Мир сегодня с "Юрий Подоляка"

Труха⚡️Україна

Просмотреть

Николаевский Ванёк

Просмотреть

Мир сегодня с "Юрий Подоляка"

Просмотреть

Труха⚡️Україна

Просмотреть

Николаевский Ванёк

Просмотреть

Azatlıq Radiosı

Русия хакимиятләре Азатлык Радиосын "теләнмәгән оешма" дип тамгалады. Укучыбыз иминлеген кайгыртып, без фикер калдыру мөмкинлеген әлегә сүндереп торырга булдык. Безгә бу адреска яза аласыз: @azatliqradio. Редакция анонимлыкны гарантияли. Бергә булыйк!

Рейтинг TGlist

ТипПубличный

Верификация

Не верифицированный

Доверенность

Не провернный

РасположениеРосія

ЯзыкДругой

Дата создания каналаВер 05, 2016

Добавлено на TGlist

Жовт 20, 2024

Я владелец канала

История изменений

Прикрепленная группа

Azatliq Radiosi - фикерләшү

Статистика Телеграм-канала Azatlıq Radiosı

Подробнее

Подписчиков

2 575

24 часа

20.1%Неделя

20.1%Месяц

80.3%

Индекс цитирования

0

Упоминаний1Репостов на каналах0Упоминаний на каналах1

Среднее охват одного поста

48

12 часов2760%24 часа48

80.4%48 часов245

10.6%

Вовлеченность (ER)

4.9%

Репостов0Комментариев2Реакций12

Вовлеченность по охвату (ERR)

9.52%

24 часа0%Неделя

0.22%Месяц

0.83%

Охват одного рекламного поста

297

1 час8628.96%1 – 4 часа00%4 - 24 часа5117.17%

Подробнее

Подключите нашего бота к каналу и узнайте пол аудитории этого канала.

Всего постов за 24 часа

5

Динамика

Последние публикации в группе "Azatlıq Radiosı"

Все посты

19.04.202516:07

Әйдә!Online проектыннан башкорт теленең 19нчы дәресе!

Ул "Көнөм нисек уҙа?" дип атала.

Кереп, диалогларны тыңлап, квиз узып чыгыгыз.

👉Төп сылтама.
👉VPN-сыз ачылучы сылтама.

19.04.202512:02

Чаллыда татар милли хәрәкәте ветераны Зиннур Әһлиуллинга карата ачылган җинаять эшен карау дәвам итә.

Мәкаләне тулырак Азатлык Радиосы сайтында укыгыз. Сылтама VPN-сыз ачыла.

19.04.202510:16

Башкортстаннан да Украинадагы сугышта күбрәк 35-44 яшьлекләр үлә

Азатлык Радиосы туплаган мәгълүматка караганда, Украинадагы сугышта Башкортстаннан катнашып һәлак булган ирләрнең яшьләре түбәндәгечә:

🔵35-44 яшь: кимендә 1354 кеше,
🔵45+ яшь: кимендә 1029 кеше,
🔵25-34 яшь: кимендә 1004 кеше,
🔵18-24 яшь: кимендә 365 кеше.

Башкортстанда да 45 яшьтән олырак булучылар үлемнәр саны белән икенче урынга менде. Әмма 25-34 яшь төркеме белән аерма зур түгел.

Башкортстаннан сугышка китеп, анда һәлак булучыларның урта яше — 38,3. Иң күп үлүчеләр — 1980нче елларда туганнар (кимендә 1157 кеше). Икенче һәм өченче урында: 1990нчы (кимендә 787) һәм 1970нче (кимендә 681) елларда туучылар.

🟠Барлык исемнәрне Азатлык хисабында табып була. Анда безгә үлүчеләр турында мәгълүмат та җибәреп була.

#сугышта_үлүчеләр

19.04.202506:21

Марсель Әхмәтҗанов: "Татарның көрәшкә күтәрелү ихтималы бар"

18 апрельдә әдәбият галиме, археограф, текстолог, филология фәннәре докторы, шәҗәрәче галим Марсель Әхмәтҗанов вафат булды. Алты ел элек ул Азатлык Радиосына фән, болгарчылык, татар-башкорт мөнәсәбәте һәм Татарстан сәясәте турында сөйләгән иде. Шул әңгәмәне бүген кабатлап бирәбез.

