Farrux Jabborbek
06.05.202516:48
Uch o‘git
Ulug‘ pir bir qarasa, yaxshi-yu hali yosh shogirdi boshqalarga saboq berayotgan ekan.
– Xomligingcha mayiz bo‘libsan, – deya tanbeh beribdilar.
25 yoshimda "Oila va jamiyat" gazetasi bosh muharriri o‘rinbosari, ayniqsa, 27 yoshimda "Ma‘rifat" gazetasi bosh muharririning birinchi o‘rinbosari bo‘lganimda ushbu sufiyona rivoyatni o‘qib qolib mazam qochgan. (U paytlar matbuot hali kuchda edi va markaziy gazetalar rahbarligi yaxshigina lavozim hisoblanardi).
"Ma’rifat" tahririyatining muhtasham kabinetida o‘tirib, Behzod Qobul bilan ikkinchi va uchinchi o‘gitni ham eslaganmiz.
– Chaqirtikanning qirralari tashqariga bo‘ladi, nari borsa birovning oyog‘iga kiradi, tovondan sug‘irilib nari otiladi. Olmosning qirralari esa ichkariga yo‘nalgan. Shu bois ham mustahkam, ham chiroyli va qimmatbaho. Har qancha serqirra bo‘lmang, nayzalarni ichingizga qarating, – deya aqllilik qilganim yodimda.
Behzod Qobul uchinchi o‘gitni aytgan edi:
– Odam 30 yoshgacha yig‘ishi, yig‘inishi kerak. Mol-davlat emas, ilm va tajriba to‘plashi va tarang holatga kelishi zarur. Purijina qancha siqilsa, erkin qo‘yvorilganidan keyin shuncha uzoqqa sakraydi...
🗄Farrux Jabborbek
Ulug‘ pir bir qarasa, yaxshi-yu hali yosh shogirdi boshqalarga saboq berayotgan ekan.
– Xomligingcha mayiz bo‘libsan, – deya tanbeh beribdilar.
25 yoshimda "Oila va jamiyat" gazetasi bosh muharriri o‘rinbosari, ayniqsa, 27 yoshimda "Ma‘rifat" gazetasi bosh muharririning birinchi o‘rinbosari bo‘lganimda ushbu sufiyona rivoyatni o‘qib qolib mazam qochgan. (U paytlar matbuot hali kuchda edi va markaziy gazetalar rahbarligi yaxshigina lavozim hisoblanardi).
"Ma’rifat" tahririyatining muhtasham kabinetida o‘tirib, Behzod Qobul bilan ikkinchi va uchinchi o‘gitni ham eslaganmiz.
– Chaqirtikanning qirralari tashqariga bo‘ladi, nari borsa birovning oyog‘iga kiradi, tovondan sug‘irilib nari otiladi. Olmosning qirralari esa ichkariga yo‘nalgan. Shu bois ham mustahkam, ham chiroyli va qimmatbaho. Har qancha serqirra bo‘lmang, nayzalarni ichingizga qarating, – deya aqllilik qilganim yodimda.
Behzod Qobul uchinchi o‘gitni aytgan edi:
– Odam 30 yoshgacha yig‘ishi, yig‘inishi kerak. Mol-davlat emas, ilm va tajriba to‘plashi va tarang holatga kelishi zarur. Purijina qancha siqilsa, erkin qo‘yvorilganidan keyin shuncha uzoqqa sakraydi...
🗄Farrux Jabborbek
30.04.202508:18
#fikr #savol
Xalq kimlarni koʻp tinglasa, jamiyatda oʻsha toifa yaxshi yashaydi.
Masalan, bizda "artis"lar davrini surayotgani uchun oʻzlari aybdor emas. Diniy voizlarning oshig‘i olchiligi ham ommaning ularga someligi bilan bog‘liq.
Otarchini eshitish nima beradi-yu, imom-domlaga quloq tutish qanday ahamiyatga ega?
Xalq o‘zi nima istaydi? O‘sha istagiga erishish uchun kimlarga ergashishi kerak?..
🗄Farrux Jabborbek
Xalq kimlarni koʻp tinglasa, jamiyatda oʻsha toifa yaxshi yashaydi.
Masalan, bizda "artis"lar davrini surayotgani uchun oʻzlari aybdor emas. Diniy voizlarning oshig‘i olchiligi ham ommaning ularga someligi bilan bog‘liq.
Otarchini eshitish nima beradi-yu, imom-domlaga quloq tutish qanday ahamiyatga ega?
Xalq o‘zi nima istaydi? O‘sha istagiga erishish uchun kimlarga ergashishi kerak?..
🗄Farrux Jabborbek
24.04.202516:32
"Til va adabiyot ta’limi" jurnalining taqdimot marosimi va O‘zbekiston xalq shoiri Xurshid Davron bilan ijodiy uchrashuvdan toʻgʻridan-toʻgʻri yoyindan yozib olingan video.
22.04.202504:02
Til bu - imkoniyat. Bir tilni bilgan bir imkonga, toʻrt tilni bilgan toʻrt imkonga ega boʻladi.
Oʻzbek tilini 50 million odam bilishi 50 million imkoniyat degani. 500 million inson esa 500 million imkon - millat uchun, davlat uchun, sarvat uchun!
🗄Farrux Jabborbek
Oʻzbek tilini 50 million odam bilishi 50 million imkoniyat degani. 500 million inson esa 500 million imkon - millat uchun, davlat uchun, sarvat uchun!
🗄Farrux Jabborbek
18.04.202515:20
#hayot
Biz nega sodda, samimiy odamlarni ko‘rsak, beixtiyor xursand bo‘lib ketamiz?
Quvonchimizning tub-tubida bu bo‘sh-bayov odamlar biz bilan raqib bo‘lolmasligidan xotirjamlik hissi yotmasmikan?! Oziq-ovqat, mol-davlat, obro‘-e’tibor uchun kurashda...
Shu VIDEOni ko‘rib shu haqda o‘yladim.
🗄Farrux Jabborbek
Biz nega sodda, samimiy odamlarni ko‘rsak, beixtiyor xursand bo‘lib ketamiz?
Quvonchimizning tub-tubida bu bo‘sh-bayov odamlar biz bilan raqib bo‘lolmasligidan xotirjamlik hissi yotmasmikan?! Oziq-ovqat, mol-davlat, obro‘-e’tibor uchun kurashda...
Shu VIDEOni ko‘rib shu haqda o‘yladim.
