Мир сегодня с "Юрий Подоляка"

Труха⚡️Україна

Карап чыгуу

Николаевский Ванёк

Карап чыгуу

Мир сегодня с "Юрий Подоляка"

Карап чыгуу

Труха⚡️Україна

Карап чыгуу

Николаевский Ванёк

Карап чыгуу

Ревизор 🧮

Ўғри бўл, инсофли бўл!
Боғланиш учун 👉 @revizor_aloqa
Рус тилида (тест режимида) ўқиш учун 👉 https://t.me/revizor_global

TGlist рейтинг

ТипАчык

Текшерүү

Текшерилбеген

Ишенимдүүлүк

Ишенимсиз

ОрдуУзбекістан

ТилиБашка

Канал түзүлгөн датаFeb 07, 2025

TGlistке кошулган дата

Sep 04, 2024

Мен каналдын ээсимин

Өзгөрүүлөр тарыхы

Тиркелген топ

Ревизор 🧮 чат

Telegram каналы Ревизор 🧮 статистикасы

Толугураак

Катталгандар

7 050

24 саат

5-0.1%Жума

120.2%Ай

280.4%

Цитация индекси

0

Эскерүүлөр2Каналдарда бөлүштү0Каналдарда эскерүүлөр2

1 посттун орточо көрүүлөрү

2 316

12 саат1 6950%24 саат2 3160%48 саат2 5560%

Катышуу (ER)

2.5%

Кайра посттошту22Комментарийлер1Реакциялар36

Көрүүлөр боюнча катышуу (ERR)

0%

24 саат0%Жума

0.09%Ай

0.79%

1 жарнама посттун орточо көрүүлөрү

2 316

1 саат1 35858.64%1 – 4 саат33714.55%4 - 24 саат66728.8%

Толугураак

Биздин ботту каналыңызга кошуп, анын аудиториясынын жынысын билүү.

Акыркы 24 саатта бардык посттор

1

Динамика

"Ревизор 🧮" тобундагы акыркы жазуулар

Бардык посттор

24.04.202509:48

Андижон туман Ободонлаштириш бошқармаси томонидан Янги Андижон массиви учун катта чироқ ва кичик чироқ устунлари билан таъминлаш бўйича танловлар (лот: 25110012425506 ва лот: 25110012425507) ўтказилди. Иккита лотнинг умумий бошланғич қиймати 690 миллион сўмни ташкил этган.

Иккала танловда ҳам «FURNITURE WOOD MEBEL» МЧЖ ғолиб, «344-SON XO‘JALIKLARARO KO‘CHMA MEXANIZATSIYALASHGAN SAFI» МЧЖ эса заҳира ғолиби деб топилган.

Мазкур икки субъект ўртасида боғлиқлик эҳтимоли мавжуд. Хусусан, «FURNITURE WOOD MEBEL» МЧЖ муассиси «JUST MOMENT BUILDING» МЧЖ (яна бир номи — «DELICIOUS FRUIT EXPORTS» МЧЖ) Андижон шаҳри, Пахтакор маҳалласи, Чинобод кўчаси, 59-уйда фаолият юритади.

Қизиғи шундаки, «344-SON XO‘JALIKLARARO KO‘CHMA MEXANIZATSIYALASHGAN SAFI» МЧЖнинг ягона таъсисчиси — Кимсанов Машхурбек Абдумаликовичга тегишли «ANDSAN-MARMAR» МЧЖ ҳам айнан шу манзилда жойлашган.

@revizor_uzb

18.04.202517:06

АТ «Халқ банки»га қарашли «Халқ Суғурта» АЖ суғурта компанияси 929,5 млн сўмга бир дона «Lixiang Li 9 ULTRA» (қора) транспорт воситасини харид қилган.

@revizor_uzb

18.04.202510:51

Жорий йилнинг март–апрель ойлари давомида АТ «Алоқабанк» томонидан умумий қиймати қарийб 6,5 миллиард сўмга тенг бўлган 17 та автотранспорт воситаси харид қилинди.

Харид қилинган автомобиллар орасида «TAHOE» — 1,1 млрд сўмлик, «Traverse» — 657,7 млн сўмлик, «Equinox», «Malibu-2» ва шу каби «мамлакатимизда ишлаб чиқарилган» бошқа моделлардаги автомобиллар мавжуд.

