Notcoin Community
Notcoin Community
देखना
Whale Chanel
Whale Chanel
देखना
Proxy MTProto | پروکسی
Proxy MTProto | پروکسی
देखना
Whale Chanel
Whale Chanel
देखना
Proxy MTProto | پروکسی
Proxy MTProto | پروکسی
देखना
iRo Proxy | پروکسی
iRo Proxy | پروکسی
देखना
G’arbiy alyans avatar

G’arbiy alyans

AQSh va Yevropa kun tartibidagi so’ngi yangiliklar, dolzarb mavzular bo’yicha chuqur tahlil.
Taklif va murojaatlar: @sfca_admin
TGlist रेटिंग
0
0
प्रकारसार्वजनिक
सत्यापन
असत्यापित
विश्वसनीयता
अविश्वसनीय
स्थानУзбекістан
भाषाअन्य
चैनल निर्माण की तिथिJun 20, 2024
TGlist में जोड़ा गया
Aug 25, 2024
मैं चैनल का मालिक हूँ
बदलावों का इतिहास

रिकॉर्ड

25.02.202507:47
1.6K
सदस्य
17.02.202523:59
200
उद्धरण सूचकांक
24.02.202515:19
1.9K
प्रति पोस्ट औसत दृश्य
12.02.202513:47
467
प्रति विज्ञापन पोस्ट औसत दृश्य
29.01.202523:59
4.55%
ER
24.02.202507:47
117.26%
ERR

G’arbiy alyans के लोकप्रिय पोस्ट

सभी पोस्ट
से पुनः पोस्ट किया:
Strategic Focus: Central Asia avatar
Strategic Focus: Central Asia
17.02.202513:34
Afg‘onistonda terrorchilik xavfi
 
A.Qodirov, siyosiy ekspert

BMT Monitoring guruhi xalqaro hamjamiyatning Afg‘oniston terrorchilar uchun tayyorgarlik markaziga aylanayotgani haqidagi xavotirlarini tasdiqladi. Tolibon o‘z hududida xorijiy terrorchi guruhlarga boshpana bermaslik bo‘yicha bergan va’dalariga zid ravishda, Tehrik-e-Tolibon Pokiston (TTP) va Jamaat Ansarullo kabi ekstremistik guruhlarning lagerlari faoliyat olib bormoqda. Bu jarayonda Al-Qoida  va Tolibonning o‘zi ham ularga ko‘mak bermoqda, deydi ekspertlar.
 
Afg‘onistonning terroristik xaritasi
 
BMT hisobotiga ko‘ra, jihodchi guruhlarning ta’siri kengayib, mamlakatning 34 viloyatidan 14 tasini qamrab olmoqda. Jumladan, TTP va Jamaat Ansarullo lagerlari Xost, Kunar, Nangarhor, Paktika va Toxar viloyatlarida joylashgan. Bu guruhlar afg‘on Tolibonining bevosita moliyaviy, logistika va harbiy yordami bilan faoliyat yuritmoqda.

Alohida e’tiborga molik jihatlardan biri bu terrorchi guruhlarning Haqqoniy tarmog‘i bilan bog‘liqligi. Tolibon ichida mustaqil bo‘lim sifatida harakat qiluvchi bu tarmoq yangi terrorchilarni tayyorlash markazlarini ta’minlab, strategik viloyatlarni nazorat qilmoqda.
 
Pokiston TTP nishonida
 
TTP Pokiston uchun asosiy tahdid bo‘lib qolmoqda. Hisobotga ko‘ra, bu guruh jangarilari mamlakat xavfsizlik kuchlariga qarshi 600 dan ortiq hujum uyushtirgan, ulardan ko‘pchiligi Afg‘oniston hududidan amalga oshirilgan. Shuningdek, TTP yetakchisi Nur Vali Mehsud afg‘on Tolibonidan har oy $43 000 miqdorida moliyaviy ko‘mak olayotgani qayd etilgan. Bu esa Tolibon rasmiylarining Afg‘oniston terrorchilik uchun tayanch hudud emasligi haqidagi bayonotlarini shubha ostiga qo‘yadi.
 
Tojikiston: yangi jihod fronti

BMT hisobotiga ko‘ra, Jamaat Ansarullo terrorchilik guruhining jangarilari Xost viloyatida lagerlarga ega bo‘lib, Toxar viloyatidagi maxsus harbiy markazda Markaziy Osiyo va arab davlatlaridan kelgan jangarilarni tayyorlamoqda. Bu guruhning “Ansar” nomli maxsus bo‘linmasi Imom Sobir tumanida (Tojikiston bilan chegaradosh hudud) joylashgan bo‘lib, ularning asosiy maqsadi – Tojikistonga kirib borish.