🗄Farrux Jabborbek
15.04.202507:38
Kecha hayotimdagi eng quvonchli voqealardan biri bo‘ldi. Turkiy dunyoning katta shoiri Yo‘ldosh Eshbekka ikki xonali uy sovg‘a qilindi.
Ramazon oyining so‘nggi kunlari "O‘zbek katta el...mi?" degan savol ostida yalpi xayriya harakati boshlanib ketgan edi. Beixtiyor, birdaniga... O‘zim ham shoshib qoldim, ochig‘i.
Ming so‘mdan bir necha million so‘mgacha mablag‘ kelib tushishda davom etmoqda. (Savob iqtisodiy mezonlarda o‘lchanmasligi, bir g‘isht qo‘ygan butun binoni qurgandan ham ziyoda ko‘rilishi mumkin.) “Akademnashr” nashriyoti Yo‘ldosh Eshbek tarjimasi bilan chiqqan “Turk she’riyati antologiyasi”ning 690 donasini xayriya uchun ajratdi. Shu paytgacha misqollab yig‘ilgan summa 90 million so‘mga yaqinlashdi.
Yaxshi odamlar Yo‘ldosh akaning sog‘lig‘i bilan alohida shug‘ullanmoqda. Dori-darmon bilan ta’minlab turishibdi. Ba’zilar o‘z ota-onasiga ham bunday qaramaydi, rosti.
Xayrli ishga daxldor bo‘lish istagini bildirganlar, jonkuyar yurtdoshlarimizdan tortib yuqori doira vakillarigacha biz bilan bog‘landi. Bir necha yo‘nalishlarda katta marralarni ko‘zlab harakat boshlandi. Ular orasida tadbirkor Marat Hamdamov hammadan o‘zib ketdi (lekin boshqalar shu bilan bo‘ldi, deya qo‘l siltab ketmasligidan umidvorman).
Kecha O‘zbekiston Yozuvchilar uyushmasida Yo‘ldosh Eshbekka “Sergeli city” majmuasidan ikki xonali uy hujjatlari topshirilibdi. Eshitib behad quvondim. Nasib etsa, sentabr oyida shoirni oilasi bilan birga yangi uyga ko‘chirib o‘tkazamiz. Shu ishga bosh qo‘shganlarning barchasini, xususan, Marat Hamdamov, Mahmud Namozovni olqishlayman. Siz ham duo qiling!
Aytgancha, shanba kuni “Til va adabiyot ta’limi” jurnali uchun Ernest Kurtveliyev, Akmal Murod, Orzu A’zam bilan birgalikda Yo‘ldosh Eshbekni maxsus fotosyomka qildik. Suratlar jurnal bisotidan.
🗄Farrux Jabborbek
Ramazon oyining so‘nggi kunlari "O‘zbek katta el...mi?" degan savol ostida yalpi xayriya harakati boshlanib ketgan edi. Beixtiyor, birdaniga... O‘zim ham shoshib qoldim, ochig‘i.
Ming so‘mdan bir necha million so‘mgacha mablag‘ kelib tushishda davom etmoqda. (Savob iqtisodiy mezonlarda o‘lchanmasligi, bir g‘isht qo‘ygan butun binoni qurgandan ham ziyoda ko‘rilishi mumkin.) “Akademnashr” nashriyoti Yo‘ldosh Eshbek tarjimasi bilan chiqqan “Turk she’riyati antologiyasi”ning 690 donasini xayriya uchun ajratdi. Shu paytgacha misqollab yig‘ilgan summa 90 million so‘mga yaqinlashdi.
Yaxshi odamlar Yo‘ldosh akaning sog‘lig‘i bilan alohida shug‘ullanmoqda. Dori-darmon bilan ta’minlab turishibdi. Ba’zilar o‘z ota-onasiga ham bunday qaramaydi, rosti.
Xayrli ishga daxldor bo‘lish istagini bildirganlar, jonkuyar yurtdoshlarimizdan tortib yuqori doira vakillarigacha biz bilan bog‘landi. Bir necha yo‘nalishlarda katta marralarni ko‘zlab harakat boshlandi. Ular orasida tadbirkor Marat Hamdamov hammadan o‘zib ketdi (lekin boshqalar shu bilan bo‘ldi, deya qo‘l siltab ketmasligidan umidvorman).
Kecha O‘zbekiston Yozuvchilar uyushmasida Yo‘ldosh Eshbekka “Sergeli city” majmuasidan ikki xonali uy hujjatlari topshirilibdi. Eshitib behad quvondim. Nasib etsa, sentabr oyida shoirni oilasi bilan birga yangi uyga ko‘chirib o‘tkazamiz. Shu ishga bosh qo‘shganlarning barchasini, xususan, Marat Hamdamov, Mahmud Namozovni olqishlayman. Siz ham duo qiling!
Aytgancha, shanba kuni “Til va adabiyot ta’limi” jurnali uchun Ernest Kurtveliyev, Akmal Murod, Orzu A’zam bilan birgalikda Yo‘ldosh Eshbekni maxsus fotosyomka qildik. Suratlar jurnal bisotidan.
🗄Farrux Jabborbek
03.05.202503:24
#hayot
Oʻtkir qizlarga uylaninglar, yorqin qizlarga uylaninglar, deyman uka joʻralarimga.
Tabiiy tanlanish qonuni shunday: har bir tur kuchli nasl qoldirish uchun kuchli juft tanlaydi. Faqat biz ijtimoiy jonzotlar xotinimiz oʻzimizdan zaifroq, aqlsizroq, uquvsizroq boʻlishini xohlaymiz. Oilada ustunlikni berib qoʻyishdan qoʻrqamiz. Qoʻrqoqmiz.
Dilorom Karimova "Poʻrtana" kinoromanida shaxs ayollar farzandsiz oʻtishi, bundayroqlar ketma-ket tugʻib tashlashi, oqibatda insoniyat maydalashib borayotganidan yozgʻirgan. Toʻgʻri!
Kuchli ayol oʻzidan kuchli erkakni qidiradi. Kuchli erkak esa mehribon ayol qidiradi. Dyuma aytganmidi?! Oxir-oqibat aqlli (smart) qizlar oila qurishi kechikadi. Bundan ham ayanchlisi, toq oʻtadi koʻpi...
Uka-joʻralarimga bot-bot aytarim: Sizlar yorqin qizlarga uylanishdan qoʻrqib millat genofondiga, insoniyat genofondiga xiyonat qilyapsizlar!!!
