Мир сегодня с "Юрий Подоляка"
Мир сегодня с "Юрий Подоляка"
查看
Труха⚡️Україна
Труха⚡️Україна
查看
Николаевский Ванёк
Николаевский Ванёк
查看
Мир сегодня с "Юрий Подоляка"
Мир сегодня с "Юрий Подоляка"
查看
Труха⚡️Україна
Труха⚡️Україна
查看
Николаевский Ванёк
Николаевский Ванёк
查看
Ma'rifat_un Nafs avatar

Ma'rifat_un Nafs

Группа аёллар учун✔️эркаклар ёзмасин❌
Стресc ва тушкунлик ҳолатидан чиқиб кета олмаётган, руҳий мададга эҳтиёжи бор опа-сингилларимизга холис Аллоҳ учун Ўзи қодир қилганча ёрдам берaмиз.
https://www.facebook.com/MuzDalifa777
TGlist 评分
0
0
类型公开
验证
未验证
可信度
不可靠
位置Узбекістан
语言其他
频道创建日期Трав 10, 2025
添加到 TGlist 的日期
Вер 29, 2024
我是频道所有者
变更历史
关联群组
Ma'rifat-un nafs
Ma'rifat-un nafs
266

Ma'rifat_un Nafs 热门帖子

所有帖子
17.05.202501:42
Бир кун ўзимга савол бердим: “Аллоҳ мени яхши кўрадими?”. Сўнг, Унинг қулларини яхши кўриши Ўз Каломида зикр қилган бир қанча сабаб ва сифатларга боғлиқлиги ҳаёлимга келди. Саволимга жавоб топиш умидида ўша сифатлар билан ўзимни солиштирдим. Аллоҳ “тақводорларни” севади. Аммо, ўзимни “тақводор” дейишга жасорат топа олмадим! У “сабр қилгувчиларни” севади. Сабрим етарли даражада эмаслигини эсладим! Роббим “мужаҳидларни” яхши кўради. Менда эса аксинча куч ғайрат кам! “Муҳсинларни” яъни яхшилик қилувчиларни севади. Эйвоҳ! Бу сифат менда борми? Санашни тўхтатдим! Аллоҳ севадиган сифатларни ўзимда топа олмасликдан қўрқдим! Амалларимни ҳисоб-китоб қилдим. Минг афсуски, уларнинг кўпи гуноҳ ва маъсиятлар билан аралашиб кетган. Шу онда Роббимнинг: “Албатта Аллоҳ тавба қилгувчиларни яхши кўради” (Бақара,222) деган сўзи ҳаёлимга келди. Бу сўзлар мен ва менга ўхшаганлар учун айтилганини тушундим ва дарҳол тавба қилишни бошладим. 
“Астағфируллоҳа ва атувбу илайҳ”

Шайх Али Тантовий

‌‌𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
17.05.202502:53
Аллоҳ таолонинг муҳаббатини жалб қилувчи ўнта сабаб

1. Қуръонни тадаббур билан ўқиш, унинг маънолари ва унда мақсад қилинган нарсалар ҳақида фикр юритиш.
2. Фарзлардан сўнг Аллоҳ таолога нафллар билан яқин бўлиш.
3. Хоҳ тилда, хоҳ қалбда, хоҳ амалда - ҳар бир ҳолатда Аллоҳнинг зикрида бардавом бўлиш.
4. Аллоҳ яхши кўрган нарса билан банда яхши кўрган нарса рўпара келиб қолганда биринчисини иккинчисидан устун қўйиш.
5. Аллоҳнинг исмлари ва сифатлари ҳақида, У Зотнинг камолоти ва улуғлигига далолат қиладиган нарсалар ҳақида ҳамда Унга нисбатан мақтовлар ҳақида фикр юритиш.
6. Аллоҳнинг кўзга кўринадиган ва кўринмайдиган неъматлари хусусида фикр юритиб, У Зотнинг бандаларига инъоми, эҳсони ва яхшиликларини мушоҳада қилиш.
7. Аллоҳнинг ҳузурида синиқ қалб билан, тазарруъ билан туриш.
8. Туннинг охирги учдан бир қисмида Аллоҳ билан холи қолиб, Қуръон тиловати, истиғфор ва тавбага машғул бўлиш.
9. Яхши инсонлар, солиҳ, зотлар билан суҳбатда бўлиш ва улардан манфаат олиш.
10. Аллоҳ билан қалбнинг орасига тўсиқ бўлувчи ишлардан йироқ юриш.

