Карпаторусинські писателі Пӯдкарпатя
26.04.202517:04
ПЕРЕБАЧТЕ, ЗАПОЗДИВ
Я ачей мало заспав.
Шорики вам не загнав.
Заз на тыждінь запоздив,
Перебачте – поблудив.
Вы на мене не сердіться,
А читати лем іміться.
Од душі сісі слова,
Бо ми терпла голова,
Як бы вас розвеселити,
Дяку файну наладити.
На Великдень паровало,
Як ся в Краю поливало.
Коли цуря вже обсохло,
Чий у лісі штось іздохло.
Рошко шорики вер нись,
По жебах найшлися десь.
Цімборове, цімборки!
Се не рыба із ріки,
Што ся гонна завоняти.
Слово нашоє стояти
Свіжым довго ще буде.
Наша бесіда гуде,
Гі трембіта в Пудкарпатю,
Радує руснаку-братю.
Мамка нас ї научила,
Бы ще ийзірь року жыла.
Гей, руснаки! Затяміть:
В рокаши уєдно йдіть
Лем од ліпшому жытьови.
Верьсьте гет старі манковы.
Плечі свої напростіть,
Гі у гербі наш медвідь.
Не дайтеся чужакам
Заязати вочі нам.
Наруд наш лем заслужив,
Бы у Краю свому жыв.
А не по світах втікав,
Ту домуства вжек не мав.
Не про жебрач мы роджєні,
Дома жыти наладжєні.
Най Вутцюзнина нас гріє!
Руснак в свою землю сіє.
Добром зерно проросте.
Радость в Краю най цвіте.
Нашоє бы ’д нас не брали,
Не дурили, не ббрехали.
Бесіду руснацьку чуйме!
А на брехні смолі дуйме.
Най біда нас бходить боком,
Гет утікать біда скоком.
Засмійтеся лем, руснаки!
Слова мої вы од дяки
Душов добров принимайте
І дубрі ся вшыткі майте!
ХРИСТОС ВОСКРЕС!
#Володимир_Рошко
Я ачей мало заспав.
Шорики вам не загнав.
Заз на тыждінь запоздив,
Перебачте – поблудив.
Вы на мене не сердіться,
А читати лем іміться.
Од душі сісі слова,
Бо ми терпла голова,
Як бы вас розвеселити,
Дяку файну наладити.
На Великдень паровало,
Як ся в Краю поливало.
Коли цуря вже обсохло,
Чий у лісі штось іздохло.
Рошко шорики вер нись,
По жебах найшлися десь.
Цімборове, цімборки!
Се не рыба із ріки,
Што ся гонна завоняти.
Слово нашоє стояти
Свіжым довго ще буде.
Наша бесіда гуде,
Гі трембіта в Пудкарпатю,
Радує руснаку-братю.
Мамка нас ї научила,
Бы ще ийзірь року жыла.
Гей, руснаки! Затяміть:
В рокаши уєдно йдіть
Лем од ліпшому жытьови.
Верьсьте гет старі манковы.
Плечі свої напростіть,
Гі у гербі наш медвідь.
Не дайтеся чужакам
Заязати вочі нам.
Наруд наш лем заслужив,
Бы у Краю свому жыв.
А не по світах втікав,
Ту домуства вжек не мав.
Не про жебрач мы роджєні,
Дома жыти наладжєні.
Най Вутцюзнина нас гріє!
Руснак в свою землю сіє.
Добром зерно проросте.
Радость в Краю най цвіте.
Нашоє бы ’д нас не брали,
Не дурили, не ббрехали.
Бесіду руснацьку чуйме!
А на брехні смолі дуйме.
Най біда нас бходить боком,
Гет утікать біда скоком.
Засмійтеся лем, руснаки!
Слова мої вы од дяки
Душов добров принимайте
І дубрі ся вшыткі майте!
ХРИСТОС ВОСКРЕС!
#Володимир_Рошко
Переслав з:
Мигаль Чикивдя
11.03.202511:04
***
Не паліт в яри траву -
У нюй всьо живоє!
Но на кӯлько годно быти,
В нас чилядня злоє...
Ци спіцяльно запалит?
Ци з дурости діє?
Лісом пак біжит огинь,
Тай віхор му віє...
Пак пōпрōбуй, загаси,
Кōй ся взьме гōріти
В папōрōть іскра летит,
Тай ніґде ся діти.
Пōлувінь бє до небес,
Кругом курмилює.
Вітер, так ги бы на зло,
Зась огинь пӯддує.
Пōгōрят сяк хамничкы,
Гет зкыпит толока.
Гола лишит ся земля
Скорше кліпу ока.