🗄Farrux Jabborbek
Oʻtkir qizlarga uylaninglar, yorqin qizlarga uylaninglar, deyman uka joʻralarimga.
Tabiiy tanlanish qonuni shunday: har bir tur kuchli nasl qoldirish uchun kuchli juft tanlaydi. Faqat biz ijtimoiy jonzotlar xotinimiz oʻzimizdan zaifroq, aqlsizroq, uquvsizroq boʻlishini xohlaymiz. Oilada ustunlikni berib qoʻyishdan qoʻrqamiz. Qoʻrqoqmiz.
Dilorom Karimova "Poʻrtana" kinoromanida shaxs ayollar farzandsiz oʻtishi, bundayroqlar ketma-ket tugʻib tashlashi, oqibatda insoniyat maydalashib borayotganidan yozgʻirgan. Toʻgʻri!
Kuchli ayol oʻzidan kuchli erkakni qidiradi. Kuchli erkak esa mehribon ayol qidiradi. Dyuma aytganmidi?! Oxir-oqibat aqlli (smart) qizlar oila qurishi kechikadi. Bundan ham ayanchlisi, toq oʻtadi koʻpi...
Uka-joʻralarimga bot-bot aytarim: Sizlar yorqin qizlarga uylanishdan qoʻrqib millat genofondiga, insoniyat genofondiga xiyonat qilyapsizlar!!!
🗄Farrux Jabborbek
29.04.202515:56
Shoir Yoʻldosh Eshbek uchun boshlangan xayriya aksiyasi MY5 telekanalining "Gapiring" tok-shousida yoritilibdi.
Lavha muallifi Inobat Ahatova mavzuning toshi-tarozisini joy-joyiga qo‘ygan. Ayniqsa, dunyo ko‘rgan shoira Tillanisaning mulohazalari o‘rinli.
Agar jahonda ishlayotgan mexanizmlar bizda ham to‘g‘ri yo‘lga qo‘yilganda edi, ijod kishilari ahvolini o‘nglash uchun kartaga pul yig‘ib yurmasdik.
Lavhada umr bo‘yi o‘zbek san’atiga xizmat qilib, umrining poyonida xorlik ko‘rgan san’atkorlardan misol keltirilgan. Afsuski, adabiyot odamlari orasida ham bunaqalar kam emas.
🗄Farrux Jabborbek
Lavha muallifi Inobat Ahatova mavzuning toshi-tarozisini joy-joyiga qo‘ygan. Ayniqsa, dunyo ko‘rgan shoira Tillanisaning mulohazalari o‘rinli.
Agar jahonda ishlayotgan mexanizmlar bizda ham to‘g‘ri yo‘lga qo‘yilganda edi, ijod kishilari ahvolini o‘nglash uchun kartaga pul yig‘ib yurmasdik.
Lavhada umr bo‘yi o‘zbek san’atiga xizmat qilib, umrining poyonida xorlik ko‘rgan san’atkorlardan misol keltirilgan. Afsuski, adabiyot odamlari orasida ham bunaqalar kam emas.
🗄Farrux Jabborbek
21.04.202505:10
#til #soʻz
Norin taomi bilan Norin daryosining bog‘liqligini tushunolmasdim. Bir paytlar krosvord gazetalar "ham ovqat, ham daryo" deb yozsa, bo‘sh kataklar "norin" deb to‘ldirilardi.
Moʻgʻulcha lugʻatni varaqlab oʻtirib koʻzim tushib qoldi: "narin" yupqa, ingichka degani ekan. Demak, taom nomiga xamirining qanday kesilishi asos boʻlgan. Sirdaryoning bir irmogʻi Norin atalganida oʻzanining shakli eʼtiborga olingan chiqar.
Tushlikka norin yeng endi)))
🗄Farrux Jabborbek
Norin taomi bilan Norin daryosining bog‘liqligini tushunolmasdim. Bir paytlar krosvord gazetalar "ham ovqat, ham daryo" deb yozsa, bo‘sh kataklar "norin" deb to‘ldirilardi.
Moʻgʻulcha lugʻatni varaqlab oʻtirib koʻzim tushib qoldi: "narin" yupqa, ingichka degani ekan. Demak, taom nomiga xamirining qanday kesilishi asos boʻlgan. Sirdaryoning bir irmogʻi Norin atalganida oʻzanining shakli eʼtiborga olingan chiqar.
Tushlikka norin yeng endi)))
🗄Farrux Jabborbek
18.04.202508:11
Sirdaryo viloyati hokimi Erkinjon Turdimov davlat idoralari rahbar xodimlaridan diktant olgani tarmoqda tarqamoqda.
Qayd etilishicha, sogʻliqni saqlash boshqarmasida 9 nafardan 6 nafari, “Hududiy elektr tarmoqlari”da 5 nafardan 4 nafari, “Oʻztelekom” AJ Sirdaryo filialida 10 nafardan 7 nafari, “Oʻzbekiston pochtasi” AJ viloyat filialida 8 nafardan 4 nafari qoniqarsiz baho olgan.
Eng qizig‘i, mana shu ko‘rsatkich sohalardagi umumiy ahvol haqida tasavvur beradi. Joylarda islohotlar samaradorligi ham bundan baland emasligi aniq. Yana, biz savod nima kerak, yozganimni tushunib olsa bo‘ldi-da, ona tili umuman foydasiz fan, deydigan savodsizlarni qahramon qilib yuramiz😭
🗄Farrux Jabborbek
Qayd etilishicha, sogʻliqni saqlash boshqarmasida 9 nafardan 6 nafari, “Hududiy elektr tarmoqlari”da 5 nafardan 4 nafari, “Oʻztelekom” AJ Sirdaryo filialida 10 nafardan 7 nafari, “Oʻzbekiston pochtasi” AJ viloyat filialida 8 nafardan 4 nafari qoniqarsiz baho olgan.
Eng qizig‘i, mana shu ko‘rsatkich sohalardagi umumiy ahvol haqida tasavvur beradi. Joylarda islohotlar samaradorligi ham bundan baland emasligi aniq. Yana, biz savod nima kerak, yozganimni tushunib olsa bo‘ldi-da, ona tili umuman foydasiz fan, deydigan savodsizlarni qahramon qilib yuramiz😭
🗄Farrux Jabborbek
14.04.202503:19
#adabiyot
#Oybek
#hayot
Pandemiya payti karantin kunlarim asosan Oybekning faoliyatini o‘rganish bilan kechgan. Badiiy filmga senariy yozishim kerak edi.
