvsiz qabul qilishadi.

Bu sahna faqat fojia emas, mehr bilan qoplangan vido, ona qalbining eng kuchli ifodasi va ehtimol, o‘limdan oldin aytilgan eng go‘zal ertak bo'lsa kerak.

@vasilbro

06.04.202511:45

- G’oya
- Rakurs
- Ranglar bilan ishlash
- Kitobni qay darajada ochib berolishi

Shu to’rt mezon bo’yicha baholayman

31.03.202505:46

Tinglang. Yakunlaganingizdan so'ng - qayta tinglang. Kun bo'yi tinglang.

29.03.202510:07

Ijodkor dam olmoqda😁

25.03.202512:19

Aktivni qanday ko’tarish mumkin ?

08.03.202517:53

Kelasi hafta shanba kuni. Soat 20:00

Unutilgan filmlar mavzusida

Reglament bilan qayta tanishib chiqing

@vasilbro

17.04.202510:32

Tanlovga to’xtalsak. Rasmlarni birma-bir ko’rib chiqdim. Yuzaki yondashganlar ko’p: shunchaki qo’lga olib tushurilgan rasmlar. Ayrimlar kitobga emas, dekoratsiyaga juda e’tibor bergan. Barcha narsa ko’rinishi uchun noto’g’ri rakursdan suratga olgan, to’g’ri hashamdor chiqqandir, ammo bachkana muhit hosil bo’lgan. Hatto kitobni markazga olib tushurishdek oddiy detalga ham e’tibor bemaganlar bor, gar markazda bo’lmasa, o’sha bo’shliqni to’ldirish uchun biror urunish ham amalga oshirilmagan. G’oyali kartinalar bor, biroq realizatsiyasi o’xshamagan. Yaxshi rasmlar ham yo’q emas, barmoq bilan sanarli, shularning ham ko’plari noto’g’ri rang berish natijasida, g’aribroq ko’rinishga kelgan.

6 ta rasmni tanlab olganman. Kechroq kim g’olibligi aniq bo’ladi.

05.04.202512:11

#hadya

Parilarni bir vaqtlar vampirlarga o'xshaydi, deb hisoblashgan. Bir qarashda hozirgi begunoh ertak g'oyasi, o'liklar olamidan juda uzoq bo'lib tuyulsa-da, ammo ular orasida juda ko'p o'xshashliklar mavjud. Folklorshunos Robert Kirk "Elflar, faunlar va parilarning maxfiy hamdo'stligi" (1682) asarida parilarni "o'lik" yoki "inson va farishtalar o'rtasidagi o'rta tabiat" ekanligini ta'kidlagan. 1887-yilda irlandiyalik shoira Ledi Jeyn Uayld (Oskar Uayldning onasi) bu e'tiqodni yanada ommalashtirdi:

“Parilar o’zining gunohkor mag'rurligi uchun Xudo tomonidan samodan haydalgan farishtalardir... Iblis ularga bilim va kuch berib, yerga yuboradi. U yerda ular juda ko'p yomonlik qiladilar”

Xo'sh, nega unda odamlar parilardan qo'rqishini to’xtatdi va ular qanaqasiga bolalik xotiralari bilan bog'lanadigan bo'ldi ?

J.M.Barrining Piter Peni 1900-yillarning boshlaridagi debyutigacha, jamiyatda parilar soyali ruhlar dunyosida yashaydi, degan fikr keng tarqalgandi. Farishtalar, arvohlar va vampirlardan hayratga tushgan Viktoriyaliklar (Viktoriya davri. Britaniya 1837 - 1901 yillar) parilarni o'liklarning ruhi ekanligiga ishonishgan. Biroq, Piter Penning katta muvaffaqiyati va Din-Dinning xarakteri tufayli parilarga nisbatan qarash ijobiy tomonga o’zgara boshladi, oxir-oqibat ular odamlar ongida o'zlarining yovuz qiyofalarini yo'qotdilar. Ayniqsa, Barrining parilarni kelib chiqishini bolalar bilan uyg’unlashtirgani, burilish nuqtasi bo’lib, xizmat qildi.

“Birinchi go‘dak kulganda... uning kulgisi ming bo‘lakka bo‘linib ketdi... parilarning boshlanishi shu edi”

Shu tariqa Piter Penda kelgan syujet parilarning qorong'u tarixini zaiflashtirdi.

