У Буда-Кашалёве за «распаўсюд экстрэмізму» судзілі дырэктарку школы і намесніцу кіраўніка райкама «Белай Русі»
13 лютага ў судзе Буда-Кашалёўскага раёна разглядалі чарговую адміністрацыйную справу ў дачыненні да Алены Сяргееўны Некрашэвіч паводле ч.2 арт. 19.11 КоАП (Распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне або перавозка з мэтай распаўсюджвання такой інфармацыйнай прадукцыі), піша @viasnaHomel.
Алена Некрашэвіч, прынамсі да апошняга часу, працавала дырэктаркай сярэдняй школы № 1 горада Буда-Кашалёва і адначасова з’яўлялася намесніцай старшыні Буда-Кашалёўскай раёнай арганізацыіі рэспубліканскага грамадскага аб'яднання «Белая Русь». Таксама вядома, што на некалькіх апошніх выбарах жанчына ўваходзіла ў склад участковых выбарчых камісіяў.
У лістападзе мінулага года яна стала пераможцай абласнога фестывалю кіраўнічага майстэрства «Мэнэджмент у адукацыі: ідэі, рашэнні, перспектывы».