2021-yilda «Tolibon»ning yuqori rahbariyati Jamaat Ansarullo yetakchisi Mahdi Arsalan (Mohammad Sharifov) boshqaruvi ostida Badaxshon viloyatining besh tumanini nazoratga olishiga ruxsat bergan. Bu esa afg‘on harakatining xorijiy terrorchilarni mintaqaviy bosim vositasi sifatida qo‘llayotganini ko‘rsatadi.
 
Afg‘oniston – yangi transmilliy terrorchilik markazimi?
 
Tolibon rasmiylari xalqaro terrorizmga qarshi kurashayotganini da’vo qilayotgan bo‘lsa-da, real voqelik aksini ko‘rsatmoqda. Afg‘oniston butun mintaqada terrorchilar tayyorgarlik ko‘radigan asosiy hududga aylanib bormoqda.

Bu sharoitda qo‘shni davlatlar oldida dolzarb savol paydo bo‘lmoqda: Afg‘onistondan kelayotgan yangi tahdidlarga qanday javob berish kerak? Tolibon bilan diplomatik muloqot hanuzgacha samarali vosita bo‘lib qoladimi yoki mintaqaviy davlatlar transmilliy terrorizmga qarshi kurash strategiyasini qayta ko‘rib chiqishi shartmi?

Strategic Focus: Central Asia
29.01.202515:31
Tramp 2.0 va Yaqin Sharq: xavotirli kelajak
 
D.Trampning ikkinchi prezidentlik muddati boshlanishi Yaqin Sharqqa emas, balki ichki siyosiy masalalarga qaratilgan qator farmonlar bilan boshlandi. Bu farmonlar immigratsiya, ijtimoiy siyosat va davlat boshqaruvi tizimidagi o‘zgarishlarga urg‘u berdi. Ammo Trampning 2020-yilgi saylov natijalarini bekor qilishga uringan 1 500 dan ortiq shaxsga avf berishi xalqaro maydonda AQShning qonun ustuvorligi va siyosiy tizimining mustahkamligi borasida xavotirlarni kuchaytirdi.

Ekspertlar aytishicha, hozircha Tramp ma’muriyatining Yaqin Sharq bo‘yicha aniq strategiyasi yo‘q. Biroq uchta asosiy yo‘nalish bo‘yicha dastlabki signallar paydo bo‘ldi:

1. Arab-Isroil masalasi
 
Tramp ma’muriyati Yaqin Sharq bo‘yicha muhim lavozimlarga tezkor tayinlovlarni amalga oshirdi. Ular orasida S.Uitkof (Steve Witkoff, Yaqin Sharq bo‘yicha maxsus vakil), M.Hakabi (Mike Huckabee, AQShning Isroildagi elchisi) va M.Bulos (Massad Boulos, Arab va Yaqin Sharq masalalari bo‘yicha maslahatchi) bor.
 
Uitkof Isroil va Hamas o‘rtasidagi sulh bitimini amalga oshirish jarayoniga bevosita jalb qilingan. Biroq Trampning o‘zi bu jarayonga shubha bilan qarayotganini bildirdi: “Bu bizning urushimiz emas, bu ularning urushi.” Ushbu pozitsiya AQShning vositachilik roli pasayishi mumkinligini ko‘rsatadi.
 
Bundan tashqari, Tramp radikal yahudiy ko‘chmanchi guruhlarga qarshi AQSh sanksiyalarini bekor qildi, bu esa G‘arbiy Sohilda keskinlikni kuchaytirishi mumkin. Shu bilan birga, Saudiya Arabistoni bilan Isroilni yaqinlashtirish va Trampning Nobel mukofotiga bo‘lgan orzusi amalda ikki davlat yechimiga bog‘liq. Hakabi bu yechimning yaqin kelajakda imkonsizligini bildirishi Saudiya bilan yaqinlashish imkoniyatlarni cheklaydi.
 
2. Eron va "qarshilik o‘qi"
 
Trampning ikkinchi ma’muriyati Eron bo‘yicha turli signallar bermoqda. Uning yangi jamoasi orasida qattiqqo‘l yondashuv tarafdorlari ham (Milliy xavfsizlik maslahatchisi Michael Waltz va Davlat kotibi Marco Rubio), nisbatan yumshoq pozitsiyadagi rasmiylar ham bor.
 
