Мир сегодня с "Юрий Подоляка"
Мир сегодня с "Юрий Подоляка"
查看
Труха⚡️Україна
Труха⚡️Україна
查看
Николаевский Ванёк
Николаевский Ванёк
查看
Мир сегодня с "Юрий Подоляка"
Мир сегодня с "Юрий Подоляка"
查看
Труха⚡️Україна
Труха⚡️Україна
查看
Николаевский Ванёк
Николаевский Ванёк
查看
Кушербаевга мурожаат avatar

Кушербаевга мурожаат

Расул Кушербаевга йўлланадиган мурожаатлар учун очилган махсус канал.
Мурожаат йўллаш тартиби:👇 https://t.me/Kusherbayevga_murojaat/16
Алоқа: @Kusherbayevga_murojaatbot
TGlist 评分
0
0
类型公开
验证
未验证
可信度
不可靠
位置Узбекістан
语言其他
频道创建日期May 08, 2025
添加到 TGlist 的日期
Aug 20, 2024
我是频道所有者
变更历史

Кушербаевга мурожаат 热门帖子

所有帖子
25.04.202512:26
NAMANGAN. Talabalar dush va hojatxonadan mahrum qilingan

Assalomu alaykum Rasul aka!

Men B. Namangan davlat texnika universiteti 3-bosqich talabasiman. Avvalgi nomi (Namqi).

Men 3-sonli talabalar turar joyida turaman. Bu xususiy tadbirkor tomonidan qurilgan. Universitet bilan sheriklikda shartnomasi bor. Har oyiga 185 ming to‘layman. Qolgan 50 foizini universitet to‘laydi.

Afsuski bizni talabalar turar joyida qonunlar boshqacha ishlayapti. Dush, hojatxona umuman ochilmaydi, yopib qo‘yilayapti.

Hozirgi yomğirli, salqin havoda ham tashqariga yuvinglar, deyishmoqda. Tashqarida esa bitta hojatxona bor, kirib bo‘lmaydi...

Sizdan iltimos yuvinish honamiz va hojatxonamiz ochilishiga yordam bering!

Menga zo‘ravonlik va tazyiqlar bo‘lmasligi uchun ism sharifimni sir tutsangiz.

👉 @Kusherbayevga_murojaat
15.04.202505:11
ҚОРАҚАЛПОҒИСТОН. Ноқонуний берилган ерлар нега давлатга қайтарилмаяпти?

2021 йилда Қоракалпоғистон Республикаси прокуратураси томонидан Нукус шаҳар ҳокимлиги мансабдор шахсларига нисбатан жиноят иши қўзғатилганди.

Бунга сабаб 2017-2020 йиллар давомида Нукус шахар хокими лавозимида ишлаган П. Турешевнинг киммат ерларини аукционсиз тўғридан-тўғри бериб келгани сабаб бўлган.

Мазкур жиноят иши юзасидан Жиноят ишлари бўйича Нукус шаҳар судининг 2021 йил 12 ноябрь кунги ҳукми билан П.Турешевга жазо тайинланди. Бироқ ноқонуний берилган ерларни КР прокуратураси ходимлари ўз вазифаларига совуққонлик қилаётгани учун давлатга қайтариш ва зарарни қоплаш чораси кўрилмаган.

Агар оддий фуқаро ерни ноқонуний эгаллаб олиб, иморат қурганида прокуратура органлари мазкур иморатни буздириб, ерни қайтариб олган бўларди.

Мен мазкур масала юзасидан жорий йилнинг 24 январь кунидан Президентимизга, Бош прокуратурага бир неча марта мурожаат қилдим, афсуски ижобий жавоб ололмадим.

Мен бу муаммонинг ечилмаётгани ушбу ерлар катта амалда ўтирганларнинг қариндошларига ноқонуний ажратиб берилганида, деб ўйлайман.

Ноқонуний ажратилган ерлар давлатга қайтарилмаса, бундан нима фойда?

