Prezident Shavkat Mirziyoyev mudofaa sanoatining ilg‘or ishlanmalari bilan tanishdi hamda Xavfsizlik kengashi yig‘ilishini o‘tkazdi
Yig‘ilishda Qurolli kuchlar Oliy Bosh Qo‘mondoni Shavkat Mirziyoyev tomonidan milliy armiyamiz zamonaviy qurol-yarog‘ va texnika bilan taʼminlanayotgani, harbiy xizmatchilarning jangovar va maʼnaviy tayyorgarligi sezilarli darajada oshgani, armiyani modernizatsiya qilish va zamonaviy qurollantirishning yangi tizimi – mudofaa sanoati yana-da rivojlantirilgani, qo‘shimcha korxonalar tashkil qilingani qayd etildi.
Aytish kerakki, o‘tgan 7 yil davomida mamlakatimizda ichki va tashqi xatarlarning oldini olish va bartaraf etish bo‘yicha yangi jangovar bo‘linmalar tuzildi, qo‘shinlar tarkibi optimallashtirildi, harbiy mutaxassislar tayyorlash tizimi tubdan takomillashtirilib, bugungi kun talablariga moslashtirildi.
Zamonaviy dunyoda harbiy sohaga ham 🛸sunʼiy intellekt va robotlashgan qurilmalarning kirib kelishi mudofaa sanoati va harbiy texnikalarni modernizatsiya qilishni taqazo etadi. Yig‘ilishda ushbu yo‘nalishlarda ham muhim topshiriqlar berildi.
Shu bilan birga, armiyaning ustuni bo‘lgan “Bosh serjantlar korpusi” faoliyatini takomillashtirish, yoshlarni vatanparvarlik ruhida tarbiyalash, harbiy xizmatchilar va oila aʼzolarini ijtimoiy qo‘llab-quvvatlash, mudofaa sanoatini yana-da rivojlantirish bo‘yicha muhim vazifalar belgilandi.
Harbiy xavfsizlik va davlat mudofaasini mustahkamlash masalalari bo‘yicha islohotlar
- milliy armiyamiz zamonaviy qurol-yarog‘ va texnika bilan taʼminlanayotgani, harbiy xizmatchilarning jangovar va maʼnaviy tayyorgarligi sezilarli darajada oshdi;
- ichki va tashqi xatarlarning oldini olish va bartaraf etish bo‘yicha yangi jangovar bo‘linmalar tuzildi;
- qo‘shinlar tarkibi optimallashtirildi;
- armiyani modernizatsiya qilish va zamonaviy qurollantirish bo‘yicha yangi tizim – mudofaa sanoati yana-da rivojlantirildi;
- Qurolli Kuchlarimiz tomonidan 20 dan ortiq mamlakat bilan ikki tomonlama harbiy hamkorlik yo‘lga qo‘yildi;
- 400 dan ortiq qo‘shma mashg‘ulotlarda yuqori ko‘rsatkichlarga erishildi;
- Qurolli Kuchlar tarkibidagi harbiy oliygohlarning infratuzilmasi to‘liq modernizatsiya qilindi;
- Harbiylarning oila aʼzolarini ijtimoiy-huquqiy himoya qilish tizimi kuchaytirildi.
- 30 mingga yaqin oila uy-joy bilan taʼminlandi;
- 2024 yil 2 mingdan ortiq harbiy xizmatchilarning farzandlariga oliy taʼlim muassasalariga o‘qishga kirish uchun imtiyozlar berildi
