Мир сегодня с "Юрий Подоляка"

Труха⚡️Україна

Карап чыгуу

Николаевский Ванёк

Карап чыгуу

Мир сегодня с "Юрий Подоляка"

Карап чыгуу

Труха⚡️Україна

Карап чыгуу

Николаевский Ванёк

Карап чыгуу

TAQRIZLAR

Asosiy kanal: @akademnashr
Iqtiboslar: @akadem_iqtibos
Mundarija va fragmentlar: @akademkitoblar
Onlayn xarid: @akademsavdo
Guruh: @akademnashr_uz

TGlist рейтинг

ТипАчык

Текшерүү

Текшерилбеген

Ишенимдүүлүк

Ишенимсиз

Орду

ТилиБашка

Канал түзүлгөн датаMay 06, 2024

TGlistке кошулган дата

Feb 11, 2025

Мен каналдын ээсимин

Өзгөрүүлөр тарыхы

Telegram каналы TAQRIZLAR статистикасы

Толугураак

Катталгандар

185

24 саат00.3%Жума

10.6%Ай

106%

Цитация индекси

0

Эскерүүлөр0Каналдарда бөлүштү0Каналдарда эскерүүлөр0

1 посттун орточо көрүүлөрү

0

12 саат00%24 саат00%48 саат470%

Катышуу (ER)

0%

Кайра посттошту0Комментарийлер0Реакциялар0

Көрүүлөр боюнча катышуу (ERR)

0%

24 саат0%Жума0%Ай0%

1 жарнама посттун орточо көрүүлөрү

0

1 саат00%1 – 4 саат00%4 - 24 саат00%

Толугураак

Биздин ботту каналыңызга кошуп, анын аудиториясынын жынысын билүү.

Акыркы 24 саатта бардык посттор

0

Динамика

"TAQRIZLAR" тобундагы акыркы жазуулар

Бардык посттор

24.03.202507:23

Руҳпоралар - Мансур Жумаевнинг “Биз кутган фасл” китоби таассуротлари (“Излам” туркумидан)

✍️ Аваз Алижонов

https://teletype.in/@akademnashr/biz-kutgan-fasl

06.03.202505:40

“Қирқ биринчи кун”, МоҳиРа

Моҳира Эшпўлатова насри мен учун кутилмаган воқеа бўлди. Муаллиф ҳикоялари орқали кунда кўриб кўниккан дунёмизнинг биз сезмаган, сезсак ҳам, тадқиқ этишга юрак бетламайдиган манзараларига мурожаат қилади. Воқеа жойларининг аксари бизга нотаниш бўлса ҳам қаҳрамонлар кечинмалари сизу бизники.

Муаллиф образ ярата олади. Унинг қаҳрамонлари хотирада қолади, кейинчалик ҳам тақдири, ҳикоя мазмуни ҳақида қайта мулоҳазага чорлайди.

Дейлик, “Катена” ҳикоясидаги Саломат момо образи деярли яқин‑яқингача бўлган бутун ўзбек бувиларининг типик образи дейиш мумкин. Ёки “Ниначилар қарғиши” ҳикоясидаги она ва бола, ака‑сингил муносабатларига умрида бир марта бўлса ҳам дуч келмаган одам бўлмаса керак.

“Тугалланмаган куй”, “Ҳаётга кириш”, “Қирқ биринчи кун”, “Олов рақси” ҳикояларидаги муҳаббат ва нафрат, садоқат ва хиёнат, соғлик ва хасталик, эрк ва тутқунлик, ҳаёт ва ўлим конфликти ўқувчи қалбида узоқ вақт акс‑садо бериб туради. “Ҳаётга қайтиш” ҳикоясидаги Рашид ва Асила муҳаббати беихтиёр Ромео ва Жульеттани ёдга солади. Бетама, беғараз ишқ ва аламли айрилиқ. Улардан фарқли равишда бу ҳикоялар якунида ёруғ умид қолади.

