ОХИРГАЧА ЎҚИНГ
Билл Гейтс нимага қизини камбағал инсонга турмушга бермайди?
Камбағал ва бадавлат инсонлар руҳияти ҳақида интернетдан чиқиб қолган ҳикоя
Бир куни молия ва инвестициялар бўйича анжуманда нутқ сўзлаб турган Билл Гейтсга залдан савол тушди: “Сиз дунёдаги энг бой инсонлардан бири сифатида қизингиз камбағал одамга турмушга чиқишини қабул қилган бўлармидингиз?”
Билл қуйидагича жавоб берди:
Бойлик бу банкдаги ҳисоб рақамида турган катта миқдордаги пул эмас, бошланишига шуни англаб олиш керак.
Бойлик – бу бойлик ярата олиш қобилиятидир.
Мисол: лотереяда миллион доллар ютиб олган одам бадавлат эмас, шунчаки қўлида тасодифан кўп миқдорда пул пайдо бўлиб қолган камбағал инсон. Шунинг учун ҳам лотореяда ютган 90 фоиз миллионерлар орадан 5 йил ўтиб яна камбағал бўлиб қолишади.
Шунингдек, пули йўқ бадавлат инсонлар ҳам бор. Масалан, тадбиркорлар. Кўпчилигининг уйида 100 доллар ҳам йўқ, ҳаммасини бизнесга тикишади. Улар бойлик сари ҳаракатда, чунки улар молиявий интеллектини ва имкониятларини ривожлантирмоқда, асли бойлик шу.
Камбағаллар ва бойлар бир-биридан нимаси билан фарқ қилади?
Агар инсон мактабни битиргач яна ўз устида ишлашда давом этса, янги билим ва малакаларни, илму ҳунарни ўрганишдан эринмаса, тиришқоқ бўлса, билингки, у потенциал бой одам.
Агар айб Эшматда, Тошматда, давлатда, жамиятда ва яна кимлардадур деб ўтирса, атрофда ҳамма ўғри, улар менинг ҳақимни еяпти, мен ҳеч нима қилмасам ҳам улар ўғирламай қўйса бойиб кетишим керак деб ўйласа, бу камбағал одам.
Давлатни, жамиятни танқид қилиш мумкин, фақат ўзи мунтазам ҳаракатда бўлиб, ривожланишдан тўхтамаса, меҳнат қилмаса, танқиднинг ўзидан қорни тўйиб қолмайди.
Бойлар “менга ахборот ва билим беринг, ўзим учаман” дейди.
Камбағаллар “менга учишим учун кимдир пул бериши керак” дейди.
Мен “қизим камбағалга турмушга чиқмайди” деганимда пулни назарда тутмайман, ўша йигитнинг бойлик ярата олиш қобилияти ҳақида гапираётган бўламан.
Факт шуки, кўп жиноятчилар камбағалдир. Улар пул олдида ўзини йўқотиб қўяди, шу сабабли ўғирлашади, босқинчилик қилишади, чунки ўзлари шу пулни қандай ишлаб топишни билишмайди.
Бир куни банк қоровули сумка тўла пул топиб олади ва банк бошқарувчисига беради.
Одамлар уни аҳмоқ дейишади, аслида у пули йўқ бадавлат инсон эди.
Орадан бир йил ўтиб банк уни ресепшнга ишга ўтказади, 3 йилдан сўнг мижозлар билан ишлаш бўлими бошлиғи бўлади, 10 йилдан кейин банкнинг ҳудудий филиалига бошлиқ этиб тайинланади. Энди у юзлаб ходимларни бошқармоқда, йиллик даромади эса ўша сумкадаги пулдан анча баланд.
Бойлик – бу аввало инсон психологияси, тўғри фикрлашидир.
P.S. Ушбу ҳикояни камбағалликни айб деб кўрсатиш учун таржима қилмадим. Ҳикоядаги мотивацион руҳ – ҳалол бўл ва ҳаракат қил, шунда пуллар ўзи келади деган мазмун – менга ёқди. Бойиш учун маълум базавий шароитлар (таълим, тенглик, хавфсизлик, қонун устуворлиги...) кераклигини рад этмайман.
Bu hikoyani nima uchun joylayapman axir bu mavzuyimizga to'g'ri kelmaydi-ku dersiz. Hikoyani joylashimdan maqsadim faqatgina sizlarga farzandingizni pul bilan munosabatlarni shakllantirishni uni yoshligidan boshlashingizni so'ramoqchi edim, bola yoshligidan pul bilan munosabatlarni o'rgansa katta bo'lganda pulni to'g'ri ishlatishni biladi, qanday pul topishini biladi, biz nima uchun farzandlarimizni yaxshi o'qishni xohlaymiz pul topishi uchun albatta lekin pul bilan munosabatlarni o'rgatishni esa bilmaymiz, chunki biz shunday katta bo'lganmiz, endi bunday tarbiya usullardan voz kechib zamonaviy tarbiya usullaridan foydalanishimiz kerak, pul bolani buzadi deyishardi keling pul bolani buzmasdan, biz pulni to'g'ri ishlatishni farzandlarimizga o'rgataylik.
✍Yulduz Zafarovna
