​

Telegram से लॉगिन करें

Whale Chanel

देखना

Proxy MTProto

देखना

Proxy MTProto | پروکسی

देखना

Airdrop Fam

देखना

Airdrop Finder

देखना

Dealdost

देखना

Whale Chanel

देखना

Proxy MTProto

देखना

Proxy MTProto | پروکسی

देखना

خبرفوری

देखना

آهنگیفای

देखना

حامیان پزشکیان

देखना

Airdrop Fam

देखना

Airdrop Finder

देखना

Dealdost

देखना

Whale Chanel

देखना

Proxy MTProto

देखना

Proxy MTProto | پروکسی

देखना

خبرفوری

देखना

آهنگیفای

देखना

حامیان پزشکیان

देखना

Airdrop Fam

देखना

Airdrop Finder

देखना

Dealdost

देखना

Open reading 🕊⃤

Open reading 🕊⃤

@Open_reading1

​

​

फ़िल्टर

फ़िल्टर

पहले नवीनतम

20.04.202517:27

እግዚአብሔር ታላቅ ነው!
ከ24 ዓመታት በፊት ተጋቡ፤
ከ14 ዓመታት በፊት ተፋቱ፤

ዛሬ ትንሳኤ ነው፤ ዛሬ ፋሲካ ነው።
በአራት ልጆቻቸው አርቲስት ገነት ንጋቱ እና ረዳት ፕሮፌሰር ሙሉጌታ ጀዋሬ  ዳግም ተሞሸሩ ፤ ዳግም ተጣመሩ...

ከፈንታሌ እስከ ኤርታአሌ ፕሮጀክት አንዱ
በሰቃ ሀይቅ ተንተርሶ በተሰራው ቬኑና ሪዞርት 18 ቤተሰቦች ብቻ በተገኙበት ተጣምረዋል።

እሰይ!
ደስ ይላል።

በነገራችን ላይ ...
ይህንን ቅዱስ ተግባር የፈጸሙት፤ ስማቸው እንዲጠቀስ ያልፈቀዱት ሰው  የረገጡት መሬት አይክዳዎት።

ይህንን ትዕይንት እየተመለከትን፤ ( በዕንባ እና ሳቅ) እየታጀብን መርቀንዎታል። ...  ቀሪውን  ልብ ይመርቅ!

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

7100

17.04.202506:27

_እሷ የነፍስ ምግብ ጸዳሌ ናት። ምንም ብሆን፤ ምንም ባጣ የማይደንቀኝ ልበ ደንዳና እንደሆንኩ ያለፍኩበት ጨለማ ይመሰክራል፤ እሷ ብቻ ከእኔ ጋ ትሁንልኝ እንጂ።

___ እሷ ከቀደመችብኝ ያን ዕለት ነው ኩራባቸው መንፈሱ የሚታወከው፤ እሷ ካለችማ ኩራባቸው ልቡ ላይ ሐሴት እንደተመላለሰ የተሰፈረለትን ዘመን ይጨርሳል!

እሷ የልቤ ብርሃን ናት፡፡ ግፍን እቋቋም ዘንድ የተቸረችኝ ጫንቃዬ ናት፤ በንፅሕና ከእውነት ጋ እንድቆም፤ አቋሜ እንዳይሸረሸር፤  መንገዴን፣ አቋሜን በፍቅር ˚ ከመንገዴ እንዳልሰናከል በትልቁ አቅም ሆናኛለች፡፡

በጠላት፣ _ በአሰናካይ፣ _በቀለብተኛ _ ተከብቤ እንዳላፈገፍግ የምታበረታኝ የደስታዬ ፍላጽ መዓዙን የዓላማዬን ያህል ነው የምወዳት..........

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

23205

07.04.202507:07

ሁለት ሰዎች ተዋደዱና ምን ይጠበስ? ተፋቅሮ ፈተናን ያለፈ ሰው ብርቃችሁ ነው እንዴ ምናምን ለሚሉ ሰዎች አዎን ብርቃችን ነው።

ትናንት በሞላላቸው ጊዜ ተዋደድን ያሉን ሰዎች በትንሹ ፈተና መቻቻላቸውን አጥው ተጣላን ሲሉ ለምንሰማ ሰዎች ብርቃችን ነው።

የሚወዱትን ሰው ህይወት እንደቀልድ ሲያጠፉ ለምናይና እከሌኮ ሚስቱን ገ*ላት ሲባል ለምንሰማ ሰዎች ተፈትኖ ያለፈ ፍቅርን ማየት ብርቃችን ነው።

ልጅ ያፈሩበትን ትዳር ለማፍረስ ደግመውንኳን የሚያስቡበትን ጊዜ ያጡ ብዙ ሰዎችን ለምንመለከት ሰዎች የምር ብርቃችን ነው።

በአደባባይ ዘለፋና ጥላቻን ሲሰበክ ለምንሰማ ሰዎች አንድ ባል ለሚስቱ ያለውን ክብር እና አድናቆት አንዲት ሚስት ለባሏ ያላትን ፅኑ ፍቅር በአደባባይ ስትገልፅ ማየት ብርቃችን ነው።

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

561117

04.04.202509:00

"ጦርነቱ ሲያልቅ እንጋባለን፣ ምድርም እንዳንቺ ውብ አበባዎችን ታበቅላለች፣ ማህፀንሽም በአጽናፈ ዓለም ውስጥ እጅግ ቆንጆ የሆነች ሴት ልጅን ይሸከማል።"

ይህ ደብዳቤ በ1939 በተካሄደው ሁለተኛ የዓለም ጦርነት ከሞቱ ወታደሮች መካከል በአንዱ ኪስ ውስጥ የተገኘ ነው።

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

3600

01.04.202507:05

በጣም ዘግናኝ ነገር ማለት አንድ ቤተሰብ ውስጥ አባት ሲሞት ሐዘኑ ሳያንስ "አባቴ አባቴ"  እያለ መቸና የት እንደተወለደ የማይታወቅ ግድንግድ ልጅ ከች ማለቱ....!

ያኔ ሚስቶችን አለማየት ነው..!  አስከሬኑንን ሁሉ በጀበና ቢፈነክቱት ደስታቸው) ብዙ ወንዶች ድብቅ ናቸው!

በኋላ ነው ጣጣቸው እየተጎተተ የሚመጣው...!

እና ሰውየው ጨዋ ነበሩኮ....
(ሰባት ዓመት ተጠናንተው ሁሉ የታጋቡ)

በሠፈሩ "ትዳርማ እንደሳቸው" የተባለላቸው...

የሁለት ልጆች አባት! ከሥራ ቤት ከቤት ሥራ

"ምነው ልጅ ጨመር ብታደርጉ ሀብት አላነሳችሁ"

ሲባሉ

"ምንድነው ልጅ ማብዛት ያሉትን በወጉ ማሳደግ ነው ዋናው " የሚሉ!

እና ድንገት ሞቱ ...

