#Metodik_marafon
#Ikkinchi_kun
✅ Taʼlimni rivojlantirish respublika ilmiy-metodik markazi tashabbusi bilan joriy yilning 25-26-mart kunlari pedagoglarning kasbiy rivojlanishiga koʻmaklashish va metodik qoʻllab-quvvatlash maqsadida oʻtkazilayotgan Metodik marafon Surxondaryo viloyatida davom etmoqda.
Bugun Surxondaryo viloyati pedagogik mahorat markazida metodik marafon tadbirlarida markaz professor-o‘qituvchilari va fan metodistlari – N.Kenjaboyeva, S.Qodirova, G.Mavlyanova, E.Toshev, A.Mahmudov, A.O‘zbekov va N.Ziyodullayev hamda Termiz shahridagi 28-sonli umumiy o‘rta ta’lim maktabi o‘qituvchisi A.Shayimqulovlar tabiiy-ilmiy savodxonlik, matematik savodhonlik, o‘qish savodxonligi va boshlang‘ich ta’lim yo‘nalishlari bo‘yicha o‘z maʼruzalari bilan ishtirok etishdi.
Tadbirlarda faol ishtirok etgan trenerlar Ta’limni rivojlantirish respublika ilmiy-metodik markazi tomonidan tashakkurnoma bilan taqdirlandilar.
