Мир сегодня с "Юрий Подоляка"

Труха⚡️Україна

Паглядзець

Николаевский Ванёк

Паглядзець

Мир сегодня с "Юрий Подоляка"

Паглядзець

Труха⚡️Україна

Паглядзець

Николаевский Ванёк

Паглядзець

OʻZBEKISTON TARIXI | Rasmiy kanal

“Oʻzbekiston tarixi” telekanalining Telegramdagi rasmiy sahifasi
Maʼmuriyat bilan aloqa: @uzbtariximtrk_bot
fb.com/ozbekistontariximtrk
Instagram.com/https://www.instagram.com/ozbekiston_tarixi_rasmiy?igsh=NnNjdm5vd3BucXVs
https://youtube.com/channel/U

Рэйтынг TGlist

ТыпПублічны

Вертыфікацыя

Не вертыфікаваны

Надзейнасць

Не надзейны

РазмяшчэннеУзбекістан

МоваІншая

Дата стварэння каналаСіч 12, 2022

Дадана ў TGlist

Груд 24, 2024

Я ўладальнік канала

Гісторыя змяненняў

Прыкрепленая група

Oʻzbekiston tarixi | Izohlar

Статыстыка Тэлеграм-канала OʻZBEKISTON TARIXI | Rasmiy kanal

Падрабязней

Падпісчыкаў

4 186

24 гадз.

20%Тыдзень

28-0.7%Месяц

360.9%

Індэкс цытавання

0

Згадкі1Рэпостаў на каналах0Згадкі на каналах1

Сярэдняе ахоп 1 паста

423

12 гадз.315

10.5%24 гадз.423

4.8%48 гадз.526

76.7%

Узаемадзеянне (ER)

1.58%

Рэпостаў4Каментары0Рэакцыі4

Узаемадзеянне па ахопу (ERR)

10.6%

24 гадз.0%Тыдзень

0.62%Месяц

4.01%

Ахоп 1 рэкламнага паста

151

1 гадз.151100%1 – 4 гадз.1610.6%4 - 24 гадз.243160.93%

Падрабязней

Падключыце нашага бота да канала і даведайцеся пол аўдыторыі гэтага канала.

Усяго пастоў за 24 гадзіны

8

Дынаміка

Апошнія публікацыі ў групе "OʻZBEKISTON TARIXI | Rasmiy kanal"

Усе пасты

23.04.202513:26

⏰ “Jonli tarix” davom etmoqda

Koʻrsatuv orqali yangi maʼlumotlarga ega boʻlish va bilimingizni sinash imkoniyatini oʻtkazib yubormang!

💬 Telegram 📹 Instagram
📹 Youtube 😎 Facebook

23.04.202507:03

⚡️Toʻylarni tartibga solish bugunninggina muammosi emas

Bugungi kunda jamiyatimiz oldida turgan dolzarb masalalardan biri dabdabali va serxarajat to‘ylarni ixchamlashtirishdir.

Prezidentimiz Sh.M. Mirziyoyev O‘zbekiston ijodkor ziyolilari vakillari bilan uchrashuv chog‘ida to‘y-ma’rakalarni tartibga solish nozik masala ekaniga urg‘u berib: “Haqiqatdan ham ayni shu masalalar necha yillar, hatto asrlardan beri kun tartibidan tushmasdan keladi.

Jadid bobolarimiz ham to‘y-ma’rakalarimizdagi isrofgarchilik, dabdababozlik, maqtanchoqlik millatimizni ma’naviy tanazzulga yetaklaydigan illat ekani haqida qanday kuyunib o‘tganlarini yaxshi bilamiz... To‘y-ma’raka – bu faqat shaxsiy ish emas, balki ijtimoiy masala” deb juda to‘g‘ri baho berdi.

Bundan 100 yil oldingi tariximizga nazar tashlasak, Buxoro amirligida ham dabdabali to‘ylar va marosimlarni tugatish kun tartibida turgan muhim ijtimoiy vazifalardan biri bo‘lganligiga guvoh bo‘lamiz.

XX asr boshlarida Buxoro amirligida to‘ylar g‘oyatda hashamdor bo‘lib, 7-8 kun davom etar, har kuni 6-7 xil ovqat pishirilib, taklif qilingan mehmonlarga 5 qadoq (410 gramm)dan 2 pud (1 pud – 16 kg)gacha qand berilar va chopon kiydirilardi. Bundan tashqari, to‘ylarda ko‘pkarilar tashkil qilish odat tusiga kirib qolgan edi.

Buxoro amiri Olimxon (1910-1920) hukmronligi davrida to‘y-ma’rakalardagi isrofgarchiliklar va dabdababozliklarni tugatishga alohida e’tibor qaratdi hamda to‘ylarni ixcham o‘tkazishga oid farmonlar qabul qildi.

