Мир сегодня с "Юрий Подоляка"
Мир сегодня с "Юрий Подоляка"
View
Труха⚡️Україна
Труха⚡️Україна
View
Николаевский Ванёк
Николаевский Ванёк
View
Труха⚡️Україна
Труха⚡️Україна
View
Николаевский Ванёк
Николаевский Ванёк
View
Лёха в Short’ах Long’ует
Лёха в Short’ах Long’ует
View
Mikrofon ko‘targan ayol avatar

Mikrofon ko‘targan ayol

Donat uchun: https://tirikchilik.uz/mikrofonkotarganayol />Sayohat blogi- @azitravel
Murojaat uchun: @AQurbonovaBot
TGlist rating
0
0
TypePublic
Verification
Not verified
Trust
Not trusted
LocationУзбекістан
LanguageOther
Channel creation dateFeb 07, 2025
Added to TGlist
Aug 04, 2024
I own this channel
History of changes
Linked chat
Urushmaydiganlar Chati
Urushmaydiganlar Chati
33

Popular posts Mikrofon ko‘targan ayol

All posts
Post media background
Post media
25.02.202514:23
Баъзан Жеймс Блантнинг дунё бўйлаб турларига қизиқиб кўраман. Қайси санада қайси давлат, қайси шаҳарда концерт бераркин деб. Агар АҚШга ёки унданам нари уёқ- буёққа кетиб қолса, хафсалам ўлади, эээ узоққа кетди, яқинроқда концерт берса борардим деб. “Яқинроққа келса”, дейлик Австрияга (яқинмиш), тобора яқинлашгандек хурсанд бўламан.

Ғалати одат, 5 йилдан бери шу гастролларини такрор ва такрор кузатаман:) Шунга олдиндан режа тузиб, ва ниҳоят қарор қилиб концертга бориш учун виза, билет, имкон қилсам бўладими? Бўлса керак?!

Йўқ, менга шунчаки орзучам орзуча бўлиб туравериши ёқади шекилли.

Ёки қанақадир мўъжиза бўлишини кутаман шекилли.
Сиз нимани ўзингиз кутмаганда содир бўлишини истайсиз?
16.02.202511:27
Бу олтиариқлик йигит эса атиги 18 ёш ва у ноябрда Гарвард университетидан фулл грант, яъни 100 фоиз грант олган. Ëзда АҚШга ўқишга кетади. 4 йил давомида барча харажатлари қопланган ҳолда дунёнинг энг машҳур университетида давлат бошқаруви йўналишида таҳсил олади. Мен ундан сўрадим, "Гарвардга кириш учун одамнинг фақат академик натижалари камлик қилади, ўзининг жамиятига, минтақасига, умуман дунёга қандайдир яхшилик исташини, шунга ҳаракат қилаётганини кўрсатиш керак, сиз қандай лойиҳада иштирок этдингизки, қандай исботлай олдингизки, улар сизни танлади?"

Азизбек Зайлобиддинов шундай жавоб берди: "8 синфимдан бери кетма кет барча академик кўрсаткичларимни яхшилаб бордим, тинмадим ва албатта ижтимоий лойиҳалар, айниқса "Ibrat debate" лойиҳасида ишладим, жамоамиз билан инглиз тилида дебатлар уюштирдик, вилоятларда минглаб болалар ҳозир бу дебатларга қатнашяпти, танқидий, мантиқий фикрлашни ўрганяпти."

Биз болаларимизни ҳар хил лойиҳаларга қатнашиб юришига унчалик кўникмаганмиз, айниқса волонтерликнинг фойдаси, боланинг дунёқараши ва шахсиятини шакллантиришга таъсирини кўпам ўйламаймиз. Йиғиштир тадбирбозликни дейдиганлар кўп. Азиз мисолида ўзим учун бола тарбиясида яна битта хулоса қилдим.

Президент ўша куни Азизбекнинг ҳам ота-онасига раҳмат айтди. Ва яна бир янгиликни эълон қилди, энди дунёнинг ТОП 100 университетларида илмий даража олган 35 ёшгача бўлган ёшларга уй учун 10 йил муддатга ссуда ажратилади. Агар Азизбек 4 йилдан сўнг ватанга қайтса, шундай имконият унга ҳам бериладиган бўлди.

