✅ Buxoro viloyatining 21 yoshli hakami O’zbekiston kubogi uchrashuvini boshqarib boradi!
Superliganing bir qator o’yinlarida ishlashga ulgurgan yosh va umidli hakamimiz Feruzbek Hidoyatov 🔴O’zbekiston kubogi 2-turidan o’rin olgan Navoiy FA - Paxtakor o’yinida bosh hakam sifatida ish olib boradi. Yordamchi hakamlar ham o’zimiznikilar! Tajribali Aleksandr Burov hamda FIFA laysmeni Akmal Giyasov ham mazkur o’yinda faoliyat yuritishadi!
O’z navbatida biz, Buxoro viloyat futbol assotsiatsiyasi hakamlariga omad va zafarlar tilab qolamiz!
✅ Buxoro viloyati 40+ terma jamoasi mashg’ulotlarni davom ettirmoqda.
Buxoro shahridagi “Umid” sport majmuasida viloyatimizning faxriy futbolchilari ko’tarinki kayfiyat ostida mashg’ulotlarda ishtirok etmoqda. Faxriylarimiz tez orada start oladigan 40+ futbol musobaqalarida munosib ishtirok etishga jiddiy bel bog’lashgan.
Viloyatimiz futbol faxriysi Sulaymon Rahmatov boshchiligidagi vakillarimiz mashg’ulotlarga zo’r berib ish olib borishmoqda!
Bugun viloyatimiz bosh jamoasi “Buxoro” O’zbekiston kubogining 2-turida “Lokomotiv” klubi bilan bellashadi! Mazkur uchrashuv Buxoro shahridagi viloyat futbol akademiyasi o’yingohida bo’lib o’tadi! Barcha futbol ishqibozlarini stadionga chorlab qolamiz! O’yinga kirish mutlaqo BEPUL!
Buxoroning “Oil-star” 🔵futzal klubi O’zbekiston kubogining 2-tur o’yinlarida ishtirok etish uchun Jizzax shahriga yetib bordi.
🏆 O’z oldiga chempionlik maqsadini qoygan Fuzuliy Xayrullayev boshchiligidagi vakillarimiz 22-28 aprel kunlari kubok uchrashuvlarining guruh bosqichida ishtirok etadi. Bugungi mashg’ulotlar a’lo kayfiyatlar ostida bo’lib o’tdi.
👉 E’tiboringizga “Oil-star” matbuot xizmati tomonidan tayyorlangan videolavhani havola etamiz!
