Мир сегодня с "Юрий Подоляка"
Мир сегодня с "Юрий Подоляка"
View
Труха⚡️Україна
Труха⚡️Україна
View
Николаевский Ванёк
Николаевский Ванёк
View
Мир сегодня с "Юрий Подоляка"
Мир сегодня с "Юрий Подоляка"
View
Труха⚡️Україна
Труха⚡️Україна
View
Николаевский Ванёк
Николаевский Ванёк
View
Kitoblar ombori avatar

Kitoblar ombori

Abdulloh ibn Muborak dedi:
- Hikmat, pand-nasihatni devorda topsang ham, o‘qi, ibrat ol... @kitob_ombori_ads
TGlist rating
0
0
TypePublic
Verification
Not verified
Trust
Not trusted
LocationУзбекістан
LanguageOther
Channel creation dateNov 11, 2019
Added to TGlist
Mar 18, 2025
I own this channel
History of changes
Linked chat
Xonimlar va janoblar
Xonimlar va janoblar
345

Records

07.04.202521:07
16.7KSubscribers
19.04.202523:59
200Citation index
03.04.202523:59
3.1KAverage views per post
03.04.202522:00
3.1KAverage views per ad post
23.03.202523:59
57.75%ER
18.04.202523:59
18.94%ERR

Growth

More details
Subscribers
Citation index
Avg views per post
Avg views per ad post
ER
ERR
MAR '25MAR '25MAR '25MAR '25MAR '25APR '25APR '25APR '25APR '25
More details

Popular posts Kitoblar ombori

All posts
06.04.202518:47
Nima uchun tinmasdan reaksiya bosinglar deyman? Bu oʻz-oʻzini yaxshi koʻrishmi yoki oʻzidan fahranishmi yokida kanaldagi faollikni koʻz-koʻz qilishmi? Aslo, bu avvalo sahifa egasini yangi narsalar qidirishga, ularni yozishga undash vositasidir. Seni eshitishyaptimi demak sen ularga kutganidan-da ziyoda narsa berishing zarur. Bundan ikkala taraf ham yutadi. Yozuvchi oʻz ustida koʻproq ishlaydi, koʻproq narsalar oʻrganadi, ilmga yanada chuqurroq shoʻngʻiydi. Eng muhimi undan odamlar intiqlik bilan kutayotgan narsa dofamin beradi. Tasavvur qiling, ilm olish jarayonida miya dofamin ishlab chiqarishi bu haqiqiy omad-ku!

Sharlotta Brontening "Jeyn Eyr" kitobida zoʻr jumla oʻqigandim:

Tinglovchilar qiziqishi, hikoya qiluvchining nutqini rivojlantiradi.


Sizlarning qiziqishingiz mening nafaqat nutqimni rivojlantiradi balki qalamimni ham oʻtkirlashtiradi.

Kim ota-onasini yaxshi koʻrsa ❤️ bossin!

Kim ham ota-onasini ham oʻzini yaxshi koʻrsa 🔥 bossin!