Trampning avvalgi ma’muriyatida Eron bo‘yicha maxsus vakil bo‘lgan B.Huk ishdan bo‘shatildi, bu esa yangi strategiya ishlab chiqilayotganidan dalolat beradi. Shu bilan birga, Uitkofga Eron bilan bog‘liq siyosatni ham nazorat qilish ishonib topshirilishi mumkin, bu esa AQShning Yaqin Sharq bo‘yicha siyosatini yanada integratsiyalashgan shaklda olib borishiga ishora qiladi.
 
Shu bilan birga, AQSh ilk kunlardanoq Yamandagi husiylarni terrorchilik tashkiloti sifatida qayta belgiladi. Husiylar so‘nggi yillarda global dengiz savdosiga tahdid solib kelmoqda va bu qaror Vashingtonning hududiy xavfsizlik masalalarida qat’iyroq pozitsiya egallashga harakat qilayotganini ko‘rsatadi.
 
3. Global iqtisodiy siyosat va Yaqin Sharq
 
Trampning yangi iqtisodiy siyosati Yaqin Sharqqa ham ta’sir qilishi mumkin. U Kanada, Meksika va Xitoy kabi savdo hamkorlariga qarshi tariflarni joriy etishni rejalashtirmoqda. Agar bu amalga oshsa, Saudiya Arabistoni va Turkiya kabi G-20 davlatlari bilan AQSh munosabatlariga ham ta’sir qilishi mumkin.

Saudiya Arabistoni Tramp bilan yaqinlashishga urinmoqda va AQShga 600 milliard dollarlik sarmoya kiritish rejasini e’lon qildi. Tramp esa Saudiya neft narxini tushirish va yana ko‘proq investitsiya kiritish talabi bilan chiqdi. Bu energiya siyosatini yana kun tartibiga olib chiqishi mumkin, chunki Trump yashil energetikadan voz kechish va an’anaviy yoqilg‘iga qaytish niyatida.

Xulosa qilib aytganda, Trampning Yaqin Sharq siyosati hali shakllanmagan. Arab-Isroil masalasi, Eron va global iqtisodiy siyosat kabi uch asosiy omil Trampning Yaqin Sharqdagi siyosatini belgilab beradi. Hozircha Tramp ma’muriyatining yondashuvi noaniq va barqaror strategiya hali ishlab chiqilmagan. Kelgusi oylarda Tramp 2.0 ma’muriyatining haqiqiy yondashuvi oydinlashishi kutilmoqda, ammo hozircha noaniqlik ustunlik qilmoqda.

G’arbiy alyans
21.02.202509:24
Fitna nazariyasi: kirish

Ko‘pchilik massonlar va Illuminati kabi turli guruhlar dunyoni boshqaradi degan fitna nazariyalariga ishonadi. Ushbu videoda men fitna nazariyasi nima ekanligi, nega biz ularga ishonamiz va bu nazariyalarni tarqatishdan kimlar manfaatdor ekani haqida siyosatshunoslik nuqtayi nazaridan tushuntirdim.

📹 To`liq videoni tamosha qiling

👉🏿 @akromov_tahlili 👈🏿
22.02.202514:48
Abdul Haq al-Turkistoniy: ikki frontni boshqarayotgan terrorchi

Dunyo hamjamiyati Tolibon va xalqaro terrorizm aloqalarini muhokama qilib turgan bir paytda, jang maydonidagi haqiqat o‘z so‘zini aytmoqda. Abdul Haq al-Turkistoniy, Turkiston Islomiy Partiyasi (TIP) yetakchisi va Al-Qoida oliy kengashi a’zosi, bemalol Kobulda yashab, shu bilan birga Suriyadagi jangarilarini boshqarishda davom etmoqda. Bunga BMTning Afg‘oniston bo‘yicha Monitoring guruhining so‘nggi hisobotida ishora qilingan.

Afg‘oniston – terrorchilar uchun xavfsiz hudud?

Rasmiy Kobul o‘z hududida xorijiy jangarilar yo‘qligini da’vo qilmoqda, ammo BMT ma’lumotlari buni rad etadi. Abdul Haq nafaqat Kobulda erkin harakatlanmoqda, balki Suriyadagi TIP jangarilarini boshqarib, Hay’at Tahrir ash-Shom (HTS) terror guruhi bilan yaqindan hamkorlik qilmoqda. Aynan HTS 2024-yil oxirida Damashqni egallab, o‘z hukumatini tuzgan edi.

