Иккинчи жаҳон урушининг тугаганига 80 йил бўлди. Шунча вақт ўтса-да унинг тарихи, кулфат ва мусибатлари унутилмайди. Аксинча, урушнинг мудҳиш оқибатлари, тинчлик-осойишталик қадрини ёдга солади. 9 май – Хотира ва қадрлаш куни замирида ана шундай моҳият мужассам.

Президент Шавкат Мирзиёев ушбу сана муносабати билан Ғалаба боғига ташриф буюриб, хотира маросимида иштирок этди. Боғ бўйлаб мунгли куй таралади. Бу ердаги ҳар бир ёдгорлик, тимсол ва битиклар мудҳиш уруш ҳақиқатларини ифода этади, халқимизнинг ғалабага қўшган улкан ҳиссасини урғулайди. Боғ бугунгидек байрам кунларида, айниқса, гавжум бўлади.

Сўнгги йилларда шаклланган анъанага мувофиқ, давлатимиз раҳбари “Матонат мадҳияси” ёдгорлиги пойига гулчамбар қўйди. Бу муаззам обида урушда халқимиз чеккан азоб-уқубатлар, матонат ва йўқотишларнинг ифодасидир.

Ҳужжатларнинг далолат беришича, фашизмга қарши қонли жангларда ўша пайтда 6 миллион 800 минг нафарни ташкил этган аҳолимизнинг қарийб 2 миллион нафари иштирок этган. Шундан 540 мингга яқини ҳалок бўлган, 158 минг нафари бедарак йўқолган, 50 мингдан ортиғи концлагерларда мислсиз қийноқ ва азоблар туфайли ҳалок бўлган, 60 мингдан зиёди ногирон бўлиб қайтган.

Ўзбекистонлик аскар ва офицерлардан 214 мингга яқини жанговар орден ва медаллар билан мукофотлангани уларнинг жасоратидан далолат беради. Мамлакатимиз уруш йилларида фронтнинг мустаҳкам таъминот базасига айланган, жанг майдонларига жуда катта миқдорда ҳарбий техника, қурол-яроғ, кийим ва озиқ-овқатлар етказиб турилган. Ғоят оғир шароитга қарамай, халқимиз уруш ҳудудларидан кўчириб келинган 1 миллион 500 мингга яқин инсонни, жумладан, ота-онасидан жудо бўлган 250 минг нафар етим болани ўз бағрига олиб, меҳр кўрсатган.

— Булар чинакам мардлик ва қаҳрамонлик солномасидир. Бундай мураккаб ва шонли ғалабага муносиб ҳисса қўшган матонатли халқимиз билан ҳар қанча фахрлансак, арзийди. Бу қаҳрамонликларни ҳеч қачон унутмаслигимиз, ёшларимизга етказишимиз керак. Айниқса, ҳозирги таҳликали замонда бунинг аҳамияти ниҳоятда катта. Ҳаммамиз ватан ҳимоясига ҳар куни тайёр бўлишимиз керак, — деди Шавкат Мирзиёев.

Ўзбекистон Республикаси Президентининг 19 февралдаги қарорига мувофиқ, Иккинчи жаҳон урушида қозонилган ғалабанинг 80 йиллиги ҳамда Хотира ва қадрлаш куни муносиб нишонланмоқда. Бугунги авлодлар тинчлиги, мамлакатимиз барқарорлиги учун жон фидо қилган инсонлар хотираси ҳурмат билан ёдга олинмоқда. Айни вақтда ҳаёт бўлган меҳнат фахрийлари ва кексаларга эҳтиром кўрсатилмоқда. Тадбирда Ўзбекистон Қуролли Кучлари, давлат ва жамоат ташкилотлари вакиллари, маҳалла фаоллари ва нуронийлар ҳам иштирок этиб, мазкур ёдгорлик пойига гуллар қўйишди.