Шуннан бер өзек:

— Соңгы елларда Татарстанда зур үзгәрешләр булды. Тел, шартнамә өлкәсендә оттырулар булды. Республиканың сәясәтен ничек бәялисез?

Татар халкын яклар өчен юньләп бернәрсә эшләнми
— Аның сәясәте юк. Татар халкын яклар өчен юньләп бернәрсә эшләнми. Аның мәдәниятен яклар өчен нәрсә башкарыла? Мәскәү Татарстанны бетереп ташлар иде. Ләкин бездә күп халыклар яши дип дөньяда күз буяр өчен ярап тора инде. Ни өчен татар мәктәпләре юк соң? Казан халкының яртысы татар, ә нигә теле дәүләт теле булып кулланылмый? Тел белмәгәннәрне ни өчен эшкә алалар?

— Моңа кем гаепле? Татарстан үзе бит? Нинди хаталар булды?

— Моңа халык гаепле дип әйтеп булмый. Мәскәү гаепле. Халыкның үзаңын бетерергә, томаларга тели. Мәскәү оештырган махсус оешмалар бар. Алар тырышып эшли инде. Тукайның бер сүзен беләсезме? Ул 20 миллионлы татар халкы бар ди. Бу юктан чыккан сүз түгел. Бу турыда мин башка чыганаклардан да укыдым. Без 20 миллионлы татар халкын 4 миллионга калдырабызмы? Ничә ел инде 4 миллионлы татар бит. Нигә артмый? Мәгълүматлар буенча, 40 ел эчендә халык ике тапкырга арта. Без бүген 8 миллион булырга тиеш идек. Статистика катып калырга тиеш түгел.

Әңгәмәне тулысынча монда укыгыз. VPN-сыз ачыла.

18.04.202521:59

Bloomberg: АКШ Русия һәм Украина арасында тынычлык килешүе өчен Кырым аннексиясен танырга әзер

Әлегә ахыргы карар кабул ителмәгән дип яза Bloomberg аноним чыганакларга сылтанып.

Басма АКШ администрациясе риторикасына игътибар итә: бүген президент Доналд Трамп та, дәүләт секретаре Марко Рубио да килешүгә ирешергә омтылабыз диде, ләкин сөйләшүләр озакка сузылса, тырышлыклардан баш тарта да алабыз дип белдерделәр.

Трамп Кремльгә ултиматум куйды - һөҗүмнәрне туктату тәкъдименә җавап бу атна ахырына кадәр бирелергә тиеш.

Украина президенты Владимир Зеленский оккупациядәге җирләрен тану мөмкинлеген кире кага.

Bloomberg Кырым аннексиясен тану чит җирләрне көч белән басып алуны тыючы халыкара хокукларга һәм килешүләргә каршы килүен искә төшерә.

17.04.202515:06

АКШта яшәүче удмурт активисты Артем Медведевны Русиядәге мәхкәмә читтән торып кулга алган.

Удмуртиянең Можга район мәхкәмәсе 14 майда активист, “Пост-Русиянең ирекле дәүләтләре форумы” катнашучысы Артем Медведевка ачылган административ эшне караячак.

Аңа карата “ят агент” эшчәнлеге тәртибен бозу турында беркетмә төзелгән. Бу хакта Удмуртия мәхкәмәләренең берләштерелгән матбугат хезмәте хәбәрендә әйтелә.

Шулай ук бу хәбәрдә Медведевның читтән торып кулга алынуы турында да язылган. Можга районы мәхкәмәсе бу карарны 29 мартта чыгарган.

Активистны эзләүгә бирү турында Медиазона 28 мартта хәбәр иткән иде. Аны нидә гаепләүләре билгеле түгел.

Артем Медведев милләте белән удмурт, соңгы елларда АКШта яши. Эшкуарлык белән кәсеп итә. Үз-үзен яндырган удмурт галиме Альберт Разин истәлегенә пикетларга чыга, деколониаль хәрәкәтләрне яклый.

16.04.202516:16

Уфа гарнизон мәхкәмәсе бер хәрбине 23 елга ирегеннән мәхрүм иткән.

Аны кеше үтерүдә, дезертирлыкта, җитәкчесенә карата көч куллануда һәм башка җинаятьләрдә гаепләгәннәр.

ASTRA телеграм каналы язуынча, хөкем карары 18 мартта ук чыккан.

Мәхкәмә хәбәрендә хөкем ителүченең исеме аталмый, әмма мәхкәмә сайтындагы карточкадан күренүенчә, бу Замалюк Владимир Александрович.