Муаллиф ўз ижодида АЁЛ образи биринчи ўринга қўяди. Баъзи эпизодларда бу ҳолат муаллифнинг холислигини сақлашга халақит беради. Шундай ўринларда у аёл бўлиб туғилишни фожиа, қаҳрамон аёлларини эса мазлума қилиб тасвирлайди. Бу қанчалик тўғри эканини ўйлаб кўриш керак.

Отабек Бакиров
Наср кенгашининг 2024-йил фаолияти якунларига бағишланган йиллик ҳисобот йиғилишидаги маърузасидан

https://t.me/Akademnashr/4012

06.03.202505:39

“Дераза ортида”, Муҳаммадхон Юсупов

Китоб шу номдаги туркум ҳикоялар ва “Илк” номли қиссадан иборат. 8 та ҳикоя ҳажми турлича бўлса ҳам мутолаа якунида худди ярим саҳифа матн ўқигандай таассурот қолдиради. Бу, менимча, муаллифнинг қисқа ҳикоя ‒ драбллар ёзиш бўйича кўп йиллик тажрибаси маҳсули бўла керак.
Ҳикоялар ортиқча тафсилот, тушунтириш, шарҳдан холи. Ўқувчи воқеаларни четдан туриб, борича кузатади. Худди яширин камера ёзувларини томоша қилгандай. Аммо унда фақат тасвир эмас, у орқали одамларнинг ички дунёси, оилавий ҳаёти очиб берилади.

Муаллиф асосий эътиборни оила ва болалар тарбиясига берган. Бу орқали гўдакликдан бошлаб балоғат ёшигача бўлган даврда бола ва оила, бола ва жамият муносабатлари ёрқин, содда ва моҳирлик билан очиб берган.

Ушбу тажриба мукаммаллашиб бораверсин.

Отабек Бакиров
Наср кенгашининг 2024-йил фаолияти якунларига бағишланган йиллик ҳисобот йиғилишидаги маърузасидан

https://t.me/Akademnashr/4024

06.03.202505:38

“Босириқ”, Байрам Али

Китоб етти ҳикоя ва икки қиссадан иборат. Ҳикоялар тўлиқ миллий колоритга тўйинган ‒ Сурхон воҳаси ҳаётига кўзгу тутади. Уларда дўстлар ва ёр ‒ севги учбурчаги каби умумбашараий ва анъанавий мавзулардан тортиб, хаста ўғилни қалдирғоч уясига чўмилтириш, кекса чавандознинг отини кўрмагунча жон таслим қилмаслиги каби янги ва оригинал мавзуларга ҳам дуч келасиз.
“Илинж”, “Топишмоқ”, “Дардли қуш” ҳикояларини олқишлаш мумкин.

“Ҳамдардлар” ҳикояси бир қарашда сунъий сюжетга эга. Тиббий текширув натижасида айни дамда фарзандли бўла олмаслигини эшитган эркак оғироёқ аёлини хиёнатда айблаб ажрашади. Йиллар ўтиб ўша аёлнинг ўғли олис юртда отаси билан ҳамшиша бўлади. Иккаласи бир-бирини танимайди. Лекин якунда бармен бир‑бирига икки томчи сувдай ўхшаш бири кекса, бири навқирон одамга қараб лол қолади. Бу орқали ҳаётда ҳамма нарса бўлиши мумкинлиги, тиб илми ҳам юз фоизлик ташхис бера олмаслиги ҳақида гап кетади. Ўқувчи кўнглида бир изтироб илдиз отади.

“Куз ёмғирлари” эса жўн ҳикояга айланиб қолган, балки бош қаҳрамон Жаъфарсодиқнинг руҳияти, таржимаи ҳолига қисқача тўхталиб ўтиш керак эди. Ҳар ҳолда туфлиси эскилиги учун ёмғир ёғса ишга кеч қолувчи ходим ва раҳбарнинг унга янги оёқкийим совға қилгани бутун бошли ҳикоя учун камлик қилади.

Ёки “Почча” ҳикоясида ҳам сунъий воқелик яратилгандай. Аниқроқғи, Ўткир Ҳошимовнинг “Янга” ҳикоясига ғариб тақлид кўринишига тушиб қолган.