«Олса, олибди-да, шунга нима қипти», дейишингиз мумкин. Аммо расмий маълумотларга кўра, банкнинг жами солиқ қарзи 60 миллиард сўмдан ортиқ. Бу — автотранспорт воситалари хариди учун сарфланган суммадан деярли ўн баробар кўп, десак ҳам бўлади.

Бундан ташқари, банкнинг Мажбурий ижро бюроси органларидаги қарздорлиги ярим млрд сўмдан зиёдни ташкил қилади.

@revizor_uzb

16.04.202518:33

«Алоқабанк»нинг йирик танловида «тайёр ғолиб» учун муддат узайтирилганми?

АТ «Алоқабанк» ва «Zoomrad» мобил тўлов тизими маҳсулотларини 2025 йил давомида онлайн платформаларда реклама қилиш бўйича бошланғич қиймати 8 млрд сўмлик танлов эълон қилинган. Танловнинг бошланиш муддати 2025 йил 17 март этиб белгиланган.

25 март куни муддат 4 кунга узайтирилган, муддат узайтирилиши билан боғлиқ ҳужжат — «пустой». Ушбу ўзгариш бўлажак ғолибнинг ҳали ОАВ сифатида рўйхатдан ўтишга улгурмагани билан боғлиқ бўлиши эҳтимолдан холи эмас.

15 апрель куни шакллантирилган баённомага кўра, танловда «GRAY MATTER» МЧЖ, «WEBMEDIA INFORMATION» МЧЖ ва «MEDIA LOYIHALAR» МЧЖ иштирок этган.

Танлов балл бериш усули орқали, «энг яхши таклиф» мезони асосида баҳоланган. Натижада энг паст нарх — 7,7 млрд сўм таклиф қилган «GRAY MATTER» МЧЖ ғолиб деб топилган. «WEBMEDIA INFORMATION» МЧЖ эса заҳира ғолиби сифатида қайд этилган.

Танловнинг асосий талаблардан бири — иштирокчи корхоналар ОАВ сифатида давлат рўйхатидан ўтган бўлиши зарур эканлиги бўлган.

«GRAY MATTER» МЧЖ эса ОАВ сифатида давлат рўйхатидан ўтганлиги ҳақидаги ҳужжатни 28 март куни, яъни муддат узайтирилганидан сўнг қўлга киритган.

ОАВ сифатида рўйхатдан ўтказилган номи — graymatter.uz бўлиб, ушбу сайт март ойининг бошидан фаолият юритиб келмоқда.

Шунингдек, танлов шартларига кўра, иштирокчилар аввал амалга оширган ўхшаш ишлар ҳақида маълумот тақдим этиши керак эди. Лекин таклифлар ёпиқ шаклда берилгани боис, ташкил топганига бир йил ҳам бўлмаган «GRAY MATTER» МЧЖ бунгача шу каби ишларни қилган-қилмагани борасида бирор аниқ хулоса чиқаришнинг иложи йўқ.

Қолаверса, очиқ манбаларда ҳам бу компаниянинг илгари шундай турдаги ишларга алоқадор бўлгани ҳақида ҳеч қандай маълумот топилмади.

@revizor_uzb

15.04.202509:24

Учқудуқ тумани Ободонлаштириш бошқармаси томонидан кўчаларга видеокузатув мосламаларини харид қилиш ва ўрнатиш бўйича бошланғич қиймати 532,9 миллион сўм бўлган танлов эълон қилинди.

Танловда энг паст нарх — 532,5 миллион сўм таклиф қилган ва юқори баллни қўлга киритган «EXPRESS999GOLD» МЧЖ ғолиб деб топилди. Иккинчи иштирокчи — «SMART SELLING 007» МЧЖ эса заҳира ғолиби сифатида қайд этилди.

Заҳира ғолиби «SMART SELLING 007» МЧЖ Навоий вилояти, Учқудуқ шаҳри, Навоий МФЙ, Халқлар дўстлиги кўчаси, 609-уйда фаолият юритади. Қизиғи шундаки, айнан шу манзилда «EXPRESS999GOLD» МЧЖнинг ягона таъсисчисига тегишли «SHAXRIBONU OTABEK TRADE 777» МЧЖ ҳам жойлашган.

@revizor_uzb

09.04.202513:29

«Ўзбекнефтгаз» АЖ томонидан «MAN TGS 26.400» русумли автотранспорт воситаси учун эҳтиёт қисмлар харид қилиш бўйича бошланғич қиймати 405,6 миллион сўм бўлган танлов ўтказилди.