ልክ የቀብሩ ቀን ሶስት እግዜር ዲኤንኤ ውጤታቸውን በመልካቸው የፃፈባቸው ፣ ቁርጥ ሟቹን የመሰሉ ጠረንገሎ ጎረምሶች አባቴ አባቴ እያሉ ተግተልትለው አልመጡም...!?

ሚስትም ልጆችም ሐዘኑን እረስተው በድንጋጤ ታዛቢ ሆኑ

"ይሄ ሁሉ ልጅ" እያሉ...

ወዲያው አስከሬን ሊወጣ ሲል አዲሶቹ ልጆች

"አሁን አይቀበርም አህህህህ" ብለው  እያለቀሱ እየተናፈጡ ምናምን ከለከሉ ..!

ለምን ይባላሉ...

"አራት እህቶቻችን ከኋላ እየመጡ ነው እንጠብቃቸው"

(በአሌክስ አብረሃም)
ከእንማር የተወሰደ...

249013

18.02.202507:24

አፍህን ዝጋ ከማለት... (አሌክስ አብርሃም)

አዞ ከምድራችን እንስሳት ሁሉ እጅግ ሀይለኛ የመንከስ አቅም ያለው ፍጥረት ነው። ለምሳሌ የሰው ልጅ በመጨረሻ አቅሙ ቢናከስ 162 PSI ( pounds per square inch) የመንከስ ሀይል አለው።  አንበሳ ፣ ጅብ ወዘተ 1000 pSI!  ይታያችሁ. በዚህ ንክሻ ነው አጥንት የሚሰባብሩት፣ እንስሳትን የሚገነጣጥሉት!  አጅሬው አዞ በአንዴ የሚያሳርፍባችሁ ሀይል 5000 Psi ይደርሳል።  የአንበሳን 5 እጥፍ ማለት ነው!

የሚገርመው ታዲያ አዞ ንክሻው እንዲህ ሀይለኛ ቢሆንም የመንጋጋ ጡንቻው  ደካማ ስለሆነ አፉን እንዳይከፍት ሰው በእጁ አፍኖ ሊይዘው ወይም በተልካሻ ክር ሊያስረው ይችላል። አንዴ አፉን እንደምንም  ከከፈተ ግን የተጠጋውን ሰው ይሁን እንስሳ እንጨት ይሁን ድንጋይ ብትንትኑን ነው የሚያወጣው። በሌላ አባባል አዞ አፉን እንዳይከፍት ማድረግ በጣም ቀላልና ትንሽ አቅም የሚጠይቅ ሲሆን፣ ከከፈተ በኋላ ማዘጋት ግን ህይወትን ጭምር ሊያስከፍል ይችላል።

ምን ለማለት ነው?  ለራሳችንም ቢሆን አንዴ የከፈትነውን አፍ ለመዝጋት ከመታገል ይልቅ መጀመሪያውኑ አለመክፈት ቀላሉ መንገድ ነው። አፍ ካለነገሩ  ከተከፈተ የሌሎችንም የራሳችንንም  አጥንትና ሕይወት ካልሰባበረ በቀላሉ አይዘጋም። እንግዲህ ታዘቡ፣ በየሶሻል ሚዲያው በየመድረኩ ጨዋ የሚባሉ፣ የፖለቲካ ፣ የእምነት ወዘተ  ሰወች አንዴ አፋቸውን መተሳሳተ መንገድ ከከፈቱ ስንቱን የሞራል አጥንት እንደሚሰባብሩት። ከከፈቱት በሰላም አይዘጋም። ራሳቸውንም ሌላውንም በልቶና አባልቶ፣ ደቀው እና አድቅቀው ወይ እንደከፈቱት ያልፋሉ አልያም ክፍታፍነትን መሳሪያቸው፣ ማስፈራሪያና መኖሪያቸው አድርገውት ይቀጥላሉ።

▬▬  ▬▬▬  ▬▬▬  ▬▬▬  ▬▬▬
-  @open_reading1
-  @open_reading1

7414

20.04.202517:15

በሕይወት

ትልቁ መሰናክል— ፍርሃት

አስቀያሚው ስሜት— ጥላቻ

ትልቁ ስህተት— ተስፋ መቁረጥ

ምርጡ ስጦታ— ይቅርታ

ትልቁ ጥንካሬ— እምነት

በጣም ቆንጆው ነገር— ፍቅር

@open_reading1
@open_reading1

7704

16.04.202515:45

ዛሬውኑ ጀምረው!!!

1. ቤት እንዲኖርህ ከፈለግክ፣ መሬት በመግዛት ትጀምራለህ።

2. ኢምፓየር እንዲኖርህ ከፈለግክ፣ ንግድህን በማሳደግ ትጀምራለህ።

3. ጥሩ የሰውነት ቅርጽ እንዲኖርህ ከፈለግክ፣ ጤናማ ምግብ በመመገብ ትጀምራለህ።

4. ጥበበኛ መሆን ከፈለግክ፣ መጻሕፍትን በማንበብ ትጀምራለህ።

5. ዓለምን መዞር ከፈለግክ፣ ገንዘብ በመቆጠብ ትጀምራለህ።

6. ደስተኛ መሆን ከፈለግክ፣ አመስጋኝ በመሆን ትጀምራለህ።

7. ሀብታም መሆን ከፈለግክ፣ ገንዘብህን በአግባቡ በማስተዳደር ትጀምራለህ።

8. ጥሩ መሪ መሆን ከፈለግክ፣ መጀመሪያ ራስህን በመምራት ትጀምራለህ።

9. ጥሩ ወላጅ መሆን ከፈለግክ፣ ጥሩ አርአያ በመሆን ትጀምራለህ።

10. ስኬታማ መሆን ከፈለግክ፣ ትናንሽ እርምጃዎችን በመውሰድ ትጀምራለህ።

11. በራስ መተማመን እንዲኖርህ ከፈለግክ፣ በራስህ በማመን ትጀምራለህ።

12. አዲስ ክህሎት መማር ከፈለግክ፣ በየቀኑ በመለማመድ ትጀምራለህ።

13. ፈጠራ ያለው ሰው መሆን ከፈለግክ፣ አዳዲስ ነገሮችን በመሞከር ትጀምራለህ።

14. ክብር እንዲኖርህ ከፈለግክ፣ ሌሎችን በማክበር ትጀምራለህ።

15. ጠንካራ ግንኙነቶችን መገንባት ከፈለግክ፣ ታማኝ በመሆን ትጀምራለህ።

16. ዓላማዎችህን ማሳካት ከፈለግክ፣ በግልጽ በማስቀመጥ ትጀምራለህ።

17. ሥርዓታማ መሆን ከፈለግክ፣ ቦታህን በማደራጀት ትጀምራለህ።

18. ነጻ መሆን ከፈለግክ፣ ፍርሃቶችህን በመተው ትጀምራለህ።

19. ለውጥ ማምጣት ከፈለግክ፣ መጀመሪያ ራስህን በመለወጥ ትጀምራለህ።

20. ማራቶን መሮጥ ከፈለግክ፣ በየቀኑ በእግር በመጓዝ ትጀምራለህ።

21. ንግድ መጀመር ከፈለግክ፣ ፍላጎትን በመለየት ትጀምራለህ።

22. ሌሎችን መርዳት ከፈለግክ፣ መጀመሪያ ራስህን በመርዳት ትጀምራለህ።

23. ቋንቋ መማር ከፈለግክ፣ በየቀኑ በመለማመድ ትጀምራለህ።

24. ፍሬያማ መሆን ከፈለግክ፣ ጊዜህን በጥበብ በማስተዳደር ትጀምራለህ።

25. እውቀት ማግኘት ከፈለግክ፣ ጥያቄዎችን በመጠየቅ ትጀምራለህ።

26. ጤናማ መሆን ከፈለግክ፣ አዘውትረህ የአካል ብቃት እንቅስቃሴ በማድረግ ትጀምራለህ።
27. ሰላም እንዲኖርህ ከፈለግክ፣ ቂምን በመተው ትጀምራለህ።