Журналистлар ачыклавынча, мондый исем-фамилияле кеше моңарчы ике кеше үтерүдә, караклыкта (төрле елларда берничә очрак), талау, машина урлап китү, документлар урлау кебек җинаятьләрдә берничә тапкыр хөкем ителгән.

Ике кешене үтерү өчен хөкем карары 2018 елда чыккан. Башкортстан Югары мәхкәмәсе Замалюкны 21 ел да бер айга кырыс тәртипле колониягә җибәргән булган.

16.04.202514:12

Шигърият бәйрәмен яңа урынга күчерүгә бәйле Татарстан мәдәният министрлыгы аңлатмасы: төп бәйрәмнәр шунда узачак

26 апрельдә Тукай туган көнне уздырыла торган Шигырь бәйрәменең үзәктән ераграк Камал театрының яңа бинасына күчерү татар җәмәгатьчелеге арасында шау-шу тудырды.

Моңарчы Язучылар берлегеннән дә, мәдәният министрлыгыннан да хәтта дәүләт басмаларына да аңлатма булмаган иде.

Бүген «Ватаным Татарстан» газеты министрлык аңлатмасын чыгарды. Хәзер төп бәйрәмнәр театрның яа бинасы янында узачак диелгән анда:

«Туган тел көненең статусы һәм масштабы даими үсештә. 2014 елга кадәр Тукай премиясе лауреатлары әдипнең һәйкәле янында игълан ителеп, бүләкләү 30 августта булса, соңгы 10 елда премия рәсми рәвештә 26 апрельдә Муса Җәлил исемендәге опера һәм балет театры сәхнәсендә тапшырылды. Шул рәвешле бәйрәм дә, шигъри митинг та бербөтен булып торды.

Хәзерге вакытта Камал театрының яңа бинасы тулы көченә эшли башлагач, төп бәйрәмнәр яңа дәрәҗәдә нәкъ менә шунда узачак. Бинадагы мәйданчыклар барлык буын кунакларын һәм бәйрәмдә катнашучыларны берләштерер, милли сәнгатебез өчен яңа мөмкинлекләр күрсәтер дип өметләнәбез»

Татар журналистлары, әдипләре, әдәбият белгечләре Шигърият бәйрәмен яңа урынга күчерүне «татарны тагын үзәктән куу» дип атады.

16.04.202512:33

Азатлык Радиосы соңгы елларда ясалма интеллект үсеше һәм аның милли телләрне куллануы турында җентекле язма әзерләгән иде.

Ә бүген нинди хезмәтләрдә рәхәтләнеп татар һәм башкорт телләрен кулланып була соң? Аларны ни рәвешле кулланып була? Азатлык Радиосы бу хакта ике IT-белгечтән сорашты.

👉 Безнең язмадан белә аласыз.

@azatliqradiosi

16.04.202511:34

Казанда татар шагыйрьләре ясалма интеллект белән шигырь язуда ярышачак

"Шагыйрьләр vs Ясалма фәһем" дип аталган бу чара 22 апрель көнне "Мин татарча сөйләшәм" чарасы кысаларында узачак.

Чарада шагыйрьләр ясалма интеллектка үз шигырьләрен тәкъдим итәчәк, нейрочелтәр исә аңа татарча җавап язарга тиеш булачак. Дөнья татар яшьләре форумы "иҗади көрәш" дип атаган бу чараны тамашачылар күзәтеп бара алачак.

Үзенчәлекле ярышта Йолдыз Миңнуллина, Фәнил Гыйләҗев, Рифат Сәлах, Эльвира Һадиева, Рүзәл Мөхәммәтшин, Булат Ибраһим һәм башка иҗатчылар катнашыр диелә.

Тулырак 👉 монда укыгыз.

@azatliqradiosi

16.04.202510:01

Казанда Салих Сәйдәшевка багышланган Татар музыкасы йорты ачылачак 🎻

Ул Горький урамында урнашкан Сәйдәшев музее кысаларында эшләячәк. Татар музыкасы йорты ачылышына 7,3 млн сум акча бүленгән, дип белдерделәр Мәдәният министрлыгында.

Татар музыкасы йорты XX гасырда татар профессиональ музыкасының үсеш тарихын һәрьяклап күрсәтәчек диелә — аңа нигез салган композиторлар иҗатыннан башлап, хәзерге музыкаль юнәлешләр һәм жанрларга кадәр.