Chiqargan xulosam #1: hasadgo‘ylar Oybekning ustidan shikoyat yozib umrini sovurgan. U esa o‘zini ozroq anoyi, beg‘am tutib, ijodini qilavergan. Masalan, 1937-yili Yozuvchilar uyushmasi a’zoligidan oʻchirilib, Til va adabiyot institutidan haydalganidan so‘ng "Qutlug‘ qon" romanini, urush yillari esa "Navoiy" romanini yozgan.
To‘g‘ri, avvaliga Oybek ham kurashib ko‘rgan, keyin esa zarbalarga chap berib turgan, ba’zida qarshi hujumga o‘tganday bo‘lgan. Lekin bu dunyoda missiyasi nima ekanini yaxshi anglagan va imkon qadar maqsaddan og‘ishmagan.
Oxirida kim yutdi? Siz ham Oybekday yo‘l tuting! Xitoy maqolida aytilganidek, baland qoyaga chiqib kutsang, dushmanlaring jasadi oyoqlaring ostidagi soydan oqib o‘tadi.
🗄Farrux Jabborbek
#Oybek
#hayot
Pandemiya payti karantin kunlarim asosan Oybekning faoliyatini o‘rganish bilan kechgan. Badiiy filmga senariy yozishim kerak edi.
Chiqargan xulosam #1: hasadgo‘ylar Oybekning ustidan shikoyat yozib umrini sovurgan. U esa o‘zini ozroq anoyi, beg‘am tutib, ijodini qilavergan. Masalan, 1937-yili Yozuvchilar uyushmasi a’zoligidan oʻchirilib, Til va adabiyot institutidan haydalganidan so‘ng "Qutlug‘ qon" romanini, urush yillari esa "Navoiy" romanini yozgan.
To‘g‘ri, avvaliga Oybek ham kurashib ko‘rgan, keyin esa zarbalarga chap berib turgan, ba’zida qarshi hujumga o‘tganday bo‘lgan. Lekin bu dunyoda missiyasi nima ekanini yaxshi anglagan va imkon qadar maqsaddan og‘ishmagan.
Oxirida kim yutdi? Siz ham Oybekday yo‘l tuting! Xitoy maqolida aytilganidek, baland qoyaga chiqib kutsang, dushmanlaring jasadi oyoqlaring ostidagi soydan oqib o‘tadi.
🗄Farrux Jabborbek
01.05.202515:44
#fikr #kuzatuv
Biz oʻzi bilan oʻzi gaplashmay qoʻygan millatmiz. Soʻzlashsak ham, shablonlar asosida soʻzlashamiz. Rasmiy majlislarda-ku, yolgʻon gapirishga oʻrganganmiz. Hatto toʻylarimizda ham chuchmal va balandparvoz tabriklardan nariga oʻtmaymiz. Dildan gurunglashib turaylik. Rost gaplardan gaplashib turaylik. Maqtovlarimiz ham rost boʻlsin – tilyogʻlamalik emas. Tanqidlarimiz ham rost boʻlsin – ichiqoralik emas.
🗄Farrux Jabborbek
Biz oʻzi bilan oʻzi gaplashmay qoʻygan millatmiz. Soʻzlashsak ham, shablonlar asosida soʻzlashamiz. Rasmiy majlislarda-ku, yolgʻon gapirishga oʻrganganmiz. Hatto toʻylarimizda ham chuchmal va balandparvoz tabriklardan nariga oʻtmaymiz. Dildan gurunglashib turaylik. Rost gaplardan gaplashib turaylik. Maqtovlarimiz ham rost boʻlsin – tilyogʻlamalik emas. Tanqidlarimiz ham rost boʻlsin – ichiqoralik emas.
🗄Farrux Jabborbek
27.04.202505:08
#kino
Zvyagintsevning bashorati to‘g‘ri chiqadimi?
O‘ngda ko‘rganlarimizning tahlilini tushda ko‘ramiz. Uxlaganimizda ham miyamiz ishlab turadi. Kun bo‘yi yig‘ilgan axborotni qayta ishlaydi: analiz, sintez, tasnif, talqin qiladi, xulosa chiqaradi. Tushlarning ba’zida kelajakdan ishora berishini ilmiy jihatdan shunday tushuntirish mumkin. Tushda kelingan xulosalar bizni oʻngimizda ham beixtiyor boshqaradi.
Men adabiyot va sanʼatni jamiyatning tushlariga oʻxshataman. Iqtisodiy, siyosiy, ijtimoiy jarayonlar ongli va ongsiz ravishda idrok etib boriladi. Xalq latifa va mishmishlar toʻqiydi. Ziyolilar kitob yozadi, kino oladi. Bashoratgoʻy asarlar paydo boʻlishi sababi shundan.
1990-yillar boshida Sovet Ittifoqi tarqalib ketdi. Temir intizom davridan keyin xalqqa erkinlik kerak edi, Rossiyada shunga mos rahbar davlat tepasiga keldi. Boshboshdoqlik boshlandi. Bunday davom etib boʻlmasligi ommatan anglandi. KGBdan chiqqan odam prezidentga aylanishi va bu yuqori koʻtarinkilik bilan kutib olinishi ijtimoiy hissiy kechinmalar natijasi edi.
Andrey Zvyagintsev jamiyatda kechayotgan jarayonlar silsilasida "Qaytish" (2003) filmini olishga ehtiyoj sezganmikan. Ikki aka-uka bolalik - beboshlik nashidasini surib yuribdi. Lekin ularga ota tarbiyasi kerakligi ham rost. Shunda qamoqdan qaytadi oʻsha qattiqqoʻl kimsa. Onasining oppoq toʻshagida jundor oyoqlarini koʻrpadan chiqarib yotgan erkakni koʻrib bolalar hayron qoladi. Detallar voqealar rivojiga ishora qiladi.
Rahmsiz ota oʻgʻillarining tarbiyasi bilan shugʻullanaman deb qattiqqoʻllikni haddidan oshirib yuboradi. Xoʻrlab tashlaydi. Ukasining tahqirlanishiga chiday olmagan bolakay bexosdan otasini oʻldirib qoʻyadi. (Tafsilotlarda uncha-muncha adashayotgan boʻlishim mumkin, filmni ancha yillar avval koʻrganman.)
