Мир сегодня с "Юрий Подоляка"

Труха⚡️Україна

View

Николаевский Ванёк

View

Мир сегодня с "Юрий Подоляка"

View

Труха⚡️Україна

View

Николаевский Ванёк

View

TGlist rating

TypePublic

Verification

Not verified

Trust

Not trusted

LocationЕфіопія

LanguageOther

Channel creation dateFeb 06, 2025

Added to TGlist

Nov 02, 2024

I own this channel

History of changes

Linked chat

ኢስላማዊ የውይይት መድረክ!

12.7K

Statistic of Telegram Channel Murad Tadesse (Official Channel)☪️🇪🇹

More details

Subscribers

102 840

24 hours

230%Week

3190.3%Month

2 1742.2%

Citation index

0

Mentions4Shares on channels0Mentions on channels4

Average views per post

15 954

12 hours14 639

3.6%24 hours15 954

453.7%48 hours2 881

81.3%

Engagement rate (ER)

4.41%

Reposts31Comments18Reactions120

Engagement rate by reach (ERR)

2.8%

24 hours0%Week

1.49%Month

2.14%

Average views per ad post

21 090

1 hour6 19929.39%1 – 4 hours8 42939.97%4 - 24 hours3901.85%

More details

Connect our bot to the channel to find out the gender distribution of this channel's audience.

Total posts in 24 hours

10

Dynamic

Latest posts in group "Murad Tadesse (Official Channel)☪️🇪🇹"

All posts

23.04.202517:27

በበርካታ የወራሪዋ እስራኤል አካባቢዎች አደገኛ እሳት ተቀስቅሷል። የአላህ ሠራዊት ብርቱ ነው።

#عــاجـــــــــــل_الآن
حريق يلتهم اسر,ائيل اللهم اشعله بناااار غضبك

23.04.202516:29

ጀሊሉ ቤትን "XY" ይምራ ሲል አድልኦ ሳይሆን ከ አሀዳዊው "XX" ይልቅ አካታች ስለሆነ ነው። ለዚህም ይረዳው ዘንድ አእምሮው ላይ 400 ግራም የማስተዳደሪያ ሰርኪዩት ተጨምሮለታል። አንጥፎ ባይተኛበት!

Kha Abate

23.04.202516:06

ይህንን ጥቅስ ጨምሮ ሙሉ ክብረ ነገሥትን በእምነታዊ የሕግ መጽሐፍ የሚቀበሉ ወገኖች ሰሎሞን አንድ ሺህ ሴቶች ጋር በትዳርም ሆነ በእቁባትነት ወሲብ የፈጸመው ለጥበብ፣ በርካታ ልጆችን ለማግኘት፣ እነዚያ የሚወለዱት ልጆች ጠላቶቹን እንዲያሸንፉና እንዲወርሱ መሆኑን የተቀበለ አዕምሮ አብዛኛዎቹ አግብተው የፈቱ፣ ባሎቻቸው የሞቱባቸውና ደጋፊ ያጡ 11 ሚስቶችን ስላገቡ ነቢዩ ሙሐመድን (ሰዐወ) እንደምን ለመውቀስ ደፈረ?

በመጽሐፍ ቅዱስ በመኀልዬ መኃልዬ ዘ-ሰሎሞን ስለፍቅር፥ ስለወሲብ፥ ስለሴት ልጅ ጡት፣ ከንፈርና ዳሌ የሚያወሱ በሰሎሞን የተጻፉ ፍትወት ቀስቃሽ ጽሑፎች ቢኖሩም፣ ከአንድ ሺህ ሴቶች ጋር የወሲብ ግንኙነት ቢኖረውም፣ ራሱ መጽሐፍ ቅዱስ ሰሎሞን "በብዙ እንግዶች ሴቶች ፍቅር ተነደፈ" ቢልም፣ ክብረ ነገሥት ራሱ ሰሎሞን ንግስት ሳባን በዘዴ አታሎ ወሲብ እንደፈጸመባት ቢጠቅስም፣ ያው ክብረ ነገሥት መልሶ እነኚህን ሁሉ ምክንያታዊና ተቀባይነት ያለው ለማድረግ የሄደበትን ርቀት ማስተዋል ተገቢ ነው።

በተለይ የመጽሐፍ ቅዱስ አማኞችና የክብረ ነገሥትን ቅዱስነት የሚቀበሉ አካላት መልሰው የአላህ መልዕክተኛ (ሰዐወ) በሕይወት ዘመናቸው 11 ሴቶችን ማግባታቸውን የዝሙት፣ የወሲበኝነትና የክብረ ነክነት መገለጫ አድርገው ለመሳል መጋጋጣቸው ፍጹም ኢ-ምክንያታዊነት ነው።

የ1001ኛዋ ሴት ንገስት ሳባ ወገኖች የነቢዩ ሙሐመድን (ሰዐወ) ጋብቻ የመተቸት ሞራል እንዴት ከቶ ሊኖራቸው ቻለ?

ንጉሥ ሰሎሞን 700 ሚስቶችና 300 እቁባቶች እያሉት በሀገራችን ክርስቲያኖች 1001ኛ (አንድ ሺ አንደኛ) ለመሆን ወደ ሰሎሞን የሄደችው ንግስት ሳባን እንደ ተምሳሌት ተቀብለዋል። ሰሎሞንን እንደጠቢብ እና አርኣያ አይተዋል። ከአንድ ሺ አንደኛዋ ሴት ተወለደ የተባለውን ምኒልክ ቀዳማዊንም ይኮሩበታል። "ታቦተ ጽዮንን ይዞ ወደ ሀገራችን በመግባቱ ሀገራችንም ሆነች አክሱም የቅዱስነት ማዕረግ አገኙ" ይላሉ።

ይህ ከሆነ ታዲያ እንዴት ነቢዩ ሙሐመድን (ሰዐወ) የመተቸት ሞራል ሊኖራቸው ቻለ? የኢትዮጵያ ኦርቶዶክስ ክርስቲያኖች ንግስት ሳባ ለንጉሥ ሰሎሞን 1001ኛ (አንድ ሺህ አንደኛ) ሚስት መሆኗን በኩራት እየተቀበሉ፣ ንጉሥ ሰሎሞንንም እንደጠቢብና ነቢይ እየተቀበሉ ነቢዩ ሙሐመድ (ሰዐወ) የነበራቸውን 11 ሚስቶች ጉዳይ ለነቢዩ ማነወሪያነት ለማንሳት መሞክራቸው የጤና ነውን? መንታ ሚዛንና መንታ መስፈሪያ ለምን?

"የዘር ሀረጋችን አንድ ሺህ አንደኛ የንጉሥ ሰሎሞን ሚስት ከሆነችው ከንግስት ሳባና ንጉሥ ሰሎሞን ይመዘዛል" ብሎ የሚያምኑ፣ የሚኮሩና ቅድስና እንዳገኙ የሚያስቡ አካላት በታሪክ ድርሳናት ከእነ ምክንያታቸው ጭምር የተመዘገቡት የነቢዩ (ሰዐወ) አርዓያነት የተሞሉ ጋብቻዎች እንዴት ነውር ሆነው ታዩዋቸው? ለምንስ ይህንን ፍርደ ገምድል ወቀሳ "ነቢይ አይደሉም" ለሚል መከራከሪያ መሠረት አደረጉ?

የክፍል 1 ጸሑፌ ይህንን ይመስላል። በክፍል 2 ድጋሚ እስክንገናኝ በጉዳዩ ላይ በነጻነት እየተወያያችሁ መልዕክቱ ለሁሉም እንዲደርስ ለሌሎች አጋሩ። አስተያየት ካላችሁ ከታች አስፍሩ። ቸር እንሰንብት!