Отабек Бакиров
Наср кенгашининг 2024-йил фаолияти якунларига бағишланган йиллик ҳисобот йиғилишидаги маърузасидан

https://t.me/Akademnashr/4031

06.03.202505:37

“Сир”, Жуманазар Йўлдош

“Ёмғирдан сўнг”, “Есенинни севган қиз”, “Отам ва ўғлим”, “Балиқ ови” ҳикоялари жонли тили ва ибратли хулосалари билан кўнгига анчайин таъсир ўтказади.

“Сир” ҳикояси барчасидан кўра мукаммал ёзилган дейиш мумкин. Негаки Ажнабий образи, унинг ҳаракатлари, атрофидаги воқеалар ривожи аниқ ва маҳорат билан тасвирланган. Ҳикоя бўйлаб унинг одамларга қўшилмаслиги, сирли ҳужраси ва ғайриоддий характери ўқувчини бир хулосага келишига йўл бермайди. Аммо якунда кутилмаган ечим берилади. Барчасига сабаб Ажнабийнинг ўз ўлимининг аниқ вақтини билишида экан. Бу орқали инсон ўз ўлими, умуман, келажакни олдиндан билса нималарга олиб келиши мумкминлиги ҳақида баҳс қилади. Ушбу ҳикоя “Шарқ юлдузи” журналининг 11‑сонида “Ажнабий” номи билан берилган эди ва бу сарлавҳа ўзини оқламаганини қайд этиб қўйгандим. Китобда эса моҳиятни очиб берувчи “Сир” сарлавҳаси билан алмаштирилгани айни муддао бўлибди.

Лекин бошқа ҳикоялар ҳақда аниқ бир сўз айта олмайман. Чунки уларни тушунмадим десам ҳам бўлади. Маъносини англашга бўлган уринишларим ҳам зое кетди. Бунинг учун махсус билим талаб этилса керак.

Отабек Бакиров
Наср кенгашининг 2024-йил фаолияти якунларига бағишланган йиллик ҳисобот йиғилишидаги маърузасидан

https://t.me/Akademnashr/4021

Кайра бөлүшүлгөн:

Doston Chustiy

04.03.202505:15

#taqriz

Sevara Alijonova — "Mahkum sayohati"

Esse. Bu ko‘pchiligimiz "bilamiz" deb o‘ylaydigan lekin, bilmaydigan tushuncha. To‘g‘risi men ham oldinlari esse deganda til sertifikati imtihonida yozib beriladigan fikrlar majmui deb tushunardim. Bunday imtihonlarda siz o‘zingizni o‘ylashga, yozishga majburlaysiz.

Lekin muallif nazarda tutayotgan esse esa, bu umuman falsafiy va ilohiy tushuncha. Keling ushbu tushunchaga muallifning o‘zi bergan tarif bilan tanishsak:

"Esse — "nimadir haqida" tinimsiz o‘ylash, tafakkur qilish, uni shaxsiy kuzatuv, tajribalarning chig‘irig‘idan o‘tkazib, oqqa tushirish.

Esse — falsafa, insoniyatning azaliy savollariga javob izlash, anglanmagan, anglab bo‘lmas borliqni anglashga intilish, insoniy qadriyatlar, fazilat va illatlarga munosabat yoki inkor falsafasi.

Esse — yakun, tugal xulosa. Essenavis jurnalist yoki yozuvchidek xulosani o‘quvchiga qoldirmaydi. Mavzuga o‘z xulosasi bilan nuqta qo‘yadi. Yoki xulosa mahsuli bo‘lib esse yaraladi".

Muallifning qaysidir essesini ajratib shunisi yoqdi deyish mushkul. Chunki, barchasi sirli, purma’no hamda mushohada yuritishga undaydi. Muallif kitob ibtidosini buyuk essenavislar xotirasiga sukut saqlash bilan boshlagan bo‘lsa, keyingi essesida esa har birimiz qachondir "begemotga aylanishimizga" ishora qiladi. Kitobdagi eng yaxshi essesida esa muallif barcha inson umri davomida nimadirga mahkum, eng asosiysi o‘limga mahkumligimizni eslatadi. Kitobning intihosi esa, nodir shaxslar Sherali Toshmatov, Erkin Yusupov, Xurshid Do‘stmuhammad, Xudoyberdi To‘xtaboyevlarga bag‘ishlangan maqolalaridan iborat.