28. ጠንካራ መሆን ከፈለግክ፣ ፈተናዎችን በእምነት በመቋቋም ትጀምራለህ።

29. ደግ መሆን ከፈለግክ፣ መጀመሪያ ለራስህ ደግ በመሆን ትጀምራለህ።

30. ተጽዕኖ መፍጠር ከፈለግክ፣ እውነተኛ በመሆን ትጀምራለህ።

ስኬት በአንድ ጀምበር አይመጣም፤ ማንኛውንም ትልቅ ነገር ማሳካት ተከታታይ ጥረትን ይጠይቃል። ቤት መያዝም ሆነ፣ ንግድ መጀመር ወይም ክብርን ማግኘት፣ ጉዞው የሚጀምረው በአንዲት እርምጃ ነው። በፊትህ ባለው የዓላማ ትልቅነት ተስፋ አትቁረጥ። ያቺን የመጀመሪያ እርምጃ በመውሰድ ላይ አተኩር፣ ከዚያም ቀጣዩን፤ ብዙም ሳይቆይ፣ ህልሞችህን እውን ለማድረግ መንገድ ላይ ትሆናለህ። ዋናው ነገር፣ ምንም ያህል ትንሽ ቢሆንም፣ መጀመር እና ጽኑ መሆን ነው።

ማመንህን ቀጥል፣ እድገትንም ታያለህ።

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

275126

05.04.202513:06

ሀገር ማፍረስ ከፈለጋችሁ አህዮቿን ከታሰሩበት ፈታችሁ ልቀቁ!
*****

ሰይጣን ከግንድ ጋር ታስሮ ያገኘውን አህያ እንዳሻው እንዲቦርቅ ቋጠሮውን ፈትቶ ለቀቀው። ነፃነቱን ያገኘው አህያም ወደ አንድ ሰው ማሳ ዘልቆ ከእርጥቡም ከደረቁም በጥርሱ ይግጠው ጀመር።

የአትክልቱ ባለቤት ሚስት በመስኮት በኩል ዘልቃ ስትመለከት ማሳው በአህያው ጥርስ ታጭዶ አገኘችውና ደነገጠች። ማሳቸው በአንዴ እንዲህ መሆኑ እያበገናት መሳርያዋን አቀባብላ ተኮሰችበት። በተደጋጋሚ የተለቀቀው ጥይት ሆዱን ዘርግፎ ከመሬት አጋደመው።

የአህያው ባለቤት የተኩስ ድምጽ ሰምቶ ከቤት ሲወጣ ከግንድ ጋር ያሰረው፣ በጀርባው ተሸክሞ ከወዲህ ወዲያ እያመላለሰ የሚያገለግለው አህያ በደም ተጨማልቆ ከመሬት መዘረሩን አየና ልቡ አዘነ። ሴትዮዋ በመስኮት ብቅ ብላ መሳርያዋን እንደሸከፈች በኩራት አህያህን ገደልኩልህ አይነት የጀግና አስተያየቷን ሲመለከት ክላሹን ወደ ሴትዮዋ አነጣጥሮ ደረቷን ብሎ ሲጥላት ባሏ በቦታው ደረሰ። ከኋላው ነበርና ተኩሶ የአህያውን ባለቤት ገደለ።

ሰይጣን ተጠየቀ። ምንድነው ያደረከው ተባለ።
አህያውን ፈታሁ እንጂ ምንም የሰራሁት ነገር የለም በማለት መለሰ።

ሀገር ማፍረስ ከፈለጋችሁ አህዮቿን ከታሰሩበት ፈታችሁ ልቀቁ ከታሪኩ የምናገኘው ትምህርት ይህ ነው።

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

18336

04.04.202507:38

አንዳንድ ሰዎች አሉ ከቤት መውጣት የማይወዱ፤ ሲወጡም ማንንም ሳያገኙ ስራቸውን ሰርተው የሚመለሱ። አንድ ወይም ሁለት የቅርብ ጓደኞች አላቸው። ከእኩያቸው ጋር ኮንታክት የሌላቸው ስልካቸውን ሁል ጊዜ Silent ወይም Forward የሚደርጉ።

በዚህም ስሜታቸውን ላማጋራት እራሳቸውን ያልሰጡ ቴሌግራም፣ ፌስቡክ ባጠቃላይ ሶሻል ሚዲያን ከፍተው ከግማሽ በላይ ቀናቸውን ማንንም ሳያናግሩ በዝምታ እየተከታተሉ እርካታ የሚያገኙ ናቸው። እነሱ መፅሐፍት፣ ሙዚቃ፣ ክረምትና መገለልን የሚወዱ፤ የተረጋጉ፣ ሁሌም ፈገግ የሚሉና በimagination ማለትም በምናባቸው አለማቸውን የሰሩ፤ ማንንም የማይጎዱ ሌሎች እንዲጎዷቸውም የሚይፈቅዱ እውነተኛ ሰዎች ናቸው።'

''አንዳድ ጊዜ ብዙም ማህበራዊ መስተጋብር የሌላቸው ከሰው መሃል ወጥተው ዳር የሚይዙ ሰዎች ማኀበራዊ ኑሮን የሚጠሉ አይደሉም፤ ከዚህ ይልቅ የውሸት ድራማን ድድብናና አስመሳይነትን መቋቋም ስለሚከብዳቸው ነው''

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1
            

7402

01.04.202504:48

አንድ ነጋዴ በመጋዘኑ ውስጥ ስራ ላይ እያለ በጣም የሚወደው የእጅ ሰዓቱ ይጠፋበታል፡፡ በመጋዝኑ ውሰጥ እየተመላለሰም በፍለጋ ቢወድቅ ቢነሳ ሊያገኘው ባለመቻሉ እውጭ ጨዋታ ላይ ያሉት ልጆች እንዲያግዙት፤ ሰዓቱን ላገኘለት ልጅም ሽልማት እንደሚሰጣቸው ነግሮ አሰማራቸው፡፡