©: አሕመዲን ጀበል

23.04.202516:06

"ለሰሎሞን ግን ስለሴቶች አልተወሰነለትም ነበርና ጋብቻው የኃጢአት አልሆነበትም ነበር።" (ክብረ ነገሥት ግዕዝና አማርኛ፤ አዘጋጅና ተርጓሚ ስርገው ገላው፤ የኢትዮጵያ ቋንቋዎች ጥናትና ምርምር ማእከል፤ አዲስ አበባ ዩኒቨርሲቲ፤ 1994፤ አንቀጽ 28፤ ገጽ 21)

በማስከተል ከላይ በጠቅሰነው መልኩ ጥበበኛነቱ፥ ንጉሥነቱ እና ነቢይነቱ የተገለጸውን የንጉሥ ሰሎሞንን የጋብቻ ሕይወት ከነቢዩ ሙሐመድ (ሰዐወ) ጋብቻዎች ጋር በማነጻጸር እንመለከታለን።

1/ ሰሎሞን 700 ሚስቶችና 300 እቁባቶች ነበሩት። እቁባት ማለት በጦርነት የተማረኩ የጠላት ወገን ሴቶች፣ በባርነት ውስጥ ሆነው በስጦታ የተሰጡና በቤት ውስጥ አገልጋይ የሆኑ፣ ከሰሎሞን ጋር የወሲብ ግንኙነት የነበራቸው ናቸው። በርካታ ሚስቶችን ማግባት የሚያስነውር ከሆነ ሰሎሞንን ጨምሮ ከአንድ በላይ ያገቡ ግለሰቦች ለምን በዚህ አድራጎታቸው ፈጣሪ ሳያነውራቸውና ሳይነቅፋቸው ቀረ?

2/ የክርስትና እምነት ተከታዮች የነቢዩ ሙሐመድን (ሰዐወ) ነቢይነት ለማስተባባል ከሚያነሷቸው ነጥቦች አንዱ የጋብቻ ሕይወታቸው ነው። ሆኖም ከነቢዩ ሙሐመድ (ሰዐወ) በ91 እጥፍ (በ990 የሚበልጡ) ሚስቶችና እቁባቶች የነበሩትን ሰሎሞንን ግን እንኳን ሊያነውሩ ይቅርና “ጠቢብ፣ ንጉሥ፣ ነቢይና እግዚአብሄር በስልጣን የቀባው፣ ቤተመቅደሱን ያነጸ” በሚል ያሞካሹታል። መንታ ሚዛንና መንታ ምላስ ለምን? አድሏዊ መሆን ለምን አስፈለገ?

3/ በመጽሐፍ ቅዱስ መሠረት ከ2 እስከ 700 ሚስቶችና 300 እቁባቶች የነበራቸው ጋብቻዎችና የግብረ ስጋ ግንኙነቶች እንደ ኃጢአትና ነውር ሳይቆጠሩ ነቢዩ ሙሐመድ (ሰዐወ) ከ11 ሴቶች ጋር የፈጸሙት ጋብቻ እንዴት እንደ ኃጢአትና ነውር ሊታይ ይችላል? ከአንድ ሚስት በላይ ማግባት በክርስትና የሚወገዝ ከሆነ የንጉሥ ሰሎሞን ዓይነቶቹ በርካታ ሚስት የነበራቸው ነቢያትና ነገሥታት ጋብቻ ለምን በመጽሐፍ ቅዱስም ሆነ በክርስቲያኖች ዘንድ አልተወገዘም?

4/ ለሴቶቹ ጥበቃና ከለላ መሆን የሚችለው የትኛው ነው... እስከ አንድ ሺህ ሚስቶችና እቁባቶች የደረሰው ንጉሥ ሰሎሞን? ወይስ 11 ሚስቶችን ያገቡት ነቢዩ ሙሐመድ (ሰዐወ)?

5/ ነቢዩ ሙሐመድ (ሰዐወ) ያገቧቸው ሴቶች ሁሉም ሙስሊሞች፥ በመልካም ስነ-ምግባር የታነጹ ነበሩ። በጋብቻዎቹ ምክንያትም በህዝቦች መካካል ማህበራዊና ፖለቲካዊ ትስስር ተፈጥሯል። ለሃይማኖቱ መስፋፋት፣ ለፖለቲካዊ እርቅና ለሴቶች ጥበቃ ሰበብ ሆነዋል። መጽሐፍ ቅዱስ ግን ንጉሥ ሰሎሞን በሺህ የሚቆጠር ሚስት አግብቶ ወደ አምልኮ ጣኦት እንዳዘነበለ ይጠቅሳል። ይበልጥ የሚያስተቸው የቱ ነው? ነቢዩ ሙሐመድ (ሰዐወ) ያደረጉት ጋብቻ ለትችትና ወቀሳ ምክንያት ሆኖ ሳለ እንዴት ንጉሥ ሰሎሞን ሲተች አናይም?

የጠቢቡ ሰሎሞን ሚስቶችና ጋብቻዎች ሲፈተሹ
💯💯💯💯💯💯💯💯💯💯💯💯💯

1/ ጠቢቡ ሰሎሞን 40 ዓመት በቆየው የንግስና ዘመኑ 700 ሚስቶችና 300 እቁባቶች ነበሩት። ጠቢቡ እነኚህን 1ሺ ሴቶች በምን ያክል ጊዜ አገባ? በግርድፉ ብናሰላው በየ20 ቀኑ አዲስ ሚስት ያገባል ማለት ነው። ሥልጣን በያዘ በመጀመሪያ ቀን ሚስት ማግባት ቢጀምር በየቀኑ አንዳንድ ሴት ቢያገባ ያለምንም ማቋረጥ ሁሉንም 1 ሺህ ሴቶች ለማግባት 2 ዓመት ከ9 ወር ይወስድበታል።

2/ ሰሎሞን ለአንድ ሺህ ሴቶቹ መኖሪያ ለአያንዳንዳቸው አንድ አንድ ክፍል ቢሠራላቸው በአጠቃላይ ለሚስቶቹ አንድ ሺህ ክፍሎች ያስፈልጉታል ማለት ነው።

3/ ሰሎሞን በየሌሊቱ ከአንዳንድ ሴቶች ጋር ቢያድር ሁሉንም ሴቶች ለማዳረስ 2 ዓመት ከ9 ወር ይፈጅበታል። አንዲት ሴት ተራዋ የሚደርሳት በ33 ወራት አንዴ ነው።

4/ ሰሎሞን በአንድ ቀን ከ3 ሴቶች ጋር ግንኙነት የሚያደርግ ቢሆን ዓመቱን ሙሉ ምንም ሳይቋረጥ በየእለቱ ግንኙነት የሚያደርጉ ከሆነ ሴቶቹ ተራ የሚደርሳቸው ከ333 ቀናት በኋላ ይሆናል።

5/ ሰሎሞን በስልጣን ላይ በቆየባቸወ 40 ዓመታት ሙሉ ሴቶቹን አግብቶ ነበር ብለን ብናስብ በየቀኑ ከአንዲት ሴት ጋር ቢያድር በእነዚህ 40 ዓመታት ውስጥ እያንዳንዷ ሴት ከሰሎሞን ጋር ለ14 ቀናት ብቻ አብራ የማደር እድል ታገኛለች።

6/ መጻሕፍቱን በቅዱስ መንፈስ ተመርቶ እንደጻፈ በክርስቲያኖች የሚታመንለት ጠቢቡ ሰሎሞን ከነበሩት 1000 ሴቶች ጋር ከጊዜው፣ ከትኩረቱና ከፍቅሩ እያንዳንዷ ሴት የሚደርሳት ከእርሱ 0.1% (ዜሮ ነጥብ አንድ በመቶ) ብቻ ነው።

7/ ሰሎሞን በየቀኑ ቁርስ፣ ምሳና ራት ከተለያዩ ሴቶቹ ጋር በየተራ አብሯቸው ለመብላት ቢያስብ (በቀን ከ3 ሴቶች ጋር ቢበላ ማለት ነው) እያንዳንዷ ሴት ምግብ እንኳን አብሮ የመብላት ተራ የሚደርሳት ከ333 ቀናት በኋላ ነው።

8/ እያንዳንዷ ሴት ለጠቢቡ ሰሎሞን አንድ ልጅ ብትወልድ ሰሎሞን አንድ ሺህ ልጆች ይኖሩታል። እንደ አባት የአንድ ሺህ ልጆችን ስም፣ መልክና ማንነት መለየት አይቸገርምን?

