Itti seeqetin suuta gad ciibsee ifaa irraa dhaamse. Anis edana waanin isii bira as buluu deemuf kursii siree isiitii achi jirtu takkarra gad taa'etin achi irkadhee ija walitti cufadhe......
Nahlaa fi Hamaad khutaa 84ffaa
"""""""""""""""""""""""""""""""""""""""""""""""""""""
Haasawa Hamaad
*******
Ji'a tokkoon booda
Akkuma masjidaa gad baanenin Fahaadin baga gammadde je'een. Ar'a guyyaa aruuza isaati, Galatoomi saahiba khiyya" Naan je'e hidhii haga gurratti adda dhiibee seeqaa, Anis itti seeqetin bultiin tee tun irra caaltuu bultii akka taatun siif hawwa, Rabbiin jiruu gammachuu qabdu wajjiin isin haa jiraachisu" je'een. Harka mormatti na marateeti Aaaamiiiin hedduu takka naaf galatoomi saahiba khiyya" Naan je'e
Uumaa qaanyii hin beeyne, silaa qaanfatuu qabdaa bar" Je'een feeysal. Fahaad gateettirra dhahiinsa taphaa tokko isa dheheeti amma humaa siin hin je'uu gaafa guyyaan khee gehen eeggadha" je'een. Ar'a erga bari'e seeqatuma deemaa jiraa afaana isaa khun walitti hin deebine, akka dhugumaan gammadee jiru fuulli isaatuu ni hima, gammachuu fiixa baatu Rabbi haa godhuuf
Arguuf teenyaa hayyee" je'eeniti feeysal achumaan waan isaan mari'ataa jiran hin beeynee isaan lameen qoftiin wajjiin haasawatti seenan
Aruuzarratti ni hirmaatta moo? Je'eeti na gaafate musxafaan. Hay maalifin hin hirmaanne silaa? Je'eenitin gaafii isaa gaafin deebiseef
Seeqeti waan dhufuuf yaada qabdu sin seene" Naan je'e. Lakkii akka ajaa'ibattin dhufan je'een
Sa'aan aruuzaatuu dhihaatte
Telefoona khiishaa fudhadheetin jaartii tiyyarratti bilbile, erga telefoonni yeroo 4 yaame booda na jalaa khaasteti hello" Naan jette
Hello! Assalaamu Aleeykumin je'een. Wa'aleeykum salaam qophiin aruuzaa akkami? Naan jette, sagaleen isii akka nama fagorraa dubbataa jirutti xiqqo xiqqo dhagahamti. Alhamdulillaah qophiin akka ajaa'ibatti itti jirtii yeroo dhihaattee waan jirtuuf ni deemnaa eessa jirta? Je'eetin gaafadhe
Oh! Nyaatan dalagutti jira, telefoona sagalee itti ol khaasee lafa khaayee waanin sitti haasawaa jiruuf sagaleen sirritti siif dhagahamaa hin jirtun saha" Naan jette
Nahlaanis yeroo garii waan ofiin feete malee waan namni je'uun takka hin dhageessu
Nahlaa bakka tana bira khunne natti fakkaatti, Maalif mataa jabaatta hoo? Waan namni siin je'u maalif hin dhageenyen je'een. Hamaad please waa'ee tanaa amma haasahuu hin barbaadu, amma bizii waanin teheef boodan si dubbisa" jetteeti telefoona murte
Akkana kheessa jirra khunoo! Erga ji'a tokko dura ilmoon irraa baate hariiron teenya akka durii miti, gammachuun akka duraanii san hin jirtu, tarkaanfii 3 waan if duuba tarkaanfanne natti fakkaatti, Mataa hurgufeetuman joollee biratti achi khute ofirraa
Daqiiqaa 15 booda galma aruuzaa/sargii geenye, Aruuzni aruuza ajaa'ibaati ture maashaa Allaah. Nyaannee dhuynee qossneeti bashannanaa turre. Warri wal fuudhe akka bultii gammachuu wajjiin jiraatan hawwinaaf
Eenyuu itti aana amma? Je'eeti qishnaa godhee gaafate Muniir, inni saahiba fahaadi. Dhiirti fudhatamteeti jirtin je'een, isaan hundi ni khoflan
Oh Anis fudhatameetin jira" je'e musxafaanis seeqaa, haala khanaan taphataa aruuztichas lakkafaa yeroo ajaa'ibaa tana wajjiin dabarsaa turre
Jaartii manaa na eegaa jirtun qabaa amma nin deema" je'e muniir qishnaa godhaa, isaa fi feeysal ni khoflan
Anilleen nin deeman je'een. Atis jaartii manaa si eeydu qabda moo? Naan je'e naasir sagalee isaa sagalee muniir fakkeessee, isaan hundinuu ni khoflan. Inninis saahiba fahaad natti fakkaata
Akka ajaa'ibatti, sanuu ar'aa ar'a teessee na eegaa hin jirtun je'een
Oooh" ja'an isaan hundi bakka takkaa
Ijan itti baase. Haga feete umriin guddaa taatus hoggaa saahibban kheetii wajjiin gad baate akkuma joolletti taphatta, Nagayatti je'eenitin isaan biraa behee makiinaa tiyya seenee manatti gale
Hulaa dhadhaheetin nama narraa banu dhabnaan qulfii tiyya kiishaa baasee banadhe. Oson qulfii qabuu maalif akkan hulaa dhadhahuufuu hin beekhu.