Давлатимиз раҳбари боғда ўрнатилган “Хотира нури” композициясини ҳам кўздан кечирди. У Иккинчи жаҳон уруши ва фронт ортида меҳнат қилган ўзбекистонлик қаҳрамонлар хотирасига бағишлаб барпо этилган. Монумент парвоз қилаётган икки қуш шаклида бўлиб, катта ва ёш авлодлар ўртасидаги ворисийликни ифодалайди. Асар тарихий мерос ва замонавий санъатни ўзида мужассам этган. Унга QR-ҳавола ўрнатилган бўлиб, ташриф буюрувчилар мажмуа ва уруш қаҳрамонлари ҳақида ўқиши, “Хотира нури” китобини юклаб олиши мумкин👇

Мирзаобод тумани 27-умумтаълим мактабининг 9-11-синф ўқувчилари касбий танловларини психологик-педагогик қўллаб-қуватлаш мақсадида, мактаб психологи Дилшода Маҳкамова томонидан май ойи "Мен муваффақиятни танлайман!" май ойлигида тренинг машғулоти ўтказилди.

Шунинингдек, мазкур йўналишдаги ўқув тренинг машғулотлари тумандаги 23-умумтаълим мактабида психолог Нилуфар Тожиқулова, 33-умумтаълим мактабида психолог Улуғбек Қўзиев, 11-умумтаълим мактабида психолог Шоира Умаралиева ва 10-умумтаълим мактабида психолог Диёрбек Боймуротовлар томонидан ҳам битирувчи ўқувчилар иштирокида ташкил этилиб, ўтказилди👇

9 май — Хотира ва қадрлаш куни муносабати билан Гулистон шаҳридаги Хотира майдонида вилоят ҳокимлиги, ҳарбийлар, ҳуқуқ-тартибот идоралари, давлат ва жамоат ташкилотлари раҳбарлари, меҳнат фахрийлари, ёшлар, кенг жамоатчилик вакиллари жам бўлди.

Вилоят раҳбари Эркинжон Турдимов бошчилигида Мотамсаро она ҳайкали пойига гул қўйилди. Бугунги тинч кунлар учун жонини фидо қилганлар хотираси ёдга олинди 🤲👇

Самарқанд вилояти Каттақўрғон туманидаги автомобилларга ёқилғи қуйиш шохобчасида 7-май куни ёнғин содир бўлди. Бу ҳақда Саноат, радиация ва ядро хавфсизлиги қўмитаси.

Тахминан 15:06 ларда Қуштепа маҳалласида жойлашган АЁҚШ ҳовлисидаги ҳажми 10 метр куб бўлган 2 дона ёқилғи сақловчи сиғимда (солярка) "ЗИЛ" автомашинасига ёқилғи қуйиш вақтида чақнаш юз берган. Дастлабки маълумотларга кўра, оқибатда 2 нафар фуқаро вафот этган, 1 нафар фуқаро жароҳат билан тиббиёт бирлашмасига ётқизилган 😱🤯👇

Айнан Хотира ва қадрлаш куни арафасида Департаментнинг Сирдарё вилояти бошкармаси ходимлари фахрийлар ҳолидан хабар олишди. Бу шунчаки ташриф эмас, балки устоз-шогирд анъаналарига садоқат, ҳалоллик ва адолат йўлида берган ўгитлари учун миннатдорчиликнинг ёрқин намунаси бўлди.

Ушбу учрашув Хотира ва қадрлаш кунининг мазмун-моҳиятини чуқур очиб берди. У инсоний қадриятлар, устозга ҳурмат ва эътибор, касбга садоқат, ўтмишга эҳтиром каби тушунчаларнинг нақадар муҳим эканлигини яна бир бор намоён этди. Фахрийларимизнинг президентга билдирган миннатдорчилиги мамлакатимизда фахрийларга, уларнинг беқиёс хизматларига кўрсатилаётган юксак эътибор ва ғамхўрликнинг ёрқин далилидир 🤝👍

Департаментнинг Сирдарё вилояти бошқармаси томонидан истеъмолга яроқсиз ва кирим қилинмаган алкоголь маҳсулотларини яширин ишлаб чиқариш ҳамда савдосига чек қўйишга қаратилган тезкор тадбир ўтказилди.

Бошқарма хабарига кўра, Оқолтин тумани "Бўстон" МФЙ ҳудудида ўтказилган тезкор тадбирда, масъулияти чекланган жамиятнинг бошқарувчиси савдо дўконида алкоголь маҳсулотларини ноқонуний сотиш билан шуғулланиб келаётганлиги аниқланиб, ўтказилган текшириш давомида улардан ҳар хил турдаги  алкоголь маҳсулотлари ашёвий далил сифатида олиб қўйилган 🚨👇