Ukrainaga bosqin boshlanganidan keyin, urushdan rus xalqi ham ozmuncha jabr chekmayotganini kuzatib oʻylanib qoldim. Rossiya agar Ona boʻlsa, oddiy xalq agar Uka boʻlsa, jamiyatning elita qatlami filmdagi Akaning ishini qila oladimi?..
Mamlakatda hukm surayotgan turfa holatlarni ongli ravishda ham, gʻayrishuuriy tarzda ham tahlil qilib borgan rejissor Andrey Zvyagintsevning bashorati toʻgʻri chiqadimi?
Zvyagintsevning bashorati to‘g‘ri chiqadimi?
O‘ngda ko‘rganlarimizning tahlilini tushda ko‘ramiz. Uxlaganimizda ham miyamiz ishlab turadi. Kun bo‘yi yig‘ilgan axborotni qayta ishlaydi: analiz, sintez, tasnif, talqin qiladi, xulosa chiqaradi. Tushlarning ba’zida kelajakdan ishora berishini ilmiy jihatdan shunday tushuntirish mumkin. Tushda kelingan xulosalar bizni oʻngimizda ham beixtiyor boshqaradi.
Men adabiyot va sanʼatni jamiyatning tushlariga oʻxshataman. Iqtisodiy, siyosiy, ijtimoiy jarayonlar ongli va ongsiz ravishda idrok etib boriladi. Xalq latifa va mishmishlar toʻqiydi. Ziyolilar kitob yozadi, kino oladi. Bashoratgoʻy asarlar paydo boʻlishi sababi shundan.
1990-yillar boshida Sovet Ittifoqi tarqalib ketdi. Temir intizom davridan keyin xalqqa erkinlik kerak edi, Rossiyada shunga mos rahbar davlat tepasiga keldi. Boshboshdoqlik boshlandi. Bunday davom etib boʻlmasligi ommatan anglandi. KGBdan chiqqan odam prezidentga aylanishi va bu yuqori koʻtarinkilik bilan kutib olinishi ijtimoiy hissiy kechinmalar natijasi edi.
Andrey Zvyagintsev jamiyatda kechayotgan jarayonlar silsilasida "Qaytish" (2003) filmini olishga ehtiyoj sezganmikan. Ikki aka-uka bolalik - beboshlik nashidasini surib yuribdi. Lekin ularga ota tarbiyasi kerakligi ham rost. Shunda qamoqdan qaytadi oʻsha qattiqqoʻl kimsa. Onasining oppoq toʻshagida jundor oyoqlarini koʻrpadan chiqarib yotgan erkakni koʻrib bolalar hayron qoladi. Detallar voqealar rivojiga ishora qiladi.
Rahmsiz ota oʻgʻillarining tarbiyasi bilan shugʻullanaman deb qattiqqoʻllikni haddidan oshirib yuboradi. Xoʻrlab tashlaydi. Ukasining tahqirlanishiga chiday olmagan bolakay bexosdan otasini oʻldirib qoʻyadi. (Tafsilotlarda uncha-muncha adashayotgan boʻlishim mumkin, filmni ancha yillar avval koʻrganman.)
Ukrainaga bosqin boshlanganidan keyin, urushdan rus xalqi ham ozmuncha jabr chekmayotganini kuzatib oʻylanib qoldim. Rossiya agar Ona boʻlsa, oddiy xalq agar Uka boʻlsa, jamiyatning elita qatlami filmdagi Akaning ishini qila oladimi?..
Mamlakatda hukm surayotgan turfa holatlarni ongli ravishda ham, gʻayrishuuriy tarzda ham tahlil qilib borgan rejissor Andrey Zvyagintsevning bashorati toʻgʻri chiqadimi?
23.04.202510:59
Jurnalistning professionalizmiga nechchi baho?
Istanbulda 3,9 va 6,2 magnitudali yer silkinishlari roʻy beribdi. Jonli efirda ko‘rsatuv olib borayotgan jurnalist juda bosiqlik bilan zilzila payti nimalar qilish kerakligini uqtirmoqda. Dod-voy solib, ko‘chaga qochib chiqib ketmagan.
Tangri turkni qo‘risin🤲
🗄Farrux Jabborbek
Istanbulda 3,9 va 6,2 magnitudali yer silkinishlari roʻy beribdi. Jonli efirda ko‘rsatuv olib borayotgan jurnalist juda bosiqlik bilan zilzila payti nimalar qilish kerakligini uqtirmoqda. Dod-voy solib, ko‘chaga qochib chiqib ketmagan.
Tangri turkni qo‘risin🤲
🗄Farrux Jabborbek
20.04.202504:12
Oʻzbekistonda xizmat koʻrsatgan madaniyat xodimi, "Shuhrat" medali sohibi, shoir Yoʻldosh Eshbek uchun yigʻilgan xayriya mablagʻi 92 511 477 soʻmga yetdi. Kartalarga ehson pullari tushishda davom etmoqda.
👉 UZCARD 5614681908452158 (Djabbarov Farrukh)
👉 HUMO 9860060102409871 (Farrukh Djabbarov)
👉 VISA 4195250040623413 (Farrukh Djabbarov)
Hammadan Olloh rozi boʻlsin 🤲
👉 UZCARD 5614681908452158 (Djabbarov Farrukh)
👉 HUMO 9860060102409871 (Farrukh Djabbarov)
👉 VISA 4195250040623413 (Farrukh Djabbarov)
Hammadan Olloh rozi boʻlsin 🤲
17.04.202514:28
#folklor
#tarix
Millatimiz genlarida hujumkorlik xislati o‘chirib qo‘yilgan. Biz himoyada o‘ynashga o‘rganib qolganmiz. Futbol misolida olsak, eng mashhur o‘yinchilarimiz Mirjalol Qosimov, Odil Ahmedov va hatto ancha yosh Abduqodir Husanov ham himoyachi, yarim himoyachi... (sportni uncha tushunmayman, yanglish istilohlarni ishlatib qo‘ysam, tuzatasizlar🙏).
Tarixga boqsak, Amir Temur zamonida, so‘ng Ubaydullaxon, Abdullaxon davrida hujumda o‘ynaganmiz. Asta-sekin toshbaqaga o‘xshab toshkosamizga biqinib boshladik. Abulfayzxon paytiga kelib, aytadilarki, poytaxtning markaziy maydoni tinch bo‘lsa kifoya, deyishgacha bordik. Keyin Nodirshoh bosqini ro‘y berdi.