Bugungi kunda TIP Suriyada 800 dan 3000 gacha jangariga ega va ularning soni HTSning harbiy yurishlari tufayli yanada ortishi mumkin. TIP HTS tomonidan moliyalashtiriladi, Turkiya kabi mintaqa davlatlarida biznes yuritadi va xorijlik terrorchilarni yuqori darajadagi tayyorgarlik bilan shug‘ullantiradi. Bularning barchasi Tolibon rejimi himoyasi ostida amalga oshmoqda.

Tora-Boradan Damashqqacha: “tajribali” terrorist

Abdul Haq – oddiy jangari emas, xalqaro jihod veteranlaridan biri. 1990-yillarning oxirida u Tora Bora tog‘laridagi TIP tayyorlov lagerlarini boshqargan, bu lagerlar Usama bin Laden tomonidan homiylik qilingan. 2001-yilda Tolibon qulagandan so‘ng, u Pokiston chegarasida yangi harbiy bazalarni yaratib, tez orada Al-Qoida - Shura kengashiga qo‘shilgan.

Xalqaro hamjamiyat terrorizmga qarshi kurashda yutqazyaptimi?

AQSh Abdul Haqni 2010-yilda dron hujumida o‘ldirganini e’lon qilgan edi, biroq u 2014-yilda TIP propagandasi orqali qayta paydo bo‘ldi. 2022-yilda u Tolibonning Afg‘onistondagi g‘alabasini ochiq bayram qilgan, bu esa Kobulning xalqaro hamjamiyatga bildirgan «mo‘tadil» siyosatini rad etadi.

Haqiqat shuki: Afg‘oniston xalqaro terror tarmoqlari uchun qulay maskan bo‘lib qolmoqda. Tolibon Abdul Haq kabi jangarilarga boshpana berayotgani holda, ularning kuchayishiga sabab bo‘lmoqda. Asosiy savol shuki, qachon xalqaro hamjamiyat Tolibonga bosimni kamaytirish terrorizmni kuchaytirayotganini ochiq tan oladi?

G’arbiy alyans
Post media background
Post media
18.02.202513:51
🇪🇺🇺🇸Yevropa yetakchilari Trampning rejasi sabab favqulodda sammit o‘tkazdi.

Yevropa yetakchilari Parijda favqulodda sammit o‘tkazib, Tramp ma’muriyatining Yevropa ishtirokisiz Moskva bilan muzokaralar olib borish rejalariga nisbatan nima qilish kerakligini muhokama qildi.

G’arbiy alyans
14.02.202503:29
🇮🇷Eron hududiga oid faktlar!

Eronning maydoni taxminan 1 648 195 km² ni tashkil qiladi. Eron davlatining real kattaligini bilish uchun uni Yevropa davlatlari bilan taqqoslaymiz:

🇫🇷Fransiya – 551 695 km² (taxminan 3 ta Fransiya)

🇩🇪Germaniya – 357 022 km² (taxminan 4,6 ta Germaniya)

🇪🇸Ispaniya – 505 990 km² (3 ta Ispaniyadan sal ko‘proq)

🇵🇱Polsha – 312 696 km² (taxminan 5 ta Polsha)

🇮🇹Italiya – 301 340 km² (taxminan 5,5 ta Italiya)

🇬🇧Buyuk Britaniya – 243 610 km² (deyarli 7 ta Buyuk Britaniya)

Agar bir nechta o‘rtacha Yevropa davlatlarini jamlasak, masalan, Fransiya, Germaniya va Polshani (taxminan 1,22 mln km²), ular baribir Eron hududini to‘liq qopla olmaydi.

Shunday qilib, Eron ichiga 5-6 ta o‘rtacha Yevropa davlati yoki 10 dan ortiq kichik davlatlar, masalan, Chexiya, Portugaliya va Vengriya sig‘ishi mumkin.

Eronga (hamda Yaqin Sharq) oid tahliliy materiallarni, qiziq faktlarni o’qish uchun @erontahlili kanaliga qo’shilishni tavsiya qilamiz!
25.02.202504:58
Tramp va Ukraina: asr bitimi yoki geosiyosiy muvaffaqiyatsizlik?
 
M.Imomov, siyosiy ekspert
 
D.Trampning Oq uyga qaytishi bilan AQShning tashqi siyosati keskin o‘zgarishlarni boshdan kechiryapti. Vashington hozirgi kunda Ukrainadagi urushni Amerika uchun maksimal qulay shartlarda tugatish uchun harakat qilmoqda.
 
