Мир сегодня с "Юрий Подоляка"

Труха⚡️Україна

Паглядзець

Николаевский Ванёк

Паглядзець

Мир сегодня с "Юрий Подоляка"

Паглядзець

Труха⚡️Україна

Паглядзець

Николаевский Ванёк

Паглядзець

✞ማርያም አማላጅ ናት✞

✝️•✞•ከገነት የመውጣታችን ምክኒያት ሔዋን እንደሆነች ሁሉ•✞•✝️
✝️•✞•ዳግመኛ ወደ ገነት የመግቢያ በራችን ድንግል ማርያም ናት•✞•✝️
✝️ኦርቶዶክስ ተዋሕዶ ለዘለዓለም ትኑር✝️
❥ማርያምን የሚወድ ሁሉ ይቀላቀል
☟ ☟ ☟
https://t.me/Maryam_Maryam2127
ጥር 11 2015
ጥቆማ አስተያየቶች ካሉዎት👇 @Kdst_dngl_maryam_bot

Рэйтынг TGlist

ТыпПублічны

Вертыфікацыя

Не вертыфікаваны

Надзейнасць

Не надзейны

Размяшчэнне

МоваІншая

Дата стварэння каналаСіч 19, 2023

Дадана ў TGlist

Груд 31, 2024

Я ўладальнік канала

Гісторыя змяненняў

Прыкрепленая група

♡ የድንግል ማርያም ልጆች ♡

26.3K

Статыстыка Тэлеграм-канала ✞ማርያም አማላጅ ናት✞

Падрабязней

Падпісчыкаў

20 594

24 гадз.

210.1%Тыдзень

2121%Месяц

1 2226.3%

Індэкс цытавання

0

Згадкі1Рэпостаў на каналах0Згадкі на каналах1

Сярэдняе ахоп 1 паста

1 036

12 гадз.1 0510%24 гадз.1 0360%48 гадз.1 4890%

Узаемадзеянне (ER)

5.5%

Рэпостаў40Каментары0Рэакцыі17

Узаемадзеянне па ахопу (ERR)

5.04%

24 гадз.0%Тыдзень

2.72%Месяц

0.94%

Ахоп 1 рэкламнага паста

1 036

1 гадз.1 036100%1 – 4 гадз.68566.12%4 - 24 гадз.63160.91%

Падрабязней

Падключыце нашага бота да канала і даведайцеся пол аўдыторыі гэтага канала.

Усяго пастоў за 24 гадзіны

3

Дынаміка

Апошнія публікацыі ў групе "✞ማርያም አማላጅ ናት✞"

Усе пасты

24.04.202502:42

❤️ እንኳን ለዕለተ አዳም ዓመታዊ የመታሠቢያ በዓል በሰላም አደረሳችሁ❤️

" ዕለተ አዳም "ሐሙስ

ከትንሳኤ በሁዋላ ያሉ ሰባቱ ዕለታት ስያሜ እንዳላቸው: ሰኞ ማዕዶት: ማክሰኞ ቶማስ/አብርሃም: ረቡዕ ደግሞ አልዓዛር እንደሚባሉ ተመልክተናል::

ሐሙስ ደግሞ አዳም (የአዳም ሐሙስ) በመባል ይታወቃል:: በዚህ ዕለት መድኃኔ ዓለም ኢየሱስ ክርስቶስ አዳምን ለማዳን መጸነሱ: መወለዱ: መሰቀሉ: መነሳቱና ማረጉ ይነገራል:: በዕለቱ ሕጻናቱ "ስለ አዳም" የሚል ባሕላዊ ዜማ እያዜሙ በዓሉን ያዘክራሉ::

አባታችን አዳም:- የመጀመሪያው ፍጥረት (በኩረ ፍጥረት) ነው::

አባታችን አዳም
*በኩረ ነቢያት
*በኩረ ካኅናት
*በኩረ ነገሥትም ነው::

በርሱ ስሕተት ዓለም ወደ መከራ ቢገባም ወልድን ከዙፋኑ የሳበው የአዳም ንስሃና ፍቅር ነው:: አባታችን ለ100 ዓመታት የንስሃ ለቅሶን አልቅሷል:: ስለዚህ አባታችን አዳም ቅዱስ ነው:: ከሌሎቹ ቅዱሳን ቢበልጥ እንጂ አያንስም::

ለአዳም አባታችን የተናገርነው ሁሉ ደግሞ ለእናታችን ሔዋን ገንዘቧ ነውና አብረን እናስባታለን:: እናከብራታለን::

አምላከ አዳም ወሔዋን ጸጋ ክብራቸውን : ረድኤት በረከታቸውን ያሳድርብን::🙏❤️

በክርስቶስ በሰማያዊ ሥፍራ በመንፈሳዊ በረከት ሁሉ የባረከን የጌታችን የኢየሱስ ክርስቶስ አባት ይባረክ:: ዓለም ሳይፈጠር በፊቱ ቅዱሳንና ነውር የሌለን በፍቅር እንሆን ዘንድ በክርስቶስ መረጠን:: +"+ (ኤፌ. 1:3)

ወስብሐት ለእግዚአብሔር🙏

24.04.202502:30

"ድንግል ማርያም በቤተ መቅደስ"

ድንግል ማርያም በቤተ መቅደስ
አሰምታ ትናገር ነበረ
ሰላም ላንቺ ይሁን አለኝ ቅዱስ ገብርኤል
ሌላ ምንም አላውቅ / ያውቃል እግዚአብሔር / 2/
*
ከመቅደስ ቁጭብዬ ትንቢት እየሰማሁ
ሀር ወርቅ አስማምቼ ጥበብ እየፈተልኩ
ሳለሁ በመገረም ያንን ቃል አስቤ
አምላክ ሰው ሆነብኝ ተመሰጠ ልቤ
ማናት ብዬ ሳስብ ያቺ ብላቴና
ገብርኤል ደረሰ ብስራቱን ያዘና
ዝፋኑ አደረገኝ የባሪያይቱን ውርደት ተመልክቷልና
አዝ........
እንዴት ያለማዕፀን ሰማይን ይሆናል
የልዑሉ ዙፋን ወዴት ይተከላል
እያልኩኝ ስጠይቅ በልቤ ለራሴ
የመንፈስ ቅዱስ ኃይል አደረ በራሴ
ማናት ብዬ ሳስብ ያቺ ብላቴና
ገብርኤል ደረሰ ብስራቱን ያዘና
ዙፋኑ አደረገኝ የባርያይቱን ውርደት ተመልክቷልና
አዝ............
እንዴት ከድሀ ቤት ይሄ ንጉስ ያድራል
ለርሱ የተገባስ ከወዴት ይገኛል
ገሊላን አሰብኳት ዞሬ በህሊና
ለካስ ተሸንፏል በባርያው ትህትና
ማናት ብዬ ሳስብ ያቺ ብላቴና
ገብርኤል ደረሰ ብስራቱን ያዘና
ዙፋኑ አደረገኝ የባርያይቱን ውርደት ተመልክቷልና
አዝ...........
እሳት የማይበላው ሀመልማል አይኖርም
እንዲ ያለቅጠል ናዝሬት አይገኝም
ህሊናዬ ነጥቆ ሲበር ወደሲና
አንቺ እኮነሽ አለኝ ገብርኤል መጣና
ማናት ብዬ ሳስብ ያቺ ብላቴና
ገብርኤል ደረሰ ብስራቱን ያዘና
ዝፋኑ አደረገኝ የባሪያይቱን ውርደት ተመልክቷልና

✝🤍
ሊቀ መዘምራን ቴዎድሮስ ዮሴፍ
ሼር👉
   @Maryam_Maryam2127
   @Maryam_Maryam2127

23.04.202518:41

ስሟ ለሚጠሏት እሳት ነው።
ለሚወዷት ማር ነው።

ኪዳነምህረት እናቴ 💖

20.04.202517:33

ከትንሳኤ እሁድ በኋላ ያሉ ዕለታት ስያሜ፡-

#ሰኞ
#ማዕዶት_ይባላል፡- ማዕዶት ማለት መሻገር፣ ማለፍ ማለት ነው፡፡ በዚህ ዕለት በፋሲካችን በክርስቶስ ትንሣኤ ከድቅድቅ ጨለማ ወደ ሚደነቅ ብርሃን፣ ከሞት ወደ ሕይወት፣ ከሲኦል ወደ ገነት፣ ከሃሳር ወደ ክብር መሻገራችንን እናስባለን፡፡

#ማክሰኞ
#ቶማስ_ይባላል፡- በዚህ ዕለት ቶማስ ጌታን አይቶ ማመኑ፤ ጌታዬና አምላኬ ብሎ መመስከሩ ይዘከራል፡፡ ዮሐ. 20፡27-29

#ረቡዕ
#አልአዛር_ይባላል፡- በዚህ ዕለት ትንሣኤና ሕይወት የሆነው ጌታ ኢየሱስ አልአዛርን ከሞት እንዳስነሳው እናስባለን፡፡ ክርስቶስ የሞትን ስልጣን የሻረ የሕይወት ራስ፤ የመቃብርን ሥርዓት ያጠፋ ትንሣኤ፡ በድልም ያረገ ንጉሥ መሆኑን እንመሰክራለን፡፡

#ሐሙስ
#አዳም_ሐሙስ_ይባላል፡- በዚህ ዕለት ለአዳም የተሰጠው ተስፋ እና የተገባለት ኪዳን እንደተፈጸመ አዳምና ልጆቹ ነጻ እንደወጣን እናስባለን፡፡

#አርብ
#ቅድስት+ቤተክርስቲያን_ይባላል፡- በዚህ ዕለት ቤተክርስቲያን በክርስቶስ ሞትና ትንሣኤ ስለመመስረቷ ይሰበካል፡፡ ክርስቶስ ስለ እርሷ ራሱን አሳልፎ ሰጥቶ ቤዛ ሆኖ በደሙ አንጽቶ በትንሣኤው ድል ሰጥቶ እንዳከበራት ይነገራል፡፡ ቤተክርስቲያን ስንል ሕንፃውን ሳይሆን አማኞችን ነው፤ ክርስቶስ ለሕንፃ አልሞተምና፡፡

#ቅዳሜ
#ቅዱሳት_አንስት_ይባላል፡- በዚህ ዕለት ቅዱሳት አንስት የክርስቶስን አካል ሽቶ ለመቀባት ጨለማ አቋርጠው ወደ መቃብር መምጣታቸውና ትንሣኤውንም ቀድመው ማየታቸው ይሰበካል፡፡

#እሁድ
#ዳግም_ትንሳኤ_ይባላል፡- በዚህ ዕለት ክርስቶስ ለሦስተኛ ጊዜ ለደቀመዛሙርቱ ተገልጦ ሰላምን መስበኩ እና ሥልጣንን መስጠቱ ይሰበካል፡፡

ፔጁን #Like_Sebscribe_Share በማድረግ ትክክለኛ ኦርቶዶክሳዊ ትምህርት እንዲሁም መረጃ ያግኙ።

🔴👉 በቴሌግራም | Telegram
👇👇👇👇👇👇
@Maryam_Maryam2127
@Maryam_Maryam2127

20.04.202512:52

"እንደተናገረ ተነስቷል በዚህ የለም"
ማቴ 28÷6

በሀገር ቤት እና በውጭው ዓለም ለምትገኙ በክርስቶስ ክርስቲያን ለተሰኛችሁ ሁሉ በሞቱ ሞታችንን ድል አድርጎ በትንሣኤው ትንሣኤያችንን ላሳየን ለጌታችን ለአምላካችን እና ለመድኃኒታችን ለኢየሱስ ክርስቶስ ለ2017 ዓ.ም የትንሣኤ በዓል መታሰቢያ በሰላምና በጤና እንኳን አደረሳችሁ አደረሰን🙏

መልካም በዓል🕊❤️‍🩹

20.04.202504:41

🌺 የትንሳኤ በዓል ግጥም 🌺

…!

በቃሉ መሠረት፤ ጌታ ከድንግል ተወለደ፣
ከሠማየ ሠማያት መጣ፤ እኛን ስለወደደ፡፡

ሠውን ሊያድን መጣ፣
ከሐጢዓት አረንቋ፤
………….ሃርነት ሊያወጣ፣
ሞትን በሞቱ ሊደመስስ፤
…………ሠይጣንን ሊቀጣ፡፡

እንትፍ ብሎ ምራቁን፤ እውሩን አበራ፣
የዓለም ብርሃንነቱ፤ በምድር ላይ በራ፡፡

የሚያዩም …. እንዲታወሩ፣
…… በሐጢዓታቸው እንዲታሰሩ፡፡
ጌታ ለፍርድ መጣ፣
ምኩራቡን ሊገለብጥ ስህተትን ሊያወጣ፡፡

የማያዩ …. እንዲያዩ ፣
……….. ጌታን እንዲለዩ፡፡
መስዋዕት ሆኖ መጣ፣
ዓለምን ነፃ ሊያወጣ፡፡

አይሁድ ሊወግሩት፤ ድንጋይን ቢያነሱ፣
ቀኑ ስላልሆነ፤ እምቢ አለ መንፈሱ፡፡

የኔ ጌታ…..