Гарвардга 4 йил бепул таълим, уй олиш имкони! Эҳҳ, сенинг 18 ёшинг менда бўлсайди…
14.02.202503:08
Барча Заҳириддин Муҳаммад Бобурни севувчиларга ва умуман севувчиларга бағишланади🌷

2007 йил 14 февралда курсдошим Олимдан 40 минг сўм қарз олиб, Чилонзор метро олдидаги дўкондан шарф ва кожанный қўлқоп сотиб олганман. У пайтда бу киши Санкт-Петербургда ўқирдилар, Питернинг қаҳратон қишлари учун шу энг яхши совға деб ўйлаганман)

Иккаласини роса кийганлар, тўйдан кейин ҳам. Ҳозир улар маънан эскирган, лекин катта хотира бўлиб уйда туради.

Хуллас, катта опангиздан маслаҳат, совға қилганда қулупнайли шоколадлардан кўра, хотирабоп нарсалар совға қилинглар:) Ва шундай ҳаракат қилингларки, қачондир кимгадир берган совғангиз бирга қурган уйингизда, оилангизда турсин.
19.02.202513:42
​Боши юқорида)

Миршакар минглаб томошабинга, шу жумладан менга ҳам янги гап айтади: Агар орзуингизнинг нархи бўлса, уни харажатини қила олсангиз, бу ўзи орзу дейишга муносиб орзумикин? Орзу қандайдир улкан ўзгаришларга сабаб бўладиган ғоямасми?

Масалан, “битта болани ўқитасан, оқ ювиб-оқ тарайсан, едирасан-ичирасан, у эса нари борса, қора Жентрани орзу қилиб турибди-де!” Дунё ҳозир қай нуқтада ўзи, дунё одамлари нималар қиляпти ўзи?

Миршакар бутун залга хабар йўллайди: “каттароқ, миссияси улкан орзулар қилинг”. Ҳамма бунга бир овоздан қўшилади.

Кулгилар, қарсаклар... Яна қандайдир воқеаларни айтиб кулдиради. Сиз кулиш билан оввора бўп турганингизда айтади:
“Келинг энди, бу концерт эсингизда қолсин, сизга сюрпризимиз бор, ҳаммангиз ўзингизнинг билетингизга, ўз жойингизда ўтирибсиз-а?” “Ҳааа” деймиз бир овоздан. “Прожекторни туширинг!”

Прожектор Ҳумонинг партеридаги бурчакка тушади. Мато кўтарилади ва “котта боллани орзуси” - қоп-қора Жентра кўринади.
Ҳамма ваууувв дейди.

Ўша пайт миямда тезкор хаёллар кетади: аниқ биламан, шу машина мани билетимга чиқади, бу ерга келишим бежизмас, чунки келмасликка сабабим кўп эди, бунинг устида шу кунларда машина олмоқчиман, уррее”

Миршакар ҳамманинг хаёлларини ўқиб, яна савол беради:
“Шу машинани олишни орзу қиласизми, қўлингизни кўтаринг”
Яна ҳамма “ҳааааа!”
Ва шу пайт Миршакар: “шунча гапни нимага гапирдим ахир?!”

Ана энди ҳамма қаҳқаҳа отиб кулади. Энди ҳамма ўзининг устидан кулади. Ахир ҳозиргина майда орзучалар қилишимизни, темир-терсакка эга бўлиш учун умримизни тикиб юборишимизни мантиқсиз деб тургандик, лекин барчамиз яна оддий, ўртастастистик қатлам эканимизни, қора Жентрани орзу қилаверишимиз ва оқимда доимгидек сузишимизни кўрсатиб қўйди у.

Миршакар “мен бугун шу стереотипларга чек қўймоқчиман, сиз каттароқ орзу қилишингиз учун” дейди ва кейинги матони очишни буюради. Экскаватор қора Жентра томига тишини теккизади...

Ҳаммамиз экскаваторга қараганча, кўзимизга ишонмаяпмиз ва шу алфозда Миршакар қандай қилиб концертни тугатганини билмай қолдик.

***
Ғафур Ғуломнинг “Шуҳрат қолдирмоққа Геростратдек, Диана маъбадин ёқмоқ шарт эмас” деган сатри бор.

Ёмон иш билан Герострат мақсадига эришган ва ҳатто ўзбек шоирининг шеърига кирган.

Ҳақиқат шуки, Миршакар ёмон иш қилмади, хайп учун қилдими-йўқми, у ўша куни Жентранимас, одамларнинг мешчанлик кайфиятини, жуда тор фикр доирасини ёқишга, чегараларни очишга уринди.