ልጆቹም ሽልማት እንዳለው ባወቁ ጊዜ በፍጥነት እየተራኮቱ ወደ መጋዝኑ በመግባት ሁሉን ቦታ በአንድ ጊዜ አዳረሱት፡፡ ነገር ግን ሰዓቱን ሊያገኙት አልቻሉም፡፡ መጋዘኑ ውስጥ ያለውን እቃ ቢያነሱ ቢጥሉት ማግኘት አልቻሉም፡፡ ነጋዴው ልጆቹ እንዳላገኙት ባወቀ ጊዜ ተስፋ በመቁረጥ የሰዓቱን ፍለጋ ሊያቆም ሲል አንድ ትንሽ ልጅ ጠጋ ብሎ አንድ እድል እንዲሰጡት ጠያቃቸው፡፡ ነጋዴውም እስኪ ይሞክር በሚል ስሜት ፍቃደኛ ሆኑለት፡፡ ከቆይታ በኋላ ትንሹ ልጅ ሰዓቱን እጁ ላይ አንጠልጥሎ ተመለሰ፡፡

ነጋዴውም በሰዓቱ መገኘት እጅግ ደስ እያለው ሌሎቹ ልጆች ማግኘት ያልቻሉትን እንዴት ሊያገኘው እንደቻለ ተደንቆ ጠየቀው ትንሹ ልጅም “እኔ ምንም አላደረኩም ፡፡ ያደረኩት ነገር ከመጋዘኑ መሀከል ላይ በጸጥታ በመቆም ማዳመጥ ነበር፡፡ በፀጥታው ውስጥም የሰዓቱ መቁጠሪያ የሆኑት ዘንጎች ሲዞሩ የሚፈጥሩት ጠቅ…ጠቅ የሚለው ድምጽ ተሰማኝ ይህን አቅጣጫ ተከትዬ ስመለከት ሰዓቱን አየሁት” አላቸው፡፡

ግብረ ገባዊ ትምህርቱ በጽሞና ውስጥ የሆነ አዕምሮ ነገሮችን ለይቶ መረዳት ይችላል፡፡ አርቆ ለማሰብም ፋታ ያገኛል።

ስለሆነም ኳኳታ በበዛበት ዓለም ካለን ሰዓት ውሰጥ የተወሰኑትን ደቂቃዎች ለጽሞና ማዋል ከእራስ ጋር ለመነጋገርና መድረስ ወደምንፈልግበት የሕይወት ዓላማ አቅጣጫችንን ለማስተካከል ይረዳናል።

◆━━━━━━✎✦✎━━━━━━━◆
                   ~ @open_reading1 ~

                   ~ @open_reading1 ~

179010

17.02.202521:07

መጽሐፍ ባለበት አለም ማንበብና መጻፍ የማይችሉ ሰዎች ብቻ ስለ መሰላቸት እና ስለ ተራ ነገር ቅሬታ የማቅረብ መብት አላቸው...

📚 ከበእምነት ላይብረሪ

7100

18.04.202504:03

"ግመልን ስትጠይቅ ቀበሮነትህን አትርሳ"

ግመሉ ወንዙን እንደተሻገረ ቀበሮውም ለመሻገር መጣና ስለወንዙ ጥልቀት ለማወቅ ከወንዙ በወድያኛው ዳር
ያለውን ግመል ጠየቀው። ግመሉም ጥልቀቱ ጉልበት ድረስ እንደሆነ ነገረው።

ቀበሮውም ጉልበት ድረስ ከሆነማ አያሰምጠኝም በማለት ለመሻገር ወደ ወንዙ ገባ። በሚያሳዝን ሁኔታ ወንዙ
ያሰምጠው ጀመረ። ይሄኔ ቀበሮው ግመሉ እንደሸወደው ተረዳና እንደምንም ተፍጨርጭሮ ወደ ነበረበት ተመለሰ፤ ራሱንም ከሞት አተረፈ።

ይሄኔ በንዴት ጮክ ብሎ "አንተ ያምመሀልን? ጥልቀቱ ጉልበት ድረስ ነው አላልክምን?" አለው።

ግመሉም "አዎና! ታዲያ በራሴ ጉልበት ነው እንጂ ያልኩህ ባንተ ጉልበት መች አልኩህ?" በማለት መለሰለት። ቀበሮው በልምድ የቀደመውን አካል መጠየቁ ትክክል ቢሆንም የግመሉን ማንነት መርሳቱ ግን ስህተት ነበር። ግመሉም ልምዱን ማካፈሉ ትክክል ቢሆንም የቀበሮውን ማንነት ግን መርሳት አልነበረበትም።

✍ሁለት ሰዎች ሲነጋገሩ እንደየራሳቸው ተሞክሮ ቢነጋገሩም የአንዱ ልምድ ለሌላው መፍትሔ ሊሆን ግድ አይደለም።
ባይሆን የአንደኛውን የህይወት ልምድ ለሌላኛው መጥፊያው ሊሆን ይችላልና ጥንቃቄ ማድረጉ ግድ ይላል። ለምሳሌ አንድ ሁለት ሴቶች አረብ ሀገር ሰርተው ተመልሰው ውጤታማ ቢሆኑ ሁሉም አረብ ሀገር የሄደ ሰው ውጤታማ ይሆናል ማለት አይደለም፡፡ ስለዚህ የሰዎችን የህይወት ተሞክሮ ወደ እራሳችን ህይወት አምጥተን ለመትግበር ስንዘጋጅ ማስተዋልና ጥንቃቄ አይለየን፡፡

               -  @open_reading1 -
@open_reading1  -  @open_reading1

17847

10.04.202513:23

መምህሩም እንዲህ አለ" ጥያቄህን እመልስል ዘንድ ወደ ስንዴው ማሳ ሂድና ከሁሉም መሃል ረጅሙን ቆርጠህ ይዘህ ና" "ግን አንድ ህግ አለ... አለ

መምህሩ" ... በስንዴው ማሳ ዉስጥ ማቋረጥ የምትችለው ለአንድ ጊዜ ብቻ ነው፡፡ አንዴ በማሳ ውስጥ እያለፍክ ትልቅ ነው ያልከውን ፈልገህ ቆርጠ ይዘክተመጣለህ፡፡ ወደ ኋላ ተመልሶ ሄዶ መቁረጥ ግን አይቻልም፡፡

✔️" ተማሪዉ ወደ ስንዴው ማሳ አቀና፡፡ የመጀመሪያውን ረድፍ አልፎ ሄደ፡፡ አዎን... እዛጋ አንድ ረዥም የስንዴ ዛላ ይታየዋል፡፡ ግን ሌላ ትልቅ ደግሞ መኖሩ አይቀርም፡፡ ስለዚህ እሱን ተሻግሮ አለፈ፡፡ አሁንም ግን ሌላ ረዥም ተመለከተ፡፡ ግን ደግሞ ሌላ የተሻለ ትልቅ ቢኖርስ... ይሄኛውንም አልፎ ነጎደ፡፡

