✍️دي مشكلة كانت معروضة في جروب كبير للمشكلات الزوجية ، والحقيقة المشكلة دي بتوضح مقدار السفاهة وضيق الأفق اللي بقوا عند الطرفين (زوج + زوجة) على السواء
👈الزوج بيشتغل شغلانتين (جزاه الله خيرًا)
الزوجة لما افتقدته معاهم كلمته في ده فقال لها: (بناتك لما ييجوا يتزوجوا ، هنشحت ونزوجهم ؟)😏
البنت الأولى مكملتش 6 سنوات والثانية سنة وشهرين
👈الزوجة زعلت منه فقال لها تروح لوالدها والأب تدخل علشان يكلمه فقال له: (إنها مش بتستقبلني ولا بتاكل معايا ولا حتى يوم في الأسبوع وأنا جاي من شغلي)
#شايفين_بُعدنا_عن_الشرع_ودانا_فين ؟
الزوج لو فاهم شرع ربنا وعرف إن ربنا رزقه ببنتين مش هيكلفوه في دين الله جنيهًا واحدًا عند الزواج مكنش بهدل نفسه بالشكل ده... يمكن كان يعمل أي مصلحة جانبية وميرهقش نفسه ويغيب كل الفترات دي عن عياله
هيتفاجئ لما البنات يكبروا إنه صحيح جهزهم (بشوية كراكيب) ولكنه كان غايب عنهم وقت طويل جدًا لا بيشوفهم ولا بيراقبهم في ظل مجتمع صعب جدًا الأم فيه تربي لوحدها
الزوجة مجرمة بمعنى الكلمة ، أبوها بيبرر نشوزها في عدم استقبال الزوج بالعيال
زوجك ياأختي هو جنتك ونارك مينفعش يكون جاي ميلاقيش واحدة بتستقبله مهما كانت ظروفك ومهما كانت مسبباتك ، تعرضي عليه نفسك كل ليلة متنتظريش هو اللي يطلبك كمان وتتهيأي وتتزيني له...الكلام دا ألف باء تبعل للزوج مش كلام جديد
هو البنات صغيرين في حق زوجك وبقت همومهم كبيرة لما الموضوع بقى واقع عندك ؟
الزوجة الصالحة لا تجعل من تقصير زوجها مبررًا لها أبدًا لتُقصِر هي الأُخرى...(كل واحد يعمل اللي عليه لإنه هيتحاسب لوحده)
أخي الزوج: انتبه لبناتك وانشغل بتربيتهن ومراقبتهن ولا تحملنك بدع المجتمع في التفريط والغياب بمثل هذه الصورة...(كفى بالمرء إثمًا أن يضيع مَن يَقوت)
#تصحيح_مفاهيم_الزواج
