О, цудоўная навіна для ўсіх аматараў высокага мастацтва! У Беларусь з трыумфальным турам прыехала… барабанны бой… група "Бутырка"! Так-так, вам не падалося. З 6 красавіка 2025 яны цешаць публіку канцэртам у межах, прабачце, Госпадзі, гастрольнага тура "Беларусь па этапе".
Што ж, культурная праграма ў краіне працягвае здзіўляць сваёй разнастайнасцю. Бо калі ў свеце выступаюць Arctic Monkeys, Metallica ці хаця б Noize MC, дык навошта нам уся гэтая буржуазная гнілата? У нас жа ёсць "Бутырка", турэмны шансон і рамантыка баланды — што можа быць лепшым для духоўнага ўзвышэння нацыі?
Дарэчы, вельмі сімвалічна: "па этапе" — якраз у такт настрою краіны апошніх гадоў. Усё лагічна, усё гарманічна. Адзін крок ад сцэны да зоны, або наадварот — у нас, як бы, ужо ўсё злілося ў адзінае цэлае.
Дык што, запасаемся семачкамі, насавымі хусцінкамі і настальгіяй па дзевяностых.