በዚህ መልኩ የማሳዉን ገሚስ አልፎ ሄደ፡፡ አውን ግን አንድ ነገር እየከነከነዉ ነዉ፡፡ አዉን አዉን የሚያያቸው የስንዴ ዛላዎች አልፏቸው እንደመጣው ያህል ረዣዥም አይደሉም፡፡ አውን በርግጥም ከሁሉም በላይ ረዣዥሞቹን ወደ ኋላ ጥላሏቸው እንደመጣ ገባው፡፡ ግን ተስፋ ሳይቆርጥ አሰሳውን ቀጠለ፡፡ ቢሆንም ግን ማሳውን አቋርጦ ወደመገባደዱ ሲደርስ ከሁሉም በላይ ረዣዥሞችን የስንዴዛላዎች ወደ ዋላ ጥሎ እንደመጣ ተረዳ... በዶ እጁን ከማሳው ወጣ፡፡ ከማሳው ባዶ እጁን መዉጣቱን

✅የተመለከተው መምህሩም" እንግዲ ፍቅርማለት ይህ ነዉ አለዉ... ምንጊዜም የተሻለ ትፈልጋለህ ምንጊዜም ! ግን በስተ መጨረሻ ከሁሉም የተሻለዉን ጥለከው እንደመጣህ ትረዳለህ፡፡

ፍቅር ይህ ከሆነ ለመሆኑ ጋብቻስ ምን ይሆን? ጠየቀ ተማሪው፡፡"

ይህንንም ጥያቄ እመልሰልህ ዘንድ... አለ መምህሩ ልክ እንደ ቅድሙ አውንም ወደ ስንዴው ማሳ ትሄዳለ ከዛም ከሁሉም ትልቅ ያልከውን ቆርጠህ ይዘህ ትመጣለህ፡፡ አሁንም ግን ልክ እንደ ቀድሞ በማሳ ውስጥ ማለፍ የምትችለው አንዴ ብቻ ነዉ፡፡ ወደ ኋላ ተመልሶ መቁረጥ ፈፅሞ የተከለከለ ነው፡፡ ተማሪው ለሁለተኛ ጊዜ ወደ ማሳው አመራ፡፡

ተማሪዉ እንደበፊቱ ያለመሸወድ ጠንቃቃሆኖዋል፡፡ እናም ማሳው መሃል እንደደረሰ አንዱን በቃ ተልቅ ነው ብሎ ያመነበትን አንዱን የስንዴ ዛላ ቆርጦ ወደ መምህሩ ተመለሰ፡፡

ይሄኔ መምህሩ እንዲ አለ " አየህ አሁን አንዱን ቆርጠህ ይዘ መጣህ፡፡ ሌሎች ተላልቅ ይኖራሉ አንተ ግን በዚህ የስንዴ ዛላ ረክተሃል፡፡ ቆንጆና ትልቅ ነዉ ብለህ እምነትህን ጥለክበታል፡፡ እናም ቆርጠህ ይዘኸው መጣህ፡፡ ይሄ ማለት እንግዲህ ሌላም ሳይሆን ትዳር ነው፡፡

🔸ከመምህሩ ምን እንማራለን እሚለውን ለ እናንተ ትቻለሁ ፡፡ መልካም ቀን ተመኘሁላችሁ፡፡

_ @open_reading1 _

491815

05.04.202504:43

ማደን ቀላል ስራ አይደለም! ነብር ለዕለት ጉርሱ የሚሆነውን ምግብ ለማግኘት በሚያደርገው አደን ውስጥ 90 ከመቶው የሚሆነው አይሳካለትም። 

ፈጣኑ አቦሸማኔ ምግቡን ለማግኘት ከሚያደርጋቸው ግማሽ እኩሌታው በጭሽ አይሳካለትም።  አቦሸማኔ በሰዎች መካከል የሚኖር ቢሆን ኑሮ “እንዴት ያሳዝናል፣ ያን አጋዘን መያዝ አልቻለም እኮ፣ ትንሿ ጥንቸል በብልጠት በለጠችው እኮ” እያልን እንሳለቅበት እና ህይወቱን አሳዛኝ እናደርግበት ነበር።

የጫካው ንጉስ አንበሳም ተመሳሳይ እጣ አለው!

በድፍረት እና በጀግንነት የሚያድነው አንበሳ 80% ያልተሳካ  ሙከራን ካደረገ በኋላ ነው ገድ የሚቀናው። ይህም ማለት ከመቶ የአደና ሙከራዎቹ ውስጥ ሰማንያው አይሳኩለትም እንደማለት ነው።

ግን ደግሞ የትኛውም የአደን ሙከራ ባይሳካም ነብርም፣ አቦሸማኔም ሆነ አንበሳም ማዳናቸውን በጭራሽ አያቆሙም።

በውድቀቶች የምንፈራው እና አላማችንን የምንተው እኛ የሰው ልጆች ብቻ ይመስለኛል። 

እመኑኝ አንዳንዴ ደጋግመን ስንወድቅ የተፈጥሮ ስርዓት ውድቀትን እንዳንፈራ እና በጥረታችን እንድንተጋ እየነገረን ሊሆን ይችላል።

ስኬትም ልክ እንደ አደን ነው፤ ዳጋግመው  ተስፋ ሳይቆርጡ  በፅናት ለተጉት ብቻ እውን ይሆናል።

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

4600

03.04.202515:54

ፋኖስ ይዞ ገበያ ውስጥ ሰው ሲፈልግ የዋለው ፈላስፋ  #ዲዮጋን
....................................................

ፍልስፍናን በመስበክም የሰበከውን በመኖርም በእውን ያሳዬ ፈላስፋ ዲዮጋን ነው! የተወሰኑ ፍልስፍናዎቹንና ድርጊቶቹን እነሆ...

━━━━━━━━
አንድ ቀን ጠዋት የግሪኩ ንጉስ ታላቁ እስክንድር በሰረገላ ሆኖ ታጅቦ እየሄደ እያለ ዲዎጋን መንገድ ላይ ድንጋዩን ተንተርሶ ተኝቶ ፀሀይ ሲሞቅ የእስክንድር አጃቢዎች ያዩና ለእስክንድር ይነግሩታል።
ታላቁ እስክንድር ከሰረገላው ወርዶ ወደ ዲዮጋን ይሄድና እየቀሰቀሰ "ዲዮጋን ተነስ እኔ ታላቁ እስክንድር" ነኝ ይለዋል! ዲዮጋንም እንደተሸፋፈነ "እኔም ለራሴ ታላቁ ዲዎጋን ስለሆንኩ ዝም ብለህ መንገድክን ሂድ" ይለዋል።
እስክንድርም ተገርሞ "አላወቅከኝም መሰል" ይለዋል።
ዲዎጋንም "ገና ቃል ሳትናገር ነው ያወቅኩህ" ይለዋል።
እስክንድርም "ሳታየኝ እንዴት አወቅኝ" ሲለው፤
ዲዮጋን ሆዬ "ፈጣሪ የሰጠኝን የጠዋት የፀሀይ ሙቀት በማን አለብኝነት የሚነጥቀኝ ካንተ ሌላ ስለለሌ ነዋ" በማለት አምባገንነቱን ይነግረዋል። እስክንድር ጎንበስ ብሎ ሲመለከት እውነትም የሚሞቃትን ፀሀይ ጋርዶታል።
እስክንድርም ፍልስፍናውን ስለሚወድለት ከመቆጣት ይልቅ ተለሳልሶ "እባክህ ለምነህ ከምትበላ ና ከእኔ ጋር እንሂድና በቤተመንግስቴ እኔ የምበላውን እየበላህ ኑር" ይለዋል።
ዲዮጋንም "ቤተመንግስት ውስጥ ንጉስን ሲርበው ጠብቆ ጥሩ ነገር ከመብላት በሚፈልጉበት ጊዜ የማይፈልጉትን መብላት ይሻላል" ብሎ ነፃነቱን መርጦ በልመና ኑሮው ቀጥሏል!(እንደታምታውቁት ቤተመንግስት ውስጥ ቢርብም በማንኛውም ጊዜ አምጡ እየተባለ አይበላምና።)