አልዓዛርን ከተኛበት፤ በድምፁ ቀሰቀሰ፣
ድውያውንን ሁሉ፤ አንድ በአንድ ፈወሰ፡፡
የአላዛር ወላጆች፤ አይሁድን ስለፈሩ፣
ድንቅ ታምራቱን፤ ሳይናገሩ ቀሩ፡፡
እሱ ሙሉ ሠው ነው፤ ጠይቁት ቢሉም፣
ፈሪሳውያኑ፤ ሊያምኑ ግን አልቻሉም፡፡

የእግዚአብሔርን ስራ፤ በብዙ ገለጠ፣
እልፍ ታዓምር ሠራ፣ ክፋትን ለወጠ፡፡
በዓለም እያለ፤ የዓለም ብርሃን ሆነ፣
የተኛውን ሁሉ፤ በፍቅሩ አባነነ፡፡

የካህናት አለቆች፤ ሸንጎ ተቀመጡ፣
ፈሪሳውያኑ፤ መያዣ አወጡ፡፡
መከሩ.. ዘከሩ፤ እቅዳቸውን ነደፉ፣
የቀያፋን ምክር፤ በድምፅ አሳለፉ፡፡
ከራሱ አይደለም፤ ቀያፋ የተናገረ፣
ስለህዝቡ ይሞት ዘንድ፤ ቃል ስለነበረ፡፡
ትዕንቢቱ ሊፈፀም፤ የግድ ስለሆነ፣
የቀያፋ ምክር፤ ተፈፃሚ ሆነ፡፡

የዘንባባ ዝንጣፊ ይዘው ሊቀበሉ፣
መጡ ህዝቡ ሁሉ፣
ሆሳዕና በአርያም እያሉ፡፡

ትዕንቢቱ እንዲፈፀም፤ ኢየሩሳሌም ተመረጠ፣
በአህያ ውርንጫ፤ ጌታ ተቀመጠ፡፡
የሠው ልጅ ሊከብር፤ ሠዓቱ ደረሰ፣
ነፍሴ ታውካለች፤ ብሎ እየመለሰ፡፡

በዓሉ ቢደርስም የአይሁዶች ፋሲካ፣
የእኛ ፋሲካችን፤ በፍቅር ተተካ፡፡
እኔ ቁራሽ አጥቅሼ፤ ለሱ የምሠጠው፣
እሱ ነው እኔን፤ በገንዘብ የሚሸጠው፤
………………………ብሎ ተናገረ፣
………………………ቀድሞ መሠከረ፡፡

ዲያቢሎስ ይሁዳን በሃሳቡ ደለለ፣
የአስቆሮቱ ይሁዳ፤ ለመሸጥ ቸኮለ፣
ጌታን አሳልፎ ሊሠጥ፤ ልቦናው ታለለ፡፡

ልባችሁ አይታወክ በእግዚአብሄር እመኑ፣
ቀኔ ደርሷልና፤ ምንም አትዘኑ፡፡
አላቸው ኢየሱስ፤ ለደቀመዛሙርቱ፣
ስፍራ ሊያዘጋጅላቸው፤ ሊፈፀም ትእንቢቱ፡፡

የካህናት አለቆች፤ ወደ ጌታ መጡ፣
በይሁዳ መሪነት፤ ኢየሱስን ሊይዙ፤
……………………. አምላክን ሊቀጡ፡፡

ማንን ትፈልጋላችሁ? ብሎ ቢጠይቃቸው፣
‹‹የናዝሬቱ ኢየሱስን›› ሲሉ፤
……………………‹‹እኔ ነኝ›› አላቸው፡፡

ስምዖን ጴጥሮስም፤ መዘዘ ሠይፉን፣
የማልኮስን ጆሮ ቆረጠ፤
…………………………… ሊዘጋ አፉን፡፡

ኢየሱስም አለ፤
………. ‹‹ሠይፍህን ወደ ሠገባው ክተት››፣
አብ የሠጠኝን ፅዋ፤ ልጠጣት በድፍረት፡፡

ለእኔ ብሎ ጌታ፤ ሕመሜን ታመመ ፣
ለሠው ፍቅር ብሎ፤ መስቀል ተሸከመ፡፡
ጌታችን ታሠረ፤ ምንም ሳያጠፋ፣
ቃሉ ሊፈፀም፤ ምክሩ የቀያፋ፡፡
ክርስቶስ ኢየሱስን፤ ጲላጦስ ገረፈው፣
የእሾህ አክሊል ጎንጉኖ፤
…………….. ከአናቱ አሳረፈው፡፡
ተሳለቁበት ጌታን፣ በጥፊ መቱት፣
በውጪ አውጥተው፤ ለህዝቡ ሠጡት፡፡

ለእኔ ብሎ ጌታ፤ ሕመሜን ታመመ ፣
ለሠው ፍቅር ብሎ፤ መስቀል ተሸከመ፡፡
መስቀሉን አሸክመው፤ ወሰዱት ጎልጎታ፣
ለሠው ፍቅር ብሎ፤ ነፍሱን ሊሠጥ ጌታ፡፡

ከሌቦቹ መሃል፤ ጌታዬን ሠቀሉት፣
ባልዋለበት ሃጢያት፤ አውለው አኖሩት፡፡

ጲላጦስም ፃፈ፣ የአይሁድ ንጉስ ብሎ፤
ከጭፍራዎቹ አንዱ፤ ጎኑ ላይ ጦሩን ተክሎ፡፡
ደምና ውሃ ወጣ፤ ከተወጋው ጎኑ፣
ስለኛ ሲሠዋ፤ ጌታ ማሳዘኑ፡፡

ለእኔ ብሎ ጌታ፤ ሕመሜን ታመመ ፣
ለሠው ፍቅር ብሎ፤ መስቀል ተሸከመ፡፡
ጌታ ነፍሱን ሠጠ፤ ዓለምን ፈወሰ፣
ሠውን ለማዳን ብሎ፤ ደሙን አፈሰሰ፡፡

የአርማትያሱ ዮሴፍ፤ ስጋውን ለመነ፣
ገንዞ ሊቀብር፤ ፍፁም እያዘነ፡፡

እንደአይሁድ ልማድ፤ ገንዘው ቀበሩት፣
በአትክልቱ ስፍራ፤ ጌታዬን አኖሩት፡፡

መግደላዊት ማርያም መጣች በማለዳ፣
ቢፈለግ ባዶ ነው፤ የመቃብሩ ጓዳ፡፡
ደቀመዛሙርቱ ሁሉ፤ ወደ መቃብር ሄዱ፣
የመፅሐፉን ቃል፤ ከቶ ሳይረዱ፡፡

እልል በሉ ሠዎች፤ ጌታችን ተነስቷል፣
የፋሲካው ንጉስ፤ ሞትን ድል አድርጓል፡፡

መልካም የፋሲካ በዓል…!

✞ማርያም አማላጅ ናት✞

20.04.202504:16

ሂዱ ንገሩ ለዓለም

ሂዱ ንገሩ አውሩ ለዓለም
ተነስቷል በዚህ የለም
ተነስቷል በዚህ የለም
መድኃኔዓለም
ሞት የማይችለው የበረታ
ኃያል ነው የማይረታ
ማህተሙን የፈታ
የትንሳኤው ጌታ

ገዳዩ ሞት በእርሱ ድል መንሳት ተዋጠና
ሰንሰለቴን ቀንበሬን ተካው በበገና
ሞት ሆይ መውጊያህ የታል እያልን የምንዘምረው
መስቀልህ ጦር ስምህ ጋሻችን ሆኖልን ነው
ዳንን የምንለው

ተሻግረናል ስላሻገርከን ለዘላለም
በመቃብር ሞት ይይዝህ ዘንድ ከቶ አልቻለም
ኃይለኛውን በኃይል አስረኸው ላይፈታ
ዘመርንልህ አሸናፊ ነህ የኛ ጌታ
ከፍ በል በዕልልታ

ሞቶ ማዳን ለማን ተችሏል ከአንተ በቀር
ጌትነትህ ስራህ ይኖራል ሲመሰከር
ወዳጄ ሆይ ውበትህ ውብ ነው የሚያበራ ተጨነቀ ተንቀጠቀጠ ጠላት ፈራ ዕፁብ ያንተ ሥራ

መስክሩለት የምሥራች ነው ታላቅ ዜና
መላእክቱ ነጭ ለብሰዋል ድል ነውና
ከተማዋ አንዳች ሆናለች በሌሊቱ
በዝማሬ ተንቀጠቀጠ ወህኒ ቤቱ ከበሮውን ምቱ

ዘማሪት ምርትነሽ ጥላሁን
✝🤍
@Maryam_Maryam2127
@Maryam_Maryam2127

20.04.202504:13

እዩና እመኑ ሰዎች

እዩና እመኑ ሰዎች
ድንጋዩ ተፈነቃቅሏል
ኢየሱስ በኩለ ሌሊት
በሀይሉ ሞትን ድል ነስቷል/2/

አዝ

እልልታ ለዚህ ይገባል
ግርግርታ ለዚህ ይገባል
የሞት ሀይል ተዋርዷል ዛሬ
ሲኦልም ተመሰቃቅሏል/2/

አዝ

መላዕክቱ ነጭ ለብሰዉ
ምስራቹን አበሰሩ
ተነስቷል ኢየሱስ ብለው
ለዓለም እንዲናገሩ/2/

ሊቀ መዘምራን ይልማ ኃይሉ

@Maryam_Maryam2127
@Maryam_Maryam2127

19.04.202521:56

🤩 ከዚህ በኋላ ለ50 ቀናት እንዲህ እያልን ሰላምታ እንለዋወጣለን:-

“ክርስቶስ ተንሥአ እሙታን” (ክርስቶስ ከሙታን ተለይቶ ተነሣ)

“በዐቢይ ኀይል ወሥልጣን” (በገናና ኀይልና ሥልጣን)

“ዐሠሮ ለሰይጣን” (ሰይጣንን ዐሰረው)

“አግአዞ ለአዳም” (አዳምን ነጻ አወጣው)

“ሰላም” (ፍቅር አንድነት ሆነ)

“እምይእዜሰ” (ከእንግዲህስ)

“ኮነ” (ሆነ)

“ፍሥሐ ወሰላም” (ደስታ ሰላም)

🌷እንኳን አደረሳችሁ፡፡🥰

19.04.202517:51

❤️ እንኳን ለብርሃነ ትንሣኤው በሰላምና በፍቅር አደረሳችሁ፤ አደረሰን። †🙏🏻†

†❤️† በስመ አብ ወወልድ ወመንፈስ ቅዱስ አሐዱ አምላክ አሜን! †✝†

†❤️† ብርሃነ ትንሣኤ 🕊 †❤️†

ከርስቶስ ተንስአ_እሙታን …. በዐቢይ ኃይል ወስልጣን
አሰሮ ለሰይጣን ………………. አግዐዞ ለአዳም
ሰላም …………………………… እም ይእዜሰ
ኮነ………………………………… ፍስሐ ወሰላም

#ትርጉም፡-

"ክርስቶስ በታላቅ ኃይልና ሥልጣን ከሙታን ተለይቶ ተነሣ፤ ዲያብሎስን አሰረው አዳምን ነጻ አወጣው፤ ሰላም ከዛሬ ጀምሮ፤ ደስታ (ሀሴት) እና ሰላም ሆነ”

አይሁድ ከነበራቸው ሰባት የትእዛዝ (የአዋጅ) በዓላት አንዱ የፋሲካ በዓል ነው፡፡ በመጀመሪያ ወራቸው በ14ኛው ቀን የሚያከብሩት ይህ በዓል እስራኤል ዘሥጋ በችኮላ ከግብፅ ለመውጣታቸው መታሰቢያ የሆነውን የቂጣ እንጀራ የሚመገቡበት የቦካ ነገር ከመብላት
የሚከለከሉበት የሙሉ ሳምንት ( የስምንት ቀን ) በዓል ነው ፡፡ ዘዳ12፡18 ፣ 16፡1-3

በእነዚህ ሳምንት ሥራ አይሰሩም ነበር። በሐዲስ ኪዳንም ጌታችን የተሰቀለበት ሳምንት የፋሲካ ሳምንት ነበር፡፡ ሉቃ 1፡18-19። ዮሐ 18፡38-40 እርሱም ንፁህ የእግዚአብሔር በግ ሆኖ ለመሰዋዕት ስለቀረበ ‹‹ ፋሲካችን ክርስቶስ . . . ›› ተብሏል። 1ኛ ቆሮ 5፡7 1ኛ ጴጥ 1፡18 -19

ስለዚህ የክርስቶስ ትንሣኤ በዓለ ፋሲካ ተብሎ ይጠራል፡፡ ጌታችን በአይሁድ ጭፍሮች በምሴተ ሐሙስ ከተያዘ በኋላ ደቀመዛሙርቱ በእኛም መከራው እንዳይደርስብን ብለው ተበተኑ ጌታም ከተሰቀለ በኋላ አይሁድን ፈርተው በአንድ ቤት ውስጥ ተሸሽገው ነበር፡፡

ማርያም መቅደላዊት ግን ሽቱ ይዛ ጎህ ሳይቀድ ሄደች ሌሎችም ተከትለዋት ከመቃብር በደረሱ ጊዜ የጌታችንን ቅዱስ ሥጋ አጡት ‹‹ወስደውታል›› እያሉ ሲያለቅሱ መልአክ ‹‹ ሕያውን ከሙታን መካከል ለምን ትፈልጉታላችሁ ተነስቷል። ከዚህ የለም ይልቁኑስ ገና በገሊላ ሳለ ለእናንተ እንደተናገረ አስቡ
ቃሉንም አስቡ ለደቀመዛሙርቱ ንገሯቸው አላቸው ፡፡ ሉቃ 24፡1

ሌሎች ሲሔዱ ማርያም መቅደላዊት ግን የደረሰበትን ሳላውቅ አልሄድም ብላ ቆማ ታለቅስ ነበር ጌታችንም ከወደኋላዋ መጥቶ ‹‹ ምን ሆነሽ ታለቅሺያለሽ ›› አላት የአትክልት ጠባቂ መስሏት ‹‹ ጌታዬን አንተ ወስደኸው እንደሆነ ሽቱ እንድቀባው ያደረክበትን አሳየኝ ›› አለቸው ‹‹ ማርያም ›› ብሎ ስሟን ሲጠራት ጌታ መሆኑን አውቃ ‹‹መምህር ሆይ›› ብላ እጅ ልትነሳው ስትቀርብ ‹‹ገና ወደ አባቴ አላረኩምና አትንኪኝ ሄደሽ ለደቀመዛሙርቴ ተነሣ ብለሽ ንገሪያቸው ›› አላት። ዮሐ20፡17

ሄዳ አብስራቸዋለች ጴጥሮስና ዮሐንስ እየሮጡ መጥው መግነዙን እንጂ እሱን አላገኙትም ‹‹ በእውነት ተነስቷል ›› እያሉ ተመለሱ፡፡ ሰውን ወዳጅ ኢየሱስ ክርስቶስ መቅደላዊት ማርያምን አትንኪኝ ያላት ጠልቷት ወይም ተጸይፏት አይደለም፡፡
ትንሣኤውን ከሰው ልጆች ቀድማ እንድታይ የፈቀደላት ስለወደዳት ነው፡፡

ታዲያ ለምን አትንኪኝ አላት ቢሉ?