Xudoyorxonga Oqmajitni o‘ris olibdi, degan xabar kelganda, bir oylik yo‘lda bo‘lsa, unaqa olis joylar kerak emas menga, degan ekan. Anglamadikki, hobgohing tinch bo‘lishi uchun borgohing, borgohing tinch bo‘lishi uchun dargohing, dargohing tinch bo‘lishi uchun esa poygohing tinch bo‘lishi kerak.
Eng yaxshi himoya – hujum, degan gap mashhur, kim aytganini bilmadim, harholda, o‘zbek xalq maqoli emasligi aniq. Bo‘lsin!
🗄Farrux Jabborbek
#tarix
Millatimiz genlarida hujumkorlik xislati o‘chirib qo‘yilgan. Biz himoyada o‘ynashga o‘rganib qolganmiz. Futbol misolida olsak, eng mashhur o‘yinchilarimiz Mirjalol Qosimov, Odil Ahmedov va hatto ancha yosh Abduqodir Husanov ham himoyachi, yarim himoyachi... (sportni uncha tushunmayman, yanglish istilohlarni ishlatib qo‘ysam, tuzatasizlar🙏).
Tarixga boqsak, Amir Temur zamonida, so‘ng Ubaydullaxon, Abdullaxon davrida hujumda o‘ynaganmiz. Asta-sekin toshbaqaga o‘xshab toshkosamizga biqinib boshladik. Abulfayzxon paytiga kelib, aytadilarki, poytaxtning markaziy maydoni tinch bo‘lsa kifoya, deyishgacha bordik. Keyin Nodirshoh bosqini ro‘y berdi.
Xudoyorxonga Oqmajitni o‘ris olibdi, degan xabar kelganda, bir oylik yo‘lda bo‘lsa, unaqa olis joylar kerak emas menga, degan ekan. Anglamadikki, hobgohing tinch bo‘lishi uchun borgohing, borgohing tinch bo‘lishi uchun dargohing, dargohing tinch bo‘lishi uchun esa poygohing tinch bo‘lishi kerak.
Eng yaxshi himoya – hujum, degan gap mashhur, kim aytganini bilmadim, harholda, o‘zbek xalq maqoli emasligi aniq. Bo‘lsin!
🗄Farrux Jabborbek
13.04.202503:47
#adabiyot
#kino
#matbuot
#tarix
Murod Muhammad Doʻstning bu surati "JannatMakon" jurnali uchun olingan. Muqovaga ham bermoqchi boʻlganmiz (shu syomkadan boshqa fotoni). Faxriyor suhbat qilgan edi. Ammo-lekin-biroq Gulnora Karimovaning shotirlari taqiqlagan. Sababi Murod Muhammad Doʻst kinorahbar payti ularning xontaxta filmlarini qaytargan ekan. Mana, qora roʻyxatlar qanday paydo boʻladi. Suhbat biror yildan soʻng "Yoshlik" jurnalida chiqqan (2012-yilgi 2-soni). Koʻp oʻtmay, "JannatMakon" ham jannatmakon boʻlib ketdi. Taqiqchilar taqiqlandi, qamaldi yo qochdi.
Murod Muhammad Doʻstning kinoarboblik yillari haqida oʻzi bilan suhbat qilganman, “Kino san’ati” jurnalining 2019-yil 2-sonida chiqqan. Shu orada feysbukda okaxonning toʻrt enlik posti rosa shov-shuv boʻldi. Xoʻjakoʻrsin islohotlar pufagi tezda yorilishi bashorat qilingan edi. Bu paytda hali jahonda pandemiya boshlanmagan, Buxoroda namunali uy-joylardan iborat butun boshli mahallalarning tomini shamol uchirmagan, Sardoba suvombori yorilmagan, ...magan, ...magan edi.
Adib oʻsha posti uchun urkaltak-surkaltak qilindi. Ayni kunlarda "Oʻzbekiston adabiyoti va sanʼati" gazetasi suhbatni "Kino sanʼati" jurnalidan koʻchirib bosdi va... bosh muharrir Oʻktam Mirzayor lavozimidan uchib ketdi. Bugun esa na jurnal bor, na bu nomdagi gazeta.
Mistik film uchun senariy toʻqimayapman. Oʻzim guvoh boʻlgan voqealarni tigʻizlashtirilgan surʼatda soʻzlab berdim. Yaqin tariximiz tovuq titib tashlagan tomorqaga oʻxshaydi(((.
Kinosuhbatni oʻqishni istasangiz👉 https://oyina.uz/uz/article/2553
#kino
#matbuot
#tarix
Murod Muhammad Doʻstning bu surati "JannatMakon" jurnali uchun olingan. Muqovaga ham bermoqchi boʻlganmiz (shu syomkadan boshqa fotoni). Faxriyor suhbat qilgan edi. Ammo-lekin-biroq Gulnora Karimovaning shotirlari taqiqlagan. Sababi Murod Muhammad Doʻst kinorahbar payti ularning xontaxta filmlarini qaytargan ekan. Mana, qora roʻyxatlar qanday paydo boʻladi. Suhbat biror yildan soʻng "Yoshlik" jurnalida chiqqan (2012-yilgi 2-soni). Koʻp oʻtmay, "JannatMakon" ham jannatmakon boʻlib ketdi. Taqiqchilar taqiqlandi, qamaldi yo qochdi.
Murod Muhammad Doʻstning kinoarboblik yillari haqida oʻzi bilan suhbat qilganman, “Kino san’ati” jurnalining 2019-yil 2-sonida chiqqan. Shu orada feysbukda okaxonning toʻrt enlik posti rosa shov-shuv boʻldi. Xoʻjakoʻrsin islohotlar pufagi tezda yorilishi bashorat qilingan edi. Bu paytda hali jahonda pandemiya boshlanmagan, Buxoroda namunali uy-joylardan iborat butun boshli mahallalarning tomini shamol uchirmagan, Sardoba suvombori yorilmagan, ...magan, ...magan edi.
Adib oʻsha posti uchun urkaltak-surkaltak qilindi. Ayni kunlarda "Oʻzbekiston adabiyoti va sanʼati" gazetasi suhbatni "Kino sanʼati" jurnalidan koʻchirib bosdi va... bosh muharrir Oʻktam Mirzayor lavozimidan uchib ketdi. Bugun esa na jurnal bor, na bu nomdagi gazeta.
Mistik film uchun senariy toʻqimayapman. Oʻzim guvoh boʻlgan voqealarni tigʻizlashtirilgan surʼatda soʻzlab berdim. Yaqin tariximiz tovuq titib tashlagan tomorqaga oʻxshaydi(((.