Yangi yondashuv uchta asosiy shaxs tomonidan shakllantirilmoqda: davlat kotibi Marko Rubio, milliy xavfsizlik bo‘yicha maslahatchi Mayk Uolts va mudofaa vaziri Pit Hegset. Ular AQShning Yevropa xavfsizligidagi rolini qayta ko‘rib chiqish va  Amerikaning yetakchilik tushunchasini tubdan o‘zgartirishga bel bog‘lagan.
 
Tramp Zelenskiyga nisbatan chuqur shubha bilan qarab, Rossiya bilan Ukraina va Yevropani muzokaralardan chetda qoldirgan holda bevosita muloqot olib bormoqda. Birinchi qadam sifatida Rubioni Saudiya Arabistoniga Moskvadagi hamkasbi bilan uchrashuvga yubordi – bu Rossiyaning 2022-yilgi bosqinidan keyingi ilk yirik AQSh-Rossiya muloqoti hisoblanadi. Tramp ma'muriyati bu urushni yaxshilik va yovuzlik o‘rtasidagi kurash emas, balki sof pragmatik manfaatlar nuqtai nazaridan baholaydi: AQSh buning evaziga nima oladi? Shu sababdan, Zelenskiyga qattiq shartlar qo‘yildi, jumladan, AQSh tomonidan ko‘rsatilgan harbiy yordam uchun kompensatsiya sifatida Ukrainadagi mineral resurslarga egalik qilish masalasi ko‘tarildi.
 
Yevropa esa AQSh yetakchiligiga odatlangan holda, yangi haqiqat bilan yuzlashmoqda. Tramp Yevropa Ittifoqidan Ukrainaga moliyaviy va harbiy yordamning asosiy qismini o‘z zimmasiga olishni talab qilmoqda, shuningdek, NATO oldidagi AQSh majburiyatlarini cheklashga harakat qilmoqda. Vashington Yevropaning eski qoidalariga o‘ynashni istamaydi va Rossiyaga qarshi sanksiyalarni bekor qilish ehtimoli bosim vositasi sifatida qo‘llanilmoqda.
 
Biroq, bunday strategiya katta xavflarni ham o‘z ichiga oladi. Agar Rossiya bilan muzokaralar muvaffaqiyatli yakunlanib, AQSh o‘z mavqeini saqlab qolgan holda mojarodan chiqib ketsa, bu Tramp uchun yirik geosiyosiy g‘alabaga aylanadi. Ammo Kreml vaziyatdan foydalanib, agressiyani davom ettirsa va Kiyev og‘ir ahvolga tushib qolsa, bu tarixiy mag‘lubiyat bo‘ladi va Vetnam hamda Afg‘onistondan qo‘shin chiqarish bilan bog‘liq sharmandali sahnalar bilan taqqoslanishi aniq.

G’arbiy alyans
12.02.202504:26
Yangi neomperializm davri boshlanmoqdami?

🌍 Dunyo yangi geosiyosiy burilish arafasida: AQSh, Rossiya va Xitoy yetakchilari hududiy ekspansiyani o‘z milliy strategiyalarining markaziga qo‘ymoqda.

🔹 Tramp – Grenlandiya, Panama kanali va Kanadani AQSh tarkibiga qo‘shmoqchi.
🔹 Putin – «Rus dunyosini» tiklash uchun Ukraina va sobiq SSSR hududlarini qaytarish harakatida.
🔹 Si Zinpin – Tayvanni Xitoy tarkibiga qo‘shish orqali o‘z merosini mustahkamlashga intilmoqda.

💥 Neomperializm xalqaro huquqni yo‘qqa chiqara oladimi? Kichik davlatlarning taqdiri nima bo‘ladi?

📝 Batafsil tahlilni o‘qish uchun: https://t.me/StratFocusCA/2244
15.02.202517:58
🔥 Saudiya Arabistoni – Yaqin Sharqning yangi markazi?

Valiahd shahzoda Muhammad bin Salmon mintaqada yetakchilikni qo‘lga olmoqda. Qazzofiy va Husayn ketgan, Erdo‘g‘an esa cheklovlarga duch kelmoqda. Endi Saudiya Arabistoni geosiyosiy o‘yin markaziga aylanmoqda.

