DARVESHONA
📝 Shoir JONTEMIR ijodiy kanali
TGlist rating
0
0
TypePublic
Verification
Not verifiedTrust
Not trustedLocation
LanguageOther
Channel creation dateJun 04, 2022
Added to TGlist
Feb 20, 2025Linked chat
Records
17.05.202507:49
3.1KSubscribers16.03.202523:59
400Citation index16.05.202516:48
1.4KAverage views per post15.05.202505:52
1.6KAverage views per ad post12.03.202500:12
11.06%ER17.05.202507:49
45.64%ERR
08.05.202515:40
Боламан. Қишлоғимизга дорбозчилар келишган. Полвон, морбоз, масхарабоз. Ўшанда масхарабозни биринчи кўришим. Негадир ёқиб қолган. Уйга келиб бобомга масхарабоз бўламан деганман. Боринг, шогирдликка олишса, майли дейди бобом. Қувончдан қийқириб изимга қайтаману дорбозчиларга мақсадимни айтаман. Шунда улар нима дейишган биласизми?
"Масхарабоз бўлишга кулгилилик қиласан."
Яқин-яқинда тушундим маъносини. Лекин барибир алам қилади. Мани синдиришган. Ҳозир кимман? Шоир? Шоирам одамми... Эҳ, дунё бир даҳо масхарабоздан айрилган!
Катта-катта жойларда берилииб камчиликсиз ҳаётимиз ҳақда нутқ ирод этадиган жиддий одамларни кўрсам ўша дорбозчилар эсимга тушиб, кулиб қўяман. Ҳа, тўғри айтишган. Мандан масхарабоз чиқмайди.
"Масхарабоз бўлишга кулгилилик қиласан."
Яқин-яқинда тушундим маъносини. Лекин барибир алам қилади. Мани синдиришган. Ҳозир кимман? Шоир? Шоирам одамми... Эҳ, дунё бир даҳо масхарабоздан айрилган!
Катта-катта жойларда берилииб камчиликсиз ҳаётимиз ҳақда нутқ ирод этадиган жиддий одамларни кўрсам ўша дорбозчилар эсимга тушиб, кулиб қўяман. Ҳа, тўғри айтишган. Мандан масхарабоз чиқмайди.
15.05.202517:43
Бобур дўстимиз шундай ёзибди:
500 дона ҳақиқат: бир шоир, бир китоб, бир нарх
Жонтемир янги китоби “Қўрқинчли одам” атрофидаги бу жараён фақат янги бир адабий асарнинг туғилиши эмас, балки муаллиф — ижодкорнинг ўз меҳнатини қадрлаш, уни мустақил субъект сифатида намоён этишга уринишидир.
Нега бу ҳодиса муҳим?
1. Ижоднинг қадрини белгилаш:
Жонтемир китобга 250 000 сўмлик нарх қўйиб, ўқувчи ва жамиятга очиқ тан олиш имконини яратди: адабий меҳнат текин эмас. Бу ижодкорга хос жасорат — ўзининг сўзи ва қаламига ишониш белгиcи.
2. Муаллифдан тўғридан тўғри сотув:
Бу жараён анъанавий нашриёт ва китоб дўконлари занжиридан чиқиш, ижодкор билан ўқувчи ўртасидаги тўғридан-тўғри мулоқотни яратиш демакдир. Бу — адабий муҳитдаги янги иқтисодий ва маданий ёндашув намунаси.
3. Тижорат эмас, тажриба:
Жонтемир “тажриба” деб атаётган бу ҳаракат — сўз нафақат эстетик, балки ижтимоий ва иқтисодий ҳаракатнинг субъектига айланади.
4. Адабий шахсиятни маркетлаш:
Жонтемир бу ерда нафақат китобни, балки ўз образини — “Қўрқинчли одам” концепт орқали сотмоқда. Бу адабий маркетингнинг креатив, индивидуал модели. У мижоз эмас, “ҳамдард ўқувчи” излаяпти.
Жонтемирнинг бу қадами — ижодкор учун иқтисодий эркинлик, адабиёт учун маънавий эрк, адабиётшунос учун эса янги тадқиқот объектидир.
Китобни сотиб олмоқчи бўлганлар мана бу пост билан танишсин https://t.me/jontemir_t/2282
500 дона ҳақиқат: бир шоир, бир китоб, бир нарх
Жонтемир янги китоби “Қўрқинчли одам” атрофидаги бу жараён фақат янги бир адабий асарнинг туғилиши эмас, балки муаллиф — ижодкорнинг ўз меҳнатини қадрлаш, уни мустақил субъект сифатида намоён этишга уринишидир.
Нега бу ҳодиса муҳим?