3 መዓልት 3 ሌሊት በከርሰ መቃብር አድሬ እነሳለው ብሎ የተናገረውን ስለረሳች ስለ እምነቷ ማነስ ሊገስጻት ፈልጎ ነው። ለመላእክት ስለምን ታለቅሺያለሽ ሲላት ጌታዬን ወስደውታል አለች እንጂ ‹‹እንደተናገረው ተነስቷል›› አላለችም። ዮሐ 20፡11-13

#አንድም፦ በዛው ወደ ባህሪ አባቱ የሚያርግ መስሏት እግሩን ስማ ልትሰናበተው ነበር ጌታችን ኢየሱስ ክርስቶስ ግን። የማርግበት ጊዜ ገናነውና ለመሰናበት ብለሽ አትንኪኝ ሲላት ነው።
#አንድም፦ ሥርዓተ ክህነትን ሲመሰርት ሴቶች ካህን መሆን ሥጋወ ደሙን መፈተት እንደማይችሉ ሥርዓት ሲሰራልን ነው።

ለዚህም ማረጋገጫ ሐዋርያው ቅዱስ ቶማስን ግን እንዲዳስሰው የፈቀደለት ሲሆን መግደላዊት ማርያምን ግን አትንኪኝ ነው ያላት። ዮሐ 20፡26
ወዲያው ጌታ በተዘጋ ቤት እንዳሉ በማይመረመር ጥበብ በመሐከላቸው ቆሞ።

🤗 ‹‹ ሰላም ለክሙ ›› ሰላም ለእናንተ ይሁን አላቸው፡፡ ምትሃት መስሏቸው ታወኩ በጦር የተወጋ ጎኑን በችንካር የተቸነከሩ እጆቹን እሮቹን አሳይቷቸው አውቀውታል። መቃብሩን ሲጠብቁ የነበሩ ወታደሮች በክብር ብርሃን ተጎናጽፎ ሲነሣ አይተው ደንግጠው ወደ አይሁድ ዘንድ ሔዱና መነሳቱን የሆነውን ሁሉ ነገሯቸው፡፡ አይሁድም ‹‹ ብዙ ገንዘብ እንሰጣችኋለን ተኝተን ሳለ ደቀመዛሙርቱ ሰረቁት በሉ አሏቸው፡፡

በነግ አይሁድ ጲላጦስ ዘንድ መጥተው ‹‹ ሥጋው ተሰርቋል ጠባቂዎቹን አስጠርተህ መርምርልን ›› አሉት። ለየብቻ ከፋፍሎ ሲመረምራቸው ግማሹ ጴጥሮስና ዮሐንስ ሰረቁት ሲሉ ሌሎች ደግሞ ዮሴፍና ኒቆዲሞስ ሰረቁት አሉ። አስራ አንዱም መጥተው ሰረቁት ያሉም ነበሩ፡፡ ጲላጦስም ወደ መቃብሩ ሄዶ ሲያይ መግነዙን አገኘው ‹‹ ደቀመዛሙርቱ ከወሰዱትማ መግነዙንም አብረው ይወስዱት ነበር ›› አለ።

በእነዚህ ምክንያቶች ደቀመዛሙርቱ እንዳልወሰዱት አወቀ።
‹‹ ሞትን ያጠፋ ሞትን ድል የነሣ ጌታችን ኢየሱስ ግን አይሁድን ይህን ቀን አነሣዋለሁ እንዳላቸው፡፡ በእውነት በሦስተኛው ቀን ከሙታን ተለይቶ ተነሣ፡፡ አንበሳ ከተኛበት ፈጥኖ እንዲነሣ ወይን ጠጥቶ የሰከረ ኃይለኛ ፈጥኖ እንዲነሣ፡፡ በመንፈስ ቅዱስና በባቱ ኃይል በራሱም ሥልጣን ፈጥኖ ተነሣ የሞት ቁራኝነትንም አጠፋ፤ ሞት ሊያዘው አይችልምና፡፡

የተገነዘበትንም ልብስ ትቶ ልብሰ መንግሥቱን ለብሶ ተነሣ፡፡ በተወለደም ጊዜ የናቱን ማኅተመ ድንግልና እንዳለወጠ፡፡ በትንሣኤውም የመቃብሩን ቁልፍ አልከፈተም፡፡ በተገነዘበትም ልብስ የመቶ አለቃውን ዐይን አዳነ፡፡ የሞተውንም ሰው አስነሣ፡፡ በመቃብርም ጲላጦስ በውስጡ በቀበረው ጊዜ ፊያታዊ ዘየማንን አስነሳው፡፡

እሁድ ማታም ጌታችን ኢየሱስ ደቀ መዛሙርቱ አይሁድን ስለፈሩ ተሰብስበው ወዳሉበት ከዝግ ቤት ገባ ያረጋጋቸውና ደስም ያሰኛቸው ዘንድ፡፡
ጌታችን ኢየሱስም ቸር አላቸውን አትፍሩ አትደንግጡ እኔ ነኝ አላቸው፡፡ እነሱ ግን ምትሐት የታያቸው መስሏቸው ፈጽመው ፈሩ፡፡

ጌታችን ኢየሱስም ደቀ መዛሙርቱን ምን ያስደነግጣችኋል እንደዚህ ያለ ሐሳብ በልቡናችሁ ለምን ያድራል አላቸው፡፡ እጄንም እግሬንም ዳሳችሁ እዩ፡፡ ለምትሐት በኔ እንደምታዩት ሥጋ ዐጥንት የለውምና፡፡ ይህን ብሎ የተወጋ ጎኑን የተቸነከሩ እጆቹንና እግሮቹ አሳያቸው ደቀመዛሙርቱም ጌታችንን ባዩት ጊዜ ደስ አላቸው፡፡››

🌺መልካም የትንሳኤ በዓል ይሁንልን🌺
             ❤️    🔄      🙅‍♂️
           ˡᶦᵏᵉ   ˢʰᵃʳᵉ   ᵘⁿᵐᵘᵗᵉ
             ቻናሉን ይቀላቀሉ ☑️
❤️@Maryam_Maryam2127❤️
❤️@Maryam_Maryam2127❤️

19.04.202513:57

❤️‍🩹 የትንሳኤ የሚደመጡ መዝሙሮች ☝️🥰

ለወዳጅ ለዘመዶ ያካፍሉ 🕊
🌺💛 🙏🏽 🌺💛
🕯✥••●◉ ✞ ◉●••✥🕯
@Maryam_Maryam2127
@Maryam_Maryam2127

16.04.202510:49

16.04.202510:48

የዚህች ልጅ ፎቶ ሳየው አስደነገጠኝ!

ምናልባት ይቺ ልጅ የሚያስለቅሳት፣ የሚያሳስባት፣ መንገዱ የተዘጋባት፣ መስመር የጠፋባት ሆና ነው? አይደለም ቢበዛ አምስት ዓመት ቢሆናት ነው። ጌታዋ ስር የተደፋችው ስለ እድፈትዋ ሳይሆን የሚሰገድለት አምላክ መኖሩን ስለገባት ነው። ንጽሕናዋ አሸብርቆ ሲወጣ በፊቱ ተደፋች።

ስለ እግዚአብሔር ብዙ ነገር ላትነግረን ትችላለች። ግን ፍቅር መሆኑን ገብቷታል... በፊቱ የሚደፉለት መልካም ሲኮን የሚወድ መሆኑን ታውቃለች።

እኔስ አልኩኝ በጸሎት መሃል ስግዱ በተባለ ቁጥር እንደ ጅብራ ተገትሬ ማጎንበስን ተጸይፌ በትንሹ አልቀረበትም ለመባል ዘመም እላለሁ... የሚያስጎነብስ ብዙ ጉዳይ ያለብኝ እኔ ነኝ። ኃጢአት እኔን መስሎ ከአባቴ የነጠቀኝ በሰበብ አስባብ ከቤቱ ያራቀኝ፣ በሽንገላ አምላኬን ያታለልኩ፣ በሰበብ ከቤቱ የጠፋሁ፣ ሲያሻኝ አምላክ የለም ብዬ የምደነፋ፣ የቀድሞ ፍቅሬን የተውኩት እኔ ነኝ።

በቤቱ መደፋት ፣ይቅርታ መለመን፤ ማልቀስ የነበረብኝ እኔ ነበርኩ። ግን ህጻኗ ቀደመችኝ... በፊቱ ጎንበስ ማለት መዋረድ ያደረግኩ በአምላኬ ደረቴን የምነፋ ፣ ትህትናን አርቄ የወረወርኩ...

ምናልባት አጋጣሚ ብሰግድ ሀሳቤ ተበታትኖ የሰገድኩት ለማን እንደሆነ እየረሳሁ በራሴ ሀሳብ እየነጎድኩ ራሴን አታልዬ ቀና እላለሁ። ውስጤ የውሸት እርካታ ይተነፍሳል። ከፋም ለማም ሰገድኩኝ እላለሁ።

ጸሎቴ የመዘባበት ነው... በእምነት ያልሆነ እንደማይደረግ አምኜ እንደው አልነገረኝም እንዳይለኝ በማለት የማደርሰው... በአፌ መጽሐፉን እያነበነብኩ በልቤ ዓለምን የማልም ነኝ። ግን የጸለይኩ ይመስለኛል... ገጹ ሲያልቅልኝ እፎይ ተገላገልኩ እላለሁ። ፍቅር ቀንበር ይሆንብኛል... ጥቅሜን ጥቅሙ አደርገዋለሁ... ባላመሰግነው የጎደለበት አስመስላለሁ። ስላመሰገንኩት ቅጽበታዊ ምላሽን እናፍቃለሁ።

ለጥፋቴ ሰበብ አላጣም። ልክ እንዲመስል እጥራለሁ... ምክንያት ከየስፍራው እመዛለሁ። ለምን ንሰሐ አትገባም ስባል አባቶች ምሥጢር አይጠብቁም እላለሁ። ቤተክርስቲያን ሂድ ስባል አታስተምርም እላለሁ። ቁረብ ስባል አልበቃም እላለሁ። አገልግል ስባል ሐሜታቸው አይቻልም እላለሁ። ተማር ስባል መምህሩ አይመቸኝም እላለሁ። ጸሎት አድርግ ስባል ደከመኝ እላለሁ (ለስፖርት በጠዋት እነሳለሁ) አትስከር ስባል በአጋጣሚ ነው እላለሁ። አታመንዝር ስባል ስሜት ነው ምን ላድርግ እላለሁ። አትስረቅ ስባል ሌባ አትበለኝ እላለሁ። አትዛለፍ ስባል ግልጽ ሰው ነኝ እላለሁ።

ምን የማልለው አለ? ግን መደፋት የነበረብኝ እኔ፡ የሚለምነው ግን ሌላ ... የልጅነት ልቤን መልስልኝ ጌታ ሆይ።🙏 🤲

ልጅ ኦርዮን

16.04.202506:35

ከልብ፡የፈለቀ፡ዕንባ...😭

መላ ዘመኗን በኃጢአት የኖረች
የእግዚአብሔርን ሕግ ተላልፋ የሻረች
ሰውን ለማሳት በየመንገዱ የምትቀመጥ
በየ ዕለቱ ገላዋን ለዝሙት የምትሸጥ
በደል የሆነላት ለእርሷ ደስታና ሃሤት
ይህቺ ኃጢአተኛ ይህቺ ዘማይት ሴት

ዛሬ ግን ይህቺው ሴት...
ያላትን ገንዘብ ሁሉ ሰበሰበች
ውድ የሆነ ሽቱ የት እንዳለ አሰበች
በልቧም ጌታዋን መፈለግ አበዛች
በ300 ዲናር ውድ ሽቱ ገዛች
ከዚያም፡ ሮጠች ወደ ስምዖን ቤት
ጌታዋ፣ የናፈቀችው፣ እርሱ ወዳለበት።

ጌታም ትግባ ብሎ እንዳለፈች
ከጌታ እግሮች ሥር ተደፋች
ዓይኗ የሞቀ የዕንባ ጅረት አወረደ 😭
የሚያቃጥል ትኩስ ዕንባ ከቶ ያልበረደ

በዕንባ ያራሰች እግሩን በፀጉሯ ጠረገች
ከእግሮቹ ቀና ማለትን አልፈለገች
የቀድሞ ፈ ውኃ የሚያርስ💦
ምን ብታነባ ነው እስከ ምን ድረስ?

ለምጻሙ ስምዖን እንዳትገባ ቢከለክላት
ይሁዳም ስለ ሽቱው አንድ ነገር ቢላት
እርሷ ዝም ብላለች ጌታ ነውና የሚናገርላት።

እኔስ ዘላለሜን በበደል በኃጢአት ምኖረው
መቼ ነዎ እንደ ማርያም ኃጢአቴን ምሽረው?😔
መች ይሆን ጌታዬን ናፍቄ ካለበት ምገባው?
ከልብ የፈለቀ ዕንባ ከፊቱ ወድቄ ማነባው?😭

            ሚያዝያ 23/2016 ዓ/ም
                ©D.n Johannes7!
@Maryam_Maryam2127
@Maryam_Maryam2127

16.04.202502:15

የሰሙነ ሕማማት ዕለተ
◈ረቡዕ◈

#የምክር_ቀን

●ይህ ዕለት የምክር ቀን ይባላል፣ ምክንያቱም የአይሁድ ሊቃነ ካህናትና ጻሕፋት #ጌታን እንዴት መያዝ እንደሚገባቸው ምክር የጀመሩበት ወይም የያዙበት ቀን ስለሆነ ነው፡፡ ወቅቱ አይሁድ የፋሲካ በዓላቸውን የሚያከብሩበት በመሆኑና ብዙ ሕዝብም በ #ጌታችን ትምህርት የተማረከ ተአምራቱንም የሚያደንቁ ስለነበር ምናልባት ሁከት ይፈጠራል ብለው በክፉ ምክራቸው እጅግ ተጨንቀው ሳለ ከደቀመዛሙርቱ መካከል አንዱ የሆነው የአስቆሮቱ ይሁዳ በክፉ ምክራቸው በመሳተፍ #ጌታን በመሳም አሳልፎ እንደሚሰጣቸው ቃል ስለገባላቸው ጭንቀታቸው ተወገደ ለወረታውም ሰላሣ ብር መዘኑለት (ማቴ 26፡1-5 ፣ ማቴ26፡14-15 ፣ማር 14፡1-2፣ ሉቃ 22፡1-6) የሐዲስ ኪዳን ካህናትና ምዕመናን በዚህ ዕለት በቤተክርስቲያን ተሰብስበው ከእህል ከውሃ ተለይተው መላ ሰውነታቸውን ለ #እግዚአብሔር አስገዝተው የሞት ፍርዱን በማሰብና በማልቀስ፣ ስለዚህ የሚያወሳውን ሁሉ በመዘመርና በማንበብ እንዲሁም እስከ ስርቀተ ኮከብ (እስከ ኮከብ መውጫ) በመጾም በጸሎትና በስግደት ተወስነው ይሰነብታሉ፡፡

#መልካም_መዓዛ

●ይህ ዕለት (ረቡዕ) መልካም መዓዛ ያለው ቀንም ይባላል፣ ምክንያቱም #ጌታችን በዚህ ዕለት በቤተ ስምዖን ዘለምጽ ተቀምጦ ሳለ መላ ሕይወቷን ለዝሙት አስገዝታ ትኖር የነበረችው ማርያም እንተ እፍረት ከእንግዲህ ወዲህ በኃጢዓት ተበላሽቶ ይኖር የነበረውን ሕይወቴን እንደዚህ መልካም ሽቱ የሚያጣፍጥ፣ ኃጢዓትን ይቅር የሚል አምላክ መጣ ስትል ዋጋው እጅግ በጣም ውድ የሆነ ከሦስት መቶ ዲናር በላይ የሚያወጣ፣ በአልባሲጥሮስ ብልቃጥ የሞላ ሽቱ ይዛ በመሄድ በጠጉሩ (በራሱ) ላይ በማርከፍከፍ ስለቀባቸው ነው፡፡

#የእንባ_ቀን

●ይህም ስያሜ የተሰጠበት ምክንያት ይህችው ማርያም እንተ እፍረት በ #ጌታችን እግር ላይ ተደፍታ መላ ኃጢዓቷን ይቅር እንዲልላት በእንባዋ እግሩን አጥባዋለችና፣ በጠጉሯም በእንባዋ ያጠበችውን እግሩን አብሳዋለችና፡፡ (ማቴ 26፡6-13 ፣ ሉቃ 7፡36 ፣ ማር 14፡3-9 ፣ ዮሐ 12፡1-8) የማርያም እንተእፍረትን ኃጢዓት ይቅር ብሎ መባዋን የተቀበለ አምላክ ዛሬ በመካከላችን አለና በማንኛውም ጊዜና ሰዓት የራሳችንን ኃጢዓት በማሰብ በማልቀስና የተወደደ መስዋዕት አድርጎ ለ #እግዚአብሔር በማቅረብ በመልካም ሥራዋ ልንመስላት ይገባል፡፡

እንበለ ደዌ ወሕማም እንበለ ፃማ ወድካም አመ ከመ ዮም ያብጽሐነ ያብጽሕክሙ ለብርሃነ ትንሣኤሁ እግዚአብሔር በፍስሓ ወበሰላም አሜን!
<
ያለ ደዌና ያለ ሕማም ያለ ፃማና ያለ ድካም እግዚአብሔር ለትንሣኤው ብርሃን እንደ ዛሬ ቀን በደስታና በፍቅር በአንድነት ያድርሰን ያድርሳችሁ አሜን!