Гет деривцята пōсōхнут
Тай изгыбне звірка,
Через тых, що в гōлōві їм,
Вмісто мōзґу дірка.
Та гадкуйме у сись час,
Не дай Бог палити!
Самі видиме, ож кӯлько
Мож біды нажити...
М.Чикивдя
Не паліт в яри траву -
У нюй всьо живоє!
Но на кӯлько годно быти,
В нас чилядня злоє...
Ци спіцяльно запалит?
Ци з дурости діє?
Лісом пак біжит огинь,
Тай віхор му віє...
Пак пōпрōбуй, загаси,
Кōй ся взьме гōріти
В папōрōть іскра летит,
Тай ніґде ся діти.
Пōлувінь бє до небес,
Кругом курмилює.
Вітер, так ги бы на зло,
Зась огинь пӯддує.
Пōгōрят сяк хамничкы,
Гет зкыпит толока.
Гола лишит ся земля
Скорше кліпу ока.
Гет деривцята пōсōхнут
Тай изгыбне звірка,
Через тых, що в гōлōві їм,
Вмісто мōзґу дірка.
Та гадкуйме у сись час,
Не дай Бог палити!
Самі видиме, ож кӯлько
Мож біды нажити...
М.Чикивдя
06.03.202511:18
Не змогли отримати доступ
до медіаконтенту
до медіаконтенту
11.10.202408:01
ГРИБАРЬ-МУХОМОРОФОБ
#грибный_тыждинь
Под березков поселилася дружна фамилійка грибÿв. Стройні, здорові, они кокетно кукавуть из травы и радувуть око пастелными шапочками. Картина неперевершена свойим совершенством. Шедевр!
Но пройшов мимо легкомысленный грибарь и люто помстився над єї фактуров. Палицьов повбаляв, ногами покопкав, щи й притоптав. Де вже было сьому варіантови до того первого, оріґінального! А зашто така кара? Лем за тото, ож не букÿвчикы.
Но зато – які красні! Высокі, фуремні, червені шапочкы з білыми цятками, чіпкастый ґалір под шапочков.
А-а! Мухомор? Тот дурный, ядовитый? Його тото треба щадити? Та так йому й треба! Ци не зробити перед ним реверанс и елеґантно прегласити в кошарик?
В кошарику йому не місто. Айбо у себе дома вÿн має чим избудити у благородного грибаря зачудованя и естетичну радость. Не задарь и в нашÿм домі сесь пластинковый гриб хоснуєме як декоративный елемент на предметах.
Ци не замінити нам неприязень на добросердечность до сього маленького чуда природы? Не годиться до губової поливкы, – пощадиме го за його красоту.
#Василь_Молнар
#грибный_тыждинь
Под березков поселилася дружна фамилійка грибÿв. Стройні, здорові, они кокетно кукавуть из травы и радувуть око пастелными шапочками. Картина неперевершена свойим совершенством. Шедевр!
Но пройшов мимо легкомысленный грибарь и люто помстився над єї фактуров. Палицьов повбаляв, ногами покопкав, щи й притоптав. Де вже было сьому варіантови до того первого, оріґінального! А зашто така кара? Лем за тото, ож не букÿвчикы.
Но зато – які красні! Высокі, фуремні, червені шапочкы з білыми цятками, чіпкастый ґалір под шапочков.
А-а! Мухомор? Тот дурный, ядовитый? Його тото треба щадити? Та так йому й треба! Ци не зробити перед ним реверанс и елеґантно прегласити в кошарик?
В кошарику йому не місто. Айбо у себе дома вÿн має чим избудити у благородного грибаря зачудованя и естетичну радость. Не задарь и в нашÿм домі сесь пластинковый гриб хоснуєме як декоративный елемент на предметах.
Ци не замінити нам неприязень на добросердечность до сього маленького чуда природы? Не годиться до губової поливкы, – пощадиме го за його красоту.
#Василь_Молнар
Переслав з:Мигаль Чикивдя
07.04.202508:16
БЛАГОВІЩЕНЯ В СЕЛОВИ
Не сонце - сніг летит над тишинōв,
Дерева в інію, ги у сор`очках білых.
Но в церкви звӯн избере зась людий,
В студену ярь всіх Вірōю зōгрілых.
Русинськый край - живот ги на долони:
Туй каждый знає, що и як живе.
Йдут в ширинках бабкы си по путьови,
А віхор - злый, из полонин реве.
Днись - динь Благый, небеснōй вісти,
Коли Архангел з вістьов 'д Діві йшōв.
И хōть нам апріль не пахне свіжым цвітом -
В сердцях тепло, Гōспōдь в село зайшōв.
Свічкы у храмі — ги іскры душ живых,
Голос сященика - про нас чудесна нōвта.