Kim ota-onasi, oʻzini va kanalni yaxshi koʻrsa 👍 bossin
28.03.202517:15
Bir doʻstimiz qoʻyarga qoʻymay sal notanishroq krugga birga borishga koʻndirdi. Ogʻizni ochib, shomni oʻqigandan keyin hamma dasturxonga qaytti va oʻzaro suhbatlar boshlandi. U boʻldi bu boʻldi savollar oʻqi chekkada indamasdan oʻtirgan menga kelib toʻxtadi. Nima ishda ishlashimni soʻrashdi, marketingda ishlayman, kontentlar yarataman va internetda shaxsiy brendlar bilan ishlayman dedim. Savol bergan kishi oʻqituvchi ekan. Yana adabiyot oʻqituvchisi. Meni gaplarimdan keyin Shrek qarash qildida "vaynchi ekansizda demak" dedi va meni ishimni salbiy jihatlarini sanay ketti. Gapni oxirida kitob oʻqib turasmi oʻzi deydi. Ha ora-orada oʻqib turaman dedim. Oʻzizchi desam 😂😂😂 "haa, ishimiz-ku bu, masalan oxirgi marta Fotih Dumanni hamma chiqqan kitoblarini oʻqib chiqdim. Mana haqiqiy adabiyot, aslida bizga ana shunday kitoblarni oʻqiydigan, anglaydigan yoshlar kerak blah blah blah...." Gapni oxirida "siz nima kitoblar oʻqiysiz oʻzi qori?" deydi nim tabassum bilan "Endi aka biz ilmsiz odammiz. Oʻqishga emas pulga qiziqib bozorga chiqib ketganimiz yoshligimizda. Shu sabab kitob didimiz ham uncha zoʻrmas" deb tursam meni mehmonga olib kelgan oshnam biqinimga turtib "indamen oshna, boʻldi unaqa sarkazm qilmang" deydi yerga qarab kulvoradigan holatda.
"Masalan domla yaqinda Fridrix Nitshening "Zardusht tavallosi"ni oʻqidim. Tan olaman sal aqlimiz olmadi. Qiyinroq asar ekan. Undan avval Yuval Noy Hararini "Homo Deux" kitobini oʻqigandim. Inson tamaddunini tarixiy hamda tadrijiy rivojlanish bosqichlarini faktlar va tarixiy voqeliklar bilan tahlil qibergan ekan. Undan avval esa Remarkning "Jannatdagi soyalar" kitobini oʻqigandim..." Sherigim "Abdurahmon boʻlar endi, akani hijolat qilib tashlayapsizu uyat boʻladi" deb qoʻlimdan tortadi. "Domla, eslolganlarim shular" desam u kishi:
"Haa, menimcha bu kitoblaringiz kasbingizga oid shekilli. Ora-orada badiiy kitoblar ham oʻqib turing" deb boshqa suhbatdoshi yuzlanib gapni tugatib qoʻydi.

U yerdan chiqib sherigim yarim soat kuldi. Becharani biqini ogʻrib qolmaganda menimcha davleniyasi ham koʻtarilib bir nima boʻlib qolardi😁

Qissadan hissa koʻp kulmanglar)
31.03.202517:17
80% yigitlarning sevgan qizi bor.
Qolgan 20%ni esa miyasi...

Qoʻshilaman 🔥
Men 80% ichidaman ❤️
03.04.202516:54
Agar hamma narsa siz kutgandek bo‘lib chiqmasa, tushkunlikka tushmang. Tangri taoloning rejalari doimo biznikidan afzalroqdir.

Gyote

@kitob_ombori
30.03.202505:37
29.03.202506:30
Hayolda: Poyezdda kitob oʻqib uyga ketish ❌

Hayotda: Poyezdda faqat uxlab uyga ketish✅
01.04.202519:14
***

Men charchab senga suyandim, haqiqat.
Soat bong urmoqda ,
Gaplashaylik, kel.
Qo'rqma,
O'tib ketdi bir kunlik dahshat.
Bugun, ikkinchi aprel,
Haqiqat.
Ikkinchi aprel...

Usmon Azim

@kitob_ombori
19.04.202516:23
25 yoshdan keyin hayot menga o'rgatgan asosiy saboqlar:

- ishga borish;
- ishxonada ishlash;
- ishdan uyga qaytish;
- uyga kelib uxlash.

va shu ketma-ketlik butun umr davom etishi🙂

@kitob_ombori
Reposted from:
Ikrom Sharif avatar
Ikrom Sharif
16.04.202513:06
Никоҳ — бу ҳиссиётга берилиб, ҳар жабҳада “бахтли интиҳо” билан тугаши кутиладиган романтик ҳикоя эмас.

Никоҳ — залворли лекин муқаддас бир аҳдлашувдир.
Аввало динда муқаддас, кейин эса жамиятда эътироф этилган бир масъулиятдир.
Бу йўлни фақат қалбида масъулият туйғуси бор инсонлар босиб ўта олади.