Усе пасты

Рэкламаваўся7 гадзіна

17.04.202502:49ማኅደረ ተዋህዶ

2.2K

Падрабязней

Рэкорды

24.04.202523:59

20.6KПадпісчыкаў

31.12.202423:59

100Індэкс цытавання

11.04.202519:40

3KАхоп 1 паста

11.04.202519:40

3KАхоп рэкламнага паста

01.02.202514:08

10.16%ER

11.04.202519:40

14.80%ERR

Развіццё

Падрабязней

Падпісчыкаў

Індэкс цытавання

Ахоп 1 паста

Ахоп рэкламнага паста

ERR

Падрабязней

Папулярныя публікацыі ✞ማርያም አማላጅ ናት✞

Усе пасты

23.04.202518:41

ስሟ ለሚጠሏት እሳት ነው።
ለሚወዷት ማር ነው።

ኪዳነምህረት እናቴ 💖

01.04.202517:49

❤️ እንኳን ለጻድቁ አባታችን ቅዱስ ተክለ ሃይማኖት ዓመታዊ በዓለ ፅንሰት በሰላም አደረሳችሁ፤ አደረሰን። 🙏❤️

✞✞✞ በስመ አብ ወወልድ ወመንፈስ ቅዱስ አሐዱ አምላክ ፡፡ አሜን ፡፡ ✞✞✞

ኢትዮጵያዊው ቅዱስ አቡነ ተክለ ሃይማኖት ❤️

                     ልደት ❤️

መልካም ዛፍ መልካም ፍሬን ያፈራልና ተክለ ሃይማኖትን የወለዱት ደጋጉ: #‎ጸጋ ዘአብ ካህኑና #‎እግዚእኃረያ ናቸው:: እርሱ በክህነቱ: እርሷ በደግነቷ: በምጽዋቷ ጸንተው ቢኖሩ እግዚአብሔር ጣፋጭ ፍሬን ሰጥቷቸዋል::

በዳሞቱ ገዢ በሞተለሚ አደጋ ቢደርስባቸው #‎ቅዱስ ሚካኤል : ጸጋ ዘአብን ከሞት: እግዚእ ኃረያን ከትድምርተ አረሚ (ከአረማዊ ጋብቻ) አድኗቸዋል:: በኋላም የቅዱሱን መወለድ አብስሯቸዋል::

አቡነ ተክለ ሃይማኖት የጸነሱት መጋቢት 24, በ1206 (1196) ሲሆን የተወለዱት ታሕሳስ 24, በ1207 (1197) ዓ/ም ነው:: በተወለዱበት ቀንም ብዙ ተአምራት ተገልጸዋል:: ቤታቸውም በበረከት ሞልቷል::

                  ዕድገት ❤️

የጻድቁ የመጀመሪያ ስማቸው " ፍሥሃ ጽዮን " ይሰኛል:: ይሕንን ስም ይዘው: አባታቸው ጸጋ ዘአብን ተከትለው አድገዋል:: በተለይ ቅዱሳት መጻሕፍትን (ብሉያት: ሐዲሳትን) ተምረዋል:: በሥጋዊው ጐዳናም ብርቱ አዳኝ እንደ ነበሩ ይነገራል:: ዲቁና ከወቅቱ ዻዻስ #‎አባ ጌርሎስ ተቀብለዋል::

                  መጠራት ❤️

አንድ ቀን ፍሥሃ ጽዮን ለአደን ወጥቶ ሲያነጣጥር ድንገት ከሰማይ አስደንጋጭ ድምጽ ተሰማ:: የክብር ባለቤት #‎ጌታችንኢየሱስክርስቶስ አእላፍ መላእክት እያመሰገኑ በሚካኤል ክንፍ ተቀምጦ ወረደ::

የወጣቱን አዳኝ ፍርሃቱን አርቆ ጌታችን ተናገረ:

"ከዛሬ ጀምሮ ስምህ ተክለ ሃይማኖት (ተክለ ሥላሴ) ይሁን:: አራዊትን ሳይሆን ነፍሳትን ታድናለህ:: ዘወትር ካንተ ጋር ነኝ" ብሎ በግርማ ዐረገ:: ቅዱስ ተክለ ሃይማኖት ከዚህ ጊዜ በኋላሰዓትን አላጠፉም:: ንብረታቸውን ለነዳያን በትነው በትር ብቻ ይዘው ቤታቸው እንደ ተከፈተ ወደ ምናኔ ወጡ::

                አገልግሎት ❤️

ቅዱስ ተክለ ሃይማኖት ከዻዻሱ ቅስና ተቀብለው የወንጌል አገልግሎትን ጀመሩ:: በመጀመሪያ ስብከታቸው እዚያው ሽዋ ( #‎ጽላልሽ ) አካባቢ ብቻ በ10ሺ የሚቆጠሩ ሰዎችን አሳምነው አጠመቁ: ያንጊዜ #‎ኢትዮዽያ 2 መልክ ነበራት::

1.ዮዲት (ጉዲት) በፈጠረችው ጣጣና በእስላሞች ተጽዕኖ ወደ ደቡብ አካባቢ ያለው ነዋሪ አንድም ሃይማኖቱን ክዷል: ወይም በባዕድ አምልኮ ተጠምዷል::

2.ደግሞ በዛግዌ ነገሥታት ጥረት ክርስትናና ምናኔ ተነቃቅቶ ነበር:

ግማሹ ሃገር በጨለመበት ወቅት የደረሱት #‎ሐዲስ ሐዋርያ አባ ተክለ ሃይማኖት በወጣት ጉልበታቸውና በኃይለ መንፈስ ቅዱስ ብዙ ቦታዎችን አደረሱ: ሕዝቡን: መሣፍንቱን ወደ ሃይማኖት መልሰው: ማርያኖችን (ጠንቁዋዮችን) አጥፍተዋል::

             ገዳማዊ ሕይወት ❤️

ቅዱስ ተክለ ሃይማኖት በወንጌል ብርሃን ኢትዮዽያን ከማብራታቸው ባለፈ ገዳማዊ ሕይወትንም አስፋፍተዋል:: እርሳቸው ከሁሉ የተሻሉ ሳሉም በ3 ገዳማት በረድዕነት አገልግለዋል::

እነዚህም በአቡነ #‎በጸሎተ ሚካኤል ገዳም ለ12 ዓመታት: በአቡነ #‎ኢየሱስ ሞዐ ዘሐይቅ ገዳም ለ7 ዓመታት: በደብረ ዳሞ ከአቡነ #‎ዮሐኒ ጋር ለ7 ዓመታት: በአጠቃላይ ለ26 ዓመታት አገልግለዋል::

በአቡነ ኢየሱስ ሞዐ ከመነኮሱ በኋላም ወደ ምድረ ሽዋ #‎ዞረሬ ተመልሰው በአንዲት በዓት ውስጥ ለ22 ዓመታት ቆመው ጸልየዋል:: በተሰበረ እግራቸውም 6 ጦሮችን በግራና በቀኝ ተክለው ለ7 ዓመታት ጸልየዋል::

              ስድስት ክንፍ ❤️

ኢትዮዽያዊው ጻድቅና ሐዋርያ ቅዱስ ተክለ ሃይማኖት ከኢትዮዽያ ወደ ኢየሩሳሌም ተጉዘው ከቅዱሳት መካናት ተባርከዋል:: ጻድቁ ምድረ #‎እሥራኤል የገቡት በየመንገዱ መንፈሳዊ ዘርን እየዘሩ: እያስተማሩና እያሳመኑ ነበር::

የወቅቱ ሊቀ ዻዻሳት #‎አባሚካኤል ጋርም ተገናኝተው ቡራኬን ተሰጣጥተዋል:: ዋናው ጉዳይ ግን ከዚህ በኋላ ነው:: ጻድቁ እመቤታችንና ጌታችን ከጽንሰታቸው እስከ ዕርገታቸው የረገጧቸውን ቦታዎች ሲመለከቱ በፍጹም ተደሞ እንባቸው ይፈስ ነበር::

ምክንያቱም እግዚአብሔር ስላበቃቸው ተክለ ሃይማኖት የሚያዩት ቦታውን አልነበረም:: በገሃድ:-
¤በቤተ መቅደስ ብስራቱን
¤በቤተ ልሔም ልደቱን
¤በቤተ ዮሴፍ ግዝረቱን
¤በፈለገ ዮርዳኖስ ጥምቀቱን
¤በቤተ አልዓዛር ተአምራቱን ይመለከቱ ነበር::

የጉብኝታቸው የመጨረሻ ክፍል ወደሆነው #‎ቀራንዮ ደርሰው ጌታቸውን እንደ ተሰቀለ ሆኖ ቢመለከቱት ከዓይናቸው ይፈስ የነበረው ቁጡ እንባ መልኩን ቀየረና ዓይናቸው ጠፋ::
በዚያች ቅጽበት ስም አጠራሯ የከበረ #‎እመቤታችን ድንግል ማርያም ፈጥና ደርሳ ጻድቁን ወደ ሰማይ አሳረገቻቸው::

በዚያም:-
¤የብርሃን ዐይን ተቀብለው
¤6 ክንፍ አብቅለው
¤የወርቅ ካባ ላንቃ ለብሰው
¤ማዕጠንተ ወርቁን ይዘው
¤ከ24ቱ ካህናተ ሰማይም ተደምረው
ሥላሴን በአንድነቱና ሦስትነቱ ተመልክተው
¤"ስብሐት ወክብር ለሥሉስ ቅዱስ ይደሉ" ብለው መንበረ ጸባኦትን አጥነው ወደ መሬት ተመልሰዋል::

                   ተአምራት ❤️

የጻድቁ ተአምራት እንደ ሰማይ ከዋክብት የበዛ ነው::
ሙት አንስተዋል
ድውያንን ፈውሰዋል
አጋንንትን አሳደዋል
እሳትን ጨብጠዋል
በክንፍ በረዋል
ደመናን ዙፋን አድርገዋል::

ብዙ ደቀ መዛሙርትን አፍርተው ደብረ ሊባኖስን መሥርተዋል:: በዚያም ሴትና ወንድ መነኮሳት እንደ ሕጻናት አብረው ኑረዋል:: በዘመናቸው ሰይጣን ታሥሯልና::

                  ዕረፍት ❤️

ጻድቅ: ሰማዕትና ሐዋርያ አቡነ ተክለ ሃይማኖት ብርሃን ሆነው መከራን በብዙ ተቀብለው: አእላፍ ፍሬን አፍርተው: በተወለዱ በ99 ዓመት: ከ8 ወር: ከ1 ቀናቸው ነሐሴ 24, በ1306 (1296) ዓ/ም ዐርፈዋል:: ጌታ: ድንግል ማርያምና ቅዱሳን ከሰማይ ወርደው ተቀብለዋቸዋል:: 10 ትውልድ የሚያስምር ቃል ኪዳንም ተቀብለዋል::

የጻድቁ አባታችን ቅዱስ ተክለ ሃይማኖት የቅድስናና የክብር ስሞች :-

1.ተክለ አብ: ተክለ ወልድ: ተክለ መንፈስ ቅዱስ
2.ፍስሐ ፅዮን
3.ሐዲስ ሐዋርያ
4.መምሕረ ትሩፋት
5.ካህነ ሠማይ
6.ምድራዊ መልዐክ
7.እለ ስድስቱ ክነፊሁ (ባለስድስት ክንፍ)
8.ጻድቅ ገዳማዊ
9.ትሩፈ ምግባር
10.ሰማዕት
11.የኢትዮዽያ መነኮሳት አለቃ
12.ፀሐይ ዘበፀጋ
13.የኢትዮዽያ ብርሃኑዋ
14.ብእሴ እግዚአብሔር (የእግዚአብሔር ሰው)
15.መናኒ
16.ኤዺስ ቆዾስ (እጨጌ)

እነዚህ የአባታችን ስሞች እንደዘመኑ ሰው ለመሞጋገስ የወጡ ሳይሆኑ ሁሉም በትክክል ሥራዎቹንና ለቤተ ክርስቲያን የሆነላትን የሚያዘክሩ ናቸው:

ይህች ዕለት ለጽንሰታቸው መታሰቢያ በዓል ናት፡፡

❤️ የአባታችን ቅዱስ ተክለ ሃይማኖት ዋና ዋና ዓመታዊ በዓላት፦
1.መጋቢት 24---(ጽንሰታቸው)
2.ታኅሳስ 24---(ልደታቸው)
3.ሚያዝያ 22---(6 ክንፍ የተቀበሉበት)
4.ኅዳር 24---(ከ24ቱ ካህናተ ሰማይ ጋር ያጠኑበት)
5.ጥር 24---(እግራቸው
     የተሰበረበት)
6.ነሐሴ 24---(ዕረፍታቸው)
7.ግንቦት 12---(ፍልሰታቸው)