9/ ሰሎሞን አንዲት ሴት ጋር አብሮ ባደረበት እለት ሴቲቱ ብታረግዝ ዳግም ባሏን አግኝታ ስለእርግዝናው ለመነጋገር የአንዲት ሌሊት ተራ የምታገኘው ከ2 ዓመት ከ9 ወራት በኋላ ነው። ልጁ ተወልዶ የ2 ዓመት ልጅ ከሞላው በኋላ ነው አባቱ ጋር የሚገናኘው።

1001ኛዋ ንግስት ሳባና የነቢዩ (ሰዐወ) ሚስቶች
🔴🔴🔴🔴🔴🔴🔴🔴🔴🔴🔴🔴🔴🔴

ነቢዩ (ሰዐወ) ያገቧቸው ሴቶች 3ቱ ከእርሳቸው በፊት ሁለት ጊዜ አግብተው የነበሩ ናቸው። ከቀሪዎቹ ውስጥ 5ቱ ደግሞ አንድ ጊዜ ባል አግብተው ባሎቻቸው የሞተባቸውና ትዳራቸው በፍቺ የተጠናቀቀባቸው ሴቶች ናቸው። ከሚስቶቻቸው ሲያገቧት ድንግል የነበረችው አዒሻ ቢንት አቡበክር ብቻ ነበረች።

የጠቢቡ ሰሎሞን ጋብቻ ግን ከዚህ የተለየ ነበር። ያገባቸው ሴቶች መልከ መልካም የተባሉና የተመረጡ ሴቶች ነበሩ። ክብረ ነገሥት በዚህ ጉዳይ ላይ እንዲህ ይላል...

"ንጉሥ ሰሎሞን ሴቶችን ወዳጅ ነው፤ ከእብራውያንም፣ ከግብጻውያንም፣ ከከነአናውያንም፣ ከኤዶማውያንም፣ ከኢዮባውያንም፣ ከኣሞሪፍ፣ ከኮርጎ፣ ከደማስቆሳውያንም፣ ከአርማውያንም መልክ መልኮች ናቸው ተብለው ከነበሩት ሁሉ አገባ።" (ክብረ ነገሥት፥ አንቀጽ 28፥ ገጽ 20)

መጽሐፍ ቅዱስ በመጽሐፈ ነገሥት ቀዳማዊ ላይ እንደሚለው ጠቢቡ ሰሎሞን በብዙ ሴቶች ፍቅር ተነድፎ ነበር። ይህንንም ሲገልጽ እንዲህ ይላል...

"ንጉሱም ሰሎሞን ከፈርዖን ልጅ ሌላ፥ በሞዓባውያንና በአሞናውያን፥ በኤዶማውያን፥ በሲዶናውያን፥ በኬጣውያን ሴቶች፥ በብዙ እንግዶች ሴቶች ፍቅር ተነደፈ።" (1ኛ ነገሥት 11፡1)

ንጉሥ ሰሎሞን 700 ሚስቶችና 300 እቁባቶችን መያዙና በብዙ ሴቶች ፍቅር መነደፉ በመጽሐፍ ቅዱስ ቢጠቀስም ክብረ ነገሥት ግን ይህን ያደረገው በዝሙት መንፈስ ሳይሆን የእግዚኤብሔርን ጥበብ በመሻት በርካታ ልጆች ለመውለድ ፈልጎ መሆኑን፣ ልጆቹ የጠላትን ሀገር እንዲወርሱ እና ጣኦታትን ለመንቀል መሆኑን እንዲህ ሲል ይገልጻል...

"ይህን ያደረገው ግን በዝሙት ምክንያት ሳይሆን እግዚአብሄር የሰጠውን ጥበብ በመሻትና ለአብርሃምም 'ዘርህን እንደ ሰማይ ኮከብና እንደ ባሕር አሸዋ አበዛልሃለሁ' ያለውን በማሰብ ነው። በልቡም 'ከእያንዳንዷ እግዚአብሄር አንዳንድ ወንድ ልጅ ይሰጠኝ እንደሆነ ምን አውቃለሁ?' አለ። 'ልጆቼ የጠላትን አገር ይውረሱ። ጣኦታትን የሚያመልኩትንም ይንቀሏቸው' ብሏልና ይህን ሁሉ በብልሃት እንዲህ አደረገ።" (ክብረ ነገሥት፥ አንቀጽ 28፥ ገጽ 20)

23.04.202516:06

የንግሥት ሳባ 1001ኛ ሚስትነትና የነቢዩ ሚስቶች ትችት
💥💥💥💥💥💥💥💥💥💥💥💥💥💥💥💥

በአሕመዲን ጀበል፣ክፍል አንድ
🌻🌻🌻🌻🌻🌻🌻🌻🌻

ከሁለት ወራት በፊት ሆነ ተብሎ በተደራጀ መልኩ በነቢያችን (ሰዐወ) ላይ የተጀመረውን ስድብና የማነወር ተግባር አስመልክቶ ባለፉት ስድስት ሳምንታት መንደርደሪያ የሆኑ የተለያዩ ጽሑፎችን በማህበራዊ ሚዲያ ማስነበቤ ይታወሳል። በጉዳዩ ላይ ለሕግና ፍትህ አካላት የቀረቡ አቤቱታዎች እንደተጠበቁ ሆነው የማነወሩና የስድቡ ማዕከል በዋናነት በነቢዩ (ሰዐወ) የጋብቻ ሕይወት ዙሪያ በመሆኑ ከዚህ በማስከተል በጉዳዩ ዙሪያ ተከታታይ ጽሑፍ በማስነበብ ብዥታዎችን ለማጥራት፣ በነቢዩ (ሰዐወ) ስብዕና ላይ የተሰነዘሩ የማነወር ሙከራዎችን ለመመከት ጥረት አደርጋለሁ - ኢንሻአላህ!

በመሆኑም በተከታታይ ነቢዩ (ሰዐወ) ያገቧቸውን ሴቶች እና የጋብቻዎቹን ሁኔታ፣ ከአዒሻ ጋር የፈጸሙትን ጋብቻ፣ በወሲብ ሕይወታቸው ዙሪያ የተሰነዘሩ ትችቶችን፣ ከጦርነት ጋር ተያይዞ የሚቀርብባቸውን ክሶች፣ በእስልምና የተፈቀደውን ከአንድ በላይ የማግባት ጉዳይና ሌሎችም አጀንዳዎች በተከታታይ እንመለከታለን።

በእርግጥ እነዚህ አብዛኛዎቹ ትችቶችና ክሶች የዛሬ 16 ዓመት ፣በታህሳስ 2001 በታተመው "የሴቶች መብትና እኩልነት በኢስላምና በክርስትና እምነት" በሚለው መጽሐፌ ምላሽ ሰጥቼበት ነበር። ነገር ግን አጀንዳው ዳግም በመነሳቱ እኔም ዳግም ወደ አጀንዳው ተመልሼ ከተቺዎቹና ከአነዋሪዎቹ እምነትና አስተሳሰብ አንጻር ምላሽ የምሰጥ ይሆናል።

በዚህ ረገድ ለክርስትና እምነት ተከታይ ወገኖቼ ማሳወቅ የምሻው በእስልምና፣ እንዲሁም በነቢዩ (ሰዐወ) ስብዕና ላይ በዘመቻ መልክ እየተሰነዘሩ ላሉት የሐሰት ትችቶች፣ብዥታዎች እና ውንጀላዎች ከመጽሐፍ ቅዱስ ጭምር በማጣቀስ እያነጻጸርኩ ወገኖቻችን እንዲያስተውሉ የማድረግ ዓላማ ይዤ እንደምጽፍ ነው። ለዛሬ ደግሞ በመጽሐፍ ቅዱስ በርካታ ሚስቶች ከነበራቸው ግለሰቦች አንዱ የነበረውን የጠቢቡ ሰለሞንን ጋብቻ ብቻ በምሳሌነት በማንሳት አጀንዳውን እንዳስሳለን።

በነቢዩ (ሰዐወ) የጋብቻ ሕይወት ዙሪያ ጥያቄዎች ያላችሁ ወገኖችም የምለጥፋቸውን ጽሑፎች በጥሞና እንድታነቡ እጋብዛለሁ። የነቢዩ (ሰዐወ) ወዳጆች ደግሞ አንብባችሁ መልዕክቱ በሁሉም መንገድ እንዲሰራጭ እንድታደርጉ እጠይቃለሁ። መልካም ንባብ!

