- مافيش إنسان في الدنيا مايغلطش و مافيش إنسان مايقصرش و ماتريحش منه، ديما الإنسان من الضغط أو من التعب يدير تصرفات لا هو منه ولا فيه ولا طبعه ولا معدنه، في فن في الصين لما تتكسر عندهم حاجه يعبو الفراغات بالذهب، يخلو الحاجة اللي نكسرت أغلى من قبل، و هذا المفروض كل إنسان يديره ماحد قالك إنك معصوم و مفروض ماتغلطش ولكن لما تنحط في موقف و تغلط دير جهدك في إنك تصلحه و ترده خير من قبل، و هذا اللي يخلي ديننا مايقولناش ما اديروش سيئات ولكن عطانا الحل مقابلها، قال اللّه تعالى:
" ﴿ إِنَّ الحَسَناتِ يُذهِبنَ السَّيِّئَاتِ ذلِكَ ذِكرى لِلذّاكِرينَ ﴾."
يعني لما ادير الغلط دير قدامه اللي يمسحه .