1. Ижоднинг қадрини белгилаш:
Жонтемир китобга 250 000 сўмлик нарх қўйиб, ўқувчи ва жамиятга очиқ тан олиш имконини яратди: адабий меҳнат текин эмас. Бу ижодкорга хос жасорат — ўзининг сўзи ва қаламига ишониш белгиcи.
2. Муаллифдан тўғридан тўғри сотув:
Бу жараён анъанавий нашриёт ва китоб дўконлари занжиридан чиқиш, ижодкор билан ўқувчи ўртасидаги тўғридан-тўғри мулоқотни яратиш демакдир. Бу — адабий муҳитдаги янги иқтисодий ва маданий ёндашув намунаси.
3. Тижорат эмас, тажриба:
Жонтемир “тажриба” деб атаётган бу ҳаракат — сўз нафақат эстетик, балки ижтимоий ва иқтисодий ҳаракатнинг субъектига айланади.
4. Адабий шахсиятни маркетлаш:
Жонтемир бу ерда нафақат китобни, балки ўз образини — “Қўрқинчли одам” концепт орқали сотмоқда. Бу адабий маркетингнинг креатив, индивидуал модели. У мижоз эмас, “ҳамдард ўқувчи” излаяпти.
Жонтемирнинг бу қадами — ижодкор учун иқтисодий эркинлик, адабиёт учун маънавий эрк, адабиётшунос учун эса янги тадқиқот объектидир.
Китобни сотиб олмоқчи бўлганлар мана бу пост билан танишсин https://t.me/jontemir_t/2282
16.05.202514:19
Сал олдин овозли хабарда қизишганим учун узур. 40 даража иссиқ кимга таъсир қилмайди дейсиз.
#Тавба! Ҳеч ким олмаса керак деб ўйлагандим "Қўрқинчли одам" ни. Лекин олишяпти! Ҳатто иккиталаб олаётганлар ҳам бор! Кафкани ўз китоби сотувга қўйилган дўконда бир харидор унинг асарини сотиб олганини кўриб наҳотки маниям ўқишса деб ҳайратланганидай ҳайратдаман.
Чунки биламан: киночи тақдимотига киночилар, ёзувчи тақдимотига ёзувчилар, шоир кечасига шоирлар боришади.
Лекин асло шоир шоирнинг китобини сотиб олмайди бугун. Ҳатто тарғиб қилиши қийин ўзини енгиб! Бунга кўникканман. Аммо ҳозир ростан ҳайронман. Наҳот турғун тасаввурим синса батамом? Наҳот ака-укалару дўстларнинг юраклари юмшагани рост?
Наҳот сани қадрлайдиган одамлар кўп?
Тавба, тавба, туш эмасми бу? Таниганларимдан кўра танимаган одамларимдан кўпроқ қўллов кўраётганим янаям ажойиб.
Қуллуқ ҳаммага. Раҳмат ҳаммага.
"Қўрқинчли одам"га жавонингиз, қалбингиздан жой бераётганингиз учун таъзимдаман!
#Китобни харид қилмоқчи бўлганлар. Мана бу хабарни очиб ўқишсин:
https://t.me/jontemir_t/2282
#Тавба! Ҳеч ким олмаса керак деб ўйлагандим "Қўрқинчли одам" ни. Лекин олишяпти! Ҳатто иккиталаб олаётганлар ҳам бор! Кафкани ўз китоби сотувга қўйилган дўконда бир харидор унинг асарини сотиб олганини кўриб наҳотки маниям ўқишса деб ҳайратланганидай ҳайратдаман.
Чунки биламан: киночи тақдимотига киночилар, ёзувчи тақдимотига ёзувчилар, шоир кечасига шоирлар боришади.
Лекин асло шоир шоирнинг китобини сотиб олмайди бугун. Ҳатто тарғиб қилиши қийин ўзини енгиб! Бунга кўникканман. Аммо ҳозир ростан ҳайронман. Наҳот турғун тасаввурим синса батамом? Наҳот ака-укалару дўстларнинг юраклари юмшагани рост?
Наҳот сани қадрлайдиган одамлар кўп?
Тавба, тавба, туш эмасми бу? Таниганларимдан кўра танимаган одамларимдан кўпроқ қўллов кўраётганим янаям ажойиб.
Қуллуқ ҳаммага. Раҳмат ҳаммага.
"Қўрқинчли одам"га жавонингиз, қалбингиздан жой бераётганингиз учун таъзимдаман!
#Китобни харид қилмоқчи бўлганлар. Мана бу хабарни очиб ўқишсин:
https://t.me/jontemir_t/2282
14.05.202517:29
УМР
Тўхта дейман, тўхта кун,
Тўхта умр, тўхта йўл.
Гап илмас авбош қулун,
Қайрилмас гўрсўхта йўл.
Дунёга келганимни
ҳазм қилолганим йўқ.
...Қамчи босиб елкамга
ҳайдар, тўрвам қуп-қуруқ.