ንጉሥ ሰሎሞንና ነቢዩ ሙሐመድ (ሰዐወ)
💢💢💢💢💢💢💢💢💢💢💢💢

ከአንድ በላይ ሚስት የነበራቸው ነቢያት፣ ጠቢባንና ነገሥታትን ጨምሮ ታላላቅ ታሪካዊ ስብዕናዎች እንደነበሩ መጽሐፍ ቅዱስ ይተርክልናል። ከእነኚህ ታላላቅ መጽሐፍ ቅዱሳዊ ስብዕናዎች ውስጥ ጠቢቡ ሰሎሞን (ንጉሥ ሰሎሞን) አንዱ ነው። መጽሐፍ ቅዱስ ንጉሥ ሰሎሞን ጠቢብ እንደሆነ ሲገልጽ እንዲህ ይላል፦

"ንጉሡም ሰሎሞን በባለጠግነትና በጥበብ ከምድር ነገሥታት ሁሉ በልጦ ነበር።" (1ኛ ነገሥት 10፡23)

ኢየሱስም የንጉሥ ሰሎሞንን (ነቢ ሱለይማንን) ጥበበኝነት እንዲህ ሲል መስክሯል...

"ንግሥተ ዓዜብ በፍርድ ቀን ከዚህ ትውልድ ጋር ተነሥታ ትፈርድበታለች፤ የሰሎሞንን ጥበብ ለመስማት ከምድር ዳር መጥታለችና፤ እነሆም ከሰሎሞን የሚበልጥ ከዚህ አለ።" (የማቴዎስ ወንጌል 12፡42)

ሰሎሞን ከፈጣሪ መለኮታዊ ትዕዛዛት ይወርድለት የነበረ ግለሰብ ነበር። እሱን ጠቢብ ያደረገው ፈጣሪ ራሱ መሆኑን ደግሞ እንዲህ ሲል መጽሐፍ ቅዱስ ይጠቅሳል...

"እግዚአብሔር አለው። ፍርድን ትለይ ዘንድ ለራስህ ማስተዋልን ለመንህ እንጂ ለራስህ ብዙ ዘመናትን ባለጠግነትንም የጠላቶችህንም ነፍስ ሳትለምን ይህን ነገር ለምነሃልና እነሆ እኔ እንደ ቃል አድርጌሃለሁ፤ እነሆ ማንም የሚመስልህ ከአንተ በፊት እንደሌለ ከአንተም በኋላ እንዳይነሣ አድርጌ ጥበበኛና አስተዋይ ልቦና ሰጥቼሃለሁ።" (1ኛ ነገሥት 3፡11-12)

የጠቢቡ ሰሎሞን እውቀትና ጥበብ በፈጣሪ የተሰጠው መሆኑንም መጽሐፍ ቅዱስ እንዲህ ይጠቅሰዋል...

"እግዚአብሔር ለሰሎሞን እጅግ ብዙ ጥበብና ማስተዋል በባሕርም ዳር እንዳለ አሸዋ የልብ ስፋት ሰጠው።" (1ኛ ነገሥት 4፡29)

በተጨማሪም የጠቢቡ ሰሎሞን ጥብብ ብቻ ሳይሆን ንግስናውም ጭምር በፈጣሪ በመመረጡ የተሰጠው መሆኑ ተጠቅሷል። መጽሐፍ ቅዱስ እንዲህ ይላል...

"እግዚአብሔርም ሰሎሞንን፤ ይህ በልብህ ነበረና፣ ባለጠግነትንና ሀብትን ክብርንና የጠላቶችህን ነፍስ ረጅምም ዕድሜን አልለመንህምና፣ ነገር ግን ባነገሥሁህ በሕዝቤ ላይ ለመፍረድ ትችል ዘንድ ጥብብና እውቀትን ለራስህ ለምነሃልና ጥበብንና እውቀትን ሰጥቼሃለሁ።" (መጽሐፈ ዜና መዋዕል ካልዕ 1፡11)

ጠቢቡ ንጉሥ ሰሎሞን ከፈጣሪ ጋር ግንኙነት የነበረው ነቢይ መሆኑን የኦርቶዶክሱ መጽሐፈ ሜላድ እንዲህ ይገልጻል...

"ቤተ መቅደስን ያነጸ ነቢይ ሰሎሞን የንጉሥ ማደሪያ ናት ብሎ እንደተናገረ በኹለት ወገን ድንግል ከሆነች እመቤታችን ድንግል ማርያም ጌታችንና አምላካችን መድኃኒታቸን ኢየሱስ ክርስቶስ በተወለደበት ወርኃ ታኀሣሥ 29 ቀን የሚነበበው መጽሐፈ ሜላድ ሐዲስ የተባለው ድርሳን ይኽ ነው።" (መጽሐፈ ሜላድ ዘወርኃ ታኀሣሥ፥ ምዕራፍ 5 ቁጥር 1)

በክርስትና ሃይማኖት አንድ ሺህ ሚስቶችና እቁባቶች የነበሩት ነቢዩ ሰሎሞን የጻፋቸው መጽሐፍት ቅዱስ ተደርገው የዛሬ መጽሐፍ ቅዱስ አካል ተደርገዋል። መጽሐፈ ምሳሌ፣ መኃልዬ መኃለዬ ዘሰሎሞን፣ መጽሐፈ መክብብ ወዘተ እንደምሳሌ ይጠቀሳሉ።

ሰሎሞን (ነቢዩ ሱለይማን) በርካታ ሚስቶች እንደነበሩት እስልምናም ሆነ ክርስትና ይስማማሉ። መጽሐፍ ቅዱስ በ1ኛ መጽሐፈ ነገሥት 11፡3 ላይ ጠቢቡ ንጉሥ ሰሎሞን 700 ሚስቶችና 300 እቁባቶች እንደነበሩት ይነግረናል። በኢስላም ደግሞ የሰሎሞን ሚስቶች ብዛት ባይጠቀስም ከአንድ መቶ በታች እንዳልሆነ የሚጠቁሙ ሐዲሶች አሉ።

ነቢዩ ሙሐመድ (ሰዐወ) ከ25 እስከ 49 ዓመት እድሜያቸው በአንዲት ሚስት ተወስነው ቆይተዋል። ይህ ደግሞ የወጣትነት እና የጎልማሳነት ጊዜያቸውን ያማከለ ነው። እሷንም ቢሆን ሲያገቧት ድንግል አልነበረችም። ከእርሳቸው በፊት 2 ጊዜ አግብታለች። የመጀመሪያ ባሏ የሞተባት ሲሆን ከሁለተኛው ባሏ ጋርም እንደተፋታች ይታወቃል። በዕድሜም ከእርሳቸው በ15 ዓመት ትበልጥ ነበር።

ከዚያም ባለፈ በ50ዎቹ የእድሜያቸው ዓመታት በተለያየ ጊዜ ባሎቻቸው የሞቱባቸውን፣ ደጋፊ ያጡ ሴቶችን ለማገዝና ለመደገፍ፣ ለሃይማኖቱ መጠንከር፣ ለፖለቲካዊ ጥምረትና ህብረት ሲሉ እስከ 11 ሚስቶች ማግባታቸው ይታወቃል። አብዛኛው ጋብቻ የተፈጸመው ነቢዩ (ሰዐወ) እድሜያቸው 58ኛ ዓመት ከሞላ በኋላ ሲሆን የመጨረሻው ጋብቻ ደግሞ 60ኛው ዓመታቸው ላይ ነበር። ይህንን በቀጣዩ ጽሑፍ በዝርዝር እንመለስበታለን።

የኢትዮጵያ ኦርቶዶክስ ተዋህዶ ቤ/ክ የቀድሞ ዘመን ሕገ መንግስት የነበረው ክብረ ነገሥት ንጉሥ ሰሎሞን ከአንድ ሺህ ሴቶች ጋር ጋብቻና ግንኙነት መፈጸሙን አይወቅስም። እንዲያውም እንዳይወቀስ እንዲህ በማለት ማስተባበያ ያቀርብለታል...