Men kitobni ayni vaqtida uchratdim, mutolaa qildim deb o‘ylayman. Chunki, muallif har xil sabablar tufayli ilm qilish yo‘lida ikkilanayotgan menga butun umrini ilmga sarflagan insonlar bilan tanishtirdi va ular hech ham kam bo‘lishmaganini isbotlab berdi. Buning uchun muallifdan minnatdorman.

Kitob hajman kichkina va yengil o‘qiladi. Barchaga o‘qishni tavsiya qilaman. Mahkumga (muallifga) esa o‘z sayohatida davom etishini tilab qolaman . . .

@doston_chustiy

Кайра бөлүшүлгөн:

Doston Chustiy

04.03.202505:15

#taqriz

Rauf Parfi — "Iymon asiri"

Rauf Parfi nomini eshitgan har bir adabiyotga, she’riyatga oshno qalb egasining etlari junjikib ketadi. Chunki shoir yangi uslub, yangi nafas olib kirgan, o‘zbek she’riyatini yangi pog‘onaga ko‘targan deb qaraladi. Haqiqatan ham muallifning she’rlarini mutolaa qilarkansiz, qandaydir ilohiy ruhiy yaqinlikni his qilasiz.

Qolganlarda qanday bilmadimku-ya, menda ma’lum vaqtda yoki davr bo‘ladiki, she’riyatga muhtojligim paydo bo‘ladi. Bu muhtojlikni esa, Rauf Parfi she’riyati bilan qondiraman.

Nima uchun "Iymon asiri" ? Bilmadim, iymon shoir uchun go‘yoki bu she’riyat, vatanga muhabbatdir. Uning ibodati she’riyat va Ona Turkistoniga bo‘lgan muhabbatidir. Shuning uchun ham kitobning nomi "Iymon asiridir".

E’tiborimni tortgan yana bir narsa shu bo‘ldiki, shoirning boshqa mamlakatlar shoirlari ijodi bilan yaqindan tanish bo‘lgani va ularga atab yozgan ba’zi she’rlari bo‘ldi. Bundan tashqari, ko‘plab she’rlarida xuddi jadidlar singari Turkistoning mustaqilligiga shama qilib yozgan she’rlari ham e’tiborga molikdir.

Muallifning she’rlariga detallarigacha to‘xtalmadim, chunki o‘zim bu narsalarga tushunmayman ham. Shoirning she’rlarida ishlatilgan ilohiy so‘zlarni shunchaki rohatlanib, his qilib o‘qidim. Zero she’rdan zavq olish bo‘lsa, shunchalik bo‘lar. Quyida esa, shoirni kashf qilishimga sababchi she’rini siz bilan bo‘lishmoqchiman:

"Yana jimlik, yana sukunat,
To‘lib ketar hech narsadan dil.
Hech narsadan boshlanadi gap,
Hech narsani so‘zlar yana til.

Qichqiradi bezabon xulyo,
Sukunatda qiynaladi jon.
Hech narsani tan olmas go‘yo
Hech narsadan boshlangan jahon".

So‘ng so‘z o‘rnida sizlarga aytar gapim shuki: She’r o‘qing! His qilib, o‘qing! Va albatta Rauf Parfini o‘qing!

@dostom_chustiy

Кайра бөлүшүлгөн:

Muslimbek | blogi

28.02.202519:24

#tugatdim

Harper Lining "Mazaxchini o‘ldirish" romanini o‘qib tugatdim. Ushu kitobni o‘qishimga "Akademnashr" nashriyoti rahbari Sanjar Nazarning tavsiyasi turtki bo‘ldi.

Asar badiiy jihatdan ma'nolarga boy, zeriktirmaydigan, sodda tilda yozilgan. Bolalar hayotini ifodalash mohirona amalga oshirilgan. Bizda bolalar hayotini O‘tkir Hoshimovning "Dunyoning ishlari" asarida ilk bor o‘qigandim.