Оринбай Алламбергенов

👉 @Kusherbayevga_murojaat
Post media background
Post media
08.05.202509:31
ПАХТАЧИ. Ҳокимият ходимлари бир бор қўнғироқ қилишди-ю йўқ бўлиб кетишди

Ассалому алайкум Расулбай Кушербаев!

Мен 2024 йил сентябр ойида сизга телеграм орқали ёзган мурожаатим сизни каналингизга чиқарилганда ҳокимият ходимлари бир марта телефон қилиб яна жимгина ёпилиб кетди.

Ҳозирги кунга қадар ҳеч қандай чора кўрилмади.

Сиздан илтимос: қайта кўриб чиқиш иложи бўлса ёрдам беринг!

Шерматова Туйбуви Райимовна, Самарканд вилояти, Пахтачи тумани

👉 @Kusherbayevga_murojaat
Post media background
Post media
28.04.202511:38
ФОРИШ. Тез ёрдам машиналарига сифатсиз бензин берилмоқда

Мурожаатчи: Республика тез тиббий ёрдам маркази Жиззах филиали бухгалтерияси томонидан АИ-92 бензини учун маблағ берилаяпти. Лекин бензиннинг ОКТАНИ АИ-92 эмас, сифати жуда паст.

Буни ким назорат килади?

Бензин октанидаги фарқ учун маблағ вилоят бўйича каерга кетаяпти?

👉 @Kusherbayevga_murojaat
Post media background
Post media
08.05.202511:21
ЗАРАФШОН. Қурилаётган кўп қаватли уйларнинг биронтаси вақтида топширилмаган

Мурожаатчи: Мен Навоий вилояти Зарафшон шаҳридан ёзяпман.

Бизни шаҳарда "Хон сити" қурилиш фирмаси шаҳарни бир нечта жойларида кўп қаватли уйлар қуриб, биронтасини вақтида топширмаган.

Кўпгина қурган уйлар чала, қурилмай тўхтаб қолган. Биз тўлов қилиб келаётган қурилиш 2021 йил бошланган ва 2025 йил август ойида топшириш керак эди. Лекин ҳалигача ер тўла (подвал) қисми ҳам тугалланмаган.

Кўпчилик ижарада яшаб тўлов қилган. Оилаларда шу қурилишни тўхтаб қолганидан ҳар хил тушунмовчиликлар келиб чиқиб, ажрашиш даражасига келиб қолган.

Сизлар сабаб балки биз тўлов қилган пул қайтарилса, ёки қурилиш бошланса деб умид қиламиз.

👉 @Kusherbayevga_murojaat
22.04.202506:36
Geografiya fani o‘qituvchilaridan murojaat: bizni eshitadigan bormi?

2025-yilning 15-aprel kuni butun respublika bo‘yicha geografiya fani o‘qituvchilari uchun tashkil etilgan attestatsiya jarayoni yakunlandi.

Afsus bilan ta’kidlashimiz kerakki, bu sinovda ishtirok etgan biror bir o‘qituvchi ijobiy natijaga erisha olmadi. Bu holat faqatgina individual bilim va tayyorgarlik darajasiga bog‘liq emasligini, balki test materiallarining sifatiga oid muammolar mavjudligini ko‘rsatmoqda.

Quyidagi holatlar bizni chuqur tashvishga solmoqda:

1. Test savollarining mazmuni va shakli: Mutaxassislik fanidan berilgan savollar ko‘p hollarda mavhum, chalkash, turlicha talqin qilinadigan bo‘lib, aniq va tushunarli javob variantlariga ega emas edi.
2. Pedagogika fanidan test savollari: Juda uzun va murakkab tuzilgan bo‘lib, matnlar mantiqiy jihatdan tushunarsiz, chalkash ifodalangan.

3. Vizuallashtirishdagi texnik xatoliklar: Mutaxassislikka oid ayrim testlarda, xususan Venn diagrammasi, xaritalar, raqamlar va belgilar juda kichik, xira va aniqlikdan yiroq ko‘rinishda taqdim etilgan. Bu esa savolning mohiyatini to‘g‘ri anglashga jiddiy to‘sqinlik qildi.