Batafsil tahlil 👉 @erontahlili
20.02.202515:41
Moskva va Ukraina bo‘yicha "tinchlik muzokaralari"
 
Putinning Tramp bilan suhbati Moskvada eyforiyaga sabab bo‘ldi, biroq bu tez orada noaniqlikka aylandi. RF rasmiylari o‘ziga ishonch bilan gapirmoqda, ammo Kreml sahna ortida AQShning Ukraina bo‘yicha “tinchlik rejasini” aniq tushunmaslik muammosiga duch kelmoqda.
 
Rossiya an’anaviy ravishda G‘arbdagi kelishmovchiliklardan foydalanishga urinib, transatlantik birdamlikda bo‘linish va Yevropaning chetga surilishini kutmoqda. Ammo haqiqat shuki, Yevropa Ittifoqi o‘zining mudofaa imkoniyatlarini kuchaytirishi bilan kelajakdagi kelishuvning asosiy kafolatchisi bo‘lib qolish ehtimoli yuqori. Kreml Yevropaning zaifligi haqidagi narrativni ilgari surishda davom etyapti, ammo Parij va Brussel bu da’volarga tobora kamroq e’tibor qaratyapti.
 
Muhim omillardan biri – Xitoyning pozitsiyasi. Pekin ko‘p tomonlama yechimni qo‘llab-quvvatlash haqida omma oldida bayonotlar bersa-da, amalda Ukrainadagi strategik resurslarga kirishni ko‘zlamoqda. Bu esa Moskvada xavotir uyg‘otmoqda. Shu bilan birga, Kreml o‘zining an’anaviy taktikasidan voz kechmay, AQSh bilan ikki tomonlama muzokaralarga yopishib olib, o‘zgarayotgan global realliklarni inkor etmoqda.
 
Putinning “kutish” strategiyasi va Donbassdagi mahalliy taktik yutuqlarni muzokaralarda qo‘lga kiritilgan pozitsiya sifatida ilgari surish urinishlari tobora xavfli tus olmoqda. Kreml har qanday muzokaralar muvaffaqiyatsizligini yangi imtiyozlar qo‘lga kiritish imkoniyati deb biladi, ammo bunday yondashuv Rossiyaga vaqtning o‘zi qarshi ishlay boshlashiga olib kelishi mumkin. Urushni cho‘zish strategiyasi yana bir bor katta xatoga aylanishi, bu esa Moskvani yanada chuqurroq xalqaro izolyatsiyaga olib kelishi ehtimoli yuqori.

G’arbiy alyans
11.02.202518:07
Xitoy AQSh oldida taslim bo‘lish rejalari yo‘q
 
Pekin AQShning yangi tariflariga nisbatan ehtiyotkorlik bilan javob bermoqda, ammo bu yon berish emas, balki taktika. Rasmiy jihatdan, Xitoy Amerika ko‘miri, suyultirilgan tabiiy gazi, yuk mashinalari ehtiyot qismlari va qishloq xo‘jaligi mahsulotlariga boj joriy qilish bilan tahdid qilmoqda, ammo hozircha bu faqat ogohlantirish. Aslida esa, Pekin nafaqat yangi 10% bojlarni, balki 2018-yildagi birinchi savdo urushi natijasida joriy etilgan cheklovlarni ham qayta ko‘rib chiqishga erishmoqchi.
 
Xitoy bugungi kunda savdo urushini olib borish bo‘yicha 2018-yilga qaraganda yaxshiroq imkoniyatlarga ega ekanligini tushunadi. Mamlakat elektromobillar, qayta tiklanuvchi energetika, tibbiy prekursorlar va strategik minerallar kabi sohalarda yetakchiga aylandi. Agar qarama-qarshilik kuchaysa, Pekin ushbu resurslar eksportiga cheklov kiritishi mumkin, bu esa AQSh sanoatiga sezilarli zarar yetkazadi. Biroq shunga qaramay, Xitoy ko‘proq zaif: agar savdo urushi butunlay avj olsa, u AQShdan kelayotgan tovarlarga boj qo‘yish imkoniyatini tezroq yo‘qotadi.
 
Xatarlarni anglagan holda, Xitoy iqtisodiyotini mustahkamlash ustida oldindan ish olib bormoqda – bozorlari diversifikatsiya qilinmoqda, texnologik mustaqillikka erishishga harakat qilinmoqda. Biroq, ochiqdan-ochiq urushga tayyor bo‘lishiga qaramay, Pekin bunday mojaroga manfaatdor emas. Iqtisodiy o‘sishning sustlashuvi Xitoyni mojarodan qochishga undamoqda, ammo AQSh oldida taslim bo‘lish rejalari yo‘q.
 
