Ramazon hayit bayrami munosabati bilan Surxondaryo viloyati sogʻliqni saqlash boshqarmasi boshligʻi Abdivoxidov Komil Murtozoyevichning yurtdoshlarimizga bayram tabrigi
Assalomu alaykum aziz va muhtaram vatandoshlar! Viloyatimiz ahlini va barcha mo‘min-musulmonlarni, butun xalqimizni shukronalik, saxovat va mehr-oqibat ayyomi – muborak Ramazon hayiti bilan chin qalbimdan tabriklayman.
Ramazon hayitining maʼnaviy hayotimizda olijanob fazilatlarni, bag‘rikenglik, muruvvat, do‘stlik va hamjihatlik kabi ezgu qadriyatlarni mustahkamlash borasidagi o‘rni va ahamiyati beqiyosdir. Bu qutlug‘ ayyomda hammamiz, avvalo, mana shunday fayzli va barakotli kunlarga yetkazgani, yurtimiz tinch, osmonimiz musaffo ekanligi uchun Olloh taologa cheksiz shukronalar aytamiz.
Duogo‘y keksalarimizning mana shunday fazilatli damlarda elu yurtimiz haqiga qilgan ezgu niyat va tilaklari ijobat bo‘lsin!
Ushbu ulug‘ ayyom kunlarida vohamiz ahlini, barcha yurtdoshlarimizni samimiy muborakbod etaman.
Xonadonlarimizdan fayzu baraka va osoyishtalik arimasin, yurtimiz tinch, osmonimiz musaffo bo‘lsin.
Hurmat bilan, Surxondaryo viloyati sogʻliqni saqlash boshqarmasi boshligʻi Abdivoxidov Komil Murtozoyevich!