У оламдан бу олам
қай тарзда кўчиб ўтдим?
Беғуборликдан кирлар
сафига қочиб ўтдим.
Не ўт лабларни тишлаб,
Тентароқлаб, ирғишлаб,
Ўн саккиз қирғоғидан
тўфондай тошиб ўтдим.
Қорни тўйган қашқирдай
учраган ғамни ёриб,
Кетавердим тош-қирда
шиддатимни суғориб.
Ялпайиб ётган ўсал
харсангларни тепиб, шод,
Қўлда шавқ тўла кўза,
Қайнардим эй, одамзод!
Шароб сувдай оқарди,
Насиҳат ғашга тегар.
Қўл суққанда маст эдим,
Йигирманинг енгига.
Ёр қучдим сархуш-сархуш,
Тушдан шириндир ўнгим.
Топиб чиқардим тонгни,
Сочлар наҳрига шўнғиб.
Дердим кўнгил – жиннига,
Жаннат турганинг соҳил.
Чумолилар инига
Ташиб кетар гуноҳинг...
Карахтман гўё Гамлет,
Олдимда мингта сўқмоқ.
Бошга тушди кетма-кет,
Йигирма бешта чўқмор.
Тўхта дейман, тўхта йил,
Ортимда не бор, кўрай.
Соҳибинга раҳм қил –
Секинроқ ургин юрак.
Нима солдим тўрвамга
шамолу сўздан бўлак?
Не ҳам олиб кетардим
бир парча бўздан бўлак...
Энди қўрқувим улкан,
Югургани йўллар зич.
Аммо кўзларим – вулқон,
Тилим – темурий қилич.
Тангрига йўллайми арз?
Йўқ тавбаю сўроғим.
Бўйнимни узмаса бас,
Ўттизимнинг ўроғи.
У оламдан бу олам
қай тарзда кўчиб ўтдим?
Эмизикли қалбимни
онадай қучиб ўтдим.
Ҳар қадамда жисмимни
илондай ечиб ўтдим.
Асли заҳар дунёни
қимиздай ичиб ўтдим.
Бўм-бўш деманг, тўрвамдан
кафанлик бичиб ўтдим.
Кафанлик бичиб ўтдим.
Жонтемир
@Jontemir_t
Тўхта дейман, тўхта кун,
Тўхта умр, тўхта йўл.
Гап илмас авбош қулун,
Қайрилмас гўрсўхта йўл.
Дунёга келганимни
ҳазм қилолганим йўқ.
...Қамчи босиб елкамга
ҳайдар, тўрвам қуп-қуруқ.
У оламдан бу олам
қай тарзда кўчиб ўтдим?
Беғуборликдан кирлар
сафига қочиб ўтдим.
Не ўт лабларни тишлаб,
Тентароқлаб, ирғишлаб,
Ўн саккиз қирғоғидан
тўфондай тошиб ўтдим.
Қорни тўйган қашқирдай
учраган ғамни ёриб,
Кетавердим тош-қирда
шиддатимни суғориб.
Ялпайиб ётган ўсал
харсангларни тепиб, шод,
Қўлда шавқ тўла кўза,
Қайнардим эй, одамзод!
Шароб сувдай оқарди,
Насиҳат ғашга тегар.
Қўл суққанда маст эдим,
Йигирманинг енгига.
Ёр қучдим сархуш-сархуш,
Тушдан шириндир ўнгим.
Топиб чиқардим тонгни,
Сочлар наҳрига шўнғиб.
Дердим кўнгил – жиннига,
Жаннат турганинг соҳил.
Чумолилар инига
Ташиб кетар гуноҳинг...
Карахтман гўё Гамлет,
Олдимда мингта сўқмоқ.
Бошга тушди кетма-кет,
Йигирма бешта чўқмор.
Тўхта дейман, тўхта йил,
Ортимда не бор, кўрай.
Соҳибинга раҳм қил –
Секинроқ ургин юрак.
Нима солдим тўрвамга
шамолу сўздан бўлак?
Не ҳам олиб кетардим
бир парча бўздан бўлак...
Энди қўрқувим улкан,
Югургани йўллар зич.
Аммо кўзларим – вулқон,
Тилим – темурий қилич.
Тангрига йўллайми арз?
Йўқ тавбаю сўроғим.
Бўйнимни узмаса бас,
Ўттизимнинг ўроғи.
У оламдан бу олам
қай тарзда кўчиб ўтдим?
Эмизикли қалбимни
онадай қучиб ўтдим.
Ҳар қадамда жисмимни
илондай ечиб ўтдим.
Асли заҳар дунёни
қимиздай ичиб ўтдим.
Бўм-бўш деманг, тўрвамдан
кафанлик бичиб ўтдим.
Кафанлик бичиб ўтдим.
Жонтемир
@Jontemir_t
Log in to unlock more functionality.