Кидь бы Вы знали, яка вто благодать,
Кōй пиля церкви людий велика рōвта.
Благословенный світ, и тишина,
Що навгул чисті выд любōй погоды.
И хōть весна нас крайкōв убыйшла,
З теплом ся рушит и живот природы.
07.05.2025
М.Чикивдя
Не сонце - сніг летит над тишинōв,
Дерева в інію, ги у сор`очках білых.
Но в церкви звӯн избере зась людий,
В студену ярь всіх Вірōю зōгрілых.
Русинськый край - живот ги на долони:
Туй каждый знає, що и як живе.
Йдут в ширинках бабкы си по путьови,
А віхор - злый, из полонин реве.
Днись - динь Благый, небеснōй вісти,
Коли Архангел з вістьов 'д Діві йшōв.
И хōть нам апріль не пахне свіжым цвітом -
В сердцях тепло, Гōспōдь в село зайшōв.
Свічкы у храмі — ги іскры душ живых,
Голос сященика - про нас чудесна нōвта.
Кидь бы Вы знали, яка вто благодать,
Кōй пиля церкви людий велика рōвта.
Благословенный світ, и тишина,
Що навгул чисті выд любōй погоды.
И хōть весна нас крайкōв убыйшла,
З теплом ся рушит и живот природы.
07.05.2025
М.Чикивдя
11.03.202511:03
***
Кажут чилядь ми Иване,
Ты ся ни ганьбиш,
Выдкы вто береш спилаєш,
Слова ни тайиш.
Бог сятый ни уб'ділив ня,
Читава му воля,
Дав цирузу ми у руку,
Тай вольности з поля.
Што тайити рудне слово,
Пак ци вто є гріх?
Я русин — русинськым дышу,
Най їм буде сміх.
Бисіда душа народа,
Што ї ся ганьбити,
Сирохманська матиринська,
Як ї ни любити.
На папірь ся стелит шорик,
Муза тихо шепче,
За стихы мої направду,
Дуже когось скрепче.
Тко ни любит вадь ганьбится,
Свойого народа,
Тот ни туй — ни там ни буде…
Ни буде му й рода.
#Иван_Бинячовськый
Кажут чилядь ми Иване,
Ты ся ни ганьбиш,
Выдкы вто береш спилаєш,
Слова ни тайиш.
Бог сятый ни уб'ділив ня,
Читава му воля,
Дав цирузу ми у руку,
Тай вольности з поля.
Што тайити рудне слово,
Пак ци вто є гріх?
Я русин — русинськым дышу,
Най їм буде сміх.
Бисіда душа народа,
Што ї ся ганьбити,
Сирохманська матиринська,
Як ї ни любити.
На папірь ся стелит шорик,
Муза тихо шепче,
За стихы мої направду,
Дуже когось скрепче.
Тко ни любит вадь ганьбится,
Свойого народа,
Тот ни туй — ни там ни буде…
Ни буде му й рода.
#Иван_Бинячовськый
05.12.202406:29
МАКОШІ
Макоші, онь пахне слово,
добра радусть на столови.
Аромат, краса и смак -
сесе вшиткі пудтвердять.
Єдні - из земных доброт,
самі просяться у рот.
Беруть, хаплють їх й їдять,
ги осы на мед летять.
Губы облизувуть и бровы,
хоть нашто в тот час готові.
Глядай - динь, вадь цілу нуч,
ліпшого не найдеш нич.
Такый маєме сохташ,
што без них уже нияк.
Печуть макоші з душов,
у них: тепло, труд и любов.
Ищи й молитву додавуть,
завто файні ся удавуть.
Макоші - нам забаганка,
ги малув дітині бавка.
Вто ги курици зерно,
вадь ги мачці молоко.
З макошами зомлівавуть,
домак голову утрачавуть.
Годні веричи й роботу,
рушити пішком по світу.
Добре ся челядник чує,
коли фурт ними смакує.
И не мало, скорше много,
має наструй хоть до чого.
На хосен и добру дяку,
додавуть у житьови смаку.
Єдно, туй попрошу вас -
не насійте у керті мак.
Ліпше в бовті го купити,
й смівучися дале жити.
Їсти: бейґлі и кныші,
завиваникы, макоші.
Крученикы й рейтеші,
лиш не будьте - кийнєшні!
Для малых и для великых,
макоші - майдобрі у світі!
#Gyula_Csólent
Макоші, онь пахне слово,
добра радусть на столови.
Аромат, краса и смак -
сесе вшиткі пудтвердять.
Єдні - из земных доброт,
самі просяться у рот.
Беруть, хаплють їх й їдять,
ги осы на мед летять.
Губы облизувуть и бровы,
хоть нашто в тот час готові.
