وصيّة شايب لولده
قال _ يا وليدي تقدر اتحق صورة وجك في قدح الميه
وهو يغلي _ ؟
قاله _ لا ...
قاله الشايب ... هذا هو عقلك -
ااصبر نين يصفى عقلك
( و هذا يعني ما تبقى سريع الغضب )
قالّه • كيف اتحق خوك انك غالي عليه ... ؟
قال • كيف ...¿
قاله : ان كان عطاك حاجه قدام وليته ..(راه كسر عينك )
و إن كان رفع صوته عليك ساعة الغضب ؛
طاحت هيبتك و راحت مع الريح ..
و ان كان ما فتش خاطرك في ساعة صفا و( طرب )
وحدكم .. إعرفه راه عطيب . .
و اصحابك : إن كان ما حقو كلام عيونك ؛
( سيبك منهم )
#وخوالك ..
إن كان ما ردوا العايب فيك .. راك غضيب والدين ...
و باتك : إن كان تحشم ايوصيّك .. راك في نظره عاق ..
و يا وليدي خليك للعيله كيف الشمعة 🕯
تحرق روحك عشان إيتعشوا على نورك ...
و خلك كيف الحصان •ما تشرب غير من النظيف ...
و خلك كيف الصقر •• ما تاكل الفطيس ...
و خلّك كيف الميراد •• يذهبوا و يردوا عليك ...
و خلك كيف القاره •• ينحتنَّك الرياح و تبقى واقف ..
و خلك كيف التمر •• حتى المريض ياكلك ••
واسلمتوا ....