Аёл турмушга чиққанида аёллигини йўқотмайди.
Лекин “мен!” деган кибрни тарк қилиб, сукунат ва мулойимликни танлаши керак бўлади.
Чунки оила деган масканда ўжарлик, қайсарилик осойишталикни бузади, рахбарликни талашиш эса ҳамжиҳатликни яксон қилади.

Эркак эса оила қурганида куч билан эмас, ақл ва бағрикенглик билан бош бўлиши керак.
Оилага эътиборсизлик ва масъулиятдан қочиш эмас, балки посбонлик, ғамхўрлик ва етакчилик қилиши лозим.

Итоатли аёл — қадри паст хотин, дегани эмас.
Раҳбар эркак — зўравон эр, дегани эмас.
Ҳар бирининг мўтабар ўрни бор.
Ким ўзига тегишли чегарани бузса, аввало ўз ўрнини кейи эса ўзгаларни йўқотади.

Агар сен — аёл — бағрикенгликка, сабр-бардошга ва савобга умид билан яшай олишга ҳозир бўлмасанг, турмушга чиқишга шошилма!
Агар сен — эркак — ақл билан қарор чиқара олишга, уй ичини идора қилишга, муҳофаза қилишга ҳамда аҳдингга вафо қилиб яшашга тайёр бўлмасанг — турмуш қуришга шошилма!

Никоҳ — қучоқни ёки вақтни қарши жинс вакили билан тўлдириш эмас, балки бир миссияни — табиий инсоний вазифани — адо этишдир.

Ҳар ким Холиқ олдида ўз қилган ишлари учун жавоб беради — жуфти учун эмас.

Ҳа, никоҳ шартномаси ерда имзоланади, лекин унинг оқибати — икки абадий диёрнинг бири бўлади: ё мукофот, ёки жазо.

Шунинг учун, ўз қўлинг билан никоҳ шартномасини имзолашдан аввал, ўрнингни — масъулиятингни аниқ билиб ол.
Никоҳни муҳаббат сақламайди — никоҳни аҳдга вафо сақлайди.
Бу аҳд эса, йиллар билан эмас, ниятнинг софлиги ва холислиги билан ўлчанади.

Муҳаммад Азҳарий

@IkromSharif
Post media background
Post media
11.04.202508:28
Topgan pulini kitob do'konlariga sarflab yuradigan do'stingiz bormi? Yoki o'zingiz shundaymisiz?😄

