Ўзбекистонда чиқиндиларни бошқариш, аҳолига кўрсатиладиган хизмат сифатини яхшилашга қаратилган бир қанча тизимли ишлар амалга оширилмоқда. Аммо бугунги кунда ушбу соҳада кўрсатилган хизматлар учун тўловларнинг ўз вақтида амалга оширилмаслиги натижасида дебитор қарздорлик кескин ошган.

Тизимда 600 млрд сўмлик дебитор қарздорлик мавжуд. Бу эса бир қатор муаммоларга сабаб бўлмоқда, хусусан, тегишли ташкилотларнинг асосий фондларини янгилаш ва хизматлар сифатини оширишга инвестиция киритишга, соҳага тадбиркорлик субъектлари ва хусусий сектор вакилларини кенг жалб қилишга тўсқинлик қилмоқда.

Бугунга қадар тўловларни ўз вақтида амалга оширмаган абонентларга нисбатан фақат суд тартибида чора кўрилар ва бу жараён узоқ давом этарди. Янги Қонун билан эса оворагарчилик ва мураккабликларга чек қўйилмоқда.

Унга кўра, қаттиқ маиший чиқиндиларни тўплаш ва олиб чиқиш хизматлари учун мажбурий тўловлар бўйича қарздорлиги мавжуд бўлган истеъмолчиларга қисқа хабар (СМС) юборилади. Шундан сўнг мазкур қарздорлик бартараф этилгунига қадар истеъмолчидан электр энергияси учун тўловларни қабул қилиш вақтинчалик чекланади.

Бунда хизмат кўрсатувчи тузилмалар тўловларнинг ишончли ҳамда тўғри ҳисоб-китоб қилинишини таъминлайди. Ўз навбатида қарздорликни бартараф этган истеъмолчилардан электр энергияси учун тўловлардаги вақтинчалик чеклов олинади (яқинларга улашинг)👇

"Ҳудудгаз Сирдарё" газ таъминоти филиали ноқулай ва зарарли ишлаб чиқариш шароитларида меҳнат қилаётган ходимларнинг соғлиғини муҳофаза қилишга алоҳида эътибор қаратмоқда. Ходимларнинг меҳнат шароитларини яхшилаш ва уларнинг соғлиғини сақлаш мақсадида уларга мунтазам равишда сут ва унга тенглаштирилган маҳсулотлар тарқатилмоқда.

"Тиббий тадқиқотларга кўра, сут ва сут маҳсулотлари организмдан зарарли моддаларни чиқаришда муҳим рол ўйнайди ҳамда ишчиларнинг иммунитетини мустаҳкамлашга хизмат қилади", — дейилади филиал матбуот хизмати хабарида.

Шу сабабли, мазкур амалиёт ходимларнинг иш самарадорлигини ошириш ва уларнинг саломатлигини қўллаб-қувватлашга қаратилган муҳим ташаббуслардан биридир. Филиал раҳбарияти келгусида ҳам ходимларнинг ижтимоий ва тиббий ҳимоясини таъминлашга оид чора-тадбирларни давом эттиради👇

Cтатистика агентлиги маълумотларига кўра, 2024/2025 ўқув йили бошига умумтаълим муассасаларида бир нафар ўқитувчи (ўриндошларсиз)га ўртача 12 нафар ўқувчи тўғри келмоқда. Ушбу кўрсаткич ҳудудлар кесимида қуйидагича:

Тошкент шаҳри — 17 нафар
Андижон вилояти — 14 нафар
Тошкент вилояти — 14 нафар
Наманган вилояти — 13 нафар
Самарқанд вилояти — 13 нафар
Фарғона вилояти — 12 нафар
Сирдарё вилояти — 12 нафар
Сурхондарё вилояти — 11 нафар
Жиззах вилояти — 11 нафар
Хоразм вилояти — 11 нафар
Бухоро вилояти — 11 нафар
Қашқадарё вилояти — 11 нафар
Қорақалпоғистон Респ. — 9 нафар
Навоий вилояти — 9 нафар

Маълумотларга кўра, 2024/2025 ўқув йили бошида мамлакатимиздаги умумий ўрта таълим ташкилотларида таълим бераётган ўқитувчилар (ўриндошларсиз)нинг умумий сони 564,9 минг нафарни ташкил этган. Умумтаълим муассасалари сони эса 10 943 та👇