አምላከ ቅዱሳን ከጻድቁ አባታችን በረከትን ይክፈለን::🙏🏻❤️

           Join ✅ share ✅
     @Maryam_Maryam2127
     @Maryam_Maryam2127

19.04.202517:51

05.04.202518:27

❤️ ኒቆዲሞስ
(የዐቢይ ጾም ሰባተኛ ሳምንት)
እንኳን አደረሳችሁ አደረሰን 🙏

ከፈሪሳውያን ወገን የአይሁድ አለቃ በነበረው በኒቆዲሞስ የተሰየመ ሰንበት ነው፡፡ የአይሁድ አለቆች አምላካችን ኢየሱስ ክርስቶስን “ምልክት አሳየን” እያሉ ይፈታተኑት ነበር፡፡ ስለሞቱና ትንሣኤው በምሳሌ ቢነግራቸው አልገባቸውም፡፡ ሲያስተምር ብዙዎች ያምኑ ነበር፡፡ ለአይሁድ አለቆች ግን ጭንቅ ነበር፤ የታመሙ ሲፈወሱ ሕጋችን ተሻረ ይሉ ነበር፡፡ በዚህ ሁሉ ተአምራትና ትምህርት የአይሁድ አለቆች ክርስቶስን ለመክሰስ በሚፈልጉበት ወቅት ከአይሁድ አለቆች አንዱ ኒቆዲሞስ በቀን እንዳያደርገው አይሁድን ፈርቶ አንድም ጊዜ አላደርሰው ብሎ እንደ አይሁድ አለቆች ኢየሱስን መቃወሙን ትቶ በሌሊት ወደ ኢየሱስ ክርስቶስ ዘንድ ሄደ፡፡ አምላካችን ኢየሱስ ክርስቶስ በነፍስ የታመሙትን በቃሉ በሥጋ የታመሙትን በተአምራቱ ሲፈውስ፤ ኒቆዲሞስ ሰምቶና ተመልክቶ “መምህር ነኝ” ብሎ በመምህርነቱ ሳይኮራ አለቅነቱን መመኪያ ሳያደርግ፡፡ በልቦናው የተሳለውን እውነትን የመፈለግ ስሜት አንግቦ ጌታው መምህሩ ዘንድ በሌሊት ገሠገሠ ዮሐ.3÷1ደርሶም ምስክርነቱን እንዲህ ሲል መስጠት ጀመረ “መምህር ልታስተምር ከእግዚአብሔር ዘንድ እንደመጣህ እናውቃለን፡፡ እግዚአብሔር ከእርሱ ጋር ከሆነ በቀር አንተ የምታደርገውን ተአምራት ሊያደርግ የሚችል የለምና” ዮሐ.9÷24፣ የሐዋ.ሥራ 10÷38 በማለት መመስከር ሲጀምር ጎዶሎን የሚሞላ፡፡ አላዋቂነት በአዋቂነት የሚለውጥ፡፡ ከምድራዊ እውቀት ወደ ሰማያዊ ምስጢር የሚያሸጋግር አምላክ፡፡ “ዳግመኛ ያልተወለደ የእግዚአብሔርን መንግሥት ለማየት አይችልም” ዮሐ.3÷6 ,1ጴጥ.1÷23 በማለት የአይሁድ መምህር ለሆነው ኒቆዲሞስ ቢያስተምረው ስለዳግመኛ መወለድ ከመጽሐፍ ቢያገኘውም ምስጢሩ አልተገለጠለትምና “ሰው ከሸመገለ በኋላ ዳግመኛ መወለድ እንደምን ይቻላል? ዳግመኛ ይወለድ ዘንድ ወደ እናቱ ማኅፀን ተመልሶ መግባት ይችላልን?” በማለት ጥያቄ አቅርቧል፡፡

“እውነት እውነት እልሃለሁ ዳግመኛ ከውኃና ከመንፈስ ቅዱስ ያልተወለደ ወደ እግዝአበሔር መንግሥት ሊገባ አይችልም፡፡ ኤፌ.5÷26 ከሥጋ የተወለደ ሥጋ ነው፡፡ ከመንፈስም የተወለደ መንፈስ ነውና፡፡ በማለት አምላካችን ኢየሱስ ክርስቶስ ቢያስረዳው ምስጢሩ ከአቅሙ በላይ የሆነበት ኒቆዲሞስ እንደምን ይቻላል? በማለት ጠይቋል፡፡ አበ ብዙኀን አብርሃም ከአምላኩ ሞገስን አግኝቶ፤ የሰዶምና ገሞራ ጥፋት እንዳይደርስ እያማለደ ከእግዚአብሔር ጋር ሲነጋገር እንደ ነበረ፤ ኒቆዲሞስም አላዋቂነቱን አምኖ ያልገባውን ምስጢር አምላኩን የመጠየቅ ዕድል በማግኘቱ ሲጠይቅ፣ ኢየሱስ ክርስቶስም “አንተ የእስራኤል መምህራቸው ነህ ግን ይህን ነገር አታውቅምን? በምድር ያለውን ስንነግራቸው ካላመናችሁ በሰማይ ያለውን ብንነግራችሁ እንደምን ታምናላችሁ? ከሰማይ ከወረደው ከሰው ልጅ በቀር ወደ ሰማይ የወጣ የለም፡፡ ሙሴ ምድረ በዳ እባቡን እንደ ሰቀለ የሰው ልጅ እንዲሁ ይሰቀላል፡፡

ያመኑበት ሁሉ ለዘለዓለም ሕያው ሆኖ እንዲኖር እንጂ እንዲጠፉ አይደለም…..” ዮሐ.3÷14፡፡ እያለ ለድኅነተ ዓለም እንደ መጣ ሰው በመብል፣ አምላኩን ከድቶ ልጅነቱን ትቶ ከእግዚአብሔር ቢለይም የሰው ልጅ ያጣውን ልጅነት ለመመለስ ስመ ግብርና ሀብተ ወልድን ለመስጠት መምጣቱን አስረዳው። “ሐወጽከኒ ሌሊተ ወፈተንኮ ለልብየ፡፡ አመከርከኒ ወኢተረከ በዓመፃ በላዕሌየ፡፡ ከመ ኢይንብብ አፉየ ግብረ እጓለ እመሕያው፡፡ ልቤን ፈተንከው በሌሊትም ጎበኘኸኝ ፈተንከኝም ምንም አላገኘህብኝም፡፡ የሰውን ሥራ አፌ እንዳይናገር ፈቃዴ ነው” መዝ.16÷3 እንዳለ ቅዱስ ዳዊት ምስጢረ ሥጋዌን የድኅነት ምስጢር ገልጾለታል፡፡

በሌሊት ከአምላኩ ተምሮ ምስጢሩ የተገለጸለት ኒቆዲሞስ ፍርሃት ርቆለት ቀድሞ በአደባባይ ሄዶ መማርን የፈራ ምስጢሩ ሲገለጽለት አይሁድ በሰቀሉት ዕለት ሳይፈራ ከአርማትያሱ ዮሴፍ ጋር ቅዱስ ሥጋውን ገንዞ ለመቅበር በቃ “ወአልቦ ፍርሃት ውስተ ተፋቅሮትነ፡፡ ፍጹም ፍቅር ፍርሃትን አውጥቶ ይጥላል ማቴ.27÷58፣ 1ዮሐ.4÷18 እንዲል፡፡ ያመነ የተጠመቀ ይድናል፡፡ ያላመነ ያልተጠመቀ ይፈረድበታል ማር.16÷16፡፡ ባለው አማናዊ ቃል ኪዳን መሠረት አምላካችን ኢየሱስ ክርስቶስን እንደ አምላክነቱ አምነን ለመንግሥቱ ዜጋ እንድንሆን ለኒቆዲሞስ ምስጢሩን ጥበቡን የገለጸ አምላክ ለኛም ይግለጽልን፡፡

#የዕለቱ_የሰንበት_መዝሙር_እና_ግጻዌ

#መዝሙር፦
ሖረ ኀቤሁ ዘስሙ ኒቆዲሞስ ወይቤሎ ለኢየሱስ ረቢ ሊቅ ንሕነ ነአምን ብከ ከመ እምኃበ አብ መጻእከ ከመ ትኩን መምህረ፤ ዕጓለ አንበሳ ሰከብከ ወኖምከ አንሥአኒ በትንሣኤከ፡፡ (ስሙ ኒቆዲሞስ የተባለው ሰው ወደ ጌታችን ኢየሱስ ሄደ፤ መምህር ሆይ ልታስተምር ከእግዚአብሔር አብ ዘንድ እንደመጣህ እናምንብሃለን አለው። የአንበሳ ደቦል ተኛህ፣ አንቀላፋህም፤ በትንሣኤህ አንሣኝ።)

#መልዕክታት፦
ሮሜ 7÷1-12
"ወንድሞች ሆይ፥ ሕግን ለሚያውቁ እናገራለሁና ሰው ባለበት ዘመን ሁሉ ሕግ እንዲገዛው አታውቁምን? ያገባች ሴት ባልዋ በሕይወት ሲኖር ከእርሱ ጋር በሕግ ታስራለችና፤ ባልዋ ቢሞት ግን ስለ ባል ከሆነው ሕግ ተፈትታለች።...

1ኛ ዮሐ. 4 ÷18 - ፍጻሜ
ፍርሃትን አውጥቶ ይጥላል እንጂ በፍቅር ፍርሃት የለም፥ ፍርሃት ቅጣት አለውና፤ የሚፈራም ሰው ፍቅሩ ፍጹም አይደለም። .....

የሐዋ.ሥራ 5÷34 - ፍጻሜ
በሕዝብ ሁሉ ዘንድ የከበረ የሕግ መምህር ገማልያል የሚሉት አንድ ፈሪሳዊ በሸንጎ ተነሥቶ ሐዋርያትን ጥቂት ፈቀቅ እንዲያደርጉአቸው አዘዘ......

#ምስባክ፦
መዝ.16፥3
ሐወጽከኒ ሌሊተ ወፈተንኮ ለልብየ፡፡
አመከርከኒ ወኢተረክበ ዓመፃ በላዕሌየ፡፡
ከመ ኢይንብብ አፉየ ግብረ እጓለ እመ ሕያው፡፡
ትርጉም፦
በሌሊትም ጐበኘኸኝ፤ ልቤንም ፈተንኸው÷
ፈተንኸኝ÷ ዐመፅም አልተገኘብኝም፡፡
የሰውን ሥራ አፌ እንዳይናገር

#ወንጌል፦
ዮሐንስ 3፥1-12
"ከፈሪሳውያንም ወገን የአይሁድ አለቃ የሆነ ኒቆዲሞስ የሚባል አንድ ሰው ነበረ፤ እርሱም በሌሊት ወደ ኢየሱስ መጥቶ። መምህር ሆይ፥ እግዚአብሔር ከእርሱ ጋር ከሆነ በቀር አንተ የምታደርጋቸውን እነዚህን ምልክቶች ሊያደርግ
የሚችል የለምና መምህር ሆነህ ከእግዚአብሔር ዘንድ እንደ መጣህ እናውቃለን አለው።....

#ቅዳሴ - ዘእግዝእትነ ማርያም ጎሥዐ

Join ✅ share ✅
@Maryam_Maryam2127
@Maryam_Maryam2127

05.04.202508:44

✞ ልቤ ያውቀዋል ✞

ልቤ ያውቀዋል ያደረክልኝ ነገር
የሰራህልኝን ስራ
መድኃኔዓለም አወጣህኝ ከመከራ
በቃል ጉልበት አይወራ (2)

መስቀል ተሸክመህ በደም ርሰህ
እኔን በመከራ ዳግም ወልደህ
በክብር ተሻገርኩ ክሰህልኝ
በህይወት አቆምከኝ ወድቀህልኝ

የበደሌን ጋራ አቀበቱን
የባርነት ሰነድ እዳ ክሱን
አጥፍተህው ጌታ መድሀን ሆነ
እርቃኔ በእርቃንህ ተሸፈነ

በፍቅርህ መአዛ እርክቷል ልቤ
በማይቆም መውደድህ ተከብቤ
የህይወቴ ወደብ መስቀልህ ነው
ወጀብ እና ንፍስ የማይነቅለው (2)

የእሾህ አክሊል ደፍተህ ኤልሻዳይ
እፎይ አለ ልቤ ከስቃይ
ሆኖልኛል መዳን አንተ ተማህ
ነፃ ወጣሁ ሸክሜን አንተ ተሸክመህ

ዙፍንህን አስተወህ የኔ ፍቅር
ከሰማይ ሀገርህ መጣ በምድር
ታየህ ስትፈልገኝ ልጄ ብለህ
ፈራጅና አስዳቂ አምላኬ ነህ (2)

ሊቀ ዲያቆን ዘማሪ ነብዮ ሳሙኤል

💚┈┈┈••●◉❖◉●••┈┈💚
💛 @Maryam_Maryam2127
❤️┈┈┈••●◉❖◉●••┈┈❤️

20.04.202517:33

30.03.202513:03

+++ የጀማሪ ጠባይ +++

መንፈሳዊ ሕይወትን ገና ስትጀምረው ለፍጹምነት ጥቂት የቀረህ ያህል ይሰማሃል። አንተ ጋር ያለው ደስታ እና ሰላም ሌሎች ጋር የሌለ ይመስልሃል። በዚህች ሁከት በሞላባት ዓለም አንተ ብቻ ክርስቶስን እንዳገኘኸው ታስባለህ። የቀረው ሕዝበ አዳም እንዲሁ በከንቱ ሲርመሰመስ የሚውል ባካና ሆኖ ይታይሃል። ታዝንለታለህ፣ አይይይ ይህ ኃጢአተኛ ሕዝብ ምን ይሻለዋል? ትላለህ።

የእውነተኛ መንፈሳዊ እድገት መገለጫ ግን ይህ አይደለም። ሰው ወደ እግዚአብሔር እየቀረበ ሲመጣ ከሌላው ሰው ይልቅ የራሱ ጉድለት ይታየዋል። መንፈሳዊነት የሚገልጥልህ ሰዎችን ተመልክተህ የምትፈርድበትን ውጫዊ ዓይንህን ሳይሆን ራስህን አይተህ የምትወቅስበት የውስጥ ዓይንህን ነው። መንፈሳዊ ሕይወትህ ሲጎመራ "አይ ሰው" ሳይሆን "አይ እኔ!" ያሰኝሃል። አባ ማቴዎስም እንዲህ ይላል "ሰው የበለጠ ወደ እግዚአብሔር ሲቀርብ ይበልጥ ኃጢአተኛ መሆኑ እየታየው ይመጣል። ነቢዩ ኢሳይያስ እግዚአብሔርን ካየ በኋላ ከንፈሮቼ የረከሱብኝና የጠፋሁ ሰው ነኝ እንዳለ።"

ከብቃት ደርሰህ መላእክት ሲወጡና ሲወርዱ ቢታዩህ እንኳን ሁሉ እንዳንተ ስለሚመስልህ እንደ ዮሐንስ ሐጺር "ሚካኤል ይበልጣል ወይስ ገብርኤል?" እያልህ ከአጠገብህ የቆመውን ትጠይቃለህ እንጂ "አይይ አንተ እንኳን ገና አልበቃህም። ብዙ ይቀርሃል" ብለህ ወዳጅህን አታናንቅም። ይልቅ "ለእኔ ብቻ ገልጦ ለሌላው እንዲሰውር የሚያደርገው ምንም ቁም ነገር የለኝም" በማለት ከወንድምህ የተሻልህ እንዳልሆንክ በፍጹም ልብህ ታምናለህ።