Татар музыкасы йортын ачуны 2025 елның 3 декабренә планлаштыралар. Ул көнне Салих Сәйдәшев тууына 125 ел булачак.

#Татарстан
@azatliqradiosi

16.04.202507:57

"Татарны тагын үзәктән куалар". Шигырь бәйрәме быел Тукай һәйкәле янында булмаячак

Моңарчы Казанның Муса Җәлил исемендәге Татар дәүләт опера һәм балет театры янәшәсендәге Тукай һәйкәле янында узучы Шигырь бәйрәме быел Камал театрының яңа бинасы янында узачак. Татар җәмәгатьчелеге моны "татарны тагын үзәктән куу" дип бәяләде.

— Бәйрәмне шәһәрнең үзәгеннән башка мәйданчыкка күчерү татар халкы өчен үзәктән "сыгу", читләштерү булып кабул ителә. Сезне шушы тарихи хатага юл куймаска чакырабыз! — дип язды Татарстан президентына әдәбият тәнкыйтьчесе Миләүшә Хабетдинова.

▪️Казанда беренче Шигырь бәйрәме 1964 елда Кабан күле янындагы Тукай һәйкәле янында узган. Һәйкәл алдыннан агач вагонлы трамвай йөргәнлектән, бәйрәмне Опера һәм балет театры янындагы Тукай һәйкәле янына күчерәләр.

Бу хакта көн язмасын Азатлык Радиосы сайтында укыгыз.

#Татарстан
@azatliqradiosi

16.04.202505:55

Хәерле иртә! 16 апрель иртәсе нинди хәбәрләр китергән, укып алыйк!

🔵Русия дроннары төнлә Одесса шәһәренә һөҗүм иткән, өч кеше яраланган. Кичә Одессага НАТО генераль сәркатибе Марк Рютте рәсми сәфәр белән килгән иде.

🔵Түбән Новгород һәм Ярославль шәһәрләрендә һава аланнары вакытлыча ябылды, ди Росавиация. Моңа кадәр Русия Саклану министрлыгы алты төбәк һавасында 26 украин дронын юк итү турында хәбәр иткән иде.

🔵Татарстан Эчке эшләр министрлыгы Казанда самокатлар сезонына юл куймау тәкъдиме белән чыкты. Бу башлангычны Казанның Дәүләт автоинспекциясе хуплады, ә башкала мэриясе аңлатма хаты әзерли.

🔵АКШ хакимияте дөньяның 70 иленнән Кытай белән сәүдәне чикләүне тәкъдим итәчәк. Моның өчен Вашингтон дәүләт җыемын киметергә әзер, дип яза Wall Street Journal. АКШ тәкъдим иткән чаралар арасында — Кытай ширкәтләренә әлеге илләрдә эшчәнлек алып баруны тыю.

🔵АКШ алдагы ике ай дәвамында Сүриядән гаскәрләрне чиратлап чыгара башларга җыена. Узган ел ахырында Пентагон белдергәнчә, Сүриядә якынча 2 мең американ хәрбие урнашкан.

Азатлык сезнең өчен эшли, хөрмәтле укучыларыбыз. Безне укыгыз, белгән кешеләрне чакырыгыз, хәбәрләрне башкаларга да сөйләгез. Бергә булыйк!

@azatliqradiosi

15.04.202516:32

Дөньяда 15 апрель көнне булган төп вакыйгалар кыскача:

🟠АКШ Конгрессындагы демократлар Русиягә карата чикләүләрне киңәйтү һәм Украинага ярдәмне арттыру турында канун өлгесе әзерләде.

🟠Кытай хакимияте һава ширкәтләренә Boeing очкычларын кабул итмәскә кушты — бу АКШ белән барган сәүдә сугышының бер өлеше, дип яза Bloomberg.

🟠АКШ Иранга үзендәге уран запасын өченче илгә — мәсәлән, Русиягә — тапшыруны тәкъдим итте.

🟠Франциядә бер үк вакытта берничә төрмәгә һөҗүм ясалды. Юстиция министры бу хәлләрне "хезмәткәрләрне куркыту омтылышы" дип бәяләде.

🟠Азатлык Радиосының урыс хезмәте урта дулкыннарда радиотапшыруларны туктатты. Моңа кадәр АКШның Глобаль медиа агентлыгы Русиягә тапшыруларны тараткан иярченнәрне сүндергән иде.