Kinosuhbatni oʻqishni istasangiz👉 https://oyina.uz/uz/article/2553
30.04.202508:20
Ziyolilarga qachon quloq tutamiz? Propaganda qulligidan qutulganlaridami?
Bu dunyo tujjorlari arzon sotilgach, u dunyo tujjorlarining savdosi ishonchli tuyulyaptimi bizga?
🗄Farrux Jabborbek
Bu dunyo tujjorlari arzon sotilgach, u dunyo tujjorlarining savdosi ishonchli tuyulyaptimi bizga?
🗄Farrux Jabborbek
22.04.202512:26
Toʻychilik, toʻgʻri tushunasizlar, kimga taklifnoma yubordik, kimga yoʻq, xafa boʻlib oʻtirmaysizlar, manzil va vaqtni bilasizlar, oʻtib boraverasizlar 🙏
Bizni til, adabiyot, taʼlim birlashtirmasa, nima birlashtiradi?
Keling. Kutamiz!
📍 Lokatsiya
🗄Farrux Jabborbek
Bizni til, adabiyot, taʼlim birlashtirmasa, nima birlashtiradi?
Keling. Kutamiz!
📍 Lokatsiya
🗄Farrux Jabborbek
20.04.202503:30
Odam katta maqsadlarga iyarib (ergashib) katta odam boʻladi. Mayda maqsadlar esa egasini ham maydalaydi.
Shuhrat Hayit "Oʻzbekiston tarixi" telekanalini yoʻqdan bor qildi. Direktorlikdan ketganida xafa boʻlgandim, rosti...
U hech tinch oʻtirmaydi, doim nimanidir boshlab qoʻygan boʻladi. Ikki yilcha ilgari 100 ta tarixiy hujjatli film qilaman, har biriga hechqursa 10 mln soʻmdan beringlar, deb eshikma-eshik sargʻayib yurgandi. Birov ma senga demagan chiqar. Desa ham, boshqacha maʼnoda degandir.
Bir aylanib, bu gʻoya mamlakatning oliy minbarlarida yangrab qoldi. Bundan tashabbus egasidan kam xursand boʻlmadim. Yana bir muddat oʻtib, maxsus qaror ham chiqdi, adashmasam. Esimda, hammasida "Oʻzbekiston tarixi" telekali tilga olingan edi. Biroq...
Hujjat ustiga hujjat. Xullas, turkum tarixiy filmlar ishlash loyihasi qamrovi kengaytirilib, mazmuni chuqurlashtirilib, Oʻzbekiston kinematografiya agentligi faoliyatiga oid qarorga kiritildi. Bir paytlar jami 100 ta filmga topilmagan mablagʻ endi 1 ta filmga ajratiladi, davlat budjetidan.
Toʻgʻri qaror, albatta. Lekin gʻoya muallifi charxi kajraftor ishlaridan hayron-u lol qolgandir. Bu haqda oʻzi bilan gaplashmaganman, qanday ahvolga tushganini bilmayman.
Oʻsha charxi kajraftorning ishi bilan telekanal rahbarligidan ham ketdi. Oʻsha charxi kajraftorning ishi bilan juda koʻplab issiqqina, yogʻliqqina lavozimlarga takliflar rad etildi. Yoki oʻxshamadi. Chunki Shuhrat Hayit oʻzining ishini qilishi kerak edi.
Ish qaynab yotgan joyga, tizimsizlik mashinasi tasmasini chaynab yotgan joyga huv oʻsha tashabbusini amalga oshirish uchun keldi. Boshqarma boshligʻi boʻlib. Boshogʻrima boshligʻi desayam boʻladi. Boshqotirma boshligʻi desayam boʻlovradi.
Shuhrat Hayitni kinoga "Tirik tarix" (loyiha maʼnosida emas, oʻz maʼnosida qoʻshtirnoqsiz yozish ham mumkin) boshlab keldi. Tarix oʻzining chindan ham tirikligini koʻrsatdi. Isbotladi.
Shuhrat Hayitni mendan yaxshi bilganlar, Shuhrat Hayitga mendan yaqin boʻlganlar yozganlarimni oʻqib, miyigʻida kulib qoʻygandir. Dozani sal oshirsam, oshirvorgandirman. Bari ezgulik yoʻlida. Tizimsizlik bilan toʻqnasha-toʻqnasha, axiri issiqqina va yogʻliqqina joylarga ravona boʻlvormasin deyapman. Gʻarazim shu!
🗄Farrux Jabborbek
Shuhrat Hayit "Oʻzbekiston tarixi" telekanalini yoʻqdan bor qildi. Direktorlikdan ketganida xafa boʻlgandim, rosti...
U hech tinch oʻtirmaydi, doim nimanidir boshlab qoʻygan boʻladi. Ikki yilcha ilgari 100 ta tarixiy hujjatli film qilaman, har biriga hechqursa 10 mln soʻmdan beringlar, deb eshikma-eshik sargʻayib yurgandi. Birov ma senga demagan chiqar. Desa ham, boshqacha maʼnoda degandir.
Bir aylanib, bu gʻoya mamlakatning oliy minbarlarida yangrab qoldi. Bundan tashabbus egasidan kam xursand boʻlmadim. Yana bir muddat oʻtib, maxsus qaror ham chiqdi, adashmasam. Esimda, hammasida "Oʻzbekiston tarixi" telekali tilga olingan edi. Biroq...
Hujjat ustiga hujjat. Xullas, turkum tarixiy filmlar ishlash loyihasi qamrovi kengaytirilib, mazmuni chuqurlashtirilib, Oʻzbekiston kinematografiya agentligi faoliyatiga oid qarorga kiritildi. Bir paytlar jami 100 ta filmga topilmagan mablagʻ endi 1 ta filmga ajratiladi, davlat budjetidan.
Toʻgʻri qaror, albatta. Lekin gʻoya muallifi charxi kajraftor ishlaridan hayron-u lol qolgandir. Bu haqda oʻzi bilan gaplashmaganman, qanday ahvolga tushganini bilmayman.
Oʻsha charxi kajraftorning ishi bilan telekanal rahbarligidan ham ketdi. Oʻsha charxi kajraftorning ishi bilan juda koʻplab issiqqina, yogʻliqqina lavozimlarga takliflar rad etildi. Yoki oʻxshamadi. Chunki Shuhrat Hayit oʻzining ishini qilishi kerak edi.