Танлов натижасига кўра, энг паст нарх — 384,5 миллион сўм таклиф қилган «AVTO SERVICE OFFICE» МЧЖ ғолиб деб топилди. Иккинчи иштирокчи — «BUILDING EQUIPMENT» МЧЖ эса заҳира ғолиби сифатида қайд этилди.

«BUILDING EQUIPMENT» МЧЖ Тошкент вилояти, Зангиота тумани, Назарбек шаҳарчаси, Ҳаракат маҳалласи, Абу Райҳон Беруний кўчаси, 90-уйда жойлашган.

Шу манзилда, шунингдек, «AVTO SERVICE OFFICE» МЧЖ раҳбар ва таъсисчиларига тегишли бўлган «PROAVTOMARKET» МЧЖ, «SPARKLIGHTING» МЧЖ ва «AVTO-SERVIS-EHTIYOT-QISM» МЧЖ каби бошқа корхоналар ҳам фаолият юритади.

Бундан ташқари, «BUILDING EQUIPMENT» МЧЖнинг электрон почта манзили azimov-sanjar7788@mail.ru деб кўрсатилган. Эътиборлиси, Азимов Санжар Саидович «AVTO SERVICE OFFICE» МЧЖнинг 93,2 фоиз улушига эгалик қилади.

@revizor_uzb

02.04.202506:37

Термиз давлат муҳандислик ва агротехнологиялар университети академик лицейи ўқувчиларни иссиқ овқат билан таъминлаш бўйича бошланғич қиймати 640 млн 750 минг сўмлик танлов ўтказди.

Танловда энг паст нарх — 637 млн 280 минг сўм таклиф қилган «NURIYMONA-PORLOQ-KELAJAK» МЧЖ ғолиб деб топилди. Иккинчи иштирокчи «TERMIZ GREEN FOOD» МЧЖ эса заҳира ғолиби сифатида қайд этилди.

Ўрганишлар шуни кўрсатмоқдаки, танлов ғолиби ва заҳира ғолиби бир хил манзилда — Сурхондарё вилояти, Термиз шаҳри, Боғишамол маҳалласи, И.Каримов кўчаси, 201-уй, 35-хонадонда фаолият юритади.

@revizor_uzb

29.03.202516:42

Ўзбекистон Республикаси Бош прокуратураси 1,1 млрд сўмга бир дона «Chevrolet Tahoe-2 RST» автомобилини харид қилмоқда.

@revizor_uzb

28.03.202507:15

«Орол Артемия Саноат» давлат муассасаси Орол денгизи қирғоғидан йиғиб олинаётган артемия цистасини хом ашё сифатида қайта ишлаш, махсус ҳавзаларда ювиш ва центрифугаларда сиқиб, тайёр маҳсулотларни 40 кглик қопларга жойлаш хизмати бўйича бошланғич қиймати 900 млн сўмлик танлов эълон қилган.

Танлов натижаларига кўра, 840 млн сўм таклиф этган «MUYNOQ URDAKCHILIK» МЧЖ ғолиб деб топилди. Иккинчи иштирокчи – «JASMINE GOLD GROUP» МЧЖ эса заҳира ғолиби сифатида танланди.

Бироқ танлов ғолиби ва заҳира ғолиби ўртасидаги эҳтимолий боғлиқлик кўзга ташланмоқда. Хусусан, икки компания бир хил манзил – Қорақалпоғистон Республикаси, Мўйноқ тумани, Дўстлик МФЙ, Бердах кўчаси, 49-уйда фаолият юритади.

Бундан ташқари, айрим манбаларга кўра, иштирокчи компанияларнинг боғланиш учун кўрсатилган телефон рақамлари ва электрон манзиллари ҳам бир хил экани қайд этилган.

@revizor_uzb

24.03.202518:00

«Тадбиркорликни ривожлантириш компанияси» АЖ ҳузуридаги медиа студия дизайнини ишлаб чиқиш, монтаж қилиш ва жиҳозлаш бўйича бошланғич қиймати 313,6 млн сўмлик танлов ўтказилди.

Танловда «PROFI INESTMENT» МЧЖ ва «ALL ENGINEERING SYSTEMS GROUP» МЧЖ бир хил нарх — 313,6 млн сўм таклиф қилган.

Натижада, «PROFI INESTMENT» ғолиб деб топилган, «ALL ENGINEERING SYSTEMS GROUP» эса заҳира ғолиби сифатида белгиланган.

Учинчи иштирокчи «BABY-MEDIA» МЧЖ нарх таклифини билдирмаган ва танловдан ҳам «ўта олмаган».