🟠Журналистлар Антонина Фаворская, Артем Кригер, Сергей Карелин һәм Константин Габов 5,5 елга иректән мәхрүм ителде. Алар ФБК белән хезмәттәшлек итүдә, аерым алганда YouTube-канал өчен эчтәлек әзерләүдә гаепләнде.

Азатлык эшен иртәгә дәвам итәчәк, әлегә сезгә имин һәм хәерле кичләр телибез!

@azatliqradiosi

15.04.202515:04

Татарстанда сугышта катнашучыларны машина салымыннан азат итәргә тәкъдим итәләр

Моны күздә тоткан канун өлгесе Татарстан Дәүләт шурасының бюджет, салымнар һәм финанслар комитеты тарафыннан тәкъдим ителде. Хәрби хезмәткәр бу ташламаны якын туганы файдасына тапшыра алачак.

Бу канунны кабул итү республика бюджеты керемнәренең кими төшүенә китерергә мөмкин, ләкин төгәл саннарны бәяләп булмый, диелә.

▪️Инде 3 елдан артык дәвам иткән Украинадагы сугышта Русия төбәкләре арасында иң күп кеше Башкортстан һәм Татарстаннан үлә. Бүгенге көнгә Азатлык Радиосы Татарстаннан сугышка китеп һәлак булган кимендә 4680 кеше турында мәгълүмат таба алды. Башкортстаннан — кимендә 5284 кеше үлеме турында хәбәр табылды.

▪️Күп югалтуларга карамастан, Татарстан белән Башкортстан сугышка ихтыяриларны җыюны актив рәвештә дәвам итә, пропаганда чараларын һәм түләүләрне арттыра.

Тулырак монда укыгыз.

#сугыш #Татарстан
@azatliqradiosi

Все посты

Ничего не найдено 😢

Подробнее

Рекорды

05.04.202523:59

2.6KПодписчиков

18.03.202523:59

100Индекс цитирования

02.04.202523:59

432Охват одного поста

15.04.202519:48

466Охват рекламного поста

19.04.202523:59

22.92%ER

02.04.202523:59

16.76%ERR

Развитие

Подробнее

Подписчиков

Индекс цитирования

Охват 1 поста

Охват рекламного поста

ERR

Подробнее

Популярные публикации Azatlıq Radiosı

Все посты

02.04.202512:17

Башкортча "Һомай" җыры дөнья чартында беренче унлыкка керде

Ay Yola төркеменең “Һомай” җыры Shazam дөньякүләм чартында беренче унлыкка чыккан. Җыр хәзер җиденче урында һәм, аерым алганда, Леди Гаганың “Абракадабра” җырын да узып киткән. Русия күләмендә “Һомай” беренче урында.

AY YOLA башкаруында бу башкорт җыры социаль челтәрләрне берничә атна элек яулап алды.

Җыр аеруча Казакъстанда популярлык казанды. Шулай да башкорт тел активистлары җырчыны һәм җырны тәнкыйтьләп чыкты. Башкаручының башкорт теле начар, сүзләрне дөрес әйтми дип язучылар да җитәрлек.

Былтыр АИГЕЛның татар телендә "Пыяла" җыры популярлашып киткән иде. Ул дөнья һәм Русия чартларында беренче урыннарга менде

22.03.202515:16

Казан ханлыгы чорында Казан кирмәнендә ничә мәчет булган? Аларның урыннары билгелеме?

Бу хакта Азатлык Радиосы элегрәк татар мәчетләренең архитектурасын җентекләп өйрәнгән тарихчы мәрхүм Нияз Халит белән сөйләшкән иде.

"Казан кирмәнендә биш зур таш мәчет булганы төгәл билгеле. Бу сан тарихи чыганакларда да телгә алына. Биш – минималь сан. Алай гына була алмый ул. Археологик казу нәтиҗәсендә Хан белән Кол Шәриф мәчетләре барлыгы ачыкланды. Хан мәчете бүген Татарстан президенты утырган сарай янындагы чиркәү тирәсендә булган. Нигез калдыклары бар. Кол Шәриф мәчете исә бүген Казан кирмәнендәге урыс һәм татар төзүчеләренә куелган һәйкәл тирәсендә булган. Аның нигез ташлары ачыкланган.