‌‌𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
28.04.202508:11
Бир кишининг хотини балиқ қовурса, думидан анча жойини кесиб ташлаб кейин қозончага солар, нега, деб сўраса, онам шунақа қилиб қовурарди, дер эди, охири қайнонаси олдига бориб суриштирди, у ҳам онам шундай қиларди, деб жавоб берди. Куёв катта қайнонаси олдига борди, кампир эса, э болам, қозончам кичкина эди, каттароқ балиқлар сиғмагани учун думини кесиб солардим, дермиш.

P.S.: Шунинг учун кўрган ишини қилиб кетавермасдан, сабабларини ўрганиш керак!

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
02.05.202505:31
"Одам ўзи учун ҳам яшаши керак" деганда баъзилар фақат вақтида дам олиш, санаторияга бориш, яхши кийим, таом, маскан ва маркабни аввало ўзига раво кўришни тушунади. Бу Охиратдан умиди бўлмаганларнинг тушунчаси.

Мусулмон киши ўзи учун яшаши деганда аввало ибодатларни вақтида гўзал суратда адо этишни, устидаги хақларни ўташни, хайрли ва солиҳ амалларни кўпроқ қилиб боришни тушунаркан. Чунки нариги дунёга борганда шундан бошқа нарсалар унга ёрдам бермайди. Болам-чақам, тирикчилик деб ибодатларини зоеъ қилганлар, зиммасидаги ҳақларни ўтамаганлар, солиҳ амалларни бой берганлар минг роҳат-фароғатда яшаб ўтган бўлса ҳам ўзи учун яшамаган бўлади.

✍️ Фаизиддин Мўмин

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
18.04.202516:19
САВОБ ДАРАЖАСИ БЕҲИСОБ БЎЛГАН ГЎЗАЛ ДУО

Ибни Умар розияллоҳу анҳумодан ривоят қилинади:

📗 Росулуллоҳ ﷺ:  “Аллоҳнинг бандаларидан бир банда:

“Я робби лакал ҳамду кама янбағи лижалаали важҳика ва аъзими султоник” деди.

Бу нарса икки фариштага(савобини ёзиш) қийин бўлди. Савобини қандай ёзишни билмай қолдилар.

Аллоҳнинг хузурига кўтарилиб: “Эй Роббимиз бир банданг бир сўзни айтди, уни қандай ёзишни билмаяпмиз” дейишди. Аллоҳ бандасининг айтганини билгувчи бўлсада : “Бандам нима деди” деди. Икки фаришта : “Эй Роббимиз у :

“Я робби лакал ҳамду кама янбағи лижалаали важҳика ва аъзими султоник”.

Шунда Аллоҳ таоло иккисига : “У калимани бандам айтганидек ёзиб қўяверинглар, менга йўлиққанда ўзим мукофотини бераман” деди”

Ибни Можа ривоят қилган

📌Маъноси:  «Эй Роббим! Улуғлигингга ва қудратингнинг буюклигига мос келадиган даражада Сенга ҳамд бўлсин».

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
27.04.202507:06
«Дўзах –Аллоҳ бизни ундан асрасин- хору зорлик, азоб ва муваффаққиятсизлик диёридир. У оҳу фарёд, дўзах аҳлининг овози эса чинқириқ ва йиғи, инграш ва йиғилари тўхтамайди. Улар доимий бахтсизлик, надомат ва йиғидадир. Кишан ва занжирлар қўллари ва бўйинлари орасини жамлайди. Юзлари билан қайноқ сувга судралиб сўнг дўзахда куйдириладилар. Унинг оловдан иборат соябонлари бўлиб, остлари ва устларидан аланга олади. Ҳавоси иссиқ шамол. Дўзах аҳлининг ичимлиги қайноқ сув “У (сув) билан уларнинг ичларидаги нарсалар ҳам, терилари ҳам эритиб юборилур”. (Ҳаж: 20). Таомлари эса заққум “(У таом) мисоли қайноқ сувнинг қайнаши каби қоринларда қайнайдиган эритилган (доғланган) ёғдир!”» (Духон: 45-46).

📚 «Рамазонга оид мақолалар» (Абдурраззоқ ибн Абдулмуҳсин ал-Бадр).

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
23.04.202506:08
Расулуллоҳ соллаллоҳу алайҳи васалламнинг суннатларини биламизми?