Глядай - динь, вадь цілу нуч,
ліпшого не найдеш нич.
Такый маєме сохташ,
што без них уже нияк.
Печуть макоші з душов,
у них: тепло, труд и любов.
Ищи й молитву додавуть,
завто файні ся удавуть.
Макоші - нам забаганка,
ги малув дітині бавка.
Вто ги курици зерно,
вадь ги мачці молоко.
З макошами зомлівавуть,
домак голову утрачавуть.
Годні веричи й роботу,
рушити пішком по світу.
Добре ся челядник чує,
коли фурт ними смакує.
И не мало, скорше много,
має наструй хоть до чого.
На хосен и добру дяку,
додавуть у житьови смаку.
Єдно, туй попрошу вас -
не насійте у керті мак.
Ліпше в бовті го купити,
й смівучися дале жити.
Їсти: бейґлі и кныші,
завиваникы, макоші.
Крученикы й рейтеші,
лиш не будьте - кийнєшні!
Для малых и для великых,
макоші - майдобрі у світі!
#Gyula_Csólent
10.10.202406:02
***
а гриб коло гриба ги нüч коло хыжі
ги сон коло втомы ги палинка в рóті
вертатися треба та як бы сь не хóтів
а гриб коло гриба и щи два и тритьый
а в хащи ся тимніє кукат зозуля
и годинка тікат ги серце у грудьох
и дощ ся май пущат и гыд тя напудив
а ты ся не верташ бо грибы тя водят
кошар уже повный и ріже у пличі
тяжкый гатіжак и вже рукы подерті
такого сь не відів не ввидиш до смерти
туй гриб коло гриба и каждый тя кличе
а нüч ся насуват и вже нич не видко
душа леденіє й дере тя насподі
и вже розумієш не грибы тя водят
и шепче ти розум ош ниськы не встигнеш
не уйдеш из сьої заклятої хащі
и грибы пропадут и ты туй зогниєш
кось выє далеко щось тисне за шию
розкапчуєш куртку и рвеш на си одіж
дорогы ниє туй а голос тя кличе
поникаш у ташку самі мухоморы
вже чуєш як ангелы молятся хором
лиш огник далекый ги свічка у церкви
лиш огник заблимат и вже ся не боиш
бо є дись на світі ота що тя любит
пüдеш дóлі звором и уйдеш де люди
три дны тя не было й засосы на грудьох
и ко ти повірит ош быв ись на грибы
ош дись тя водило ош дись тя носило
а в тебе ниє ни бажання ни силы
комусь розказати ош гриб коло гриба
24.09.17
#Василь_Кузан
а гриб коло гриба ги нüч коло хыжі
ги сон коло втомы ги палинка в рóті
вертатися треба та як бы сь не хóтів
а гриб коло гриба и щи два и тритьый
а в хащи ся тимніє кукат зозуля
и годинка тікат ги серце у грудьох
и дощ ся май пущат и гыд тя напудив
а ты ся не верташ бо грибы тя водят
кошар уже повный и ріже у пличі
тяжкый гатіжак и вже рукы подерті
такого сь не відів не ввидиш до смерти
туй гриб коло гриба и каждый тя кличе
а нüч ся насуват и вже нич не видко
душа леденіє й дере тя насподі
и вже розумієш не грибы тя водят
и шепче ти розум ош ниськы не встигнеш
не уйдеш из сьої заклятої хащі
и грибы пропадут и ты туй зогниєш
кось выє далеко щось тисне за шию
розкапчуєш куртку и рвеш на си одіж
дорогы ниє туй а голос тя кличе
поникаш у ташку самі мухоморы
вже чуєш як ангелы молятся хором
лиш огник далекый ги свічка у церкви
лиш огник заблимат и вже ся не боиш
бо є дись на світі ота що тя любит
пüдеш дóлі звором и уйдеш де люди
три дны тя не было й засосы на грудьох
и ко ти повірит ош быв ись на грибы
ош дись тя водило ош дись тя носило
а в тебе ниє ни бажання ни силы
комусь розказати ош гриб коло гриба
24.09.17
#Василь_Кузан
07.04.202506:12
Ave Maria
Мамку Божу славити настав уже час.
Благу вість принимат Она ныні для нас.
Радость усім ко чекав пришестя Месії.
Славлят вірні усі, ко ни стратив надії.
Ярь переливатся красками, цвіте красотов.
"Днись спасенія главизна", зачаток основ.
Прокляття кониць, сповнення старого обіта
Бог зыйшов ныні Сыном, для Нового Завіта.
Діва смиренна, скромна, завита, проста.
Прияла в Себе нам ныні Ісуса Христа
Духа Сятого зыйшла на Ню Божа сила.