Jumladan, 1911-yil mart oyida “Juda isrofli to‘ylarni tugatish to‘g‘risida” farmon chiqardi. Unga ko‘ra, to‘ylarda palovdan boshqa ovqat berganlarga 75 darra urish jazosi tayinlanib, sunnat va nikoh to‘ylarida tashkil qilinadigan uloq chopish va poyga tadbirlari bekor qilindi.

Ushbu tadbirni tashkil etgan shaxs o‘lim jazosiga mahkum etilishi belgilab qo‘yildi. Shuningdek, buxoroliklar to‘ylariga kelgan barcha mehmonlarga ziyofatdan tashqari ularning har biriga chopon berish rasmi ta’qiqlab qo‘yildi.

1916-yil 5-iyunda Buxoro amiri Olimxon amaldorlar va ulamolarni yig‘ib, majlis qiladi hamda to‘ylardagi isrofgarchiliklar, xususan, qand tarqatishni shariatga zid, deb fatvo chiqaradi.

Amir Olimxon serxarajat to‘ylar oilalarni iqtisodiy falokat yoqasiga olib kelishini anglagan holda, bunday to‘ylarni bartaraf etish bo‘yicha qat’iy talablarni ishlab chiqdi.

Natijada to‘y kunlari qisqartirildi, bir xil ovqat pishirish belgilab qo‘yildi, chopon kiydirishlar keskin kamaydi, qand tarqatish to‘xtatildi hamda ko‘pkarilar o‘tkazilmay qo‘yildi.

Ayrim amaldorlarning poraxo‘rligi tufayli amir farmoniga zid ravishda hashamdor to‘ylar o‘tkazib turilgan bo‘lsa-da, oddiy xalq bu farmonlarni mamnuniyat bilan qabul qildi va unga amal qildi.

Xulosa qilib aytganda, oradan 100 yildan ortiqroq vaqt o‘tib, bugungi jamiyatimiz oldida ham to‘y marosimlarini tartibga solish dolzarb masala bo‘lib turibdi.

©Jamolova Dilnoza Muyidinovna, tarix fanlari bo‘yicha falsafa doktori.

💬 Telegram 📹 Instagram
📹 Youtube 😎 Facebook

23.04.202505:01

☕️ Eksponat: Ulug‘bek piyolasi

Buyuk ajdodimiz Mirzo Ulug‘bek nafaqat yulduzlarni o‘rgangan, balki san’at va nafislikni ham chuqur qadrlagan. Bugungi kunda uning shaxsan o‘zi foydalangan bo‘lishi mumkin bo‘lgan yashil nefritdan yasalgan piyola Londonning Britaniya muzeyida saqlanmoqda! 🏛

📍 Muzey katalog raqami: №1959,1120.1
🗓 Yasalgan yili: 1420–1449 yillar
📐 Hajmi: 7,3 × 19,5 × 12,4 sm
💧 Sig‘imi: ~250 ml

🔍 Kosada Ulug‘bekning nomi arab yozuvida, turkiy tilida bitilgan. Dastasi — Xitoy mifologiyasidagi ajdar timsolida. Kumush bilan sayqal berilgan.

📜 Afsonalarga ko‘ra, nefrit idishlar zaharni aniqlaydi va o‘z-o‘zidan yoriladi. Shuning uchun bu kabi kosalar faqat hukmdorlar dasturxoni bezagi bo‘lgan.

🇹🇷 Tarixchilarning taxminicha, bu piyola Ulug‘bekning suyukli shogirdi Ali Qushchi tomonidan Istanbulga olib ketilgan. Chunki u ustozidan yodgorlik sifatida bu qimmatbaho idishni o‘zi bilan olib ketgan bo‘lishi mumkin.

🌍 2016–2017 yillarda kosa Xitoy, Kanada, Avstraliya va AQSh kabi mamlakatlarda o‘tkazilgan yirik ko‘rgazmalarda namoyish etilgan.

📚 Mirzo Ulug‘bek faqat ilm emas, madaniyat, go‘zallik va san’at orqali ham tarixda abadiy iz qoldirgan siymodir. Shu kosaning o‘zi – tarix, estetik va sirli bir hikoya!

💬 Telegram 📹 Instagram
📹 Youtube 😎 Facebook

23.04.202504:01

📹 Navbat 16:00 dan keyingi koʻrsatuvlarga

Bugun soat 16:00 dan 18:00 gacha boʻlgan vaqtda efirga uzatiladigan koʻrsatuvlar ushbu video-jadvalda.

💬 Telegram 📹 Instagram
📹 Youtube 😎 Facebook

23.04.202503:01

✅Navbat tushdan keyingi koʻrsatuvlarga

Bugun soat 14:00 dan 15:30 gacha boʻlgan vaqtda efirga uzatiladigan koʻrsatuvlarni bilib oling.

💬 Telegram 📹 Instagram
📹 Youtube 😎 Facebook

23.04.202502:00

📺 Televizoringiz doim tayyor. Siz-chi?

