ЖАТО.
Бизнесингизни мана ЖАТО усулида текшириб кўринг, шунинг ичидаги муаммоларни кўрсангиз, демак ўша муаммоларни тўғирлаш керак.
Жалб қилиш - ҳар қандай бизнес одамларни ўзига жалб қилиши керак, яъни одамлар ўша бизнес ҳақида қанчалик кўп билишса, шунчалик яхши. Ижтимоий тармоқ, сайт, кўча рекламаси, радио, телевединие ва бошқалар одамларнинг эътиборини жалб қилиш учун восита ҳисобланади.
Айлантириш - энди реклама ёки бошқа маркетинг қуроллари орқали жалб қилинган одамларни мижозга айлантириш керак, яъни бунда сотув бўлими аниқ ва тиниқ ишлаши керак. Агар маркетинг жалб қилса-ю, лекин мижозга айланмаса, сотув бўлимида муаммо бор.
Таъминлаш - энди мижозни жалб қилган маҳсулот ёки хизмат билан таъминлаш керак, чунки мижоз сизга ўзидан-ўзи пул тўламайди, сизнинг товарингиз ёки хизматингиз унга етиб бориши керак ва мижоз ундан фойдаланиши керак. Агар маҳсулотингиз айтгандек бўлмаса, демак муаммо ишлаб чиқаришда.
Олиш - энди етказиб берилган маҳсулот ёки хизмат учун пул олиш керак, яъни пул оқимини шакллантириш керак, агар шу пул оқими шаклланмаса, демак бизнесда ҳаво йўқ, у эса барча юқоридаги босқичларга таъсир қилади, янги мижозларни жалб қилолмайсиз, уларга маҳсулотни сотолмайсиз ва сиз қопқондасиз.
ЖАТО тўғри ишласа, бизнес соатдек ишлайди.
Қайсидир бизнесларда бу ЖАОТ тарзида ҳам бўлиши мумкин, масалан дом қурувчиларни олсак, улар ҳали қурилмаган уйга одамларни жалб қилади, кейин уларни мижозга айлантиради, кейин пулини олади, ана ундан кейин уй билан таъминланди.
Супермаркет жалб қилади, мижозга айлантиради, таъминлайди, кассада пулингизни олади.
Университет жалб қилади, талабага айлантиради, пулингизни олади, кейин хизмат билан таъминлайди.
Хуллас ҳар қандай бизнес ЖАТО билан ишлайди, бизнесингизда муаммо борми? ЖАТО орқали текширинг, тешикларни ёпинг ва бизнесингиз соатдай ишлайди.
@bektoshkhatamov