Милость Творця, смиренньом, для нас приклонила.
Радуйся Діво Маріє, Тобов обрадована зимля.
Твоє імня призыват кажда кристянська душа.
Світ повторят, усый, ниськы, "Аве, Марія!"
Послі Тройці, у нас Ты, май велика надія.
#Василь_Кричфалушій
Мамку Божу славити настав уже час.
Благу вість принимат Она ныні для нас.
Радость усім ко чекав пришестя Месії.
Славлят вірні усі, ко ни стратив надії.
Ярь переливатся красками, цвіте красотов.
"Днись спасенія главизна", зачаток основ.
Прокляття кониць, сповнення старого обіта
Бог зыйшов ныні Сыном, для Нового Завіта.
Діва смиренна, скромна, завита, проста.
Прияла в Себе нам ныні Ісуса Христа
Духа Сятого зыйшла на Ню Божа сила.
Милость Творця, смиренньом, для нас приклонила.
Радуйся Діво Маріє, Тобов обрадована зимля.
Твоє імня призыват кажда кристянська душа.
Світ повторят, усый, ниськы, "Аве, Марія!"
Послі Тройці, у нас Ты, май велика надія.
#Василь_Кричфалушій
10.03.202505:05
Кажуть у нас:"позирай ",
А в Івшаві:" никай",
В Тячові слово "угай"
В нас -"навхтема"глипай"!
Дись приказувуть:"мелай",
У нас -"кендириця".
Инде кажуть:"має фрай
Легінь й молодиця"
У нас "оболок й чічкы"
Дись:"косиці й вызур",
У нас"рендешні дівкы -
Дай си на них позур!"
Кажуть "плахта файна" в нас,
В Рахові - "верета".
Гварять:" на яфины час",
А дись:"чучоретка".
Кажуть "кутка" і "коцур"
Вто в нас:"мацур" й "мачка".
У нас:"загорда й дараб"
А дись:" керт й бабрачка".
У нас "палинка" ся пйє,
А десь " мындра файна"
У гиртанку ся фест льє -
І йсе не є тайна.
У нас: "крумплі", "булі" - дись,
"Біґлязь і фаґовы"
В нас: "чоловік, аде днись"
А десь вто: "фатьовы".
"Читавый є фест рокаш" -
Так у нас говóрять.
"Бивна купа дуже в нас" -
Сяк инде гутóрять.
Маєме єден лем Край,
А бисід шлиякых
В ньому буде фест угай
Файных і усякых!
Лем бы треба дуже нам
Фест ся честовати!
І на зло вшытким врагам
Вєдно ся держати!
#Леся_Адамова_Стецович
А в Івшаві:" никай",
В Тячові слово "угай"
В нас -"навхтема"глипай"!
Дись приказувуть:"мелай",
У нас -"кендириця".
Инде кажуть:"має фрай
Легінь й молодиця"
У нас "оболок й чічкы"
Дись:"косиці й вызур",
У нас"рендешні дівкы -
Дай си на них позур!"
Кажуть "плахта файна" в нас,
В Рахові - "верета".
Гварять:" на яфины час",
А дись:"чучоретка".
Кажуть "кутка" і "коцур"
Вто в нас:"мацур" й "мачка".
У нас:"загорда й дараб"
А дись:" керт й бабрачка".
У нас "палинка" ся пйє,
А десь " мындра файна"
У гиртанку ся фест льє -
І йсе не є тайна.
У нас: "крумплі", "булі" - дись,
"Біґлязь і фаґовы"
В нас: "чоловік, аде днись"
А десь вто: "фатьовы".
"Читавый є фест рокаш" -
Так у нас говóрять.
"Бивна купа дуже в нас" -
Сяк инде гутóрять.
Маєме єден лем Край,
А бисід шлиякых
В ньому буде фест угай
Файных і усякых!
Лем бы треба дуже нам
Фест ся честовати!
І на зло вшытким врагам
Вєдно ся держати!
#Леся_Адамова_Стецович
04.12.202408:26
З ПРАЗНИКОМ!
Вжи Нова Днина д нам прийшла -
В Храм Богородиця зайшла.
И хуть три рокы лиш Дітині,
Сись Празник, празнуєме й Ныні...
Живот Свуй Богу Присятила,
Для Нас Христа Она Родила!
Й май бульшої не є в Нас Благодати,
Бо из Дітинкы тої, стала - БОЖА МАТИ!
#Василь_Попик
Вжи Нова Днина д нам прийшла -
В Храм Богородиця зайшла.
И хуть три рокы лиш Дітині,
Сись Празник, празнуєме й Ныні...
Живот Свуй Богу Присятила,
Для Нас Христа Она Родила!