Bugun soat 10:30 dan 13:30 gacha boʻlgan vaqtda ushbu efirga uzatiladigan koʻrsatuvlarni bilib oling va oʻzingizga koʻrsatuvlardan tanlang. Vaqtida koʻrishga nima yetsin?

💬 Telegram 📹 Instagram
📹 Youtube 😎 Facebook

23.04.202501:04

📹 Kunduzgi dasturlar davom etadi

Bugun soat 8:30 dan 10:00 gacha boʻlgan vaqtda ushbu video-jadvaldagi koʻrsatuvlar efirga uzatiladi.

💬 Telegram 📹 Instagram
📹 Youtube 😎 Facebook

23.04.202500:00

📹 Chorshanbani qaysisidan boshlaymiz?

Bugun soat 06:05 dan 8:00 gacha boʻlgan vaqtda efirga uzatiladigan koʻrsatuvlarni ushbu video-jadvalda keltirdik.

💬 Telegram 📹 Instagram
📹 Youtube 😎 Facebook

22.04.202516:02

🎭 “Mister Bin” – so‘zsiz kulgu afsonasi

1990-yillarda ekranlarni zabt etgan, o‘zining g‘aroyib qiliqlari bilan dunyoni kuldirgan Janob Binni ko‘rmagan odam kam bo‘lsa kerak. Uning harakati, mimikasi, ohangsiz hazillari – barchasi tomoshabinni bir lahzada o‘ziga rom qiladi.

Bu rolda ishtirok etgan aktyor – Rouen Atkinson hayoti davomida 50 dan ortiq obrazlarda o‘ynagan, ammo biror bir rol uni Mister Binchalik mashhur qilmagan.

Disneyʼning afsonaviy “Qirol Sher” multfilmidagi Zazu – ya’ni u qushcha bor-ku – unga Mister Binning o‘zi ovoz bergan!

🎥 Agar sizga shunaqa g‘aroyib faktlar, tanish obrazlar ortidagi sirli haqiqatlar qiziq bo‘lsa biz bilan birga bo‘ling!

📅 Har dushanba, soat 21:35 da – “Qiziqarli Tarix” ko‘rsatuvini tomosha qilishni unutmang!

📌 Tarix – faqat kitoblardagina emas. Ba’zida u sizni kuldiradi ham!

💬 Telegram 📹 Instagram
📹 YouTube 😎 Facebook‌‌

22.04.202515:00

📲 Butun boshli muzey telefoningizda

Bugungi globallashuv jarayonida dunyo sivilizatsiyasiga asos bo‘lgan moddiy va ma’naviy yodgorliklarni keng ommaga targ‘ib qilish dolzarb masalaga aylangan.

Muzeylarning ijtimoiy madaniy qimmati, ularning jamiyat va madaniyat o‘rtasidagi o‘zaro ta’sirni ta’minlashdagi o‘rniga katta e’tibor qaratilgan.

Shu jihatdan jahonda muzeylarni virtuallashtirish amaliyoti ularning kolleksiyalari haqidagi ma’lumotlarni keng jamoatchilikka onlayn tarzda yetkazib berishning ommabop va tezkor shakli, muzey marketingining yangi, ilg‘or usuli sifatida jadal sur’atlar bilan rivojlanmoqda.

✅ Shu asosda Temuriylar tarixi davlat muzeyida zamonaviy texnologiyalardan keng qo‘llanilishi, o‘zining amaliy natijalari bilan ahamiyatlidir.

Ushbu mavzu haqida batafsil “Vaqt mashinasi” koʻrsatuvidan olingan yuqoridagi videoda soʻz boradi.

💬 Telegram 📹 Instagram
📹 Youtube 😎 Facebook

22.04.202512:50

⏰ 18:00 ga kam daqiqalar qoldi

Demak, “Jonli tarix” televiktorinasi boshlanay deyapti. Siz ham hoziroq tayyorgarlikni boshlang.

Koʻrsatuvni koʻring, yangi maʼlumotlarga ega boʻling va bilimingizni sinang. Oʻtkazib yubormang!

💬 Telegram 📹 Instagram
📹 Youtube 😎 Facebook

22.04.202507:01

🧕 Paranji – o‘tmish sahifalarida iz qoldirgan ayol libosi

Bugun unutilgan an’analar haqida gaplashamiz. Tarixda saqlanib qolgan, ammo hayotimizda endi kam uchraydigan liboslardan biri — paranji. U nafaqat libos, balki Sharq ayollarining hayoti, odobi, madaniyati bilan chambarchas bog‘liq bo‘lgan yopinchiqdir.

Paranji — musulmon ayollarining yopinchig‘i sifatida chachvon (chimmat) bilan birga ansambl hosil qilgan. Tadqiqotlarga ko‘ra, u ilk bor Misrda paydo bo‘lgan va keyinchalik butun Sharqqa tarqalgan.

Uning bichimi to‘n shaklida, yelkadan pastga torayib boruvchi uzun yengli libos bo‘lib, boshdan to oyog‘gacha ayol gavdasini yashirishga xizmat qilgan. Yuz esa qora to‘rli chachvon bilan berkitilgan — bu qadimdan Sharq ayollarining odobini aks ettiruvchi belgi sanalgan.

