انك تمثل شي مش فيك اصلا او تحاول حتى المحاولة انك تمثل شي انت مش واصل ل مستواه هذا يخليك حشرة ، اقتنع بالشيء اللي عندك خير ماتخسر كل شيء ، نصيحة لبعض الناس المتصنعة لو يبو يكونو مثقفين يقدرو يغذّو عقولهم بالأفكار مش ضروري يستخدمو اسلوب مستفز باش يمثلو دور الانسان الكامل .
حرفياً في امور تصدر من الانسان ماينفعش معاها الاعتذار ولا التراجع ، لانه المسأله اصلا ماتعلقش بالعفو والمسامحة ، والاخطاء لهن طابع خاص اخطاء عميقه والكارثه مكشوفه عليك ، والقضيه مش انه تسامح ولا متسامحش بالعكس انا فاهم وانطباع جديد ، يشكل قدام الحقيقة الواضحه اكثر من كونها انه مجرد موقف .
الامور اللي م تسرش قلبك واللي مش متصالح معاها في ذاتك واللي تخلي الايام ثقيله عليك وحمل كبير ع ايامك ،بكل بساطه ابعد عليها ومديرهاش حتى لو كانت مهمه ومرتبطه بناس تعزهم