Hozirgi vaziyatda Xitoy uzoq muddatli strategiyani tanlamoqda: u diplomatik savdolashuv imkoniyatlarini o‘rganmoqda, o‘z pozitsiyalarini mustahkamlab, AQSh siyosatining chegaralarini sinab ko‘rmoqda. Asosiy savol shundaki – Pekin yuzini yo‘qotmasdan bojlarning bekor qilinishiga erisha oladimi yoki dunyo AQSh-Xitoy iqtisodiy konfrontatsiyasining yangi bosqichiga guvoh bo‘ladimi?

G’arbiy alyans
10.02.202518:38
Geosiyosiy o‘zgarishlar: Ozarbayjon AQSh uchun muhim hamkor sifatida oldinga chiqyaptimi?

🔵 AQShning Yevroosiyodagi ta’siri Eron-Rossiya-Pokiston hamkorligi fonida qayta shakllanmoqda.
🛑 Vashington – Boku – Tel-Aviv o‘qi Eronga qarshi qanday rol o‘ynaydi?
⚡️ Moskva Ozarbayjonni nazoratga olishga urinayotgan bir vaqtda, Boku Rossiyadan uzoqlashyaptimi?
💡 Ozarbayjon va Isroil hamkorligi qanday yangi strategik ustunliklar yaratmoqda?

Ozarbayjon mintaqada mustaqil kuch markazi sifatida shakllanayotgan bo‘lishi mumkin. Bu esa AQSh, Turkiya va Rossiya o‘rtasidagi muvozanatga qanday ta’sir qiladi?

Tahlil: https://t.me/StratFocusCA/2238
13.02.202506:38
Global axborot xaosi va feyklarning ommaviy targ’iboti zamonida bizning kanallar haqiqat tarafida bo’lishga yordam beradi:

Strategic Focus: Central Asia - Markaziy Osiyodagi (va boshqa mintaqalar) asosiy voqealar tahlili.

@erontahlili - Yaqin Sharqdagi zamonaviy xalqaro munosabatlar.

G’arbiy alyans - AQSh va Yevropa kun tartibidagi asosiy mavzular hamda trendlar.

Xorijiy OAV - chet tillardagi yetakchi nashrlar kanali.

Strategic Focus: Central Asia - LIVE - jahondagi eng oxirgi va sara xabarlar.

🚀 Qo’shiling, afsuslanmaysiz! 🚀
20.02.202513:55
USAIDning tanazzuli: samarasiz xorijiy yordam
 
Ian Vasquez, Cato Institute vitse-prezidenti
 
AQSh hukumati xalqaro yordam dasturlarini isloh qilish o‘rniga, ularni butkul yopishga qaror qildi: Tramp ma'muriyatining USAIDni tugatish haqidagi qarori, Maskning "Hukumat samaradorligi departamenti" rahbari sifatida, uni "yog‘och maydalagichga tashlash va yo‘q qilish vaqti keldi" degan bayonot bilan chiqdi. Garchi bunday qo‘pol iboralar ortiqcha bo‘lsa-da, asosiy savol shuki: USAID haqiqatan ham o‘z vazifalarini bajara oldimi?
 
USAIDning muammosi nimada?
 
USAID ko‘p yillardan beri demokratiyani rag‘batlantirish, barqarorlikni ta’minlash va geosiyosiy aloqalarni mustahkamlash kabi turli maqsadlarga ega bo‘ldi. Ammo ushbu ko‘p qirrali strategiya natija bermaganini ko‘rsatmoqda. Xalqaro yordamning iqtisodiy rivojlanishga olib kelishi haqidagi da’volar esa asosga ega emas:
 
Birinchidan, iqtisodiy rivojlanish va yordam o‘rtasida bog‘liqlik yo‘q. Xalqaro Valyuta Jamg‘armasining 2005-yilgi tadqiqotiga ko‘ra, yordam olgan mamlakatlarning ba’zilari tez rivojlangan bo‘lsa, boshqalari umuman o‘sish ko‘rsatmagan.
 
Ikkinchidan, yordam korruptsiya va qaramlikni kuchaytiradi. Davlatdan-davlatga ajratilgan mablag‘lar samarasiz boshqaruv tizimlarini mustahkamlash orqali iqtisodiy taraqqiyotga zarar yetkazadi. Jahon Bankining 2007-yildagi tadqiqotiga ko‘ra, 1960–1999-yillar oralig‘ida yordam olgan 108 mamlakatda bu mablag‘lar siyosiy institutlarni zaiflashtirgan va demokratizatsiya jarayonlarini susaytirgan.
 