–Хар ишни бошласангиз «Бисмиллаҳ»денг.
–Ният қилсангиз «ИншаАллох»денг.
–Ҳайратлансангиз «Субҳаналлоҳ»денг.
–Мақтасангиз «Ма ша Аллоҳ»денг.
–Рахмат айтсангиз «Жазакаллох»денг.
–Афсуслансангиз«Астағфируллоҳ»денг.
–Кузатсангиз «Фий амааниллах» денг.
–Берсангиз «Фий сабиллах »денг.
–Ўлимни эшитсангиз «Инна лиллах »денг.
–Акса урсангиз «Алҳамдулиллаҳ» денг.
–Қийинчилик етса «Ё Аллоҳ » денг.

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
19.04.202513:20
☝️​​​​ЁСИН СУРАСИ ФАЗИЛАТИ

Расулуллоҳ соллаллоҳу алайҳи ва саллам: “Ким кун аввалида Ёсин сурасини ўқиса, ҳожатлари раво этилади”, деб айтганлар.
Қайси бир банда тонг отганида Ёсин сурасини ўқиса, Аллоҳ унинг гуноҳларини кечиради. Бундан ташқари Қуръонни ўн марта хатм қилиш савобини олади, барча ҳожатлари раво этилади. Демак, бошига ташвиш тушган, оғир аҳволда қолган киши Ёсин сурасини ўқиса, Аллоҳ унга нажот беради, мурод-мақсадига етади.
Аслида ҳар хил бидъат-хурофотлар ўрнига Аллоҳ ва Расули буюрган ишлар қилинса, мушкуллар арийди, қийинчилик бартараф этилади. Бидъатлар ҳеч қандай фойда бермайди. Қолаверса, хурофий одатлар анча-мунча сарф-харажат талаб қилади. Бу ҳам етмаганидек, банда ирим-сиримлар туфайли гуноҳга ботади.

Ибн Аббос розияллоҳу анҳу шундай деган: “Ким тонг отганда Ёсин сурасини ўқиса, кечгача куни енгил ўтади. Ким уни тун аввалида ўқиса, тонггача туни енгил ўтади”.
Биз мўмин-мусулмонларга фақат охират саодати эмас, дунѐда ҳам муваффақият қозониш йўллари ўргатилган. Буни мана шу ривоят мисолида кўриш мумкин.

Яҳѐ ибн Абу Касир айтади: “Ким тонг отганда Ёсин сурасини ўқиса, кечгача хурсандчиликда бўлади. Ким уни кеч кирганда ўқиса, тонг отгунча хурсандчиликда бўлади. Буни тажрибада синаган одам бизга хабар қилишича, Ёсин сураси Қуръоннинг қалбидир”.

Демак, Ёсин сураси қуйидаги фазилатларга эга:
1. Ёсин – Қуръоннинг қалби;
2. Ёсин сураси ўқилса, руҳнинг танадан чиқиши осонлашади;
3. Ёсинни ўқиган кишига Қуръонни ўн марта хатм қилиш савоби берилади;
4. Ёсинни ихлос билан ўқиган банда гуноҳлари кечирилади;
5. Тонгда ѐки кеч кирганда Ёсин сурасини тиловат қилган одамнинг мушкуллари осон бўлади, ҳожатлари раво этилади.

Ибн Аббос розияллоҳу анҳудан ривоят қилинишича, Набий соллаллоҳу алайҳи ва саллам: “Ёсин сураси умматимдан ҳар бир инсон қалбида бўлишини хоҳлардим”, деганлар. Шунинг учун ҳар бир мўмин-мусулмон банда Ёсин сурасини ўқиб-ўрганса, ѐд олса, Расулуллоҳ соллаллоҳу алайҳи ва саллам тавсияларига мувофиқ иш бўлади.

"Қуръон - қалблар шифоси" китобидан.

✅❗️Бу маълумотни имкон борича бошқа гуруппаларга ҳам етказайлик! Аллоҳ рози бўлсин!

Halovatuz

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
28.04.202505:09
Чап томонда вазни 77 кг бўлган қон тозаловчи қурилма. 4 соатда 250 литр қонни 68% тозалайди.

Аллоҳ таоло яратган буйракнинг вазни 300 грам бўлиб, бир кунда 2500 литр қонни 100% тозалайди.