23.04.202515:34

«በተፈጥሮ ወንድ "XY" ክሮሞዞም አለው። ሴት "XX" አላት። ስለዚህ ወንድ በ X" ተፈጥሮው ሴትን ሊረዳት ይገባል። ሴቶች አንዳንድ ነገሮችን ካልተረዱህ "Y" ክሮሞዞም ስሌላቸው ነውና ሳታካብድ አለፍ እያልክ።»

Kh Abate

23.04.202513:25

"በአዲስ አበባ የመጀመሪያው የወሌ መሀመድ መስጂድ ታድሶ ለህዝበ ክፍት ይሆናል" ሲሉ ረዳት ፕሮፌሰር ነብዩ ባዬ ተናገሩ።

ዜና፣መጅሊስ፣ሸዋል 25/1446 ዓ.ሒ ሚያዝያ 15/2017 ዓ.ል. አ.አ.

የካሳንችስ መልሶ ማልማት ስራ አካል የሆነው ታሪካዊውና በአዲስ አበባ የመጀመሪያው የሆነው የወሌ መሀመድ መስጂድ ታድሶ ለህዝብ ክፍት ይሆናል ሲሉ የባህልና ስፖርት ሚኒስትር ዴኤታ ረዳት ፕሮፌሰር ነብዩ ባዬ ገለጹ።

ሚኒስትር ዴኤታው ረዳት ፕሮፌሰር ነብዩ ባዬ እንደገለጹት፤ በካሳንቺስ የመልሶ ማልማት ስራ ስር የሚገኙ የሀይማኖት ተቋማት የወሌ መሀመድ መስጂድን ጨምሮ ታሪካዊነታቸውን በጠበቀ መንገድ ለማልማት እየተሰራ ነው።

የወሌ መሐመድ መስጅድ ሀጂ ወሌ በዳግማዊ ሚኒሊክ ዘመን ቤተ መንግስቱን ይሰሩ ከነበሩ ባለሞያዎች መካከል አንዱ መሆናቸውን ገልጸው፤ ከንጉሱ ጋር በመነጋገር ያሰሩት የመጀመሪያ መስጂድ ነው ብለዋል።

በአከባቢው ላይ ከ13 ሺህ በላይ ቤቶች በ18 ወራት የሚገነባ መሆኑን ሚኒስትር ዲኤታው አመላክተዋል።

የቤት ግንባታው ሲጠናቀቅ ወደቀደመ አከባቢያቸው የሚመጡ ምዕመናን የአምልኮ ተቋማት ስለሚያስፈልጋቸው የእምነት ቦታዎቹ አምረውና ተውበው እንደሚያገኟቸው ገልጸዋል።

በመስጂዱ አቅራቢያ በቅርስነት የተመዘገበው የሐጂ ወሌ መሐመድ መኖሪያ ቤት መኖሩና ቤቱ እድሳት አግኝቶ እንዲሻሻል የየካ ክፍለ ከተማ መጅሊስና የአዲስ አበባ ከተማ እስልምና ጉዳዮች ከፍተኛ ምክር ቤት ክትትል ሲያደርጉ እንደነበር የሚታወቅ ነው።

ምንጭ፦ የኢፕድ

23.04.202512:16

ማነው ውሸታሙ⁉️
==============
✍ እፎይ የተባለው ግለሰብ ሙስሊሞችን ለመክሰስ ደህንነቶች ክሱን በመረጃ አምጡ ብለውን ሳለ አቡነ አብርሃም አልፈርምልን አሉ፣ መንግስት ዘንድ ለመወደድ ጉዳዩን አፍነው በመያዝ ስልጣን እንዲሰጣቸው ለማድረግ እየሠሩ ነው ብሎ በቲክቶክ አካውንቱ Live ላይ ተናግሮ ነበር።

ቤተ ክህነቷም እርሱንና ውሸቱን አራጋቢዎች ውሸታም ናቸው ብላ መግለጫ አውጥታለች።

ታዲያ ማነው ውሸታሙ⁉️
እነዛ «እኛም እፎይ ነን!» የሚሉን መንጋዎች እስኪ ይምጡና ይመልሱልን። እፎያችሁ ነው የዋሸው ቤተ ክህነታቸው?!

||
t.me/MuradTddesse

23.04.202510:33

ያው አሜሪካና ቻይና ሰሞኑን በታሪፍ ጦርነት ላይ አይደሉ?
ታዲያ አንዱ ቻይናዊ «Boycott China» የሚል ጽሑፍ ቲሸርትና ባርኔጣ ላይ አትሞ ለአሜሪካኖች እየቸበቸበ ነው።

በርግጥ ቻይናዎች የተወሰነ ብልጠት እንዳላቸው ያወቅኩት ባለፈ የታይዋን ፕሬዝዳንት 4 የግል ጠባቂዎች የቻይና ሰላይ መሆናቸውን ዜና ከሰማሁ በኋላ ነው።

Chinese Factory Sold Over 100,000+, T-Shirts And Cap (Printed Boycott China) To USA.

23.04.202508:20

ደስ ብሎኝ ያነበብኩት የፕሮፌሰር ቃልኪዳን ሐሰን ጽሑፍ‼
==================================
✍️ «በ1992 ከስራ ስመለስ ቤት ስደርስ የ9ኛ ክፍሏ ማዳም ሚስቴ ላይ ቆጣ የሚያደርግ ነገር አየሁና ነካ ሳደርጋት እንደህጻን እጇን ፊቷን ተንተርሳ ኡሪ አለች። እኔም ሳቄን አፍኜ ሰው እንዳይሰማ አፏን አፍኜ አባብየ ዝም አስባልኩ። ወላሂ እስከዛሬ የማልረሳውን ዱአ አደረኩ "ጌታየ የዚችን ልጅ ነፍስ በድየ እንዳትይዘኝ"።

ታዲያ በህይወት መንገድ ብዙ ኩንታል ስቀናል። ካስፈለገንም እንጣላለን እንደባደባለን። ይህ የኔና የሷ ምርጫ ነው። እኔም ጫማየን እሷን እንዳይመታ አድርጌ ግድግዳው ላይ እወረውራለሁ። ዘራፍ እያልኩ እፎክራለሁ.. ቤቱን የማቃጥል ሁሉ ይመስላል። አንድ ቀን ጀማል የሚባል አብሮ አደጌ ጎረቤቴ ነበርና ስማታ አየኝና በጣም ተናዶ ሰደበኝ። ሰአታትም አልፈጀ ማዳም ጋር ወደ ሙዳችን ተመልሰን ቡና አፍልተን ነበረና ጎረቤት ስለነበር "ቡና ጠጣ" አልነው። እሱም ደስ ብሎት ሲጠጣ "አንተ ግን ቅድም ቃልን ሰደብከው አይደል ? " ብላ ስታፈጥበት በሳቅ ፈነዳሁ። እኔ የፈለኩትን ባደርክ ማንም እንዲነካኝ አትፈቅድም። ለቤተሰብም አትነግርም። ይሄን ታዲያ አስገድጃት ሳይሆን በምርጫዋ ነው።

ቅድም ታዲያ ማዳም ነፍሴን "ወንዱ ሁሉ ሚስቱን አዛ እያደረገ ነው እስቲ ምን ልምከራቸው ንገሪኝ? ብላት "ኧረ እኔ ምኑን አውቄው እኛ ቤት የለ ከየት ባመጣሁት ልምድ አለችኝ"። ተይ አስቢና ንገሪኝ ብል ብለምን ዘወር በልልኝ አለችኝ።

ሚስት ጓደኛ ናት። ትኳረፋለህ ካስፈለገ ቦክስ ትጋጠማለህ። ትስቃለህ ትጫወታለህ። በቃ እንደ ነፍስህ ናት። ከፍታም አላት ዝቅታም አላት። ሚስት ትመታ አትመታ ባል ይነከስ አይነከስ ቃልቻም ይሁን ሶሽዩሎጂስት እኛ ቤት ምን አግብቶት። This is our own world ሌላው ምን አግብቶት።