Biz, geografiya fani fidoyi o‘qituvchilari sifatida, sifatli ta’lim berishga, zamonaviy yondashuvlarga asoslangan darslarni o‘tkazishga harakat qilayotgan bo‘lsak-da, bunday adolatsiz va texnik jihatdan pishiq tayyorlanmagan test sinovlari bizning kasbiy faoliyatimizga salbiy ta’sir ko‘rsatmoqda.

Shu sababli biz, butun respublika bo‘ylab faoliyat yuritayotgan geografiya o‘qituvchilari nomidan quyidagilarni so‘raymiz:

Attestatsiya testlari sifatini qayta ko‘rib chiqish, aniq, lo‘nda va mantiqiy tuzilgan savollar asosida tayyorlash;

Vizual materiallarning sifatiga jiddiy e’tibor berish;

Test sinovlarida adolat va shaffoflikni ta’minlash;

ushbu holat bo‘yicha xizmat tekshiruvini o‘tkazish hamda javobgar tashkilot yoki mutasaddilarning izoh berishini ta’minlash.

Maqsadimiz norozilik bildirish emas, balki ta’lim tizimimizning adolatli, shaffof va sifatli bo‘lishiga o‘z hissamizni qo‘shishdir.

Hurmat bilan,
Geografiya fani o‘qituvchilari nomidan Zulfiyaxon Samadova.

👉 @Kusherbayevga_murojaat
Post media background
Post media
06.05.202505:57
САРИОСИЁ. Сифатсиз қурилган асфалт йулларни халқдан ундирмоқчими?

Мен Бобоёров Лоиқ Ахмадович, Сурхондаре вилояти, Сариосиё туманидан тадбиркорман.

Охирги пайтларда Ўзбекистон Республикаси Вазирлар Маҳкамасининг 26.12.2011 йилдаги 342-сон қарорига асосан автомобил йӯлларда юк автомобилларни  назорат тарозилар орқали текширмоқда.

Қарорнинг 2 иловасидаги кӯрсатилган "Рухсат этилган массаси" тушунмовчиликларга сабаб булияти. 2 иловага ёзилган "масса" нимани англатади? Аниқ автотранспортлар  мисолларида тушунтириб беринглар. (Масалан: Автотранспорт Howo Sinotruk завод парамеӣрлари: юксиз вазни 14.2 тн, 25 тонна юк кӯтара олади. Жами огирлиги 39.2 тн.)

Сариосиё ДАН ходимлари жами огирлик 26 тн ошганини ушлаб 20  БҲМдан жарима қилаяпти. Нима эмиш асфалтларни юк машиналар бузаётган экан. Ёки сифатсиз қурилган асфалт йулларни халқдан ундирмоқчими булар?

👉 @Kusherbayevga_murojaat
Post media background
Post media
Post media background
Post media
05.05.202508:38
ҚАРШИ. Ҳокимиятга ишониб, ногирон ҳолимда кўчада қолдим

Мен оилам билан яшаб турган Қарши шаҳар, Зохакимарон МФЙ, Фахрий темирйўлчи кўчаси 75 уй ҳокимият томонидан 2021 йилда авария ҳолатида бўлгани учун бузиб ташланган.

Суд томонидан 2022 йил 16 июнда қарор қилиниб, бузилган уй учун 200 млн сўм компенсация тўлаш белгиланган.

Орадан шунча вақт ўтишига қарамай, бу пул ҳамон ундириб берилмаган.

Ўзим 1-гуруҳ ногирониман, оилавий шароитимиз оғир. МИБ ва ҳокимиятга роса мурожаатлар қилдик. Лекин ҳалигача пул ундириб берилгани йўқ. МИБ ходимлари турли бахоналар билан ишни чўзиб юрибди.

Шу суд қарорини ижросини таъминлашда ёрдам кўрсатишингизни сўрайман. Ҳокимиятга ишониб, ногирон ҳолимда кўчада қолдим.