Paranji avra-astarli tikilgan. Avrasi kimxob, banoras, olacha kabi bezakli matolardan, astari esa chit yoki satindan bo‘lgan. Chetlariga zangori, pushti yoki shoyi jiyaklar tikilgan, ba’zilariga popukcha va hatto qo‘ng‘iroqchalar osilgan.

Har bir hududda paranjining o‘ziga xos ko‘rinishi mavjud bo‘lgan:

— Toshkent va Farg‘ona: ipak kashtalari bilan bezalgan, serhasham;
— Samarqand: choponga o‘xshash shaklda, lekin keng yoqali;
— Buxoro: qisqa yoqali, qora va gulli matodan, soddaroq uslubda;
— Qashqadaryo va Surxandaryo: yozda oq yoki rangdor jelak kiyishgan;
— Xorazm: uzunligi bilan ajralib turadi (170–180 sm), kashtasiz, soddaligi bilan e’tiborni tortadi.

Paranji dastlab erkaklar kiyimi — farajidan kelib chiqqan. Samarqanddagi Afrosiyob qazilmalaridan topilgan haykalchalar buni isbotlaydi.

XX asr boshlarida paranji oddiy kundalik kiyimdan marosim libosiga aylana boshladi. Toʻylarda kelin-kuyov uyiga paranjida olib borilgan, sunnat to‘ylariga esa ayollar an’anaviy paranjida qatnashgan.

Bugun bu libos faqat tarix sahifalarida, muzey eksponatlarida va ayrim san’at asarlarida yashaydi. Ammo u bizga bir haqiqatni eslatadi: ayol libosi bu — nafaqat kiyim, balki madaniyat, or-nomus va tarixni ko‘rsatib beruvchi ko‘zgudir.

💬 Telegram 📹 Instagram
📹 Youtube 😎 Facebook

22.04.202505:04

⚡️ Bunaqasi tarixda boʻlmagan: yangi ekspeditsiya

Ohangaron togʻlaridan kutilmagan arxeologik kashfiyot! Arxeologlar bu yerda paleolit davriga oid yodgorlikni aniqlashdi — bu esa odamzodning ilk hayot tarziga doir izlar shunday yaqinimizda, o‘z tog‘larimiz orasida yashiringanini anglatadi!

Topilma orasida tosh qurollar, oddiy mehnat anjomlari, hatto bronza bilaguzuk ham bor. Bu esa insoniyatning ilk qadamlari qanday boshlanganini o‘rganish uchun noyob imkoniyat yaratmoqda.

Mutaxassislar fikricha, bu hududda bundan ming yil ilgari ham odamlar yashagan bo‘lishi mumkin. Bu faqat arxeologlar emas, balki butun tarixchilar jamoatchiligi uchun ham katta yangilik.

Endi esa oldimizda yangi vazifa — bu qadimiy sirlarni to‘liq ochish va ularni kelajak avlodlarga yetkazish. Chunki bu topilma nafaqat O‘zbekiston, balki butun Markaziy Osiyo tarixiga yangi nur sochishi mumkin!

Tez kunda. Faqat “Oʻzbekiston tarixi” telekanalida. Oʻtkazib yubormang!

💬 Telegram 📹 Instagram
📹 Youtube 😎 Facebook

22.04.202504:02

🤴 Amir Temur haqida siz eshitmagan fakt

Sohibqiron 27 mamlakatni zabt etgan. Lekin gʻolib hukmdorlar qiladigan bir ishni umuman qilmagan. Bu qanday ish edi?

Batafsil ushbu videoda!

💬 Telegram 📹 Instagram
📹 Youtube 😎 Facebook

21.04.202514:04

❗️Bu tun tarix jonlanadi

1305-yil, 5-avgust. Shotlandiya qahramoni Uilyam Vollas xoin qo‘llar tomonidan hibsga olinadi. Uni sotgan kim? Yaqin birodarimi? Sababi vatanga sadoqatmi yoki shaxsiy manfaatmi?

“Qiziqarli tarix” ko‘rsatuvining bugungi sonida biz sizni o‘sha murakkab zamonlarga olib boramiz — Uilyam Vollasning orqaga qaytishi, xoinlik, sud jarayoni va qirol Eduard bilan yuzma-yuz kelgan daqiqalari…

Uilyamning suddagi ayanchli, ammo g‘ururli so‘zlariga qarang:
“Men Eduardga xoin bo‘lolmayman, chunki men hech qachon uning qo‘l ostida bo‘lmaganman.”

📅 Bugun soat 21:35 da – faqat “Qiziqarli tarix”da!