እድሜያችን እየገፋ ሁለት ልጅ ከወለደች በኋላ ውለታዋ ፍቅሯ እየገዘፈብኝ እንኳን ልጮህባት ታሳሳኝ ጀመር። ምናልባት ላለፉት 15 አመት እንኳን እቃ ልወረውር እጄን አንስቼባት ትዝ ብሎኝ አያውቅም። አልፎ አልፎ ልጆች አላስገርፍም ስትል እንኳን እጮሀለሁ። ታዲያ እካድማለሁ ከሰል ግዛ፣ ዱቄት አምጣ፣ ጤፍ እዘዝ... በርበሬ ተራ ወርጄ የበርበሬ ቅመም ተልኬ አውቃለሁ። ያውም full professor ሆኜ 😁😁

ከሁለት አመት በፊት ከእባ ፊት ለፊት ተቀምጨ እሷን የሰጠኝን እያመሰገንኩ ጀነተል ፊርደውስ ስጥልኝ እያልኩ እየለመንኩ በ FB አወራት ጀመር። ማዳም ነፍሴ እያልኩ ስንት እንዳሳለፍን ምን ያህል እንደምወዳት የነዚያ የሚያምሩ 5 ልጆች እናት አለሜ እንደሆነች ነገርኳት። እሷም "በአላህ እንዳታስለቅሰኝ.." አለችኝ።
ከዛም ቀጠልኩ "አላህ ፊት የኔ ሀቅ የለባትም ብየ እመሰክራለሁ..አደራ አላህ በፈቀደው ነገር በህይወት ካየሽኝ ግን እንዳትጠይኝ" አልኳት። እሷም ምን ለማለት ፈልገህ ነው ስትል " ምናልባት 2ኛ ባገባ.." ስላት 👉 "እንኳን አንተ ስንቱ መንገደኛ አግብቷል አለችኝ" እኔም " እወቂው ጀነትን ራሱ አንቺ ከሌለሽበት አልፈልገውም" አልኳት...ምን ያህል የህይወት ጥበብ እንደተሸከመች እዩልኝ ❤💐

አላህ ዱንያ አኼራዋን ያሳምረውና በ16 አመቷ መጥታ 25 አመት አድጋ አሳደገችኝ በምቾት አኖረችኝ ❤ የኔዋ ልእልት ❤

ሀከዛ ሀሊ መአ ሀቢበቲ ቢንተ ሰይድ (The one and only).!»

22.04.202516:42

በተለይ ዳዕዋ ላይ ያላችሁ ሰዎች ዝም ብላችሁ ከዳዕዋው ጋር የማይሄዱ ፎቶዎችን ባታበዙ መልካም ነው።
ትርጉም አልባ የፎቶ ጋጋታ ያስንቃል፣ ሰዎች ዘንድ ያላችሁን ቦታ ዝቅ ያደርገዋል።

22.04.202515:01

ይህን ደብዳቤ በተመለከተ፦

አዎ! ይህ ደብዳቤ የተፃፈው ባለፈ አመት 2016 ላይ ነው።
በወቅቱም ድምፅ ረበሸን ተብሎ 2 ማይክራፎን እንዲወርድ ተደርጓል።
መስጅዱ አሁን ላይ ዝግ ነው። ከላይ እንደንትመለከቱት የሚሰግዱት ውጭ ላይ ነው። የተዘጋው አሁን ከረመዿን በኋላ ነው።

ነገር ግን፤ ምንም እንኳ በሰላም ይሰገድበት በነበረ ወቅት በመስጀዱ አካባቢ ያሉ ሙስሊም ጠሎች ድምፁ ረበሸን ብለው ሃሳባቸው ተሰምቶ ማይክ ማስወረድ ቢችሉም፤ አሁን ላይ የተዘጋበት ምክንያት ግን በቀጥታ በመንግስት ምክንያት አይደለም። ጥላቻና ጫና እንዳለ ሆኖ! ስለዚህ የዚህ መስጅድ መፍትሄ መጅሊስ ላይ ነው የሚወድቀው። የሚመለከታችሁ የመጅሊስ ሰዎች ቀረብ በሉና ግለሰቡንም፣ የአካባቢውን ሙስሊምም አናግሩና ተገቢው ውይይትና መፍትሄ ተበጅቶ መስጅዱ እንዲከፈት አድርጉ።

22.04.202513:35

እንደ ቂርቆሶች ሌሊት መጥተን ከምናፈርሰው፤ በዚህች ብጣጭ ወረቀት መስጂዳችሁን አፍርሱና፤ ማፍረሳችሁን አሳውቁን እያሉ ነው ቦሌዎች!

ቦሌ "የሰለጠነ" ሰፈር ነው ስለሚባል አፈራረሱን አሻሽለው በራሳችሁ አፍርሱ ብለዋል¡

ለመሆኑ በተባረክ መስጅድ ጉዳይ ምን መፍትሄ ሲሰጥ አዩና፤ እነርሱም ዝም ከተባሉ ሌሊጥ ሊመጡ ይችላሉ።

22.04.202512:50

የባሰ አለ!

22.04.202511:30

እንድታውቁት – ለመረጃ ያክል‼
በመዲናችን አዲስ አበባ ጨምሮ በበርካታ የሃገራችን ክፍሎች እነዛኑ በፍለጋ የሚገኙ ሙስሊም ባለስልጣኖችን ሲስተማቲካሊ የማስወገድ ሥራ እየተሠራ ነው።
ምንም እንኳ ኖረውም ባይጠቅሙን፤ ብዙዎቹ ተባረዋል‼

All posts

Nothing found 😢

More details

Records

23.04.202523:59

102.8KSubscribers

18.03.202504:28

100Citation index

30.03.202517:25

26.2KAverage views per post

30.03.202523:59

29.2KAverage views per ad post

05.03.202507:03

248.68%ER

30.03.202517:25

25.77%ERR

Growth

More details

Subscribers

Citation index

Avg views per post

Avg views per ad post

ERR

More details

Popular posts Murad Tadesse (Official Channel)☪️🇪🇹

All posts

23.04.202517:27

18.04.202518:39

❝አምላክ የሰውን ልጅ ይቅር ለማለት የግድ ሰው ሆኖ መሞት አለበት ብሎ ማሰብ፤ አንድ ቴፕ ጠጋኝ የተበላሸውን ቴፕ ለመጠገን የግድ ራሱ ቴፕ መሆን አለበት እንደማለት ነው።❞
ዶ/ር ዛኪር ናይክ

14.04.202519:22

መስጂዶቻችን ህይዎታችን❕

14.04.202516:32

በአህያ ብዛት በዓለም ላይ አንደኛ ወጥተናል አሉ! ያውም በብዙ ቁጥር ርቀት!