Ўша куни Миршакарни тинглашга асосан ёшлар, талабалар келганини кўрдим. Бу бошқача авлод. Уларга катта нарсаларни ўйлаб, катта нарсаларни орзу қилиш кераклигини такрор ва такрор айтавериш керак.

Биз яшаётган ҳаётни маънолироқ, кучлироқ, сифатлироқ қилиш учун аввало мақсади баланд ёшлар керак.

Миршакар шу ишни қилди. Аслида унга Нобель бўлмасаям, сумалак беришимиз ва раҳмат дейишимиз керак.

Ўша куни кулги ва қаҳқаҳалар орасида нима қилишини билмай қолган соатим "бу жуда шовқин жой, 90 децибел, сенга зарар" деб роса огоҳлантирди. Мен бу 90 децибелли концерт учун Миршакарни чемпион дейман.

Тамом.
19.02.202513:40
Миршакарнинг Жентра пачақланган концертида нима бўлганди?

Мен ҳам тўйда бор эдим
Бўза ичдим, бол едим
Сал ҳўлланди мўйлабим))

Эпиграфни жиддийга олмайсизлар. Бу Пушкиннинг "Царь Салтан"идан парча)

Стендап комик Миршакар Файзуллоевнинг 15 феврал куни "Чемпион" номли концерти бўлиб ўтди. Концертдан фақат "қора Жентрани экскаватор пачақлаётгани" кўрсатилган видео-фото тарқалди. Жуда кўпчилик буни хайп, исроф, бемаънилик ва ҳоказо таърифлар билан тармоқда тамсил қилаётганига кўзим тушди. Ҳамманинг фикри ўзи билан қолса-қолаверсин, мен ҳам концертда бўлган томошабин сифатида нимани ҳис қилганимни ёзгим келди.

Огоҳлантираман, кўп спойлер бўлади. Ёзганларимни тасдиқлашга фото ва видеоим йўқ, чунки концертда телефонимни сааал кўтарсам, ернинг тагиданми ёки осмоннинг устиданми топиб, телефон экранимга лазер тушириб, одамни уялтириб қўйишди)) Назоратчилар ўша куни минглаб одамларга муаллифлик ҳуқуқига амал қилишни ўргатишди. Шляпамни ечаман, бунақасини биринчи марта кўришим. Миршакар маладес.

Стендапернинг чиқиши битта тугал сценарий асосига қурилганини концертнинг якунига бориб ҳис қилдим. Миршакар концертни ўзининг орзуларини санашдан бошлади. Масалан, у туғилганидан бери Ҳумо аренада концерт беришни орзу қилади, концертида ҳаммага ўхшаб онасига гул беришни эриш деб билади, лекин балки бу онасининг орзуси бўлиши мумкин, унинг принципи онасининг орзусидан устун эмас, демак онасигаям, отасигаям гул беришга тайёр. Миршакарнинг бу лирик чекиниши панд-насиҳатли, йиғи-сиғили, эзилган мусиқали эмас, юмор ва ҳазил билан гул берди-қўйди.

Кейин Миршакар концерт нима учун “Чемпион” деб номланишини урғулади. Масалан, у чемпион дада, чемпион эр, чемпион ўғил, чемпион стендапер бўлмоқчи ва шунга ҳаракат қиляпти: унинг бу йўлдаги омадсизликлари-ю қувончлари, кулгили вазиятлари сизни тўхтовсиз кулдиради. Чунки, бу воқеалар фақат Миршакарнинг уйида, ишида, ёки туғилиб ўсган Бухоросида бўлмайди, у худди сизнинг уйингизда яшаяпти-ю яширин камера қўйиб, ёзиб олган: сизнинг турмуш ўртоғингиз билан суҳбатларингизни, болангиз билан муносабатларингизни бирга бир фош қилади-қўяди. Сиз бу гап-сўзларга қотиб куласиз ва ёмон алам қилади. Нега бизлар бунчалик ҳар хил ва аслида бир хилмиз?

Ўзи уйда ким бошлиқ, ўзгараётган замонда боласининг ўзидан кўра яхшироқ фикрлаши, Миршакар қарорларни ўзи қабул қиладими ёки атрофдагилар уни бошқарадими, отасининг “ҳай, қилиб кўр” номли энг кучли мотивацияси, “ҳақиқий эркинлик бу - хато қилишга берилган имконият” иқтибосли миниҳикоялари мана 5 кундан бери эсимда турибди.