💬 Telegram 📹 Instagram
📹 Youtube 😎 Facebook

Усе пасты

Рэкламаваўся1 дзень

12.04.202514:09Tarixdan testlar ABT

11.5K

Падрабязней

Рэкорды

12.04.202523:59

4.2KПадпісчыкаў

30.03.202523:59

100Індэкс цытавання

11.03.202511:10

1.9KАхоп 1 паста

11.03.202511:10

1.9KАхоп рэкламнага паста

02.04.202523:59

5.63%ER

11.03.202511:11

45.58%ERR

Развіццё

Падрабязней

Падпісчыкаў

Індэкс цытавання

Ахоп 1 паста

Ахоп рэкламнага паста

ERR

Падрабязней

Папулярныя публікацыі OʻZBEKISTON TARIXI | Rasmiy kanal

Усе пасты

01.04.202506:00

🥷 Turkiston legioni: tarixning unutilgan sahifalari (1-qism)

1942-yilning mayidan boshlab Turkiston legioni aʼzolari Polsha, Belorussiya va Ukraina hududlarida partizanlarga qarshi harakatlarda qatnashgan. 1942-yil oxirlariga kelib esa Sovet Ittifoqiga qarshi urush maydonlariga yuborilgan. Stalingrad va Kavkaz uchun bo‘lgan janglarda ham legionning ayrim batalyonlari qatnashgan va aksariyati halok bo‘lgan.

1943-yilda Turkiston legionidagi harbiy asirlarning Sovet tomoniga o‘tish holatlari ko‘paydi. Shu sababli 1943-yil oxirlarida legion Yevropa hududiga ko‘chirilib yana partizanlarga qarshi kurashda ishlatilgan. Demak, Turkiston legionidagi asirlarning aksariyati sovet mafkurasidan butunlay uzilmagan. Ular “Sovet Ittifoqi kechiradi” degan umidda vatanga qaytishga intilgan.

Vali Qayumxon: murakkab qarorlar ortidagi shaxs

Urushning keskin burilishi 1943-yildan boshlab yaqqol ko‘zga tashlandi. 1944-yilda Ikkinchi front ochilib, Germaniya mag‘lubiyatga uchrashi aniq bo‘ldi. Turkiston legionining siyosiy yetakchilaridan biri boʻlgan Vali Qayumxon bu borada shunday fikr bildirgandi:

“Biz o‘sha paytda konslagerlarda yotgan yuz minglab turkistonlik harbiy asirlarni o‘limdan saqlab qolish uchun bu yo‘lni tanlaganmiz. Bizning asosiy maqsadimiz fashizm bilan hamkorlik qilish emas edi. Biz kommunizmni qanchalik yomon ko‘rsak, fashizmni ham xuddi shunday yomon ko‘rardik.”

Legion tuzilgach, u Turkiston muxtoriyati va Turkiston milliy birligi harakatining ishlarini davom ettirish maqsadini olg‘a surdi. Oʻsha vaqtda hatto Turkiston muxtoriyati madhiyasi milliy ramz sifatida qabul qilingan, ammo bayrog‘ini rasman tan olishga urinish natijasiz tugagan.

✅ Ushbu postga 100 ta reaksiya yigʻilsa 2-qismni ham kanalga joylaymiz.

💬 Telegram 📹 Instagram
📹 Youtube 👥 Facebook

28.03.202516:02

⚡️ Gitlerning hokimiyatga kelishi tasodif emas edi

Talablarga binoan “Afsona va haqiqat” koʻrsatuvining Adolf Gitlerning siyosiy faoliyati va sirli oʻlimi mavzusiga bagʻishlangan sonini toʻliq yukladik.

Marhamat, tomosha qiling va doʻstlaringizga ulashing. Olgan taassurotlaringizni izohda yozib qoldiring.

🔵 Telegram 📹 Instagram
📹 Youtube 👥 Facebook

03.04.202515:00

🔥 Esonbuqa: Amir Temurning unutilmas sarkardasi

Esonbuqa ismi nimani anglatadi?

“Eson” so‘zi hozirgi tilimizda ham “salomatlik” ma’nosini anglatadi. “Buqa” esa XV-XVI asrlarda keng tarqalgan ism bo‘lib, asosan baquvvat, sog‘lom bolalarga qo‘yilgan. Demak, Esonbuqa ismi ham o‘z ma’nosi bilan kuch-quvvat va bardamlik timsoli edi.

🏛 Anqara va Esonbuqa nomi

Poytaxt Anqaradagi aeroport ham Esonbuqa nomi bilan ataladi. Sababi, Esonbuqa Amir Temur qo‘shinida fillarni boshqaradigan general bo‘lgan va aynan Anqara yaqinidagi qishloqlardan biriga uning nomi berilgan. Nima uchun aynan uning nomi abadiylashtirilgan? Buning bir nechta sababi bor:
✅ U Anqara atrofida katta ta’sir kuchiga ega bo‘lgan.
✅ Amir Temur jang o‘tgan hududlarga o‘z sarkardalarining nomlarini berib, tarixiy iz qoldirishga intilgan.