━━━━━━━━
ዲዮጋን የሚተዳደረው በልመና ነበር። ለምን በልመና እንደሚተዳደር ሲጠይቁት
"ሰዎችን ለማስተማር ነው" አላቸው፡፡
ለምንድን ልመናን የምታስተምረው? ሲሉት እኔ የማስምተረው "መስጠትንም" ነው ይላቸዋል። የሚሰጠው ሳይኖረውና ምንም ነገር ሳይሰጥ እንዴት ያስተምራል የሚለው ግራ ገብቷቸው እንዴት አድርገህ? በማለት ሲጠይቁት "መስጠት እንዲኖር ተቀባይ ያስፈልጋላ!" በማለት መልሶላቸዋል።

━━━━━━━━
ዲዮጋን ማንም የሚፈራውን ታላቁ እስክንድርን አይፈራውም ነበር። አንድ ጊዜ ታላቁ እስክንድር ከፊቱ ቀርቦ "ለምንድን ነው ግን እኔን የማትፈራኝ?" በማለት ጠየቀው፡፡
ዲዮጋንም "አንተ ምንድን ነህ? መጥፎ ሰው ነህ ወይስ ጥሩ ሰው?" አለው፡፡
ታላቁ እስክንድርም "ጥሩ ሰው ነኝ" አለው።
ዲዮጋንም "ታድያ ማነው ጥሩ ሰውን የሚፈራ?" አለው ይባላል፡፡

━━━━━━━━
በግሪክ ባህል ከቤት ውጭ ምግብ መብላት ነውር ነበር።
ዴዎጋን ይህንን ባህል ይቃወም ነበር። አንድ ቀን የለመነውን ምግብ ሰብስቦ ገበያ መሀል ቁጭ ብሎ ይመገባል። ህዝቡም ከቦ እያዬ በንቀት ይስቅበታል። በልቶ ሲጨርስ ተነስቶ ቆመና "ምን ያስቃችኃል?" አላቸው። ህዝቡም "ውጭ ላይ የሚበላ ውሻ ስለሆነ ገርሞን ነው" ይሉታል።
"ውሾችስ ሰው ሲበላ ከበው አይን አይን እያዩ ምራቃቸውን የሚውጡት ናቸው" በማለት ነውር የሚሆነው ውጭ መብላት ሳይሆን ከቦ አይን አይን ማየት መሆኑን ነገራቸው ይባላል!

━━━━━━━━
ለንማኛውም ዴዎጋን ማለት በጠራራ ፀሀይ ገበያ ውስጥ ፋኖስ አብርቶ ሰው ሲፈልግ የዋለው ሰውዬ ሲሆን ገበያ ውስጥ ፋኖስ ይዞ ያዩት ሰዎች ምን እያደረግክ ነው ሲሉት
እሱ፦ "ሰው እየፈለግኩ!"
እና በዚህ ፀሀይ ፋኖሱ ምን ያደርግልሀል ሲሉት
እሱ፦ "በዚህም ታግዠ እስካሁን አንድም ሰው አላገኘሁም" በማለት እውነተኛ ሰው መጥፋቱን የገለፀው ሰውዬ ነው!

እኔ የማደንቀው ያኔ የነበረውን ማህበረሰብ ነው! ምክንያቱም ለአንድ በልመና ለሚተዳደር ሰው ፍልስፍናዎች ትልቅ ቦታ በመስጠቱ!

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1
            

172511

31.03.202517:37

▎ታማኝነትህን እና ለራስህ ያለህን ክብር ጠብቅ!
    #ሁለቱ_አልማዞች
...............................................................

የግመል ነጋዴው በገበያው ለሽያጭ ከቀረቡት ግመሎች መካከል በአንዱ እጅግ ስለተሳበ ከሻጩ ጋር ድርድር ጀመረ።

በኃላም በዋጋ ተስማምቶ ግመሉን ገዝቶ ወደ ቤቱ ሄደ። የግመል ነጋዴው ቤቱ እንደደረሰ አገልጋዩን ጠርቶ የግመሉን ኮርቻ እንዲያወርድ ይነግረዋል። አገልጋዩ የግመሉን ኮርቻ ሲፈታ ከኮርቻው ሥር  አነስተኛ መጠን ያላት የተቋጠረች ከረጢት ያገኛል።

ከረጢቷን ሲፈታ በውድ የአልማዝ ማእድን ተሞልታለች። አገልጋዩም "አለቃ የገዟት ግመል በነጻ ጭና ያመጣችውን በረከት ይመልከቱ!" ሲል በደስታ ተሞልቶ ጮኸ። ነጋዴውም  በአገልጋዩ መዳፍ ላይ በጸሐይ ብርሀን የሚንቦጎቦጉ የአልማዝ እንክብሎች ሲመለከት እጅግ ተደነቀ...

ይሁንና "ግመሏን እንጂ አልማዞቹን አልገዛኋቸውም። አሁኑኑ ለባለቤቱ መመለስ አለብኝ" አለ - ነጋዴው።አገልጋዩም "ምን የማይረባ አለቃ ነው ያለኝ?!" ሲል በሆዱ ካወራ በኋላ "ማንም ሰው የአልማዞቹን ትክክለኛ ባለቤት ሊያውቅ አይችልም! ሲል ተናገረ...ይሁንና ነጋዴው ምክሩን ችላ ብሎ ጊዜ ሳይወስድ ባለቤቱን ፍለጋ ወደ ገበያው ተመለሰ።

ብዙም ሳይለፋ የተቀሩ ግመሎችን ለመሸጥ ገዢ ሲጠብቅ የነበረውን የግመል ሻጭ አግኝቶ ትንሿን ከረጢት መለሰለት።የግመል ሻጩም እጅግ ተደስቶ " እጅግ የከበሩ ማእድናቴን በኮርቻው ስር መደበቄን ዘንግቼ ነበር።

አሁን ሽልማት እንዲሆንህ በከረጢቱ ውስጥ ካሉት አልማዞች ውስጥ ለዐይንህ ደስ ያሰኘህን ውሰድ!' አለው..."ለከፈልኩት ገንዘብ ጥሩ ግመል ሽጠህልኛል። ተጨማሪ ሽልማትም ስጦታም አልቀበልም።" አለ - ነጋዴው።