@kitob_ombori
Post media background
Post media
12.04.202520:44
Ilm – bu o‘rganish emas, o‘zgarishdir.
Ishq – tanlov emas, tanlanishdir.
14.04.202508:31
Islomda ayol kishining o‘rni deganda, nafaqat chetdan baho beradiganlar, balki musulmon birodarlarimiz ham “uyda o‘tirish, bola boqish, ovqat pishirish” deyish bilan cheklanadilar.
Ammo e’tibor bering, Qur’ondagi juda ko‘p payg‘ambarlar (masalan, Nuh, Ibrohim, Yusuf, Muso, Iso..) qissalarida ayollarning voqealarning markazida bo‘lganliklarini ko‘rasiz, saodat asrida jamiyatda juda faol bo‘lgan ayollar bor. Eridan shikoyat qilib, payg‘ambarimiz (sav) ostonasiga yotib olgan ayol haqida ham, Umarga qarata “Sen kim bo‘libsanki, Alloh chegara qo‘ymagan mahrga chegara qo‘yasan” degan ayol haqida ham, hatto janglarda qatnashgan ayollar haqida ham eshitganmiz. Hazrati Oysha (r.a) ma’lum davrda siyosiy ziddiyatda asosiy figura bo‘lganlar – nohaqmidilar, yo‘qmi, boshqa masala, ammo hech kim unga “sen ayolsan, aralashmay, uyda o‘tir” degan fikrni aytmaganini ta’kidlash kerak. Butun dunyoga ustoz bo‘lgan olimlarning ham kamol topishida ularning onalari muhim ahamiyat kasb etgani haqida ham ko‘p eshitganmiz. Bir qancha mavzularda ayolning erkakdan farqli ekani haqida fikrlar keladi, ammo bu ularning teng emasligini anglatmaydi.
Keyinchalik, o‘sha musulmon mamlakatlarda ham ayolning o‘rni faqat xaramlarda “uchtama to‘rtta bo‘lib olishib chaqchaqlashadigan, o‘yin kulgi qiladigan, bola tug‘ib beradigan” darajaga tushib qolgani ko‘proq musulmonlarning aybidir.
Misol uchun, agar ayol mavzusidagi post yozilsa yoki ayol muallifning fikrlari chiqsa, uning ayol ekaniga urg‘u beradigan, munozaralardan quvishga harakat qiladigan, ayolning aynan ayollik xususiyatini markazga qo‘yadigan musulmonlarni ko‘p ko‘raman. Balki o‘sha saodat yillarida yoki yurtimizda ilm-fan taraqqiy topgan asrlardagi erkaklarning saviyasi jamiyatda ayollarning zexnini, fikrlarini qabul qila oladigan, ularni himoya qila oladigan darajada yuqori bo‘lgani uchun ayollar faol bo‘lgan, biz jamiyatda ayollarni ko‘tara oladigan salohiyatimiz yo‘qligi uchun ularni uyga qamayotgandirmiz?
Islom emasmidi, ayollarga mulk sifatida qaraladigan jamiyatda ularni ijtimoiy faol qatlam sifatida ko‘targan? Endi esa, go‘yoki, teskarisi, aynan Islom ayollarni uyga qamaydigandek xulosa chiqib qolmoqda.
Aslini olganda, bu yerda muhim bir jihat bor. Bugungi kunda ayollarning islom shartlari asosida jamiyatda faol yurishlari, qatnashishlari uchun ba’zi to‘siqlar borki, natijada ayollarning uyda o‘tirishlari bu holatda yechim sifatida yuzaga keladi. E’tibor bering, aynan yechim sifatida, targ‘ibot yoki mafkura sifatida emas. Ma’lum sharoitlarda qanday harakat qilish uchun berilgan yechim hech qachon insonlarning intilishi kerak bo‘lgan vaziyat o‘laroq namoyon bo‘lmasligi kerak, menimcha. Bu holatning “Islomning ayolga bo‘lgan munosabati” o‘laroq aks etishi esa, umuman noto‘g‘ri. Bu islomning ayolga emas, ma’lum shart sharoitlarga bo‘lgan munosabatidir.
Jamiyatda ayollarning faol bo‘lishlari borasida sharoitlar yaratish, to‘sqinliklarga barham berish haqidagi munozaralar ko‘proq bo‘lishi kerak, ayolni uyga qamash, ularni jamiyatdan chetlatish haqida emas. Axir "Niso" (Ayollar) surasida Alloh faqat bola tarbiyasi yoki ovqat pishirish haqida so‘z yuritganmidiki, Ayol deganda xayolimizga faqat shu mavzular kelsin?

@kitob_ombori
04.04.202516:05
Haqiqiy sevgi "Azizim, men seni sevaman! Sen mening borligʻimsan, jonimsan, jahonimsan" deyish emas.

Haqiqiy sevgi bu — birda block qilinadigan yana birda unblock qilinadigan, telefon qilinadigan, urushiladigan, uzr soʻraladigan va yana block qilinadigan hamda toʻxtovsiz tarzda takrorlanadigan nimarsadir.
03.04.202510:00
Bekorchilik yomon narsa ekan.
Kitob oʻqiysan, ovqat pishirasan, uylarni yigʻishtirasan, bozorlik qilasan, kino koʻrasan, qoʻshimcha darsga borasan ammo kun tugamaydi...
Ishdan boʻshagan odamni kuni shunaqa oʻtarkan)

#ishsizningkundaligi
05.04.202520:04
To‘satdan har bir sahifam sen haqingda bo‘lib qoldi

Bu qanday sodir bo‘lganiga men ham hayronman.