Й май бульшої не є в Нас Благодати,
Бо из Дітинкы тої, стала - БОЖА МАТИ!
#Василь_Попик
29.09.202414:07
***
Даколи много чиляди жило по горах, по самотах. Так ся зачинали Лазы над Осойом.
Лазяне мали хыжі доста наодалїк єден уд другого, головным дїла каждої сімї было вбы ся найшло хоть штось веричи в рот.
Гикой истинні дїти дикої природы, ни до церкви, ни до ошколы ни ходили.
Лазяни мали чудні, а укому чиляднику й многоговорячї назывкы, бо збüлшого знали єден за єдного по назывках, а ни по тому як ся пише.
За многоє годна вповісти назывка Курізайло, што и дниська у товмачіню из сіцілійського дїалекта означає – найманый убивця, кілер. Майже ош много біды на Сіцілійи начинив тот Курізайло, кить ся навхтема спрятав у лазянськых горах над Осойом !
Мож бы изслїдовати й назывкы Багий, Бынцак, Гезо, Грего, Лецо, Лоповка, Нюма, Пінкус, Серена, Фоца, Халіла, Чампаш, Чофла, Чутрыс, Чяляп.., та ймак ни знати, ош куды бы сьме из сим уйшли, лем пунтошно знаву, ош ни на Вкрайину.
Лазяне, горяни были дуже удмінныма уд долинян такый из свого села. Бо часто спüвали:
В горах им ся вродив -
Пташкы ми спüвали.
У долину м зыйшов –
Всі ся з ня сміяли…
Аттак у высмівованю єдного другым и минав ушыткый живüт як у лазян, так у долинян, як у май заможных, так у домак сигіняшных.
Иппен треба вповісти, ош сигіняшні жоны ся держали май чистотно, гикой заможні, хоть робили тяжко, обы ужити, як як єдны, так другі.
Май головноє было – ідїня. Русин казав сынови: ”Хоть на горбі, лем обы в торбі !”, авать: ”Хоть голый о цїлüв днинї, лем обы істи было в тайстринї !”.
Худобный мусїв заможному притаковати.
Раз файно загаздованый Дийнеш Лоповка у корчмі фест упив, и розказовав: “Но, та на мою душу, мав им за зиму у чури жилїзні бороны, а типирькы на ярь иду, и што, людкове, вижу !?.. Обым издох, ци м такого чекав: вшыткы мої бороны за зиму мыши домак изгрызли !..”.
А худобны нич до притакувуть: ”Тать пак так оно, так, бо кить чоловік ни приздрить, та вты мыши й жилїзо домак погрызуть !...”.
"Бумбурішкы"
#Иван_Петровцій
Даколи много чиляди жило по горах, по самотах. Так ся зачинали Лазы над Осойом.
Лазяне мали хыжі доста наодалїк єден уд другого, головным дїла каждої сімї было вбы ся найшло хоть штось веричи в рот.
Гикой истинні дїти дикої природы, ни до церкви, ни до ошколы ни ходили.
Лазяни мали чудні, а укому чиляднику й многоговорячї назывкы, бо збüлшого знали єден за єдного по назывках, а ни по тому як ся пише.
За многоє годна вповісти назывка Курізайло, што и дниська у товмачіню из сіцілійського дїалекта означає – найманый убивця, кілер. Майже ош много біды на Сіцілійи начинив тот Курізайло, кить ся навхтема спрятав у лазянськых горах над Осойом !
Мож бы изслїдовати й назывкы Багий, Бынцак, Гезо, Грего, Лецо, Лоповка, Нюма, Пінкус, Серена, Фоца, Халіла, Чампаш, Чофла, Чутрыс, Чяляп.., та ймак ни знати, ош куды бы сьме из сим уйшли, лем пунтошно знаву, ош ни на Вкрайину.
Лазяне, горяни были дуже удмінныма уд долинян такый из свого села. Бо часто спüвали:
В горах им ся вродив -
Пташкы ми спüвали.
У долину м зыйшов –
Всі ся з ня сміяли…
Аттак у высмівованю єдного другым и минав ушыткый живüт як у лазян, так у долинян, як у май заможных, так у домак сигіняшных.
Иппен треба вповісти, ош сигіняшні жоны ся держали май чистотно, гикой заможні, хоть робили тяжко, обы ужити, як як єдны, так другі.
Май головноє было – ідїня. Русин казав сынови: ”Хоть на горбі, лем обы в торбі !”, авать: ”Хоть голый о цїлüв днинї, лем обы істи было в тайстринї !”.
Худобный мусїв заможному притаковати.