Бир қараганда маиший, икир-чикирлар устидан кулаётганга ўхшайсиз. Ҳа, сезасиз, Миршакарнинг репертуарида бу сафар сиёсий ҳазиллар деярли йўқ, у ҳаммамиз яшаётган ҳаётнинг майда-чуйдалари орқали контекст бераётганга ўхшайди. Ўзи ҳаётнинг турган битгани майда қарорлар ва майда масалаларни ҳал этишга исроф бўлади, у шу жойда туриб кулмоқчи ва кулдирмоқчи.

Ўтган сафарги концертда Миршакар менга жамоатчилик фаоли сифатида кўринган бўлса, бу сафар у психоаналитик комик сифатида кўринди. Масалан, ҳаммамиз тармоқларда охиригача томоша қиладиган “яғири чиқиб кетган гиламнинг тоза бўлиш жараёни” ҳақидаги рилсни эслатди у. Смартфони бор одам борки, шунақа видеони кўргандир) Нега кўрамиз ўзи? Миршакар ҳам, биз ҳам буни билмаймиз)

Менга яна Миршакарнинг “закладка” воқеаси жуда маъқул бўлди. У бир парча этни кўмиш учун қилган ишлари ва шу сабаб тунги рейдда бошидан кечирганларини ҳикоя қилиб беради ва бу ҳикояни номини айтмай туриб, жамиятнинг энг катта муаммоларидан бири - наркотиклар закладкасига муқояса қилади.

Бундай топилмалар жуда кўп. У “чемпион ота (ўғил, эр) бўлмоқчийдим, бўлмади” деб бошлаб, ҳар бир бўлимни алоҳида ҳазиллар билан боғлаб чиққан.

Концертнинг кульминациясида стендапернинг чемпион бўлиш орзуси ҳақидаги мулоҳазалари яна бошланади. У яна ўша Ҳумо аренада концерт бериш орзусини гапиради. Лекин кутилмаганда унинг орзуси орзу эмаслиги маълум бўлади. Чунки, унинг орзусининг нархи бор: светга, овозга, арендага тўлай олса, марҳамат!

Давоми пастда
Post media background
Post media
16.02.202511:05
Ҳалиги бўладику, бирор одамни кўриб, билими, ютуқлари, одоби, муомаласига ҳавас қилиб, илойим болам ҳам шундай бўлсин, ютуқлари фарзандларимизга ҳам насиб этсин деб дуо қиласизку, жума куни Президентнинг ёшлар билан очиқ мулоқотида шундай болалар билан танишдим. Уларнинг ҳар бирига юракдан ихлос қилдим.

Биринчи қаҳрамоним- бухоролик Парвиз Туксанов. У SAT халқаро имтиҳонидан рекорд натижа-1600 балл тўплаган биринчи ва ҳозирча ягона ўзбекистонлик. Президент шундай ўғил ўстирганига онасига раҳмат айтди.

“Менимча” дастуридан лавҳа.
25.01.202519:18
Ҳаммаси ҳужжатли фильм сценарийсига ўхшайди.

Қора фонга оқ стул қўйилган. Абдуқодир ўтирибди (бир неча йилдан кейин) ўзининг бугунги ўйинини кўриб турибди.

Озгина жим қолади. Бошини чайқайди.

“Мен бундай бошлайман деб ўйламагандим. Ҳеч ким бундай бўлишини кутмаганди. Менимча, бу тарихий дебют менга энг катта тарихий сабоқ ҳам бўлган. Бош билан узатма, кейин сариқ карточка. Тушга ўхшарди, ўрнимга кимдир ўйнаётгандек. Ўзимни йиғиб олишга уриндим. Иккинчи таймда чиқмасам керак деб ўйладим. Йўқ, шанс берилди, бу кўпроқ мени Пеп аяганга ўхшади. Сўнг захирага олиндим. Менга яхши ўйнадинг дейишди, майдон қарсак чалганини ҳам эшитдим. Бироқ ўзимдан жуда хафа эдим. Шундан кейин ҳаммаси ўзгарди”

Титр чиқади: Вху из Кхусанов?

Кейин фильм бошланади.

Ўртоқлар, биз томошанинг энг бошидамиз. Тизер доим шундай саволли, интригали, аламли бўлади.

Энди премьераларни кутамиз.
17.02.202506:26
Ўзбекистонда мен ҳурмат қиладиган жуда кам сонли шифокорлардан бири - онколог Яҳё Зияев. Нега бундай ҳисоблашимни мана бу подкастни кўриб, тушунасиз:

https://youtu.be/WG-vQ1nj2nw?si=Q4d3G2RmwHpz6-Aw

Кўриб бўлгач, раҳмат деб қўйишингиз аниқ.
Post media background
Post media
16.02.202512:23
Наманганлик боғбон Бахтиёр ака:
- Отанг бойми? деб сўрабди
Президент:
- Нима дебди?
- Отанг бойми, бу университетда қандай ўқияпсан деб сўрабди қизимдан курсдоши.