Танлов ғолиби ва заҳира ғолиби ўртасида ўзаро боғлиқлик мавжуд бўлиши мумкин.

Хусусан, «PROFI INESTMENT» МЧЖнинг раҳбари Хайитмуратов Шахзод Қосимжон ўғли «POWERFUL TECHNOLOGY» МЧЖнинг 100 фоиз улушига эгалик қилади.

«POWERFUL TECHNOLOGY» МЧЖнинг раҳбари Мирзакаримов Аббос Мирвали ўғли эса заҳира ғолиби «ALL ENGINEERING SYSTEMS GROUP» МЧЖнинг ҳам раҳбари ва ягона таъсисчиси ҳисобланади.

(registr.stat.uz сайтидаги техник носозлик сабабли маълумот олиш имкони бўлмади)

@revizor_uzb

24.03.202516:45

«Жиззах бош насос станцияси бошқармаси» давлат муассасаси насосларни жорий таъмирлаш учун икки танлов (лот: 25110012419350 ва лот: 25110012419469) ўтказди.

Ҳар иккала танловда ҳам «NASOSSERVIS» ХК ғолиб сифатида танланиб, «BET» МЧЖ эса заҳира ғолиби деб белгиланган.

Ушбу икки компанияни айни бир манзил боғлайди, яъни уларнинг иккаласи ҳам Тошкент шаҳри, Бектемир тумани, Х. Бойқаро кўчаси, 13-уйда жойлашган.

@revizor_uzb

24.03.202511:14

Муҳаммад ал-Хоразмий номидаги Тошкент технологиялари университетининг профессор-ўқитувчилари томонидан 2023–2024 йилларда тайёрланган ўқув адабиётларини чоп этиш учун бошланғич қиймати 708,4 млн сўмлик танлов ўтказилди.

Танлов натижаларига кўра, «INNOVATSIYA-ZIYO» МЧЖ 700,0 млн сўм нарх таклифи билан танлов ғолиби деб топилган. Иккинчи иштирокчи «ILIM-NUR» МЧЖ эса заҳира ғолиби сифатида қайд этилган.

Ўрганишлар давомида «INNOVATSIYA-ZIYO» МЧЖ ва «ILIM-NUR» МЧЖ ўртасида эҳтимолий боғлиқлик мавжудлиги маълум бўлди.

Хусусан, «ILIM-NUR» МЧЖ Нукус шаҳри, Гузар маҳалласи, А. Досназаров кўчаси, 11-Б уйда фаолият юритади. Шу манзилда, шунингдек, «ILMIY VA O‘QUV ADABIYOTLAR NASHRIYOTI» МЧЖ ҳам жойлашган. Мазкур компания Халсаидов Фарход Бакировичга тегишли бўлиб, у танлов ғолиби —«INNOVATSIYA-ZIYO» МЧЖнинг ҳам раҳбари ва ягона таъсисчиси ҳисобланади.

@revizor_uzb

24.03.202506:18

Газчилар учун янги машина, аҳоли учун эса янги тарифлар…

«Ҳудудгазтаъминот» АЖ хизмат транспорти сифатида фойдаланиш учун 654,5 миллион сўм эвазига «CHEVROLET TRAVERSE» автомашинасини харид қилмоқда.

Маълумот учун: 2025 йил 1 апрелдан бошлаб газ учун янги тарифлар жорий этилади. Яъни, аҳоли 1 куб метр табиий газ учун 1000 сўм тўлайди, агар газ ҳисоблагич бўлмаса, овқат тайёрлаш ва сув иситиш мақсадида 1800 сўмдан ҳисобланади. Шунингдек, 1 килограмм суюлтирилган газ нархи 2000 сўм (ҳозирда 1600 сўм) этиб белгиланган.

@revizor_uzb

24.03.202505:41

Тафаккур журнали учун қимматбаҳо машина

Республика Маънавият ва маърифат маркази тасарруфидаги «TAFAKKUR» давлат муассаси хизмат автотранспорти сифатида фойдаланиш учун 409,7 млн сўмга бир дона «BYD SONG PLUS EV Champion» электромобил харид қилди.

@revizor_uzb

20.03.202508:26

Қашқадарё вилояти ҳокимлиги ҳам хизмат транспорти сифатида фойдаланиш учун 657,7 миллион сўмга бир дона «CHEVROLET TRAVERSE» автомашинасини харид қилмоқда.

@revizor_uzb

Бардык посттор