Казан кирмәнендә Нур Али мәчете дә булган, ул XVIII гасырның төзелеш планына кертелгән, һәрхәлдә язма китапларда ул искә алына. XVIII гасырның икенче өлешенә кадәр аны сүткәннәр. Кайда торган дигән сорау төгәл ачыкланмаган. Сөембикә манарасы каршында булган дигән фикер бар. Архитектор Петонди 1840 елларда Тайницкая манарасында төшү урынын ясаган, казыган. Бәлки Нур Али шул борында торгандыр да.

Казан теркәү кенәгәләре мәгълүматларына караганда Казан мәчетләре чиркәүләргә әверелдерелгән. XVI гасырда барлыкка килгән чиркәүләр урынына мәчет булган дип уйларга нигез бар. Казан кирмәнендә Киприян белән Устинья чиркәве булган. Ул хәзер юк, Спасс манарасы белән манеж арасында торган ул. Элек аның мәчет булуы ихтималы зур. Аның түбә уртасындагы манара, шакмак формасында булуы турында тасвирланмасын укыганда гыйбадәтханә Алтын Урда мәчетләре стилендә эшләнгәне аңлашыла", диде тарихчы.

Бу хакта тулырак👉 Азатлык Радиосы сәхифәсендә укый аласыз.

@azatliqradiosi

27.03.202507:41

Төнлә Русия Украинага һөҗүмнәрен дәвам итте, 20дән артык кеше яраланган дип белдерә Украина ягы.

Харьков өлкәсендә 18 кеше яраланган, алар арасында балалар да бар, диелә. Бер йорт тулысынча җимерелгән, тагын 12 йортка зыян килгән.

Харьковның үзендә атышлар аркасында 12 яшьлек кыз-бала яраланган.

Днепропетровски өлкәсендә — 4 кеше, Сумы өлкәсендә бер кеше яраланган.

Украина президенты Владимир Зеленский шушы һөҗүмнәрдән соң "Русиягә барган басымны киметү турында сүз алып бару урынсыз" дип белдерде.

Русиянең саклану министрлыгы бүген иртән Русия территориясендә бер украин дроны юк ителгән дип хисап тотты.

Русия Украинага каршы сугышын 2022 елның февралендә башлады. Дөньяның күпчелек илләре бу сугышны хөкем итеп чыкты. АКШның хәзерге президенты Доналд Трамп Русия-Украина сугышын туктатам дип вәгъдә биргән иде, әлеге вәгъдәсен тормышка ашырырга тырышып ул һәр ике як белән дә сөйләшүләр алып бара.

@azatliqradiosi

01.04.202511:24

Флера Ганиева: хөкүмәт Татар дәүләт һуманитар институтын саклап кала алмады

Татар дәүләт һуманитар институтын оештыручыларның берсе, аның ректор урынбасары булган, әдәбият галиме, профессор Флера Ганиева институт оешмаганлык аркасында милли университетка әйләнеп китә алмады дип саный. Бу хакта ул Интертатка биргән интервьюсында әйткән.

"Ул вакытта Татарстанның беренче президенты Миңтимер Шәймиев институт ректоры Васил Гарифуллинга: «Менә бу милли университет булачак, шуңа дип төзелгән бина, шулай дип кабул итегез», – диде. Күз алдына китерегез, нинди мөмкинлекләр, теләкләр бар иде, әмма мөмкинлекнең килеп җитмәгән бер ягы бар иде: милли университетның нигезен салырлык укытучылар коллективы, базасы оешып җитмәгән иде", ди Ганиева.

Шулай ук ул хөкүмәт тотынса, бу эшне башкарып чыга алыр иде дип уйлый:

– Ул вакытта Туфан Миңнуллинга бик үпкәләп йөрдем. «Татар теле» дип сөйләшәсез. Әгәр трибунага чыгып, Һуманитар институтны һичьюгы институт буларак кына да саклап калуны син сөйләгән булсаң, Туфан, бу мәсьәлә кузгалган булыр иде», – дидем. Кызганыч, шул дәрәҗәдә кузгатылмады. «Без яшик әле, безне үстерегез әле», – дип чакыру гына җитми. Ул – хөкүмәт вазифасы, аның бурычы. Без үз бурычыбызны бик теләп дәвам итәр идек. Әле берзаман югарырак дәрәҗәдә бу фикергә кире кайтылыр, дип уйлыйм. Технологлар берзаман гуманитар белем кирәк икәнен аңлар.