Asar nafaqat bolalar uchun, balki kattalar uchun ham birdek o‘qishga arzigulik. Asardagi adolat, teng-huqulilik, ratsizmni qoralash tushunchalari zamon tanlamas holatlardir. Asarni o‘qing, ham o‘z bolalik paytlaringizni yodga oling, ham oliyjanoblik fazilatlarini o‘zingda shakllantiring. Bu yo‘lda sizga omad tilayman!

✨ @muslimbekblogi ✨

Кайра бөлүшүлгөн:

Ko‘ngil nigohi

25.02.202520:20

Vaqt, vaqt, vaqt... U bunchalar tez oʻtadi? Qayoqqa bunchalar shoshadi? Bu qattol shiddat inson umrini tushga, roʻyoga aylantirib qoʻymaydimi? Uxlading-u uygʻonding. Qisqagina davom etgan tushingda esa butun umringni koʻrding.
Bunchalar shafqatsizsan, vaqt?..

Abduqayum Yoʻldosh – "Puankare"

Qahramonimiz nomzodlik ishini Farang matematigi Anri Puankare tomonidan ilgari surilgan gipotezani isbotlashga, yechishga qaratgan edi. Ilmiy ish sekin-astalik bilan oldinga siljiyotgan bir vaqtda yigitning boʻyniga olaxurjun ilinadi va oilaviy hayoti boshlanadi. U tirikchilik tashvishlari deya orzu-umidlarini, umrini qurbon qiladi.

Jamiyatimizning qonun-qoidalari yoki umuman odamlarning urf-odatlari qiziq. Inson umri davomida uyim-joyim, bolam-chaqam deb yashaydi. Yurakdagi orzular armonga aylansa ham mayli, bir dard – iztirob hayoti davomida tark etmasa ham mayli, lekin oilasi tinch boʻlsin. Ayni kuch-gʻayratga, bilimga toʻlgan vaqtda yoshlar turmush quradilar. Oʻqish, ish, karyera hammasi sekin-asta boʻlaveradi, avval boshini ikkita qilish kerak, deyishadi kattalar. (Kattalar bir narsani bilmasa gapirarmidi?) Pul topish, umuman keraksiz boʻlgan urf-odatlarni ham odamlar koʻzi uchun, albatta, risoladagidek oʻtkazish lozim boʻladi. Oʻzbek xonadonlarida toʻy boʻlgan joyda kattagina qarzga botish ham tabiiy holdir. Keyin yana boshqa tashvishlar boshlanadi: uyni kengroq qilish kerak, turmushni farovonligini taʼminlash kerak, farzandlarni voyaga yetkazish, oʻqitish, oʻgʻilni uylantirish, qizni turmushga berish kerak va hokazo. Shunday qilib, tirikchilik va roʻzgʻor bilan butun umri oʻtib ketganligini sezmay qoladi odam. Ulkan orzular oʻrnini mayda-chuyda tashvishlar egallaydi. Eng katta orzu-maqsadlarni koʻngliga tugib qoʻyganlar ham turmush tashvishlariga berilib, hammasiga jimgina qoʻl siltab qoʻya qoladi. Osongina yechim shu.

Hayoti davomida eng yuksak marralarga erishgan insonlar haqida gap ketganda hammasiga oʻz kuchi, bilimi, salohiyati bilan erishgan deymiz. Bu fikr ham toʻgʻri. Biroq insonni hayotda nimagadir erishishida oilasining, yaqinlarining oʻrni beqiyos. Hech boʻlmaganda atrofidagi odamlar uning yoʻliga toʻgʻanoq boʻlmasligi, xalaqit bermasligi kerak. Hal qiluvchi qadamni qoʻyish uchun insonga mustahkam iroda lozim.

Dunyoni har kim oʻz nigohi bilan koʻradi, oʻz qarichi bilan oʻlchaydi. Inson uchun eng katta fojia oʻz haqiqatini anglamay, oʻz jumbog'ini yechmay bu dunyodan oʻtib ketish boʻlsa kerak. Inson boʻlib yashash, inson boʻlib qolish bilan birga qalbingizni boy berib qoʻymang.