Раз файно загаздованый Дийнеш Лоповка у корчмі фест упив, и розказовав: “Но, та на мою душу, мав им за зиму у чури жилїзні бороны, а типирькы на ярь иду, и што, людкове, вижу !?.. Обым издох, ци м такого чекав: вшыткы мої бороны за зиму мыши домак изгрызли !..”.
А худобны нич до притакувуть: ”Тать пак так оно, так, бо кить чоловік ни приздрить, та вты мыши й жилїзо домак погрызуть !...”.
"Бумбурішкы"
#Иван_Петровцій
01.04.202507:09
ҐРАТУЛУВУ!
Є челядник у нас єден,
У котрого - Рожденный динь.
Што ся родив у Динь сміху -
Фамелії на утіху.
Не в капусті, не в соломі,
А в коргазі, у роддомі.
Удкіть валовшный буде,
Мало ко з вас угане.
Не з Глыбокого вун буде,
Нараз кажу, добрі люди.
Не з Сериднього - бизувно,
Иппен, нич бы й не хыбіло.
Не з Широкого вун тоже,
Айбо, уже сьме мало ближе.
У сюм селі, и вто є факт,
Леґіні усі на розхват.
Тадь што файні, щи й шіковні -
На Иршавщині, у Довгум.
Кажу твердо, на усі сто:
Серед них - Мельник Юрко!
Сись честованый челядник,
Є наш днишньый іменинник.
Простый, добрый и порядный,
Фурт щасливый и фіґлярный.
Ґратулуєме му днись,
До верьха набытий міх:
Силы, кріпости, здоровля,
Ги у Кличка, а мож й майповно.
Славы - окремо у тайстрі,
Абы завідовав Поплавськый.
Най бы Оля Полякова,
Завернула у ,,крузакови’’.
Поздоровити Юрка,
Пожелати му добра.
Многая й благая літа,
Но, й канєшно из Дньом сміха!
З честованьом, -
#Gyula_Csólent!
Є челядник у нас єден,
У котрого - Рожденный динь.
Што ся родив у Динь сміху -
Фамелії на утіху.
Не в капусті, не в соломі,
А в коргазі, у роддомі.
Удкіть валовшный буде,
Мало ко з вас угане.
Не з Глыбокого вун буде,
Нараз кажу, добрі люди.
Не з Сериднього - бизувно,
Иппен, нич бы й не хыбіло.
Не з Широкого вун тоже,
Айбо, уже сьме мало ближе.
У сюм селі, и вто є факт,
Леґіні усі на розхват.
Тадь што файні, щи й шіковні -
На Иршавщині, у Довгум.
Кажу твердо, на усі сто:
Серед них - Мельник Юрко!
Сись честованый челядник,
Є наш днишньый іменинник.
Простый, добрый и порядный,
Фурт щасливый и фіґлярный.
Ґратулуєме му днись,
До верьха набытий міх:
Силы, кріпости, здоровля,
Ги у Кличка, а мож й майповно.
Славы - окремо у тайстрі,
Абы завідовав Поплавськый.
Най бы Оля Полякова,
Завернула у ,,крузакови’’.
Поздоровити Юрка,
Пожелати му добра.
Многая й благая літа,
Но, й канєшно из Дньом сміха!
З честованьом, -
#Gyula_Csólent!
08.03.202517:30
Я кала́п долу́ знима́ву,
Слова́ тя́жко убира́ву...
Як за на́ших жун пуві́сти?
Му́шу ма́лінько присі́сти...
Жо́ни на́ші й дівочки,
Оддані́ці і бабки́...
На добро́ ви сотворе́ні,
Лем роби́ти науче́ні...
Ра́йбаєте, варите́,
Ко́плете і харите́,
Дозера́єте діти́...
Сло́во фа́йноє найти́
Зна́єте уши́тким на́м:
Ді́тьом, леґіня́м, ґазда́м.
Се́рце Бог вам дав тако́є –
Немало́є - золото́є...
Жи́ти і за дру́гих дба́ти,
Сокоти́ти, помага́ти...
Ду́шу сво́ю оддати́,
Не лем за мали́х діти́...
Як я ма́ву вам каза́ти?
Дороги́нька на́ша ма́ти!
А вадь ді́вка – мо́я кро́в!
Бим за ста́ру не забо́в!
І сестру́ я здогада́ву,
А іщи́ і ба́бу ма́ву!
Ді́вочка і молоди́ця,
Тю́тка, ву́йна, оддани́ця –
Се уши́тко на́ші жо́ни...
Вам усі́м я б’ю покло́ни!
Бо житя́ ви нам дали́,
Сокоти́ли як могли ..́.
Жи́ли на́ми, помага́ли,
Дяку за се не чека́ли...
Я кала́п дулу́ знима́ву,
І на ва́шу до́бру сла́ву
Красно́ дя́куву! – пуві́м,
І здоро́вля вам усі́м!!!!