🔸Милли университеты идеясы Татарстан парламентында 1994 елда күтәрелә башлаган иде. Ләкин әлегә кадәр аның тормышка аша алганы юк. Соңгы елларда Мәскәү басымы белән Русия мәктәпләрендә милли телләрне укыту да чикләнде.

26.03.202516:53

🎶 Социаль челтәрләрне инде берничә көн AY YOLA башкаруында башкорт җыры яулап алды.

Җыр аеруча Казакъстанда популярлык яулады. Русия тыңлаучылары да күп, бу күренеш АИГЕЛнең "Пыяла" җыры уңышын кабатлый дип санаучылар да бар.

Тик башкорт аудиториясеннән бу җырга мөнәсәбәт каршылыклы. Социаль челтәрдә башкаручының башкорт теле начар, сүзләрне дөрес әйтми дип язучылар да җитәрлек.

Сезгә бу җыр ничек, ошыймы? Фикерләрегезне языгыз, кызык бит 😄

Безнең Әйдә! Online проекты бу җыр мисалында татар һәм башкорт телләре якынлыгын күрсәтә, видеода текстны ике телдә күрә аласыз.

post.reposted:

Татарча видеолар😃👍🏼

25.03.202516:25

Ул мобилизациягә эләгә. 29 яшендә Украинадагы сугышта һәлак була.

Балык Бистәсе районы егете Камил Шакировның ике кызы ятим, хатыны тол калган. Хатыны хәзерге вакытта игезәкләр көтә, алар апрель аенда туарга тиеш.

Татарстанга Украинадагы сугыштан мәетләр һаман кайтарыла тора. Бөтен республикадан һәлак булган ирләр саны инде кимендә 4500гә якынлаша...

Русия Украинага каршы сугышын 2022 елның февралендә башлады. Дөньяның күпчелек илләре бу сугышны хөкем итеп чыкты.

Видео ошаса, лайк куй 👍
@tatarchavideolar

19.04.202516:07

10.04.202514:28

Казанның Бишбалта бистәсендә «Шәймиев үзәге» барлыкка килергә мөмкин, ләкин кайбер экспертлар каршы

Әлеге рәсемдә милли авыл, ягъни Татарстан халыкларының кунакчыллыгы, мәдәнияте һәм тарихи мирасы үзәге концепциясе күренә. Аны Казанның Бишбалта бистәсендә төзергә телиләр. Бүген ул президент Рөстәм Миңнехановка күрсәтелгән.

Комплексны Зилант тавы, Изге Успение монастыре һәм яңа Җәмигъ мәчете төзеләчәк мәйданчык янәшәсендә Казансу елгасы тугаенда урнаштыру планлаштырыла.

Шушында ук “Шәймиев үзәге” проекты да тәкъдим ителде.

Социолог, Казанның урбанистика үзәге җитәкчесе Марья Леонтьева моңа каршы: тарихи яктан да, экологик яктан караганда да бу җирләрдә этник авыл төзү дөрес түгел диде ул үзенең телеграм каналында.

Җәмигъ мәчетенә килгәндә, аны башта Кырлай паркында төземәкчеләр иде, ләкин соңрак Бишбалта бистәсе турында сөйли башладылар. Әмма бүген мәчет турында берни ишетелми.

28.03.202510:18

Тарихчы Айдар Ногманов вафат

Бүген, 28 мартта тарих фәннәре кандидаты,
Мәрҗани исемендәге тарих институтының яңа тарих бүлеге мөдире Айдар Ногманов вафат булган.

Бу хакта институт сайтында хәбәр ителә.

Аңа бүген 60 яшь тулган иде.

Айдар Ногманов Казанның Яңа бистә зираты тарихын өйрәнде, каберләрнең каталогын булдырды. "Яңа бистә зираты" ("Ново-татарское кладбище") дип аталган китап чыгарды.

Ул Русия империясендә татарларның хокуклары һәм мөселманнарга карата дини сәясәт тарихын өйрәнүгә зур өлеште кертте.

Тулырак монда укыгыз.

17.04.202515:06

19.04.202506:21

04.04.202509:12

Татарстан Югары мәхкәмәсе Энгел Фәттаховны йорт сагына җибәрмәгән

"Мин инде 10 айдан артык СИЗОда утырам. Мондагы шартлар минем сәламәтлегемне какшата. Еш чирлим, миңа бит инде 64 яшь. Авыр, әлбәттә. Мәкхкәмәнең беренче баскычы чыгарган карарны кире кагып, мине йорт сагына чыгаруны сорыйм", дигән ул утырышта.

