Бүгүн “Боотур Уус” стадионугар “Ыал саргыта” бырагыраама чэрчитинэн улууспутугар аан бастыкытын ыытыллыбыт дьиэ кэргэн ГТО-та ситиһиилээхтик түмүктэммитинэн кыайыылаахтары уонна кыттааччылары эҕэрдэлиибин!
Бу дьиэ кэргэнинэн бастакы ГТО күрэхтэһиитигэр 13 ыал оҕолорун кытары кэлэн, сүүрүүгэ, буулдьа санаанан ытыыга, турникка тардыныыга, миэстэттэн ыстаныыга, имигэһи быһаарыыга, гиирэни көтөҕүүгэ, ис былчыҥын хачайдааһыҥҥа көхтөөхтүк илин былдьастылар.
Онон биир оҕолоох дьиэ кэргэҥҥэ:
1 миэстэ – Чурапчыттан 73 бааллаах Василий, Надежда, Айгыына Лукиннар дьиэ кэргэттэрэ;
2 миэстэ – Чурапчыттан 72 бааллаах Прокопий, Марианна, Виолетта Макаровтар дьиэ кэргэттэрэ;
3 миэстэ – Сылаҥтан 68 бааллаах Юрий, Сайыына, Сарыал Семеновтар дьиэ кэргэттэрэ;
Икки оҕолоох дьиэ кэргэҥҥэ:
1 миэстэ – Чурапчыттан 94 бааллаах Василий, Лилия, Ньургун, Ирина Степановтар дьиэ кэргэттэрэ;
2 миэстэ – Хоптоҕоттон 92 бааллаах Василий, Елена, Дарина, Долун Посельскайдар дьиэ кэргэттэрэ;
3 миэстэ – Чурапчыттан 79 бааллаах Эдуард, Алена, Нелли, Наина Божедоновтар дьиэ кэргэттэрэ;
Үс оҕолоох дьиэ кэргэҥҥэ:
1 миэстэ – Чурапчыттан 107 бааллаах Михаил, Акулина, Александра, Ульяна, Степан Степановтар дьиэ кэргэттэрэ кыайдылар.
Кыттыбыт дьиэ кэргэттэр икки ардыларыгар убаһаҕа сэрэбиэй тардыытын түмүгэр Чурапчы нэһилиэгиттэн Василий Васильевич уонна Наталья Константиновна Гурьевтар, уолларыныын Семенныын сүүйэн, үөрүү үктэллэннилэр.
Кыайыылаахтарыгар өссө үрдүк ситиһиилэри, доруобуйаны, этэҥҥэ буолууну баҕарабын!