ነጋዴው ስጦታውን አልቀበልም ቢልም ግመል ሻጩ እንዲቀበለው ይወተውተው ጀመር። በመጨረሻም ነጋዴው በፈገግታ ተሞልቶ "ከረጢቱን ልመልስልህ ስወስን ሁለት እጅግ የከበሩ አልማዞችን እራሴ ዘንድ አስቀርቻለሁ! ከእነርሱ የሚልቅ ሽልማት የለም!" አለው።

የግመል ሻጩ የነጋዴው የእምነት ቃል ሲሰማ እጅግ ተበሳጭቶ በከረጢቱ ውስጥ ያሉትን ውድ አልማዞች የጨርቅ እራፊ ላይ ደፍቶ ይቆጥራቸው ጀመረ።

ይሁንና ቆጠራውን እንደጨረሰ በእፎይታ ተሞልቶ "በከረጢቱ ውስጥ ከነበሩት አልማዞቼ መካከል አንድም አልጎደለም። የትኞቹን ውድ አልማዞች ነው ለራሴ አስቀርቻለሁ ያልከኝ?"

ነጋዴውም በኩራት ተሞልቶ "እኔ ዘንድ ያስቀረኋቸው ውድ አልማዞች #ታማኝነቴና #ለእራሴ_ያለኝ_ክብር ናቸው!" ሲል መለሰለት።

                   ምንጭ: Afrimereja
◆━━━━━━✎✦✎━━━━━━━◆
                   ~ @open_reading1 ~

                   ~ @open_reading1 ~

12317

17.02.202520:27

ባሻዬ! የሆዳችንን በሆዳችን ይዘን ገብስ ገብሱን ብንነጋገር የተሻለ ነው።

ይኸውልህ አንዱ ሰው ፋርማሲ ሄደና ብዙ ቫያግራ ገዛ። ብዛቱን አይቶ ባለ ፋርማሲው ጠየቀው፣

"ለምን ብዙ ቫያግራ ፈለግህ?"

"አርብ የድሮ ሚስቴ ቤት ትመጣለች"

"እሺ"

"ቅዳሜ የድሮ ፍቅረኛዬ ቤቴ ትመጣለች"

"እሺ"

"እሁድ ደግሞ አዲሷ ፍቅረኛዬ ትመጣለች"

"እሺ! ግን መድኃኒቱ ብዙ ስለሆነ ሰኞ መጥተህ ጤንነትህን ማየት አለብኝ"

ሰውዬው እንደተባለው ሰኞ ሲመጣ እጁ  ከአንገቱ ጋር በፋሻ ተንጠልጥሎ መጣ። ፋርማሲስቱ ባየው ነገር ደንግጦ ጠየቀው፣

"እጅህን ምን ሆነህ ነው?"

"ውልቃት ነው ጌታዬ!"

"በምን ምክንያት!"

"ሁሉም ሴቶች ሳይመጡ ቀሩ!"

ባሻዬ!  የራስን ዕድል በራስ የመወሰን መብት እስከ መገንጠል ማለት ይሄ ነው።


ጋሽ ተስፋዬ ሃ/ማርያም (ባሻዬ) እና ቢጃይ ናይከር
▬▬  ▬▬▬  ▬▬▬  ▬▬▬  ▬▬▬
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

8000

17.04.202521:49

ሀዘን ሲሰማሽ እኔ እንዳለሁልሽ አስታዉሺ፣ ምናልባት በቂ ላልሆን እችላለዉ ግን ካጠገብሽ እሆናለሁ᎓᎓ ምክንያቱም እወድሻለሁ!

               -  @open_reading1 -
@open_reading1  -  @open_reading1

18835

10.04.202504:20

ጀግኒት! አንቺ ካለሽ ብቻ ሃሳቡ የሚሞላለት ሰው አለ፤ እቅዱ የሚሰምርለት ውጥኑ የሚሳካለት፣ ግቡ የሚመታለት አለ።

አንቺን እያሰበ ድክመቱን የሚሽር ፣ ብርታቱን የሚያገኝ ይኖራል ። ከእራስሽ በላይ የወዳጅሽን ህይወት የማቃናት ትልቅ ስልጣን እንዳለሽ አስታውሺ።

ምንም ባታደርጊ ፣ የትም ባትሔጂ ፣ ምንም ባትፈጥሪ በልቦናሽ ብትቀርቢ ፣ የውስጥሽን ብትገልጪ ፣ እራስሽን ብትሆኚ ብቻ ድፍርሱን ውቂያኖስ ታጠሪያለሽ ፤ የጠፋችውን ነፍስ ትመልሺያለሽ ፤ ለአምላክ መንገድ መሸጋጋሪያ ትሆኚያለሽ።

አምላክ ስልጣን የሰጠሽ ትሰሪበት ፣ ታለሚበት ፣ ታተርፊበት ዘንድ ነው እንጂ ትጠፊበትና ታጠፊበት ዘንድ አይደለም ። በአንቺ ውስጥ ያለውን አቅም እወቂ ፤ የተሰጠሽን ፀጋ ለይ ፤ የትም ብትሔጂ የማይለይሽን ማንነትሽን አክብሪ።

አንቺ ካለሽ ብቻ የሚወርዱትን በረከቶች ፣ የሚታደሉትን ፀጋዎች ፣ የሚቸሩትን ትሩፋቶች አስተውይ ።........

......አስቢ ፣ አስታወሺ ፣  ማንም ቢመጣ አንቺን አይሆንም ፤ አንቺነትሽን አይተካም ፤ ያንቺን ስራ አይሰራም ፤ ያንቺን ቦታ አይወስድም ፤ ባንቺ ልክ ግዴታውን አይወጣም..........

◆━━━━━━✎✦✎━━━━━━━◆
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

47290

04.04.202515:01

ለልጄ እኔ የመረጥኳትን ልጅ ታገባለህ አልኩት

         "እምቢ" አለ

የቢልጌት ልጅ ናት ስለው ተስማማ


ቢልጌትስ ጋር ሄጄ እንዲህ አልኩት "ልጅህን ለልጄ እንትድርልኝ እፈልጋለሁ"

        ቢልጌትስ "አይሆንም" አለኝ

ልጄ የአለም ባንክ ስራ አስክያጅ ነው ስለው ተስማማ።
        
የአለም ባንክ ፕሬዝዳንት ጋር ደውዬ ልጄን ስራ አስክያጅ አድርግልኝ አልኩት።

ፕሬዝዳንቱም እያሳቀ "ቀልድ መሆን አለበት ጭራሽ አይሆንም" አለኝ

እኔም ልጄ የቢልጌትስ ሴት ልጅን እንዳገባ ነገርኩት።

       ያኔም ፕሬዝዳንቱ ተስማማ



(ፖለቲካ እንዲህ ነው የሚሰራው እሺ)😃

|| Source - ከአርምሞ  ገጽ የተወሰደ ..........
▬▬▬  ▬▬▬  ▬▬▬  ▬▬▬  ▬▬▬
➬ Open Reading | Rҽαԃιɳɠ Lιϝҽ Sƚყʅҽ !!

