ياعين عضى نظرتك من اهل البيت .
ولا يهمك هرج بعض الشبابي .
الاوله ياعين مهما تخفيت .
ياعين ماشى على الله بغابي .
والثانيه ياشين كثر التلافيت .
اكبر خطأ ومحرم بالكتابي .
اخاف يدرون النشامى ليا اخطيت .
ولا الردي ماهمني لو درابي .
والثالثه ياعين مهما تجريت .
تراني ادرى واستحي من ثيابي .
والرابعه ياعين مهما تمشيت .
ماعمري احد قال وش لك ببابي .
والخامسه من خوفتي لا تحاكيت .
آزن كلامي قبل مااطلع جوابي .