Эркин Хасанов

👉 @Kusherbayevga_murojaat
08.05.202512:51
Talabalar dardi: Biz texnik mutaxassis emas biotibbiyot sohasida ixtisoslashishni istaymiz!

Hurmatli Rasul Kusherbayev!

Biz, Toshkent tibbiyot akademiyasining Biotibbiyot muhandisligi (tibbiy bioinjeneriya) yo‘nalishi bo‘yicha ta'lim olayotgan talabalar sizga murojaat qilmoqdamiz.

Mazkur yo‘nalish 2021-yilda akademiyamizda tashkil etilgan bo‘lib, u nafaqat tibbiy asbob-uskunalar bilan ishlash, balki protezlash, tabiiy va sun'iy organlar yaratish, ekto-endo protezlar ishlab chiqish kabi ko‘plab ilg‘or texnologiyalarni o‘z ichiga olgandi.

Bundan tashqari, genetik injeneriya bo‘limlari ham ushbu yo‘nalishga kiritilgan edi. Biroq, bizning o‘quv jarayonimizga ta'sir qilgan o‘zgarishlar yuz berdi. 2021/2022-o‘quv yilida biz biologiya va kimyo fanlaridan imtihon topshirgan holda qabul qilingan edik. Ammo 2022/2023 o‘quv yilidan boshlab kirish imtihonlari o‘zgartirildi, ya'ni matematika va fizika fanlari joriy etildi.

Bu o‘zgarish o‘quv rejamizdagi bir qancha klinik fanlarning olib tashlanishiga olib keldi. Natijada, bizni faqat texnik jihatdan ishlovchi mutaxassislar sifatida tayyorlashga yo‘naltirildi, lekin bizning maqsadimiz nafaqat apparat tuzatish, balki biotibbiyot va tibbiyot sohasida chuqur bilimlarga ega bo‘lish edi.

Bizning 1-kursda tibbiy yo‘nalishlar bo‘yicha umumiy fanlarni o‘rganishimizga qaraganda, 2-kursning o‘rtalariga kelib, o‘quv rejamizda jiddiy o‘zgarishlar yuz berdi. Aynan shu davrda bizning ta'lim dasturimiz texnikaga ko‘proq e'tibor berishga o‘zgartirildi. Biz texnik mutaxassislar bo‘lishni maqsad qilganimiz yo‘q, biz biotibbiyot sohasida ixtisoslashishni istaymiz.

O‘qitilayotgan fanlar ham texnikaga bog‘liq bo‘lib qolganligi sababli, biz ko‘plab fundamental tibbiy fanlar bo‘yicha zarur bilimlarni o‘zlashtira olmayapmiz.

Biz, bu oliygohga faqat apparat tuzatish uchun emas, balki yuqori malakali biotibbiyot mutaxassisi, ya’ni radiolog, vrach-lobarant, genetik injeneriya, protezlash bo’yicha mutaxasis bo‘lish uchun kirgan edik. Afsuski, o‘quv dasturidagi o‘zgarishlar bizning maqsadlarimizga zid kelmoqda.

Shu sababli, 2024/2025-o‘quv yili bitiruvchilari uchun 2-mutaxassislik sifatida "Davolash ishi" fakultetida tahsil olishga ruxsat berishlarini yoki magistiratura ochib berishilarini iltimos qilamiz.

"Davolash ishi" fakultetida o‘qib kelgusida , Biotibbiyot muhandisligi yo‘nalishida olgan bilimlarimizni birlashtirgan holda yetuk mutaxasis bo‘lishga hamda tibbiyot sohasida raqamlashtirish, zamonaviy tibbiy uskunalardan keng foydalanishga o‘z xissamizni qo‘shishga vada beramiz.

Hurmat bilan,
TTA Biotibbiyot talabalari

👉 @Kusherbayevga_murojaat
转发自:
Rasul Kusherbayev avatar
Rasul Kusherbayev
20.04.202506:20
Янги Ички ишлар вазири(собиқ Янгийўл ИИБ бошлиғи)дан изоҳ кутамиз...