@biroz_adabiyot

24.02.202506:36

Andrey Platonovning "Jon" asarini joni bor kitobxon o'qiydi.

Asar jonidan boshqa hech vaqosi yo'q bo'lgan elatning tirik qolishi haqidagina emas, xuddi shunday holdagi bir insonning yoxud butun insoniyatning omon qolishi to'g'risidadir, balki.

Ilk varoqlardagi "zerikish vodiysi"dan o'tib olsangiz bas. Uyog'iga qahramonlar bilan birga jon olib, jon berishga tayyor bo'lasiz. Birgalikda kurashasiz, joningizni saqlash uchun yakdil harakat qilasiz.

Har birimizning ichimizda Nazar, Oydin, Nurmuhammad, Gulchatoy, Mulla Cherkes, Xonim yoki Ksenya tuyg'ular shaklida yashaydi. Qay biri g'olib kelsa, taqdirimiz shunga evriladi.

Asarni o'qiyotganingizda xuddi o'zbek yozuvchisi tomonidan yozilgandek taassurot uyg'otadi. Unda o'zbek qahramonlar uchragani uchun emas, tarjimon Sharifjon Ahmadning mahorati tufayli deb o'ylayman.

Qissa tili nihoyatda ravon, ifodalar tiniq. Ancha-muncha kitob o'qigan bo'lsangizda, "Jon" orqali kamida 10 ta yangi o'zbekcha so'z yoki jumla o'rgansangiz, ajabmas.

✍️MehrNoz

https://t.me/Akademnashr/3406

Кайра бөлүшүлгөн:

G'iyosiddin Yusuf | blog

20.02.202504:14

"Buvamning oshqozonidagi mamlakat" — gap oshqozon haqida emas!

Qobiljon Shermatov yosh bo'lishiga qaramay, bolalar adabiyoti yo'nalishida juda samarali ijod qilib kelmoqda. U kishining asarlari tili ravon, sodda, bolalar uchun tushunarli, o'ziga xos shiraga ega bo'lishi bilan birga tarbiyaviy ahamiyatga ham ega.

Yozuvchining "Buvamning oshqozonidagi mamlakat" asari ham zohiran bir insonning ichida kechgan voqealarni bayon qilgani bilan, aslida, jajji o'quvchilarni halollik, to'g'rilik, rostgo'ylikka undaydi.

Bahodir va Baxtiyor ismli ikki bola maktabdan kelib, chanqab ketganidan muzlatkichdan sharbatga o'xshash ichimlik olib ichishadi. Lekin bu ichimlik akasining tajriba uchun tayyorlagan suyuqligi bo'lib, u kichraytiruvchi xususiyatga ega edi. Shunday qilib, ikki bolakay ko'z ilg'amas darajada kichrayib, buvasining oshqozoniga tushib ketdi.

U yerda dastlab Oshqozon shahrida bo'lishdi. Maktabda ko'chirgani uchun ko'zi ojiz bo'lib, yolg'on gapirgani uchun tili soqov bo'lib, ko'p sinovlarni boshdan kechirishdi. So'ngra Yurak shahriga yo'l olishdi. Bu yerdagi sarguzashtlar ham o'ziga xos bo'ldi...

▪️ Kitob 2022-yilda “Bolalar va o‘smirlarga bag‘ishlangan eng yaxshi kitob” deb topilgan;
▪️ Asarning bir nechta bobi maktab darsligiga kiritilgan;
▪️ “Yosh kitobxon” tanlovida o‘qilishi kerak bo‘lgan kitoblar qatoridan o‘rin egallagan.

Ushbu havola orqali kitobdan qisqacha o'qib ko'rishingiz, mundarijasi bilan tanishishingiz hamda xarid qilish uchun bog'lanishingiz mumkin.

#Kitob

@GiyosiddinYusuf

26.12.202406:07

Пўртанали манзаралар - Нозима Ҳабибуллаеванинг “Нафас” китоби таассуротлари (“Излам” туркумидан)

✍️ Аваз Алижонов

👉 https://teletype.in/@akademnashr/nafas-nozima