Сайхунобод туманида фаолияти олиб борувчи “POLY TEX SIRDARYO” МЧЖнинг “ҲУДУДИЙ ЭЛЕКТР ТАРМОҚЛАРИ” АЖ “Энергосавдо” филиали Сирдарё бўлинмаси томонидан электр таъминотидан 2,3 мрлд сўмга яқин нореал қарздорлик ҳисобланганлигини юзасидан Рақобат қўмитасининг Сирдарё вилояти ҳудудий бошқармасига #мурожаат қилган.
Қўмита матбуот хизмати хабарига кўра, мазкур мурожаат юзасидан олиб борилган ўрганишлар натижасида, Ҳудудий бошқарма Махсус комиссияси томонидан “Рақобат тўғрисида”ги Қонуни ҳамда Вазирлар Маҳкамасининг 239-сон Қарори билан тасдиқланган Низом талаблари бузилиши аломатлари билан “ҲУДУДИЙ ЭЛЕКТР ТАРМОҚЛАРИ” АЖ “Энергосавдо” филиали Сирдарё бўлинмасига нисбатан иш қўзғатилиб, натижаси юзасидан “POLY TEX SIRDARYO” МЧЖга нисбатан ҳисобланган асоссиз қарздорлик қайта ҳисоб-китоб қилиниши таъминланди👇
Бугунги кунда айрим ёвуз ниятли шахслар муқаддас зиёратни пулли фирибгарликка айлантиришмоқда. Видеодаги ҳолатда одамларнинг Ҳаж ёки Умра сафарига бориш орзуси устидан фойдаланган фирибгарлар фош этилди.
Аслида эса: Ҳаж ва Умра фақат рухсат этилган ва лицензияга эга ташкилотлар орқали амалга оширилади. Тўловлар расмий ҳужжатлар асосида олинади. Ҳар бир зиёратчининг исми ва сафар ҳолати махсус тизимда рўйхатга олинади.
Огоҳ бўлинг! Ҳеч қачон номаълум шахсларга ёки норасмий ташкилотларга пул берманг! Тарқатиб, бошқаларни ҳам огоҳлантиринг!👇
Бугун, вилоят ИИБ бошлиғининг навбатдаги шахсий қабули ўтказилди. Қабул давомида фуқароларнинг ички ишлар органлари фаолияти билан боғлиқ масалалар юзасидан талаб ва таклифлари, ариза ва шикоятлари ўрганилди.
Бошқарма матбуот хизмати хабарига кўра, кўриб чиқилган мурожаатлар бўйича аризалар қабул қилиниб, ҳуқуқий маслаҳатлар берилди. Қўшимча ўрганиш талаб этиладиган мурожаатлар юзасидан соҳавий хизмат раҳбарларига зарурий кўрсатма ва топшириқлар берилиб, ижроси алоҳида назоратга олинди👇
Муаммо аниқланганидан сўнг у ҳақида кўп муҳокама қилиш мумкин, аммо унинг ечими устида ишлаш айни дамда долзарб ҳисобланади. Жорий йилнинг 17-апрель куни Сирдарё телеканали орқали эфирга узатилган танқидий лавҳада Гулистон давлат университети талабалар турар жойларидаги салбий ҳолатлар намойиш этилган эди. Лавҳада кўрсатилган муаммоларнинг олдини олиш бўйича масъуллар дарҳол ишга киришишган.
Бугунги кунда ҳам ишлар қизғин давом этмоқда. Хусусан, ювиниш хонасидаги анжомларнинг янгилангани ва деворлардаги ҳолатлар усталар томонидан таъмирланаётгани, музлатгичлар тўлиқ ишлаётгани ва сув таъминотидаги масалалар ҳам ҳал этилгани маълум қилинади.
Ушбу лавҳада 19-апрель шанба кунигача бўлган жараён суратга олинган. Ишлар қизғин давом этмоқда. Жараёнлардан лавҳалар улашиб борилади 🤝👍
Сирдарё вилояти ИИБ ЙҲХБ Ахборот хизмати дастлабки маълумотларига кўра, жорий йилнинг 20 апрель куни соат 01:00лар атрофида Мирзаобод тумани “Тинчлик” МФЙ ҳудудидан ўтувчи Давлат аҳамиятидаги Д-034 (4Р-18) автомобиль йўлининг 12-километрида, "Гагарин-Гулистон” йўналишида “Cobalt” русумли енгил автомашина ҳайдовчиси рул бошқарувини йўқотиб, ўзи билан бир йўналишда олдинда ҳаракатланиб бораётган "HOWO" русумли юк автомобилининг орқа чап ён қисмига урилиши натижасида ЙТҲ содир этган.
ЙТҲ натижасида тан жароҳати олганлар йўқ. Ҳодиса жойида ЙҲХБ ходимлари томонидан суриштирув ишлари олиб борилмоқда. Барча ҳайдовчилардан йўлларда қоидаларга риоя этишларини сўраймиз 🚨👇
