#yangi_kitob 🎉
Nihoyat kutganimiz o'sha kun keldi.)
Adashmasam, bu kitob ustida ikki oydan oshiqroq vaqt ishladik. Nashriyotdagi bir yarim yillik faoliyatim davomida eng ko'p mehr berganim shu kitob bo'ldi. Eldar Asanovdan ko'ra ham men ko'proq kuyindim.) Har bitta so'z ustida talashdik-tortishdik. Maqsadimiz bir edi, O'rxon Pomuq uslubini, mahoratini o'zbek kitobxonlariga o'zidek yetkazish.
Chunki adabiyot tildan tilga ko'char ekan, baribir o'z ohorini to'kadi, lekin biz bu kitobda shunga yo'l qo'ymaslikka urindik.
Bu kitob kimlarga tavsiya etiladi:
Haqiqiy adabiyot muhiblariga, ijodkor-u ijod ixlosmandlariga va kitobxonman degan barcha barchaga...
(Faqatgina ma'naviyatni adabiyotdan ustun qo'yadiganlarga tavsiya etmagan bo'lardim. Bu kitob siz uchun emas.)
Postmodernizmning yaqqol namunasi bo'lgan bu asar o'zbek adabiyotini yana bir daraja yuqorilashiga, o'sishiga xizmat qiladi, degan umidim bor. Bu go'zallik, bu zulmat, bu qahr, bu mehr haqida kitob. Bundan kim nima izlasa topgusidir...