🇹🇷 Turkiyada tarixiy yodgorliklarga e’tibor

Turkiyada tarixiy merosga alohida hurmat bilan qaraladi. Hatto Rim imperiyasidan qolgan qadimiy nomlar ham saqlab qolinadi. Agar joy nomi turkiy tarix bilan bog‘liq bo‘lsa, unga mutlaqo tegilmaydi. Esonbuqa nomining Anqarada saqlanib qolishiga ham aynan shu tamoyil asos bo‘lgan.

🔱 Esonbuqa kim bo‘lgan?

Esonbuqa Chingizxon avlodidan bo‘lgan Chig‘atoy hukmdori edi. U Xizrxo‘janing nevarasi, Uvaysxonning o‘g‘li bo‘lib, Amir Temur 1380-yillarda o‘z saltanatini kengaytirayotganda unga qo‘shilgan va uning eng ishonchli sarkardalaridan biriga aylangan.

🐘 Fillar qo‘shinini boshqargan general

Esonbuqa jang san’atida tajribali harbiy edi. Uning eng muhim vazifasi esa fillardan iborat maxsus harbiy otryadni boshqarish bo‘lgan. Aynan shu tajribasi tufayli Amir Temur unga Anqara jangida fillar qo‘shinini boshqarish vazifasini topshirgan. Ushbu jang Amir Temurning g‘alabasi bilan yakunlangan va bu g‘alabada Esonbuqaning roli beqiyos bo‘lgan.

✈️ Anqara aeroportining nomi nega Esonbuqa bo‘lib qoldi?

1950-yillarda Anqarada yangi aeroport qurilganida unga Turkiyaning ikkinchi prezidenti Ismet Inönü nomi berilishi rejalashtirilgan edi. Biroq bu taklif ko‘plab bahs-munozaralarga sabab bo‘ldi. Tarixchilar va milliy merosni saqlash tarafdorlari turkiy avlod generali bo‘lgan Esonbuqaning nomi qolishi kerakligini ilgari surishdi.

Oxir-oqibat, tarixiy haqiqat ustun keldi va Esonbuqa nomi abadiylashtirildi. Bu nafaqat bir sarkardaning xotirasini saqlab qolish, balki turkiy tarixning Anqara bilan bog‘liqligini eslatib turish uchun muhim qaror bo‘ldi.

❓Siz qanday fikrdasiz? Tarixiy shaxslar nomlarini abadiylashtirish kerak deb hisoblaysizmi? Fikrlaringizni izohlarda qoldiring! 👇

💬 Telegram 📹 Instagram
📹 Youtube 👥 Facebook

02.04.202504:00

🥷Turkiston legioni: tarixning unutilgan sahifalari (2-qism)

Sovet razvedkasi Turkiston legioniga o‘z agentlarini joylashtirishga harakat qildi. Asirga tushgan ayrim sovet harbiylari maxsus tayyorgarlikdan o‘tib, legion safiga qo‘shilgan. Ular legionnning ichidan yemirilishiga sababchi bo‘ldi.

1944-yilda Turkiston milliy oʻrdusi Venada xalqaro kongress o‘tkazdi. Unda Sovet Ittifoqiga qarshi kurash masalalari muhokama qilindi. Kongressda Vali Qayumxon Turkiston milliy birligi Prezidenti etib saylandi.

Urush tuagagach, 1945-yil fevral oyida Yalta konferensiyasida ittifoqchi davlatlar urushdan keyingi taqdirni muhokama qildi. Stalinning talabi bilan harbiy asirlarning hammasi Sovet Ittifoqiga qaytarilishi shart qilib qo‘yildi. Bu legion a’zolari uchun katta tahdidni tug‘dirdi.

🧑‍⚖ Nyurnberg sudi va keyingi taqdir

Urush tugagach, Vali Qayumxon boshchiligidagi 120 nafar Turkiston legioni a’zolari Nyurnberg sudiga tortildi. Ammo sud ularning harakatlarini tahlil qilib, aybsiz ekanliklarini tasdiqladi. 1947-yilga kelib ular ozod qilindi.

Biroq Sovet Ittifoqi bu masalaga o‘z ta’sirini o‘tkazishdan to‘xtamadi. 1950-yillardan boshlab legion a’zolariga qarshi siyosiy tashviqot avj oldi. Endi ular Sovet Ittifoqiga qarshi kurashni harbiy yo‘l bilan emas, siyosiy vositalar bilan davom ettira boshladi.

Boymirza Xayit Turkiya, Suriya, Saudiya Arabistoni, Misr va Pokistonga yuborilib, turkistonlik muhojirlar bilan aloqalar o‘rnatildi. Bu davlatlarda Turkiston milliy birligi faoliyati haqida maqolalar e’lon qilindi.

📖 Sovet Ittifoqi esa ularni obro‘sizlantirish uchun Sarvar Azimov tomonidan “Qonli sarob” deb nomlangan maxsus asarni yaratishga buyurtma berdi.