Бахтиёр Солиевнинг қизи Дилобар Маҳмудхонова АҚШда ўқийди, у “Эл-юрт умиди” жамғармаси стипендиати.
04.02.202502:55
Айни вақтда Ўзбекистон Президенти Шавкат Мирзиёевнинг Малайзияга бўлажак ташрифи доирасида икки давлат олий таълим форуми бошланди.

Биз Султон Идрис Пенандикан университетидамиз.

Бизни Малайзия олий таълим муассасалари билан ҳамкорлигимиз яхши йўлга қўйилган. Бугунги кунда республикамизнинг 4 та олий таълим муассасаси Малайзия университетлари билан ҳамкорликда 5 та бакалавриат таълим йўналиши ва 3 та магистратура мутахассислиги бўйича қўшма таълим дастурларини амалга оширмоқда.

Малайзия ҳамкор олийгоҳлари ва таълим ташкилотларининг 230 нафар профессор-ўқитувчилари ўқув жараёнига жалб этилган.

Малайзиянинг техникавий ҳамкорлик дастури (МТСP) доирасида 2016 йилдан буён Ўзбекистон олий таълим муассасаларининг 200 нафардан зиёд (2024 йилда 15 нафар) профессор-ўқитувчилари тажриба алмашиш, стажировка ўташ, турли соҳалардаги ўқув курсларида иштирок этиш мақсадида Малайзияда бўлди.

Жараён янаям алоқаларни кучайтиришга қаратилган.
04.02.202512:43
Малайзиядан Ўзбекистонга туҳфа!

Петронас бизга салом беряпти.
10.02.202507:20
Қаерда бор бундай келинлар:)
Сизнинг тўйингизга қанча кетган, эслайсизми?
Тўйдан кейин қарзга/кредитга кирганмисиз?

https://t.me/uzmahallalari/6424
09.02.202506:34
Шу кунларда Навоий вилоятида "Алишер Навоий ва Шарқ Ренессанси" халқаро симпозиуми бўляпти.

Халқаро симпозиумида Белгия, АҚШ, Венгрия, Покистон, Россия, Эрон, Миср, Озарбайжон, Туркия, Шимолий Кипр, Қозоғистон, Қирғизистон, Тожикистон каби 20 га яқин давлатнинг, шунингдек республикамизнинг навоийшунослари, арбоблар, маданият ва санъат намояндалари, йирик олий ўқув юртлари профессорлари бевосита ва билвосита (онлайн платформалар орқали) иштирок этмоқда.

Вилоят ҳокимлиги каналига жойлаган мана бу видео менга ёқди. Вилоятдаги туман-шаҳар ҳокимлари баҳру байт айтишибди. Зарафшон ҳокимининг чиқиши ёқди: рубоийларни туркий, корейс ва инглиз тилида ўқиб берибди.
Post media background
Post media
16.02.202511:59
Президент ва халқаро шахмат устаси Гулруҳбегим Тоҳиржонова суҳбати. У 5 йилдан буён халқаро мусобақаларда АҚШ номидан қатнашиб келарди, энди Ўзбекистон миллий терма жамоасига қўшилди.
15.02.202514:35
Mirshakar Fayzulloyevning “Chempion” stendap-konsertidamiz.

Xuddi to’y egasi mendek, deyarli har ikki kunning birida iticketga kirib, chiptalari sotilyaptimikin deb xavotirda xayrixoh turdim. Axir “Humo arena” ulkaan-ulkaan 12 ming o’rinli arena. Bungacha barcha konsertlarida bo’lganman va bunday katta auditoriyaga munosib deb bilaman. Lekin odam baribir qo’rqadi-da.

Xursand bo’ldim, hammayoq to’la odaaaam!

Mirshakar Fayzulloyev qandaydir o’zimizning aka, o’zimizning tengdosh, o’zimizning intellektual komik.

Hozircha Shahriyor “Ona qizim” monologini kuylayapti.

Konsertdan keyin taqriz yozaman.
Xullas, “chempion” bo’lgani keldik.

Yuzi yorug’ bo’lsin Sahna stendap komiklarining!
Log in to unlock more functionality.