ለመንፈሳዊ ሕይወት አዲስ ስትሆን ገና ጥቂት ጸልየህ፣ ጥቂት ጾመህ፣ ጥቂት መጽውተህ ሳለ ግን ሩጫህን ወደ መጨረሱ የተቃረብህ ይመስልሃል። ጉዞህን በግማሽ እርምጃ ከመጀመርህ ከፍጻሜው ላይ የደረስህ ያህል ይሰማሃል። "እኔን ምሰሉ" ማለት ያምርሃል። ነገር ግን መንፈሳዊ ሕይወት የቱንም ያህል ብትሮጥበት ሁል ጊዜ እንደ ጀማሪ የሚያደርግ ረጅም ጎዳና ነው። ሰማንያ ዓመት በገዳም ሲጋደል የነበረው አባ ሲሶይ ነፍሱ ከሥጋው ልትለይ በቀረበች ጊዜ ብዙ መነኮሳት በአልጋው ዙሪያ ከበውት ሳለ ቅዱሱ "አምላኬ ሆይ፣ እባክህ ለንስሐ የሚሆን ጥቂት ጊዜን ስጠኝ?" እያለ በልቅሶ ሲማጸን ሰሙት። በዚህ የተገረሙት መነኮሳቱ አባ ሲሶይን "አባታችን አንተ እድሜ ልክህን በንስሐ የኖርህ መምህረ ንስሐ ሆነህ ሳለ እንዴት አሁን ጥቂት የንስሐ ጊዜን ትለምናለህ?" ቢሉት፣ ቅዱሱም "ልጆቼ ይህን መንፈሳዊ ጥበብ (ንስሐን) ገና አሁን መጀመሬ ነው" አላቸው።

ጌታ ሆይ መንፈሳዊ ሕይወት እኖር ዘንድ አስጀምረኝ፤ ገና ጀማሪ ሳለሁ ደርሻለሁ ከማለትም ሰውረኝ። እንድቆም አትፍቀድልኝ፤ ወደ አንተ ሳበኝ፣ አሳድገኝ።

ዲያቆን አቤል ካሳሁን
ሰኔ 22፣ 2014 ዓ.ም.
አዲስ አበባ

@Maryam_Maryam2127
@Maryam_Maryam2127
@Maryam_Maryam2127

02.04.202505:04

✞ ሀዋርያው መነኩሴ ✞

ሀዋርያው መነኩሴ የመረጡት ስላሴ
ኢትዮጵያዊው መነኩሴ የመረጡት ስላሴ
ዋስ ጠበቃ ሆኗል ተክልዬ ለነብሴ/፪/

ዳሞት ትናገረው የእርሱን ሃዋርያነት
የወንጌል ገበሬ የጣኦታት ጠላት
ፀሎተኛው ቅዱስ አባ ተክለሀይማኖት
ክንፍን የተሸለምክ እንደሰማይ መላእክት/፪/
         አዝ =======
ብራናው ሲገለጥ ገድለ ተክለሀይማኖት
ከሰው ልጅ ልቦና ይወጣል አጋንንት
የቅዳሴው እጣን ሲወጣ ከ ዋሻው
ምድርን ይባርካል ፀሎተ ምህላው/፪/
         አዝ =======
የኢትዮጵያን ምድር አረስከው በመስቀል
ጭንጫው ፈራረሰ ተዘራበት ወንጌል
ትላንት የዘራሀው ዛሬ ለኛ ሆኗል
አማልደን ተክልዬ ብለን ዘምረናል/፪/
         አዝ =======
ከሱራፌል ተርታ ቆመህ ለማጠን
ቅዱስ ቅዱስ ብለህ ስታመሰግን
ጸሎት ትሩፋትህ ትህትና ስግደትህ
ጾምህ ከፍ አድርጎ ሰማይ አደረሰህ/፪/
         አዝ =======
ዛፉ ሲመነገል አምላክ የተባለው
ሞቶሎሚም ሲያፍር ትልቅ ሰው ነኝ ያለው
የተክልዬ ጸሎት ብዙ ነው ሚስጥሩ
ቢነገር አያልቅም የተሰጠው ክብሩ/፪/

✥••┈┈••●◉ ✞ ◉●••┈┈••✥

ለኦርቶዶክስ ተዋሕዶ ልጆች👇
                •➢ ሼር // SHARE

@Maryam_Maryam2127
@Maryam_Maryam2127
✥••┈┈••●◉ ✞ ◉●••┈┈••✥

06.04.202510:26

✨✨✨✨✨✨✨✨
ስለ ኒቆዲሞስ ግጥማዊ
ጭውውት
🌷🍃🌷🍃🌷🍃🌷🍃
🔴ከውሃ ከመንፈስ
●●●●●●●●●●●●●●●●●

ወይ ጉድ ኧረ ጉድ ይሰማል
በህይወት እያለ ሰው እንዴት ይሞታል
አይ አንተ ፈጣሪ የሁሉ ባለቤት
አሁን የሰማውት እውነት ይሆን በእውነት
👉እንደው እርሶ ደግሞ የሚሉት አያጡ
በሰላሙ ሀገር ሰው የሚበጠብጡ
ሌላ አዲስ ነገር ምንድን ሰምተው መጡ
👉አንቺ ምን ተነካሽ ምንስ አየሽና
እኔስ የሰማውት ገርሞኛል በጠና
👉እኮ እኔም ልስማዋ እንዲገርመኝ
ዝም ብለው በባዶ አይነዝንዙኝ
👉ታውቂያለሽ የኔ ውድ እኔ ሰው መሆኔን
ከእናት ከአባቴ ድሮ መወለዴን
ደግሞም አሁን እኔ የተከበርኩ ባገር
ለድሃው የምፈርድ የማላጭበረብር
የህግ አዋቂ ነኝ ሁሉን የማከብር
👉ወይ ጉድ እርሶ ሰውዬ ዛሬ ምን ሆነዋል
እዚያ ሸንጎ ቦታ ምን ችግር ገጥሞታል
ያልሆነ የሆነ የሚዘባርቁ
አሁን እስኪ ልስማው ምን እንደሆን ጭንቁ
👉ታውቂያለሽ ሰምተሻል ስለዚህ እንግዳ ሰው
በዚህ ከተማ ላይ ተዐምር የሚሰራው
ኢየሱስ ተብዬ የእግዚአብሔር ልጅ
አርጅቼ እያየ ይለኛል እንደ ልጅ
ከውሃ ከመንፈስ እስካልተወለደ
ሰው ሰው አይሆንም እስካልተጠመቀ
👉ሆሆ በእውነት ያሰውዬ አብዷል
እንዴት ያረጀ ሰው ዳግም ይወለዳው
👉እኔማ ተረዳው እርሱስ አላበደም
ሰው ካልተጠመቀ ህይወት አያገኝም
በአብና በወልድ በመንፈስ ቅዱስ
ዳግም መወለድን ከውሀ ከመንፈስ
አምኛለው እኔ ህይወቴ እንዲቀደስ
👉እኮ አንተ ሰዉዬ አሞታል መሰለኝ
የገባዎት ነገር ለኔም እንዲገባኝ
እስቲ ዘርዘር አርገው በቅጡ ያስረዱኝ
እንዴት ተደርጎ ነው ዳግም ሚወለደው
የናቶት ማህፀን ተመልሰው ገብተው
ወይስ እርሶን መሳይ ዳግመኛ ተፈጥሮ
ድንቅ ብሎኛል አወይ ዘንድሮ
👉ነገሩ ቀላል ነው
ከልብ ላጤነው
ከአባት ከእናታችን በምጥ ተወልደናል
የእግዚአብሔር ልጅ ለመባል ጥምቀት ያስፈልጋል
ከሀጢያት ከበደል ለመንፃት
መፍትሄው ነው ንስሃ መግባት
ይህንን ነው የሚለው ኢየሱስ ክርስቶስ
👉ነገሩ እንዴት ነው አያርጉት ድብስብስ
በእውነት ድንቅ ነው ይገርማል ኢየሱስ
👉ይህውልሽማ ስሚኝ ረጋ ብለሽ
መዳኒትሽ እርሱ ነው ያውም የህይወትሽ
እኔ ሰው ሳያየኝ እርሱ ዘንድ መሄዴ
አላዋቂ ሳልሆን በሰው ዘንድ በዘዴ
እኔ ማላውቀውን እርሱ ያውቃልና
ነው ለመለወጥ በእምነት እንድፀና
እናም እርሱ ያለኝ ዘርዝሮ ያስረዳኝ
ሰው ካልተጠመቀ ህይወት እንደማያገኝ
ነገረኝ አብራርቶ መዳንን እንዳገኝ
ከእናት ከአባት አንዴ ተወልደሻል
ህይወት የሚሆንሽ ጥምቀት ይቀርሻልለ
ከውሀ ከመንፈሰ ያኔ ሥትወለጅ
ትባያለሽ በቅጥ የእግዚአብሔር ልጅ
👉እናም ሁላችሁም እዚህ ቤት ያላችሁ
ባጭር ሳናንዛዛ አንድ የምንላችሁ
መጠመቅ መወለድ ስለሆነ ህይወት
ለኛ እንወቅበት እንዳንጠፋ በሞት
🍃✨🍃✨🍃✨🍃✨
ወስብሀት ለእግዚአብሔር
ወለወላዲቱ ደንግል
ወለመስቀሉ ክቡር

✨✨✨✨✨✨✨✨✨

💚@Maryam_Maryam2127
💛@Maryam_Maryam2127
❤️@Maryam_Maryam2127

12.04.202518:21

¶ሆሳዕና ማለት ምን ማለት ነው???
¶በሆሳዕና ዕለት በእጃችን እንደ ቀለበት ማሰራችን የምን ምሳሌ ነው???
¶ጌታችን በዕለተ ሆሳዕና ለምን በፈረስ ላይ አልተቀመጠም???
¶ጌታችን ወደ ኢየሩሳሌም ሲገባ ዘባባ የመነጠፉ ሚስጢር የምን ምሳሌ ነው???
¶ህዝቡ ከልብሳቸው ሌላ ስንት አይነት ቅጠልን አነጠፉለት ምን ምን???
¶ትልቅዋ አህያ በምን ትመሳለለች ውርን ጭለዋስ???
¶ስለ በዓሉ የመፅሐፍ ቅዱስ ማስረጃ ???

✍መልስ🌿 ሼር ማድረግ እዳይረሳ🙏🏽🕊

🥀 ሆሳዕና ማለት ምን ማለት ነው??

ሆሳዕና ከባዕለ ትንሳኤ አንድ ሳምንት ቀድሞ በሚውለው እሁድ ይከበራል።
ይህ የስምንተኛው ሳምንት ሰንበት መጠሪያ ሲሆን ይህም ዕለት በነቢዩ በዘካርያስ ላይ የተጻፈው ትንቢት ይፈጸም ዘንድ ጌታችም መድኃኒታችን ኢየሱስ ክርስቶስ በአህያይቷ እና በውርንጭላይቷ ላይ ተቀምጦ ሆሳዕና በአርያም ሆሳዕና ለዳዊት ልጅ እየተባለ እየተመሰገነ ወደ ቤተ መቅደስ መግባቱ የሚተሰብበት ዕለት ነው፡፡
ሆሳዕና ማለት፦ የዕብራይስጥ ቃል ሲሆን ትርጉሙ ‹‹እባክህ አሁን አድን አሁን ባርከን ›› ማለት ነው፡፡ በሰሙነ ሕማማት ጸሎተ ፍትሃት ጸሎተ አስተስርዮ ስለማይፈጸም ጸሎተ ፍትሃትና አስተስርዮ የሚደረገው በዚሁ ዕለት ነው::

🥀 በሆሣዕና ዕለት በእጃችን እንደ ቀለበት ማሰራችን የምን ምሳሌ ነው??

1.ጌታ ለአዳም የሰጠው ቃል ኪዳን ለማስታወስ፡-ከልጅ ልጅህ ተወልጄ አድነሃለሁ ያለውን የተስፋ ቃል ለማስታወስ፡፡

2.ጌታ ለእመቤታችን የገባላትን ቃል ኪዳን ተምሳሌት ነው።

3.ጌታ ለእስራኤላውያን የሰጣቸው ቃል ኪዳን ተምሳሌት ነው።

4.ጌታ ለአዳም ከሰይጣን ግዛት ነጻ እንዳወጣው ሁሉ እኛም ከሰይጣን ግዛት ከመከራ ሥጋ ከመከራ ነፍስ ከክፋት ከኃጢአት አውጣን ማረን ለንስኃ ሞት አብቃን ከቤትህ አትለየን እንደ ቸርነትህ ይቅር በለን ስንል ለጌታ ዳግም ላናጠፋ ቃል የምንገባበት ነው፡፡

🥀 ጌታችን በዕለተ ሆሳዕና ለምን በፈረስ ላይ አልተቀመጠም??

ትንቢቱንና ምሳሌውን ለመፈጸም ነው፡፡ " አንቺ የጽዮን ልጅ ሆይ፥ እጅግ ደስ ይበልሽ ፤ አንቺ የኢየሩሳሌም ልጅ ሆይ፥ እልል በዪ፤ እነሆ፥ ንጉሥሽ ጻድቅና አዳኝ ነው፤ ትሑትም ሆኖ በአህያም፥ በአህያይቱ ግልገል በውርጫይቱ ላይ ተቀምጦ ወደ አንቺ ይመጣል።(ትንቢተ ዘካርያስ 9:9)

❗በአህያ መቀመጡ❗፦

👉 ትህትናን ለማስተማር
👉 የሰላም ዘመን ነው ሲል
👉 አህያዎች ትሁታን ናቸው ረጋ ብለው ነው የሚሄዱት፤ በቀላሉ ትወጣበታለህ ፤በቀላሉ ትይዘዋለህ፤እንደፈለክም ታዝዋለህ።
ለፈለጉኝ ሁሉ የቅርብ አምላክ ነኝ ሲል በንጽህና በየዋህነት ለሚኖሩ ምዕመናን አድሬባቸው እኖራለሁ ሲል፡፡

🥀 ጌታችን ወደ ኢየሩሳሌም ሲገባ ዘባባ የመነጠፉ ሚስጢር የምን ምሳሌ ነው???

👉 .ዘንባባ ደርቆ እንደገና ሂይወት ይዘራል፡- የደረቀ የምታለመልም አምላክ ነህ ሲሉ ነው፡፡

👉.ዘንባባ የሰላም ምልክት ነው፡- የሰላም አምላክ ነህ ሲሉ ነው።

👉.ዘንባባ የደስታ መግለጫ ነው፡- አንተ ደስ የምታሰኝ ሃዘናችንም የምታርቅልን አምላክ ነህ ሲሉ ነው፡፡

👉.ዘንባባ እሾሃማ ነው፡- አንተ ህያው አሸናፊ አምላክ ነህ ሲሉ ነው፡፡

👉.ዘንባባ እሳት አይበላውም ለብልቦ ይተወዋል እንጂ፡፡ ጌታም አንተ ባህሪህን የማይመረመር ነው ሲሉ ነው፡፡

🥀 ህዝቡ ከልብሳቸው ሌላ ስንት አይነት ቅጠንል አነጠፉለት ምን ምን??