Ish qaynab yotgan joyga, tizimsizlik mashinasi tasmasini chaynab yotgan joyga huv oʻsha tashabbusini amalga oshirish uchun keldi. Boshqarma boshligʻi boʻlib. Boshogʻrima boshligʻi desayam boʻladi. Boshqotirma boshligʻi desayam boʻlovradi.
Shuhrat Hayitni kinoga "Tirik tarix" (loyiha maʼnosida emas, oʻz maʼnosida qoʻshtirnoqsiz yozish ham mumkin) boshlab keldi. Tarix oʻzining chindan ham tirikligini koʻrsatdi. Isbotladi.
Shuhrat Hayitni mendan yaxshi bilganlar, Shuhrat Hayitga mendan yaqin boʻlganlar yozganlarimni oʻqib, miyigʻida kulib qoʻygandir. Dozani sal oshirsam, oshirvorgandirman. Bari ezgulik yoʻlida. Tizimsizlik bilan toʻqnasha-toʻqnasha, axiri issiqqina va yogʻliqqina joylarga ravona boʻlvormasin deyapman. Gʻarazim shu!
🗄Farrux Jabborbek
16.04.202503:07
#folklor
#rivoyat
Odamlaridan itlari rostgo‘y mamlakat
Qadim zamonda bir erkak ikki guvoh va mulla chaqirib hufyona uylanibdi. Oradan vaqtlar o‘tib xotinini uydan haydab yuboribdi.
Ayol shahar qozisiga arz qilibdi. Er guvohlari bilan borib, bu mening xotinim emas, tanimayman, deya tonibdi.
Qozi uyda it bormi, deb so‘rabdi. Tasdiq javobini olgach, mulozimlariga buyuribdi:
– Bu ayol bilan uyiga boringlar, agar it hursa, u yolg‘on gapirayotgan, indamasa esa eri va guvohlari aldayotgan bo‘ladi, – debdi.
It xotinni ko‘rib dumini likillatib, hursand irg‘ishlay boshlabdi. Mulozimlar voqeani qoziga aytishibdi va yolg‘onchilar jazoga hukm qilinibdi.
– Itlari odamlaridan to‘g‘riroq yurtga balo kelur, – debdi qozi.
Suyarqul Ostonaqul'dan ijodiy ko‘chirma
#rivoyat
Odamlaridan itlari rostgo‘y mamlakat
Qadim zamonda bir erkak ikki guvoh va mulla chaqirib hufyona uylanibdi. Oradan vaqtlar o‘tib xotinini uydan haydab yuboribdi.
Ayol shahar qozisiga arz qilibdi. Er guvohlari bilan borib, bu mening xotinim emas, tanimayman, deya tonibdi.
Qozi uyda it bormi, deb so‘rabdi. Tasdiq javobini olgach, mulozimlariga buyuribdi:
– Bu ayol bilan uyiga boringlar, agar it hursa, u yolg‘on gapirayotgan, indamasa esa eri va guvohlari aldayotgan bo‘ladi, – debdi.
It xotinni ko‘rib dumini likillatib, hursand irg‘ishlay boshlabdi. Mulozimlar voqeani qoziga aytishibdi va yolg‘onchilar jazoga hukm qilinibdi.
– Itlari odamlaridan to‘g‘riroq yurtga balo kelur, – debdi qozi.
Suyarqul Ostonaqul'dan ijodiy ko‘chirma
11.04.202517:13
Qayga borsam, kimni koʻrsam, telefon va telegramdan ham Yoʻldosh Eshbekni so‘rashyapti. Kunda-kunora shoirni muxlislari yoʻqlab turibdi.
Navroʻz doʻstimiz tibbiy ko‘rik xarajatlarini koʻtardi, dori-darmonni yetkazib bermoqda. Oybek oshnamiz esa adibni oʻz bobosiday ko‘rib doim xizmatida. Yana boshqa yaxshi harakatlar ham boshlangan, natijasi bilan suyuntirsin. Koʻpda baraka bor, deganlari rost ekan.
Fursati bilan elga hisob berib qo‘yay dedim:
"Akademnashr" ehson uchun ajratgan 690 ta kitobdan 58 tasi sotildi. Siz ham chetda turmang!
🛒 Kitob sotib olish
Shu paytgacha jami 70 941 275 so‘m yigʻildi. Xayrli ishga bosh qo‘shing!
💳 Ehson qilish
Baqara surasi 273-oyatda aytilganidek, sadaqa va xayr-u ehsonlar ... bilmagan kishi ularni boy deb o‘ylaydigan faqirlargadir. Ularni siymolaridan taniysan, odamlardan xiralik qilib so‘ramaslar. (... uyatlari kuchli bo‘lganidan o‘zlarining hojatmand ekanliklarini yashirib yuradilar. Asl holni bilmagan odam ularni sirtlaridan ko‘rib boy deb o‘ylaydi. Nafaqani xuddi ana o‘shalarga qilish kerak...)
🗄Farrux Jabborbek
Navroʻz doʻstimiz tibbiy ko‘rik xarajatlarini koʻtardi, dori-darmonni yetkazib bermoqda. Oybek oshnamiz esa adibni oʻz bobosiday ko‘rib doim xizmatida. Yana boshqa yaxshi harakatlar ham boshlangan, natijasi bilan suyuntirsin. Koʻpda baraka bor, deganlari rost ekan.
Fursati bilan elga hisob berib qo‘yay dedim:
"Akademnashr" ehson uchun ajratgan 690 ta kitobdan 58 tasi sotildi. Siz ham chetda turmang!
🛒 Kitob sotib olish
Shu paytgacha jami 70 941 275 so‘m yigʻildi. Xayrli ishga bosh qo‘shing!
💳 Ehson qilish
Baqara surasi 273-oyatda aytilganidek, sadaqa va xayr-u ehsonlar ... bilmagan kishi ularni boy deb o‘ylaydigan faqirlargadir. Ularni siymolaridan taniysan, odamlardan xiralik qilib so‘ramaslar. (... uyatlari kuchli bo‘lganidan o‘zlarining hojatmand ekanliklarini yashirib yuradilar. Asl holni bilmagan odam ularni sirtlaridan ko‘rib boy deb o‘ylaydi. Nafaqani xuddi ana o‘shalarga qilish kerak...)
🗄Farrux Jabborbek
显示 1 - 24 共 57
登录以解锁更多功能。