Кеча маслаҳатлашиш бахонасида Янгийўл тумани ИИБга чақирилиб, бир неча соат ушлаб турилдим. Устимдан асоссиз ариза берилган. Яшаш жойим ҳам, пропискам ҳам Янгийўлда эмас. Бироқ нега Янгийўл ИИБ бу иш билан шуғулланаётгани тушунарсиз.

Қизиғи қанча тушунтиришларимга қарамай иш учун аҳамияти бўлмаса-да мобил телефоним олиб қўйилди.

Мақсад телефонни олиш вассалом. Буниси эса тушунарли. Кимларгадир телефоним керак бўлаяпти. Кимларга экани маълум, буни бошқалар ҳам фаҳмлаган бўлса керак...

Ҳаммаси холис ва қонуний бўлсаку майли. Бироқ бир сафар телефонимни ходимларга қолдирганимдан сўнг, анча вақтгача контактимдаги инсонлардан эътироз эшитишимга тўғри келган. Мен бехабар уларга мени аккаунтларим орқали ноқонуний, аҳлоқсиз материаллар юборилган...

Яна бир жиҳати, шу кунларда хатто қўшниларимдан ҳам ИИБ ходимларининг мен ҳақимда яширин ва шубҳали суриштирувлар олиб боришаётгани, маълумотлар тўплашаётгани ҳам тушунарсиз.

Тўғриси мен бу ишларни тушунмаяпман, лекин Янгийўл тумани ИИБнинг собиқ бошлиғи, ҳозирда эса Ички ишларнинг янги вазири ҳурматли Азиз Тўшпўлатов тушунсалар керак.

Чунки бу ишлар негадир уларнинг вазир лавозимига келишлари билан бир вақтга тўғри келмоқда. Ҳурматли вазиримиздан изоҳ кутамиз.

👉 @r_kusherbayev
02.05.202508:42
BUXORO. Fuqarolar sud sud qaroridan norozi bo‘lishmoqda

Murojaatchi: Buxoro shahridagi "ABSOLUTE ELITE BUILDING'' MCHJga tegishli bo‘lgan ko‘p qavatli uylardan xonadon sotib olgan fuqarolar bugungi kunda quruvchilarga aldanib uysiz ko‘chada qolishlariga to‘g‘ri kelmoqda.

Quruvchilar hozirgi kunda jinoiy javobgarlikka tortilgan bo‘lib, ularga tegishli ko‘p qavatli uylar onlayn Auksionga chiqarilishi bo‘yicha sud qarori mavjud. Ko‘plab fuqarolar o‘z uylarini ta'mirlab istiqomat qilib kelishayotganliklarini adolatli sudlarimiz inobatga olmasdan, qaror chiqarganliklari fuqarolar e'tiroziga sabab bo'lmoqda.

Iltimos murojaatimizni yoritishga yordam bering.

👉 @Kusherbayevga_murojaat
21.04.202507:46
ФУРҚАТ. Уч йил ишлаб, бир тийин олмаган фермерлар

Ассалому алайкум, биз — Фурқат туманидаги бир гуруҳ фермерлар яна бир бор мурожаат қилишга мажбур бўляпмиз.

Туманга бириктирилган “Фейхан-Текс” МЧЖ пахта кластеридан мана 3 йилдирки 2022 йилдаги ҳақимизни ололмаяпмиз.

Биз бу кластерларни ўзимиз танламаганмиз, Ҳукумат томонидан бириктирилган!

Президентимиз 2024 йил 1 апрелгача қарздорлик тўланишини буюрган эдилар. Аммо орадан бир йил ўтди, “Фейхан-Текс” яна жим.

Биз фермерлар йили билан совуққа ҳам иссиққа ҳам қарамай далада ишлаб, бир тийин ололмасак, қандай яшаймиз? Қарзга ботиб кетдик!!

Кластерларнинг мол-мулки сотилса ҳам, тартиб бўйича аввал давлат банклари олдидаги кластер қарздорлиги ундурилади. Фермерга эса ҲЕЧ НАРСА ҚОЛМАЙДИ.