Әмма Югары мәхкәмә аның үтенечен канәгатьләндермәде.

19 мартта Чаллыдагы мәхкәмә Фәттаховны тикшерү изоляторында тотуны 21 майга кадәр озайткан иде.

▪️Энгел Фәттаховны зур күләмдә ришвәт алуда шикләнеп, былтыр майда тоткарладылар. Шуннан бирле ул Чистайның 5нче тикшерү изоляторында утыра.

28.03.202515:59

Вәкаләтләрен югалткан "таянычлы төбәк": Рөстәм Миңнеханов җитәкчелегендә Татарстан ничек үзгәрде?

Бу атнада Рөстәм Миңнехановның Татарстан президенты вазифасына керешүгә 15 ел тулды.

👍Бу еллар дәвамында республика икътисад өлкәсендә һәм халыкара чараларны үткәрүдә шактый зур уңышларга иреште

👎Шул ук вакытта Миңнеханов вазифасы хәзер рәсми рәвештә "рәис" дип атала, федераль бюджетка салымнарның яртысы түгел, ә инде өчтән ике өлеше китә.

👎Татарстанда көч структуралары, сәнәгать оешмалары һәм мәктәпләрдә татар теле укытылу сәгатьләре "федераллар" кулында.

Миңнеханов идарә иткән чорда Татарстан тагын нәрсәләрне югалтты?

👉Бу хакта Азатлык Радиосында чыккан бүгенге мәкаләдән укыгыз.

11.04.202508:11

Йосыф Акчураның вафатына — 90 ел. Кем ул һәм кайсы хезмәте белән кыйммәтле?

Татар интеллектуалы Йосыф Акчура вакытында Төркиядә сыену таба һәм бөтен акылын, җанын Төркия республикасын булдыруга багышлый. Мәмләктендә татар дәүләтен булдыра алмагач, ул татарга якын булган кардәш төрек халкына, аларның бәйсез дәүләтенә хезмәт итә.

Быел мартта сәясәтче, җәмәгать эшлеклесе, интеллектуал, Төркиянең республика буларак барлыкка килүендә актив эшчәнлек алып барган Йосыф Акчураның вафат булуына 90 ел тулды. Ул Төркиядә иң танылган татарларының берсе булып санала. Ни өчен? Бу татар Төркиягә нинди файда китергән? Бүген без аның биографиясеннән мөһим фактларны барлыйбыз.

Бу эштә безгә профессор, Йосыф Акчураны аркылы буйга өйрәнгән тарихчы Исмаил Төркоглы ярдәм итте.

👉 Мәкаләне Азатлык Радиосы сайтында укыгыз. Сылтама VPN-сыз ачыла.

05.04.202515:43

"Баймак эшенең" 9 фигуранты хөкем карарларын шикаять иткән

Дүрт ел колониягә хөкем ителгән Миңзия Әдъгамова Самар өлкә мәхкәмәсенә мөрәҗәгать иткән. Утырыш 9 апрельгә билгеләнгән. Мәхкәмә Әдъгамовага бирелгән җәзаны кичектереп торды, чөнки аның балаларына әле 14 яшь тулмаган.

Халит Ишкуәтов (5,5 елга гомуми тәртипле колониягә хөкем ителгән), Илфат Ишморатов һәм Закир Колахмәтов (4,5 елга) шулай ук Самар өлкә мәхкәмәсенә хөкем карарларын шикаять иткән. Утырыш 10 апрельдә булачак.

Илнар Асылгуҗин, Айгиз Ишмурзин һәм Рафил Үтәбаев (Ижау шәһәрендәге мәхкәмә 8,5 ел колониягә хөкем итте), Фәнүр Хажин (6 ел) һәм Фәнгиз Шәрифгалиев (5,5 ел) Удмуртия Югары мәхкәмәсенә мөрәҗәгать иткән. Шикаятьне 10 апрельдә караячаклар.

Әлеге вакытта бары тик Илшат Ульябаевның гына хөкем карары гамәлгә керде. Былтыр җәй Оренбур өлкәсенең Орски шәһәрендәге район мәхкәмәсе" аны биш елга гомуми тәртипле колониягә хөкем итте.

Тулырак монда укыгыз: https://smarturl.click/6721B

Войдите, чтобы разблокировать больше функциональности.