Men hech qachon bunday bo‘lishini xohlamaganman. O‘y-xayollarim sen bilan band bo‘lishini, kunlarim g‘amgin o‘tishini, tunlarim sen tufayli notinch bo‘lishini hech qachon istamaganman.

Lekin shunday bo‘ldi.

Bu shunchalik sekin, shunchalik to‘satdan sodir bo‘ldiki, anglab yetgunimcha, hayotimning har bir sahifasi sen haqingda bo‘lib qoldi.

Sening ovozingni eshitishni istaydigan, sening yoningda bo‘lishni xohlaydigan bo‘lib qoldim. Sen mening xayolimga shivirlab kirib kelding va to‘satdan butun ongimni egallab olding.

Har bir qo‘shiq menga seni eslatadigan bo‘lib qoldi. Sen yonimda bo‘lmasang, har bir lahza ma’nosiz tuyulardi. Go‘yo butun dunyoyim o‘zgarib, hamma narsa sening atrofingda aylanayotgandek edi.

Kundalik hayotimda: tish tozalayotganda, ko‘chada sayr qilayotganda, derazadan tashqariga qarayotganda ham seni o‘ylardim. Ismingning sadosi xotiramda yurak urishi kabi doimiy va shafqatsiz jaranglardi.

Men bunga qarshi kurashishga harakat qildim. O‘zimga "Bu shunchaki o‘tkinchi holat, oddiy ehtiros", dedim.

Ammo...

Qarshilik ko‘rsatganim sari bu tuyg‘u kuchayib borardi.

Sen men tark etolmaydigan hikoyaga, uyg‘onishni istamaydigan tushga aylanding. Sen haqingda yozishni boshladim, hech qachon ovoz chiqarib aytolmagan fikrlarimni, his-tuyg‘ularimni sahifalarga to‘ka boshladim.

Har bir so‘z sening bir bo‘laging edi.

Bu sahifalar aytilmagan so‘zlar, amalga oshmagan istaklar bilan to‘la edi.

Baxtli yakuni bo‘lmagan sevgi qissasiga, shunchaki intihosiz sog‘inch va sukut boblarini yoza boshladim. Sen borligini bilmagan hikoyaning bosh qahramoni eding.

Sen hech men haqimda o‘ylaganmisan, ismim xayolingga kelganmi?

Men seni qanday ko‘rgan bo‘lsam, sen ham meni shunday ko‘rganmisan? Sen ham men his qilgandek tuyg‘uni his qilganmisan? Yoki men hayotingdagi shunchaki ikkinchi darajali qahramon bo‘lib, tez unutiladigan insonmanmi?

To‘satdan har bir sahifa sen haqingda bo‘lib qoldi va men bundan nafratlanardim.

Menga hukmronlik qilishingni, butun ongimni egallab olishingni yomon ko‘rardim. Baxtim sening tabassumingga, nigohingga, so‘zingga bog‘liqligidan nafratlanardim.

Men bu sahifalarni yirtib tashlamoqchi, tarixni qayta yozmoqchi, sendan oldingi holatimga qaytish yo‘lini topmoqchi edim.

Ammo haqiqat shundaki, avvalgi holatimga qaytishga ishonchim yo‘q. Chunki kimdir hayotingizning bir qismiga aylansa, yuragingizga o‘rnashsa, uni o‘chirib tashlash deyarli imkonsiz.

Sen voqealar rivojining kutilmagan burilishi eding, hamma narsani o‘zgartirib yubording, men hech qachon kutmagan burilish nuqtasi eding. Endi esa, qanchalik urinmayin, sen mening butun borlig‘imning markaziga aylanmagan davrga qayta olmayman.

Men ishtirok etishni so‘ramagan hikoya ichida adashib qoldim.

To‘satdan har bir sahifa sen haqingda bo‘lib qoldi va men endi qanday qilib yozishni to‘xtatishni bilmayman.

@kitob_ombori
Log in to unlock more functionality.