ተሳስተው የቆጠሩት ሰው ይኖር ይሆን¿

19.04.202512:23

ጉሊት ከሚሸጡ እናቶች ግዟቸው። ሱፐር ማርኬትና ውድ ሱቆች ገብታችሁ የተባላችሁትን ዋጋ ሳታቅማሙ እየከፈላችሁ፤ እነርሱ ጋ 5 እና 10 ብር አትከራከሩ። እንዳውም ለሞራላቸው ጨመር አድርጉና አስደስቷቸው። ማታ ቤት ሲገቡ ከነ ቤተባቸው ነው የሚደሰቱት።

07.04.202518:11

የእስራኤሉ አምባሳደር ዛሬ የሩዋንዳን የዘር ጭፍጨፋ ለማሰብ በአፍሪካ ህብረት ከተዘጋጀው ስብሰባ ላይ አባረሩት ተብሎ ጩኸት እያየሁ ነው።

እንደት ነው በፈለስጢናዊያን ላይ የዘር ጭፍጨፋ ያካሄደና 24/7 እያካሄደ ያለ ቁጥር ① የዓለማችን ወራሪና አሸባሪ ሃገር አምባሳደር ጀኖሳይድን በሚቃወም መድረክ ላይ ተሳታፊ የሚደረገው? እንኳንም አባረሩት‼

18.04.202516:33

መስጅድ ውስጥ በከስክስ ጫማ እየገባ ንጹሐን ሲጨፈጭፍ የነበረ አካል፤ በሽብር ወንጀል የሚፈለግን ግለሰብ ካለበት ቤተ ክርስቲያን አውጥቶ ለመያዝ ሼም ያዘኝ ማለቱ ትርጉሙ ብዙ ነው።

15.04.202511:36

እሁድን በተባረክ መስጅድ‼
===================
✍ የተባረክ መስጅድን አጥር ከትናንት በፊት በጨለማ መጥተው ሲያፈርሱት፤ የየቲሞችና አቅመ ደካሞች ድጋፍ ማስተባበሪያ የሆነ የበጎ አድራጎት ቢሮ፣ ቤተ መጽሐፍትና የአካባቢው የመጅሊስ ተወካዮች ቢሮ ጭምር አብረው ተፈርሰዋል። ያፈረሱትን የቻሉትን ያክል ጭነው ወስደዋል፣ የቀረውን በዶዘር አበላሽተውት ሄደዋል።

የፊታችን እሁድ በቦታው የሶደቃ ፕሮግራም ስለተዘጋጀ፤ ለቤተ መጽሐፉ የተለያዩ መጽሐፍቶችን፣ ለየቲሞችና አቅመ ደካሞች መርጂያው ደግሞ አልባሳትንና መሰል የድጋፍ ቁሳቁሶችን ይዛችሁ በቦታው ተገኙ።

||
t.me/MuradTadesse

13.04.202516:41

ጉዳዩ ሌሊት ጨለማ ተገን ተደርጎ መፈፀሙን ስሰማ መጀመሪያ አካባቢ የመለሰኝ፤ በመንግስትና በህዝበ ሙስሊሙ መካከል ግጭት ለመቀስቀስ ተልዕኮ ከስውር ቡድኖች የተሰጠው በመንግስት መዋቅር ስር ያለ ሴረኛ ያዘዘውና የፈፀመው ድርጊት ነበር።

በፍፁም የአንድት ሉዓላዊ ሃገር ዋና ከተማ ከንቲባ እንዲህ አይነቱን የውንብድና ድርጊት በጨለማ በአካል ተገኝታ ታስፈፅመዋለች ብዬ አላሰብኩም ነበር።

ያሳፍራል‼

27.03.202506:20

ይሄ ሁሉ ሙስሊም ከዓለም ጫፍ'ና ጫፍ ጌታውን ለመገዛት'ና ሃይማኖታዊ ስርዓቱን ለመፈፀም የተሰባሰበ ነው።
አያምርም ? አያጅብም ወይ ?

ይሄ እኮ ትልቅ የአምልኮ ስርዓት ነው። ጥርቅ የሆነ ስርዓት። የዓለም ሙስሊምን በአንድ ልብ የሚያስተሳስር ስርዓት ነው። የሁሉም ሙስሊም ተናፋቂ ቦታ ነው። የየትኛውም ሙስሊም ትልቁ ምኞት እዚህ ቦታ መገኘት ነው። ይሄን መናፍቅ ብቻ የሚያኖረው ብዙ ሰው አለ። እዚህ ቦታ ሁሉም አይነት ሰው አለ። ቀይ አለ። ጥቁር አለ። ባለስልጣን አለ። ባለሃብት አለ። ያለችውን ገንዘብ አሟጦ የመጣ አለ። ታዋቂ ሰው አለ። ሽማግሌ አለ። ወጣት አለ። ልጅ አለ። ታማሚ አለ። እናትና አባቱን ተሸክሞ የሚመጣ አለ። ብዙ አይነት ቋንቋ የሚናገር አለ። ይሄ ሁሉ 3.5 ሚሊየን ህዝብ በአንድ ኢማም መሪነት ፣ ያለምንም መዛነፍ እኩል ደፋ ቀና እያለ ለዓለማቱ ጌታ ምስጋናውን ያቀርባል። ያለቅሳል። ምህረት ይጠይቃል።

እስልምና እንዲህ ነው !

ያለምንም ቋንቋ መገደብ ፣ ያለምንም ቃላት መደነቃቀፍ ይሄን በመሰለ ስርዓት ጫፍ ካለው ወንድምህ ጋር በአንድ ያስተሳስርሃል !

አልሀምዱሊላህ አላ ኒእመተል ኢስላም 🧡🙌

አላህዬ ከዚህ ውድ ቦታ ሳታቆመን አትውሰደን !

©: ሙስተጃብ

18.04.202515:33

ሰለሞን ሽፈራው (እፎይ) ዛሬ እዚሁ በዋና ከተማችን አዲስ አበባ በሳሊተ ምህረት ቤተ ክርስቲያን ነበር ያሳለፈው።

እፎይ ከሆነ ጊዜ በኋላ በነፃነት ይንቀሳቀስ ይሆናል። የመንግስት የጸጥታ አካላት ያለበትን ቦታ ጠንቅቀው ነበር የሚያውቁት። ሲያነሱት የነበረው ውሃ የማይቋጥር ምክንያት፤ በቤተ እምነት ውስጥ ገብቶ ካለበት ለማውጣት ህጉ ይከለክለናል የሚል ነበር።

በአጭሩ ይህ አካሄድ የሚያሲዘው፤ «ማንኛውም ሰው ነፍስ ከማጥፋት ጀምሮ የትኛውንም አይነት የወንጀል ጥግ ፈፅሞ ቤተ ክርስቲያን ውስጥ ከተደበቀ፤ የቤተ እምነቱ ሰዎች እስካስጠጉት ድረስ ማንም የህግ አካል አይነካውም!» የሚል አንደምታ ነው።

ይህ ልቅ የሆነ አካሄድ ተበዳዩ ሙስሊም እስከሆነ ድረስ የሚተገበር ሲሆን፤ የሙስሊሙ ጊዜ ግን እንኳን በዳይ ተሸሽጎ በተራ ጉዳይም በጨለማ ተሰባስበው መጥተው መስጅድ መዳፈርን ያውቁበታል።

ህግ ቢኖሮ ኖሮ፤ እፎይን አሁን ላይ ያስጠጉትን አካላት ጨምሮ ተጠያቂ ያደርጋቸው ነበር። ቤተ እምነት ወንጀልን አትፈፅሙ፣ ወንጀለኛን አትተባበሩ… ብለው ማስተማር ይገባቸዋል እንጂ የወንጀለኛ መደበቂያ ሲሆኑ ትርጉም ያጣሉ።

ለማንኛውም ለጊዜው እፎይ ተጠያቂ ላይሆን ይችላል። ኋላ ሃገር ሰላም ብሎ ሲንቀሳቀስ አንድ ነገር ቢደረግ ግን፤ ያዙኝ ልቀቁኝ ብሎ የሚነሳ አካል ካለ እርሱም የሚገባውን ሊሰጠው ይገባል።

መቼም አሁን እያገኙት ዝም ያሉትን ሰው፤ እኛ ኋላ ስናገኘው ያዙልን ብለን ለነርሱ አሳልፈን እንድንሰጠው አይጠበቅም።

ኸላስ‼
||
t.me/MuradTadesse

20.04.202518:41

ግልፅ የውይይት ጥሪ‼
================
『ለፋንታሁን ዋቄ ( Fantahun Wakie )』

መልዕክቱን አድርሱለት!
||
✍️ መምህር ፋንታሁን ዋቄ በመባል የሚታወቀው የቀድሞ የማህበረ ቅዱሳን አመራር ፤ በተለያዩ ግዜያት እስልምና እና ሙስሊሞችን አስመልክቶ ሆን ተብሎና ታቅዶ በሚመስል መልኩ አሳሳች እንዲሁም ሕዝብን ከሕዝብ ሊያጋጩ የሚችሉ መልእክቶችን አስተላልፏል።በዚህ መልኩ የሚዳክሩ አካላት የከሸፈ ሕልም ፣ ድብቅ ፖለቲካዊ አጀንዳ ፣ ተስፋ የመቁረጥ አባዜ እና ጥልቅ የሆነ ፀረ እስልምና አቋም የላቸውም ብሎ ለመደምደም ያስቸግራል።