Бас, Роббингизнинг қайси неъматларини ёлғон дея олурсиз?
(Ар-Рахман Сураси, 21-Оят)


𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
15.05.202523:07
#Бuсмuллаҳ
Ассаламу алайкум ва рахматиллоху ва барокатуҳ !!!

Дунё ва охират султони, қиёмат кунининг
подшоҳи бўлган яккаю ягона АЛЛОҲ га битмас туганмас гўзал
ҳамду санолар бўлсин!!!

Пайғамбаримиз Муҳаммад Мустафо саллаллоҳу алайҳи васалламга у зотнинг табаррук макомларига яраша маъноларга бой бўлган гўзал салавоту дурудлар бўлсин!!!  

Барча мўмин ва муслималарни АЛЛОҲ ўз паноҳида  асрасин!!! Икки дунё саодатига эриштирадиган амалларга йўллаб қўйсин. Кунингиз хайр-барокатли, файз ва мазмунли ўтсин.
Муборак жуманинг барча хойриётлари барчамизга бўлсин. Каҳф сурасини ўқишни унутманг.

‌‌𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
24.04.202501:36
#Ислом нима?

– Мулойим сўзлаш:
«Овозингни пасайтир» (Луқмон сураси, 19-оят);

– Тўғри юриш:
«Ер юзида кибр-ҳаво ила юрма» (Луқмон сураси, 18-оят);

– Кўзни тийиш:
«Баъзиларни баҳраманд қилган нарсаларга (ҳавасла) назар солма!» (Ҳижр сураси, 88-оят)

– Қулоқни тийиш:
«Жосуслик қилманглар» (Ҳужурот сураси, 12-оят)

– Тўғри ейиш:
«Енглар, ичинлар, лекин исроф қилманглар» (Аъроф сураси, 31-оят).

– Тилни тийиш:
«Одамларга яхши гаплар айтинг» (Бақара сураси, 83-оят).

Ислом ҳаётингни ислоҳ қилади. У бахтингнинг кафилидир!!!

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
06.05.202502:17
Асримиздаги  энг катта ўғри-бу уяли телефонлардир.

У маҳорат билан  ақлларни, вақтларни, қувват ва алоқаларни ўғирлади.

У  ҳаётимиздаги қанча бахтли онларимиздан бизни маҳрум қилди.

Умрларимизни  зимдан ўғирлади.

Ҳаттоки оилаларни  парчалаб, бузиб ташлади.

Энг ажабланарлиси эса,
ўша ўғрини биз ўз қўлларимиз  билан уйларимизга олиб кирдик.

У эса бизнинг энг қадрли, энг қимматбахо нарсаларимизни ўғирлаб олди.
Ҳатто хотиржамлик ва оромни, тафаккур ва мулоҳазагача ўғирлаб кетди.

Ҳар сафар телефон экранига боққанимизда,
ўзимиздан бир бўлакни йўқотиб, энг яқинларимиздан узоқлашамиз.

Мана шу кичиккина қўлимиздаги жихоз-узоқни яқин қилувчи, деб тарифланди.

Аслида эса у- яқинларни узоқ қилувчи орага қалин девор урган маккор бўлиб чиқди.

Қувончимиз телефонда бўлиб қолди,
Қайғу келса телефондагилар билан бўлишамиз.
Оғир дамда ундан мадад кутамиз, нега?

Чунки атрофда бизни тушунадиган,
бизнинг ҳис- туйғуларимизни,
фикрларимизни ҳурмат қилувчи инсон қолмади, ҳамма банд.

Авваллари оила раҳбари бўлган ота, уйга қайтганида бошини баланд кўтариб, болаларга олинган ширинликка қўшиб,
аёли учун чўнтагида беркитган хос "эътибори"- бир дона шоколад билан кириб келса,

Бугунги оталарни бошлари қўлидаги телефонга энгашган,
ёки қулоғида телефон,
кимгадир илтифот билан гапириб ёки кимнидир бор овози билан сўкаётган холда кириб келади.

Салом беришга шошган жуфтига жим деган аломатни кўрсатади.
Она эса отага салом бергани югурган болаларни йўлини тўсиб,
жим адангиз гаплашяпти, қайтинглар,- дейди

Аёл ҳам ошхонага қайтиб овқати пишгунча уни тушуниб кўнглини оладиган энг яқинини қўлига олади.

Болалар ҳам ортга қайтиб бошларини "силовчини" 
телефондан қидиради.