Turkiston legioni Ikkinchi jahon urushi davrida juda murakkab tarixiy jarayonlar mahsuli bo‘ldi. Uning a’zolari nafaqat nemislar tomonidan ishlatildi, balki sovetlarning ham mafkuraviy va siyosiy o‘yinlariga duch keldi.

Ularning ba’zilari mustaqillik orzusida bu safga qo‘shilgan bo‘lsa, boshqalari omon qolish niyatida edi. Har qanday holatda ham bu tarixiy voqea turlicha talqin qilinishi mumkin, ammo uni unutmaslik va xolisona o‘rganish muhim vazifadir. (1-qism)

💬 Telegram 📹 Instagram
📹 Youtube 👥 Facebook

22.04.202504:02

09.04.202507:30

🌐 Xalqaro assambleya ham davom etmoqda

5-aprel kuni Toshkentda yirik xalqaro tadbir hisoblangan Parlamentlararo Ittifoqning 150-Assambleyasi ish boshlagan edi.

Toshkentda ilk bor oʻtkazilayotgan assambleya jarayonlari va yurtimiz haqida Mavritaniya parlamenti deputati Najem Siham oʻz fikrlarini bildirdi.

💬 Telegram 📹 Instagram
📹 Youtube 😎 Facebook

29.03.202511:31

🎤Teleboshlovchilikga qiziquvchi yigit-qizlar, qayerdasiz?

Endi sizda karyerangizni “Oʻzbekiston tarixi” telekanalida rivojlantirish imkoniyati bor! Hoziroq ushbu faylni oching va maʼlumotlar bilan tanishib chiqing.

Agar kelajagingizni biz bilan koʻra olsangiz va oʻzingizni bizga mos deb bilsangiz faylda keltirilgan zarur maʼlumotlarni 1-aprel soat 12:00 gacha @montekitobisto telegram manziliga joʻnating.

Tanlovning saralash bosqichida mas’ullar tomonidan hujjatlar va foto-video ko‘rik o‘tkaziladi. Saralashdan o‘tganlarning telegram manziliga asosiy kasting vaqti va joyi ma’lum qilinadi.

❗️Shoshiling! Balki aynan siz bizga mos kelarsiz? Imkoniyatni qo‘ldan boy bermang!

😌 Telegram 🌐 Instagram
📹 Youtube 👥 Facebook

AgADqWsAAjdRQUs

23.7 kB

13.04.202509:00

📹 Nuh toʻfoni: 18 mingdan ortiq kitobda zikr etilgan afsona

⏺Nuh toʻfoni haqiqatan roʻy berganmi? Bu haqida qadimiy manbalarda nima deyiladi?
⏺Nuh toʻfoni haqida kimlar tomonidan ilmiy izlanishlar olib borilgan?
⏺Nuh toʻfoni qayerda boʻlgan? Kema topilganmi?
⏺Nuh toʻfoni haqida qaysi xalqlardan afsonalar yetib kelgan? Ulardagi oʻxshashliklar nimada koʻrinadi?

“Afsona va haqiqat” koʻrsatuvining ushbu sonida koʻplab olimlar tomonidan oʻrganilayotgan Nuh toʻfoni, uning kemasi va paygʻambarni yutgan baliq afsonasi haqida batafsil soʻz boradi.

💬Telegram 📹 Instagram
📹 Youtube 😎 Facebook

09.04.202514:52

⚡️Izohsiz...

💬 Telegram 📹 Instagram
📹 Youtube 😎 Facebook

03.04.202507:02

👓 Koʻzoynaklar tarixi: oʻtmishdan bugungacha

Ko‘zoynak oddiy buyumdek ko‘rinsa-da, uning tarixi ming yillik kashfiyot va sarguzashtlarga boy! X asrda buyuk olim Ibn al-Xaysam yorug‘lik sinishini o‘rganib, linzalar orqali predmetlarni kattalashtirish mumkinligini aniqladi. XIII asrda esa Rojer Bekon bu g‘oyani davom ettirdi.

🏛 Venetsiya va ilk ko‘zoynaklar

1300-yillarda Venetsiyada billur linzalar ishlab chiqarila boshlandi. Dastlab ular faqat badavlat kishilar uchun hashamat timsoli edi.

⚡️Ko‘zoynaklardan qo‘rquv

Ba’zi joylarda ularni “iblisning quroli” deb atashgan! XVII asrgacha Fransiyada ko‘zoynak taqqan odamni mazax qilishgan, Rossiyada esa Pyotr I davrida ommalashgan.

📚 Kitob bosish va talabning oshishi

XV asrdan bosma kitoblar ko‘paygani sayin, ko‘zoynakga ehtiyoj oshdi. XVI asrda yaqinni ko‘ra olmaydiganlar uchun ham alohida linzalar paydo bo‘ldi.

👑 Qirollar va zodagonlarning bezakli ko‘zoynaklari

XVI-XVII asrlarda oltin va qimmatbaho toshlar bilan bezatilgan ko‘zoynaklar moda aksessuariga aylandi.

