للصدفه المتوسّده عرش الأماني والرجاء
للذكريات اللي تثوّرها مطالب طاعتي
للموعد اللي عرف اوراقي على حروف الهجاء واستوطن اغرب حلم يلهم عاطفة قناعتي
للمهرب اللي في ظلامه قلبي الخايف سجى
عن ريبة التلويح .. بموادع هوى لوّاعتي
كم عاشت آمالٍ تلوّن لي مشاوير الدجى
وخلّت لي الأيّام صورة .. عابرٍ بوداعتي
إن ضعت اناظرها وادور في مسافاتي حجا
واتأمل الصوره ، والاقي بـ النظر شمّاعتي
كل ماتثاقلت المدى قلبي على الذكرى لجا
لجل استمدّ من الخيال عزوميّ وشجاعتي
بين انهيارات السنين المشهد الأغرب نجا
باللحظه اللي وقّفَت فيها عقارب ساعتي