◎ የኢትዮጵያ አንባቢዎች ማህበር!
📚 የመጽሐፍት አፍቃሪያን ህብረት!

@open_reading1  -  @open_reading1
@open_reading1  -  @open_reading1

149211

03.04.202510:48

ፍልስፍና ሲማር የነበረው ልጅ ትምህርቱን አጠናቆ ቤተሰቡ ለመዘየር ወደ ቀየው ይሄዳል። አባትም ደስተኛ ሁነው ዶሮ አርደውና አዘጋጅተው ይጠብቁታል። ቃለ ምልልሳቸው ከብዙ በጥቂቱ ይህ ነው።

አባት፦ እና አሁን በቃ ዶክተር ሁነሀልና የታመሙ ሰዎችን ማከም ጀመርክ እንዴ?

ልጅ፦ አይደለም አባቴ እኔ ዶክትሬቴን የያዝኩት በፍልስፍና ነው፤ ከህክምና ጋር አይያያዝም።

አባት፦ ደግሞ የሱ ጥቅም ምንድን ነው?

ልጅ፦ ላስረዳህ አሁን እዚህ ጋ የምታየው ዶሮ አንድ ዶሮ ብቻ ነው አይደል?

አባት፦ አዎ

ልጅ፡- በፍልስፍና እውቀቴ መሠረት ግን እዚህ ላይ ያለው ዶሮ አንድ ብቻ ሳይሆን ሁለት ናቸው ብየ ላሳምንህ እችላለሁ።

አባት፦ "ማሻአላህ ልጄ ቀድመህ ካሁኑ አሳመንከኝ እኮ"

ልጅ፦ እንዴት?

አባት :- ጠረንጴዛው ላይ ያለውን አንድ ዶሮ እያነሱ "እኔ ይህኛውን ዶሮ እበላለሁ አንተ ካገኘኸው ሁለተኛውን ዶሮ መብላት ትችላለህ አሉት።
◆━━━━━━✎✦✎━━━━━━━◆

                   ~ @open_reading1 ~

                   ~ @open_reading1 ~

217519

30.03.202505:47

1-ድግስ ላይ አንዲት ቆንጆ ልጅ አይተ በመሄድ "ሃብታም ነኝ አግቢኝ" ብትላት፤ ይህ “Direct marketing” ቀጥታ ማርኬቲንግ ነው።

2-የሆነ ግብዣ ላይ ቆንጆ ሴት አይተህ አንዱ ጓደኛህ ወደዛች ልጅ በመሄድ ወደ አንተ እየጠቆመ ሀብታም ነው አግቢው ካለ ይህ “Advertising” ማስታወቂያ ነው።

3-አንዲት ቆንጆ ልጅ ወደ አንተ በመምጣት፡-"ሀብታም ነህ አግባኝ" ካለችህ ይህ “Brand” የምርት ስም እውቅና ነው።

4-አሁንም እቺ ልጅ ጋር ተጠግተህ "ሀብታም ነኝ አግቢኝ" ስትላት በምላሹ በጥፊ ብትመታህ ይህ “Costumer feedback” የደንበኛው አስተያየት ነው።

5-ግብዣው ጋር ወዳለችው ሴት ሄደህ ልታወራ ስትል አንድ ሌላ ቦርጫም ሰውዬ መጥቶ "ሀብታም ነኝ አግቢኝ" ቢላት ይሄ “competition” ውድድር ይባላል።

6-አንተ የፍቅር ጥያቄ አቅርበህላት እሷ ግን ከባሏ ጋር ብታስተዋውቅህ ይህ “Supply and demand gap” የአቅርቦት እና የፍላጎት ክፍተት ነው።

7-አንተ ወደ እርሷ ሄደህ ምንም ከማለትህ በፊት ሚስትህ ብትመጣ እነዚህ አዳዲስ ገበያዎች ወደ አንተ እንዳይመጡ የቀረጥና የቦታ ገደቦች ተጥሎብሃል እንደማለት ያለህ ነው።

ይህ አዲስ አበባ ዩንቨርስቲ ውስጥ ፕሮፌሰሩ ስለማርኬቲንግ ለተማሪዎቻቸው በአሪፍ እውነታ ምሳሌዎችን በመስጠት ያስረዱት ነው!
◆━━━━━━✎✦✎━━━━━━━◆
                   ~ @open_reading1 ~

                   ~ @open_reading1 ~

2.3K10214

17.02.202507:25

ባሻዬ! ሆስፒታል ሄጄ ዶክተሩ ሁለት መድኃኒቶችን አዘዘልኝ። ሁለተኛውን መድሃኒት ወዲያውኑ አገኘሁት። መጀመሪያ ላይ የተጻፈውን አንደኛውን መድኃኒት ግን 13 ፋርማሲዎች ዞሬ አጣሁት።

ድራጊስቶቹ ያሉኝን ልንገርህ፣

አንዱ "መድኃኒቱ ዛሬ የለም። ነገ ላምጣልህ" አለኝ፣

ሌላው "ይህንን መድኃኒት የሚያመርተው ካምፓኒ ተዘግቷል። ሌላ ካምፓኒ ያመረተውን ተመሳሳዩን ልስጥህ?" አለኝ፣

ሌላው ደግሞ "ይሄንን መድኃኒት ብዙ ሰው ይፈልገዋል። አሁን ከተማ ውስጥ አይገኝም። በብላክ ላምጣልህ?" ብሎ አስደነገጠኝ።

አንዱ ግን "ይሄ መድኃኒት ለካንሠር ህሙማን የሚሰጥ መድኃኒት ነው። ካንሠር የያዘው ቤተሰብ አለህ?" ሲለኝ በጀርባዬ ልወድቅ ስል ግድግዳውን ተደግፌ ተረፍኩ።

በመጨረሻም ያዘዘልኝ ዶክተር ጋ ሄጄ "መጀመሪያ ላይ የጻፍከውን መድኃኒት ፈልጌ አጣሁት" ስለው፣ ወረቀቱን ተቀበለኝና እንዲህ አለኝ "አቶ ተሰፋዬ! ይሄ እኮ የመድኃኒት ስም አይደለም። እስክሪብቶዬ አዲስ ስለሆነ እንዲጽፍልኝ የሞከርኩበት ነው" ብሎ ወረቀቱን ቀዶ ጣለው።

ባሻዬ! ባልተጻፈ ህግ ሰው በሚሞትበት አገር በተጻፈ ወረቀት ብሞትብህ እንዳይደንቅህ። ፋርማሲስቶቻችን ለዘላለም ይኑሩ!!!

▬▬  ▬▬▬  ▬▬▬  ▬▬▬  ▬▬▬
➬ Open Reading | Rҽαԃιɳɠ Lιϝҽ Sƚყʅҽ !!

@open_reading1  -  @open_reading1
@open_reading1  -  @open_reading1

1.1K229

दिखाया गया 1 - 24 का 102

अधिक कार्यक्षमता अनलॉक करने के लिए लॉगिन करें।लॉगिन करें