#Володимир_Рошко
Слова́ тя́жко убира́ву...
Як за на́ших жун пуві́сти?
Му́шу ма́лінько присі́сти...
Жо́ни на́ші й дівочки,
Оддані́ці і бабки́...
На добро́ ви сотворе́ні,
Лем роби́ти науче́ні...
Ра́йбаєте, варите́,
Ко́плете і харите́,
Дозера́єте діти́...
Сло́во фа́йноє найти́
Зна́єте уши́тким на́м:
Ді́тьом, леґіня́м, ґазда́м.
Се́рце Бог вам дав тако́є –
Немало́є - золото́є...
Жи́ти і за дру́гих дба́ти,
Сокоти́ти, помага́ти...
Ду́шу сво́ю оддати́,
Не лем за мали́х діти́...
Як я ма́ву вам каза́ти?
Дороги́нька на́ша ма́ти!
А вадь ді́вка – мо́я кро́в!
Бим за ста́ру не забо́в!
І сестру́ я здогада́ву,
А іщи́ і ба́бу ма́ву!
Ді́вочка і молоди́ця,
Тю́тка, ву́йна, оддани́ця –
Се уши́тко на́ші жо́ни...
Вам усі́м я б’ю покло́ни!
Бо житя́ ви нам дали́,
Сокоти́ли як могли ..́.
Жи́ли на́ми, помага́ли,
Дяку за се не чека́ли...
Я кала́п дулу́ знима́ву,
І на ва́шу до́бру сла́ву
Красно́ дя́куву! – пуві́м,
І здоро́вля вам усі́м!!!!
#Володимир_Рошко
26.10.202404:35
Happy Carpatho-Rusyn day in North America!
Из Дньом Карпаторусинӯв у Сівернӯй Америці!
https://m.youtube.com/watch?v=7FpkTtfrBb4&sfnsn=mo
Из Дньом Карпаторусинӯв у Сівернӯй Америці!
https://m.youtube.com/watch?v=7FpkTtfrBb4&sfnsn=mo
28.09.202407:39
Встáну изрáна, прошéпчу моли́тву
Глáвну, у ня - "Отче нáш".
Перeкрéщу ся, у óболок гли́пну -
Йсе вже такы́й в ня сохта́ш.
Ра́но студе́ноє сíростьов ды́хать,
О́сінь дождьли́ва в селí,
Гу́дьба єї вже спома́лена, ти́ха...
Фа́йно у хыжі, в теплí.
У́ кавовáр дам си ка́вiль молоты́й,
Во́ду, й вари́ти го да́м...
Че́кать в селí ня днесь дóста робóты.
З кáвільом йду од чічка́м.
Цíнії крáсні уже одцвіта́вуть,
Трéба зобрáти насíння.
Пчóлы в дощóви уже не літáвуть,
В ýликах нáйдуть спасíння.
Óсінь смутнá хоть и бáревно крáсна,
В дýшу крадé ся печáль...
Лéм бановáти нам йще передчáсно,
Трéба вдганя́ти сесь жа́ль...
До́бре, што дни́на нова́, супоку́йна,
Та и здоро́вля Бог да́в...
Мы ґаздува́ти си дне́ська пару́йме
Ка́ждый, тко ра́но вже вста́в!
sobota 28. září 2024
6:41
#Леся_Адамова_Стецович
Глáвну, у ня - "Отче нáш".
Перeкрéщу ся, у óболок гли́пну -
Йсе вже такы́й в ня сохта́ш.
Ра́но студе́ноє сíростьов ды́хать,
О́сінь дождьли́ва в селí,
Гу́дьба єї вже спома́лена, ти́ха...
Фа́йно у хыжі, в теплí.
У́ кавовáр дам си ка́вiль молоты́й,
Во́ду, й вари́ти го да́м...
Че́кать в селí ня днесь дóста робóты.
З кáвільом йду од чічка́м.
Цíнії крáсні уже одцвіта́вуть,
Трéба зобрáти насíння.
Пчóлы в дощóви уже не літáвуть,
В ýликах нáйдуть спасíння.
Óсінь смутнá хоть и бáревно крáсна,
В дýшу крадé ся печáль...
Лéм бановáти нам йще передчáсно,
Трéба вдганя́ти сесь жа́ль...
До́бре, што дни́на нова́, супоку́йна,
Та и здоро́вля Бог да́в...
Мы ґаздува́ти си дне́ська пару́йме
Ка́ждый, тко ра́но вже вста́в!
sobota 28. září 2024
6:41
#Леся_Адамова_Стецович
Показано 1 - 16 із 16
Увійдіть, щоб розблокувати більше функціональності.