ልብሳቸውን ማንጠፋቸው ፡-

👉 ለክብሩ መግለጫ ነው፡፡ ሌሎችም ሦስት አይነት ቅጠል አነጠፉለት ዘንባባ፤የቴመር ዛፍ፤የወይራ ዛፍ አነጠፉለት፡፡

ጌታችን ኪሩቤል በሚሸከሙት ዙፋን የሚቀመጥ አምላክ ሲሆን ትሁት ሆኖ በአህያ ላይ ተቀመጠ፡፡ አህያዋን ከነውርንጫዋ “ፈታችሁ አምጡልኝ” ማለቱ የሰውን ልጅ ከኃጢአት እሥራት ለመፍታት የመጣ አምላክ መሆኑን ያሳየናል፡፡ ደቀ መዛሙርቱም አህዮቹን ፈተው ማምጣታቸው ሥልጣነ ክህነታቸውን ያመለክታል፡፡ “በምድር የፈታችሁት በሰማይ የተፈታ ይሁን” እንዲል፡፡

በአህያ ላይ ልብሳቸውን ማንጠፋቸው ደግሞ የምትመች የማትቆረቁር የወንጌልን ሕግ ሰጠኸን ሲሉ ነው፡፡ በአህያ የተቀመጠ ሰው በፈረስ እንደተቀመጠ ሰው ፈጥኖ አያመልጥም። ጌታችን ኢየሱስ ክርስቶስም ከፈለጉኝ አያጡኝም ሲል በአህያ ተቀምጧል፡፡

ከግለሰብ ደጅ የተፈታችን አህያ “ ጌታዋ ይፈልጋታል” ብሎ ያስፈታት በፈጣሪነቱ ወይም ስለፈጠራት ገንዘቡ ስለሆነች ነው፡፡ አህያን ያልናቀ አምላክ እኛም ከኃጢአት ርቀን ብንፈልገው ማደሪያዎቹ ሊያደርገን ፈቃዱ ነው፡፡ የአህያዋን መፈታት የፈለገ ጌታ እኛም ወደካህናት ቀርበን ኃጢአታችንን ተናዘን ከበደል እሥራት እንድንፈታ ይፈልጋል፡፡

🥀 ትልቅዋ አህያ በምን ትመሳለለች ውርን ጭለዋስ???

❗#ትልቅዋ_አህያ❗

👉1, ትልቅዋ አህያ የኦሪት ምሳሌ ነው።
ትልቅዋ አህያ ሸክም የለመደች ናት ህገ ኦሪትም የተለመደች ህግ ናትና፡፡

👉 2.የእስራኤል ምሳሌ ነው፡-ትልቅዋ አህያ ሸክም እንደለመደች ሁሉ እስራኤልም ህግ ለመፈጸም በህግ ለመራመድ የለመዱ ናቸው፡፡

👉 3.የአዳም ምሳሌ ነው፡- አዳም ሸክም የበዛበት ነበርና።

❗#ውርጭላዋ❗

👉 1.በህገ ወንጌል ትመሰላለች ፡- ምክንያቱም ወንጌል ኢየሱስ ክርስቶስ የመሰረታት የሰራት አዲስዋ ህግ ናትና፡፡

👉 2.በአህዛብ ትመሰላለች፡-ትንሽዋ አህያ ሸክም የለመደች አይደለችም እንዲሁም አህዛብም ህግህን የመቀበል የመቀበል የለመደ አይደሉም፡፡ ለህግህ አዲስ ናቸውና፡፡

👉 3.የእመቤታችን ምሳሌ ናት፡- የዓለም ሸክም አቅልላለችና በእመቤታችን ትመሰለላለች፡፡ እመቤታችን ድህነተ ምክንያታችን ጌታን የተሸከመች ንጽህት እንከን የሌላት እናት ናትና፡፡

🥀 ስለ በዓሉ የመፅሐፍ ቅዱስ ማስረጃ

ማቴዎስ 21፡1፥9
¯¯¯¯¯¯¯¯¯¯
¹ ወደ ኢየሩሳሌምም ቀርበው ወደ ደብረ ዘይት ወደ ቤተ ፋጌ ሲደርሱ፥ ያንጊዜ ኢየሱስ ከደቀ መዛሙርቱ ሁለት ላከ፥
² እንዲህም አላቸው፦ በፊታችሁ ወዳለችው መንደር ሂዱ፥ በዚያን ጊዜም የታሰረችን አህያ ውርንጫም ከእርስዋ ጋር ታገኛላችሁ፤ ፈትታችሁ አምጡልኝ።
³ ማንም አንዳች ቢላችሁ፦ ለጌታ ያስፈልጉታል በሉ፤ ወዲያውም ይሰዳቸዋል።
⁴-⁵ ለጽዮን ልጅ፦ እነሆ፥ ንጉሥሽ የዋህ ሆኖ በአህያ ላይና በአህያይቱ ግልገል በውርንጫይቱ ላይ ተቀምጦ ወደ አንቺ ይመጣል በሉአት ተብሎ በነቢይ የተነገረው ይፈጸም ዘንድ ይህ ሆነ።
⁶ ደቀ መዛሙርቱም ሄደው ኢየሱስ እንዳዘዛቸው አደረጉ፥
⁷ አህያይቱንና ውርንጫዋንም አመጡለት፥ ልብሳቸውንም በእነርሱ ላይ ጫኑ፥ ተቀመጠባቸውም።
⁸ ከሕዝቡም እጅግ ብዙዎች ልብሳቸውን በመንገድ ላይ አነጠፉ፥ ሌሎችም ከዛፍ ጫፍ ጫፉን እየቈረጡ በመንገድ ላይ ያነጥፉ ነበር።
⁹ የሚቀድሙትም ሕዝብ የሚከተሉትም፦ ሆሣዕና ለዳዊት ልጅ በጌታ ስም የሚመጣ የተባረከ ነው፤ ሆሣዕና በአርያም እያሉ ይጮኹ ነበር።

ከኃጢአት እሥራት ተፈተን፣ የአምላካችን የኢየሱስ ክርስቶስ ማደሪያዎች እንድንሆን የእግዚአብሔር ቸርነት የቅድስት ድንግል ማርያም አማላጅነት ይርዳን፡፡🙏❤️

🌿 ለሌሎችም እንዲዳረስ በቅንነት
ፔጁን #Like_Sebscribe_Share በማድረግ ትክክለኛ ኦርቶዶክሳዊ ትምህርት እንዲሁም መረጃ ያግኙ።

🔴👉 በቴሌግራም | Telegram 💟
👇👇👇👇👇👇
@Maryam_Maryam2127
@Maryam_Maryam2127
💕መልካም በዓል💕

13.04.202517:51

ሰሙነ ሕማማት💔

ከሰኞ እስከ ቅዳሜ ሰሙነ ሕማማት የጾመ ሁዳዴ የመጨረሻው ሳምንት፤ የጌታችን የመድኃኒታችን የኢየሱስ ክርስቶስ ሕማም የሚታሰብበት፤ ካህናትና ምእመናን በአጸደ ቤተክርስቲያን ተሰብስበው የሕማሙን ነገር የሚያወሳውን ዜማ የሚያዜሙበት፤ ግብረ ሕማም በመባል የሚታወቀውን መጽፍ የሚያነቡበትና የሚሰሙበት፤ በነግህ፣ በሠልስት፣ በስድስት፣ በተሰዓት /ዘጠኝ /ሰዓት፣ በሰርክ /በዐስራ አንድ/ ሰዓት እየመላለሱ የሚሰግዱበትና የሚጸለዩበት ልዩ ሳምንት ነው ከሆሳዕና ማግስት እስከ ትንሳኤ።

በዚህ ሳምንት በተለይ ካህናት ጥቁር ልብስ ይለብሳሉ ምክንያቱም ጌታችን የደረሰበትን መከራና ስቃይ እንዲሁም የሰው ልጅ 5 ሺ 5 መቶ ዘመን በጨለማ ግዞት ይኖር እንደነበር ለማዘከርም ጭምር ነው። የጌታችን የመድኃኒታችን የኢየሱስ ክርስቶስን መከራና ሕማም በጽኑ እንድናስበው ያስተማሩን ሐዋርያት ናቸው። ለእነርሱም የነገራቸው ደግሞ ራሱ ጌታችን መድኃኒታችን ኢየሱስ ክርስቶስ ነው።

ሰሙነ ሕማማት የጌታችንን ሕማማት ከማሰብ ጋር በየዕለቱ በርካታ ድርጊቶች መፈጸማቸውን የምናስታውስበት ሳምንት ነው፦

#ሰኞ
መርገመ በለስ የተፈጸመበት ሰኞ ይባላል፦
በዚህ ዕለት ጌታችን ከቢታኒያ ሲወጣ ተራበ ቅጠል ያለባትን በለስ ተመልክቶ ወደ በለሲቱ ቢቀርብ ከቅጠል በቀር ምንም ነገር ባለማግኘቱ “ከአሁን ጀምሮ ለዘላለም ምንም ካንቺ ፍሬ አይበላ” ማር ፲፩፥፲፬ በማለት ስለረገማት መርገመ በለስ የተፈጸመበት ሰኞ ይባላል።

አንጽሖተ ቤተ መቅደስ ይባላል፡-
ጌታ ወደ ቤተመቅደስ ሄዶ በቤተመቅደሱ የሚሸጡትን እና የሚለውጡትን “ቤቴ የጸሎት ቤት ትባላለች” ማቴ ፳፩፥፲፫ በማለት ከቤተመቅደስ ገርፎ አስወጥቷቸዋልና።

#ማክሰኞ
የጥያቄ ቀን ይባላል፦
ሰኞ ዕለት በቤተመቅደስ ሲሸጡ እና ሲለውጡ የነበሩትን ሁሉ እየገረፈ በማባረሩ ምክንያት ለሰው ልጅ ሹመትንና ስልጣንን የሰጠ ጌታ “በምን ስልጣን ይህንን ታደርጋለህ?” ማቴ ፳፩፥ ፳፫ ተብሎ በፈሪሳውያን ተጠይቋልና የጥያቄ ቀን ይባላል።

የትምህርት ቀን ይባላል፡-
በዚህ ዕለት በቤተመቅደስ ረጅም ትምህርት ስላስተማረም የትምህርት ቀን ይባላል። ሉቃ ፳፩ ፥፳፰ ፣ ማር ፲፪፥፪።

#ረቡዕ
ምክረ አይሁድ ይባላል፦
ረቡዕ እለት የአይሁድ ሊቃነ ካህናትና ጸሐፍት ጌታን እንዴት መያዝ እንዳለባቸው የመከሩበትና ውሳኔ ያሳለፉበት ቀን በመሆኑ ምክረ አይሁድ ይባላል። ወቅቱ የፋሲካን በዓል የሚያከብሩበት ቀን በመሆኑ እና ብዙ ህዝብም ጌታን ይከተለው ስለነበር ሁከት እንዳይነሳ ስጋት ነበራቸው ። ነገር ግን ከአስራ ሁለቱ ሐዋርያት አንዱ የአስቆሮቱ ይሁዳ አሳልፎ እንደሚሰጣቸው ስለነገራቸው ሉቃ ፳፪፥፩-፮ ጭንቀታቸው ተወግዶ በጌታ መያዝ ተስማምተዋል።

የመልካም መዓዛ ቀንም ይባላል፡-
ጌታችን በዚህ ዕለት በለምጻሙ በሰምዖን ቤት ተቀምጦ ሳለ መላ ሕይወቷን ለዝሙት አስገዝታ ትኖር የነበረችው ማርያም እንተ እፍረት/ባለሽቶዋ ማርያም/ ዋጋው እጅግ ውድ የሆነ የአልባጥሮስ ሽቱ አምጥታ በራሱ ላይ በማርከፍከፍ ስለቀባቸው ማቴ ፳፮፥፮-፯ የመዓዛ ቀን ይባላል።

የእንባ ቀን ይባላል፡-
ባለሽቱዋ ሴት (ማርያም እንተ እፍረት) ኃጢአቷን ይቅር እንዲላት እየለመነች በእግሩ ስር ተደፍታ በእንባዋ እግሩን አርሳለችና ማር ፲፬፥፱ የእንባ ቀን ይባላል።

#ሐሙስ
ጸሎተ ሐሙስ ይባላል፦
ጌታችን ለአይሁድ ተላልፎ ከመሰጠቱ በፊት በጌቴሴማኒ የአትክልት ስፍራ ሲጸልይ በማደሩ ማቴ ፳፮፥፴፮ ጸሎተ ሐሙስ ይባላል።ጌታችን የደቀመዛሙርቱን እግር በፍጹም ትህትና ዝቅ ብሎ ያጠበበት ዕለት በመሆኑም ዮሐ ፲፫፥፫-፲፩ ሕጽበተ ሐሙስ ይባላል።

የምስጢር ቀን ይባላል፡-
ከሰባቱ ምስጢራት አንዱ የቅዱስ ቁርባን ምስጢር ማቴ፳፮፥፳፮-፳፱ በዚህ ዕለት ተፈጽሟልና የምስጢር ቀን ይባላል።

የሐዲስ ኪዳን ሐሙስ ይባላል፡-
መሥዋዕተ ኦሪት /በእንስሳት ደም የሚቀርብ መሥዋዕት/ቀርቶ ለአለም ድኅነት ራሱን ያቀረበበት ቀን በመሆኑ ሉቃ ፳፪፥፳ የሐዲስ ኪዳን ሐሙስ ይባላል።

የነጻነት ሐሙስ ይባላል፡-
ለኃጢአትና ለዲያቢሎስ ባሪያ ሆኖ መኖር ማብቃቱን እንዲሁም የሰው ልጅ ያጣውን ክብር መልሶ ማግኘቱ የተረጋገጠበት ቀን ስለሆነም ዮሐ ፲፭፥ ፲፭ የነጻነት ሐሙስ ይባላል።

#ዓርብ
የስቅለት ዓርብ ይባላል፦
ጌታችን የመድኃኒታችን ኢየሱስ ክርስቶስ ለአዳምና ለልጆቹ ሁሉ ቤዛ ሆኖ በመልዕልተ መስቀል ላይ ተሰቅሎ የዋለበት ዕለት ነውና ማቴ ፳፯፥፴፭ የስቅለት ዓርብ ይባላል።

መልካሙ ዓርብ ይባላል፡-
ከጌታ ስቅለት በፊት በተለይም በሮማውያን ህግ የወንጀለኛ መቅጫ ምልክት የነበረውን መስቀል ጌታችን በደሙ ቀድሶ የምህረት፣ የሕይወት አርማ፣ የዲያቢሎስ ድል መንሻ ስላደረገው፤ በሞቱ መልካሙን ሕይወት ስላገኘን መልካሙ ዓርብ ይባላል።