Uchinchidan, xorijiy ko‘mak demokratiya va iqtisodiy o‘sishga to‘siq bo‘ladi. Nobel mukofoti sovrindori Angus Ditonning 2013-yilda yozgan “The Great Escape” kitobida xorijiy yordamning mahalliy siyosatni yomonlashtirishini va uzoq muddatli o‘sish uchun zarur bo‘lgan institutlarni yemirishini ta’kidlanadi.
 
To‘rtinchidan, yordam shartlari amalda ishlamaydi. Xalqaro donorlar o‘z shartlarini qo‘ygan taqdirda ham, hukumatlar ularni bajarishga majbur emas. Jahon Bankining sobiq iqtisodchisi Pol Kollier donorlar shartlari amalda hech narsani o‘zgartirmasligini qayd etgan.
 
USAIDning yopilishi – to‘g‘ri qaror, lekin qonuniy bo‘lishi kerak
 
USAIDning budjeti AQShning umumiy federal xarajatlarida katta ulushga ega emas – 2024-yilda $32 mlrd yoki umumiy budjetning 1% dan kamrog‘ini tashkil etdi. Shunga qaramay, samarasiz dasturlarni qisqartirish o‘z-o‘zidan o‘zini oqlaydi.
 
USAIDning tugatilishi xorijiy yordamning rivojlanishni rag‘batlantirishdagi muvaffaqiyatsizligini tan olish bilan birga, inson taraqqiyoti uchun haqiqiy omillar – iqtisodiy erkinlik, xususiy mulk himoyasi va davlat hokimiyatining chegaralanishi muhimligini qayd etish imkoniyatini beradi.
 
Ammo USAIDni yopish faqat ijro hokimiyatining vakolatiga kirmaydi – uni Kongress tuzgan, demak uni yopish ham qonuniy yo‘l bilan, Kongressning roziligi bilan amalga oshirilishi kerak. O‘tgan yili qabul qilingan mablag‘lar taqsimoti to‘g‘risidagi qonun USAIDning har qanday qayta tashkil etilishi yoki qisqartirilishi oldidan Kongressga hisobot berish talabini belgilagan.
 
Xulosa qilib aytganda, USAIDning faoliyati samarali emasligi haqiqat, ammo uni yopish faqat qonun doirasida amalga oshirilishi lozim. Faqat shu yo‘l bilangina islohotlar barqaror natija berishi mumkin.

G’arbiy alyans
12.02.202511:19
Tinchlik illyuziyasi: Rossiya tajovuzi va Ukrainaning hayot-mamot kurashi – davomi
 
Urush – ukrainaliklar uchun hayot-mamot masalasi
 
So‘nggi so‘rov natijalariga ko‘ra, ukrainaliklarning yarmidan ko‘pi hududiy imtiyozlarni qabul qilishga mutlaqo qarshi. Ularning pozitsiyasi nafaqat milliy g‘urur bilan, balki Rossiya okkupatsiyasining mohiyatini anglash bilan ham bog‘liq. Mariupol, Xerson va Bucha misollari shuni ko‘rsatdiki, "rus dunyosi" rivojlanish emas, balki vayronagarchilik, repressiya va qo‘rquv olib keladi. Shu bois Ukrainada urush faqat hududiy yaxlitlik masalasi emas, balki millatning omon qolish masalasiga aylanib qolgan.
 
Ukraina sulh masalasini ko‘rib chiqishi mumkin edi, agar unga NATO a’zoligi, zamonaviy qurollarga to‘liq kirish huquqi va mamlakatni tiklash uchun katta moliyaviy yordam kafolatlangan bo‘lsa. Biroq hozircha bunday kafolatlar yo‘qligi sabab, ukrainaliklar qanday bo‘lmasin kurashni davom ettirishga tayyor.
 
Rossiyaning bugungi egallagan yerlarni "yakuniy natija" sifatida tan olish faqat vaqtinchalik pauza bo‘ladi. Agar G‘arb mintaqada haqiqiy barqarorlikni ta’minlamoqchi bo‘lsa, u shuni tushunishi kerakki, Rossiya tajovuzining oldini olish uchun o‘t ochishni to‘xtatish yetarli emas. Aks holda, "tinchlik" deb e’lon qilingan har qanday sulh kelajakda yanada qonli urushga yo‘l ochadi.

G’arbiy alyans
अधिक कार्यक्षमता अनलॉक करने के लिए लॉगिन करें।