የሆነው ሆኖ ፋንታሁን ዋቄ እራሱን እንደ ከፍተኛ የጥናት ባለሙያ ፣ የተዋጣለት ሊቅ ፣ ጉምቱ አዋቂ አድርጎ በሚገልፅ መልኩ አምሳዮቹ ብቻ በሚቆጣጠሩት ፕላት ፎርም ተገድቦ እንዳሻው በእስልምና ላይ ሙስሊሞች ላይ መርዙን መርጨቱ ጎበዝ አያሰኘውም።ስለሆነም ከአንደበቱ አዘውትሮ በሚተፋው ርእስ ( ስለ ግድ'ያ እና ጦ'ርነት ) እንደ ዮኒ ማኛ ወይም መሰል ሰዎች አወያይ በሆኑበት መድረክ ፤ ከስድብና ውሸት በራቀ መልኩ ስርአትን ተላብሰን አንደኛው በሌላኛው ሃይማኖት ላይ ወሰን ሳያልፍ በእውቀት ፣ መረጃና ማስረጃ ላይ ተመስርተን ለሕብረተሰቡ ቀጥታ በሚተላለፍ መድረክ እንድንወያይ ጥሪያችንን እናስተላልፋለን። ደርሼበታለሁ ፣ አጥንቼያለሁ ፣ አቃለሁ ስለሚለው ሁሉ አግባብ በሆነ መልኩ ስለእምነታችን ስለ መፅሐፍቶቻችን በማስረጃ ይሞግተን ፤ ስለ እምነቱ ስለ መፅሐፍቶቹ በማስረጃ እንሞግተው ❗️

ከድህረ ውይይቱ በኋላ ውሳኔውን ለሕዝቡ እንተዋለን።

ርእስ ፦ ጦር'ነት እና ግ'ድያ እንዲሁም ሰላም በእስልምናና ክርስትና ያለው አንደምታ

ዐብዱ-ል-ሐኪም ኢድሪስ (አቡ ማሪያ)

||
t.me/MuradTadesse

12.04.202512:41

ባንግላድሽ‼

11.04.202512:42

ወንድማችን ሙሐመድ ሰዒድን አላህ ይዘንለት፣ ወንጀሉን ምሮ ከደጋጎች ጎራ ይመድበው።

አላህ ምስክሬ ነው ስሙንም በፎቶም ያውቅኩት ገና ትናንት ሞተ ተብሎ ፌስቡክ ላይ ሲሰራጭ ነው። ብዙዎች ሐዘናቸውን ሲገልፁ ከፎቶው ጋርም አያይዘው ሲፅፉ ማን እንደሆነ አልመጣልኝም። በኋላ «ሙንሺድ ሙሐመድ ሰዒድ በበርካታ የህብረትና የነጠላ ነሺዳዎቹ የሚታወቀው…» ሲሉና አንዳንድ ከሌሎች ሙነሺዶች ጋር በመድረክ ላይ ያቀረባቸው ቪድዮዎች ሲለቀቁ ነው ቀስ በቀስ የገባኝ።

እንደምታውቁት እኔ በተለይም በአሁኑ ዘመን ያሉትን ለዘፈን ሩብ ጉዳይ የቀራቸው፣ ሴትና ወንድ ልቅ በሆነ መልኩ በሚቀላቀልባቸው መድረኮች ላይ የሚደረጉ ነሺዳዎችንና መንዙማዎችን ደጋፊ አይደለሁም።

ነገር ግን ሁሉንም በነሺዳው መድረክ ላይ የምናያቸውን ወንድሞች በእኩል ዓይን መመልከት አግባብ ነው ብዬ አላሰብኩም። ይህ ወንድማችን በተለይ በዚህ አመት ረመዿን ዑምራህ የሄደበትን ሁኔታ አንዳንድ ወንድሞች ሲገልፁ አይቼ አዝኛለሁ፤ እዳም እንዳለበት ሲነገር ደንግጫለሁ። አራት ህፃን ልጆችንም ጥሎ ወደማንቀርበት አኺራህ ሄዷል።

እኔ አሁን ላይ የማስበው… ዱንያዊ ነገራቸውን ብናመቻችላቸው በርካታ ወንድሞች ከነሺዳው ዓለም መውጣት ይችላሉ። ለምሳሌ፦ አንድ የታዘብኩት ተውፊቅ የሚባለው ሙነሺድ ደህና የሪል ስቴት ማስታወቂያ ሠሪና አሻሻጭ ሆኗል። ማሻ አላህ፤ በሐላል መከሰብ ያበረታታል። እርሱ ልጅ የዋህ ልጅ ነው የሚመስለኝ፤ እንደምቃወም እያወቀ በፊት አስተዋውቅልኝ ይለኝ ነበር በኢንቦክስ በበፊቱ የፌስቡክ አካውንቴ።

አንዳንዶች ከክፋት አንፃር ሳይሆን ወይ እያወቁ አንዳንድ ነገሮች አስገድደዋቸው ኑሮን ለማሸነፍ ብለው ነው፤ አሊያም በአንዳንዶች ሰበካ ችግር የሌለበትና ትክክለኛ መንገድ ነው ብለው አምነው ነው። ጥፋትነቱን ካመኑበትና የተሻለ ሐላል የዱንያ ከስብና አማራጭ ካገኙ ዘርፉን ከናካቴው ሊተውት ይችላሉ።

ይህን ስንል ግልፅ የኩፍር ንግግሮችንና አስተምህሮዎችን እስካላስተላለፉበት ድረስ ሙንሺዶች ሲሞቱ አላህ ይማራቸው ማለት ነውር አይደለም። አላህ ዐውፍ ይበላቸው፣ ሁላችንም ወንጀል አለብንና ወንጀላቸውን ምሮ ወደ ሐሰና ይቀይርላቸው።

ይህ ወንድም እዳ አለበት ስለተባለ እዳውን ክፈሉለት፤ ከእዳው ባሻገር የአራት ልጆችም አባት ስለሆነ እንተባበረው።

የባለቤቱ አካውንት ስም፦ ነጃት ዐብዱ-ል-መናን ጡሃ (ሚስቱ)
የኢትዮጵያ ንግድ ባንክ፦ 1000458278297

በተረፈ ግን በቃ! አንድ ሰው ሲሞት ከጘርጘራ ጀምሮ እስከ ለህድ ድረስ በፎቶና በላይቭ ቪድዮ ካልቀረፅን አይሆንም ማለት ነው? አሁን ይሄ ማዘን ነው የሚባለው? ኧረ! እያስተዋልን። አላህን እንፍራ፣ ቀልባችን አይደንድን። ትንሽ እንኳ ደንገጥ እንበል። የእውነት ከልቡ ያዘነ ሰው ጀናዛ እያዬ ፎቶና ቪድዮ ለመቅረፅ አይጣደፍም። ወንድማችን ማረፊያውን አላህ ጀነት ያድርግለት።

አንዳንዶች ደግሞ የበፊት ነሺዳዎቹን ከማሰራጨት ይልቅ ቢያንስ ቁርኣን የቀራባቸውን ቪድዮዎች አሰራጩለት። ቁርኣን ሐፊዝ ነበር የሚሉ ጽሑፎችን አይቻለሁ። አላህ ቁርኣንን ሸፈዓህ ያድርግለት፣ ከሐፊዞች ተርታ ይመድበው።

ሌሎች በዚህ ለዘፈን በቀረበ ነሺዳና መንዙማ የተዘፈቃችሁ ሁሉ፤ ሞት አማክሮ አይመጣምና ምክንያታችሁ ምንም ይሁን ምን አላህን ፍሩና ካላችሁበት ወጥታችሁ ሌሎች ሐላል አማራጮች ላይ አተኩሩ። ተዘናግታችሁ ሰውንም ታዘናጋላችሁ።

||
t.me/MuradTadesse

23.04.202508:20