✨ናታኒም

እንኳን ለዐቢይ ጾም ስድስተኛ ሰንበት ገብር ኄር አደረሳችሁ!

➡️ ገብር ኄር ማለት ገብረ እና ተኄረወ ከሚለው የግዕዝ ግሥ የወጡ የሁለት ቃላት ጥምር ስም ሲሆን ታማኝ አገልጋይ ማለት ነው። ይህም “መኑ ውእቱ ገብር ኄር” ከሚለው የቅዱስ ያሬድ ዜማ ሥያሜውን አግኝቷል። በገብር ኄር ሳምንት በቅዱስ ማቴዎስ ወንጌል ምዕራፍ 25፥14 ላይ የተጻፈው ታሪክ ይወሳል። “ቦ ለዘወሀቦ ፭ተ መክሊተ” እንዲል ማቴ. 25፥14 አንድ ባለጸጋ ነግደው ያትርፉበት ብሎ ባሮቹን ጠርቶ ለአንዱ አምስት፣ ለአንዱ ሁለት፣ ለአንዱ አንድ መክሊት ሰጠ። 5 የተቀበለው ሌላ 5፣ 2 የተቀበለው ሌላ 2 ነግደው ሲጨምሩበት 1 የተቀበለው ግን ምድርን ቆፍሮ የጌታውን ወርቅ ቀበረ።

➡️ አንድ የተቀበለው ግን መጥቶ “አንተ ካልዘራህበት የምታጭድ ካልበተንክበት የምትሰበስብ ጨካኝ እንደሆንክ አውቄ በመፍራቴ በምድር ቀብሬ አስቀምጫለሁ ገንዘብህ እነሆ” ይለዋል። ጌታውም “ጥርስ ማፏጨትና ልቅሶ ወዳለበት የጨለማ ቦታ ውሰዱት” ይላል። ይህን ምሳሌ መስሎ ጌታ ያስተማረው ትምህርት የሚነገርበት ሳምንት ነው። ማቴ. 25፥21

✨ገንዘብ የቃለ እግዚአብሔር እና የምጽዋት ምሳሌ ነው።