Бош прокуратура ҳузуридаги Департаментнинг Гулистон шаҳри бўлими томонидан ўтказилган тезкор тадбирда ноқонуний дори воситалари савдоси билан шуғулланиб келган фуқаро Ш.Э. “Тараққиёт” МФЙ ҳудудида жойлашган нотурар бинода умумий қиймати 435,9 млн сўмлик турли номдаги жами 10 481 дона яроқлилик муддати ўтган дори воситалари ва тиббий буюмларни ўтказиш мақсадида сақлаб келаётганлиги аниқланиб, ашёвий далил тариқасида олиб қўйилган.

Департамент матбуот хизмати хабарига кўра, мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят иши қўзғатилиб, тергов ҳаракатлари ўтказилмоқда 🚨👇

Давлат хавфсизлик хизматининг Сурхондарё вилояти бўйича бошқармаси ва вилоят ички ишлар бошқармаси ходимлари ҳамкорлигида ўтказилган тезкор тадбирда Денов туманида истиқомат қилувчи, 1984 й.т., муқаддам гиёҳвандлик воситалари савдоси билан боғлиқ жинояти учун судланган шахс Тожикистон Республикасидан мамлакатимизга айланма йўллар орқали наркотик моддаларни олиб келиб, сотиш билан шуғулланаётганлиги ҳолати аниқланиб, унинг яшаш хонадони кўздан кечирилди. Натижада хонадон ертўласидан 576 гр. “героин”, 2 кг. 447 гр. “опий” ва 1 кг. 913 гр. “гашиш” моддалари процессуал тартибда расмийлаштириб олинди.

Шунингдек, унинг муқаддам гиёҳвандлик воситалари савдоси билан боғлиқ жинояти учун судланган, 1956 й.т. отасидан 9 кг. 62 гр. “гашиш” моддаси ҳамда келиб чиқиши ноаниқ бўлган 137 минг 460 АҚШ доллари ва 569 млн. 832 минг сўм олинди. Бундан ташқари, тезкор тадбир давом эттирилиб, унинг муқаддам гиёҳвандлик воситалари савдоси билан боғлиқ жинояти учун судланган, 1980 й.т. акаси ва Узун туманида истиқомат қилувчи, 1987 й.т. жиноий шериги ҳам қўлга олиниб, жиноий шеригининг уйидан ҳам келиб чиқиши ноаниқ бўлган 159 минг 400 АҚШ доллари олинди.

Давлат хавфсизлик хизматининг Чегара қўшинлари ва Наманган вилояти бўйича бошқармаси ҳамкорлигида Янгиқўрғон туманида ўтказилган тезкор тадбирда “Янгиқўрғон-Наманган” йўналишида ҳаракатланаётган автобус тўхтатилиб, кўздан кечирилди. Натижада унда йўловчи сифатида кетаётган, мазкур туманда яшовчи, 1999 ва 2002 йилларда туғилган 2 нафар фуқарога тегишли сумкаларда жами 19 кг. 915 гр. “гашиш” моддаси борлиги аниқланиб, тегишли тартибда расмийлаштириб олинди. Терговга қадар текширув давомида, улар гиёҳвандлик воситасини келгусида сотиш мақсадида Қирғиз Республикасидан контрабанда йўли билан олиб келганликлари маълум бўлди.

Андижон вилоятида кузатилган ҳолатда эса Марҳамат туманида яшовчи, 1996 й.т., муқаддам судланган шахс “ўзбек-қирғиз” давлат чегарасининг мазкур туман ҳудудидан ўтувчи қисмига келиб, аввалроқ Қирғиз Республикаси фуқароси томонидан контрабанда йўли билан ўтказиб берилган 4 кг. 931 гр. “опий” ва 9 кг. 949 гр. “гашиш” моддаларини олиб, қайтаётган вақтида Чегара қўшинлари ҳарбий хизматчилари томонидан ушланди. ДХХ матбуот хизмати хабарига кўра, ҳозирда мазкур шахсларга нисбатан Жиноят Кодексининг 246 ва 273-моддалари билан жиноят ишлари қўзғатилиб, тергов ҳаракатлари олиб борилмоқда 🚨👇