#biz_bir_oilamiz
Bugun Prezidentimiz boshchiligida videoselektor yigʻilishi oʻtkazilib, Olimpiya va paralimpiya harakatini yanada rivojlantirish, ommaviy sportni yangi bosqichga olib chiqish hamda aholi jismoniy faolligini oshirish chora-tadbirlari muhokama qilindi. Davlatimiz rahbari maktab oʻquvchilarini sportga jalb etish masalasiga alohida toʻxtalib, bir qator topshiriqlar berdi.
Yigʻilishda Sirdaryo viloyati maktabgacha va maktab taʼlimi boshqarmasi boshligʻi Nargiza Xolboyeva soʻzga chiqib, qilinayotgan ishlar haqida gapirib oʻtdi.
Viloyatda haftaning har shanba kuni “sport kuni” deb belgilangan, oʻquvchilar yosh toifasidan kelib chiqib sport turlariga biriktirish boʻyicha bosqichma-bosqich ishlar tashkil etyapti. “Maktab sport klublari” faoliyati yoʻlga qoʻyildi. Ularni samarali tashkil etib borayotgan jismoniy tarbiya fani oʻqituvchilariga vazirlik ustamasi, reyting koʻrsatkichi yuqori boʻlgan oʻqituvchilarga sport vazirligi tomonidan malaka oshirish sertifikati toʻgʻridan toʻgʻri berish tizimi yoʻlga qoʻyilgan.
Prezidentimiz yigʻilishda Nargiza Xolboyevaning mehnatlarini munosib baholab, “Doʻstlik“ ordeni bilan taqdirladi. Tabriklayman, bu birgina xodimimizga emas, viloyatda faoliyat yuritayotgan 13 mingdan ortiq fidoyi pedagoglarimizga berilgan eʼtibor aslida.
Jamoamizda faoliyatini maktab oʻqituvchiligidan boshlab, bugun butun boshli viloyatdagi maktab va bogʻchalarimizga masʼul boʻlgan, vazifasini sidqidildan uddalayotgan Nargiza Xolboyevadek jonkuyar, harakatchan xodimlarimiz borligi faxrimiz. Umid qilaman, boshqa hudud rahbarlarimiz, tizim rahbar va xodimlari oʻrnak oladi.
@hilola_umarova
