وێرانە

هەی شەمی شەوان هەی شەمی شەوان
ھەی شەمی بەشەوق چل چرای شەوان

ھەی ژیانی من ھەی ڕۆحی ڕەوان
ھەی گلێنەیی دیدەی بێ‌خەوان

هەی ئاسکی سەرکەل لە سێبەر سڵ کەر
هەی هەوای سازی کوێستانان لە سەر

ھەی عەنبەرین خاڵ سۆسەنی کڵاف
ھەی ڕووناکایی ڕەشماڵانی جاف

ھەی من پەروانەی پەڕ سوتاوی تۆ
ھەی من گیرۆدەی زوڵفی خاوی تۆ

تۆ جارێ نایەی بۆ سەر وەختی من
گوێ نادەی بە ئاە، زامی سەختی من

ناپرسیت ئاخۆ من بۆ تۆ چۆنم
بێ‌باکی لە تین قرچەی دەروونم

ھەوای کوێستانت وا بۆ بووەوە
حەیفت کرد منت لەبیر چووەوە

بێ مروەتیت کرد ھەی شەم دەربارەم
من بۆ تۆ قەیسی سیا ستارەم

وادەی من و تۆ دیوانی خوا بێ
مەگەر ئەو ڕۆژە دادم ڕەوا بێ

(شەم)ی ڕوومەت شەم تۆ بە سەلامەت
سکاڵای دڵم کەوتە قیامەت

--وەلی دێوانە «وەرگێڕانی ڕازی»

موفتی پێنجوێنی

جێژنەش ڕۆی خوڵقت نەکردم

ئاوات "سەید کامیل ئیمام زەنبیلی"

قەت نازانیت چەند ئازیزیت!
ئەگەر باخ و بێستانێک بای،
هەموو ڕۆژێ،
پێش ئەوەی خۆر ئاسۆ هەڵکا و نێڵی بدات،
زوو ڕادەبووم،
باڵم دەگرت، دەهاتمە لات.
بەشێنەیی
بست بە بستی خاکەکەتم بیراز دەکرد،
بڕكە بڕکە،
گەڵا گەڵا،
ساتەکانتم پڕ لە تیشک و ئاواز دەکرد.
ـ ـ ـ
قەت نازانیت چەند ئازیزیت!
هەر من دەریا و تۆش گردێک بای لە قەراخم،
لەشکرێکم لە نەرمەپێل تەیار دەکرد،
لەتێک هەوری بەربام دەکرد بە بەیداخم،
لە گشت لاوە
غافڵگیرم دەکردیت و
وەک دووڕگەی خۆم بە دنیادا جاڕم دەدای!
هەموو شەوان،
بە ڕێژنەیەک ڕەشەڕێحان،
پێڵووی چاوم لە یەک دەنای.
سبەینانیش
گزنگڕشێنم دەکردی،
لە شنەبای ئاوریشمینم هەڵدەکێشای!
قەت نازانیت چەند ئازیزیت!

هاوار "عەلی حەسەنیانی"

بە چاوی تۆ، منیش چاوم پڕ گریانە

لە ناو دەریای یادەکانی تۆ
من مەلەی ئازاری عەشقی تۆ ئەکەم

شپرزە «نافیع مەزهەر»

دە پێم بڵێ تۆ چۆن عاشقی کەسێ ئەبیت کە نەیناسی
چۆن سەرنجت بە ڕوخساری نامۆییما هەڵئەواسی
لە دوورەوە کوورەی هەستت شوعلەیەکی بەتین ئەدا
بە چاوی من عاشق مەبە، کەم لەدەرگای ئەوین ئەدا
من هۆگری عەشقت نابم ، چونکە دڵم ماڵی ژانە
لەسەرمایەی خۆشەویستی تەنیا بەشم دابڕانە
دە تۆش بڕۆ بۆ لای کەسێک کە بیر لەخەم نەکاتەوە
دنیا بارکا باکی نەبێت، ئاوڕ لەکەس نەداتەوە
من ناتوانم لەم شارەدا لووتکەی تەلار بەرمە ئاسمان
خۆشەویستیی ئەمڕۆ بۆتە فڕین بەرەو چاوگی سامان
منیش خوانی عەشقێکی تر بۆ هیچ کەسێک ناکەمەوە
ئیی‌تر دڵی هیچ ڕێبوارێک بۆ ماڵی دڵ نابەمەوە
ـ ـ ـ ـ ـ ـ ـ ـ ـ ـ ـ ـ ـ ـ ـ
ئەحمەد مەحەممەد

مامۆستا جەلال مەلەکشا