#life
Har doim ham biz xohlaganday boʻlavermaydi, ayniqsa, bolalar bilan. Har doim ideal muhit yaratish ham qiyin.
Oxirgi haftada Oynur koʻp multfilm, yoqimsiz shortslar tomosha qiladigan boʻlib qoldi. Hatto bir necha marta ovqatlanayotganda ham telefon tomosha qilib ovqatlandi, bogʻchaga borayotganimizda telefon koʻrib ketdi borguncha.
Xatoligini bilib tursam ham, oʻzim ham shamollab turganim uchunmi, chalgʻitishga kuch topolmagan, indamay telefonni qoʻliga berib qoʻygan paytlarim boʻldi.😔
Tuzalib olishim bilan vaziyatdan chiqishga harakatni boshladim. Oynurning xarakterida, oʻzini tutishida juda katta oʻzgarishlar boʻlib ketdi birdan. Kuchli agressiya paydo boʻlib qoldi, uyqusi yomonlashdi, ishtahasi yoʻqoldi. Va bularning barchasini mana shu telefondan koʻrdim.
Avvaliga baribir ham You Tube koʻrar ekan, foydali kontent bera qolay degan fikrda edim, 4-5 ta yaxshi shortsdan keyin yana bachkana-yu betayinlari chiqib kelaverdi. Qizgʻandim qizchamni. Va hozirgi yoshida telefondan butunlay voz kechgan toʻgʻri degan qarorga keldim.👎
❤️Endi Oynurni telefondan ajratib olish uchun nimadir yangi narsa taklif qilishim kerak edi. Men bu narsani topdim. Akvarel boʻyoqlari oldik, natija men kutgandan ham yaxshi boʻldi. Hatto bittada juda koʻp rasm boʻyaganidan qoʻlchasi ogʻrib qoldi.😅 Kitoblarga ham qaytdik📖.
Qizcham katta boʻlyapti va unga kun sayin yangi mashgʻulotlar taklif qila boshlashim kerak endi. Begʻubor dunyochasini faqat yaxshi narsalar bilan toʻldirgim keladi.
📎Oxirgi bir haftadagi vaziyatimdan kelib chiqib aytaman, ota-onalar, iltimos, farzandingizga telefon bermang. Xotirasini, fikrlash dunyosini xarobaga aylantirmang. Farzandingizni telefonga mixlab qoʻyish uchun juda koʻp odamlar ishlagan, katta mehnat qilgan. Siz ularga qarshi tura oling, bolangizni, uning ongini bu frontdan omon olib chiqing.
@biyron_cha