🕶 Zamonaviy ko‘zoynaklar

XIX asrga kelib, quyosh nurlaridan himoyalovchi linzalar ixtiro qilindi. Bugungi kunda esa ko‘zoynak shunchaki kerakli buyum emas, balki imidj va shaxsiyat ifodasi hamdir!

Qaysi davrdagi ko‘zoynaklar sizga yoqadi? Izohlarda fikr qoldiring! 👇

🔵 Telegram 📹 Instagram
📹 Youtube 👥 Facebook

29.03.202517:00

❔ Buxorolik jadidlarimizni taniymizmi?

“Tarix koʻzgusi” koʻrsatuvining ushbu sonida Buxoro davlat universiteti tuzilmasidagi Qatagʻon qurbonlari xotirasi muzeyiga sayohat qildik.

Buxoroda tugʻilib yurt uchun jonini fido qilgan jadidlar, Germaniyada taʼlim olib vatan taraqqiyoti uchun xizmat qilishdek maqsad bilan qaytgan talabalar ham SSSRning siyosiy qatagʻonida qurbon boʻlishgan.

Ana shunday ajdodlarimiz va oʻtgan davrlarda Buxoroda xalqimizning turmush tarzi, boshidan kechirganlari muzeyda eksponatlar va suratlar bilan yoritilgan...

✅ Batafsil videoda!

💬 Telegram 📹 Instagram
📹 Youtube 👥 Facebook

01.04.202516:00

❔ Tarix ilmi rivojiga nima toʻsqinlik qiladi?

⏺Ilmiy nashrlarning bugungi faoliyati tahlili;

⏺Tarixchi olimlarimiz oʻz faoliyatida eʼtibor berishi kerak boʻlgan jihatlar;

⏺Tarix ilmi rivojiga toʻsqinlik qilayotgan muammo va kamchiliklar — barchasi “Tarix maydoni” koʻrsatuvining ushbu sonida chuqur tahlil qilindi.

Talablarga binoan koʻrsatuvlarimizni toʻliq holda yuklab boryapmiz. Siz ham faol boʻling: koʻring, fikr bildiring, boshqalarga ulashing.

💬 Telegram 📹 Instagram
📹 Youtube 🌐 Facebook

27.03.202517:00

⚡️Gitlerning sirli oʻlimi

Bu mavzu nafaqat dunyo ahlini qiziqtiradi, balki ilm-fan vakillari ham Adolf Gitlerning qachon va qanday vafot etgani haqidagi haqqoniy faktlarni bilishni istaydi.

“Afsona va haqiqat” koʻrsatuvidan olingan ushbu lavhada nega biz haligacha bu faktlarni bilmasligimizning sababi keltirildi. Batafsil videoda!

🔵 Telegram 📹 Instagram
📹 Youtube 👥 Facebook

09.04.202505:20

🇫🇷 Faoliyatini temuriylar tarixiga bagʻishlagan fransiyalik olim

Fransuz temurshunosi, professor Lyusyen Keren 1961-yilda O‘zbekistonga qilgan safaridan keyin o‘zining ilmiy faoliyatini Amir Temur va temuriylar tarixini o‘rganishga bag‘ishladi.

U Sharq va G‘arb manbalarini tanqidiy tahlil qilib, Temurning hayoti va faoliyatini xolis baholagan. Kerenning asosiy asarlaridan biri “Temur yoxud Sohibqiron saltanati” (1978) bo‘lib, bu kitobda Temurning Yevropadagi o‘rni va ilm-fanga qo‘shgan hissasi alohida taʼkidlangan.

U Amir Temurning harbiy iste’dodini, diplomatik mahoratini va bunyodkorligini eʼtirof etgan. Shuningdek, Keren “Amir Temur” nomli pyesa ham yozgan. Uning tadqiqotlari Temurning murakkab va ko‘p qirrali shaxsiyatini yoritadi.

💬 Telegram 📹 Instagram
📹 Youtube 😎 Facebook

31.03.202515:00

❔Qadimiy shaharlar yoshi qanday aniqlanadi?

Oʻzbekiston tarixi 3000 yilga borib taqaladi. Ammo bundan avval ham yurtimiz hududida ibtidoiy odamlar yashab oʻtgan.

Arxeologlar bunday faktlarni qanday aniqlaydi? Ular tarixiy yodgorliklar yoshini belgilashda nimaga asoslanadi? Qanday ashyolar tarixiy yodgorlikning yoshini aniqlashda yordam beradi?

✅“Arxeologlarning hisobot sessiyasi” koʻrsatuvining bugungi sonida bularning barchasini bilib olasiz!

📅 Koʻrsatuv bugun soat 20:30 da “Oʻzbekiston tarixi” telekanalida efirga uzatiladi. Shuningdek, ushbu Telegram kanalimizda ham tomosha qilishingiz mumkin. Oʻtkazib yubormang!

💬 Telegram 📹 Instagram
📹 Youtube 👥 Facebook

Увайдзіце, каб разблакаваць больш функцый.