Уйда ўтирган она ишдан қайтган ўғли бўшашини кутиб тиқ этса эшикка қараб ўтиради.

Ота  ҳам боласини гапдан қўймай деб индамай кўчага чиқиб кетади

Таналаримиз бир жойда, қалбларимиз фикрларимиз бошқа-бошқа заминларда яшамоқда.

Унданда хатарлиги, у ҳаёни ўғирлаб кетди.
Ҳамма хонасида у билангина ёлғиз қолишни истайди.
У бўлган ерда бола онага, эркак аёлига боқмайди.

Кўзлардан меҳр, юзлардан илиқлик нури кетди.
Она қизини чақирса "уфф", деб жавоб беради.
Ўғил отага қараб "яна нимаа" дегандай энса қотиради.
Келин ҳам янги хонадондан янги ахборотлар ташийди.
Қайнона шу ёшда сериал кутиб яшайди.

Авваллари фақат табиати бузуқ кишилар бузуқлик қилса,
Бугун кўчада туппа тузиклар,
уйида у билан бузуқлик қилади.

Аввалги онаси ўпмаганларни кўчама- кўча совчилар кидирса,

Бугун улар жуфтларини ижтимоий тармоқдан қидиради.

Ким, қанақа, бўйи, вазни, табиати, қизиқишигача ҳамма билади.

Қўйнимда бир ёру, кўнглимда бир ёр, деб куйлаган беҳаёлар бугун ҳар уйда бор.

Балоғатга етмаган қизлар тўртинчи хотин бўлиб қасрда яшашни орзу қилишади.

Қарига тегсада пулига эга чиқиб узоқ келажакни кўзлашади.

Оталар қизи тенгни излаб, йигирма йиллик аёлини хор қилади.

Мўъмина бўлганлар дардини Аллоҳдан бошқага айтишга ор қилади.

Эй мўъминлар ғафлат тушлардан  уйғонинг,
қанча лаззат изламанг ўлим келиб бўғзингиздан олади.

Еганни қусмоғи бор, ҳар бир жиноятни қаттиқ жавоби бор.

Аллоҳ қадарингизга ёзганларга бир кўз очиб қаранг, уларни сочига оқ тушган бўлсада, улар сизга содиқлардир.

Уларни қуввати кетган бўлсада, сизни асл меҳрибонларингиздир.

Пулингиз эмас, меҳрингиз тиламчиларига бир боқинг,

Ҳаёт давомчиларингизга бир боқинг.
Кўзингиз юмилмай охирги марта бир боқинг.

Бу тунда Жаҳаннам эгаларига шаҳват эшиклари очиқ.

Бу тунда Жаннат эгаларига тавба эшиклари очиқ.

Бу тун қанча  инсонлар учун охирги тун бўлади...

Лекин унинг охирги эканлигини фақат Яратувчи билади.

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
19.04.202523:34
Agar allah istamasa, siz uni hidoyat qila olmaysiz, magaram allah kimni istasa unga oʻzi hidoyat beradi.


𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
Post media background
Post media
12.05.202523:57
Бир ҳаким зотдан сўрадилар:
— Қанча есам бўлади?
— Очликдан юқори, тўқликдан пастроқ.

— Қанчалик кулайин?
— Юзинг ёришсин, овозинг кўтарилмасин.

— Қанчалик йиғлайин?
— Аллоҳдан қўрқиб йиғлашда ҳеч ҳам малолланма (унда чегара йўқ).

— Солиҳ амалимни қанчалик яширай?
— Имконинг қадар.

— Уни қанчалик ошкор қилай?
— Бошқаси сенга эргашгунга қадар.

— Одамлар мақтаса қанчалик хурсанд бўлай?
— Аллоҳ сендан розими ёки норозими? Шу нарсани билишинг қадар.

‌‌𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
02.05.202517:02
#Ҳикмат

Қалб касаллиги олти нарсадан пайдо бўлади:

☑️ 1. Тавба умидида гуноҳ қилавериш.

☑️ 2. Амал қилмаган ҳолда таълим олавериш.

☑️ 3. Амал қилганда ҳам ихлоссиз бўлиш.

☑️ 4. Аллоҳнинг ризқини шукр қилмасдан еявериш.

☑️ 5. Аллоҳнинг тақсимотига рози бўлмаслик.

☑️ 6. Ўликларни кўмиб ибратланмаслик.

Ҳасан Басрий роҳимаҳуллоҳ.

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌
登录以解锁更多功能。