#Мурожаат (таҳрирсиз)
Менга тегишли мол-мулк ва ер солиғи учун 2024 йилга 2.650.000 (икки миллион олти юзи эллик минг ) сўм ҳисобланган. Мен ушбу ҳисобланган сўммани 1.900.000 (бир миллион тўққиз юз минг) сўмини август-сентябр ойларида тўлов қилганман. 2024 йил октябрь ойининг тахминан 10 саналарида "Болтабек" МФЙ биносида пенсия пули тарқатилган вақтда туман солиқ инспекциясининг МФЙга бириктирилган инспектори исмли шахс мол-мулк ва ер солиғи учун тўлов қилиш кераклигини айтганида, мен унга бошқа пенсионерлар қатори 500. 000 (беш юз минг) сўм нақд пул тўлов қилганман. Бироқ ушбу ходим квитанцияни кейин етказаман деб менга ва бошқаларга тўлов учун ҳеч қандан ҳужжат тақдим этмаган эди.
Оилавий сабабларга кўра, мен қолган 250. 000 (икки юз эллик минг) сўм маблағни 2024 йил декабрь ойида тўлов қилиш учун ўғлимни солиқ инспекциясига жўнатганимда, туман солиқ инспекциясининг МФЙга бириктирилган инспектори томонидан мендан олинган 500.000 (беш юз минг) сўм кирим қилинмасдан ўзининг эҳтиёжи учун ишлатиб юборгани маълум бўлди.
Шундан сўнг, ўша инспектордан бир неча бор сўраганимиздан кейин 2024 йил 14 декабрда мендан олган 500.000 (беш юз минг) сўм маблағни тўлаб берди.
2025 йил феврал ойи пенсия пулимдан 375.000 (уч юз етмиш беш минг) сўм маблағ кам тушганидан кейин мен яна сарсонгарчилик орқасидан менга нисбатан туман солиқ инспекцияси судга даъво аризаси киритганлиги ҳамда ушбу сабаб туфайли пенсия пулимдан 375.000 (уч юз етмиш беш минг) сўм давлат божи ушлаб қолинганлигини билдим.
Менинг биринчи шикоятим туман солиқ инспекциясининг МФЙга бириктирилган инспекторига нисбатан менинг нақд пулларимни вақтида кирим қилмаганлиги учун хизмат текшируви ўтказишингизни, иккинчидан, туман солиқ инспекцияси ходимларининг масъулиятсизлиги туфайли мени нотўғри ёлғон маълумотлар орқали ноҳақдан 1.459.147.97 сўм қарздор деб судга даъво аризаси киритганлиги учун хизмат текшируви ўтказишингизни, учинчидан, 2025 йил феврал ойи пенсия пулимдан ушлаб қолинган 375.000 (уч юз етмиш беш минг) сўм маблағни ва менга етказилган маънавий зарарни ундириб беришда ҳамда менинг бузилган ҳуқуқларимни тиклашда амалий ёрдам беришингизни сўрайман.
Неъматилло Бобоев,
Каттақўрғон туман "Болтабек" МФЙ Жалаер қишлоғида яшовчи фуқаро.
✅ @Samarqand_live – Юзинг қийшиқ бўлса ойнадан ўпкалама!