Давлат камида вақтинчалик субсидия ажратиши керак. Кейинчалик кластерларнинг мол-мулки сотилса — ўрнини қоплаб олаверсин. Лекин бугун биз оч, ишсиз ва алданган ҳолатда турибмиз.

Ҳамма эшикни тақиллатдик — Бош прокуратура, Қишлоқ хўжалиги вазирлиги, Фарғона вилояти ҳокимлиги… 3 ЙИЛ ичида ҳеч ким чора кўрмади.

Илтимос, ушбу мурожаатни иложи борича кўпроқ одамларга етказинг. Шунчаки ҲАҚИМИЗНИ сўраяпмиз, бошқа ҳеч нарса керак эмас.

Адолат кутаётган фурқатлик фермерлар

👉 @Kusherbayevga_murojaat
21.04.202510:11
Har kuni "Denov-Toshkent" yo'nalishiga avtobus qo'yib berishsin!

Murojaatchi: Bu Toshkent Avtovokzalidan "Denov - Toshkent" yo‘nalishida Denovga ketishdagi holat.

Denov Toshkentga judda ko'p yo'lovchilar avtobus bilan boradi.

Ming afsuslar bo'lsinkim har kuni Denovdan Toshkentga avtobus qatnovi yo'q. Ikki kunda bir reys avtobus yo'lga qo'ygan. Bu esa aholini ehtiyojini qondirolmayapti.

Shuning uchun yuqoridagi kabi holatlar bo'lmasligi uchun har kuni Denov Toshkent yo'nalishiga avtobus yo'lga qo'yish shart.

Mutasaddi va mas'ullar e'tibor qaratib, munosabat bildiradi degan umiddamiz.

👉 @Kusherbayevga_murojaat
25.04.202510:47
PAYARIQ. "Snos" bo‘lgan uyimizni o‘rniga qurgan yangi uyimiz ham "snos"ga tushdi

Assalomu alaykum Rasul aka!

2017 yili al Buxoriy majmuasi yonidagi uyimiz "snos"ga tushdi.

Turmush o‘rtog‘im Axmedov Lazizga viloyat hokimi tomonidan yer berildi. Biz sakkiz yildan buyon 2 nafar farzandimiz bilan yashab, uy qurdik. Keyin kadastr bo‘limiga hujjatlashtirish bo‘yicha bir necha bor murojaat qildik. Ammo natija bo‘lmadi.

Endi esa uyimiz yana "SNOS"ga tushibdi. Payariq tumani hokimi, viloyat hokimi bosh maslahatchisi uyni bo‘shatishimizni talab qilishmoqda.

Kadastrchilar bizni sudga berdi. Hozirda juda sarson bo‘lmoqdamiz. Turmush o‘rtog‘im va men bu bosimlardan sog‘ligimiz yomonlashib qoldi.

Iltimos yordam qiling, qonun bormi?

Qurbonova Nargiza,
Samarqand viloyati, Payariq tumani, Xartang qishlog‘i, al Buxoriy mahallasi.

👉 @Kusherbayevga_murojaat
Post media background
Post media
Post media background
Post media
06.05.202507:44
ЧИРОҚЧИ. "Ташаббусли бюджет"да 2024 йил 2-мавсумда ғолиб бўлган лойиҳа ҳамон бажарилмади

Ассалому алайкум!

Ҳурматли Президентимизнинг халкимизга берган имконияти "Ташаббусли бюджет"да биз 2024 йил 2- мавсумда ғолиб бўлганмиз. Лекин лойиҳа бўйича ишлар ҳамон бажарилмади.

Якинда эса 2025 йилнинг 2-мавсуми бошланади.

Бу давлат раҳбарини халққа  ёмон кўрсатишми ёки бошқа манфаатдорлар борми?
Кимдир бу ишларни назорат қиладими?

Қашкадарё вилояти, Чирокчи тумани, Кизилчовра МФЙ, Даштқизилчорқа қишлоғи аҳолиси.

👉 @Kusherbayevga_murojaat
登录以解锁更多功能。