Niyat bro tarjimasi yakunlangan bir necha kitoblarni sovg’a qilib yuboribdi. Tashakkurlar. O'qing, jajjilarga ulashing.

@vasilbro

31.03.202504:59

#hechnarsa

Erta tong ko'zim ochgan mahal yozmoqchi bo'lgan mavzuimdan etim jimirlayotgan, shuurimning tub-tubiga kirib borgan sado o'laroq dam ma'yus tortib, dam shod edim.

Hargiz, bu yozmoqchi bo'lganlarim sizga chunonan ta'sir qilishi kerak erdikim, uni o‘qigach, yuragingiz allanechuk g‘alati g‘ash tortar, ko‘zlaringiz biroz suzilar, ichingizdan “bu haqiqatan ham men o‘ylagan narsami” degan nido o‘tib ketardi. O‘zingiz bilmagan holda barmog‘ingizni tishlab, o‘qiganlaringizni qayta hazm qilishga harakat qilar edingiz. So'nggi satrlar esa yotgan joyingizdan ohista ko‘tarilishga, deraza oldiga borib, tashqariga qarashga majbur qilardi: hammasi o‘z joyida, lekin ichkarida nimadir siljigan, o‘zgargandek tuyulardi. Ammo, lahzaga, hayotning xayol surishdek eyforiyasiga berildim - unutdim barini. Bu yerda hayotimni o'zgartirib yuborishga qodir yaxshi narsa bor edi deb tasavvur qilib turing 🧠

26.03.202512:30

#binnarsa

Chorrahada turibsan, qo’shni mashinada huuuvv o’sha dinozavrlar davrida eshtib yurgan musiqang yangramoqda. Miyangda chiroq yonadi, xotiralar ortga tortib ketadi:

Eski maktabing koridori, aslida rasvo bo’lsada ta’mi yodingdan chiqmaydigan oshxona buterbrodi, sandal atrofida uxlab tong ottirganlaring - nostalgiya.

Keyin o’ylay boshlaysan: haaa, o’sha kezlar hamma narsa boshqacha edi-da, go‘yo yaxshiroq, zavqliroq. Lekin o‘tmishda ham o’lguday zerikkan kunlaring, yoshinga xos tashvishlaring bo’lganini chetlab o’tasan. Shunchaki bunday paytlarda miyang yomon xotiralarni o‘chirib turadi, yaxshi tomonlarini esa bezab, go‘zallashtirib eslaydi.

Nostalgiya – o‘tmishning haqiqatini emas, unda qolgan hislarni eslaydigan tuyg‘u. Ko’p ham aldanma.

@vasilbro

16.03.202515:26

Instagramda so’nggi ikki kun ichida olti marta qarshimdan chiqdi. Ko’rvora qoldim.

Film sayoz, o’ylangan g’oyaga nisbatan realizatsiya abgor holatda. Katta yoshdagilar uchun deb bo’lmaydi, bolalar uchun ham. O’rtada - arosatda qolgan. Ssenaristlar juda erinchoqlik qilgandek tuyuldi, zotan o’tish sahnalari, bog’lamlar beo’xshov chiqqan. Qisqa taassurotim shul erur.

@vasilbro

07.03.202514:57

Kundalikni ochdim. Shundan qatorlar:

Sen meni tushungandek bo‘lganding.
Men esa o‘sha “dek”ni payqamagandim.

Men seni kutmadim. Sen ham kelmading. Hammasi reja bo‘yicha.

Sen yaxshi odamsan.
Men ham.
Lekin bu yetarli bo‘lmadi.

Ba’zan seni
yomon ko‘rib eslayman.
Ba’zan yaxshi ko‘rib unutaman.

Aytmoqchi edim…
keyin tushundim:
sen eshitishni xohlamaysan,
men esa tushuntirishni.

Kecha kimdir menga jilmaydi.
Balki u buni unutar,
lekin men eslab yuraman.

Bir paytlar yozganlarimni o‘qib ko‘rdim.
Ularni yozgan odam hali ham men ekanimga shubham bor.

@vasilbro

दिखाया गया 1 - 24 का 30

अधिक कार्यक्षमता अनलॉक करने के लिए लॉगिन करें।

उद्धरण

उद्धरण