МУШТИПАРИМ МУНИСИМ ОНАМ
Оғир кундан сабрни ютган,
Бардош ила шу кунди кутган,
Кўнгли ўксик, лек кулиб кутган,
Муштипарим, мунисим онам.
Панд берса гоҳ яқин жигарлар,
Гапирмасдан ичига илганлар,
Йиғлаб-йиғлаб дуо қилганлар,
Муштипарим, мунисим онам.
»Фарзанд" дея чопаркан ҳар ёқ,
Юрагида эзса ҳамки доғ,
Билдирмасдан тик босиб шундоқ,
Чидаб келган мунисим онам.
Беминнатим меҳнатда тинмай,
Юзидаги ажинни билмай,
Уйдан чиқмай дунёлар кезмай,
Муштипарим, мунисим онам.
Қалбда умид гули сўлмаган,
Ҳали ками тўлиқ-тўлмаган,
Ношукурлик умуман билмаган,
Муштипарим, мунисим онам.
Бойлигимсиз, боримсиз она,
Нолимайсиз ҳурсандсиз яна,
Уйимизнинг султони мана,
Муштипарим, мунисим онам.
💞 @gozal_statuslarr 🫶 - eng sara rasmlar faqat bizda
🕋 @jannatga_kalit_namoz - sizning foydangizga ishlaydigan kanal