#ቅዳሜ
ቀዳም ስዑር ትባላለች ፦
ይህች እለት ከድሮ በተለየ መልኩ የጌታችንን መከራ በማሰብ በጾም ታስባ ስለምትውል የተሻረች ቅዳሜ ይባላል።

ለምለም ቅዳሜ ይባላል፡-
ካህናቱ ለምእመናን ለምለም ቀጤማ የሚያድሉበት ዕለት በመሆኑም ለምለም ቅዳሜ ይባላል። ምዕመናንም ይህንን ለምለም ቀጤማ እስከ ትንሣኤ ለሊት በራሳቸው ላይ ያስሩታል።

ቅዱስ ቅዳሜ ይባላል፡-
ቅዱስ የሆነው እግዚአብሔር በጥንተ ተፈጥሮ ፍጥረታትን አከናውኖ ያረፈበት ቀን ሲሆን በዘመነ ሐዲስ ደግሞ የማዳን ስራውን ሁሉ ፈጽሞ በሥጋው በመቃብር ሲያርፍ በነፍሱ ወደ ሲኦል ወርዶ ሲኦልን በርብሮ ባዶዋን ሲያስቀራት በዚያ የነበሩትን ነፍሳት የዘላለም ዕረፍትን ያወረሰበት ዕለት ስለሆነ ቅዱስ ቅዳሜ ይባላል።

መልካም የሰሞነ ሕማማት የጾምና የስግደት ጊዜ ለሁላችንም ይሁንልን።🙏🙏🙏

Join ✅ share ✅
@Maryam_Maryam2127
@Maryam_Maryam2127

02.04.202517:56

🔺 ንስሐ ማለት ምን ማለት ነው ❓

🔺ንስሐ የሚገባው ምዕመን በካህኑ ፊት በሚቀርብበት ጊዜ ምን ምን ነገሮችን ማሟላት አለበት❓

🔺አንድ ምዕመን ንስሐ ከገባ በኋላ ምን ምን ነገሮችን በቅደም ተከተል ማድረግ አለበት❓

#ምሥጢረ_ንስሐ

#ንስሐ ፦ ነስሐ ተፀፀተ ካለው የተገኘ ሲሆን ፤ ንስሐ ማለት በሠሩት ኃጢአት መፀፀት ፣ ማዘን ፣ ወደ እግዚአብሔር ለመመለስ መወሰን ማለት ነው።

#ከንስሐ_በፊት

#መፀፀት
አንድ ክርስቲያን በድፍረትም ይሁን በስህተት “የሠራው በደል” መጻሕፍት በማንበብ ፣ ከመምህራን ተምሮ ፣ የስብከት ካሴት አዳምጦ ፤ ህሊናው ወቅሶት ፣ ወይም በሌላ በአንድ ምክንያት ስህተት መሆኑን ከተረዳ በኋላ ተፀፅቶ ከእግዚአብሔር ለመታረቅ (በደሉን ለማስተስረይ) የሚያደርገው ጉዞ ንስሐ ይባላል።

በሠራው በደል ሳይፀፀት ፤ ለጊዜው ህሊናውን ስለረበሸው ብቻ ንስሐ የሚገባ ሰው ፤ ከንስሐው በኋላ ወደ ቀደመ ሕይወቱ ሊመለስ ይችላል ። ምክንያቱም ፡ ንስሐ የገባው ፡ በሠራው በደል ከልቡ ተፀፅቶ ሳይሆን ፤ በስሜት ተነሳስቶ ነውና ፤

#ኃጢአትን_መጥላት
በበደላችን ከተፀፅትን በኋላ የሰራነውን በደል መጥላትና ወደፊትም መሥራት እንደሌለብን ራሳችንን ማሳመንና ከኃጢዓት መንገድ መራቅ ማለት ነው።

ከንስሐ በኋላ ስላለው ሕይወት መወሰን
አንድ ምዕመን ንስሐ ከመግባቱ በፊት ለወደፊቱ የሚኖረውን ሕይወት አስቀድሞ መመርመርና መወሰን ይገባዋል የእግዚአብሔን ቃል ስንሰማ ለጊዜው ልባችን ሊነካ ፣ ምን እናድርግ ልንል እንችላለን ። የሐ ሥ 2 ፥ 37።

ነገር ግን ከተወሰነ ጊዜ በኋላ ዓለሙን ወደመምሰል እንደማንመለስ አስቀድመን ራሳችንን መመርመር አለብን። ብዙዎቹ በስሜት ወደ ክርስትና ከገቡ በኋላ ፤ በጊዜያዊ ነገር ተታለው በድንገት ከሃይማኖት መንገድ ወጥተዋልና።

#በንስሐ_ጊዜ

አንድ ምዕመን ካለፈ በደሉ በንስሐ ታጥቦ በአዲስ ሕይወት ራሱን ለማስተካከልና ከእግዚአብሔር ጋር ለመኖር ከወሰነ በኋላ የንስሐ አባት ሊኖረው ይገባል።

ጌታችን “ካህናትን” ራሱን ወክለው መንጋውን እንዲጠብቁ “በምድር ያሰራችሁት በሰማይ የታሰረ በምድር የፈታችሁት በሰማይ የተፈታ ይሁን” (ማቴ 8 ፥ ዮሐ 21 ፥ 15 ። ማቴ 16 ፥ 19) በማለት መንጋውን እንዲጠብቁ ሾሟቸዋልና።

አንድ ክርስቲያን በሕይወት ሲኖር ፤ የእግዚአብሔርን መንገድ የሚመራው ፤ ሲሳሳት ንስሐውን ተቀብሎ ቀኖና በመስጠት ከእግዚአብሔር የሚያስታርቀው የንስሐ አባት የግድ ሊኖረው ይገባል።

🔻 ንስሐ የሚገባው ምዕመን በካህኑ ፊት በሚቀርብበት ጊዜ የሚከተሉትን ማሟላት አለበት

#የሠራውን_ስህተት_በሙሉ_ማስታወስ

ቀኖናው የሚሰጠው እንደ በደሉ ዓይነት ስለሆነ የሠራውን ማስታወስ አለበት ፤ በቃሉ የሚረሳው ከሆነም በጽሁፍ መመዝገብ ያስልጋል ።

#ሳይቀንሱ (ሳይከፍሉ) በሙሉ መናገር

“ይህን ብናገር ሰው ምን ይለኛል ?” ብሎ ከባዱን (የሚያሳፍረውን) ነገር መደበቅ የለበትም። ሲሰራው ያላሳፈረውን ሲናገረው ሊያፍርበት አይገባም። አንድ ጊዜ ተናግሮ ከህሊናው ካላስወጣው ሁሌም ሲረብ ሸው ይኖራልና።

“እናንተ ሸክማችሁ የከበደ ወደ እኔ ኑ ሸክማችሁን አራግፋለሁ” ማቴ 11 ፥ 28

ተብሏልና በትክክል አስታውሶ መናዘዝና የኃጢአትን ሸክም ማራገፍ ይገባል። ስለ በደላችን በምንናዘዝበት ጊዜ ግን ፤ ከዕገሌ ጋር ፤ በዚህ ጊዜ ፤ በዚህ ቦታ ፤ ይህን አድርጌያለሁ እያልን ፤ ቦታውን ፤ ጊዜውን የሌላ ሰው ስም በዝርዝር እንድንናገር አንገደድም ፣ የሠራነውን በደል ብቻ “ጣዖት አምልኬያለሁ ፤ ሠርቄያለሁ ፤ አመንዝሬያለሁ” በማለት በጥቅሉ መናገር እንችላለን።

#ኑዛዜ (ራስን መክሰስ)

በራሳችን ድካም የሠራነውን በደል “ዕገሌ አሳስቶኝ” እያሉ ሌላውን ሰው ስለ እኛ ስህተት ተጠያቂ ማድረግ ሳይሆን ፣ አንደበታችንን ከሳሽ ህሊናችን ምስክር አድርገን በመጨከን ራሳችንን በእግዚአብሔር ፊት መክሰስ ነው።

አምላካችን የልባችንን መመለስ ፣ አይቶ የሰራነውን በደል ሁሉ እንዳልተሠራ አድርጎ ያነጻናል። በደልን በንስሐ ይቅር ማለት የእግዚአብሔር የቸርነት ሥራ ነውና።

🔻 አንድ ምዕመን ንስሐ ከገባ በኋላ የሚከተሉትን በቅደም ተከተል ማድረግ አለበት?

1, የተቀበለውን ቀኖና በትክክል መፈጸም

ቀኖና የግሪክ ቃል ሲሆን መለኪያ ማለት ነው። ካህኑ ለበደለው ምዕመን እንደ ሃይማኖቱ ጽናት ፣ እንደ አእምሮው ስፋት ፤ የሠራውን በደል መጥኖ ቀኖና ከሰጠው በኋላ እንደታዘዘው መፈጸም አለበት። የነነዌ ሰዎች ፣ ት. ዮና 3 ፥1 ። ንጉሡ ህዝቅያስ ፣ ኢሳ 38 ፥ 1 ። ቅዱስ ጴጥሮስ ሉቃ 22 ፥ 54 ። እና ሌሎችም ይቅርታን ያገኙት ፤ በበደላቸው ተጸጽተው በማልቀሳቸውና ንስሃ በመግባታቸው ነው።

በንስሐ ወቅት ፡መሬት ላይ መተኛት ምግብ መቀነስ ፣ ከዓለማዊ ነገሮችና ለመንፈሳዊ ሕይወት ከማይመቹ ጓደኞች መራቅ ያስፈልጋል። በንስሐ ጊዜ እንዳናደርግ ከታዘዝነው ነገር ራሳችንን በመግዛት መቆጠብ አለብን ፤ እግዚአብሔር በቸርነቱ ወደ ድኅነት ከጠራን በኋላ እንደገና ተመልሰን ወደተውነው ድካማችን መመለስ የለብንም። የጊዜውን ሳይሆን የመጨረሻውን ማሰብ አለብን ። 2 ጢሞ 4 ፥10 ። መዝ 6 ፥6።

2, በደላችን በንስሐ እንደሚሰረይልን ማመን

ክርስቶስ ደሙን ያፈሰሰው በደላችንን ለመደምሰስ ስለሆነ ከበደላችን ሊያነጻን የታመነ አምላክ ነው ። ከሠራነው ብዙ ኃጢአት አንጻር የሚሰጠን ቀኖና ትንሽ መስሎ ቢታየንም። ማሰብ ያለብን የራሳችንን በደል ሳይሆን የእግዚአብሔርን ቸርነት ነው ።

ከእኛ በደል የእግዚአብሔር የቸርነት ሥራው እጅግ ይበልጣልና የታዘዝነውን ፈጽመን የቀረውን እንደቸርነትህ ማለት ይገባል ። “የታዘዛችሁትን ባደረጋችሁ ጊዜ የማንጠቅም ባሪያዎች ነን በሉ” ተብለናልና ። ሉቃ 17 ፥ 10 ።

3, በሥጋውና በደሙ መታተም (መቁረብ)

አንድ የተራበ ሰው እጁን ስለታጠበ ብቻ አይጠግብም ። የግድ ምግብ መብላት አለበት ። ንስሐ ማለት መታጠብ ፣ ከእድፍ (ከኃጢአት) መንጻት ማለት ሲሆን ፤ ድኅነት የሚገኘው የዘለዓለም ሕይወት የሚሰጠውን ቅዱስ ሥጋውንና ክቡር ደሙን በመቀበል ነው ። ዮሐ 6፥33።

ብዙዎቹ መቁረብን እንደ ትርፍ ነገርና በዕድሜ የተገደበ (ለሽማግሌ ብቻ) አድርገው ስለሚቆጥሩት ለመቀበል ሲዘጋጁ አይታዩም። ነገር ግን ክርስቲያን የሆነ ሁሉ ቅዱስ ቁርባን የግድ ያስፈልገዋል ። ቀኖና የተቀበልንበት በደላችን የሚሰረየው ሥጋውን ስንበላ ፣ ደሙንም ስንጠጣ ነውና።

4, ሁሌም ለንስሐ መዘጋጀት

ንስሐ ከገባንና ከቆርብን በኋላ እንደገና በኃጢአት ልንወድቅ እንችላለን። አምለካችን “ለምን ንስሐ አልገባህም እንጅ ለምን ኃጢአት ሠራህ? አይልምና” ሁለተኛ ስንበድል ሀፍረት ሳይሰማንና ከኃጢአት መላቀቅ ካልቻልሁ በየጊዜው የንስሐ አባቴን ከማስቸግር አርፌ ብቀመጥ ይሻለኛል በማለት ፡ ሁሉንም እርግፍ አድርገን እንድተወው ፡ ክፉ ሀሳብ በአምሯችን ሊፈታተነን ይችላል።

ነገር ግን ከንስሐ በኋላ እንደ መላእክት በቅድስና ብቻ እንኖራለን ማለት ሳይሆን “ጻድቅ ሰባት ጊዜ ይወድቃል ፤ ሰባት ጊዜ ይነሳል” ምሳ 24፥ 16 ። እንደተባለ ፡ አምላካችን ብንወድቅ ሊያነሳን ፤ ብንጠፋ ሊፈልገን ፤ ብንርቅ ሊያቀርበን ፤ በኃጢአት ብንረክስ ሊቀድሰን (እንደ ባዘቶ ሊያጠራን) የታመነ አምላክ ስለሆነ ተስፋ ሳንቆርጥ ፤ በኃጢአታችን ሳንደበቅ ፤ ዘወትር ለንስሓ መዘጋጀት አለብን። ኢሳ 1 ፥ 18።

ወስብሐት ለእግዚአብሔር

ሼር
❤️ @Maryam_Maryam2127 ❤️
❤️ @Maryam_Maryam2127 ❤️

19.04.202513:57

06.04.202509:38

የዓብይ ፆም 7ኛ ሳምንት ኒቆዲሞስ
ይባላል እንኳን አደረሳችሁ በዚህ ሳምንት እንደ ኒቆዲሞስ ያሉ
ዓለማዊ የመሠሉ ጠንካራ ክርስቲያኖች ይዘከራሉ።
ኒቆዲሞስ ምሁር ነው፤ ባለሥልጣን ነው፤ ሀብታም ነው።
የፈሪሳዊ ዘር ሆኖ ክፋት አላሸነፈውም።
ቀን ዓለማዊ ሥራውን እየሰራ ሌሊት ወደ ክርስቶስ እየሄደ ሃይማኖትን ይማራል። እውቀቱ፣ ሥልጣኑ፣ ሀብቱ . ለሃይማኖቱ እንቅፋት አልሆኑትም።

🌷መልካም እለት ሰንበት🤲⛪️🦋

24.04.202502:30

Увайдзіце, каб разблакаваць больш функцый.